| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
902. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний бин̣д̣ааяа жарид̇ваа аллажийварам̣ бад̇т̇арид̇ваа вихаарам̣ баависи. ан̃н̃ад̇араа бхигкуний д̇ам̣ жийварам̣ баарубид̇ваа г̇аамам̣ бин̣д̣ааяа баависи. саа нигкамид̇ваа бхигкунияо бужчи – ‘‘абааяяз, маяхам̣ жийварам̣ бассзяяаат̇аа’’д̇и? бхигкунияо д̇ассаа бхигкунияаа зд̇амад̇т̇ам̣ аарожзсум̣. ат̇а ко саа бхигкуний уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкуний маяхам̣ жийварам̣ анаабужчаа баарубиссад̇ий’’д̇и! ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний бхигкунияаа жийварам̣ анаабужчаа баарубиссад̇ий’’д̇и…бз… сажжам̣ гира, бхигкавз, бхигкуний бхигкунияаа жийварам̣ анаабужчаа баарубад̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний бхигкунияаа жийварам̣ анаабужчаа баарубиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
902. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī piṇḍāya caritvā allacīvaraṃ pattharitvā vihāraṃ pāvisi. Aññatarā bhikkhunī taṃ cīvaraṃ pārupitvā gāmaṃ piṇḍāya pāvisi. Sā nikkhamitvā bhikkhuniyo pucchi – ‘‘apāyye, mayhaṃ cīvaraṃ passeyyāthā’’ti? Bhikkhuniyo tassā bhikkhuniyā etamatthaṃ ārocesuṃ. Atha kho sā bhikkhunī ujjhāyati khiyyati vipāceti – ‘‘kathañhi nāma bhikkhunī mayhaṃ cīvaraṃ anāpucchā pārupissatī’’ti! Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī bhikkhuniyā cīvaraṃ anāpucchā pārupissatī’’ti…pe… saccaṃ kira, bhikkhave, bhikkhunī bhikkhuniyā cīvaraṃ anāpucchā pārupatīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī bhikkhuniyā cīvaraṃ anāpucchā pārupissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
903. ‘‘яаа бана бхигкуний жийварасан̇гаманийяам̣ д̇хаарзяяа, баажид̇д̇ияа’’нд̇и.
903.‘‘Yā pana bhikkhunī cīvarasaṅkamanīyaṃ dhāreyya, pācittiya’’nti.
904. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
904.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
жийварасан̇гаманийяам̣ наама убасамбаннааяа бан̃жаннам̣ жийвараанам̣ ан̃н̃ад̇арам̣ жийварам̣ д̇ассаа ваа ад̣̇иннам̣ д̇ам̣ ваа анаабужчаа ниваасзд̇и ваа баарубад̇и ваа, аабад̇д̇и баажид̇д̇ияасса.
Cīvarasaṅkamanīyaṃ nāma upasampannāya pañcannaṃ cīvarānaṃ aññataraṃ cīvaraṃ tassā vā adinnaṃ taṃ vā anāpucchā nivāseti vā pārupati vā, āpatti pācittiyassa.
905. убасамбаннааяа убасамбаннасан̃н̃аа жийварасан̇гаманийяам̣ д̇хаарзд̇и, аабад̇д̇и баажид̇д̇ияасса. убасамбаннааяа взмад̇игаа жийварасан̇гаманийяам̣ д̇хаарзд̇и , аабад̇д̇и баажид̇д̇ияасса. убасамбаннааяа анубасамбаннасан̃н̃аа жийварасан̇гаманийяам̣ д̇хаарзд̇и, аабад̇д̇и баажид̇д̇ияасса .
905. Upasampannāya upasampannasaññā cīvarasaṅkamanīyaṃ dhāreti, āpatti pācittiyassa. Upasampannāya vematikā cīvarasaṅkamanīyaṃ dhāreti , āpatti pācittiyassa. Upasampannāya anupasampannasaññā cīvarasaṅkamanīyaṃ dhāreti, āpatti pācittiyassa .
анубасамбаннааяа жийварасан̇гаманийяам̣ д̇хаарзд̇и, аабад̇д̇и д̣̇уггадасса. анубасамбаннааяа убасамбаннасан̃н̃аа , аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Anupasampannāya cīvarasaṅkamanīyaṃ dhāreti, āpatti dukkaṭassa. Anupasampannāya upasampannasaññā , āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
906. анаабад̇д̇и саа ваа д̣̇зд̇и, д̇ам̣ ваа аабужчаа ниваасзд̇и ваа баарубад̇и ваа, ажчиннажийваригааяа, надтажийваригааяа, аабад̣̇аасу, уммад̇д̇игааяа, аад̣̇игаммигааяаад̇и.
906. Anāpatti sā vā deti, taṃ vā āpucchā nivāseti vā pārupati vā, acchinnacīvarikāya, naṭṭhacīvarikāya, āpadāsu, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жамасигкаабад̣̇ам̣ • 5. Pañcamasikkhāpadaṃ
