| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၅. ပဉ္စမသင္ဃာဒိသေသသိက္ခာပဒဝဏ္ဏနာ
5. Pañcamasaṅghādisesasikkhāpadavaṇṇanā
၇၀၁. ဧတံ န ဝုတ္တန္တိ ဘိက္ခုနိယာ အဝသ္သုတဘာဝော ဒဋ္ဌဗ္ဗောတိ ဧတံ နိယမနံ န ဝုတ္တံ။ တံ အဝစနံ ပာဠိယာ သမေတိ။ ကတရပာဠိယာတိ? ‘‘အနဝသ္သုတောတိ ဇာနန္တီ ပဋိဂ္ဂဏ္ဟာတီ’’တိ ဣမာယ။ ယဒိ ဟိ ပုဂ္ဂလသ္သ အဝသ္သုတဘာဝော န ပမာဏံ, ကိံ ဣမာယ ပာဠိယာ ပယောဇနံ, ‘‘အနာပတ္တိ ဥဘော အနဝသ္သုတာ ဟောန္တိ, အနဝသ္သုတာ ပဋိဂ္ဂဏ္ဟာတီ’’တိ ဧတ္တကမေဝ ဝတ္တဗ္ဗံ သိယာ။ အတ္တနော ဟိ အနဝသ္သုတဘာဝောယေဝ ပမာဏန္တိ။ ဣမသ္သ ပန အနာပတ္တိဝာရသ္သ အယမတ္ထော – ဥဘော စေ အနဝသ္သုတာ, သဗ္ဗထာပိ အနာပတ္တိ။ အထ ဘိက္ခုနီ အနဝသ္သုတာ သမာနာ အဝသ္သုတမ္ပိ ‘‘အနဝသ္သုတော’’တိ သညာယ တသ္သ ဟတ္ထတော ပဋိဂ္ဂဏ္ဟာတိ, ဧဝမ္ပိ အနာပတ္တီတိ။ အထ သာ အနဝသ္သုတာပိ အညံ အနဝသ္သုတံ ဝာ အဝသ္သုတံ ဝာ ‘‘အဝသ္သုတော’’တိ ဇာနာတိ, ဒုက္ကဋမေဝ။ ဝုတ္တဉ္ဟေတံ အနန္တရသိက္ခာပဒေ ‘‘ကိသ္သ တ္ဝံ အယ္ယေ န ပဋိဂ္ဂဏ္ဟာသီတိ။ အဝသ္သုတော အယ္ယေတိ။ပေ.။ နာဟံ အဝသ္သုတာ’’တိ။
701.Etaṃna vuttanti bhikkhuniyā avassutabhāvo daṭṭhabboti etaṃ niyamanaṃ na vuttaṃ. Taṃ avacanaṃ pāḷiyā sameti. Katarapāḷiyāti? ‘‘Anavassutoti jānantī paṭiggaṇhātī’’ti imāya. Yadi hi puggalassa avassutabhāvo na pamāṇaṃ, kiṃ imāya pāḷiyā payojanaṃ, ‘‘anāpatti ubho anavassutā honti, anavassutā paṭiggaṇhātī’’ti ettakameva vattabbaṃ siyā. Attano hi anavassutabhāvoyeva pamāṇanti. Imassa pana anāpattivārassa ayamattho – ubho ce anavassutā, sabbathāpi anāpatti. Atha bhikkhunī anavassutā samānā avassutampi ‘‘anavassuto’’ti saññāya tassa hatthato paṭiggaṇhāti, evampi anāpattīti. Atha sā anavassutāpi aññaṃ anavassutaṃ vā avassutaṃ vā ‘‘avassuto’’ti jānāti, dukkaṭameva. Vuttañhetaṃ anantarasikkhāpade ‘‘kissa tvaṃ ayye na paṭiggaṇhāsīti. Avassuto ayyeti…pe… nāhaṃ avassutā’’ti.
ပဉ္စမသင္ဃာဒိသေသသိက္ခာပဒဝဏ္ဏနာ နိဋ္ဌိတာ။
Pañcamasaṅghādisesasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၅. ပဉ္စမသင္ဃာဒိသေသသိက္ခာပဒံ • 5. Pañcamasaṅghādisesasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၅. ပဉ္စမသင္ဃာဒိသေသသိက္ခာပဒဝဏ္ဏနာ • 5. Pañcamasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. ပဉ္စမသင္ဃာဒိသေသသိက္ခာပဒဝဏ္ဏနာ • 5. Pañcamasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. ပဉ္စမသင္ဃာဒိသေသသိက္ခာပဒဝဏ္ဏနာ • 5. Pañcamasaṅghādisesasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. ပဉ္စမသင္ဃာဒိသေသသိက္ခာပဒံ • 5. Pañcamasaṅghādisesasikkhāpadaṃ
