| Library / Tipiṭaka / တိပိဋက • Tipiṭaka / ဓမ္မသင္ဂဏိ-အဋ္ဌကထာ • Dhammasaṅgaṇi-aṭṭhakathā |
ပဉ္စမစိတ္တံ
Pañcamacittaṃ
၁၅၀. ပဉ္စမေ ဥပေက္ခာသဟဂတန္တိ ဥပေက္ခာဝေဒနာယ သမ္ပယုတ္တံ ။ ဣဒဉ္ဟိ အာရမ္မဏေ မဇ္ဈတ္တံ ဟောတိ။ ပရိစ္ဆိန္ဒကဉာဏံ ပနေတ္ထ ဟောတိယေဝ။ ပာဠိယံ ပနေတ္ထ ဈာနစတုက္ကေ ဥပေက္ခာ ဟောတီတိ ဣန္ဒ္ရိယဋ္ဌကေ ဥပေက္ခိန္ဒ္ရိယံ ဟောတီတိ ဝတ္ဝာ သဗ္ဗေသမ္ပိ ဝေဒနာဒိပဒာနံ နိဒ္ဒေသေ သာတာသာတသုခဒုက္ခပဋိက္ခေပဝသေန ဒေသနံ ကတ္ဝာ အဒုက္ခမသုခဝေဒနာ ကထိတာ။ တသ္သာ မဇ္ဈတ္တလက္ခဏေ ဣန္ဒတ္တကရဏဝသေန ဥပေက္ခိန္ဒ္ရိယဘာဝော ဝေဒိတဗ္ဗော။ ပဒပဋိပာဋိယာ စ ဧကသ္မိံ ဌာနေ ပီတိ ပရိဟီနာ။ တသ္မာ စိတ္တင္ဂဝသေန ပာဠိအာရုဠ္ဟာ ပဉ္စပဏ္ဏာသေဝ ဓမ္မာ ဟောန္တိ။ တေသံ ဝသေန သဗ္ဗကောဋ္ဌာသေသု သဗ္ဗဝာရေသု စ ဝိနိစ္ဆယော ဝေဒိတဗ္ဗော။
150. Pañcame upekkhāsahagatanti upekkhāvedanāya sampayuttaṃ . Idañhi ārammaṇe majjhattaṃ hoti. Paricchindakañāṇaṃ panettha hotiyeva. Pāḷiyaṃ panettha jhānacatukke upekkhā hotīti indriyaṭṭhake upekkhindriyaṃ hotīti vatvā sabbesampi vedanādipadānaṃ niddese sātāsātasukhadukkhapaṭikkhepavasena desanaṃ katvā adukkhamasukhavedanā kathitā. Tassā majjhattalakkhaṇe indattakaraṇavasena upekkhindriyabhāvo veditabbo. Padapaṭipāṭiyā ca ekasmiṃ ṭhāne pīti parihīnā. Tasmā cittaṅgavasena pāḷiāruḷhā pañcapaṇṇāseva dhammā honti. Tesaṃ vasena sabbakoṭṭhāsesu sabbavāresu ca vinicchayo veditabbo.
ပဉ္စမစိတ္တံ။
Pañcamacittaṃ.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဓမ္မသင္ဂဏီပာဠိ • Dhammasaṅgaṇīpāḷi / ကာမာဝစရကုသလံ • Kāmāvacarakusalaṃ
