| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
854. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний ан̃н̃ад̇арасса гуласса гулуубигаа ход̇и нижжабхад̇д̇игаа. ат̇а ко саа бхигкуний буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна д̇ам̣ гулам̣ д̇знубасан̇гами; убасан̇гамид̇ваа аасанз нисийд̣̇ид̇ваа саамигз анаабужчаа баггаами. д̇асса гуласса д̣̇аасий гхарам̣ саммаж̇ж̇анд̇ий д̇ам̣ аасанам̣ бхааж̇ананд̇аригааяа багкиби. мануссаа д̇ам̣ аасанам̣ абассанд̇аа д̇ам̣ бхигкуним̣ зд̇ад̣̇авожум̣ – ‘‘гахам̣ д̇ам̣, аяяз, аасана’’нд̇и? ‘‘наахам̣ д̇ам̣, аавусо, аасанам̣ бассаамий’’д̇и. ‘‘д̣̇зт̇ааяяз, д̇ам̣ аасана’’нд̇и барибхаасид̇ваа нижжабхад̇д̇ам̣ бажчинд̣̇им̣су. ат̇а ко д̇з мануссаа гхарам̣ сод̇хзнд̇аа д̇ам̣ аасанам̣ бхааж̇ананд̇аригааяа бассид̇ваа д̇ам̣ бхигкуним̣ камаабзд̇ваа нижжабхад̇д̇ам̣ бадтабзсум̣. ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний бурзбхад̇д̇ам̣ гулаани убасан̇гамид̇ваа аасанз нисийд̣̇ид̇ваа саамигз анаабужчаа баггамиссад̇ий’’д̇и…бз… сажжам̣ гира, бхигкавз, бхигкуний бурзбхад̇д̇ам̣ гулаани убасан̇гамид̇ваа аасанз нисийд̣̇ид̇ваа саамигз анаабужчаа баггамад̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз бхигкуний бурзбхад̇д̇ам̣ гулаани убасан̇гамид̇ваа аасанз нисийд̣̇ид̇ваа саамигз анаабужчаа баггамиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
854. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī aññatarassa kulassa kulūpikā hoti niccabhattikā. Atha kho sā bhikkhunī pubbaṇhasamayaṃ nivāsetvā pattacīvaramādāya yena taṃ kulaṃ tenupasaṅkami; upasaṅkamitvā āsane nisīditvā sāmike anāpucchā pakkāmi. Tassa kulassa dāsī gharaṃ sammajjantī taṃ āsanaṃ bhājanantarikāya pakkhipi. Manussā taṃ āsanaṃ apassantā taṃ bhikkhuniṃ etadavocuṃ – ‘‘kahaṃ taṃ, ayye, āsana’’nti? ‘‘Nāhaṃ taṃ, āvuso, āsanaṃ passāmī’’ti. ‘‘Dethāyye, taṃ āsana’’nti paribhāsitvā niccabhattaṃ pacchindiṃsu. Atha kho te manussā gharaṃ sodhentā taṃ āsanaṃ bhājanantarikāya passitvā taṃ bhikkhuniṃ khamāpetvā niccabhattaṃ paṭṭhapesuṃ. Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkamissatī’’ti…pe… saccaṃ kira, bhikkhave, bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkamatīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkamissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
855. ‘‘яаа бана бхигкуний бурзбхад̇д̇ам̣ гулаани убасан̇гамид̇ваа аасанз нисийд̣̇ид̇ваа саамигз анаабужчаа баггамзяяа, баажид̇д̇ияа’’нд̇и.
855.‘‘Yā pana bhikkhunī purebhattaṃ kulāni upasaṅkamitvā āsane nisīditvā sāmike anāpucchā pakkameyya, pācittiya’’nti.
856. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
856.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бурзбхад̇д̇ам̣ наама арун̣уг̇г̇аманам̣ убаад̣̇ааяа яаава маж̇жханхигаа.
Purebhattaṃ nāma aruṇuggamanaṃ upādāya yāva majjhanhikā.
гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣. убасан̇гамид̇ваад̇и д̇ад̇т̇а г̇анд̇ваа.
Kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ. Upasaṅkamitvāti tattha gantvā.
аасанам̣ наама баллан̇гасса огаасо вужжад̇и. нисийд̣̇ид̇ваад̇и д̇асмим̣ нисийд̣̇ид̇ваа.
Āsanaṃ nāma pallaṅkassa okāso vuccati. Nisīditvāti tasmiṃ nisīditvā.
саамигз анаабужчаа баггамзяяаад̇и яо д̇асмим̣ гулз мануссо вин̃н̃уу д̇ам̣ анаабужчаа ановассагам̣ ад̇иггаамзнд̇ияаа аабад̇д̇и баажид̇д̇ияасса. аж̇жхогаасз убажаарам̣ ад̇иггаамзнд̇ияаа аабад̇д̇и баажид̇д̇ияасса.
Sāmike anāpucchā pakkameyyāti yo tasmiṃ kule manusso viññū taṃ anāpucchā anovassakaṃ atikkāmentiyā āpatti pācittiyassa. Ajjhokāse upacāraṃ atikkāmentiyā āpatti pācittiyassa.
857. анаабужчид̇з анаабужчид̇асан̃н̃аа баггамад̇и, аабад̇д̇и баажид̇д̇ияасса. анаабужчид̇з взмад̇игаа баггамад̇и, аабад̇д̇и баажид̇д̇ияасса. анаабужчид̇з аабужчид̇асан̃н̃аа баггамад̇и, аабад̇д̇и баажид̇д̇ияасса.
857. Anāpucchite anāpucchitasaññā pakkamati, āpatti pācittiyassa. Anāpucchite vematikā pakkamati, āpatti pācittiyassa. Anāpucchite āpucchitasaññā pakkamati, āpatti pācittiyassa.
баллан̇гасса аногаасз аабад̇д̇и д̣̇уггадасса. аабужчид̇з анаабужчид̇асан̃н̃аа, аабад̇д̇и д̣̇уггадасса. аабужчид̇з взмад̇игаа, аабад̇д̇и д̣̇уггадасса. аабужчид̇з аабужчид̇асан̃н̃аа, анаабад̇д̇и.
Pallaṅkassa anokāse āpatti dukkaṭassa. Āpucchite anāpucchitasaññā, āpatti dukkaṭassa. Āpucchite vematikā, āpatti dukkaṭassa. Āpucchite āpucchitasaññā, anāpatti.
858. анаабад̇д̇и аабужчаа г̇ажчад̇и, асам̣хааримз, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
858. Anāpatti āpucchā gacchati, asaṃhārime, gilānāya, āpadāsu, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. анд̇хагаараваг̇г̇аван̣н̣анаа • 2. Andhakāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. жад̇уд̇т̇асигкаабад̣̇ам̣ • 4. Catutthasikkhāpadaṃ
