| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
5. பஞ்சமஸங்கா⁴தி³ஸேஸஸிக்கா²பத³வண்ணனா
5. Pañcamasaṅghādisesasikkhāpadavaṇṇanā
701. பஞ்சமே ஏதங் ந வுத்தந்தி ‘‘பி⁴க்கு²னியா அவஸ்ஸுதபா⁴வோ த³ட்ட²ப்³போ³’’தி ஏதங் நியமனங் ந வுத்தங். தந்தி தங் நியமெத்வா அவசனங். பாளியா ஸமேதீதி ‘‘ஏகதோ அவஸ்ஸுதே’’தி அவிஸேஸெத்வா வுத்தபாளியா ‘‘அனவஸ்ஸுதோதி ஜானந்தீ படிக்³க³ண்ஹாதீ’’தி இமாய ச பாளியா ஸமேதி. யதி³ ஹி புக்³க³லஸ்ஸ அவஸ்ஸுதபா⁴வோ நப்பமாணங், கிங் ‘‘அனவஸ்ஸுதோதி ஜானந்தீ’’தி இமினா வசனேன, ‘‘அனாபத்தி உப⁴தோஅனவஸ்ஸுதா ஹொந்தி, அனவஸ்ஸுதா படிக்³க³ண்ஹாதீ’’தி எத்தகமேவ வத்தப்³ப³ங் ஸியா. ‘‘உப⁴தோஅனவஸ்ஸுதா ஹொந்தி, அனவஸ்ஸுதோதி ஜானந்தீ படிக்³க³ண்ஹாதீ’’தி இமஸ்ஸ ச அனாபத்திவாரஸ்ஸ அயமத்தோ². உபோ⁴ சே அனவஸ்ஸுதா, ஸப்³ப³தா²பி அனாபத்தி. அத² பி⁴க்கு²னீ அனவஸ்ஸுதா ஸமானா அவஸ்ஸுதம்பி ‘‘அனவஸ்ஸுதோ’’தி ஸஞ்ஞாய தஸ்ஸ ஹத்த²தோ படிக்³க³ண்ஹாதி, ஏவம்பி அனாபத்தி. அத² ஸயங் அனவஸ்ஸுதாபி அஞ்ஞங் அனவஸ்ஸுதங் வா அவஸ்ஸுதங் வா ‘‘அவஸ்ஸுதோ’’தி ஜானாதி, து³க்கடமேவ. வுத்தஞ்ஹேதங் அனந்தரஸிக்கா²பதே³ ‘‘கிஸ்ஸ த்வங் அய்யே ந படிக்³க³ண்ஹாஸீதி. அவஸ்ஸுதா அய்யேதி. த்வங் பன அய்யே அவஸ்ஸுதாதி. நாஹங் அய்யே அவஸ்ஸுதா’’தி. ஸேஸமெத்த² உத்தானமேவ. உத³கத³ந்தபோனதோ அஞ்ஞங் அஜ்ஜோ²ஹரணீயங், உப⁴தோஅவஸ்ஸுததா, ஸஹத்தா² க³ஹணங், அஜ்ஜோ²ஹரணந்தி இமானி பனெத்த² சத்தாரி அங்கா³னி.
701. Pañcame etaṃ na vuttanti ‘‘bhikkhuniyā avassutabhāvo daṭṭhabbo’’ti etaṃ niyamanaṃ na vuttaṃ. Tanti taṃ niyametvā avacanaṃ. Pāḷiyā sametīti ‘‘ekato avassute’’ti avisesetvā vuttapāḷiyā ‘‘anavassutoti jānantī paṭiggaṇhātī’’ti imāya ca pāḷiyā sameti. Yadi hi puggalassa avassutabhāvo nappamāṇaṃ, kiṃ ‘‘anavassutoti jānantī’’ti iminā vacanena, ‘‘anāpatti ubhatoanavassutā honti, anavassutā paṭiggaṇhātī’’ti ettakameva vattabbaṃ siyā. ‘‘Ubhatoanavassutā honti, anavassutoti jānantī paṭiggaṇhātī’’ti imassa ca anāpattivārassa ayamattho. Ubho ce anavassutā, sabbathāpi anāpatti. Atha bhikkhunī anavassutā samānā avassutampi ‘‘anavassuto’’ti saññāya tassa hatthato paṭiggaṇhāti, evampi anāpatti. Atha sayaṃ anavassutāpi aññaṃ anavassutaṃ vā avassutaṃ vā ‘‘avassuto’’ti jānāti, dukkaṭameva. Vuttañhetaṃ anantarasikkhāpade ‘‘kissa tvaṃ ayye na paṭiggaṇhāsīti. Avassutā ayyeti. Tvaṃ pana ayye avassutāti. Nāhaṃ ayye avassutā’’ti. Sesamettha uttānameva. Udakadantaponato aññaṃ ajjhoharaṇīyaṃ, ubhatoavassutatā, sahatthā gahaṇaṃ, ajjhoharaṇanti imāni panettha cattāri aṅgāni.
பஞ்சமஸங்கா⁴தி³ஸேஸஸிக்கா²பத³வண்ணனா நிட்டி²தா.
Pañcamasaṅghādisesasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 5. பஞ்சமஸங்கா⁴தி³ஸேஸஸிக்கா²பத³ங் • 5. Pañcamasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 5. பஞ்சமஸங்கா⁴தி³ஸேஸஸிக்கா²பத³வண்ணனா • 5. Pañcamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 5. பஞ்சமஸங்கா⁴தி³ஸேஸஸிக்கா²பத³வண்ணனா • 5. Pañcamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. பஞ்சமஸங்கா⁴தி³ஸேஸஸிக்கா²பத³வண்ணனா • 5. Pañcamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. பஞ்சமஸங்கா⁴தி³ஸேஸஸிக்கா²பத³ங் • 5. Pañcamasaṅghādisesasikkhāpadaṃ
