| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
5. бан̃жамасигкаабад̣̇ам̣
5. Pañcamasikkhāpadaṃ
1042. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа бхигкуний саавад̇т̇ияам̣ ан̃н̃ад̇ариссаа висикааяа бин̣д̣ааяа жарамаанаа язна ан̃н̃ад̇арам̣ гулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко д̇з мануссаа д̇ам̣ бхигкуним̣ бхож̇зд̇ваа зд̇ад̣̇авожум̣ – ‘‘ан̃н̃ааби, аяяз, бхигкунияо ааг̇ажчанд̇уу’’д̇и. ат̇а ко саа бхигкуний, ‘‘гат̇ан̃хи наама 1 бхигкунияо нааг̇ажчзяяу’’нд̇и, бхигкунияо убасан̇гамид̇ваа зд̇ад̣̇авожа – ‘‘амугасмим̣, аяяз, огаасз ваал̣аа сунакаа жан̣д̣о б̣алиб̣ад̣̇д̣̇о жигкалло огаасо. маа ко д̇ад̇т̇а аг̇амид̇т̇аа’’д̇и. ан̃н̃ад̇арааби бхигкуний д̇ассаа висикааяа бин̣д̣ааяа жарамаанаа язна д̇ам̣ гулам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко д̇з мануссаа д̇ам̣ бхигкуним̣ бхож̇зд̇ваа зд̇ад̣̇авожум̣ – ‘‘гисса, аяяз, бхигкунияо на ааг̇ажчанд̇ий’’д̇и? ат̇а ко саа бхигкуний д̇зсам̣ мануссаанам̣ зд̇амад̇т̇ам̣ аарожзси. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкуний гулам̣ мажчарааяиссад̇ий’’д̇и…бз… сажжам̣ гира, бхигкавз, бхигкуний гулам̣ мажчарааяад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкуний гулам̣ мажчарааяиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1042. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī sāvatthiyaṃ aññatarissā visikhāya piṇḍāya caramānā yena aññataraṃ kulaṃ tenupasaṅkami; upasaṅkamitvā paññatte āsane nisīdi. Atha kho te manussā taṃ bhikkhuniṃ bhojetvā etadavocuṃ – ‘‘aññāpi, ayye, bhikkhuniyo āgacchantū’’ti. Atha kho sā bhikkhunī, ‘‘kathañhi nāma 2 bhikkhuniyo nāgaccheyyu’’nti, bhikkhuniyo upasaṅkamitvā etadavoca – ‘‘amukasmiṃ, ayye, okāse vāḷā sunakhā caṇḍo balibaddo cikkhallo okāso. Mā kho tattha agamitthā’’ti. Aññatarāpi bhikkhunī tassā visikhāya piṇḍāya caramānā yena taṃ kulaṃ tenupasaṅkami; upasaṅkamitvā paññatte āsane nisīdi. Atha kho te manussā taṃ bhikkhuniṃ bhojetvā etadavocuṃ – ‘‘kissa, ayye, bhikkhuniyo na āgacchantī’’ti? Atha kho sā bhikkhunī tesaṃ manussānaṃ etamatthaṃ ārocesi. Manussā ujjhāyanti khiyyanti vipācenti – ‘‘kathañhi nāma bhikkhunī kulaṃ maccharāyissatī’’ti…pe… saccaṃ kira, bhikkhave, bhikkhunī kulaṃ maccharāyatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī kulaṃ maccharāyissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1043. ‘‘яаа бана бхигкуний гуламажчариний асса, баажид̇д̇ияа’’нд̇и.
1043.‘‘Yā pana bhikkhunī kulamaccharinī assa, pācittiya’’nti.
1044. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1044.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣, суд̣̇д̣̇агулам̣.
Kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ.
мажчариний ассаад̇и ‘‘гат̇ам̣ бхигкунияо нааг̇ажчзяяу’’нд̇и бхигкунийнам̣ санд̇игз гуласса аван̣н̣ам̣ бхаасад̇и, аабад̇д̇и баажид̇д̇ияасса. гуласса ваа санд̇игз бхигкунийнам̣ аван̣н̣ам̣ бхаасад̇и, аабад̇д̇и баажид̇д̇ияасса.
Maccharinī assāti ‘‘kathaṃ bhikkhuniyo nāgaccheyyu’’nti bhikkhunīnaṃ santike kulassa avaṇṇaṃ bhāsati, āpatti pācittiyassa. Kulassa vā santike bhikkhunīnaṃ avaṇṇaṃ bhāsati, āpatti pācittiyassa.
1045. анаабад̇д̇и гулам̣ на мажчарааяанд̇ий санд̇ам̣язва аад̣̇ийнавам̣ аажигкад̇и, уммад̇д̇игааяа, аад̣̇игаммигааяаад̇и.
1045. Anāpatti kulaṃ na maccharāyantī santaṃyeva ādīnavaṃ ācikkhati, ummattikāya, ādikammikāyāti.
бан̃жамасигкаабад̣̇ам̣ нидтид̇ам̣.
Pañcamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. бан̃жамасигкаабад̣̇ам̣ • 5. Pañcamasikkhāpadaṃ
