| Library / Tipiṭaka / തിപിടക • Tipiṭaka / കങ്ഖാവിതരണീ-പുരാണ-ടീകാ • Kaṅkhāvitaraṇī-purāṇa-ṭīkā |
൫. പഞ്ചമവഗ്ഗവണ്ണനാ
5. Pañcamavaggavaṇṇanā
‘‘ചിത്താഗാരം നാമ യത്ഥ കത്ഥചി മനുസ്സാനം കീളിതും രമിതും കതം ഹോതീ’’തിആദിനാ (പാചി॰ ൯൭൯) പാളിയം വുത്തത്താ ചിത്താഗാരാദീനി സബ്ബേസം അത്ഥായ കതാനി, ന രഞ്ഞോ ഏവ.
‘‘Cittāgāraṃ nāma yattha katthaci manussānaṃ kīḷituṃ ramituṃ kataṃ hotī’’tiādinā (pāci. 979) pāḷiyaṃ vuttattā cittāgārādīni sabbesaṃ atthāya katāni, na rañño eva.
സത്തമേ ഏതേന നിസ്സജ്ജിതും കപ്പിയം വുത്തം. ‘‘നിസ്സജ്ജിത്വാ പരിഭുഞ്ജതീ’’തി (പാചി॰ ൧൦൦൭) പാളി ച അത്ഥി. ‘‘സമുട്ഠാനാദീനി കഥിനസദിസാനി, ഇദം പന കിരിയാകിരിയ’’ന്തി പാഠോ. അട്ഠമേപി ഏസോവ പാഠോ.
Sattame etena nissajjituṃ kappiyaṃ vuttaṃ. ‘‘Nissajjitvā paribhuñjatī’’ti (pāci. 1007) pāḷi ca atthi. ‘‘Samuṭṭhānādīni kathinasadisāni, idaṃ pana kiriyākiriya’’nti pāṭho. Aṭṭhamepi esova pāṭho.
പഞ്ചമവഗ്ഗവണ്ണനാ നിട്ഠിതാ.
Pañcamavaggavaṇṇanā niṭṭhitā.
