| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၅. ပဉ္စမဝဂ္ဂဝဏ္ဏနာ
5. Pañcamavaggavaṇṇanā
‘‘စိတ္တာဂာရံ နာမ ယတ္ထ ကတ္ထစိ မနုသ္သာနံ ကီဠိတုံ ရမိတုံ ကတံ ဟောတီ’’တိအာဒိနာ (ပာစိ. ၉၇၉) ပာဠိယံ ဝုတ္တတ္တာ စိတ္တာဂာရာဒီနိ သဗ္ဗေသံ အတ္ထာယ ကတာနိ, န ရညော ဧဝ။
‘‘Cittāgāraṃ nāma yattha katthaci manussānaṃ kīḷituṃ ramituṃ kataṃ hotī’’tiādinā (pāci. 979) pāḷiyaṃ vuttattā cittāgārādīni sabbesaṃ atthāya katāni, na rañño eva.
သတ္တမေ ဧတေန နိသ္သဇ္ဇိတုံ ကပ္ပိယံ ဝုတ္တံ။ ‘‘နိသ္သဇ္ဇိတ္ဝာ ပရိဘုဉ္ဇတီ’’တိ (ပာစိ. ၁၀၀၇) ပာဠိ စ အတ္ထိ။ ‘‘သမုဋ္ဌာနာဒီနိ ကထိနသဒိသာနိ, ဣဒံ ပန ကိရိယာကိရိယ’’န္တိ ပာဌော။ အဋ္ဌမေပိ ဧသောဝ ပာဌော။
Sattame etena nissajjituṃ kappiyaṃ vuttaṃ. ‘‘Nissajjitvā paribhuñjatī’’ti (pāci. 1007) pāḷi ca atthi. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho. Aṭṭhamepi esova pāṭho.
ပဉ္စမဝဂ္ဂဝဏ္ဏနာ နိဋ္ဌိတာ။
Pañcamavaggavaṇṇanā niṭṭhitā.
