| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ
5. Pañcamasaṅghādisesasikkhāpadavaṇṇanā
੭੦੧. ਪਞ੍ਚਮੇ ਏਤਂ ਨ વੁਤ੍ਤਨ੍ਤਿ ‘‘ਭਿਕ੍ਖੁਨਿਯਾ ਅવਸ੍ਸੁਤਭਾવੋ ਦਟ੍ਠਬ੍ਬੋ’’ਤਿ ਏਤਂ ਨਿਯਮਨਂ ਨ વੁਤ੍ਤਂ। ਤਨ੍ਤਿ ਤਂ ਨਿਯਮੇਤ੍વਾ ਅવਚਨਂ। ਪਾਲ਼ਿਯਾ ਸਮੇਤੀਤਿ ‘‘ਏਕਤੋ ਅવਸ੍ਸੁਤੇ’’ਤਿ ਅવਿਸੇਸੇਤ੍વਾ વੁਤ੍ਤਪਾਲ਼ਿਯਾ ‘‘ਅਨવਸ੍ਸੁਤੋਤਿ ਜਾਨਨ੍ਤੀ ਪਟਿਗ੍ਗਣ੍ਹਾਤੀ’’ਤਿ ਇਮਾਯ ਚ ਪਾਲ਼ਿਯਾ ਸਮੇਤਿ। ਯਦਿ ਹਿ ਪੁਗ੍ਗਲਸ੍ਸ ਅવਸ੍ਸੁਤਭਾવੋ ਨਪ੍ਪਮਾਣਂ, ਕਿਂ ‘‘ਅਨવਸ੍ਸੁਤੋਤਿ ਜਾਨਨ੍ਤੀ’’ਤਿ ਇਮਿਨਾ વਚਨੇਨ, ‘‘ਅਨਾਪਤ੍ਤਿ ਉਭਤੋਅਨવਸ੍ਸੁਤਾ ਹੋਨ੍ਤਿ, ਅਨવਸ੍ਸੁਤਾ ਪਟਿਗ੍ਗਣ੍ਹਾਤੀ’’ਤਿ ਏਤ੍ਤਕਮੇવ વਤ੍ਤਬ੍ਬਂ ਸਿਯਾ। ‘‘ਉਭਤੋਅਨવਸ੍ਸੁਤਾ ਹੋਨ੍ਤਿ, ਅਨવਸ੍ਸੁਤੋਤਿ ਜਾਨਨ੍ਤੀ ਪਟਿਗ੍ਗਣ੍ਹਾਤੀ’’ਤਿ ਇਮਸ੍ਸ ਚ ਅਨਾਪਤ੍ਤਿવਾਰਸ੍ਸ ਅਯਮਤ੍ਥੋ। ਉਭੋ ਚੇ ਅਨવਸ੍ਸੁਤਾ, ਸਬ੍ਬਥਾਪਿ ਅਨਾਪਤ੍ਤਿ। ਅਥ ਭਿਕ੍ਖੁਨੀ ਅਨવਸ੍ਸੁਤਾ ਸਮਾਨਾ ਅવਸ੍ਸੁਤਮ੍ਪਿ ‘‘ਅਨવਸ੍ਸੁਤੋ’’ਤਿ ਸਞ੍ਞਾਯ ਤਸ੍ਸ ਹਤ੍ਥਤੋ ਪਟਿਗ੍ਗਣ੍ਹਾਤਿ, ਏવਮ੍ਪਿ ਅਨਾਪਤ੍ਤਿ। ਅਥ ਸਯਂ ਅਨવਸ੍ਸੁਤਾਪਿ ਅਞ੍ਞਂ ਅਨવਸ੍ਸੁਤਂ વਾ ਅવਸ੍ਸੁਤਂ વਾ ‘‘ਅવਸ੍ਸੁਤੋ’’ਤਿ ਜਾਨਾਤਿ, ਦੁਕ੍ਕਟਮੇવ। વੁਤ੍ਤਞ੍ਹੇਤਂ ਅਨਨ੍ਤਰਸਿਕ੍ਖਾਪਦੇ ‘‘ਕਿਸ੍ਸ ਤ੍વਂ ਅਯ੍ਯੇ ਨ ਪਟਿਗ੍ਗਣ੍ਹਾਸੀਤਿ। ਅવਸ੍ਸੁਤਾ ਅਯ੍ਯੇਤਿ। ਤ੍વਂ ਪਨ ਅਯ੍ਯੇ ਅવਸ੍ਸੁਤਾਤਿ। ਨਾਹਂ ਅਯ੍ਯੇ ਅવਸ੍ਸੁਤਾ’’ਤਿ। ਸੇਸਮੇਤ੍ਥ ਉਤ੍ਤਾਨਮੇવ। ਉਦਕਦਨ੍ਤਪੋਨਤੋ ਅਞ੍ਞਂ ਅਜ੍ਝੋਹਰਣੀਯਂ, ਉਭਤੋਅવਸ੍ਸੁਤਤਾ, ਸਹਤ੍ਥਾ ਗਹਣਂ, ਅਜ੍ਝੋਹਰਣਨ੍ਤਿ ਇਮਾਨਿ ਪਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
701. Pañcame etaṃ na vuttanti ‘‘bhikkhuniyā avassutabhāvo daṭṭhabbo’’ti etaṃ niyamanaṃ na vuttaṃ. Tanti taṃ niyametvā avacanaṃ. Pāḷiyā sametīti ‘‘ekato avassute’’ti avisesetvā vuttapāḷiyā ‘‘anavassutoti jānantī paṭiggaṇhātī’’ti imāya ca pāḷiyā sameti. Yadi hi puggalassa avassutabhāvo nappamāṇaṃ, kiṃ ‘‘anavassutoti jānantī’’ti iminā vacanena, ‘‘anāpatti ubhatoanavassutā honti, anavassutā paṭiggaṇhātī’’ti ettakameva vattabbaṃ siyā. ‘‘Ubhatoanavassutā honti, anavassutoti jānantī paṭiggaṇhātī’’ti imassa ca anāpattivārassa ayamattho. Ubho ce anavassutā, sabbathāpi anāpatti. Atha bhikkhunī anavassutā samānā avassutampi ‘‘anavassuto’’ti saññāya tassa hatthato paṭiggaṇhāti, evampi anāpatti. Atha sayaṃ anavassutāpi aññaṃ anavassutaṃ vā avassutaṃ vā ‘‘avassuto’’ti jānāti, dukkaṭameva. Vuttañhetaṃ anantarasikkhāpade ‘‘kissa tvaṃ ayye na paṭiggaṇhāsīti. Avassutā ayyeti. Tvaṃ pana ayye avassutāti. Nāhaṃ ayye avassutā’’ti. Sesamettha uttānameva. Udakadantaponato aññaṃ ajjhoharaṇīyaṃ, ubhatoavassutatā, sahatthā gahaṇaṃ, ajjhoharaṇanti imāni panettha cattāri aṅgāni.
ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pañcamasaṅghādisesasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦਂ • 5. Pañcamasaṅghādisesasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 5. Pañcamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 5. Pañcamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 5. Pañcamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਪਞ੍ਚਮਸਙ੍ਘਾਦਿਸੇਸਸਿਕ੍ਖਾਪਦਂ • 5. Pañcamasaṅghādisesasikkhāpadaṃ
