| Tipiṭaka / Tipiṭaka (English) / Aṅguttara Nikāya, English translation |
अङ्गुत्तर निकाय १०।१२
Aṅguttara Nikāya 10.12
Numbered Discourses 10.12
२। नाथवग्ग
2. Nāthavagga
2. A Protector
पञ्चङ्गसुत्त
Pañcaṅgasutta
Five Factors
“पञ्चङ्गविप्पहीनो, भिक्खवे, भिक्खु पञ्चङ्गसमन्नागतो इमस्मिं धम्मविनये ‘केवली वुसितवा उत्तमपुरिसोऽति वुच्चति।
“Pañcaṅgavippahīno, bhikkhave, bhikkhu pañcaṅgasamannāgato imasmiṁ dhammavinaye ‘kevalī vusitavā uttamapuriso’ti vuccati.
“Bhikkhus, in this teaching and training a bhikkhu who has given up five factors and possesses five factors is called consummate, accomplished, a supreme person.
कथञ्च, भिक्खवे, भिक्खु पञ्चङ्गविप्पहीनो होति? इध, भिक्खवे, भिक्खुनो कामच्छन्दो पहीनो होति, ब्यापादो पहीनो होति, थिनमिद्धं पहीनं होति, उद्धच्चकुक्कुच्चं पहीनं होति, विचिकिच्छा पहीना होति। एवं खो, भिक्खवे, भिक्खु पञ्चङ्गविप्पहीनो होति।
Kathañca, bhikkhave, bhikkhu pañcaṅgavippahīno hoti? Idha, bhikkhave, bhikkhuno kāmacchando pahīno hoti, byāpādo pahīno hoti, thinamiddhaṁ1 pahīnaṁ hoti, uddhaccakukkuccaṁ pahīnaṁ hoti, vicikicchā pahīnā hoti. Evaṁ kho, bhikkhave, bhikkhu pañcaṅgavippahīno hoti.
And how has a bhikkhu given up five factors? It’s when a bhikkhu has given up sensual desire, ill will, dullness and drowsiness, restlessness and remorse, and doubt. That’s how a bhikkhu has given up five factors.
कथञ्च, भिक्खवे, भिक्खु पञ्चङ्गसमन्नागतो होति? इध, भिक्खवे, भिक्खु असेखेन सीलक्खन्धेन समन्नागतो होति, असेखेन समाधिक्खन्धेन समन्नागतो होति, असेखेन पञ्ञाक्खन्धेन समन्नागतो होति, असेखेन विमुत्तिक्खन्धेन समन्नागतो होति, असेखेन विमुत्तिञाणदस्सनक्खन्धेन समन्नागतो होति। एवं खो, भिक्खवे, भिक्खु पञ्चङ्गसमन्नागतो होति।
Kathañca, bhikkhave, bhikkhu pañcaṅgasamannāgato hoti? Idha, bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti. Evaṁ kho, bhikkhave, bhikkhu pañcaṅgasamannāgato hoti.
And how does a bhikkhu have five factors? It’s when a bhikkhu has the entire spectrum of an adept’s ethics, immersion, wisdom, freedom, and knowledge and vision of freedom. That’s how a bhikkhu has five factors.
पञ्चङ्गविप्पहीनो खो, भिक्खवे, भिक्खु पञ्चङ्गसमन्नागतो इमस्मिं धम्मविनये ‘केवली वुसितवा उत्तमपुरिसोऽति वुच्चति।
Pañcaṅgavippahīno kho, bhikkhave, bhikkhu pañcaṅgasamannāgato imasmiṁ dhammavinaye ‘kevalī vusitavā uttamapuriso’ti vuccati.
In this teaching and training a bhikkhu who has given up five factors and possesses five factors is called consummate, accomplished, a supreme person.
कामच्छन्दो च ब्यापादो, थिनमिद्धञ्च भिक्खुनो; उद्धच्चं विचिकिच्छा च, सब्बसोव न विज्जति।
Kāmacchando ca byāpādo, thinamiddhañca bhikkhuno; Uddhaccaṁ vicikicchā ca, sabbasova na vijjati.
Sensual desire, ill will, dullness and drowsiness, restlessness, and doubt are not found in a bhikkhu at all.
असेखेन च सीलेन, असेखेन समाधिना; विमुत्तिया च सम्पन्नो, ञाणेन च तथाविधो।
Asekhena ca sīlena, asekhena samādhinā; Vimuttiyā ca sampanno, ñāṇena ca tathāvidho.
One like this is accomplished in an adept’s ethics, an adept’s immersion, and freedom and knowledge.
स वे पञ्चङ्गसम्पन्नो, पञ्च अङ्गे विवज्जयं; इमस्मिं धम्मविनये, केवली इति वुच्चती”ति।
Sa ve pañcaṅgasampanno, pañca aṅge2 vivajjayaṁ; Imasmiṁ dhammavinaye, kevalī iti vuccatī”ti.
Possessing these five factors, and rid of five factors, in this teaching and training they’re called ‘consummate’.”
दुतियं।
Dutiyaṁ.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
Footnotes:
