| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੫. ਪਞ੍ਚਮਸਿਕ੍ਖਾਪਦਂ
5. Pañcamasikkhāpadaṃ
੭੫੩. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾ ਭਿਕ੍ਖੁਨੀ ਗਿਲਾਨਾ ਹੋਤਿ। ਅਥ ਖੋ ਅਞ੍ਞਤਰੋ ਉਪਾਸਕੋ ਯੇਨ ਥੁਲ੍ਲਨਨ੍ਦਾ ਭਿਕ੍ਖੁਨੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਥੁਲ੍ਲਨਨ੍ਦਂ ਭਿਕ੍ਖੁਨਿਂ ਏਤਦવੋਚ – ‘‘ਕਚ੍ਚਿ, ਅਯ੍ਯੇ, ਖਮਨੀਯਂ ਕਚ੍ਚਿ ਯਾਪਨੀਯ’’ਨ੍ਤਿ? ‘‘ਨ ਮੇ, ਆવੁਸੋ, ਖਮਨੀਯਂ, ਨ ਯਾਪਨੀਯ’’ਨ੍ਤਿ। ‘‘ਅਮੁਕਸ੍ਸ, ਅਯ੍ਯੇ, ਆਪਣਿਕਸ੍ਸ ਘਰੇ ਕਹਾਪਣਂ ਨਿਕ੍ਖਿਪਿਸ੍ਸਾਮਿ, ਤਤੋ ਯਂ ਇਚ੍ਛੇਯ੍ਯਾਸਿ ਤਂ ਆਹਰਾਪੇਯ੍ਯਾਸੀ’’ਤਿ। ਥੁਲ੍ਲਨਨ੍ਦਾ ਭਿਕ੍ਖੁਨੀ ਅਞ੍ਞਤਰਂ ਸਿਕ੍ਖਮਾਨਂ ਆਣਾਪੇਸਿ – ‘‘ਗਚ੍ਛ, ਸਿਕ੍ਖਮਾਨੇ, ਅਮੁਕਸ੍ਸ ਆਪਣਿਕਸ੍ਸ ਘਰਾ ਕਹਾਪਣਸ੍ਸ ਤੇਲਂ ਆਹਰਾ’’ਤਿ। ਅਥ ਖੋ ਸਾ ਸਿਕ੍ਖਮਾਨਾ ਤਸ੍ਸ ਆਪਣਿਕਸ੍ਸ ਘਰਾ ਕਹਾਪਣਸ੍ਸ ਤੇਲਂ ਆਹਰਿਤ੍વਾ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਦਾਸਿ। ਥੁਲ੍ਲਨਨ੍ਦਾ ਭਿਕ੍ਖੁਨੀ ਏવਮਾਹ – ‘‘ਨ ਮੇ, ਸਿਕ੍ਖਮਾਨੇ, ਤੇਲੇਨ ਅਤ੍ਥੋ, ਸਪ੍ਪਿਨਾ ਮੇ ਅਤ੍ਥੋ’’ਤਿ। ਅਥ ਖੋ ਸਾ ਸਿਕ੍ਖਮਾਨਾ ਯੇਨ ਸੋ ਆਪਣਿਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਆਪਣਿਕਂ ਏਤਦવੋਚ – ‘‘ਨ ਕਿਰ, ਆવੁਸੋ, ਅਯ੍ਯਾਯ ਤੇਲੇਨ ਅਤ੍ਥੋ, ਸਪ੍ਪਿਨਾ ਅਤ੍ਥੋ, ਹਨ੍ਦ ਤੇ ਤੇਲਂ, ਸਪ੍ਪਿਂ ਮੇ ਦੇਹੀ’’ਤਿ। ‘‘ਸਚੇ ਮਯਂ, ਅਯ੍ਯੇ, વਿਕ੍ਕੀਤਂ ਭਣ੍ਡਂ ਪੁਨ ਆਦਿਯਿਸ੍ਸਾਮ, ਕਦਾ ਅਮ੍ਹਾਕਂ ਭਣ੍ਡਂ વਿਕ੍ਕਾਯਿਸ੍ਸਤਿ! ਤੇਲਸ੍ਸ ਕਯੇਨ ਤੇਲਂ ਹਟਂ, ਸਪ੍ਪਿਸ੍ਸ ਕਯਂ ਆਹਰ, ਸਪ੍ਪਿਂ ਹਰਿਸ੍ਸਸੀ’’ਤਿ। ਅਥ ਖੋ ਸਾ ਸਿਕ੍ਖਮਾਨਾ ਰੋਦਨ੍ਤੀ ਅਟ੍ਠਾਸਿ। ਭਿਕ੍ਖੁਨਿਯੋ ਤਂ ਸਿਕ੍ਖਮਾਨਂ ਏਤਦવੋਚੁਂ – ‘‘ਕਿਸ੍ਸ ਤ੍વਂ, ਸਿਕ੍ਖਮਾਨੇ, ਰੋਦਸੀ’’ਤਿ? ਅਥ ਖੋ ਸਾ ਸਿਕ੍ਖਮਾਨਾ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਥੁਲ੍ਲਨਨ੍ਦਾ ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪੇਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪੇਤੀਤਿ 1? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪੇਸ੍ਸਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
753. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī gilānā hoti. Atha kho aññataro upāsako yena thullanandā bhikkhunī tenupasaṅkami; upasaṅkamitvā thullanandaṃ bhikkhuniṃ etadavoca – ‘‘kacci, ayye, khamanīyaṃ kacci yāpanīya’’nti? ‘‘Na me, āvuso, khamanīyaṃ, na yāpanīya’’nti. ‘‘Amukassa, ayye, āpaṇikassa ghare kahāpaṇaṃ nikkhipissāmi, tato yaṃ iccheyyāsi taṃ āharāpeyyāsī’’ti. Thullanandā bhikkhunī aññataraṃ sikkhamānaṃ āṇāpesi – ‘‘gaccha, sikkhamāne, amukassa āpaṇikassa gharā kahāpaṇassa telaṃ āharā’’ti. Atha kho sā sikkhamānā tassa āpaṇikassa gharā kahāpaṇassa telaṃ āharitvā thullanandāya bhikkhuniyā adāsi. Thullanandā bhikkhunī evamāha – ‘‘na me, sikkhamāne, telena attho, sappinā me attho’’ti. Atha kho sā sikkhamānā yena so āpaṇiko tenupasaṅkami; upasaṅkamitvā taṃ āpaṇikaṃ etadavoca – ‘‘na kira, āvuso, ayyāya telena attho, sappinā attho, handa te telaṃ, sappiṃ me dehī’’ti. ‘‘Sace mayaṃ, ayye, vikkītaṃ bhaṇḍaṃ puna ādiyissāma, kadā amhākaṃ bhaṇḍaṃ vikkāyissati! Telassa kayena telaṃ haṭaṃ, sappissa kayaṃ āhara, sappiṃ harissasī’’ti. Atha kho sā sikkhamānā rodantī aṭṭhāsi. Bhikkhuniyo taṃ sikkhamānaṃ etadavocuṃ – ‘‘kissa tvaṃ, sikkhamāne, rodasī’’ti? Atha kho sā sikkhamānā bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā aññaṃ cetāpetvā aññaṃ cetāpessatī’’ti…pe… saccaṃ kira, bhikkhave, thullanandā bhikkhunī aññaṃ cetāpetvā aññaṃ cetāpetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī aññaṃ cetāpetvā aññaṃ cetāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੭੫੪. ‘‘ਯਾ ਪਨ ਭਿਕ੍ਖੁਨੀ ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
754.‘‘Yā pana bhikkhunī aññaṃ cetāpetvā aññaṃ cetāpeyya, nissaggiyaṃ pācittiya’’nti.
੭੫੫. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
755.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਅਞ੍ਞਂ ਚੇਤਾਪੇਤ੍વਾਤਿ ਯਂ ਕਿਞ੍ਚਿ ਚੇਤਾਪੇਤ੍વਾ।
Aññaṃcetāpetvāti yaṃ kiñci cetāpetvā.
ਅਞ੍ਞਂ ਚੇਤਾਪੇਯ੍ਯਾਤਿ ਤਂ ਠਪੇਤ੍વਾ ਅਞ੍ਞਂ ਚੇਤਾਪੇਤਿ, ਪਯੋਗੇ ਦੁਕ੍ਕਟਂ। ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਏਕਭਿਕ੍ਖੁਨਿਯਾ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ‘‘ਇਦਂ ਮੇ, ਅਯ੍ਯੇ, ਅਞ੍ਞਂ ਚੇਤਾਪੇਤ੍વਾ ਅਞ੍ਞਂ ਚੇਤਾਪਿਤਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਅਯ੍ਯਾਯ ਦਮ੍ਮੀਤਿ।
Aññaṃ cetāpeyyāti taṃ ṭhapetvā aññaṃ cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, aññaṃ cetāpetvā aññaṃ cetāpitaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
੭੫੬. ਅਞ੍ਞੇ ਅਞ੍ਞਸਞ੍ਞਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞੇ વੇਮਤਿਕਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞੇ ਅਨਞ੍ਞਸਞ੍ਞਾ ਅਞ੍ਞਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
756. Aññe aññasaññā aññaṃ cetāpeti, nissaggiyaṃ pācittiyaṃ. Aññe vematikā aññaṃ cetāpeti, nissaggiyaṃ pācittiyaṃ. Aññe anaññasaññā aññaṃ cetāpeti, nissaggiyaṃ pācittiyaṃ.
ਅਨਞ੍ਞੇ ਅਞ੍ਞਸਞ੍ਞਾ ਅਨਞ੍ਞਂ ਚੇਤਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨਞ੍ਞੇ વੇਮਤਿਕਾ ਅਨਞ੍ਞਂ ਚੇਤਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨਞ੍ਞੇ ਅਨਞ੍ਞਸਞ੍ਞਾ ਅਨਾਪਤ੍ਤਿ।
Anaññe aññasaññā anaññaṃ cetāpeti, āpatti dukkaṭassa. Anaññe vematikā anaññaṃ cetāpeti, āpatti dukkaṭassa. Anaññe anaññasaññā anāpatti.
੭੫੭. ਅਨਾਪਤ੍ਤਿ ਤਞ੍ਞੇવ 3 ਚੇਤਾਪੇਤਿ, ਅਞ੍ਞਞ੍ਚ ਚੇਤਾਪੇਤਿ, ਆਨਿਸਂਸਂ ਦਸ੍ਸੇਤ੍વਾ ਚੇਤਾਪੇਤਿ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
757. Anāpatti taññeva 4 cetāpeti, aññañca cetāpeti, ānisaṃsaṃ dassetvā cetāpeti, ummattikāya, ādikammikāyāti.
ਪਞ੍ਚਮਸਿਕ੍ਖਾਪਦਂ ਨਿਟ੍ਠਿਤਂ।
Pañcamasikkhāpadaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ਪਞ੍ਚਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • Pañcamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਞ੍ਚਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 5. Pañcamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਪਞ੍ਚਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 5. Pañcamanissaggiyapācittiyasikkhāpadaṃ
