| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৫. পঞ্চমসিক্খাপদৰণ্ণনা
5. Pañcamasikkhāpadavaṇṇanā
৮৫৪. পঞ্চমে – ঘরং সোধেন্তাতি তেসং কির এতদহোসি – ‘‘থেরিযা কোচি কাযিকৰাচসিকো ৰীতিক্কমো ন দিস্সতি, ঘরম্পি তাৰ সোধেমা’’তি, ততো ঘরং সোধেন্তা নং অদ্দসংসু।
854. Pañcame – gharaṃ sodhentāti tesaṃ kira etadahosi – ‘‘theriyā koci kāyikavācasiko vītikkamo na dissati, gharampi tāva sodhemā’’ti, tato gharaṃ sodhentā naṃ addasaṃsu.
৮৫৬. অনোৰস্সকং অতিক্কামেন্তিযাতি পঠমং পাদং অতিক্কামেন্তিযা দুক্কটং, দুতিযং অতিক্কামেন্তিযা পাচিত্তিযং, উপচারাতিক্কমে এসেৰ নযো।
856.Anovassakaṃ atikkāmentiyāti paṭhamaṃ pādaṃ atikkāmentiyā dukkaṭaṃ, dutiyaṃ atikkāmentiyā pācittiyaṃ, upacārātikkame eseva nayo.
৮৫৮. গিলানাযাতি যা তাদিসেন গেলঞ্ঞেন আপুচ্ছিতুং ন সক্কোতি। আপদাসূতি ঘরে অগ্গি ৰা উট্ঠিতো হোতি, চোরা ৰা; এৰরূপে উপদ্দৰে অনাপুচ্ছা পক্কমতি, অনাপত্তি। সেসমেত্থ উত্তানমেৰ।
858.Gilānāyāti yā tādisena gelaññena āpucchituṃ na sakkoti. Āpadāsūti ghare aggi vā uṭṭhito hoti, corā vā; evarūpe upaddave anāpucchā pakkamati, anāpatti. Sesamettha uttānameva.
কথিনসমুট্ঠানং – কাযৰাচতো কাযৰাচাচিত্ততো চ সমুট্ঠাতি, কিরিযাকিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Kathinasamuṭṭhānaṃ – kāyavācato kāyavācācittato ca samuṭṭhāti, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
পঞ্চমসিক্খাপদং।
Pañcamasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৫. পঞ্চমসিক্খাপদং • 5. Pañcamasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. অন্ধকারৰগ্গৰণ্ণনা • 2. Andhakāravaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৫. পঞ্চমসিক্খাপদৰণ্ণনা • 5. Pañcamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমাদিসিক্খাপদৰণ্ণনা • 1. Paṭhamādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৪. চতুত্থসিক্খাপদং • 4. Catutthasikkhāpadaṃ
