Library / Tipiṭaka / д̇ибидага • Tipiṭaka / бздагобад̣̇зсабаал̣и • Peṭakopadesapāḷi

    5. бан̃жамабхууми

    5. Pañcamabhūmi

    43. д̇ад̇т̇а гад̇амо хааравибхан̇г̇о? яад̇т̇а сол̣аса хаараа агкарасо бхзд̣̇ам̣ г̇ажчанд̇и. д̇ад̇т̇а аад̣̇имхи д̣̇зсанаахааро. д̇ад̇т̇а аяам̣ г̇аат̇аа гусалаа ваа агусалаа ваа сажжаани ваа сажжзгад̣̇зсо ваа. гим̣ д̣̇зсид̇анд̇и? суд̇д̇з виймам̣саа д̣̇зсанаахааро. яат̇аа арияасажжаани нигкзбо жад̇д̇аари сажжаани саад̇хааран̣аани асаад̇хааран̣аани жа. яаани жа адтаараса бад̣̇аани д̣̇угкад̇о сад̇д̇а бад̣̇аани сан̇кзбзна гааяигзна жзд̇асигзна д̣̇угкзна, аббияасамбаяог̇зна бияавиббаяог̇зна жа д̇ийхи жа сан̇кад̇аахи. д̇ад̇т̇а д̇ийн̣и сан̇кад̇алагкан̣аани д̇иссо д̣̇угкад̇аа уббаад̣̇о сан̇кад̇алагкан̣ам̣, сан̇каарад̣̇угкад̇ааяа д̣̇угкад̇аа жа сан̇кад̇алагкан̣ам̣, вибарин̣аамад̣̇угкад̇ааяа д̣̇угкад̇аад̇и ан̃н̃ат̇ад̇т̇ам̣ жа сан̇кад̇алагкан̣ам̣, д̣̇угкад̣̇угкад̇ааяа жа д̣̇угкад̇аа, имзсам̣ д̇ин̣н̣ам̣ сан̇кад̇алагкан̣аанам̣ д̇ийсу взд̣̇анаабхуумийсу ад̣̇угкамасукаа взд̣̇анаа уббаад̣̇о сан̇кад̇алагкан̣ам̣, сан̇каарад̣̇угкад̇ааяа жа д̣̇угкад̇аа д̇аяо сан̇кад̇алагкан̣ам̣, сукаа взд̣̇анааяа жа вибарин̣аамад̣̇угкад̇ааяа жа д̣̇угкад̇аад̇и ан̃н̃ат̇ад̇д̇ам̣ сан̇кад̇алагкан̣ам̣, д̣̇угкаавзд̣̇анаа д̣̇угкад̣̇угкад̇аа жа д̣̇угкад̇аа имамхи имзсу навабад̣̇зсу батамагзсу сад̇д̇асу бад̣̇зсу сол̣асасу бад̣̇зсу д̣̇угкаа бариязсид̇аб̣б̣аа, згаад̣̇аса д̣̇угкад̇ааяа жа лагкан̣ам̣ нид̣̇д̣̇зсз нид̣̇д̣̇идтам̣. баад̇убхаавалагкан̣аа ж̇аад̇ияаа жа баад̇убхааважуд̇илагкан̣о жуд̇од̇и вид̇т̇аарзна баннарасабад̣̇аани гад̇д̇аб̣б̣аани, звам̣ саад̇хааран̣аани асаад̇хааран̣аани жа сад̇д̇асу д̣̇асасу бад̣̇зсу сан̃н̃ааса д̇ивид̇хз жа саасанаббадтаанз адтаарасавид̇хзсу жа суд̇д̇аад̇хидтаанзсу д̣̇асавид̇хзсу жа суд̇д̇авид̇хзяязсу сол̣асавид̇хзсу жа хаарзсу згавийсад̇ивид̇хааяа жа бавижаяавиймам̣сааяаад̇и ид̣̇ам̣ д̣̇зсид̇ам̣. яат̇аабхууд̇ан̃жа д̣̇зсид̇анд̇и, аяам̣ вужжад̇и д̣̇зсанаахааро.

    43. Tattha katamo hāravibhaṅgo? Yattha soḷasa hārā akkharaso bhedaṃ gacchanti. Tattha ādimhi desanāhāro. Tattha ayaṃ gāthā kusalā vā akusalā vā saccāni vā saccekadeso vā. Kiṃ desitanti? Sutte vīmaṃsā desanāhāro. Yathā ariyasaccāni nikkhepo cattāri saccāni sādhāraṇāni asādhāraṇāni ca. Yāni ca aṭṭhārasa padāni dukkhato satta padāni saṅkhepena kāyikena cetasikena dukkhena, appiyasampayogena piyavippayogena ca tīhi ca saṅkhatāhi. Tattha tīṇi saṅkhatalakkhaṇāni tisso dukkhatā uppādo saṅkhatalakkhaṇaṃ, saṅkhāradukkhatāya dukkhatā ca saṅkhatalakkhaṇaṃ, vipariṇāmadukkhatāya dukkhatāti aññathatthaṃ ca saṅkhatalakkhaṇaṃ, dukkhadukkhatāya ca dukkhatā, imesaṃ tiṇṇaṃ saṅkhatalakkhaṇānaṃ tīsu vedanābhūmīsu adukkhamasukhā vedanā uppādo saṅkhatalakkhaṇaṃ, saṅkhāradukkhatāya ca dukkhatā tayo saṅkhatalakkhaṇaṃ, sukhā vedanāya ca vipariṇāmadukkhatāya ca dukkhatāti aññathattaṃ saṅkhatalakkhaṇaṃ, dukkhāvedanā dukkhadukkhatā ca dukkhatā imamhi imesu navapadesu paṭhamakesu sattasu padesu soḷasasu padesu dukkhā pariyesitabbā, ekādasa dukkhatāya ca lakkhaṇaṃ niddese niddiṭṭhaṃ. Pātubhāvalakkhaṇā jātiyā ca pātubhāvacutilakkhaṇo cutoti vitthārena pannarasapadāni kattabbāni, evaṃ sādhāraṇāni asādhāraṇāni ca sattasu dasasu padesu saññāsa tividhe ca sāsanappaṭṭhāne aṭṭhārasavidhesu ca suttādhiṭṭhānesu dasavidhesu ca suttavidheyyesu soḷasavidhesu ca hāresu ekavīsatividhāya ca pavicayavīmaṃsāyāti idaṃ desitaṃ. Yathābhūtañca desitanti, ayaṃ vuccati desanāhāro.

    44. д̇ад̇т̇а гад̇амо вижаяо хааро?

    44. Tattha katamo vicayo hāro?

    бад̣̇ам̣ бан̃хаа жа бужчаа жа, гим̣ буб̣б̣ам̣ гин̃жа бажчимам̣;

    Padaṃ pañhā ca pucchā ca, kiṃ pubbaṃ kiñca pacchimaṃ;

    ануг̇ийд̇и саа жа вижаяо, хааро вижаяод̇и нид̣̇д̣̇идто.

    Anugīti sā ca vicayo, hāro vicayoti niddiṭṭho.

    бад̣̇анд̇и батамам̣ бад̣̇ам̣. д̇асса го ад̇т̇о? яам̣ бхаг̇аваа будто ааяасмад̇аа аж̇ид̇зна д̇ам̣ г̇ахзд̇аб̣б̣ам̣, гад̇ибад̣̇аани будтаани яат̇аагим̣ гзнассу нивуд̇о логод̇и г̇аат̇аа, имаани гад̇ибад̣̇аани жад̇д̇аари ид̇и висаж̇ж̇анааяа бужчаа. яад̇д̇агзхи бад̣̇зхи бхаг̇авад̇аа висаж̇ж̇ид̇аани бад̣̇аани ид̇и бужчааяа жа яаа бад̣̇аанам̣ сан̇гаасанаа, ид̣̇ам̣ вужжад̇и бад̣̇анд̇и.

    Padanti paṭhamaṃ padaṃ. Tassa ko attho? Yaṃ bhagavā puṭṭho āyasmatā ajitena taṃ gahetabbaṃ, katipadāni puṭṭhāni yathākiṃ kenassu nivuto lokoti gāthā, imāni katipadāni cattāri iti visajjanāya pucchā. Yattakehi padehi bhagavatā visajjitāni padāni iti pucchāya ca yā padānaṃ saṅkāsanā, idaṃ vuccati padanti.

    бан̃хаад̇и имаани жад̇д̇аари бад̣̇аани. гад̇и бан̃хаа? зго ваа д̣̇вз ваа д̇ад̣̇уд̇д̇ари ваа имаани жад̇д̇аари бад̣̇аани зго бан̃хо, ад̇т̇аанубаривад̇д̇и б̣яан̃ж̇анам̣ ход̇и, самб̣ахулааниби бад̣̇аани згамзвад̇т̇ам̣ бужчад̇и. имаани жад̇д̇аари бад̣̇аани анубаривад̇д̇ийни д̇ам̣ б̣яан̃ж̇анзна зго бан̃хова ход̇и. гзнассу нивуд̇о логод̇и логам̣ санд̇хааяа бужчад̇и, гзнассу наббагаасад̇и гиссаабхилзбанам̣ б̣руусийд̇и д̇ам̣язва бужчад̇и. гим̣су д̇асса махаб̣бхаяанд̇и д̇ам̣язва бужчад̇и. звам̣ ад̇т̇аанубаривад̇д̇и б̣яан̃ж̇анам̣ зго бан̃хо ход̇и, со бан̃хо жад̇уб̣б̣ид̇хо згам̣саб̣яаагаран̣ийяо вибхаж̇ж̇аб̣яаагаран̣ийяо бадибужчааб̣яаагаран̣ийяо табанияод̇и. д̇ад̇т̇а жагку анижжанд̇и згам̣саб̣яаагаран̣ийяо, яам̣ анижжам̣ д̇ам̣ д̣̇угканд̇и вибхаж̇ж̇аб̣яаагаран̣ийяо, сияаа анижжам̣ на жагку, яааниби ааяад̇анаани жа на жагку, д̇ааниби анижжанд̇и на жагкуязва, аяам̣ вибхаж̇ж̇аб̣яаагаран̣ийяо, яам̣ жагку д̇ам̣ жагкунд̣̇рияам̣ нзд̇и бадибужчааб̣яаагаран̣ийяо, д̇ам̣ жагку д̇ат̇ааг̇ад̇од̇и табанияо. ан̃н̃ад̇ра жагкунаад̇и табанияо бан̃хо. ид̣̇ам̣ бан̃хам̣ бхаг̇аваа гим̣ бужчид̇о, логасса сам̣гилзсо бужчид̇о. гим̣ гааран̣ам̣? д̇ивид̇хо хи сам̣гилзсо д̇ан̣хаасам̣гилзсо жа д̣̇идтисам̣гилзсо жа д̣̇ужжарид̇асам̣гилзсо жа. д̇ад̇т̇а авиж̇ж̇ааяа нивуд̇од̇и авиж̇ж̇ам̣ д̣̇ассзд̇и, ж̇аббаад̇и д̇ан̣хам̣ д̣̇ассзд̇и, махаб̣бхаяанд̇и агусаласса гаммасса вибаагам̣ д̣̇ассзд̇и, сод̇ам̣ наама сукавзд̣̇анийяасса гаммасса д̣̇угкавзд̣̇анийяо вибааго бхависсад̇ийд̇и нзд̇ам̣ таанам̣ виж̇ж̇ад̇ийд̇и бхаг̇аваа висаж̇ж̇зд̇и, жад̇уухи яо бад̣̇зхи авиж̇ж̇ааяа нивуд̇о логод̇и…бз… звам̣ вужжад̇и.

    Pañhāti imāni cattāri padāni. Kati pañhā? Eko vā dve vā taduttari vā imāni cattāri padāni eko pañho, atthānuparivatti byañjanaṃ hoti, sambahulānipi padāni ekamevatthaṃ pucchati. Imāni cattāri padāni anuparivattīni taṃ byañjanena eko pañhova hoti. Kenassu nivuto lokoti lokaṃ sandhāya pucchati, kenassu nappakāsati kissābhilepanaṃ brūsīti taṃyeva pucchati. Kiṃsu tassa mahabbhayanti taṃyeva pucchati. Evaṃ atthānuparivatti byañjanaṃ eko pañho hoti, so pañho catubbidho ekaṃsabyākaraṇīyo vibhajjabyākaraṇīyo paṭipucchābyākaraṇīyo ṭhapaniyoti. Tattha cakkhu aniccanti ekaṃsabyākaraṇīyo, yaṃ aniccaṃ taṃ dukkhanti vibhajjabyākaraṇīyo, siyā aniccaṃ na cakkhu, yānipi āyatanāni ca na cakkhu, tānipi aniccanti na cakkhuyeva, ayaṃ vibhajjabyākaraṇīyo, yaṃ cakkhu taṃ cakkhundriyaṃ neti paṭipucchābyākaraṇīyo, taṃ cakkhu tathāgatoti ṭhapaniyo. Aññatra cakkhunāti ṭhapaniyo pañho. Idaṃ pañhaṃ bhagavā kiṃ pucchito, lokassa saṃkileso pucchito. Kiṃ kāraṇaṃ? Tividho hi saṃkileso taṇhāsaṃkileso ca diṭṭhisaṃkileso ca duccaritasaṃkileso ca. Tattha avijjāya nivutoti avijjaṃ dasseti, jappāti taṇhaṃ dasseti, mahabbhayanti akusalassa kammassa vipākaṃ dasseti, sotaṃ nāma sukhavedanīyassa kammassa dukkhavedanīyo vipāko bhavissatīti netaṃ ṭhānaṃ vijjatīti bhagavā visajjeti, catūhi yo padehi avijjāya nivuto lokoti…pe… evaṃ vuccati.

    45. д̇ад̣̇уд̇д̇ари бадибужчад̇и, саванд̇и саб̣б̣ад̇хи сод̇аад̇и г̇аат̇аа, жад̇д̇аари бад̣̇аани бужчад̇и д̇ам̣ бхаг̇аваа д̣̇вийхи бад̣̇зхи висаж̇ж̇зд̇и.

    45. Taduttari paṭipucchati, savanti sabbadhi sotāti gāthā, cattāri padāni pucchati taṃ bhagavā dvīhi padehi visajjeti.

    яаани сод̇аани логасмим̣, сад̇и д̇зсам̣ нивааран̣ам̣;

    Yāni sotāni lokasmiṃ, sati tesaṃ nivāraṇaṃ;

    сод̇аанам̣ сам̣варам̣ б̣рууми, бан̃н̃ааязд̇з бид̇хийяарз.

    Sotānaṃ saṃvaraṃ brūmi, paññāyete pidhīyare.

    имаани жад̇д̇аари бад̣̇аани д̣̇вийхи бад̣̇зхи висаж̇ж̇зд̇и. ид̣̇ам̣ бад̣̇анд̇и бужчид̇о, д̇асса сам̣гилидтасса логасса вод̣̇аанам̣ бужчид̇о, сод̇аани ча д̇ан̣хаагааяаа б̣ахулаад̇хиважанзна нид̣̇д̣̇идтаа бхаванд̇и саб̣б̣зхи ааяад̇анзхи. д̇аани сод̇аани гзна ниваарияанд̇ийд̇и барияудтаанабахаанам̣ бужчад̇и, гзна сод̇аа бид̇хийяарзд̇и анусаяасамуг̇гхаад̇ам̣ бужчад̇и. д̇ад̇т̇а бхаг̇аваа часу д̣̇ваарзсу сад̇ияаа д̣̇зсзд̇и, яо хи самбаж̇аано вихарад̇и сад̇ид̣̇овааригз жа д̇асса инд̣̇рияаани г̇уд̇д̇аани самбхаванд̇и. д̇ад̇т̇а г̇уд̇д̇зсу инд̣̇риязсу яаа яаа вибассанаа, саа саа д̇зсам̣ д̇зсам̣ сод̇аанам̣ д̇ассаа жа авиж̇ж̇ааяа яо лого нивуд̇о ажжанд̇абахаанааяа сам̣вад̇д̇ад̇и. звам̣ сод̇аани бихид̇ааниби бхаванд̇и д̇ад̇о уд̇д̇ари бужчад̇и.

    Imāni cattāri padāni dvīhi padehi visajjeti. Idaṃ padanti pucchito, tassa saṃkiliṭṭhassa lokassa vodānaṃ pucchito, sotāni cha taṇhākāyā bahulādhivacanena niddiṭṭhā bhavanti sabbehi āyatanehi. Tāni sotāni kena nivāriyantīti pariyuṭṭhānapahānaṃ pucchati, kena sotā pidhīyareti anusayasamugghātaṃ pucchati. Tattha bhagavā chasu dvāresu satiyā deseti, yo hi sampajāno viharati satidovārike ca tassa indriyāni guttāni sambhavanti. Tattha guttesu indriyesu yā yā vipassanā, sā sā tesaṃ tesaṃ sotānaṃ tassā ca avijjāya yo loko nivuto accantapahānāya saṃvattati. Evaṃ sotāni pihitānipi bhavanti tato uttari pucchati.

    бан̃н̃аа жа сад̇и жа наамаруубасса ко д̇асса бхаг̇аванд̇ам̣ будтумааг̇амма гад̇т̇зд̇ам̣ убасаммад̇и имаани жад̇д̇аари бад̣̇аани бхаг̇аваа згзна бад̣̇зна висаж̇ж̇зд̇и.

    Paññā ca sati ca nāmarūpassa kho tassa bhagavantaṃ puṭṭhumāgamma katthetaṃ upasammati imāni cattāri padāni bhagavā ekena padena visajjeti.

    яамзд̇ам̣ бан̃хам̣ абужчи 1, аж̇ид̇а д̇ам̣ вад̣̇аами д̇з…бз…;

    Yametaṃ pañhaṃ apucchi 2, ajita taṃ vadāmi te…pe…;

    вин̃н̃аан̣асса нирод̇хзна, зд̇т̇зд̇ам̣ убасаммад̇и.

    Viññāṇassa nirodhena, etthetaṃ upasammati.

    иминаа бан̃хзна гим̣ бужчад̇и? анубаад̣̇исзсаниб̣б̣аанад̇хаад̇ум̣ бужчад̇и, д̇ам̣ бхаг̇аваа анубаад̣̇исзсааяа ниб̣б̣аанад̇хаад̇уяаа висаж̇ж̇зд̇и. д̇ад̇т̇а батамзна бан̃хзна сам̣гилзсам̣ бужчад̇и. д̣̇уд̇иязна бан̃хзна вод̣̇аанам̣ бужчад̇и. д̇ад̇иязна бан̃хзна собаад̣̇исзсаниб̣б̣аанад̇хаад̇ум̣ бужчад̇и. жад̇уд̇т̇зна бан̃хзна анубаад̣̇исзсаниб̣б̣аанад̇хаад̇ум̣ бадибужчад̇и д̇ад̇о уд̇д̇ари бадибужчад̇и.

    Iminā pañhena kiṃ pucchati? Anupādisesanibbānadhātuṃ pucchati, taṃ bhagavā anupādisesāya nibbānadhātuyā visajjeti. Tattha paṭhamena pañhena saṃkilesaṃ pucchati. Dutiyena pañhena vodānaṃ pucchati. Tatiyena pañhena sopādisesanibbānadhātuṃ pucchati. Catutthena pañhena anupādisesanibbānadhātuṃ paṭipucchati tato uttari paṭipucchati.

    яз жа сан̇каад̇ад̇хаммаасз, яз жа сзкаа 3 бут̇уу ид̇ха;

    Ye ca saṅkhātadhammāse, ye ca sekhā 4 puthū idha;

    д̇зсам̣ мз нибаго ирияам̣, будто баб̣руухи маариса.

    Tesaṃ me nipako iriyaṃ, puṭṭho pabrūhi mārisa.

    имаани жад̇д̇аари бад̣̇аани бужчад̇и. гад̇и жа бана д̇з бан̃хз сан̇каад̇ад̇хаммаа жа араханд̇аа сзгкаа жа? гим̣ буб̣б̣ам̣ гин̃жа бажчиманд̇и аяамад̇т̇о. д̇ад̇т̇а гад̇арам̣ батамам̣ бужчад̇и, гад̇арам̣ бажчаа? араханд̇ам̣ батамам̣ бужчад̇и. сзгкад̇хаммз д̇ад̇т̇а гзна бад̣̇зна сан̇каад̇ад̇хаммаад̇и араханд̇о г̇ахид̇аа, бут̇ууд̇и сзгкаа г̇ахид̇аа. д̇зсам̣ мз нибагод̇и саад̇хааран̣ам̣ бад̣̇ам̣ бхаг̇аванд̇ам̣ бужчад̇и. д̇асса саад̇хааран̣аани жа асаад̇хааран̣аани жа бан̃хзсу бужчид̇аб̣б̣аани. д̇ам̣ бхаг̇аваа висаж̇ж̇зд̇и. на д̇ат̇аа будтам̣, батамам̣ будтам̣, д̇ам̣ бажчаа висаж̇ж̇зд̇и. яам̣ бажчаа бужчид̇ам̣ батамам̣ висаж̇ж̇зд̇и. гин̃жа ид̣̇ам̣ бужчид̇ам̣ висуд̣̇д̇хаанам̣ висуж̇жханд̇аанан̃жа гаа ирияаад̇и ид̣̇ам̣ бужчи, д̇ам̣ гаамзсу наабхиг̇иж̇жхзяяа. манасаанаавило сияаад̇и барияудтаанаани вид̇аггзна жа бхаг̇аваа ниваарзд̇и, д̣̇вз бана вид̇аггаанаавилад̇ааяа барияудтаанам̣, яат̇аа нийваран̣зсу нид̣̇д̣̇идтам̣. гусалаа саб̣б̣ад̇хаммзсууд̇и араханд̇ам̣ висаж̇ж̇зд̇и.

    Imāni cattāri padāni pucchati. Kati ca pana te pañhe saṅkhātadhammā ca arahantā sekkhā ca? Kiṃ pubbaṃ kiñca pacchimanti ayamattho. Tattha kataraṃ paṭhamaṃ pucchati, kataraṃ pacchā? Arahantaṃ paṭhamaṃ pucchati. Sekkhadhamme tattha kena padena saṅkhātadhammāti arahanto gahitā, puthūti sekkhā gahitā. Tesaṃ me nipakoti sādhāraṇaṃ padaṃ bhagavantaṃ pucchati. Tassa sādhāraṇāni ca asādhāraṇāni ca pañhesu pucchitabbāni. Taṃ bhagavā visajjeti. Na tathā puṭṭhaṃ, paṭhamaṃ puṭṭhaṃ, taṃ pacchā visajjeti. Yaṃ pacchā pucchitaṃ paṭhamaṃ visajjeti. Kiñca idaṃ pucchitaṃ visuddhānaṃ visujjhantānañca kā iriyāti idaṃ pucchi, taṃ kāmesu nābhigijjheyya. Manasānāvilo siyāti pariyuṭṭhānāni vitakkena ca bhagavā nivāreti, dve pana vitakkaanāvilatāya pariyuṭṭhānaṃ, yathā nīvaraṇesu niddiṭṭhaṃ. Kusalā sabbadhammesūti arahantaṃ visajjeti.

    гзнассу д̇арад̇и огханд̇и г̇аат̇аа, имаани жад̇д̇аари бад̣̇аани. жад̇д̇аароязва бан̃хаа. гим̣ гааран̣ам̣, на хи зд̇т̇а ад̇т̇аанубаривад̇д̇и б̣яан̃ж̇анам̣ 5 яат̇аа батамам̣ аж̇ид̇абан̃хзсу, д̇асса на згам̣сзна б̣ахууни висаж̇ж̇анаани, б̣ахугаа бан̃хаа, згова на жааби, саб̣б̣з бужчад̇и, буб̣б̣з висаж̇ж̇ид̇о, яат̇аа жад̇уд̇т̇о аж̇ид̇обан̃хз, яам̣ зд̇т̇а яат̇аабхууд̇ам̣ бариязсанаабад̣̇аб̣анд̇хзна висаж̇ж̇анааяо звам̣ яат̇аабхууд̇ам̣ бариязсад̇и. яо буна зд̇т̇а яам̣ звам̣ бужчад̇и д̇ад̇т̇а аяамаагааро бужчанааяам̣ анд̇ож̇адаа б̣ахиж̇адаад̇и г̇аат̇аа 6 бужчид̇ависаж̇ж̇анааяа маг̇г̇ид̇аб̣б̣аа. гат̇ам̣ висаж̇ж̇ид̇аад̇и бхаг̇аваад̇и висаж̇ж̇зд̇и? сийлз бад̇идтааяа наро сабан̃н̃од̇и г̇аат̇аа. д̇ад̇т̇а жид̇д̇абхааванааяа самат̇аа, бан̃н̃аабхааванааяа вибассанаа. д̇ад̇т̇а звам̣ анумийяад̇и, яз д̇хаммаа самат̇зна жа вибассанааяа жа бахийяанд̇и, д̇з имз анд̇ож̇адаа б̣ахиж̇адаа. д̇ад̇т̇а висаж̇ж̇анам̣ самат̇зна рааг̇о бахийяад̇и, вибассанааяа авиж̇ж̇аа. аж̇жхад̇д̇авад̇т̇уго рааг̇о анд̇ож̇адаа, б̣аахиравад̇т̇уго рааг̇о б̣ахиж̇адаа. аж̇жхад̇д̇авад̇т̇угаа саггааяад̣̇идти, аяам̣ анд̇ож̇адаа. згасадти д̣̇идтиг̇ад̇аани жа б̣аахиравад̇т̇угаани б̣ахиж̇адаа, яаа хи аж̇жхад̇д̇авад̇т̇угаа яаа д̣̇идтибхааг̇иязна бхависсад̇и, аяам̣ ж̇адаа. д̇ат̇аа сам̣кид̇д̇зна яаа гаажи аж̇жхад̇д̇авад̇т̇угаа д̇ан̣хаа жа д̣̇идти жа, аяам̣ анд̇ож̇адаа. яаа гаажи б̣аахиравад̇т̇угаа д̇ан̣хаа жа д̣̇идти жа, аяам̣ б̣ахиж̇адаа.

    Kenassu tarati oghanti gāthā, imāni cattāri padāni. Cattāroyeva pañhā. Kiṃ kāraṇaṃ, na hi ettha atthānuparivatti byañjanaṃ 7 yathā paṭhamaṃ ajitapañhesu, tassa na ekaṃsena bahūni visajjanāni, bahukā pañhā, ekova na cāpi, sabbe pucchati, pubbe visajjito, yathā catuttho ajitopañhe, yaṃ ettha yathābhūtaṃ pariyesanāpadabandhena visajjanāyo evaṃ yathābhūtaṃ pariyesati. Yo puna ettha yaṃ evaṃ pucchati tattha ayamākāro pucchanāyaṃ antojaṭā bahijaṭāti gāthā 8 pucchitavisajjanāya maggitabbā. Kathaṃ visajjitāti bhagavāti visajjeti? Sīle patiṭṭhāya naro sapaññoti gāthā. Tattha cittabhāvanāya samathā, paññābhāvanāya vipassanā. Tattha evaṃ anumīyati, ye dhammā samathena ca vipassanāya ca pahīyanti, te ime antojaṭā bahijaṭā. Tattha visajjanaṃ samathena rāgo pahīyati, vipassanāya avijjā. Ajjhattavatthuko rāgo antojaṭā, bāhiravatthuko rāgo bahijaṭā. Ajjhattavatthukā sakkāyadiṭṭhi, ayaṃ antojaṭā. Ekasaṭṭhi diṭṭhigatāni ca bāhiravatthukāni bahijaṭā, yā hi ajjhattavatthukā yā diṭṭhibhāgiyena bhavissati, ayaṃ jaṭā. Tathā saṃkhittena yā kāci ajjhattavatthukā taṇhā ca diṭṭhi ca, ayaṃ antojaṭā. Yā kāci bāhiravatthukā taṇhā ca diṭṭhi ca, ayaṃ bahijaṭā.

    яат̇аа д̣̇звад̇аа бхаг̇аванд̇ам̣ бужчад̇и ‘‘жад̇ужаггам̣ навад̣̇ваара’’нд̇и г̇аат̇аа 9. д̇ад̇т̇а бхаг̇аваа висаж̇ж̇зд̇и ‘‘чзд̇ваа над̣̇д̇хим̣ варад̇д̇ам̣ жаа’’д̇и г̇аат̇аа, ид̣̇ам̣ бхаг̇аваа д̣̇угканирод̇хаг̇ааминим̣ бадибад̣̇ам̣ висаж̇ж̇зд̇и. имааяа висаж̇ж̇анааяа бхаг̇аваа анумийяад̇и гилзсз зд̇т̇а буримааяа г̇аат̇ааяа нид̣̇д̣̇исид̇аб̣б̣зна. д̇ам̣ хи жад̇ужагганд̇и жад̇д̇ааро ваа хад̇т̇абаад̣̇аа. навад̣̇вааранд̇и нава ван̣амукаани. яат̇аа жад̇ужагганд̇и жад̇д̇ааро убаад̣̇аанаа, убаад̣̇аанаббажжаяаа бхаво, убаад̣̇аананирод̇хаа бхаванирод̇хо. навад̣̇вааранд̇и нава маанавид̇хаа, маанаж̇аад̇игааяа хи д̣̇угкам̣ сзяязнамхи барасо д̇ийн̣и д̇игаани бун̣н̣ам̣. д̇игзна сам̣яуд̇д̇ам̣ хи бан̃жагаамаг̇ун̣иго рааг̇о. д̇ад̇т̇а над̣̇д̇хийд̇и д̇ан̣хаа висаж̇ж̇ийяад̇и. варад̇д̇анд̇и маанам̣ висаж̇ж̇зд̇и, ижчаа лобхо жа баабагод̇и бан̃жагаамаг̇ун̣иго рааг̇о. д̇ад̇т̇а висамалобхо баабагод̇и нид̣̇д̣̇исияад̇и самуулад̇ан̣ханд̇и. ан̃н̃аан̣амуулагаа д̇ан̣хаад̇и ан̃н̃аан̣амуулагаа д̇ан̣хаа, д̇ан̣хааяа жа д̣̇идтияаа жа бахаанам̣. яз жа буна ан̃н̃зби гзжи жад̇ужаггаяог̇зна д̇знзва гааран̣зна жа яуж̇ж̇анд̇и, сам̣саараг̇аамино д̇хаммаа саб̣б̣з нид̣̇д̣̇исид̇аб̣б̣аа. д̇ад̇т̇ааяам̣ г̇аат̇аа висаж̇ж̇анаа бужчааяа жа висаж̇ж̇анааяа самзд̇и 10. яам̣ яад̣̇и санд̣̇зна ат̇а саха б̣яаагаран̣зна ануг̇ийд̇ияам̣ жа со вижаяод̇и бхаг̇аваа яад̇д̇агаани бад̣̇аани нигкибад̇и, д̇ад̇д̇агзхи ануг̇ааяад̇и.

    Yathā devatā bhagavantaṃ pucchati ‘‘catucakkaṃ navadvāra’’nti gāthā 11. Tattha bhagavā visajjeti ‘‘chetvā naddhiṃ varattaṃ cā’’ti gāthā, idaṃ bhagavā dukkhanirodhagāminiṃ paṭipadaṃ visajjeti. Imāya visajjanāya bhagavā anumīyati kilese ettha purimāya gāthāya niddisitabbena. Taṃ hi catucakkanti cattāro vā hatthapādā. Navadvāranti nava vaṇamukhāni. Yathā catucakkanti cattāro upādānā, upādānappaccayā bhavo, upādānanirodhā bhavanirodho. Navadvāranti nava mānavidhā, mānajātikāya hi dukkhaṃ seyyenamhi paraso tīṇi tikāni puṇṇaṃ. Tikena saṃyuttaṃ hi pañcakāmaguṇiko rāgo. Tattha naddhīti taṇhā visajjīyati. Varattanti mānaṃ visajjeti, icchā lobho ca pāpakoti pañcakāmaguṇiko rāgo. Tattha visamalobho pāpakoti niddisiyati samūlataṇhanti. Aññāṇamūlakā taṇhāti aññāṇamūlakā taṇhā, taṇhāya ca diṭṭhiyā ca pahānaṃ. Ye ca puna aññepi keci catucakkayogena teneva kāraṇena ca yujjanti, saṃsāragāmino dhammā sabbe niddisitabbā. Tatthāyaṃ gāthā visajjanā pucchāya ca visajjanāya sameti 12. Yaṃ yadi sandena atha saha byākaraṇena anugītiyaṃ ca so vicayoti bhagavā yattakāni padāni nikkhipati, tattakehi anugāyati.

    46. адтахи , бхигкавз, ан̇г̇зхи саманнааг̇ад̇о бхигку д̣̇ууд̇зяяам̣ г̇анд̇умарахад̇и 13. имаани адта бад̣̇аани нигкид̇д̇аани. чахи бад̣̇зхи бхаг̇аваа ануг̇ааяад̇и.

    46. Aṭṭhahi , bhikkhave, aṅgehi samannāgato bhikkhu dūteyyaṃ gantumarahati 14. Imāni aṭṭha padāni nikkhittāni. Chahi padehi bhagavā anugāyati.

    ‘‘яо вз на б̣яат̇ад̇и 15 бад̇ваа, барисам̣ уг̇г̇аваад̣̇иним̣;

    ‘‘Yo ve na byathati 16 patvā, parisaṃ uggavādiniṃ;

    на жа хаабзд̇и важанам̣, на жа чаад̣̇зд̇и саасанам̣.

    Na ca hāpeti vacanaṃ, na ca chādeti sāsanaṃ.

    ‘‘асанд̣̇ид̣̇д̇хим̣ жа бхан̣ад̇и, бужчид̇о на жа губбад̇и;

    ‘‘Asandiddhiṃ ca bhaṇati, pucchito na ca kuppati;

    са вз д̇аад̣̇исаго бхигку, д̣̇ууд̇зяяам̣ г̇анд̇умарахад̇ий’’д̇и.

    Sa ve tādisako bhikkhu, dūteyyaṃ gantumarahatī’’ti.

    д̇ад̇т̇а бана бхаг̇аваа яад̇д̇агаани бад̣̇аани нигкибад̇и, д̇ад̇д̇агзхи ануг̇ааяад̇и. сад̇д̇ахи, бхигкавз, ан̇г̇зхи саманнааг̇ад̇о галяаан̣амид̇д̇о бияо г̇арубхааванийяод̇и вид̇т̇аарзна, ид̣̇ам̣ бхаг̇аваа сад̇д̇ахи бад̣̇зхи ануг̇ааяад̇и. ид̇и б̣ахуссуд̇аваа ануг̇ааяад̇и, аббад̇арагат̇ам̣ бад̣̇ам̣ ваа нигкзбо, б̣ахуссуд̇аваа нава бад̣̇аани нигкзбо, аббад̇аригаа ануг̇ийд̇ияаа б̣ахуд̇аригаа ануг̇ааяад̇и. аяам̣ вужжад̇и д̇з ануг̇ийд̇и жа вижаяо, аяам̣ вижаяо наама хааро.

    Tattha pana bhagavā yattakāni padāni nikkhipati, tattakehi anugāyati. Sattahi, bhikkhave, aṅgehi samannāgato kalyāṇamitto piyo garubhāvanīyoti vitthārena, idaṃ bhagavā sattahi padehi anugāyati. Iti bahussutavā anugāyati, appatarakathaṃ padaṃ vā nikkhepo, bahussutavā nava padāni nikkhepo, appatarikā anugītiyā bahutarikā anugāyati. Ayaṃ vuccati te anugīti ca vicayo, ayaṃ vicayo nāma hāro.

    д̇ад̇т̇а гад̇амо яуд̇д̇ихааро?

    Tattha katamo yuttihāro?

    саб̣б̣зсам̣ хаараанам̣, яаа бхуумий яо жа г̇ожаро д̇зсам̣;

    Sabbesaṃ hārānaṃ, yā bhūmī yo ca gocaro tesaṃ;

    яуд̇д̇ааяуд̇д̇и баригкаа, хааро яуд̇д̇ийд̇и нид̣̇д̣̇идто.

    Yuttāyutti parikkhā, hāro yuttīti niddiṭṭho.

    хаараанам̣ сол̣асаннам̣ яат̇аа д̣̇зсанаа яат̇аа вижаяо яо жа нид̣̇д̣̇исияад̇и, аяам̣ нид̣̇д̣̇зсо. аяам̣ бужчаа суд̇д̇зсу на яуж̇ж̇ад̇ийд̇и яаа д̇ад̇т̇а виймам̣саа, аяам̣ яуд̇д̇и.

    Hārānaṃ soḷasannaṃ yathā desanā yathā vicayo yo ca niddisiyati, ayaṃ niddeso. Ayaṃ pucchā suttesu na yujjatīti yā tattha vīmaṃsā, ayaṃ yutti.

    яат̇аа хи сахзд̇уу саббажжаяаа сад̇д̇аа сам̣гилиссанд̇и, ад̇т̇и хзд̇у ад̇т̇и бажжаяо сад̇д̇аанам̣ сам̣гилзсааяа, сахзд̇уу саббажжаяаа сад̇д̇аа висуж̇жханд̇и, ад̇т̇и хзд̇у ад̇т̇и бажжаяо сад̇д̇аанам̣ висуд̣̇д̇хияаа. сийлавад̇аа, аананд̣̇а, буг̇г̇алзна на взяяаагаран̣ияаа гинд̇и мз виббадисааро уббаад̣̇зяяа…бз… аб̣яаагаран̣ам̣ гад̇д̇аб̣б̣ам̣, аяам̣ висуд̣̇д̇хияаа маг̇г̇о. д̇асса хзд̇у го бажжаяо, сийлагканд̇хасса жад̇д̇аари жад̇д̇аари хзд̇у жа бажжаяо жа. саббурисасам̣сзво яо жа бад̇ируубад̣̇зсаваасо жа, аяам̣ убаад̣̇аабажжаяад̇аа саббажжаяо. яам̣ бораан̣агаммам̣ асса вибааго бажжаяо, д̇ааяа бажжаяааяа ад̇д̇асаммаабан̣ид̇хи, аяам̣ хзд̇у. ид̇и сийлагканд̇хо сахзд̇у саббажжаяод̇и ид̣̇ам̣ логигам̣ сийлам̣.

    Yathā hi sahetū sappaccayā sattā saṃkilissanti, atthi hetu atthi paccayo sattānaṃ saṃkilesāya, sahetū sappaccayā sattā visujjhanti, atthi hetu atthi paccayo sattānaṃ visuddhiyā. Sīlavatā, ānanda, puggalena na veyyākaraṇiyā kinti me vippaṭisāro uppādeyya…pe… abyākaraṇaṃ kattabbaṃ, ayaṃ visuddhiyā maggo. Tassa hetu ko paccayo, sīlakkhandhassa cattāri cattāri hetu ca paccayo ca. Sappurisasaṃsevo yo ca patirūpadesavāso ca, ayaṃ upādāpaccayatā sappaccayo. Yaṃ porāṇakammaṃ assa vipāko paccayo, tāya paccayāya attasammāpaṇidhi, ayaṃ hetu. Iti sīlakkhandho sahetu sappaccayoti idaṃ lokikaṃ sīlaṃ.

    яам̣ бана логуд̇д̇арам̣ сийлам̣, д̇асса д̇ийн̣и инд̣̇рияаани бажжаяо – сад̣̇д̇хинд̣̇рияам̣ вийрияинд̣̇рияам̣ самаад̇хинд̣̇рияам̣ – аяам̣ бажжаяо. сад̇инд̣̇рияан̃жа бан̃н̃инд̣̇рияан̃жа хзд̇у. бан̃н̃ааяа ниб̣б̣зд̇хаг̇ааминияаа, яам̣ сийлам̣ ж̇ааяад̇и. сод̇аабаннасса жа сийлам̣ д̇знааяам̣ хзд̇у аяам̣ бажжаяо. яам̣ буна самаад̇хино бассад̣̇д̇хи жа бийд̇и жа баамож̇ж̇ам̣ бажжаяо. яам̣ сукам̣ хзд̇у д̇зна самаад̇хигканд̇хо сахзд̇у саббажжаяо. яам̣ самаахид̇о яат̇аабхууд̇ам̣ баж̇аанаад̇и, аяам̣ бан̃н̃аа. д̇асса барад̇огхосо аж̇жхад̇д̇ам̣ жа яонисо манасигааро хзд̇у жа бажжаяо жа, ид̇и имз д̇аяо канд̇хаа сахзд̇уу саббажжаяаа звам̣ сад̇д̇а бан̃н̃аа. сад̇д̇аб̣яаагаран̣ийсу жа суд̇д̇зсу на яуж̇ж̇ад̇и. аяам̣ яуд̇д̇ихааро. со жад̇уусу махаабад̣̇зсзсу д̣̇адтаб̣б̣о.

    Yaṃ pana lokuttaraṃ sīlaṃ, tassa tīṇi indriyāni paccayo – saddhindriyaṃ vīriyindriyaṃ samādhindriyaṃ – ayaṃ paccayo. Satindriyañca paññindriyañca hetu. Paññāya nibbedhagāminiyā, yaṃ sīlaṃ jāyati. Sotāpannassa ca sīlaṃ tenāyaṃ hetu ayaṃ paccayo. Yaṃ puna samādhino passaddhi ca pīti ca pāmojjaṃ paccayo. Yaṃ sukhaṃ hetu tena samādhikkhandho sahetu sappaccayo. Yaṃ samāhito yathābhūtaṃ pajānāti, ayaṃ paññā. Tassa paratoghoso ajjhattaṃ ca yoniso manasikāro hetu ca paccayo ca, iti ime tayo khandhā sahetū sappaccayā evaṃ satta paññā. Sattabyākaraṇīsu ca suttesu na yujjati. Ayaṃ yuttihāro. So catūsu mahāpadesesu daṭṭhabbo.

    47. д̇ад̇т̇а гад̇амам̣ бад̣̇адтаанам̣?

    47. Tattha katamaṃ padaṭṭhānaṃ?

    д̇хаммам̣ д̣̇зсзд̇и ж̇ино, д̇асса жа д̇хаммасса яам̣ бад̣̇адтаанам̣;

    Dhammaṃ deseti jino, tassa ca dhammassa yaṃ padaṭṭhānaṃ;

    ид̇и яаава саб̣б̣ад̇хаммаа, зсо хааро бад̣̇адтаано.

    Iti yāva sabbadhammā, eso hāro padaṭṭhāno.

    д̇ад̇т̇а бан̃жагаамаг̇ун̣аа гаамарааг̇асса бад̣̇адтаанам̣. язсам̣ гзсан̃жи гаамарааг̇о уббаж̇ж̇ад̇и уббанно ваа уббаж̇ж̇иссад̇и ваа, зд̇зсу язби бан̃жасу руубзсу ааяад̇анзсу наан̃н̃ад̇ра зд̇зхи гаамарааг̇асса бад̣̇адтаананд̇и. вужжад̇з, д̇зна бан̃жа гаамаг̇ун̣аа гаамарааг̇асса бад̣̇адтаанам̣. бан̃жинд̣̇рияаани руубарааг̇асса бад̣̇адтаанам̣. манинд̣̇рияам̣ бхаварааг̇асса бад̣̇адтаанам̣. бан̃жагканд̇хаа саггааяад̣̇идтияаа бад̣̇адтаанам̣. згасадти д̣̇идтиг̇ад̇аани д̣̇идтирааг̇асса бад̣̇адтаанам̣. гаамад̇хаад̇у гаамарааг̇асса бад̣̇адтаанам̣. аруубад̇хаад̇у аруубарааг̇асса бад̣̇адтаанам̣. сукасан̃н̃аа гаамарааг̇асса бад̣̇адтаанам̣. б̣яаабаад̣̇асан̃н̃аа б̣яаабаад̣̇асса бад̣̇адтаанам̣. асамбаж̇ан̃н̃ад̇аа саммохасса бад̣̇адтаанам̣. нава аагхаад̇авад̇т̇ууни б̣яаабаад̣̇асса бад̣̇адтаанам̣. нававид̇хам̣ маанам̣ 17 маанасса бад̣̇адтаанам̣. сукаа взд̣̇анаа рааг̇аанусаяасса бад̣̇адтаанам̣. д̣̇угкаа взд̣̇анаа бадигхаанусаяасса бад̣̇адтаанам̣. ад̣̇угкамасукаа взд̣̇анаа авиж̇ж̇аанусаяасса бад̣̇адтаанам̣. ад̇д̇аваад̣̇убаад̣̇аанан̃жа мусааваад̣̇о жа лобхасса бад̣̇адтаанам̣. баан̣аад̇ибаад̇о жа бисун̣аваажаа жа парусаваажаа жа б̣яаабаад̣̇асса бад̣̇адтаанам̣. мижчад̇д̇ан̃жа сампаббалаабо жа мохасса бад̣̇адтаанам̣. бхавам̣ бхог̇ан̃жа вогааро ахам̣гаарасса бад̣̇адтаанам̣. б̣аахираанам̣ бариг̇г̇ахо мамам̣гаарасса бад̣̇адтаанам̣. гааяасса сан̇г̇ам̣ 18 д̣̇идтияаа бад̣̇адтаанам̣. гааяигад̣̇осо д̣̇осасса бад̣̇адтаанам̣. гааяигагаасааво лобхасса бад̣̇адтаанам̣. яо яо ваа бана д̇хаммо язна язна аарамман̣зна уббаж̇ж̇ад̇и сажжаад̇хидтаанзна ваа д̇хаммаад̇хидтаанзна ваа анусаяанзна ваа, со д̇хаммо д̇асса бад̣̇адтаанам̣. д̇зна саарамман̣зна со д̇хаммо уббаж̇ж̇ад̇и.

    Tattha pañcakāmaguṇā kāmarāgassa padaṭṭhānaṃ. Yesaṃ kesañci kāmarāgo uppajjati uppanno vā uppajjissati vā, etesu yepi pañcasu rūpesu āyatanesu nāññatra etehi kāmarāgassa padaṭṭhānanti. Vuccate, tena pañca kāmaguṇā kāmarāgassa padaṭṭhānaṃ. Pañcindriyāni rūparāgassa padaṭṭhānaṃ. Manindriyaṃ bhavarāgassa padaṭṭhānaṃ. Pañcakkhandhā sakkāyadiṭṭhiyā padaṭṭhānaṃ. Ekasaṭṭhi diṭṭhigatāni diṭṭhirāgassa padaṭṭhānaṃ. Kāmadhātu kāmarāgassa padaṭṭhānaṃ. Arūpadhātu arūparāgassa padaṭṭhānaṃ. Sukhasaññā kāmarāgassa padaṭṭhānaṃ. Byāpādasaññā byāpādassa padaṭṭhānaṃ. Asampajaññatā sammohassa padaṭṭhānaṃ. Nava āghātavatthūni byāpādassa padaṭṭhānaṃ. Navavidhaṃ mānaṃ 19 mānassa padaṭṭhānaṃ. Sukhā vedanā rāgānusayassa padaṭṭhānaṃ. Dukkhā vedanā paṭighānusayassa padaṭṭhānaṃ. Adukkhamasukhā vedanā avijjānusayassa padaṭṭhānaṃ. Attavādupādānañca musāvādo ca lobhassa padaṭṭhānaṃ. Pāṇātipāto ca pisuṇavācā ca pharusavācā ca byāpādassa padaṭṭhānaṃ. Micchattañca samphappalāpo ca mohassa padaṭṭhānaṃ. Bhavaṃ bhogañca vokāro ahaṃkārassa padaṭṭhānaṃ. Bāhirānaṃ pariggaho mamaṃkārassa padaṭṭhānaṃ. Kāyassa saṅgaṃ 20 diṭṭhiyā padaṭṭhānaṃ. Kāyikadoso dosassa padaṭṭhānaṃ. Kāyikakāsāvo lobhassa padaṭṭhānaṃ. Yo yo vā pana dhammo yena yena ārammaṇena uppajjati saccādhiṭṭhānena vā dhammādhiṭṭhānena vā anusayanena vā, so dhammo tassa padaṭṭhānaṃ. Tena sārammaṇena so dhammo uppajjati.

    яат̇аа мануссо буримасса бад̣̇асса бад̣̇адтаанам̣ алабханд̇о д̣̇уд̇ияам̣ бад̣̇ам̣ уд̣̇д̇харад̇и, со бажчаанубад̣̇ам̣ сам̣харад̇и. яад̣̇и бана яо на д̣̇уд̇ияабад̣̇асса бад̣̇адтаанам̣ лабхад̇и, абарам̣ бад̣̇ам̣ уд̣̇д̇харад̇и. д̇асса яо жзсо бажжаяо бхавад̇и. звам̣ д̇хаммо гусало ваа агусало ваа аб̣яаагад̇о ваа бад̣̇адтаанам̣ алабханд̇о на бавад̇д̇ад̇и. яат̇аа баяуд̇д̇асса д̇хаммасса яонилаабхо 21, аяам̣ вужжад̇и бад̣̇адтаано хааро.

    Yathā manusso purimassa padassa padaṭṭhānaṃ alabhanto dutiyaṃ padaṃ uddharati, so pacchānupadaṃ saṃharati. Yadi pana yo na dutiyapadassa padaṭṭhānaṃ labhati, aparaṃ padaṃ uddharati. Tassa yo ceso paccayo bhavati. Evaṃ dhammo kusalo vā akusalo vā abyākato vā padaṭṭhānaṃ alabhanto na pavattati. Yathā payuttassa dhammassa yonilābho 22, ayaṃ vuccati padaṭṭhāno hāro.

    48. д̇ад̇т̇а гад̇амо лагкан̣о хааро?

    48. Tattha katamo lakkhaṇo hāro?

    вуд̇д̇амхи згад̇хаммз, яз д̇хаммаа згалагкан̣аа д̇зна;

    Vuttamhi ekadhamme, ye dhammā ekalakkhaṇā tena;

    саб̣б̣з бхаванд̇и вуд̇д̇аа, со хааро лагкан̣о наама.

    Sabbe bhavanti vuttā, so hāro lakkhaṇo nāma.

    язсан̃жа сусамаарад̣̇д̇хаа, нижжам̣ гааяаг̇ад̇аасад̇ийд̇и г̇аат̇ааяа вуд̇д̇ааяа гааяаг̇ад̇аасад̇ияаа вуд̇д̇аа взд̣̇анааг̇ад̇аа жид̇д̇аг̇ад̇аа д̇хаммаг̇ад̇аа жа сад̇и жад̇уннам̣ сад̇ибадтаанаанам̣ згзна сад̇ибадтаанзна. на хи жид̇д̇ам̣ згасмим̣ вин̃н̃аан̣адтид̇ияаа бавад̇д̇ад̇и, наанаасу г̇ад̇ийсу бавад̇д̇ад̇и, гааяаг̇ад̇аасад̇ияаа вуд̇д̇ааяа вуд̇д̇аа взд̣̇анааг̇ад̇аа жид̇д̇ад̇хаммаг̇ад̇аа жа. на хи гааяаг̇ад̇аасад̇ияаа бхаавид̇ааяа сад̇ибадтаанаа жад̇д̇ааро бхааванаабаарибуурим̣ на г̇ажчанд̇и. звам̣ д̇ассад̣̇исзсу д̇хаммзсу вуд̇д̇зсу саб̣б̣ад̇хаммаа вуд̇д̇аа жа бхаванд̇и.

    Yesañca susamāraddhā, niccaṃ kāyagatāsatīti gāthāya vuttāya kāyagatāsatiyā vuttā vedanāgatā cittagatā dhammagatā ca sati catunnaṃ satipaṭṭhānānaṃ ekena satipaṭṭhānena. Na hi cittaṃ ekasmiṃ viññāṇaṭṭhitiyā pavattati, nānāsu gatīsu pavattati, kāyagatāsatiyā vuttāya vuttā vedanāgatā cittadhammagatā ca. Na hi kāyagatāsatiyā bhāvitāya satipaṭṭhānā cattāro bhāvanāpāripūriṃ na gacchanti. Evaṃ tassadisesu dhammesu vuttesu sabbadhammā vuttā ca bhavanti.

    сажид̇д̇абарияод̣̇аабанам̣, зд̇ам̣ б̣уд̣̇д̇хаана саасананд̇и г̇аат̇аа жзд̇асигаа д̇хаммаа вуд̇д̇аа, жид̇д̇з руубам̣ вуд̇д̇ам̣. ид̣̇ам̣ наамаруубам̣ д̣̇угкам̣ арияасажжам̣. д̇ад̇о сажид̇д̇абарияод̣̇аабанаа яам̣ яам̣ од̣̇абзд̇и, д̇ам̣ д̣̇угкам̣. язна од̣̇абзд̇и, со маг̇г̇о. яад̇о од̣̇абанаа, со нирод̇хо. жагкум̣ жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ад̇т̇а сахаж̇аад̇аа взд̣̇анаа сан̃н̃аа жзд̇анаа пассо манасигааро зд̇з д̇з д̇хаммаа згалагкан̣аа уббаад̣̇алагкан̣зна. яо жа руубз ниб̣б̣инд̣̇ад̇и, взд̣̇анааяа со ниб̣б̣инд̣̇ад̇и, сан̃н̃аасан̇кааравин̃н̃аан̣зсуби со ниб̣б̣инд̣̇ад̇и. ид̇и яз згалагкан̣аа д̇хаммаа, д̇зсам̣ згамхи д̇хаммз нид̣̇д̣̇идтз саб̣б̣з д̇хаммаа нид̣̇д̣̇идтаа хонд̇и, аяам̣ вужжад̇и лагкан̣о хааро.

    Sacittapariyodāpanaṃ, etaṃ buddhāna sāsananti gāthā cetasikā dhammā vuttā, citte rūpaṃ vuttaṃ. Idaṃ nāmarūpaṃ dukkhaṃ ariyasaccaṃ. Tato sacittapariyodāpanā yaṃ yaṃ odapeti, taṃ dukkhaṃ. Yena odapeti, so maggo. Yato odapanā, so nirodho. Cakkhuṃ ca paṭicca rūpe ca uppajjati cakkhuviññāṇaṃ, tattha sahajātā vedanā saññā cetanā phasso manasikāro ete te dhammā ekalakkhaṇā uppādalakkhaṇena. Yo ca rūpe nibbindati, vedanāya so nibbindati, saññāsaṅkhāraviññāṇesupi so nibbindati. Iti ye ekalakkhaṇā dhammā, tesaṃ ekamhi dhamme niddiṭṭhe sabbe dhammā niddiṭṭhā honti, ayaṃ vuccati lakkhaṇo hāro.

    д̇ад̇т̇а гад̇амо жад̇уб̣яуухо хааро?

    Tattha katamo catubyūho hāro?

    нируд̇д̇и ад̇хиббааяо жа, б̣яан̃ж̇анаа д̣̇зсанааяа жа;

    Nirutti adhippāyo ca, byañjanā desanāya ca;

    суд̇д̇ад̇т̇о буб̣б̣аабарасанд̇хи, зсо хааро жад̇уб̣яуухо.

    Suttattho pubbāparasandhi, eso hāro catubyūho.

    д̇ад̇т̇а гад̇амаа нируд̇д̇и, саа гат̇ам̣ бариязсид̇аб̣б̣аа 23? яат̇аа вуд̇д̇ам̣ бхаг̇авад̇аа згаад̣̇асахи ан̇г̇зхи саманнааг̇ад̇о бхигку киббам̣ д̇хаммзсу махад̇д̇ам̣ баабун̣аад̇и, ад̇т̇агусало жа ход̇и, д̇хаммагусало жа ход̇и, нируд̇д̇игусало жа ход̇и, ид̇т̇аад̇хиважанагусало жа ход̇и, бурисаад̇хиважанагусало жа, вибурисаад̇хиважанагусало жа, ад̇ийд̇аад̇хиважанагусало жа, анааг̇ад̇аад̇хиважанагусало жа, бажжуббаннаад̇хиважанагусало жа. згаад̇хиббааязна гусало наанаад̇хиббааязна гусало. гимхи д̣̇зсид̇ам̣, ад̇ийд̇аанааг̇ад̇абажжуббаннам̣. ид̇т̇аад̇хиважанзна бурисаад̇хиважанзна вибурисаад̇хиважанзна саб̣б̣ам̣ яат̇аасуд̇д̇ам̣ нид̣̇д̣̇идтам̣. д̇ам̣ б̣яан̃ж̇анад̇о нируд̇д̇игосаллад̇о яо яам̣ суд̇д̇асса сунируд̇д̇ид̣̇уннируд̇д̇ид̇ам̣ авзгкад̇и, ид̣̇ам̣ звам̣ ниробаяид̇аб̣б̣ам̣. ид̣̇амби на ниробаяид̇аб̣б̣ам̣. ид̣̇ам̣ вужжад̇з нируд̇д̇игосаллам̣.

    Tattha katamā nirutti, sā kathaṃ pariyesitabbā 24? Yathā vuttaṃ bhagavatā ekādasahi aṅgehi samannāgato bhikkhu khippaṃ dhammesu mahattaṃ pāpuṇāti, atthakusalo ca hoti, dhammakusalo ca hoti, niruttikusalo ca hoti, itthādhivacanakusalo ca hoti, purisādhivacanakusalo ca, vipurisādhivacanakusalo ca, atītādhivacanakusalo ca, anāgatādhivacanakusalo ca, paccuppannādhivacanakusalo ca. Ekādhippāyena kusalo nānādhippāyena kusalo. Kimhi desitaṃ, atītānāgatapaccuppannaṃ. Itthādhivacanena purisādhivacanena vipurisādhivacanena sabbaṃ yathāsuttaṃ niddiṭṭhaṃ. Taṃ byañjanato niruttikosallato yo yaṃ suttassa suniruttidunniruttitaṃ avekkhati, idaṃ evaṃ niropayitabbaṃ. Idampi na niropayitabbaṃ. Idaṃ vuccate niruttikosallaṃ.

    49. д̇ад̇т̇а гад̇амам̣ ад̇хиббааяагосаллам̣? яат̇аад̣̇зсид̇асса суд̇д̇асса саб̣б̣асса ваарам̣ г̇ажчад̇и имзна бхаг̇авад̇аа д̣̇зсид̇аб̣б̣анд̇и. яат̇аа гим̣ аббамаад̣̇о амад̇ам̣ бад̣̇ам̣, бамаад̣̇о мажжуно бад̣̇анд̇и г̇аат̇аа. зд̇т̇а бхаг̇авад̇о го ад̇хиббааяо? яз асийд̇имзва ааган̇канд̇и д̇з аббамад̇д̇аа вихариссанд̇и, аяам̣ ад̇хиббааяо.

    49. Tattha katamaṃ adhippāyakosallaṃ? Yathādesitassa suttassa sabbassa vāraṃ gacchati imena bhagavatā desitabbanti. Yathā kiṃ appamādo amataṃ padaṃ, pamādo maccuno padanti gāthā. Ettha bhagavato ko adhippāyo? Ye asītimeva ākaṅkhanti te appamattā viharissanti, ayaṃ adhippāyo.

    яог̇асса гаалам̣ на нивад̇д̇ад̇и яаа жа, со на д̇ад̇т̇а баабинд̇авз бхаванд̇и;

    Yogassa kālaṃ na nivattati yā ca, so na tattha pāpintave bhavanti;

    взд̣̇анаамаг̇г̇аисинаа 25 бавзд̣̇ид̇ам̣, д̇худ̇араж̇аасаваа д̣̇угкаа бамогкаад̇аа.

    Vedanāmaggaisinā 26 paveditaṃ, dhutarajāsavā dukkhā pamokkhātā.

    зд̇т̇а бхаг̇авад̇о го ад̇хиббааяо? яз д̣̇угкз наассаад̣̇агаа 27, д̇з вийрияамаарабхиссанд̇и д̣̇угкагкаяааяаад̇и. аяам̣ д̇ад̇т̇а бхаг̇авад̇о ад̇хиббааяо. ид̇и г̇аат̇ааяа ваа б̣яаагаран̣зна ваа д̣̇зсид̇з иминаа суд̇д̇зна саад̇хагаа, яо звам̣ д̇хаммаануд̇хаммам̣ бадибаж̇ж̇ад̇ийд̇и со ад̇хиббааяо, аяам̣ вужжад̇и д̣̇зсанаад̇хиббааяо.

    Ettha bhagavato ko adhippāyo? Ye dukkhe nāssādakā 28, te vīriyamārabhissanti dukkhakkhayāyāti. Ayaṃ tattha bhagavato adhippāyo. Iti gāthāya vā byākaraṇena vā desite iminā suttena sādhakā, yo evaṃ dhammānudhammaṃ paṭipajjatīti so adhippāyo, ayaṃ vuccati desanādhippāyo.

    д̇ад̇т̇а гад̇амо буб̣б̣аабарасанд̇хи? яам̣ г̇аат̇ааяам̣ ваа суд̇д̇зсу ваа бад̣̇аани асийд̇и д̇аани бхаванд̇и звам̣ ваа звамзд̇и д̇ассаа г̇аат̇ааяа суд̇д̇асса ваа яаани буримаани бад̣̇аани яаани жа бажчимагаани , д̇аани самосаарзд̇аб̣б̣аани. звам̣ со буб̣б̣аабарзна санд̇хи н̃ааяад̇и. яаа згаа самаарад̣̇д̇хаа г̇аат̇аа д̣̇вз д̇ийн̣и ваа д̇асса мзгад̣̇зсз бхаасид̇аанам̣ абхаасид̇аахи г̇аат̇аахи анид̣̇д̣̇идто ад̇т̇о бхавад̇и д̇ад̣̇убад̇хаарид̇аб̣б̣ам̣. яам̣ва саб̣б̣аа 29 ид̇исса бариязсамаанасса бариязсанаа ган̇каа, д̇асса ваа буг̇г̇аласса бан̃н̃ад̇д̇ийнам̣ абарз бариязсид̇аб̣б̣ам̣. ид̣̇ам̣ вужжад̇з буб̣б̣аабарзна санд̇хи. госалланд̇и вад̇т̇уд̇о нид̣̇аанагосаллам̣. б̣яан̃ж̇анад̇о нируд̇д̇игосаллам̣. д̣̇зсанаад̇хиббааяагосаллам̣. буб̣б̣аабарзна санд̇хигосаллам̣. д̇ад̇т̇а д̇асса г̇аат̇аа бариязсид̇аа нид̣̇аанам̣ ваа. убалаб̣бхид̇ум̣ на ад̇т̇о нид̣̇д̣̇исид̇аб̣б̣о вад̇т̇уд̇о нид̣̇аанагосаллам̣ ад̇т̇агосаллам̣ имзхи жад̇уухи бад̣̇зхи ад̇т̇о бариязсияанд̇о яат̇аабхууд̇ам̣ барияидто ход̇и. ат̇а жа саб̣б̣о вад̇т̇уд̇о ваа нид̣̇аанзна ваа яо ад̇хиббааяо б̣яан̃ж̇ано нируд̇д̇и санд̇хи жа ануд̇д̇аро зсо буб̣б̣аабарзна звам̣ суд̇д̇ад̇т̇зна д̣̇зсид̇аб̣б̣ам̣. аяам̣ жад̇уб̣яуухо хааро.

    Tattha katamo pubbāparasandhi? Yaṃ gāthāyaṃ vā suttesu vā padāni asīti tāni bhavanti evaṃ vā evameti tassā gāthāya suttassa vā yāni purimāni padāni yāni ca pacchimakāni , tāni samosāretabbāni. Evaṃ so pubbāparena sandhi ñāyati. Yā ekā samāraddhā gāthā dve tīṇi vā tassa mekadese bhāsitānaṃ abhāsitāhi gāthāhi aniddiṭṭho attho bhavati tadupadhāritabbaṃ. Yaṃva sabbā 30 itissa pariyesamānassa pariyesanā kaṅkhā, tassa vā puggalassa paññattīnaṃ apare pariyesitabbaṃ. Idaṃ vuccate pubbāparena sandhi. Kosallanti vatthuto nidānakosallaṃ. Byañjanato niruttikosallaṃ. Desanādhippāyakosallaṃ. Pubbāparena sandhikosallaṃ. Tattha tassa gāthā pariyesitā nidānaṃ vā. Upalabbhituṃ na attho niddisitabbo vatthuto nidānakosallaṃ atthakosallaṃ imehi catūhi padehi attho pariyesiyanto yathābhūtaṃ pariyiṭṭho hoti. Atha ca sabbo vatthuto vā nidānena vā yo adhippāyo byañjano nirutti sandhi ca anuttaro eso pubbāparena evaṃ suttatthena desitabbaṃ. Ayaṃ catubyūho hāro.

    50. д̇ад̇т̇а гад̇амо ааваддо хааро?

    50. Tattha katamo āvaṭṭo hāro?

    згамхи бад̣̇адтаанз, бариязсад̇и сзсагам̣ бад̣̇адтаанам̣;

    Ekamhi padaṭṭhāne, pariyesati sesakaṃ padaṭṭhānaṃ;

    ааваддад̇и бадибагкз, ааваддо наама со хааро.

    Āvaṭṭati paṭipakkhe, āvaṭṭo nāma so hāro.

    яат̇аа гим̣ уннал̣аанам̣ бамад̇д̇аананд̇и г̇аат̇ааяо. яам̣ бамаад̣̇о, ид̣̇ам̣ гисса бад̣̇адтаанам̣? гусалаанам̣ д̇хаммаанам̣ осаг̇г̇асса. гусалад̇хаммосаг̇г̇о бана гисса бад̣̇адтаанам̣ ? агусалад̇хаммабадисзванааяа. гисса бад̣̇адтаанам̣, гусалад̇хаммабадисзванааяа? гисса бад̣̇адтаанам̣, гилзсавад̇т̇убадисзванааяа? ид̇и бамаад̣̇зна мохабагкияаа д̣̇идти авиж̇ж̇аа чанд̣̇арааг̇абагкияаа. д̇ад̇т̇а д̇ан̣хаа жа д̣̇идти жад̇д̇ааро аасаваа д̇ан̣хаа гаамаасаво жа бхаваасаво жа д̣̇идтаасаво жа авиж̇ж̇аасаво жа. д̇ад̇т̇а жид̇д̇з ад̇т̇ийд̇и д̣̇идти жзд̇асигзсу нижжанд̇и бан̃жасу гаамаг̇ун̣зсу аж̇жхааваханзна гаамаасаво, убабад̇д̇ийсу аасад̇д̇и бхаваасаво. д̇ад̇т̇а руубагааяо гаамаасавасса бхаваасавасса жа бад̣̇адтаанам̣. наамагааяо д̣̇идтаасавасса авиж̇ж̇аасавасса жа бад̣̇адтаанам̣.

    Yathā kiṃ unnaḷānaṃ pamattānanti gāthāyo. Yaṃ pamādo, idaṃ kissa padaṭṭhānaṃ? Kusalānaṃ dhammānaṃ osaggassa. Kusaladhammosaggo pana kissa padaṭṭhānaṃ ? Akusaladhammapaṭisevanāya. Kissa padaṭṭhānaṃ, kusaladhammapaṭisevanāya? Kissa padaṭṭhānaṃ, kilesavatthupaṭisevanāya? Iti pamādena mohapakkhiyā diṭṭhi avijjā chandarāgapakkhiyā. Tattha taṇhā ca diṭṭhi cattāro āsavā taṇhā kāmāsavo ca bhavāsavo ca diṭṭhāsavo ca avijjāsavo ca. Tattha citte atthīti diṭṭhi cetasikesu niccanti pañcasu kāmaguṇesu ajjhāvahanena kāmāsavo, upapattīsu āsatti bhavāsavo. Tattha rūpakāyo kāmāsavassa bhavāsavassa ca padaṭṭhānaṃ. Nāmakāyo diṭṭhāsavassa avijjāsavassa ca padaṭṭhānaṃ.

    д̇ад̇т̇а аллияанааяа аж̇жхад̇д̇авааханам̣ гаамаасавасса лагкан̣ам̣. бад̇т̇анаг̇ант̇анаабхисан̇каарагааяасан̇кааран̣ам̣ бхаваасавасса лагкан̣ам̣, абхинивзсо жа бараамаасо жа д̣̇идтаасавасса лагкан̣ам̣. аббадивзд̇хо д̇хаммзсу асамбаж̇ан̃н̃аа жа авиж̇ж̇аасавасса лагкан̣ам̣. имз жад̇д̇ааро аасаваа жад̇д̇аари убаад̣̇аанаани. гаамаасаво гаамубаад̣̇аанам̣, бхаваасаво бхавубаад̣̇аанам̣, д̣̇идтаасаво д̣̇идтубаад̣̇аанам̣, авиж̇ж̇аасаво ад̇д̇аваад̣̇убаад̣̇аанам̣, имзхи жад̇уухи убаад̣̇аанзхи бан̃жагканд̇хаа. д̇ад̇т̇а авиж̇ж̇аасаво жид̇д̇з бахаад̇аб̣б̣о, со жид̇д̇з жид̇д̇аанубассисса бахийяад̇и. д̣̇идтаасаво д̇хаммзсу бахаад̇аб̣б̣о, со д̇хаммзсу д̇хаммаанубассисса бахийяад̇и. бхаваасаво аасад̇д̇ияаа бахаад̇аб̣б̣о, со взд̣̇анаасу взд̣̇анаанубассисса бахийяад̇и. гаамаасаво бан̃жасу гаамаг̇ун̣зсу бахаад̇аб̣б̣о, со гааяз гааяаанубассисса бахийяад̇и. д̇ад̇т̇а гааяаанубассанаа д̣̇угкамарияасажжам̣ бхаж̇ад̇и. взд̣̇анаанубассанаа бан̃жаннам̣ инд̣̇рияаанам̣ бажжаяо сукинд̣̇рияасса д̣̇угкинд̣̇рияасса соманассинд̣̇рияасса д̣̇оманассинд̣̇рияасса убзгкинд̣̇рияасса, сад̇д̇агилзсобажааро д̇зна самуд̣̇аяам̣ бхаж̇ад̇и. жид̇д̇з жид̇д̇аанубассанаа нирод̇хам̣ бхаж̇ад̇и. д̇хаммзсу д̇хаммаанубассанаа маг̇г̇ам̣ бхаж̇ад̇и. д̇знасса жад̇уусу жа д̣̇ассанзна д̇ассзва саб̣б̣з бахийяанд̇и, язна нид̣̇д̣̇идтаа батамам̣ уннал̣аанам̣ бамад̇д̇аанам̣ д̇зсам̣ вад̣дханд̇и аасаваа. ж̇аанад̇о хи бассад̇о аасаваанам̣ каяо д̣̇угкам̣ самуд̣̇аяо нирод̇хо маг̇г̇о хи агусалаа д̇хаммаа. звам̣ бариязсид̇аб̣б̣аа. яаава д̇асса агусаласса г̇ад̇и д̇ад̇о бадибагкзна агусалз д̇хаммз бариязсад̇и д̇зсам̣ гилзсаанам̣ хаарзна ааваддад̇и. аяам̣ вужжад̇з ааваддо хааро. звам̣ суггааби д̇хаммаа бариязсид̇аб̣б̣аа. агусалад̇хаммз ааг̇амисса.

    Tattha alliyanāya ajjhattavāhanaṃ kāmāsavassa lakkhaṇaṃ. Patthanaganthanaabhisaṅkhārakāyasaṅkhāraṇaṃ bhavāsavassa lakkhaṇaṃ, abhiniveso ca parāmāso ca diṭṭhāsavassa lakkhaṇaṃ. Appaṭivedho dhammesu asampajaññā ca avijjāsavassa lakkhaṇaṃ. Ime cattāro āsavā cattāri upādānāni. Kāmāsavo kāmupādānaṃ, bhavāsavo bhavupādānaṃ, diṭṭhāsavo diṭṭhupādānaṃ, avijjāsavo attavādupādānaṃ, imehi catūhi upādānehi pañcakkhandhā. Tattha avijjāsavo citte pahātabbo, so citte cittānupassissa pahīyati. Diṭṭhāsavo dhammesu pahātabbo, so dhammesu dhammānupassissa pahīyati. Bhavāsavo āsattiyā pahātabbo, so vedanāsu vedanānupassissa pahīyati. Kāmāsavo pañcasu kāmaguṇesu pahātabbo, so kāye kāyānupassissa pahīyati. Tattha kāyānupassanā dukkhamariyasaccaṃ bhajati. Vedanānupassanā pañcannaṃ indriyānaṃ paccayo sukhindriyassa dukkhindriyassa somanassindriyassa domanassindriyassa upekkhindriyassa, sattakilesopacāro tena samudayaṃ bhajati. Citte cittānupassanā nirodhaṃ bhajati. Dhammesu dhammānupassanā maggaṃ bhajati. Tenassa catūsu ca dassanena tasseva sabbe pahīyanti, yena niddiṭṭhā paṭhamaṃ unnaḷānaṃ pamattānaṃ tesaṃ vaḍḍhanti āsavā. Jānato hi passato āsavānaṃ khayo dukkhaṃ samudayo nirodho maggo hi akusalā dhammā. Evaṃ pariyesitabbā. Yāva tassa akusalassa gati tato paṭipakkhena akusale dhamme pariyesati tesaṃ kilesānaṃ hārena āvaṭṭati. Ayaṃ vuccate āvaṭṭo hāro. Evaṃ sukkāpi dhammā pariyesitabbā. Akusaladhamme āgamissa.

    д̇ад̇т̇а ааваддасса хаарасса аяам̣ бхууми сад̇и убадтаанаа жа вибаллаасаа жа жад̇д̇аари н̃аан̣аани саггааяасамуббаад̣̇ааяаг̇ааминий жа бадибад̣̇аа саггааяанирод̇хаг̇ааминий бадибад̣̇аа.

    Tattha āvaṭṭassa hārassa ayaṃ bhūmi sati upaṭṭhānā ca vipallāsā ca cattāri ñāṇāni sakkāyasamuppādāyagāminī ca paṭipadā sakkāyanirodhagāminī paṭipadā.

    51. д̇ад̇т̇а гад̇амо вибхад̇д̇и хааро? яам̣ гин̃жи вибхаж̇ж̇аб̣яаагаран̣ийяам̣ вужжад̇и вибхад̇д̇и хааро. яат̇аа гим̣ ааг̇анд̇ваа жа буна буг̇г̇ало ход̇и, но вааг̇ад̇ам̣ на барибхаасад̇и 31 барибужчад̇ааяа бан̃хааяа ад̇ияанам̣ згасса гин̃жи – аяам̣ вужжад̇з вибхад̇д̇и хааро.

    51. Tattha katamo vibhatti hāro? Yaṃ kiñci vibhajjabyākaraṇīyaṃ vuccati vibhatti hāro. Yathā kiṃ āgantvā ca puna puggalo hoti, no vāgataṃ na paribhāsati 32 paripucchatāya pañhāya atiyanaṃ ekassa kiñci – ayaṃ vuccate vibhatti hāro.

    д̇ад̇т̇а гад̇амо баривад̇д̇ано хааро. яам̣ гин̃жи бадибагканид̣̇д̣̇зсо, аяам̣ вужжад̇и баривад̇д̇ано хааро. яат̇аа вуд̇д̇ам̣ бхаг̇авад̇аа саммаад̣̇идтигасса бурисабуг̇г̇аласса мижчаад̣̇идти ниж̇ж̇ин̣н̣аа ход̇ийд̇и вид̇т̇аарзна саб̣б̣аани маг̇г̇ан̇г̇аани. аяам̣ вужжад̇з баривад̇д̇ано хааро.

    Tattha katamo parivattano hāro. Yaṃ kiñci paṭipakkhaniddeso, ayaṃ vuccati parivattano hāro. Yathā vuttaṃ bhagavatā sammādiṭṭhikassa purisapuggalassa micchādiṭṭhi nijjiṇṇā hotīti vitthārena sabbāni maggaṅgāni. Ayaṃ vuccate parivattano hāro.

    д̇ад̇т̇а гад̇амо взважано хааро?

    Tattha katamo vevacano hāro?

    взважанзхи анзгзхи, згам̣ д̇хаммам̣ багаасид̇ам̣;

    Vevacanehi anekehi, ekaṃ dhammaṃ pakāsitaṃ;

    суд̇д̇з яо ж̇аанаад̇и суд̇д̇авид̣̇уу, взважано наама со хааро.

    Sutte yo jānāti suttavidū, vevacano nāma so hāro.

    яат̇аа ааяасмаа саарибуд̇д̇о згамхи вад̇т̇умхи взважанзна наанаавуд̇д̇зна бхаг̇авад̇аа басам̣сид̇о ‘‘махаабан̃н̃о саарибуд̇д̇о хаасабан̃н̃о ж̇аванабан̃н̃о’’д̇и ид̣̇ам̣ бан̃н̃ааяа взважанам̣. яат̇аа жа маг̇г̇авибхан̇г̇з нияяаанад̇т̇о згамзгам̣ маг̇г̇ан̇г̇ам̣ взважанзхи нид̣̇д̣̇идтам̣. звам̣ авиж̇ж̇ааяа взважанаа. згам̣ агусаламуулам̣ д̇ад̣̇зва санд̇ам̣ д̇зсу д̇зсу ж̇анабад̣̇зсу д̇зна д̇зна баж̇аананд̇и. на хи анзна д̇ад̣̇зваби аалабияанд̇и ан̃н̃ам̣ бхаж̇ад̇и. саб̣б̣агаамаж̇ахасса бхигкунод̇и гаамаа аалабид̇аа. яасса нид̇т̇ин̣н̣о сан̇год̇и д̇зязва гаамз сан̇гаад̇и аалабад̇и. сун̣амаанасса бурзд̇арам̣ раж̇ж̇анд̇и д̇зязва гаамз раж̇ж̇анд̇и аалабад̇и. звам̣ суд̇д̇амхи яо д̇хаммо д̣̇зсияад̇и д̇асса барияздти ‘‘гад̇амасса д̇хаммасса ид̣̇ам̣ наамам̣ гад̇амасса ид̣̇ам̣ взважана’’нд̇и. саб̣б̣ан̃н̃уу хи язсам̣ язсам̣ яаа нируд̇д̇и ход̇и, яат̇ааг̇аами д̇зна д̇зна д̣̇зсзд̇ийд̇и д̇асса взважанам̣ бариязсид̇аб̣б̣ам̣. аяам̣ взважано хааро.

    Yathā āyasmā sāriputto ekamhi vatthumhi vevacanena nānāvuttena bhagavatā pasaṃsito ‘‘mahāpañño sāriputto hāsapañño javanapañño’’ti idaṃ paññāya vevacanaṃ. Yathā ca maggavibhaṅge niyyānattho ekamekaṃ maggaṅgaṃ vevacanehi niddiṭṭhaṃ. Evaṃ avijjāya vevacanā. Ekaṃ akusalamūlaṃ tadeva santaṃ tesu tesu janapadesu tena tena pajānanti. Na hi anena tadevapi ālapiyanti aññaṃ bhajati. Sabbakāmajahassa bhikkhunoti kāmā ālapitā. Yassa nitthiṇṇo saṅkoti teyeva kāme saṅkāti ālapati. Suṇamānassa puretaraṃ rajjanti teyeva kāme rajjanti ālapati. Evaṃ suttamhi yo dhammo desiyati tassa pariyeṭṭhi ‘‘katamassa dhammassa idaṃ nāmaṃ katamassa idaṃ vevacana’’nti. Sabbaññū hi yesaṃ yesaṃ yā nirutti hoti, yathāgāmi tena tena desetīti tassa vevacanaṃ pariyesitabbaṃ. Ayaṃ vevacano hāro.

    52. д̇ад̇т̇а гад̇амо бан̃н̃ад̇д̇и хааро? жад̇д̇аари арияасажжаанийд̇и суд̇д̇ам̣ нид̣̇д̣̇исад̇и, нигкзбабан̃н̃ад̇д̇и. яаа самуд̣̇аяабан̃н̃ад̇д̇и. габ̣ал̣ийгаарз аахаарз ад̇т̇и чанд̣̇о ад̇т̇и рааг̇о яаава бад̇идтид̇ам̣. д̇ад̇т̇а вин̃н̃аан̣ам̣ бабхавабан̃н̃ад̇д̇им̣ бан̃н̃абзд̇и. габ̣ал̣ийгаарз аахаарз над̇т̇и чанд̣̇о…бз… самуг̇гхаад̇и бан̃н̃ад̇д̇и.

    52. Tattha katamo paññatti hāro? Cattāri ariyasaccānīti suttaṃ niddisati, nikkhepapaññatti. Yā samudayapaññatti. Kabaḷīkāre āhāre atthi chando atthi rāgo yāva patiṭṭhitaṃ. Tattha viññāṇaṃ pabhavapaññattiṃ paññapeti. Kabaḷīkāre āhāre natthi chando…pe… samugghāti paññatti.

    д̇асса гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇ийд̇и бахаанабан̃н̃ад̇д̇им̣ бан̃н̃абзд̇и. д̇ан̣хаа яасса бурагкад̇аа бан̃н̃аа баривад̇д̇ад̇и г̇аат̇аа манаабабан̃н̃ад̇д̇им̣ бан̃н̃абзд̇и. звам̣ бана манаабабан̃н̃ад̇д̇ийд̇и згад̇хаммам̣ бхаг̇аваа бан̃н̃абзд̇и. на хи д̇ан̣хаа д̣̇угкасамуд̣̇аяод̇и гаарзд̇ваа саб̣б̣ад̇т̇а д̇ан̣хаасамуд̣̇аяо нид̣̇д̣̇исид̇аб̣б̣о. яат̇аа уббаннам̣ гаамавид̇аггам̣ наад̇хиваасзд̇и винод̣̇зд̇и баж̇ахад̇ийд̇и бадигкзбабан̃н̃ад̇д̇и. звам̣ саб̣б̣зсам̣ д̇хаммаанам̣ гусалаанан̃жа агусалаанан̃жа яан̃жасса д̇хаммагкзд̇д̇ам̣ бхавад̇и, со жзва д̇хаммо д̇ад̇т̇а бавад̇д̇ад̇и. д̇ад̣̇авасидтаа д̇хаммаа д̇ассаанувад̇д̇агаа хонд̇и. саа д̣̇увид̇хаа бан̃н̃ад̇д̇и – бараад̇хийнабан̃н̃ад̇д̇и жа саад̇хийнабан̃н̃ад̇д̇и жа. гад̇амаа саад̇хийнабан̃н̃ад̇д̇и? самаад̇хим̣, бхигкавз 33, бхаавзт̇а, самаахид̇о, бхигкавз, бхигку яат̇аабхууд̇ам̣ баж̇аанаад̇и. ‘‘руубам̣ анижжа’’нд̇и яат̇аабхууд̇ам̣ баж̇аанаад̇и, аяам̣ саад̇хийнабан̃н̃ад̇д̇и бараад̇хийнабан̃н̃ад̇д̇и жа, саа бан̃н̃ад̇д̇и бан̃н̃ааяа жа сийласса жа, яат̇аа жад̇д̇аари жхаанаани бхаавзт̇а. д̇асса ад̇т̇и самаад̇хинд̣̇рияам̣ муд̣̇ууни жад̇д̇аари инд̣̇рияаани д̇аани жад̇убараад̇хийнаани, д̇ийн̣и авзжжаббасаад̣̇зд̇и бараад̇хийнам̣ самаад̇хинд̣̇рияам̣ жад̇д̇аари инд̣̇рияаани бараад̇хийнаад̇и жад̇уусу арияасажжзсу абараад̇хийнам̣ бан̃н̃инд̣̇рияам̣ сад̇ибадтаанзсу саммаббад̇хаанзсу вийрияинд̣̇рияам̣. ид̇и сагз бад̣̇адтаанз сагз кзд̇д̇асаад̇хийно со д̇хаммо, со жа д̇ад̇т̇а бан̃н̃аабзд̇аб̣б̣о. д̇асса бадибагкаа нигхаад̇о нид̣̇д̣̇исид̇аб̣б̣о. зд̇т̇ааяам̣ анзгаагаарабан̃н̃ад̇д̇и гзна гааран̣зна аяам̣ д̇хаммо бан̃н̃ад̇д̇од̇и. аяам̣ вужжад̇з бан̃н̃ад̇д̇и.

    Tassa kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccatīti pahānapaññattiṃ paññapeti. Taṇhā yassa purakkhatā paññā parivattati gāthā manāpapaññattiṃ paññapeti. Evaṃ pana manāpapaññattīti ekadhammaṃ bhagavā paññapeti. Na hi taṇhā dukkhasamudayoti kāretvā sabbattha taṇhāsamudayo niddisitabbo. Yathā uppannaṃ kāmavitakkaṃ nādhivāseti vinodeti pajahatīti paṭikkhepapaññatti. Evaṃ sabbesaṃ dhammānaṃ kusalānañca akusalānañca yañcassa dhammakkhettaṃ bhavati, so ceva dhammo tattha pavattati. Tadavasiṭṭhā dhammā tassānuvattakā honti. Sā duvidhā paññatti – parādhīnapaññatti ca sādhīnapaññatti ca. Katamā sādhīnapaññatti? Samādhiṃ, bhikkhave 34, bhāvetha, samāhito, bhikkhave, bhikkhu yathābhūtaṃ pajānāti. ‘‘Rūpaṃ anicca’’nti yathābhūtaṃ pajānāti, ayaṃ sādhīnapaññatti parādhīnapaññatti ca, sā paññatti paññāya ca sīlassa ca, yathā cattāri jhānāni bhāvetha. Tassa atthi samādhindriyaṃ mudūni cattāri indriyāni tāni catuparādhīnāni, tīṇi aveccappasādeti parādhīnaṃ samādhindriyaṃ cattāri indriyāni parādhīnāti catūsu ariyasaccesu aparādhīnaṃ paññindriyaṃ satipaṭṭhānesu sammappadhānesu vīriyindriyaṃ. Iti sake padaṭṭhāne sake khettasādhīno so dhammo, so ca tattha paññāpetabbo. Tassa paṭipakkhā nighāto niddisitabbo. Etthāyaṃ anekākārapaññatti kena kāraṇena ayaṃ dhammo paññattoti. Ayaṃ vuccate paññatti.

    53. д̇ад̇т̇а гад̇амо од̇аран̣о хааро? часу д̇хаммзсу од̇аарзд̇аб̣б̣ам̣. гад̇амзсу часу? канд̇хзсу д̇хаад̇уусу ааяад̇анзсу инд̣̇риязсу сажжзсу бадижжасамуббаад̣̇зсу. над̇т̇и д̇ам̣ суд̇д̇ам̣ ваа г̇аат̇аа ваа б̣яаагаран̣ам̣ ваа. имзсу чаннам̣ д̇хаммаанам̣ ан̃н̃ад̇арасмим̣ на санд̣̇иссад̇и. зд̇д̇аавад̇аа зса саб̣б̣аа д̣̇зсанаа яаа д̇аа канд̇хаа ваа д̇хаад̇уяо ваа ааяад̇анаани ваа сажжаани ваа бадижжасамуббаад̣̇о ваа, д̇ад̇т̇а бан̃жаннам̣ канд̇хаанам̣ взд̣̇анаагканд̇хо рааг̇ад̣̇осамохаанам̣ бад̣̇адтаанам̣. д̇ад̇т̇а д̇иссо взд̣̇анааяо д̇асса сукааяа взд̣̇анааяа соманассо савижааро, д̣̇угкааяа взд̣̇анааяа д̣̇оманассо савижааро, ад̣̇угкамасукааяа взд̣̇анааяа убзгко савижааро. яам̣ буна д̇ад̇т̇а взд̣̇аяид̇ам̣ ид̣̇ам̣ д̣̇угкасажжам̣, канд̇хзсу сан̇каарагканд̇хо д̇ад̇т̇а гааяо бамад̇д̇ам̣ саубавад̇д̇ад̇и, д̇ан̃жа сан̇каараг̇ад̇о д̣̇вид̇хаа жа бхаван̇г̇од̇аран̣ам̣ гаммам̣ д̇ийн̣и жа сан̇каараани бун̃н̃аабхисан̇каараа ваа абун̃н̃аа ваа аанзн̃ж̇аа ваа хзд̇у саб̣б̣асарааг̇асса но вийд̇арааг̇асса, д̣̇осасса абхисан̇каараани жа авийд̇арааг̇о жзд̇зд̇и жа багаббзд̇и жа, вийд̇арааг̇о бана жзд̇зд̇и жа но абхисан̇карод̇и, яам̣ ун̣хам̣ важ̇ирам̣ гадтз ваа ругкз ваа ан̃н̃ад̇т̇а ваа бад̇анд̇ам̣ бхинд̣̇ад̇и жа д̣ахад̇и жа, звам̣ сарааг̇ажзд̇анаа жзд̇зд̇и жа абхисан̇карод̇и жа. яат̇аа сад̇ам̣ важ̇ирам̣ на бхинд̣̇ад̇и на жа д̣ахад̇и, звам̣ вийд̇арааг̇ажзд̇анаа жзд̇зд̇и на жа абхисан̇карод̇и. д̇ад̇т̇а бан̃жаннам̣ канд̇хаанам̣ зго канд̇хо анинд̣̇рияасарийрам̣ сан̃н̃аагканд̇хо.

    53. Tattha katamo otaraṇo hāro? Chasu dhammesu otāretabbaṃ. Katamesu chasu? Khandhesu dhātūsu āyatanesu indriyesu saccesu paṭiccasamuppādesu. Natthi taṃ suttaṃ vā gāthā vā byākaraṇaṃ vā. Imesu channaṃ dhammānaṃ aññatarasmiṃ na sandissati. Ettāvatā esa sabbā desanā yā tā khandhā vā dhātuyo vā āyatanāni vā saccāni vā paṭiccasamuppādo vā, tattha pañcannaṃ khandhānaṃ vedanākkhandho rāgadosamohānaṃ padaṭṭhānaṃ. Tattha tisso vedanāyo tassa sukhāya vedanāya somanasso savicāro, dukkhāya vedanāya domanasso savicāro, adukkhamasukhāya vedanāya upekkho savicāro. Yaṃ puna tattha vedayitaṃ idaṃ dukkhasaccaṃ, khandhesu saṅkhārakkhandho tattha kāyo pamattaṃ saupavattati, tañca saṅkhāragato dvidhā ca bhavaṅgotaraṇaṃ kammaṃ tīṇi ca saṅkhārāni puññābhisaṅkhārā vā apuññā vā āneñjā vā hetu sabbasarāgassa no vītarāgassa, dosassa abhisaṅkhārāni ca avītarāgo ceteti ca pakappeti ca, vītarāgo pana ceteti ca no abhisaṅkharoti, yaṃ uṇhaṃ vajiraṃ kaṭṭhe vā rukkhe vā aññattha vā patantaṃ bhindati ca ḍahati ca, evaṃ sarāgacetanā ceteti ca abhisaṅkharoti ca. Yathā sataṃ vajiraṃ na bhindati na ca ḍahati, evaṃ vītarāgacetanā ceteti na ca abhisaṅkharoti. Tattha pañcannaṃ khandhānaṃ eko khandho anindriyasarīraṃ saññākkhandho.

    д̇ад̇т̇а д̇хаад̇уунам̣ адтаараса д̇хаад̇уяо. д̇ад̇т̇а яаа руубий д̣̇аса д̇хаад̇уяо, д̇аасу д̣̇зсияамаанаасу руубагканд̇хо нид̣̇д̣̇исид̇аб̣б̣о, д̣̇угкам̣ арияасажжам̣. язби жа ча вин̃н̃аан̣агааяаа манод̇хаад̇усад̇д̇амаа, д̇ад̇т̇а вин̃н̃аан̣агканд̇хо жа нид̣̇д̣̇исид̇аб̣б̣о, д̣̇угкам̣ арияасажжам̣. д̇хаммад̇хаад̇у бана д̇хаммасамосаран̣аа, со д̇хаммо хзд̇унаа жа ниссанд̣̇зна жа палзна жа гижжзна жа взважанзна жа язна язна убалаб̣бхад̇и, д̇зна д̇зна нид̣̇д̣̇исид̇аб̣б̣о. яад̣̇и ваа гусалаа яад̣̇и ваа агусалаа яад̣̇и ваа аб̣яаагад̇аа яад̣̇и ваа асан̇кад̇аа. д̣̇ваад̣̇асаннам̣ ааяад̇анаанам̣ д̣̇аса ааяад̇анаани руубаани д̇ам̣ д̣̇угкам̣ арияасажжам̣ нид̣̇д̣̇исид̇аб̣б̣ам̣. руубагканд̇хо жа манааяад̇анан̃жа вин̃н̃аан̣агканд̇хзна нид̣̇д̣̇исид̇аб̣б̣ам̣, д̣̇угкам̣ арияасажжам̣. д̇хаммааяад̇анам̣ наанаад̇хаммасамосаран̣ам̣. д̇ад̇т̇а яз д̇хаммаа инд̣̇рияаанам̣ инд̣̇риязсу нид̣̇д̣̇исид̇аб̣б̣аа, яз анинд̣̇рияаанам̣ анинд̣̇риязсу нид̣̇д̣̇исид̇аб̣б̣аа. барияааяад̇о жа од̇аарзд̇аб̣б̣аа. яат̇аа саа д̇хаммад̇хаад̇у д̇ат̇аа д̇хаммааяад̇анам̣ бариязсид̇аб̣б̣ам̣. яааязва хи д̇хаммад̇хаад̇у д̇ад̣̇зва д̇хаммааяад̇анам̣ ануунам̣ анад̇хигам̣.

    Tattha dhātūnaṃ aṭṭhārasa dhātuyo. Tattha yā rūpī dasa dhātuyo, tāsu desiyamānāsu rūpakkhandho niddisitabbo, dukkhaṃ ariyasaccaṃ. Yepi ca cha viññāṇakāyā manodhātusattamā, tattha viññāṇakkhandho ca niddisitabbo, dukkhaṃ ariyasaccaṃ. Dhammadhātu pana dhammasamosaraṇā, so dhammo hetunā ca nissandena ca phalena ca kiccena ca vevacanena ca yena yena upalabbhati, tena tena niddisitabbo. Yadi vā kusalā yadi vā akusalā yadi vā abyākatā yadi vā asaṅkhatā. Dvādasannaṃ āyatanānaṃ dasa āyatanāni rūpāni taṃ dukkhaṃ ariyasaccaṃ niddisitabbaṃ. Rūpakkhandho ca manāyatanañca viññāṇakkhandhena niddisitabbaṃ, dukkhaṃ ariyasaccaṃ. Dhammāyatanaṃ nānādhammasamosaraṇaṃ. Tattha ye dhammā indriyānaṃ indriyesu niddisitabbā, ye anindriyānaṃ anindriyesu niddisitabbā. Pariyāyato ca otāretabbā. Yathā sā dhammadhātu tathā dhammāyatanaṃ pariyesitabbaṃ. Yāyeva hi dhammadhātu tadeva dhammāyatanaṃ anūnaṃ anadhikaṃ.

    д̇ад̇т̇а бадижжасамуббаад̣̇о ад̇т̇и д̇ивид̇хо, ад̇т̇и жад̇уб̣б̣ид̇хо, ад̇т̇и д̣̇увид̇хо. д̇ад̇т̇а д̇ивид̇хо бадижжасамуббаад̣̇о хзд̇упаланиссанд̣̇о. авиж̇ж̇аа сан̇каараа д̇ан̣хаа убаад̣̇аанам̣ жа аяам̣ хзд̇у, вин̃н̃аан̣ам̣ наамаруубам̣ сал̣ааяад̇анам̣ пассо взд̣̇анаа жа аяам̣ бажжаяо, яо бхаво аяам̣ вибааго, яаа ж̇аад̇и маран̣ам̣ аяам̣ ниссанд̣̇о.

    Tattha paṭiccasamuppādo atthi tividho, atthi catubbidho, atthi duvidho. Tattha tividho paṭiccasamuppādo hetuphalanissando. Avijjā saṅkhārā taṇhā upādānaṃ ca ayaṃ hetu, viññāṇaṃ nāmarūpaṃ saḷāyatanaṃ phasso vedanā ca ayaṃ paccayo, yo bhavo ayaṃ vipāko, yā jāti maraṇaṃ ayaṃ nissando.

    гат̇ам̣ жад̇уб̣б̣ид̇хо хзд̇у бажжаяо вибааго ниссанд̣̇о жа? авиж̇ж̇аа жа д̇ан̣хаасан̇каараа жа убаад̣̇аанам̣ жа – аяам̣ хзд̇у. вин̃н̃аан̣ам̣ наамаруубасса бажжаяо. наамаруубам̣ убабаж̇ж̇ад̇и, д̇ат̇аа убабаннасса сал̣ааяад̇анам̣ пассо взд̣̇анаа жа – аяам̣ бажжаяо. яо бхаво аяам̣ вибааго. яаа ж̇аад̇и яаа жа ж̇араамаран̣ам̣ – аяам̣ ниссанд̣̇о.

    Kathaṃ catubbidho hetu paccayo vipāko nissando ca? Avijjā ca taṇhāsaṅkhārā ca upādānaṃ ca – ayaṃ hetu. Viññāṇaṃ nāmarūpassa paccayo. Nāmarūpaṃ upapajjati, tathā upapannassa saḷāyatanaṃ phasso vedanā ca – ayaṃ paccayo. Yo bhavo ayaṃ vipāko. Yā jāti yā ca jarāmaraṇaṃ – ayaṃ nissando.

    гат̇ам̣ д̣̇увид̇хо бадижжасамуббаад̣̇о? авиж̇ж̇аа сан̇каараа д̇ан̣хаа убаад̣̇аанам̣ – аяам̣ самуд̣̇аяо. вин̃н̃аан̣ам̣ наамаруубам̣ сал̣ааяад̇анам̣ пассо взд̣̇анаа бхаво ж̇аад̇и маран̣ан̃жа – ид̣̇ам̣ д̣̇угкам̣. яам̣ бана авиж̇ж̇аанирод̇хаа сан̇кааранирод̇хо имаани д̇аббадибагкзна д̣̇вз сажжаани. д̇асмаа бадижжасамуббаад̣̇о язна аагаарзна нид̣̇д̣̇идто, д̇зна д̇зна нид̣̇д̣̇исид̇аб̣б̣о.

    Kathaṃ duvidho paṭiccasamuppādo? Avijjā saṅkhārā taṇhā upādānaṃ – ayaṃ samudayo. Viññāṇaṃ nāmarūpaṃ saḷāyatanaṃ phasso vedanā bhavo jāti maraṇañca – idaṃ dukkhaṃ. Yaṃ pana avijjānirodhā saṅkhāranirodho imāni tappaṭipakkhena dve saccāni. Tasmā paṭiccasamuppādo yena ākārena niddiṭṭho, tena tena niddisitabbo.

    д̇ат̇аа б̣аавийсад̇и инд̣̇рияаани. д̣̇ваад̣̇аса инд̣̇рияаани жагкунд̣̇рияаани жагкунд̣̇рияам̣ язна д̣̇оманассинд̣̇рияам̣, ид̣̇ам̣ д̣̇угкам̣. бурисинд̣̇рияам̣ жа д̣̇идтияаа жа д̇ан̣хаабад̣̇адтаанам̣. яад̇о бурисо бурисагаанам̣ д̇ам̣ звам̣ гаад̇аб̣б̣ад̇аа. ат̇а аж̇жхад̇д̇ам̣ саараж̇ж̇ад̇и. аяам̣ ахам̣гааро д̇ам̣ яасаа саарад̇д̇о б̣ахид̣̇д̇хаа бариязсад̇и, аяам̣ мамам̣гааро звам̣ ид̇т̇ий, д̇ад̇т̇а сукинд̣̇рияам̣ жа соманассинд̣̇рияам̣ жа бурисинд̣̇рияассаанувад̇д̇агаа хонд̇и. д̇асса ад̇хиббааяабарибун̣н̣аа лобхад̇хаммаа гусаламуулз бавад̣дхзнд̇и. д̇асса жз аяамад̇хиббааяо на баарибуурим̣ г̇ажчад̇и. д̇асса д̣̇угкинд̣̇рияам̣ жа д̣̇оманассинд̣̇рияам̣ жа вад̇д̇ад̇и. д̣̇осо жа агусаламуулам̣ бавад̣дхад̇и. сажз бана убзгкаа бхаавзд̇и убзгкинд̣̇рияасса анувад̇д̇агаамаа бхавад̇и. амохо жа гусаламуулам̣ бавад̣дхад̇и. ид̇и сад̇д̇а инд̣̇рияаани гилзсавад̇т̇умубаад̣̇ааяа ананвзмаани авамаани саб̣б̣асса взд̣̇анаа ид̇т̇инд̣̇рияам̣ бурисинд̣̇рияам̣. д̇ад̇т̇а адта инд̣̇рияаани сад̣̇д̇хинд̣̇рияам̣ яаава ан̃н̃аад̇аавино инд̣̇рияам̣, аяам̣ д̣̇угканирод̇хаг̇ааминий бадибад̣̇аа. д̣̇асаннам̣ бан̃н̃инд̣̇рияаанам̣ гаамарааг̇асса бад̣̇адтаанам̣. манинд̣̇рияам̣ бхаварааг̇асса бад̣̇адтаанам̣. бан̃н̃инд̣̇рияаани руубарааг̇асса бад̣̇адтаанам̣. ид̇т̇инд̣̇рияам̣ жа бурисинд̣̇рияам̣ жа сад̇д̇а бан̃н̃ад̇д̇ияаа бад̣̇адтаанам̣. д̇ад̇т̇а язна язна инд̣̇риязна яуд̇д̇ам̣ ваа г̇аат̇ааяа од̇аарзд̇ум̣ саггод̇и, д̇зна д̇зна нид̣̇д̣̇исид̇аб̣б̣о. звам̣ канд̇хзсу д̇хаад̇уусу ааяад̇анзсу сажжзсу бадижжасамуббаад̣̇зсу аяам̣ од̇аран̣о хааро.

    Tathā bāvīsati indriyāni. Dvādasa indriyāni cakkhundriyāni cakkhundriyaṃ yena domanassindriyaṃ, idaṃ dukkhaṃ. Purisindriyaṃ ca diṭṭhiyā ca taṇhāpadaṭṭhānaṃ. Yato puriso purisakānaṃ taṃ evaṃ kātabbatā. Atha ajjhattaṃ sārajjati. Ayaṃ ahaṃkāro taṃ yasā sāratto bahiddhā pariyesati, ayaṃ mamaṃkāro evaṃ itthī, tattha sukhindriyaṃ ca somanassindriyaṃ ca purisindriyassānuvattakā honti. Tassa adhippāyaparipuṇṇā lobhadhammā kusalamūle pavaḍḍhenti. Tassa ce ayamadhippāyo na pāripūriṃ gacchati. Tassa dukkhindriyaṃ ca domanassindriyaṃ ca vattati. Doso ca akusalamūlaṃ pavaḍḍhati. Sace pana upekkhā bhāveti upekkhindriyassa anuvattakāmā bhavati. Amoho ca kusalamūlaṃ pavaḍḍhati. Iti satta indriyāni kilesavatthumupādāya ananvemāni avamāni sabbassa vedanā itthindriyaṃ purisindriyaṃ. Tattha aṭṭha indriyāni saddhindriyaṃ yāva aññātāvino indriyaṃ, ayaṃ dukkhanirodhagāminī paṭipadā. Dasannaṃ paññindriyānaṃ kāmarāgassa padaṭṭhānaṃ. Manindriyaṃ bhavarāgassa padaṭṭhānaṃ. Paññindriyāni rūparāgassa padaṭṭhānaṃ. Itthindriyaṃ ca purisindriyaṃ ca satta paññattiyā padaṭṭhānaṃ. Tattha yena yena indriyena yuttaṃ vā gāthāya otāretuṃ sakkoti, tena tena niddisitabbo. Evaṃ khandhesu dhātūsu āyatanesu saccesu paṭiccasamuppādesu ayaṃ otaraṇo hāro.

    54. д̇ад̇т̇а гад̇амо сод̇хано хааро? яо г̇аат̇аа згзна аарамбхо бхаасиссанд̇и. д̇ад̇т̇а згиссаа бхаасид̇ааяа авасидтаасу бхаасид̇аасу со ад̇т̇о на нид̣̇д̣̇исид̇аб̣б̣о. гим̣ гааран̣ам̣? на хи д̇аава со ад̇т̇о бхаасид̇о, со абхаасид̇о на саггаа нид̣̇д̣̇исид̇ум̣. яат̇аа гим̣ аббамаад̣̇о амад̇ам̣ бад̣̇анд̇и г̇аат̇аа аяамзгаа г̇аат̇аа нид̣̇д̣̇исид̇аб̣б̣аа. гим̣ гааран̣ам̣, ад̇т̇игкаад̇аава имасса аарамбхасса анабхаасид̇ам̣?

    54. Tattha katamo sodhano hāro? Yo gāthā ekena ārambho bhāsissanti. Tattha ekissā bhāsitāya avasiṭṭhāsu bhāsitāsu so attho na niddisitabbo. Kiṃ kāraṇaṃ? Na hi tāva so attho bhāsito, so abhāsito na sakkā niddisituṃ. Yathā kiṃ appamādo amataṃ padanti gāthā ayamekā gāthā niddisitabbā. Kiṃ kāraṇaṃ, atthikkhātāva imassa ārambhassa anabhāsitaṃ?

    звам̣ 35 висзсад̇о н̃ад̇ваа, аббамаад̣̇амхи бан̣д̣ид̇аа;

    Evaṃ 36 visesato ñatvā, appamādamhi paṇḍitā;

    аббамаад̣̇з бамод̣̇анд̇и, арияаанам̣ г̇ожарз рад̇аад̇и.

    Appamāde pamodanti, ariyānaṃ gocare ratāti.

    ид̣̇ам̣ абхаасид̇ам̣. имиссааби г̇аат̇ааяа бхаасид̇ааяа ад̇т̇о нид̣̇д̣̇исид̇аб̣б̣о. гим̣ гааран̣ам̣, ад̇т̇и д̇ад̇т̇а авасидтам̣? д̇з жхааяино 37 саад̇ад̇игаа, нижжам̣ д̣̇ал̣хабараггамаад̇и г̇аат̇аа, звам̣ имаа г̇аат̇ааяо убад̇хаарид̇аа яад̣̇аа бхаванд̇и, д̇ад̣̇аа ад̇т̇о нид̣̇д̣̇исид̇аб̣б̣о. звам̣ ассуд̇абуб̣б̣зсу суд̇д̇зсу б̣яаагаран̣зсу ваа згуд̣̇д̣̇зсо бхаасид̇о. яаа виймам̣саа д̇уланаа ид̣̇ам̣ ад̇т̇и гижжам̣, ид̣̇ам̣ суд̇д̇ам̣ бхаасид̇ам̣ д̇асса взважанам̣ нид̣̇д̣̇идтам̣ ваа на ваад̇и. д̇ад̇т̇а яаа виймам̣саа, аяам̣ вужжад̇з сод̇хано хааро.

    Idaṃ abhāsitaṃ. Imissāpi gāthāya bhāsitāya attho niddisitabbo. Kiṃ kāraṇaṃ, atthi tattha avasiṭṭhaṃ? Te jhāyino 38 sātatikā, niccaṃ daḷhaparakkamāti gāthā, evaṃ imā gāthāyo upadhāritā yadā bhavanti, tadā attho niddisitabbo. Evaṃ assutapubbesu suttesu byākaraṇesu vā ekuddeso bhāsito. Yā vīmaṃsā tulanā idaṃ atthi kiccaṃ, idaṃ suttaṃ bhāsitaṃ tassa vevacanaṃ niddiṭṭhaṃ vā na vāti. Tattha yā vīmaṃsā, ayaṃ vuccate sodhano hāro.

    55. д̇ад̇т̇а гад̇амо ад̇хидтаано хааро? згад̇д̇ад̇аа жа взмад̇д̇ад̇аа жа. д̇ад̇т̇а гид̇абан̃н̃ад̇д̇и жа гижжабан̃н̃ад̇д̇и жа. саа згад̇д̇ад̇аа жа взмад̇д̇ад̇аа жа яат̇аа бан̃н̃ад̇д̇и згавзважанзна взмад̇д̇ад̇аа баж̇аанаад̇ийд̇и бан̃н̃аа, саа жа аад̇хибад̇зяяадтзна бан̃н̃ад̇д̇и. яам̣ аномад̇д̇ияадтзна бан̃н̃ад̇д̇анд̇и. д̇ам̣ аномад̇д̇ияадтзна бан̃н̃ааб̣алам̣. д̇анубхууд̇аа г̇ожарад̇д̇авасаа сзвасад̇и д̇ийсу рад̇анзсу ануссад̇и б̣уд̣̇д̇хаануссад̇и д̇хаммаануссад̇и сан̇гхаануссад̇и авибарийд̇аануссаран̣ад̇ааяа. саммаад̣̇идти д̇хаммаанам̣ бавижаязна д̇хаммавижаяасамб̣ож̇жхан̇г̇о абхинийхаарад̇о абхин̃н̃аад̇и. сан̇кзбзна маг̇г̇аа гаа вад̇т̇у авигобанад̇ааяа згад̇д̇аа, яат̇аа ун̣хзна сам̣садтам̣ ун̣ход̣̇агам̣, сийд̇зна сам̣садтам̣ сийд̇од̣̇агам̣ каарод̣̇агам̣ г̇ул̣ход̣̇аганд̇и, ид̣̇ам̣ згад̇д̇ад̇аа взмад̇д̇ад̇аа жа.

    55. Tattha katamo adhiṭṭhāno hāro? Ekattatā ca vemattatā ca. Tattha kitapaññatti ca kiccapaññatti ca. Sā ekattatā ca vemattatā ca yathā paññatti ekavevacanena vemattatā pajānātīti paññā, sā ca ādhipateyyaṭṭhena paññatti. Yaṃ anomattiyaṭṭhena paññattanti. Taṃ anomattiyaṭṭhena paññābalaṃ. Tanubhūtā gocarattavasā sevasati tīsu ratanesu anussati buddhānussati dhammānussati saṅghānussati aviparītānussaraṇatāya. Sammādiṭṭhi dhammānaṃ pavicayena dhammavicayasambojjhaṅgo abhinīhārato abhiññāti. Saṅkhepena maggā kā vatthu avikopanatāya ekattā, yathā uṇhena saṃsaṭṭhaṃ uṇhodakaṃ, sītena saṃsaṭṭhaṃ sītodakaṃ khārodakaṃ guḷhodakanti, idaṃ ekattatā vemattatā ca.

    ад̇т̇и буна д̇хаммо наанаад̇хаммасан̇гхад̇о згад̇о яат̇ааруубам̣ жад̇д̇ааро ваарзд̇аб̣б̣аа, д̇ан̃жа руубанд̇и згад̇д̇ад̇аа. бат̇авийд̇хаад̇у аабо д̇зж̇о вааяод̇хаад̇ууд̇и взмад̇д̇ад̇аа. звам̣ саб̣б̣аа жад̇ассо д̇хаад̇уяо руубанд̇и згад̇д̇ад̇аа, бат̇авийд̇хаад̇у аабо д̇зж̇о вааяод̇хаад̇ууд̇и взмад̇д̇ад̇аа. бат̇авийд̇хаад̇ууд̇и лагкан̣ад̇о згад̇д̇ад̇аа, сам̣гин̣н̣авад̇т̇уд̇о взмад̇д̇ад̇аа. яам̣ гин̃жи гагкал̣алагкан̣ам̣, саб̣б̣ам̣ д̇ам̣ бат̇авийд̇хаад̇ууд̇и згад̇д̇ад̇аа. гзсаа ломаа накаа д̣̇анд̇аа чави жамманд̇и взмад̇д̇ад̇аа. звам̣ саб̣б̣ам̣ жад̇ассо д̇хаад̇уяо руубанд̇и згад̇д̇ам̣. сад̣̇д̣̇аа г̇анд̇хаа расаа подтаб̣б̣аад̇и взмад̇д̇ад̇аа.

    Atthi puna dhammo nānādhammasaṅghato ekato yathārūpaṃ cattāro vāretabbā, tañca rūpanti ekattatā. Pathavīdhātu āpo tejo vāyodhātūti vemattatā. Evaṃ sabbā catasso dhātuyo rūpanti ekattatā, pathavīdhātu āpo tejo vāyodhātūti vemattatā. Pathavīdhātūti lakkhaṇato ekattatā, saṃkiṇṇavatthuto vemattatā. Yaṃ kiñci kakkhaḷalakkhaṇaṃ, sabbaṃ taṃ pathavīdhātūti ekattatā. Kesā lomā nakhā dantā chavi cammanti vemattatā. Evaṃ sabbaṃ catasso dhātuyo rūpanti ekattaṃ. Saddā gandhā rasā phoṭṭhabbāti vemattatā.

    ад̇т̇и буна д̇хаммо взмад̇д̇ад̇аа ан̃н̃о наамам̣ лабхад̇и. яат̇аа гааяаанубассанааяа навасан̃н̃аа винийлагасан̃н̃аа уд̣̇д̇хумаад̇агасан̃н̃аа, аяам̣ асубхасан̃н̃аа, яаа згад̇д̇ад̇аа аарамман̣ад̇о взмад̇д̇ад̇о, саа звам̣ сан̃н̃аавзд̣̇анаасу аад̣̇ийнавам̣ саманубассад̇о д̇ат̇аад̇хидтаанам̣ самаад̇хинд̣̇рияам̣ жа сааязва д̇хаммзсу д̇ад̇т̇а сан̃н̃аабхааванаа вийрияинд̣̇рияам̣ жа д̇хаммзсу д̇хаммаанубассанаа жид̇д̇з ад̇д̇асан̃н̃ам̣ баж̇ахад̇о бан̃н̃инд̣̇рияам̣ жа жид̇д̇з жид̇д̇аанубассанаа. (ид̇и) 39 яо гожи н̃аан̣абажааро саб̣б̣асо бан̃н̃ааяа г̇ожаро бан̃н̃аа, аяам̣ взмад̇д̇ад̇аа, яат̇аа гаамарааг̇о бхаварааг̇о д̣̇идтирааг̇од̇и взмад̇д̇ад̇аа д̇ан̣хааяа. ид̇и яам̣ згад̇д̇ад̇ааяа жа взмад̇д̇ад̇ааяа жа н̃аан̣ам̣ виймам̣санаа д̇уланаа. аяам̣ ад̇хидтаано хааро.

    Atthi puna dhammo vemattatā añño nāmaṃ labhati. Yathā kāyānupassanāya navasaññā vinīlakasaññā uddhumātakasaññā, ayaṃ asubhasaññā, yā ekattatā ārammaṇato vemattato, sā evaṃ saññāvedanāsu ādīnavaṃ samanupassato tathādhiṭṭhānaṃ samādhindriyaṃ ca sāyeva dhammesu tattha saññābhāvanā vīriyindriyaṃ ca dhammesu dhammānupassanā citte attasaññaṃ pajahato paññindriyaṃ ca citte cittānupassanā. (Iti) 40 yo koci ñāṇapacāro sabbaso paññāya gocaro paññā, ayaṃ vemattatā, yathā kāmarāgo bhavarāgo diṭṭhirāgoti vemattatā taṇhāya. Iti yaṃ ekattatāya ca vemattatāya ca ñāṇaṃ vīmaṃsanā tulanā. Ayaṃ adhiṭṭhāno hāro.

    56. д̇ад̇т̇а гад̇амо баригкааро хааро? сахзд̇у саббажжаяам̣ вод̣̇аанан̃жа сам̣гилзсо жа, яам̣ д̇ад̣̇убхаяам̣ барияздти, са баригкааро хааро. ид̇и д̇хаммаанам̣ сахзд̇угаанам̣ хзд̇у бариязсид̇аб̣б̣о, саббажжаяаанам̣ бажжаяо бариязсид̇аб̣б̣о.

    56. Tattha katamo parikkhāro hāro? Sahetu sappaccayaṃ vodānañca saṃkileso ca, yaṃ tadubhayaṃ pariyeṭṭhi, sa parikkhāro hāro. Iti dhammānaṃ sahetukānaṃ hetu pariyesitabbo, sappaccayānaṃ paccayo pariyesitabbo.

    д̇ад̇т̇а гим̣ наанаагаран̣ам̣, хзд̇усса жа бажжаяасса жа? сабхааво хзд̇у, барабхааво бажжаяо. барабхаавасса бажжаяо хзд̇уби, сабхаавасса хзд̇уяаа барабхаавасса гассажи бажжаяо авуд̇д̇о хзд̇у, вуд̇д̇о бажжаяо. аж̇жхад̇д̇иго хзд̇у, б̣аахиро бажжаяо. сабхааво хзд̇у, барабхааво бажжаяо. ниб̣б̣ад̇д̇аго хзд̇у, бадиг̇г̇аахаго 41 бажжаяо. нзваасиго хзд̇у, ааг̇анд̇уго бажжаяо. асаад̇хааран̣о хзд̇у, саад̇хааран̣о бажжаяо. згоязва хзд̇у, абараабаро бажжаяо.

    Tattha kiṃ nānākaraṇaṃ, hetussa ca paccayassa ca? Sabhāvo hetu, parabhāvo paccayo. Parabhāvassa paccayo hetupi, sabhāvassa hetuyā parabhāvassa kassaci paccayo avutto hetu, vutto paccayo. Ajjhattiko hetu, bāhiro paccayo. Sabhāvo hetu, parabhāvo paccayo. Nibbattako hetu, paṭiggāhako 42 paccayo. Nevāsiko hetu, āgantuko paccayo. Asādhāraṇo hetu, sādhāraṇo paccayo. Ekoyeva hetu, aparāparo paccayo.

    хзд̇усса убагаран̣ам̣ самуд̣̇аанзд̇аб̣б̣о. самуд̣̇аанам̣ хзд̇у, д̇ад̇т̇а д̣̇увид̇хо хзд̇у. д̣̇увид̇хо бажжаяо – самананд̇арабажжаяо жа барамбарабажжаяо жа. хзд̇уби д̣̇увид̇хо – самананд̇арахзд̇у жа барамбарахзд̇у жа. д̇ад̇т̇а гад̇амо барамбарабажжаяо? авиж̇ж̇аа наамаруубасса барамбарабажжаяо, вин̃н̃аан̣ам̣ самананд̇арабажжаяад̇ааяа бажжаяо. яад̣̇и аад̣̇имхи авиж̇ж̇аанирод̇хо бхавад̇и наамаруубасса нирод̇хоби. д̇ад̇т̇а самананд̇арам̣ гим̣ гааран̣ам̣ барамбарабажжаяо самананд̇арабажжаяо самуд̣̇д̣̇аанид̇о, аяам̣ бажжаяад̇о. д̇ад̇т̇а гад̇амо барамбарахзд̇у? виж̇аананд̇асса барамбарахзд̇уд̇ааяа хзд̇у, ан̃н̃аагааро самананд̇арахзд̇уд̇ааяа хзд̇у. яасса хи яам̣ самананд̇арам̣ ниб̣б̣ад̇д̇ад̇и, со д̇асса хзд̇уби ж̇аад̇инирод̇хаа б̣ахи аагааранирод̇хо, аагааранирод̇хаа д̣̇ан̣д̣анирод̇хо, д̣̇ан̣д̣анирод̇хаа кан̣д̣анирод̇хо. звам̣ хзд̇уби д̣̇вид̇хаа со д̇аахи бассид̇аб̣б̣о.

    Hetussa upakaraṇaṃ samudānetabbo. Samudānaṃ hetu, tattha duvidho hetu. Duvidho paccayo – samanantarapaccayo ca paramparapaccayo ca. Hetupi duvidho – samanantarahetu ca paramparahetu ca. Tattha katamo paramparapaccayo? Avijjā nāmarūpassa paramparapaccayo, viññāṇaṃ samanantarapaccayatāya paccayo. Yadi ādimhi avijjānirodho bhavati nāmarūpassa nirodhopi. Tattha samanantaraṃ kiṃ kāraṇaṃ paramparapaccayo samanantarapaccayo samuddānito, ayaṃ paccayato. Tattha katamo paramparahetu? Vijānantassa paramparahetutāya hetu, aññākāro samanantarahetutāya hetu. Yassa hi yaṃ samanantaraṃ nibbattati, so tassa hetupi jātinirodhā bahi ākāranirodho, ākāranirodhā daṇḍanirodho, daṇḍanirodhā khaṇḍanirodho. Evaṃ hetupi dvidhā so tāhi passitabbo.

    бадижжасамуббаад̣̇о яат̇аа авиж̇ж̇аабажжаяо д̇асса буна гим̣бажжаяо, аяонисо манасигааро. со гасса бажжаяо сан̇каараанам̣, ид̇и бажжаяо жа самуббаннам̣ жа д̇асса го хзд̇у авиж̇ж̇ааязва . д̇ат̇аа хи буримаа годи на бан̃н̃ааяад̇и. д̇ад̇т̇а авиж̇ж̇аанусаяо авиж̇ж̇аабарияудтаанасса хзд̇у буримаа хзд̇у бажчаа бажжаяо, сааби авиж̇ж̇аасан̇каараанам̣ бажжаяо жад̇уухи гааран̣зхи сахаж̇аад̇абажжаяад̇ааяа самананд̇арабажжаяад̇ааяа абхисанд̣̇анабажжаяад̇ааяа бад̇идтаанабажжаяад̇ааяа.

    Paṭiccasamuppādo yathā avijjāpaccayo tassa puna kiṃpaccayo, ayoniso manasikāro. So kassa paccayo saṅkhārānaṃ, iti paccayo ca samuppannaṃ ca tassa ko hetu avijjāyeva . Tathā hi purimā koṭi na paññāyati. Tattha avijjānusayo avijjāpariyuṭṭhānassa hetu purimā hetu pacchā paccayo, sāpi avijjāsaṅkhārānaṃ paccayo catūhi kāraṇehi sahajātapaccayatāya samanantarapaccayatāya abhisandanapaccayatāya patiṭṭhānapaccayatāya.

    57. гат̇ам̣ сахаж̇аад̇абажжаяад̇ааяа авиж̇ж̇аасан̇каараанам̣ бажжаяо? яам̣ жид̇д̇ам̣ рааг̇абарияудтам̣, д̇ад̇т̇а авиж̇ж̇аабарияудтаанзна саб̣б̣ам̣ бан̃н̃ааяа г̇ожарам̣ ханд̇и. д̇ад̇т̇а сан̇каараа д̇ибажжаяадтигаа ад̣̇д̇хаабхуумигаарамахад̇д̇асса 43 аяам̣ авиж̇ж̇аасахасамуббаннам̣ вуд̣̇д̇хим̣ вируул̣хим̣ взбуллад̇амаабаж̇ж̇анд̇ий жад̇уухи гааран̣зхи бан̃н̃аа бахийяад̇и. гад̇амзхи жад̇уухи? анусаяо барияудтаанам̣ сам̣яож̇анам̣ убаад̣̇аанам̣. д̇ад̇т̇а анусаяо барияудтаанам̣ ж̇аад̇и барияудтид̇аа сам̣яуж̇ж̇ад̇и сам̣яуд̇д̇аа убаад̣̇ияад̇и убаад̣̇аанабажжаяаа бхаво. звам̣ д̇з сан̇каараа д̇ивид̇хаа уббаннаа бхуумиг̇ад̇аа наасан̃н̃ад̇т̇а аяам̣ маг̇г̇зна винийд̇ад̇д̇ааяаад̇и 44 д̇з т̇аамаг̇ад̇аа абад̇ивинийд̇аад̇иби д̇з сан̇каараад̇и вужжад̇и, звам̣ сахзд̇усамуббаннадтзна ад̇т̇и мзва бажжаяаа сан̇каараанам̣ бажжаяо нид̣̇д̣̇идтам̣ абанзд̇ваа гусалам̣ агусалам̣ гусало жа агусало жа багкибид̇аб̣б̣о, вибаагад̇хаммаа абанзд̇ваа важанийяам̣ аважанийяам̣ важанийяан̃жа аважанийяан̃жа багкибид̇аб̣б̣ам̣, бхаваабзвирид̇д̇аа, саб̣б̣асуд̇д̇ам̣ баригкибид̇аб̣б̣ам̣.

    57. Kathaṃ sahajātapaccayatāya avijjāsaṅkhārānaṃ paccayo? Yaṃ cittaṃ rāgapariyuṭṭhaṃ, tattha avijjāpariyuṭṭhānena sabbaṃ paññāya gocaraṃ hanti. Tattha saṅkhārā tipaccayaṭṭhikā addhābhūmikāramahattassa 45 ayaṃ avijjāsahasamuppannaṃ vuddhiṃ virūḷhiṃ vepullatamāpajjantī catūhi kāraṇehi paññā pahīyati. Katamehi catūhi? Anusayo pariyuṭṭhānaṃ saṃyojanaṃ upādānaṃ. Tattha anusayo pariyuṭṭhānaṃ jāti pariyuṭṭhitā saṃyujjati saṃyuttā upādiyati upādānapaccayā bhavo. Evaṃ te saṅkhārā tividhā uppannā bhūmigatā nāsaññattha ayaṃ maggena vinītattāyāti 46 te thāmagatā apativinītātipi te saṅkhārāti vuccati, evaṃ sahetusamuppannaṭṭhena atthi meva paccayā saṅkhārānaṃ paccayo niddiṭṭhaṃ apanetvā kusalaṃ akusalaṃ kusalo ca akusalo ca pakkhipitabbo, vipākadhammā apanetvā vacanīyaṃ avacanīyaṃ vacanīyañca avacanīyañca pakkhipitabbaṃ, bhavaapevirittā, sabbasuttaṃ parikkhipitabbaṃ.

    д̣̇аса д̇ат̇ааг̇ад̇аб̣алаани жад̇д̇аари взсаараж̇ж̇аани бун̃н̃аани анан̃н̃аагад̇ам̣ авиж̇ж̇аа самананд̇арабажжаяад̇ааяа сан̇каараанам̣ бажжаяо язна жид̇д̇зна саха самуббаннаа авиж̇ж̇аа д̇асса жид̇д̇асса самананд̇аражид̇д̇ам̣ самуббаннанд̇и, д̇асса яам̣ самананд̇аражид̇д̇ам̣ самуббаннанд̇и, д̇асса бажчимасса жид̇д̇асса буримажид̇д̇ам̣ хзд̇убажжаяад̇ааяа бажжаяо, д̇зна авиж̇ж̇аа хзд̇у д̇зна жид̇д̇зна убаад̣̇аанам̣ аногаасагад̇аа н̃аан̣ам̣ на уббаж̇ж̇анд̇и. яаа д̇асса аббамаад̣̇аа д̇хаад̇у абхиж̇жхаабхисанд̣̇ид̇аа д̇ахим̣ вибаллаасаа уббаж̇ж̇анд̇и ‘‘асубхз субха’’нд̇и ‘‘д̣̇угкз сука’’нд̇и, д̇ад̇т̇а сан̇каараа уббаж̇ж̇анд̇и рад̇д̇аа д̣̇удтаа мууласса жзд̇анаа рааг̇абарияудтаанзна б̣яаабаад̣̇абарияудтаанзна авиж̇ж̇аабарияудтаанзна д̣̇идтивибаллаасо вад̇т̇унид̣̇д̣̇зсз нид̣̇д̣̇исид̇аб̣б̣о , яам̣ вибарийд̇ажид̇д̇о виж̇аанаад̇и аяам̣ жид̇д̇авибаллаасо, яаа вибарийд̇асан̃н̃аа убаг̇г̇ан̣хаад̇и аяам̣ сан̃н̃аавибаллаасо. яам̣ вибарийд̇ад̣̇идти абхинивисад̇и аяам̣ д̣̇идтивибаллаасо. адта мижчад̇д̇аани вад̣дханд̇и, д̇ийн̣и агусалаани аяонисо манасигаарз уббаннам̣ вин̃н̃аан̣ан̃жа виж̇ж̇ан̃жа гаронд̇и. ид̇и буб̣б̣аабаранд̇з агусалаанаад̇арид̇аро сан̇каараа вуд̣̇д̇хим̣ взбуллад̇ам̣ г̇ажчанд̇и. д̇з жа махад̇аа жа аббадивид̣̇ид̇аа бонобхавигаа 47 сан̇каараа бхаванд̇и. ид̇и звам̣ авиж̇ж̇аа сахаж̇аад̇абажжаяад̇ааяа сан̇каараанам̣ бажжаяо самананд̇арабажжаяад̇ааяа жа.

    Dasa tathāgatabalāni cattāri vesārajjāni puññāni anaññākataṃ avijjā samanantarapaccayatāya saṅkhārānaṃ paccayo yena cittena saha samuppannā avijjā tassa cittassa samanantaracittaṃ samuppannanti, tassa yaṃ samanantaracittaṃ samuppannanti, tassa pacchimassa cittassa purimacittaṃ hetupaccayatāya paccayo, tena avijjā hetu tena cittena upādānaṃ anokāsakatā ñāṇaṃ na uppajjanti. Yā tassa appamādā dhātu abhijjhābhisanditā tahiṃ vipallāsā uppajjanti ‘‘asubhe subha’’nti ‘‘dukkhe sukha’’nti, tattha saṅkhārā uppajjanti rattā duṭṭhā mūlassa cetanā rāgapariyuṭṭhānena byāpādapariyuṭṭhānena avijjāpariyuṭṭhānena diṭṭhivipallāso vatthuniddese niddisitabbo , yaṃ viparītacitto vijānāti ayaṃ cittavipallāso, yā viparītasaññā upaggaṇhāti ayaṃ saññāvipallāso. Yaṃ viparītadiṭṭhi abhinivisati ayaṃ diṭṭhivipallāso. Aṭṭha micchattāni vaḍḍhanti, tīṇi akusalāni ayoniso manasikāre uppannaṃ viññāṇañca vijjañca karonti. Iti pubbāparante akusalānātaritaro saṅkhārā vuddhiṃ vepullataṃ gacchanti. Te ca mahatā ca appaṭividitā ponobhavikā 48 saṅkhārā bhavanti. Iti evaṃ avijjā sahajātapaccayatāya saṅkhārānaṃ paccayo samanantarapaccayatāya ca.

    58. гат̇ам̣ абхисанд̣̇анаагаарзна авиж̇ж̇аа сан̇каараанам̣ бажжаяо? саа авиж̇ж̇аа д̇з сан̇каарз абхисаннзд̇и барибпарад̇и. сзяяат̇ааби наама уббалам̣ ваа бад̣̇умам̣ ваа д̇ам̣ уд̣̇агз вад̣дхам̣ асса, сийд̇зна вааринаа абхисаннам̣ барисанд̣̇анам̣ вуд̣̇д̇хим̣ вируул̣хим̣ взбуллад̇ам̣ аабаж̇ж̇ад̇и. звам̣ абхисанд̣̇анадтзна авиж̇ж̇аа сан̇каараанам̣ бажжаяо.

    58. Kathaṃ abhisandanākārena avijjā saṅkhārānaṃ paccayo? Sā avijjā te saṅkhāre abhisanneti parippharati. Seyyathāpi nāma uppalaṃ vā padumaṃ vā taṃ udake vaḍḍhaṃ assa, sītena vārinā abhisannaṃ parisandanaṃ vuddhiṃ virūḷhiṃ vepullataṃ āpajjati. Evaṃ abhisandanaṭṭhena avijjā saṅkhārānaṃ paccayo.

    гат̇ам̣ бад̇идтаханадтзна авиж̇ж̇аа сан̇каараанам̣ бажжаяо? д̇з сан̇каараа авиж̇ж̇ааяам̣ ниссааяа вуд̣̇д̇хим̣ вируул̣хим̣ взбуллад̇ам̣ аабаж̇ж̇анд̇и. сзяяат̇ааби наама уббалам̣ ваа бад̣̇умам̣ ваа бат̇авим̣ ниссааяа бат̇авим̣ бад̇идтааяа вуд̣̇д̇хим̣ вируул̣хим̣ взбуллад̇ам̣ аабаж̇ж̇ад̇и. зд̇з сан̇каараа авиж̇ж̇ааяам̣ бад̇идтид̇аа авиж̇ж̇ааяам̣ ниссааяа вуд̣̇д̇хим̣ вируул̣хим̣ взбуллад̇ам̣ г̇ажчанд̇и. звам̣ бад̇идтаханадтзна авиж̇ж̇аа сан̇каараанам̣ бажжаяо.

    Kathaṃ patiṭṭhahanaṭṭhena avijjā saṅkhārānaṃ paccayo? Te saṅkhārā avijjāyaṃ nissāya vuddhiṃ virūḷhiṃ vepullataṃ āpajjanti. Seyyathāpi nāma uppalaṃ vā padumaṃ vā pathaviṃ nissāya pathaviṃ patiṭṭhāya vuddhiṃ virūḷhiṃ vepullataṃ āpajjati. Ete saṅkhārā avijjāyaṃ patiṭṭhitā avijjāyaṃ nissāya vuddhiṃ virūḷhiṃ vepullataṃ gacchanti. Evaṃ patiṭṭhahanaṭṭhena avijjā saṅkhārānaṃ paccayo.

    буна рааг̇асахаг̇ад̇асса гаммасса вибаагзна бадисанд̇химхи бхаво ниб̣б̣ад̇д̇ад̇и, д̇ам̣ гаммасса 49 саб̣б̣ам̣ абхинивидтам̣ ан̃н̃аан̣авасзна бонобхавигаа сан̇каараад̇и вужжанд̇и, звамби авиж̇ж̇аабажжаяаа сан̇каараа ад̇т̇и. буна бан̃жасу яз жа сзгкаа буг̇г̇алаа, яз жа асан̃н̃исамаабад̇д̇им̣ самаабаннаа, яз жа бхаваг̇ад̇аа, яз жа анд̇ог̇ад̇ааязва сам̣сзд̣̇аж̇аа, яз жа ваа бана ан̃н̃о хи гожи анааг̇аамибхууд̇аа на жзд̇знд̇и на жа бад̇т̇знд̇и, д̇зсам̣ гим̣ бажжаяаа сан̇каараа. буна рааг̇аа ад̇т̇и д̇зсам̣ сан̇каараани убаад̣̇аанаани жид̇д̇амануссаранд̇иязва авибаггавибаагасамуухад̇аа асамужчиннабажжаяаа д̇зсам̣ буна жа г̇ад̇о бхавад̇и. звамби хи авиж̇ж̇аабажжаяаа сан̇каараа. буна саа д̇з на убаад̣̇аанаа наби сан̇каараа ад̇т̇и, буна д̇зсам̣ сад̇д̇а анусаяаа асамуухад̇аа асамужчиннаа д̇ад̣̇аарамман̣ам̣ бхавад̇и. вин̃н̃аан̣асса бад̇идтааяа вин̃н̃аан̣абажжаяаа наамаруубам̣. звамби авиж̇ж̇аабажжаяаа сан̇каараа. буна саа яам̣ гин̃жи гаммам̣ аажаяаг̇аами саб̣б̣ам̣ д̇ам̣ авиж̇ж̇аавасзна абхисан̇карияад̇и д̇ан̣хаавасзна жа аллийяад̇и ан̃н̃аан̣авасзна жа д̇ад̇т̇а аад̣̇ийнавамби на ж̇аанаад̇и. д̇ад̣̇зва вин̃н̃аан̣аб̣ийж̇ам̣ бхавад̇и, сааязва д̇ан̣хаасинзхо бхавад̇и. сааязва авиж̇ж̇аа саммоход̇и. звамби авиж̇ж̇аабажжаяаа сан̇каараа вад̇д̇аб̣б̣аа. ид̇и имзхи аагаарзхи авиж̇ж̇аа сан̇каараанам̣ бажжаяо.

    Puna rāgasahagatassa kammassa vipākena paṭisandhimhi bhavo nibbattati, taṃ kammassa 50 sabbaṃ abhiniviṭṭhaṃ aññāṇavasena ponobhavikā saṅkhārāti vuccanti, evampi avijjāpaccayā saṅkhārā atthi. Puna pañcasu ye ca sekkhā puggalā, ye ca asaññisamāpattiṃ samāpannā, ye ca bhavagatā, ye ca antogatāyeva saṃsedajā, ye ca vā pana añño hi koci anāgāmibhūtā na cetenti na ca patthenti, tesaṃ kiṃ paccayā saṅkhārā. Puna rāgā atthi tesaṃ saṅkhārāni upādānāni cittamanussarantiyeva avipakkavipākasamūhatā asamucchinnapaccayā tesaṃ puna ca gato bhavati. Evampi hi avijjāpaccayā saṅkhārā. Puna sā te na upādānā napi saṅkhārā atthi, puna tesaṃ satta anusayā asamūhatā asamucchinnā tadārammaṇaṃ bhavati. Viññāṇassa patiṭṭhāya viññāṇapaccayā nāmarūpaṃ. Evampi avijjāpaccayā saṅkhārā. Puna sā yaṃ kiñci kammaṃ ācayagāmi sabbaṃ taṃ avijjāvasena abhisaṅkhariyati taṇhāvasena ca allīyati aññāṇavasena ca tattha ādīnavampi na jānāti. Tadeva viññāṇabījaṃ bhavati, sāyeva taṇhāsineho bhavati. Sāyeva avijjā sammohoti. Evampi avijjāpaccayā saṅkhārā vattabbā. Iti imehi ākārehi avijjā saṅkhārānaṃ paccayo.

    д̇ад̇т̇а авиж̇ж̇ааяа хзд̇у аяонисо манасигааро бажжаяо ход̇и. д̇ад̇т̇а абхижчзд̣̇о аяам̣ д̇ад̇т̇а д̇ад̇ияам̣ б̣алам̣ 51 нивад̇д̇и, аяам̣ бадисанд̇хи. д̇ад̇т̇а бунаб̣бхаво яо авзжчзд̣̇о асамуг̇гхаад̇анадтзна аяам̣ анусаяо. яат̇аа бадаагам̣ ваа саадагам̣ ваа д̣̇вз ж̇анаа бийл̣зсу жа згаа ваа б̣алам̣ ваа асса ниваадассзсу, на бана бийл̣зсу сосзяяа. д̇ад̇т̇а яам̣ синзхаа аабод̇хаад̇у анубулланаа сосзд̇аб̣б̣аа. ун̣хад̇хаад̇умааг̇амма сажз буна д̇ам̣ аагаасз нигкибзяяа д̇ам̣ уссаавзна язбхуяяад̇арам̣ синзхамаабаж̇ж̇зяяа, на хи анааг̇амма д̇зж̇од̇хаад̇ум̣ барисзсам̣ г̇ажчзяяа. звамзва бхаваг̇г̇абарамааби самаабад̇д̇и на ануруубасса самуг̇гхаад̇ааяа сам̣вад̇д̇ад̇и. д̇з хи аалаяанд̇и саммасанд̇и, на жа д̇ан̣хааяа д̇ан̣хаабахаанам̣ г̇ажчанд̇и. д̇ад̇т̇а со асамуг̇гхаад̇о. авиж̇ж̇ааяа анусаяо жа жид̇д̇асса самбалиб̣од̇хо, ид̣̇ам̣ барияудтаанам̣. яат̇аабхууд̇ам̣ вин̃н̃аан̣асса аббадивзд̇хо аяам̣ авиж̇ж̇аааасаво авиж̇ж̇аавин̃н̃аан̣аб̣ийж̇ам̣ бхавад̇и. яам̣ б̣ийж̇ам̣ со хзд̇у на самужчиж̇ж̇ад̇и, асамужчиж̇ж̇анд̇о бадисанд̣̇зхад̇и. бадисанд̣̇аханд̇о на самуг̇гхаад̇ам̣ г̇ажчад̇и. асамуг̇гхаад̇ам̣ жид̇д̇ам̣ барияонахад̇и, барияонад̣̇д̇хажид̇д̇о яат̇аабхууд̇ам̣ наббаж̇аанаад̇и, ид̇и сан̃н̃аан̣асса саасавад̇т̇о, авиж̇ж̇ад̇т̇о, хзд̇уад̇т̇о, аважчзд̣̇ад̇т̇о, анивад̇д̇иад̇т̇о, палад̇т̇о бадисанд̇хиад̇т̇о, бунаб̣бхавад̇т̇о, асамуг̇гхаад̇ад̇т̇о, анусаяад̇т̇о, барияудтаанад̇т̇о, абадивзд̇ханад̇т̇о. зд̇д̇аавад̇аа авиж̇ж̇ааяа кзд̇д̇ам̣ нид̣̇д̣̇идтам̣ бхавад̇и. аяам̣ вужжад̇з баригкааро наама хааро.

    Tattha avijjāya hetu ayoniso manasikāro paccayo hoti. Tattha abhicchedo ayaṃ tattha tatiyaṃ balaṃ 52 nivatti, ayaṃ paṭisandhi. Tattha punabbhavo yo avecchedo asamugghātanaṭṭhena ayaṃ anusayo. Yathā paṭākaṃ vā sāṭakaṃ vā dve janā pīḷesu ca ekā vā balaṃ vā assa nivāṭassesu, na pana pīḷesu soseyya. Tattha yaṃ sinehā āpodhātu anupullanā sosetabbā. Uṇhadhātumāgamma sace puna taṃ ākāse nikkhipeyya taṃ ussāvena yebhuyyataraṃ sinehamāpajjeyya, na hi anāgamma tejodhātuṃ parisesaṃ gaccheyya. Evameva bhavaggaparamāpi samāpatti na anurūpassa samugghātāya saṃvattati. Te hi ālayanti sammasanti, na ca taṇhāya taṇhāpahānaṃ gacchanti. Tattha so asamugghāto. Avijjāya anusayo ca cittassa sampalibodho, idaṃ pariyuṭṭhānaṃ. Yathābhūtaṃ viññāṇassa appaṭivedho ayaṃ avijjāāsavo avijjāviññāṇabījaṃ bhavati. Yaṃ bījaṃ so hetu na samucchijjati, asamucchijjanto paṭisandehati. Paṭisandahanto na samugghātaṃ gacchati. Asamugghātaṃ cittaṃ pariyonahati, pariyonaddhacitto yathābhūtaṃ nappajānāti, iti saññāṇassa sāsavattho, avijjattho, hetuattho, avacchedattho, anivattiattho, phalattho paṭisandhiattho, punabbhavattho, asamugghātattho, anusayattho, pariyuṭṭhānattho, apaṭivedhanattho. Ettāvatā avijjāya khettaṃ niddiṭṭhaṃ bhavati. Ayaṃ vuccate parikkhāro nāma hāro.

    59. д̇ад̇т̇а гад̇амо самааробано хааро? уг̇гхадид̇амхи д̇амхи санд̇ан̃жзва жа нам̣ вид̇т̇аарам̣ бана вад̇д̇аб̣б̣ам̣. вид̇т̇ааравид̇хам̣ жид̇д̇ан̃н̃аа аяам̣ самааробано хааро. д̇ад̇т̇а нааманид̣̇д̣̇зсо убагхадагаа 53 вад̇т̇унид̣̇д̣̇зсо взважанам̣ вад̇т̇убхууд̇о вид̇т̇ааро. яат̇аа гим̣, яаа бхигкуунам̣ вад̇д̇ад̇о 54 бахаад̇аб̣б̣о, аяам̣ убагхаданаа.

    59. Tattha katamo samāropano hāro? Ugghaṭitamhi tamhi santañceva ca naṃ vitthāraṃ pana vattabbaṃ. Vitthāravidhaṃ cittaññā ayaṃ samāropano hāro. Tattha nāmaniddeso upaghaṭakā 55 vatthuniddeso vevacanaṃ vatthubhūto vitthāro. Yathā kiṃ, yā bhikkhūnaṃ vattato 56 pahātabbo, ayaṃ upaghaṭanā.

    д̇ад̇т̇а гад̇амо самааробано? гин̃жи на вад̇д̇аб̣б̣ам̣, руубарааг̇ам̣ ваа наамаванд̇абахаад̇аб̣б̣ам̣ 57. яаава вин̃н̃аан̣анд̇и вид̇т̇аарзна гаад̇аб̣б̣аани. авиж̇ж̇аа д̇аа обаммзна бан̃н̃аабзд̇аб̣б̣аа, аяам̣ самааробано. ниссид̇ажид̇д̇асса жа мад̇д̇иго жа ниссаяо д̇ан̣хаа жа д̣̇идти жа. д̇ад̇т̇а д̣̇идти авиж̇ж̇аа д̇ан̣хаа сан̇каараа. д̇ад̇т̇а д̣̇идтибажжаяаа д̇ан̣хаа имз авиж̇ж̇аабажжаяаа сан̇каараа. д̇ад̇т̇а ниссид̇ам̣ вин̃н̃аан̣ам̣ ид̣̇ам̣ сан̇каарабажжаяаа вин̃н̃аан̣ам̣ яаава ж̇араамаран̣ам̣, ид̣̇ам̣ сам̣кид̇д̇зна бхаасид̇з авасидтам̣ баробаяад̇и.

    Tattha katamo samāropano? Kiñci na vattabbaṃ, rūparāgaṃ vā nāmavantapahātabbaṃ 58. Yāva viññāṇanti vitthārena kātabbāni. Avijjā tā opammena paññāpetabbā, ayaṃ samāropano. Nissitacittassa ca mattiko ca nissayo taṇhā ca diṭṭhi ca. Tattha diṭṭhi avijjā taṇhā saṅkhārā. Tattha diṭṭhipaccayā taṇhā ime avijjāpaccayā saṅkhārā. Tattha nissitaṃ viññāṇaṃ idaṃ saṅkhārapaccayā viññāṇaṃ yāva jarāmaraṇaṃ, idaṃ saṃkhittena bhāsite avasiṭṭhaṃ paropayati.

    аниссид̇асса 59 жалид̇ам̣ над̇т̇ийд̇и д̇асса звам̣ д̣̇идтияаа д̇ан̣хааяа жа бахаанам̣ д̇ад̇т̇а д̣̇идтиавиж̇ж̇аанирод̇хааяа бхууд̇ам̣ вин̃н̃аан̣ам̣ сарааг̇адтааниязсу д̇хаммзсу д̇ам̣ д̇ам̣ д̇хаммам̣ убзжжа ан̃н̃ам̣ д̇хаммам̣ д̇хаавад̇и маггадобамад̇ааяа, ат̇а квасса барид̇д̇зсу д̇хаммзсу сарааг̇адтааниязсу чанд̣̇арааг̇о над̇т̇и гуд̇о д̇ад̇о жаланаа, ад̇химад̇д̇зсу сад̇д̇зсу жид̇д̇ам̣ нивзссаяад̇и д̇ам̣ абад̇идтид̇ам̣ вин̃н̃аан̣ам̣ анаахаарам̣ нируж̇жхад̇и вин̃н̃аан̣анирод̇хаа наамаруубанирод̇хо яаава ж̇араамаран̣анирод̇хо. аяам̣ самааробано.

    Anissitassa 60 calitaṃ natthīti tassa evaṃ diṭṭhiyā taṇhāya ca pahānaṃ tattha diṭṭhiavijjānirodhāya bhūtaṃ viññāṇaṃ sarāgaṭṭhāniyesu dhammesu taṃ taṃ dhammaṃ upecca aññaṃ dhammaṃ dhāvati makkaṭopamatāya, atha khvassa parittesu dhammesu sarāgaṭṭhāniyesu chandarāgo natthi kuto tato calanā, adhimattesu sattesu cittaṃ nivessayati taṃ apatiṭṭhitaṃ viññāṇaṃ anāhāraṃ nirujjhati viññāṇanirodhā nāmarūpanirodho yāva jarāmaraṇanirodho. Ayaṃ samāropano.

    д̇ад̇т̇а рааг̇авасзна вин̃н̃аан̣асса жалид̇ам̣ сабариг̇г̇ахо, д̇асмим̣ жалид̇з асад̇и яо баригилзсобажааро д̇ивид̇хо аг̇г̇и бадиббассад̣̇д̇хо бхавад̇и. д̇знааха жалид̇з асанд̇з бассад̣̇д̇хи ход̇и. д̇ад̇т̇а яам̣ самааробанаа бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и. яаава вимуд̇д̇ид̇амид̇и н̃аан̣ад̣̇ассанам̣ бхавад̇и. со аасаваанам̣ каяаа жа вимуд̇д̇и но убабаж̇ж̇ад̇и. д̇асса убабад̇д̇исса ааг̇ад̇иг̇ад̇ияаа асанд̇ияаа нзвид̇ха на хурам̣ на убхаяаманд̇арзна. зсзванд̇о д̣̇угкассаад̇и анубаад̣̇исзсаа ниб̣б̣аанад̇хаад̇у. ид̣̇амасса суд̇д̇асса маж̇жхз самааробид̇ам̣ бадижжасамуббаад̣̇з жа вимуд̇д̇ияам̣ жа яог̇о на жа зд̇ам̣ д̇асса сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇ж̇анд̇и. аяам̣ вужжад̇з самааробано хааро. на жа сам̣гилзсабхааг̇иязна суд̇д̇зна сам̣гилзсабхааг̇ияо яз жа д̇хаммаа самааробаяид̇аб̣б̣аа наан̃н̃з. звам̣ ваасанаабхааг̇ияз ниб̣б̣зд̇хабхааг̇ияз, аяам̣ самааробано хааро. имз сол̣аса хаараа.

    Tattha rāgavasena viññāṇassa calitaṃ sapariggaho, tasmiṃ calite asati yo parikilesopacāro tividho aggi paṭippassaddho bhavati. Tenāha calite asante passaddhi hoti. Tattha yaṃ samāropanā passaddhakāyo sukhaṃ vedeti, sukhino cittaṃ samādhiyati. Yāva vimuttitamiti ñāṇadassanaṃ bhavati. So āsavānaṃ khayā ca vimutti no upapajjati. Tassa upapattissa āgatigatiyā asantiyā nevidha na huraṃ na ubhayamantarena. Esevanto dukkhassāti anupādisesā nibbānadhātu. Idamassa suttassa majjhe samāropitaṃ paṭiccasamuppāde ca vimuttiyaṃ ca yogo na ca etaṃ tassa saṃkhittena bhāsitassa vitthārena atthaṃ vibhajjanti. Ayaṃ vuccate samāropano hāro. Na ca saṃkilesabhāgiyena suttena saṃkilesabhāgiyo ye ca dhammā samāropayitabbā nāññe. Evaṃ vāsanābhāgiye nibbedhabhāgiye, ayaṃ samāropano hāro. Ime soḷasa hārā.

    сувийрасса махаагажжааяанасса ж̇амб̣уванаваасино бздагобад̣̇зсз

    Suvīrassa mahākaccāyanassa jambuvanavāsino peṭakopadese

    бан̃жамаа бхууми.

    Pañcamā bhūmi.




    Next: 6. суд̇д̇ад̇т̇асамужжаяабхууми • 6. Suttatthasamuccayabhūmi




    Footnotes:
    1. бужчасз бан̃хам̣ (бий. га.) басса су. ни. 1043
    2. pucchase pañhaṃ (pī. ka.) passa su. ni. 1043
    3. сзгкаа (га.) басса су. ни. 1044
    4. sekkhā (ka.) passa su. ni. 1044
    5. яат̇аанубаривад̇т̇иваж̇ж̇ам̣ (бий. га.)
    6. сам̣. ни. 1.29
    7. yathānuparivatthivajjaṃ (pī. ka.)
    8. saṃ. ni. 1.29
    9. сам̣яуд̇д̇анигааяз
    10. самам̣д̇и (бий.)
    11. saṃyuttanikāye
    12. samaṃti (pī.)
    13. гаад̇умарахад̇и (бий. га.) басса а. ни. 8.16
    14. kātumarahati (pī. ka.) passa a. ni. 8.16
    15. б̣яаат̇ад̇и (га.)
    16. byāthati (ka.)
    17. навамаанам̣ вид̇хамаанасса (бий. га.)
    18. гааяаван̇гам̣ (бий.)
    19. navamānaṃ vidhamānassa (pī. ka.)
    20. kāyavaṅkaṃ (pī.)
    21. яонисо лаабхо (бий.)
    22. yoniso lābho (pī.)
    23. бассид̇аб̣б̣аа (бий. га.)
    24. passitabbā (pī. ka.)
    25. взд̣̇анаамаг̇г̇ам̣ исинаа (бий.)
    26. vedanāmaggaṃ isinā (pī.)
    27. д̣̇угкзна саад̇хагаа (бий.)
    28. dukkhena sādhakā (pī.)
    29. яам̣ вад̇д̇аб̣б̣ам̣ (бий.)
    30. yaṃ vattabbaṃ (pī.)
    31. но ваа на барибхаасад̇и (бий.), на д̇аавааяам̣ барибхааси (га.)
    32. no vā na paribhāsati (pī.), na tāvāyaṃ paribhāsi (ka.)
    33. басса сам̣. ни. 3.5
    34. passa saṃ. ni. 3.5
    35. зд̇ам̣ (бий.) басса д̇ха. ба. 22
    36. etaṃ (pī.) passa dha. pa. 22
    37. д̇ха. ба. 23
    38. dha. pa. 23
    39. ( ) над̇т̇и бий. бод̇т̇агз
    40. ( ) natthi pī. potthake
    41. бариг̇г̇аахаго (га.)
    42. pariggāhako (ka.)
    43. лад̣̇д̇хаа бхуумигарамахад̇д̇асса (бий. га.)
    44. винибхад̇д̇ааяа (бий.), винибхад̇д̇ад̇ааяа (га.)
    45. laddhā bhūmikaramahattassa (pī. ka.)
    46. vinibhattāya (pī.), vinibhattatāya (ka.)
    47. боноб̣бхавигаа (га.)
    48. ponobbhavikā (ka.)
    49. гаамасса (бий.)
    50. kāmassa (pī.)
    51. палам̣ (бий.)
    52. phalaṃ (pī.)
    53. уг̇гхадагаа (бий.)
    54. нивад̇д̇ад̇о (бий.)
    55. ugghaṭakā (pī.)
    56. nivattato (pī.)
    57. наамаманд̇абахаад̇аб̣б̣ам̣ (га.)
    58. nāmamantapahātabbaṃ (ka.)
    59. басса уд̣̇аа. 74
    60. passa udā. 74

    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact