| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
994. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний т̇уллананд̣̇ам̣ бхигкуним̣ убасан̇гамид̇ваа зд̇ад̣̇авожа – ‘‘зхааяяз, имам̣ ад̇хигаран̣ам̣ вуубасамзхий’’д̇и. т̇уллананд̣̇аа бхигкуний ‘саад̇хуу’д̇и бадиссун̣ид̇ваа нзва вуубасамзд̇и на вуубасамааяа уссуггам̣ гарод̇и. ат̇а ко саа бхигкуний бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа бхигкунияаа – ‘зхааяяз’, имам̣ ад̇хигаран̣ам̣ вуубасамзхий’д̇и вужжамаанаа – ‘саад̇хуу’д̇и бадиссун̣ид̇ваа, нзва вуубасамзссад̇и на вуубасамааяа уссуггам̣ гариссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний бхигкунияаа – ‘‘зхааяяз, имам̣ ад̇хигаран̣ам̣ вуубасамзхий’’д̇и вужжамаанаа – ‘‘саад̇хуу’’д̇и бадиссун̣ид̇ваа, нзва вуубасамзд̇и на вуубасамааяа уссуггам̣ гарод̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний бхигкунияаа – ‘‘зхааяяз, имам̣ ад̇хигаран̣ам̣ вуубасамзхий’’д̇и вужжамаанаа – ‘‘саад̇хуу’’д̇и бадиссун̣ид̇ваа, нзва вуубасамзссад̇и на вуубасамааяа уссуггам̣ гариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
994. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī thullanandaṃ bhikkhuniṃ upasaṅkamitvā etadavoca – ‘‘ehāyye, imaṃ adhikaraṇaṃ vūpasamehī’’ti. Thullanandā bhikkhunī ‘sādhū’ti paṭissuṇitvā neva vūpasameti na vūpasamāya ussukkaṃ karoti. Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā bhikkhuniyā – ‘ehāyye’, imaṃ adhikaraṇaṃ vūpasamehī’ti vuccamānā – ‘sādhū’ti paṭissuṇitvā, neva vūpasamessati na vūpasamāya ussukkaṃ karissatī’’ti…pe… saccaṃ kira, bhikkhave, thullanandā bhikkhunī bhikkhuniyā – ‘‘ehāyye, imaṃ adhikaraṇaṃ vūpasamehī’’ti vuccamānā – ‘‘sādhū’’ti paṭissuṇitvā, neva vūpasameti na vūpasamāya ussukkaṃ karotīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī bhikkhuniyā – ‘‘ehāyye, imaṃ adhikaraṇaṃ vūpasamehī’’ti vuccamānā – ‘‘sādhū’’ti paṭissuṇitvā, neva vūpasamessati na vūpasamāya ussukkaṃ karissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
995. ‘‘яаа бана бхигкуний бхигкунияаа – ‘зхааяяз, имам̣ ад̇хигаран̣ам̣ вуубасамзхий’д̇и вужжамаанаа – ‘саад̇хуу’д̇и бадиссун̣ид̇ваа саа бажчаа ананд̇арааяигиний нзва вуубасамзяяа на вуубасамааяа уссуггам̣ гарзяяа, баажид̇д̇ияа’’нд̇и.
995.‘‘Yā pana bhikkhunī bhikkhuniyā – ‘ehāyye, imaṃ adhikaraṇaṃ vūpasamehī’ti vuccamānā – ‘sādhū’ti paṭissuṇitvā sā pacchā anantarāyikinī neva vūpasameyya na vūpasamāya ussukkaṃ kareyya, pācittiya’’nti.
996. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
996.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
бхигкунияаад̇и ан̃н̃ааяа бхигкунияаа.
Bhikkhuniyāti aññāya bhikkhuniyā.
ад̇хигаран̣ам̣ наама жад̇д̇аари ад̇хигаран̣аани – виваад̣̇аад̇хигаран̣ам̣, ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣.
Adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.
зхааяяз имам̣ ад̇хигаран̣ам̣ вуубасамзхийд̇и зхааяяз имам̣ ад̇хигаран̣ам̣ винижчзхи.
Ehāyye imaṃ adhikaraṇaṃ vūpasamehīti ehāyye imaṃ adhikaraṇaṃ vinicchehi.
саа бажчаа ананд̇арааяигинийд̇и асад̇и анд̇арааяз.
Sāpacchā anantarāyikinīti asati antarāye.
нзва вуубасамзяяаад̇и на саяам̣ вуубасамзяяа.
Neva vūpasameyyāti na sayaṃ vūpasameyya.
на вуубасамааяа уссуггам̣ гарзяяаад̇и на ан̃н̃ам̣ аан̣аабзяяа. ‘‘нзва вуубасамзссаами на вуубасамааяа уссуггам̣ гариссаамий’’д̇и д̇хурам̣ нигкид̇д̇амад̇д̇з, аабад̇д̇и баажид̇д̇ияасса.
Na vūpasamāya ussukkaṃ kareyyāti na aññaṃ āṇāpeyya. ‘‘Neva vūpasamessāmi na vūpasamāya ussukkaṃ karissāmī’’ti dhuraṃ nikkhittamatte, āpatti pācittiyassa.
997. убасамбаннааяа убасамбаннасан̃н̃аа ад̇хигаран̣ам̣ нзва вуубасамзд̇и на вуубасамааяа уссуггам̣ гарод̇и, аабад̇д̇и баажид̇д̇ияасса. убасамбаннааяа взмад̇игаа ад̇хигаран̣ам̣ нзва вуубасамзд̇и, на вуубасамааяа уссуггам̣ гарод̇и, аабад̇д̇и баажид̇д̇ияасса. убасамбаннааяа анубасамбаннасан̃н̃аа ад̇хигаран̣ам̣ нзва вуубасамзд̇и, на вуубасамааяа уссуггам̣ гарод̇и, аабад̇д̇и баажид̇д̇ияасса.
997. Upasampannāya upasampannasaññā adhikaraṇaṃ neva vūpasameti na vūpasamāya ussukkaṃ karoti, āpatti pācittiyassa. Upasampannāya vematikā adhikaraṇaṃ neva vūpasameti, na vūpasamāya ussukkaṃ karoti, āpatti pācittiyassa. Upasampannāya anupasampannasaññā adhikaraṇaṃ neva vūpasameti, na vūpasamāya ussukkaṃ karoti, āpatti pācittiyassa.
анубасамбаннааяа ад̇хигаран̣ам̣ нзва вуубасамзд̇и, на вуубасамааяа уссуггам̣ гарод̇и, аабад̇д̇и д̣̇уггадасса. анубасамбаннааяа убасамбаннасан̃н̃аа, аабад̇д̇и д̣̇уггадасса. анубасамбаннааяа взмад̇игаа, аабад̇д̇и д̣̇уггадасса. анубасамбаннааяа анубасамбаннасан̃н̃аа, аабад̇д̇и д̣̇уггадасса.
Anupasampannāya adhikaraṇaṃ neva vūpasameti, na vūpasamāya ussukkaṃ karoti, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
998. анаабад̇д̇и сад̇и анд̇арааяз, бариязсид̇ваа на лабхад̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
998. Anāpatti sati antarāye, pariyesitvā na labhati, gilānāya, āpadāsu, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. жад̇уд̇т̇асигкаабад̣̇аван̣н̣анаа • 4. Catutthasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жамасигкаабад̣̇ам̣ • 5. Pañcamasikkhāpadaṃ
