| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৫. পঞ্চমৰগ্গৰণ্ণনা
5. Pañcamavaggavaṇṇanā
‘‘চিত্তাগারং নাম যত্থ কত্থচি মনুস্সানং কীল়িতুং রমিতুং কতং হোতী’’তিআদিনা (পাচি॰ ৯৭৯) পাল়িযং ৰুত্তত্তা চিত্তাগারাদীনি সব্বেসং অত্থায কতানি, ন রঞ্ঞো এৰ।
‘‘Cittāgāraṃ nāma yattha katthaci manussānaṃ kīḷituṃ ramituṃ kataṃ hotī’’tiādinā (pāci. 979) pāḷiyaṃ vuttattā cittāgārādīni sabbesaṃ atthāya katāni, na rañño eva.
সত্তমে এতেন নিস্সজ্জিতুং কপ্পিযং ৰুত্তং। ‘‘নিস্সজ্জিত্ৰা পরিভুঞ্জতী’’তি (পাচি॰ ১০০৭) পাল়ি চ অত্থি। ‘‘সমুট্ঠানাদীনি কথিনসদিসানি, ইদং পন কিরিযাকিরিয’’ন্তি পাঠো। অট্ঠমেপি এসোৰ পাঠো।
Sattame etena nissajjituṃ kappiyaṃ vuttaṃ. ‘‘Nissajjitvā paribhuñjatī’’ti (pāci. 1007) pāḷi ca atthi. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho. Aṭṭhamepi esova pāṭho.
পঞ্চমৰগ্গৰণ্ণনা নিট্ঠিতা।
Pañcamavaggavaṇṇanā niṭṭhitā.
