| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
810. д̇зна самаязна б̣уд̣̇д̇хо бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаабаж̇аабад̇и г̇од̇амий язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа ад̇ховаад̇з адтааси – ‘‘д̣̇уг̇г̇анд̇хо, бхаг̇аваа, маад̇уг̇аамо’’д̇и. ат̇а ко бхаг̇аваа – ‘‘аад̣̇ияанд̇у ко бхигкунияо уд̣̇агасуд̣̇д̇хига’’нд̇и, махаабаж̇аабад̇им̣ г̇од̇амим̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко махаабаж̇аабад̇и г̇од̇амий бхаг̇авад̇аа д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхигкунийнам̣ уд̣̇агасуд̣̇д̇хига’’нд̇и. д̇зна ко бана самаязна ан̃н̃ад̇араа бхигкуний – ‘‘бхаг̇авад̇аа уд̣̇агасуд̣̇д̇хигаа анун̃н̃аад̇аа’’д̇и ад̇иг̇амбхийрам̣ уд̣̇агасуд̣̇д̇хигам̣ аад̣̇ияанд̇ий муд̇д̇агаран̣з ван̣ам̣ агааси. ат̇а ко саа бхигкуний бхигкунийнам̣ зд̇амад̇т̇ам̣ аарожзд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – гат̇ан̃хи наама бхигкуний ад̇иг̇амбхийрам̣ уд̣̇агасуд̣̇д̇хигам̣ аад̣̇ияиссад̇ийд̇и…бз… сажжам̣ гира, бхигкавз, бхигкуний ад̇иг̇амбхийрам̣ уд̣̇агасуд̣̇д̇хигам̣ аад̣̇ияад̇ий’’д̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний ад̇иг̇амбхийрам̣ уд̣̇агасуд̣̇д̇хигам̣ аад̣̇ияиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
810. Tena samayena buddho bhagavā sakkesu viharati kapilavatthusmiṃ nigrodhārāme. Atha kho mahāpajāpati gotamī yena bhagavā tenupasaṅkami; upasaṅkamitvā bhagavantaṃ abhivādetvā adhovāte aṭṭhāsi – ‘‘duggandho, bhagavā, mātugāmo’’ti. Atha kho bhagavā – ‘‘ādiyantu kho bhikkhuniyo udakasuddhika’’nti, mahāpajāpatiṃ gotamiṃ dhammiyā kathāya sandassesi samādapesi samuttejesi sampahaṃsesi. Atha kho mahāpajāpati gotamī bhagavatā dhammiyā kathāya sandassitā samādapitā samuttejitā sampahaṃsitā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, bhikkhunīnaṃ udakasuddhika’’nti. Tena kho pana samayena aññatarā bhikkhunī – ‘‘bhagavatā udakasuddhikā anuññātā’’ti atigambhīraṃ udakasuddhikaṃ ādiyantī muttakaraṇe vaṇaṃ akāsi. Atha kho sā bhikkhunī bhikkhunīnaṃ etamatthaṃ āroceti. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma bhikkhunī atigambhīraṃ udakasuddhikaṃ ādiyissatīti…pe… saccaṃ kira, bhikkhave, bhikkhunī atigambhīraṃ udakasuddhikaṃ ādiyatī’’ti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī atigambhīraṃ udakasuddhikaṃ ādiyissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
811. ‘‘уд̣̇агасуд̣̇д̇хигам̣ бана бхигкунияаа аад̣̇ияамаанааяа д̣̇ван̇г̇улабаб̣б̣абарамам̣ аад̣̇аад̇аб̣б̣ам̣. д̇ам̣ ад̇иггаамзнд̇ияаа баажид̇д̇ияа’’нд̇и.
811.‘‘Udakasuddhikaṃ pana bhikkhuniyā ādiyamānāya dvaṅgulapabbaparamaṃ ādātabbaṃ. Taṃ atikkāmentiyā pācittiya’’nti.
812. уд̣̇агасуд̣̇д̇хигам̣ наама муд̇д̇агаран̣асса д̇хованаа вужжад̇и.
812.Udakasuddhikaṃ nāma muttakaraṇassa dhovanā vuccati.
аад̣̇ияамаанааяаад̇и д̇хованд̇ияаа.
Ādiyamānāyāti dhovantiyā.
д̣̇ван̇г̇улабаб̣б̣абарамам̣ аад̣̇аад̇аб̣б̣анд̇и д̣̇вийсу ан̇г̇улзсу д̣̇вз баб̣б̣абарамаа аад̣̇аад̇аб̣б̣аа.
Dvaṅgulapabbaparamaṃ ādātabbanti dvīsu aṅgulesu dve pabbaparamā ādātabbā.
д̇ам̣ ад̇иггаамзнд̇ияаад̇и сампассам̣ саад̣̇ияанд̇ий анд̇амасо гзсаг̇г̇амад̇д̇амби ад̇иггаамзд̇и, аабад̇д̇и баажид̇д̇ияасса.
Taṃ atikkāmentiyāti samphassaṃ sādiyantī antamaso kesaggamattampi atikkāmeti, āpatti pācittiyassa.
813. ад̇ирзгад̣̇ван̇г̇улабаб̣б̣з ад̇ирзгасан̃н̃аа аад̣̇ияад̇и, аабад̇д̇и баажид̇д̇ияасса. ад̇ирзгад̣̇ван̇г̇улабаб̣б̣з взмад̇игаа аад̣̇ияад̇и, аабад̇д̇и баажид̇д̇ияасса . ад̇ирзгад̣̇ван̇г̇улабаб̣б̣з уунагасан̃н̃аа аад̣̇ияад̇и, аабад̇д̇и баажид̇д̇ияасса .
813. Atirekadvaṅgulapabbe atirekasaññā ādiyati, āpatti pācittiyassa. Atirekadvaṅgulapabbe vematikā ādiyati, āpatti pācittiyassa . Atirekadvaṅgulapabbe ūnakasaññā ādiyati, āpatti pācittiyassa .
уунагад̣̇ван̇г̇улабаб̣б̣з ад̇ирзгасан̃н̃аа, аабад̇д̇и д̣̇уггадасса. уунагад̣̇ван̇г̇улабаб̣б̣з взмад̇игаа, аабад̇д̇и д̣̇уггадасса. уунагад̣̇ван̇г̇улабаб̣б̣з уунагасан̃н̃аа, анаабад̇д̇и.
Ūnakadvaṅgulapabbe atirekasaññā, āpatti dukkaṭassa. Ūnakadvaṅgulapabbe vematikā, āpatti dukkaṭassa. Ūnakadvaṅgulapabbe ūnakasaññā, anāpatti.
814. анаабад̇д̇и д̣̇ван̇г̇улабаб̣б̣абарамам̣ аад̣̇ияад̇и, уунагад̣̇ван̇г̇улабаб̣б̣абарамам̣ аад̣̇ияад̇и, ааб̣аад̇хабажжаяаа, уммад̇д̇игааяа, аад̣̇игаммигааяаад̇и.
814. Anāpatti dvaṅgulapabbaparamaṃ ādiyati, ūnakadvaṅgulapabbaparamaṃ ādiyati, ābādhapaccayā, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жамасигкаабад̣̇ам̣ • 5. Pañcamasikkhāpadaṃ
