| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасан̇гхаад̣̇исзсасигкаабад̣̇ам̣
5. Pañcamasaṅghādisesasikkhāpadaṃ
699. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна сунд̣̇арийнанд̣̇аа бхигкуний абхируубаа ход̇и д̣̇ассанийяаа баасаад̣̇игаа. мануссаа бхад̇д̇аг̇г̇з сунд̣̇арийнанд̣̇ам̣ бхигкуним̣ бассид̇ваа авассуд̇аа авассуд̇ааяа сунд̣̇арийнанд̣̇ааяа бхигкунияаа аг̇г̇амаг̇г̇аани бхож̇анаани д̣̇знд̇и. сунд̣̇арийнанд̣̇аа бхигкуний яаавад̣̇ад̇т̇ам̣ бхун̃ж̇ад̇и; ан̃н̃аа бхигкунияо на жид̇д̇аруубам̣ лабханд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа сунд̣̇арийнанд̣̇аа авассуд̇аа авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇иссад̇и бхун̃ж̇иссад̇ий’’д̇и…бз… сажжам̣ гира, бхигкавз, сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇ад̇и бхун̃ж̇ад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, сунд̣̇арийнанд̣̇аа бхигкуний авассуд̇аа авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇иссад̇и бхун̃ж̇иссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
699. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sundarīnandā bhikkhunī abhirūpā hoti dassanīyā pāsādikā. Manussā bhattagge sundarīnandaṃ bhikkhuniṃ passitvā avassutā avassutāya sundarīnandāya bhikkhuniyā aggamaggāni bhojanāni denti. Sundarīnandā bhikkhunī yāvadatthaṃ bhuñjati; aññā bhikkhuniyo na cittarūpaṃ labhanti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā sundarīnandā avassutā avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā khādissati bhuñjissatī’’ti…pe… saccaṃ kira, bhikkhave, sundarīnandā bhikkhunī avassutā avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā khādati bhuñjatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, sundarīnandā bhikkhunī avassutā avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā khādissati bhuñjissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
700. ‘‘яаа бана бхигкуний авассуд̇аа авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа каад̣̇зяяа ваа бхун̃ж̇зяяа ваа, аяамби бхигкуний батамаабад̇д̇игам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
700.‘‘Yāpana bhikkhunī avassutā avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā khādeyya vā bhuñjeyya vā, ayampi bhikkhunī paṭhamāpattikaṃ dhammaṃ āpannā nissāraṇīyaṃ saṅghādisesa’’nti.
701. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
701.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
авассуд̇аа наама саарад̇д̇аа абзгкавад̇ий бадиб̣ад̣̇д̇хажид̇д̇аа.
Avassutā nāma sārattā apekkhavatī paṭibaddhacittā.
авассуд̇о наама саарад̇д̇о абзгкаваа бадиб̣ад̣̇д̇хажид̇д̇о.
Avassuto nāma sāratto apekkhavā paṭibaddhacitto.
бурисабуг̇г̇ало наама мануссабурисо, на яагко на бзд̇о на д̇иражчаанаг̇ад̇о, вин̃н̃уу бадиб̣ало саараж̇ж̇ид̇ум̣.
Purisapuggalo nāma manussapuriso, na yakkho na peto na tiracchānagato, viññū paṭibalo sārajjituṃ.
каад̣̇анийяам̣ наама бан̃жа бхож̇анаани – уд̣̇агад̣̇анд̇абонам̣ табзд̇ваа авасзсам̣ каад̣̇анийяам̣ наама.
Khādanīyaṃ nāma pañca bhojanāni – udakadantaponaṃ ṭhapetvā avasesaṃ khādanīyaṃ nāma.
бхож̇анийяам̣ наама бан̃жа бхож̇анаани – од̣̇ано, гуммаасо, сад̇д̇у, мажчо, мам̣сам̣.
Bhojanīyaṃ nāma pañca bhojanāni – odano, kummāso, sattu, maccho, maṃsaṃ.
‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и т̇уллажжаяасса. аж̇жхохаарз аж̇жхохаарз аабад̇д̇и сан̇гхаад̣̇исзсасса.
‘‘Khādissāmi bhuñjissāmī’’ti paṭiggaṇhāti, āpatti thullaccayassa. Ajjhohāre ajjhohāre āpatti saṅghādisesassa.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
батамаабад̇д̇иганд̇и саха вад̇т̇уж̇жхаажаараа аабаж̇ж̇ад̇и асаманубхаасанааяа.
Paṭhamāpattikanti saha vatthujjhācārā āpajjati asamanubhāsanāya.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
уд̣̇агад̣̇анд̇абонам̣ бадиг̇г̇ан̣хаад̇и, аабад̇д̇и д̣̇уггадасса. згад̇оавассуд̇з ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса.
Udakadantaponaṃ paṭiggaṇhāti, āpatti dukkaṭassa. Ekatoavassute ‘‘khādissāmi bhuñjissāmī’’ti paṭiggaṇhāti, āpatti dukkaṭassa.
702. аж̇жхохаарз аж̇жхохаарз аабад̇д̇и т̇уллажжаяасса. уд̣̇агад̣̇анд̇абонам̣ бадиг̇г̇ан̣хаад̇и, аабад̇д̇и д̣̇уггадасса. убхад̇оавассуд̇з яагкасса ваа бзд̇асса ваа бан̣д̣агасса ваа д̇иражчаанаг̇ад̇амануссавиг̇г̇ахасса ваа хад̇т̇ад̇о ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и т̇уллажжаяасса. уд̣̇агад̣̇анд̇абонам̣ бадиг̇г̇ан̣хаад̇и, аабад̇д̇и д̣̇уггадасса. згад̇оавассуд̇з ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и д̣̇уггадасса. аж̇жхохаарз аж̇жхохаарз аабад̇д̇и д̣̇уггадасса. уд̣̇агад̣̇анд̇абонам̣ бадиг̇г̇ан̣хаад̇и, аабад̇д̇и д̣̇уггадасса.
702. Ajjhohāre ajjhohāre āpatti thullaccayassa. Udakadantaponaṃ paṭiggaṇhāti, āpatti dukkaṭassa. Ubhatoavassute yakkhassa vā petassa vā paṇḍakassa vā tiracchānagatamanussaviggahassa vā hatthato ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti thullaccayassa. Udakadantaponaṃ paṭiggaṇhāti, āpatti dukkaṭassa. Ekatoavassute ‘‘khādissāmi bhuñjissāmī’’ti paṭiggaṇhāti, āpatti dukkaṭassa. Ajjhohāre ajjhohāre āpatti dukkaṭassa. Udakadantaponaṃ paṭiggaṇhāti, āpatti dukkaṭassa.
703. анаабад̇д̇и убхад̇оанавассуд̇аа хонд̇и, ‘‘анавассуд̇о’’д̇и ж̇аананд̇ий бадиг̇г̇ан̣хаад̇и, уммад̇д̇игааяа, аад̣̇игаммигааяаад̇и.
703. Anāpatti ubhatoanavassutā honti, ‘‘anavassuto’’ti jānantī paṭiggaṇhāti, ummattikāya, ādikammikāyāti.
бан̃жамасан̇гхаад̣̇исзсасигкаабад̣̇ам̣ нидтид̇ам̣.
Pañcamasaṅghādisesasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасан̇гхаад̣̇исзсасигкаабад̣̇аван̣н̣анаа • 5. Pañcamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. бан̃жамасан̇гхаад̣̇исзсасигкаабад̣̇аван̣н̣анаа • 5. Pañcamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасан̇гхаад̣̇исзсасигкаабад̣̇аван̣н̣анаа • 5. Pañcamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. бан̃жамасан̇гхаад̣̇исзсасигкаабад̣̇аван̣н̣анаа • 5. Pañcamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жамасан̇гхаад̣̇исзсасигкаабад̣̇ам̣ • 5. Pañcamasaṅghādisesasikkhāpadaṃ
