| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. бан̃жаманаяо асан̇г̇ахид̇знаасан̇г̇ахид̇абад̣̇аван̣н̣анаа
5. Pañcamanayo asaṅgahitenaasaṅgahitapadavaṇṇanā
193. асан̇г̇ахид̇знаасан̇г̇ахид̇абад̣̇анид̣̇д̣̇зсзби вуд̇д̇анаязнзва яат̇аанид̣̇д̇хаарид̇ад̇хаммад̣̇ассанам̣ взд̣̇ид̇аб̣б̣ам̣. зд̇т̇а жа сасукумаруубавин̃н̃аан̣асахид̇ад̇хаммасамуд̣̇ааяаа яз д̇з д̣̇угкасажжаанид̣̇ассанааббадигхаажзд̇асигаанубаад̣̇аасад̣̇исаа сад̇иби згзна д̣̇вийхи ваа сан̇г̇ахзхи гзсан̃жи асан̇г̇аахагад̇д̇з д̇ийхиби асан̇г̇ахзд̇аб̣б̣асса абхаавад̇о барибун̣н̣асан̇г̇ахаасан̇г̇аахагаа на хонд̇и, аб̣яаагад̇ад̇хаммасад̣̇исаа гзнажи сан̇г̇ахзна асан̇г̇ахзд̇аб̣б̣абхаавад̇о асан̇г̇аахагаа зва на хонд̇и, д̇зна д̇з асан̇г̇аахагабхаавзна на уд̣̇д̇хадаа, ид̇арз бана д̇аб̣б̣ибарияааязна уд̣̇д̇хадаад̇и.
193. Asaṅgahitenaasaṅgahitapadaniddesepi vuttanayeneva yathāniddhāritadhammadassanaṃ veditabbaṃ. Ettha ca sasukhumarūpaviññāṇasahitadhammasamudāyā ye te dukkhasaccaanidassanaappaṭighaacetasikānupādāsadisā satipi ekena dvīhi vā saṅgahehi kesañci asaṅgāhakatte tīhipi asaṅgahetabbassa abhāvato paripuṇṇasaṅgahāsaṅgāhakā na honti, abyākatadhammasadisā kenaci saṅgahena asaṅgahetabbabhāvato asaṅgāhakā eva na honti, tena te asaṅgāhakabhāvena na uddhaṭā, itare pana tabbipariyāyena uddhaṭāti.
яам̣ бана адтагат̇ааяам̣ ‘‘д̇аад̣̇исзна хи бад̣̇зна ниб̣б̣аанам̣ канд̇хасан̇г̇ахамад̇д̇ам̣ на г̇ажчзяяаа’’д̇и вуд̇д̇ам̣, д̇ам̣ д̣̇угкасажжам̣ санд̇хааяа вуд̇д̇ам̣. анид̣̇ассанааббадигхзсу бана асан̇г̇аахагзсу ниб̣б̣аанам̣ анд̇ог̇ад̇хам̣, на жа д̇ад̣̇зва д̇асса асан̇г̇аахаганд̇и. сад̣̇исависсаж̇ж̇анаанам̣ васзна самод̇хаанзд̇ваа гад̇зхи сад̣̇д̇хинд̇и звам̣ гад̇зхи д̣̇уд̇ияабан̃хаад̣̇ийхи сад̣̇д̇хим̣ батамабан̃ханаамаруубабан̃хаад̣̇аяо саб̣б̣зби жад̇уд̇д̇им̣са хонд̇ийд̇и ад̇т̇о. яам̣ бужчааяа уд̣̇д̇хадам̣ бад̣̇ам̣, д̇ад̣̇зваад̇и руубагканд̇хаад̣̇ивисзсагабад̣̇ам̣ вад̣̇ад̇и, на нид̣̇д̇хаарид̇з бужчид̇аб̣б̣ад̇хаммз. д̇з хи лагкан̣ад̇о д̣̇ассид̇аа, на бад̣̇зна саруубад̇од̇и. д̇ад̇т̇а д̇ад̣̇зваад̇и зва-сад̣̇д̣̇зна на д̇ам̣ гад̣̇аажи сан̇г̇ахид̇зна асан̇г̇ахид̇ам̣ на ход̇ийд̇и уд̣̇д̇хадассзва асан̇г̇ахид̇знаасан̇г̇ахид̇абхаавз нияад̇ад̇ам̣ ан̃н̃асса жа анияад̇ад̇ам̣ д̣̇ассзд̇ийд̇и взд̣̇ид̇аб̣б̣ам̣. ‘‘д̇ад̣̇зва язхи асан̇г̇ахид̇а’’нд̇и зд̇т̇а хи ‘‘нияамад̇о’’д̇и саггаа важанасзсо яож̇зд̇унд̇и. ат̇а ваа д̇ад̣̇зваад̇и бужчааяа уд̣̇д̇хадамзва звам̣багаарамзва худ̇ваа язхи асан̇г̇ахид̇анд̇и д̇асса бужчааяа уд̣̇д̇хадабхаавзна звам̣ асан̇г̇ахид̇знаасан̇г̇ахид̇абхааванияаманад̇т̇о зва-сад̣̇д̣̇о, на ан̃н̃асса асан̇г̇ахид̇знаасан̇г̇ахид̇ад̇аанивааран̣ад̇т̇од̇и д̣̇адтаб̣б̣о. бужчааяа уд̣̇д̇хадан̃хи ан̃н̃асахид̇ам̣ асахид̇ан̃жа асан̇г̇ахид̇зна асан̇г̇ахид̇ам̣ ход̇и. руубагканд̇хаад̣̇ийни хи ан̃н̃асахид̇аани вин̃н̃аан̣агканд̇хаад̣̇ийни асахид̇аанийд̇и.
Yaṃ pana aṭṭhakathāyaṃ ‘‘tādisena hi padena nibbānaṃ khandhasaṅgahamattaṃ na gaccheyyā’’ti vuttaṃ, taṃ dukkhasaccaṃ sandhāya vuttaṃ. Anidassanaappaṭighesu pana asaṅgāhakesu nibbānaṃ antogadhaṃ, na ca tadeva tassa asaṅgāhakanti. Sadisavissajjanānaṃ vasena samodhānetvā katehi saddhinti evaṃ katehi dutiyapañhādīhi saddhiṃ paṭhamapañhanāmarūpapañhādayo sabbepi catuttiṃsa hontīti attho. Yaṃ pucchāya uddhaṭaṃ padaṃ, tadevāti rūpakkhandhādivisesakapadaṃ vadati, na niddhārite pucchitabbadhamme. Te hi lakkhaṇato dassitā, na padena sarūpatoti. Tattha tadevāti eva-saddena na taṃ kadāci saṅgahitena asaṅgahitaṃ na hotīti uddhaṭasseva asaṅgahitenaasaṅgahitabhāve niyatataṃ aññassa ca aniyatataṃ dassetīti veditabbaṃ. ‘‘Tadeva yehi asaṅgahita’’nti ettha hi ‘‘niyamato’’ti sakkā vacanaseso yojetunti. Atha vā tadevāti pucchāya uddhaṭameva evaṃpakārameva hutvā yehi asaṅgahitanti tassa pucchāya uddhaṭabhāvena evaṃ asaṅgahitenaasaṅgahitabhāvaniyamanattho eva-saddo, na aññassa asaṅgahitenaasaṅgahitatānivāraṇatthoti daṭṭhabbo. Pucchāya uddhaṭañhi aññasahitaṃ asahitañca asaṅgahitena asaṅgahitaṃ hoti. Rūpakkhandhādīni hi aññasahitāni viññāṇakkhandhādīni asahitānīti.
авасзсаа сан̇г̇ахид̇аад̇и ид̣̇ам̣ авасзсаа асан̇г̇ахид̇аа на хонд̇ийд̇и звам̣ д̣̇адтаб̣б̣ам̣. д̇зхиби вин̃н̃аан̣ад̇хаммзхи д̇з руубад̇хаммаава д̇ийхи сан̇г̇ахзхи асан̇г̇ахид̇аад̇и бужчааяа уд̣̇д̇хадаа д̇ийхиби сан̇г̇ахзхи асан̇г̇аахагаа худ̇ваа асан̇г̇ахид̇аад̇и ад̇хиббааяо. ануд̣̇д̇хадаа взд̣̇анаад̣̇аяоби хи асан̇г̇ахид̇аа зваад̇и. зд̇т̇а жа батамз наяз взд̣̇анаад̣̇аяоби вин̃н̃аан̣зна асан̇г̇ахид̇аад̇и вуд̇д̇аа, д̣̇уд̇ияз руубад̇хаммааваад̇и аяам̣ висзсо. взд̣̇анаад̣̇аяо хи руубавин̃н̃аан̣зхзва канд̇хаад̣̇исан̇г̇ахзна асан̇г̇ахид̇аад̇и ол̣ааригаруубзхи вин̃н̃аан̣зна жа д̇ийхиби сан̇г̇ахзхи асан̇г̇ахид̇аад̇и ад̇т̇о. руубзгад̣̇зсо хи зд̇т̇а руубаг̇г̇ахан̣зна г̇ахид̇од̇и.
Avasesā saṅgahitāti idaṃ avasesā asaṅgahitā na hontīti evaṃ daṭṭhabbaṃ. Tehipi viññāṇadhammehi te rūpadhammāva tīhi saṅgahehi asaṅgahitāti pucchāya uddhaṭā tīhipi saṅgahehi asaṅgāhakā hutvā asaṅgahitāti adhippāyo. Anuddhaṭā vedanādayopi hi asaṅgahitā evāti. Ettha ca paṭhame naye vedanādayopi viññāṇena asaṅgahitāti vuttā, dutiye rūpadhammāvāti ayaṃ viseso. Vedanādayo hi rūpaviññāṇeheva khandhādisaṅgahena asaṅgahitāti oḷārikarūpehi viññāṇena ca tīhipi saṅgahehi asaṅgahitāti attho. Rūpekadeso hi ettha rūpaggahaṇena gahitoti.
196. жад̇уд̇т̇абан̃хз жагкааяад̇анам̣ взд̣̇анаад̣̇ийхи жад̇уухийд̇и зд̇т̇а жагкааяад̇ананд̇и зд̇зна бужчааяа уд̣̇д̇хадам̣ асан̇г̇аахагам̣ д̣̇ассзд̇ийд̇и д̣̇адтаб̣б̣ам̣. жагкааяад̇анзна бана асан̇г̇ахид̇зна асан̇г̇ахид̇аани д̣̇аса ол̣ааригааяад̇анаани на жагкааяад̇анамзваад̇и. ‘‘руубан̃жа д̇хаммааяад̇ана’’нд̇иаад̣̇инаа язхи д̇хаммзхи д̇ийхиби сан̇г̇ахзхи асан̇г̇ахид̇ам̣ д̇ам̣ вин̃н̃аан̣амзва ход̇и, асан̇г̇ахид̇зна д̇зна асан̇г̇ахид̇ан̃жа вин̃н̃аан̣аваж̇ж̇ам̣ саб̣б̣ам̣ д̇зва д̇хаммз уд̣̇аанзд̇и. сад̣̇исависсаж̇ж̇анаа хи згад̇о уд̣̇аанзд̇ваа д̣̇ассзд̇аб̣б̣аа. д̇ад̇т̇а батамзна руубагканд̇хзна сад̣̇исависсаж̇ж̇анзсу згад̇о уд̣̇аанзд̇ваа д̣̇ассид̇зсу ан̃н̃з висад̣̇исависсаж̇ж̇анаа наяад̣̇аанзна д̣̇ассид̇аа хонд̇и. д̇знааха ‘‘руубан̃жа д̇хаммааяад̇ананд̇и…бз… ан̃н̃знаагаарзна сан̇кибид̇ваа д̣̇ассид̇аа’’д̇и. д̇ад̇т̇а д̣̇вз бхаваад̇и асан̃н̃згавогаарабхаваа. д̣̇взд̇и б̣аахирубаад̣̇аад̇хаммз зва санд̇хааяа вуд̇д̇ам̣. язна асан̇г̇аахагзна асан̇г̇ахид̇зна асан̇г̇ахид̇ам̣ бужчид̇аб̣б̣ам̣ виссаж̇ж̇ид̇аб̣б̣ан̃жа барижчиж̇ж̇ад̇и, со руубагканд̇хаад̣̇иго д̇асса бужчаависсаж̇ж̇анаанан̃жа ниссаяабхаавад̇о ‘‘висаяо’’д̇и вуд̇д̇о, яат̇аад̣̇ассид̇асса бана уд̣̇д̣̇аанасса наяад̣̇аанамад̇д̇ад̇д̇аа ‘‘наяо’’д̇и вуд̇д̇ам̣. ‘‘д̣̇взвийсанаяо жаа’’д̇иби баато, д̣̇взвийсабад̣̇иго зса наяо жаад̇и ад̇т̇о.
196. Catutthapañhe cakkhāyatanaṃ vedanādīhi catūhīti ettha cakkhāyatananti etena pucchāya uddhaṭaṃ asaṅgāhakaṃ dassetīti daṭṭhabbaṃ. Cakkhāyatanena pana asaṅgahitena asaṅgahitāni dasa oḷārikāyatanāni na cakkhāyatanamevāti. ‘‘Rūpañca dhammāyatana’’ntiādinā yehi dhammehi tīhipi saṅgahehi asaṅgahitaṃ taṃ viññāṇameva hoti, asaṅgahitena tena asaṅgahitañca viññāṇavajjaṃ sabbaṃ teva dhamme udāneti. Sadisavissajjanā hi ekato udānetvā dassetabbā. Tattha paṭhamena rūpakkhandhena sadisavissajjanesu ekato udānetvā dassitesu aññe visadisavissajjanā nayadānena dassitā honti. Tenāha ‘‘rūpañca dhammāyatananti…pe… aññenākārena saṅkhipitvā dassitā’’ti. Tattha dve bhavāti asaññekavokārabhavā. Dveti bāhirupādādhamme eva sandhāya vuttaṃ. Yena asaṅgāhakena asaṅgahitena asaṅgahitaṃ pucchitabbaṃ vissajjitabbañca paricchijjati, so rūpakkhandhādiko tassa pucchāvissajjanānañca nissayabhāvato ‘‘visayo’’ti vutto, yathādassitassa pana uddānassa nayadānamattattā ‘‘nayo’’ti vuttaṃ. ‘‘Dvevīsanayo cā’’tipi pāṭho, dvevīsapadiko esa nayo cāti attho.
бан̃жаманаяаасан̇г̇ахид̇знаасан̇г̇ахид̇абад̣̇аван̣н̣анаа нидтид̇аа.
Pañcamanayaasaṅgahitenaasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 5. асан̇г̇ахид̇знаасан̇г̇ахид̇абад̣̇анид̣̇д̣̇зсо • 5. Asaṅgahitenaasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. бан̃жаманаяо асан̇г̇ахид̇знаасан̇г̇ахид̇абад̣̇аван̣н̣анаа • 5. Pañcamanayo asaṅgahitenaasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. бан̃жаманаяо асан̇г̇ахид̇знаасан̇г̇ахид̇абад̣̇аван̣н̣анаа • 5. Pañcamanayo asaṅgahitenaasaṅgahitapadavaṇṇanā
