| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
பஞ்சமசித்தங்
Pañcamacittaṃ
150. பஞ்சமே உபெக்கா²ஸஹக³தந்தி உபெக்கா²வேத³னாய ஸம்பயுத்தங் . இத³ஞ்ஹி ஆரம்மணே மஜ்ஜ²த்தங் ஹோதி. பரிச்சி²ந்த³கஞாணங் பனெத்த² ஹோதியேவ. பாளியங் பனெத்த² ஜா²னசதுக்கே உபெக்கா² ஹோதீதி இந்த்³ரியட்ட²கே உபெக்கி²ந்த்³ரியங் ஹோதீதி வத்வா ஸப்³பே³ஸம்பி வேத³னாதி³பதா³னங் நித்³தே³ஸே ஸாதாஸாதஸுக²து³க்க²படிக்கே²பவஸேன தே³ஸனங் கத்வா அது³க்க²மஸுக²வேத³னா கதி²தா. தஸ்ஸா மஜ்ஜ²த்தலக்க²ணே இந்த³த்தகரணவஸேன உபெக்கி²ந்த்³ரியபா⁴வோ வேதி³தப்³போ³. பத³படிபாடியா ச ஏகஸ்மிங் டா²னே பீதி பரிஹீனா. தஸ்மா சித்தங்க³வஸேன பாளிஆருள்ஹா பஞ்சபண்ணாஸேவ த⁴ம்மா ஹொந்தி. தேஸங் வஸேன ஸப்³ப³கொட்டா²ஸேஸு ஸப்³ப³வாரேஸு ச வினிச்ச²யோ வேதி³தப்³போ³.
150. Pañcame upekkhāsahagatanti upekkhāvedanāya sampayuttaṃ . Idañhi ārammaṇe majjhattaṃ hoti. Paricchindakañāṇaṃ panettha hotiyeva. Pāḷiyaṃ panettha jhānacatukke upekkhā hotīti indriyaṭṭhake upekkhindriyaṃ hotīti vatvā sabbesampi vedanādipadānaṃ niddese sātāsātasukhadukkhapaṭikkhepavasena desanaṃ katvā adukkhamasukhavedanā kathitā. Tassā majjhattalakkhaṇe indattakaraṇavasena upekkhindriyabhāvo veditabbo. Padapaṭipāṭiyā ca ekasmiṃ ṭhāne pīti parihīnā. Tasmā cittaṅgavasena pāḷiāruḷhā pañcapaṇṇāseva dhammā honti. Tesaṃ vasena sabbakoṭṭhāsesu sabbavāresu ca vinicchayo veditabbo.
பஞ்சமசித்தங்.
Pañcamacittaṃ.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / காமாவசரகுஸலங் • Kāmāvacarakusalaṃ
