| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
753. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний г̇илаанаа ход̇и. ат̇а ко ан̃н̃ад̇аро убаасаго язна т̇уллананд̣̇аа бхигкуний д̇знубасан̇гами; убасан̇гамид̇ваа т̇уллананд̣̇ам̣ бхигкуним̣ зд̇ад̣̇авожа – ‘‘гажжи, аяяз, каманийяам̣ гажжи яаабанийяа’’нд̇и? ‘‘на мз, аавусо, каманийяам̣, на яаабанийяа’’нд̇и. ‘‘амугасса, аяяз, аабан̣игасса гхарз гахаабан̣ам̣ нигкибиссаами, д̇ад̇о яам̣ ижчзяяааси д̇ам̣ аахараабзяяаасий’’д̇и. т̇уллананд̣̇аа бхигкуний ан̃н̃ад̇арам̣ сигкамаанам̣ аан̣аабзси – ‘‘г̇ажча, сигкамаанз, амугасса аабан̣игасса гхараа гахаабан̣асса д̇злам̣ аахараа’’д̇и. ат̇а ко саа сигкамаанаа д̇асса аабан̣игасса гхараа гахаабан̣асса д̇злам̣ аахарид̇ваа т̇уллананд̣̇ааяа бхигкунияаа ад̣̇ааси. т̇уллананд̣̇аа бхигкуний звамааха – ‘‘на мз, сигкамаанз, д̇злзна ад̇т̇о, саббинаа мз ад̇т̇о’’д̇и. ат̇а ко саа сигкамаанаа язна со аабан̣иго д̇знубасан̇гами; убасан̇гамид̇ваа д̇ам̣ аабан̣игам̣ зд̇ад̣̇авожа – ‘‘на гира, аавусо, аяяааяа д̇злзна ад̇т̇о, саббинаа ад̇т̇о, ханд̣̇а д̇з д̇злам̣, саббим̣ мз д̣̇зхий’’д̇и. ‘‘сажз маяам̣, аяяз, виггийд̇ам̣ бхан̣д̣ам̣ буна аад̣̇ияиссаама, гад̣̇аа амхаагам̣ бхан̣д̣ам̣ виггааяиссад̇и! д̇зласса гаязна д̇злам̣ хадам̣, саббисса гаяам̣ аахара, саббим̣ хариссасий’’д̇и. ат̇а ко саа сигкамаанаа род̣̇анд̇ий адтааси. бхигкунияо д̇ам̣ сигкамаанам̣ зд̇ад̣̇авожум̣ – ‘‘гисса д̇вам̣, сигкамаанз, род̣̇асий’’д̇и? ат̇а ко саа сигкамаанаа бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа ан̃н̃ам̣ жзд̇аабзд̇ваа ан̃н̃ам̣ жзд̇аабзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний ан̃н̃ам̣ жзд̇аабзд̇ваа ан̃н̃ам̣ жзд̇аабзд̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний ан̃н̃ам̣ жзд̇аабзд̇ваа ан̃н̃ам̣ жзд̇аабзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
753. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī gilānā hoti. Atha kho aññataro upāsako yena thullanandā bhikkhunī tenupasaṅkami; upasaṅkamitvā thullanandaṃ bhikkhuniṃ etadavoca – ‘‘kacci, ayye, khamanīyaṃ kacci yāpanīya’’nti? ‘‘Na me, āvuso, khamanīyaṃ, na yāpanīya’’nti. ‘‘Amukassa, ayye, āpaṇikassa ghare kahāpaṇaṃ nikkhipissāmi, tato yaṃ iccheyyāsi taṃ āharāpeyyāsī’’ti. Thullanandā bhikkhunī aññataraṃ sikkhamānaṃ āṇāpesi – ‘‘gaccha, sikkhamāne, amukassa āpaṇikassa gharā kahāpaṇassa telaṃ āharā’’ti. Atha kho sā sikkhamānā tassa āpaṇikassa gharā kahāpaṇassa telaṃ āharitvā thullanandāya bhikkhuniyā adāsi. Thullanandā bhikkhunī evamāha – ‘‘na me, sikkhamāne, telena attho, sappinā me attho’’ti. Atha kho sā sikkhamānā yena so āpaṇiko tenupasaṅkami; upasaṅkamitvā taṃ āpaṇikaṃ etadavoca – ‘‘na kira, āvuso, ayyāya telena attho, sappinā attho, handa te telaṃ, sappiṃ me dehī’’ti. ‘‘Sace mayaṃ, ayye, vikkītaṃ bhaṇḍaṃ puna ādiyissāma, kadā amhākaṃ bhaṇḍaṃ vikkāyissati! Telassa kayena telaṃ haṭaṃ, sappissa kayaṃ āhara, sappiṃ harissasī’’ti. Atha kho sā sikkhamānā rodantī aṭṭhāsi. Bhikkhuniyo taṃ sikkhamānaṃ etadavocuṃ – ‘‘kissa tvaṃ, sikkhamāne, rodasī’’ti? Atha kho sā sikkhamānā bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā aññaṃ cetāpetvā aññaṃ cetāpessatī’’ti…pe… saccaṃ kira, bhikkhave, thullanandā bhikkhunī aññaṃ cetāpetvā aññaṃ cetāpetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī aññaṃ cetāpetvā aññaṃ cetāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
754. ‘‘яаа бана бхигкуний ан̃н̃ам̣ жзд̇аабзд̇ваа ан̃н̃ам̣ жзд̇аабзяяа, ниссаг̇г̇ияам̣ баажид̇д̇ияа’’нд̇и.
754.‘‘Yā pana bhikkhunī aññaṃ cetāpetvā aññaṃ cetāpeyya, nissaggiyaṃ pācittiya’’nti.
755. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
755.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ан̃н̃ам̣ жзд̇аабзд̇ваад̇и яам̣ гин̃жи жзд̇аабзд̇ваа.
Aññaṃcetāpetvāti yaṃ kiñci cetāpetvā.
ан̃н̃ам̣ жзд̇аабзяяаад̇и д̇ам̣ табзд̇ваа ан̃н̃ам̣ жзд̇аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ‘‘ид̣̇ам̣ мз, аяяз, ан̃н̃ам̣ жзд̇аабзд̇ваа ан̃н̃ам̣ жзд̇аабид̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… аяяааяа д̣̇аммийд̇и.
Aññaṃ cetāpeyyāti taṃ ṭhapetvā aññaṃ cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, aññaṃ cetāpetvā aññaṃ cetāpitaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
756. ан̃н̃з ан̃н̃асан̃н̃аа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣. ан̃н̃з взмад̇игаа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣. ан̃н̃з анан̃н̃асан̃н̃аа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияам̣.
756. Aññe aññasaññā aññaṃ cetāpeti, nissaggiyaṃ pācittiyaṃ. Aññe vematikā aññaṃ cetāpeti, nissaggiyaṃ pācittiyaṃ. Aññe anaññasaññā aññaṃ cetāpeti, nissaggiyaṃ pācittiyaṃ.
анан̃н̃з ан̃н̃асан̃н̃аа анан̃н̃ам̣ жзд̇аабзд̇и, аабад̇д̇и д̣̇уггадасса. анан̃н̃з взмад̇игаа анан̃н̃ам̣ жзд̇аабзд̇и, аабад̇д̇и д̣̇уггадасса. анан̃н̃з анан̃н̃асан̃н̃аа анаабад̇д̇и.
Anaññe aññasaññā anaññaṃ cetāpeti, āpatti dukkaṭassa. Anaññe vematikā anaññaṃ cetāpeti, āpatti dukkaṭassa. Anaññe anaññasaññā anāpatti.
757. анаабад̇д̇и д̇ан̃н̃зва 3 жзд̇аабзд̇и, ан̃н̃ан̃жа жзд̇аабзд̇и, аанисам̣сам̣ д̣̇ассзд̇ваа жзд̇аабзд̇и, уммад̇д̇игааяа, аад̣̇игаммигааяаад̇и.
757. Anāpatti taññeva 4 cetāpeti, aññañca cetāpeti, ānisaṃsaṃ dassetvā cetāpeti, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / бан̃жаманиссаг̇г̇ияабаажид̇д̇ияасигкаабад̣̇аван̣н̣анаа • Pañcamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жаманиссаг̇г̇ияабаажид̇д̇ияасигкаабад̣̇аван̣н̣анаа • 5. Pañcamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жаманиссаг̇г̇ияабаажид̇д̇ияасигкаабад̣̇ам̣ • 5. Pañcamanissaggiyapācittiyasikkhāpadaṃ
