| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8-9. бан̃жан̇г̇игасуд̇д̇аад̣̇иван̣н̣анаа
8-9. Pañcaṅgikasuttādivaṇṇanā
28-29. адтамз гаро вужжад̇и бубпасамбхавам̣ ‘‘г̇аб̣бхаасаяз гирийяад̇ий’’д̇и гад̇ваа. гарад̇о ж̇аад̇о гааяо гараж̇агааяо, д̇ад̣̇убаниссаяо жад̇усанд̇ад̇ируубасамуд̣̇ааяо. гаамам̣ наамагааяоби вивзгаж̇зна бийд̇исукзна д̇ат̇аалад̣̇д̇хуубагааро, ‘‘абхисанд̣̇зд̇ий’’д̇иаад̣̇иважанад̇о бана руубагааяо ид̇ха ад̇хиббзд̇од̇и ааха ‘‘имам̣ гараж̇агааяа’’нд̇и. абхисанд̣̇зд̇ийд̇и абхисанд̣̇анам̣ гарод̇и. д̇ам̣ бана абхисанд̣̇анам̣ жхаанамаязна бийд̇исукзна гараж̇агааяасса д̇инд̇абхааваабаад̣̇анам̣ саб̣б̣ад̇т̇агамзва луукабхааваабанаяананд̇и ааха ‘‘д̇змзд̇ий’’д̇иаад̣̇и. д̇аяид̣̇ам̣ абхисанд̣̇анам̣ ад̇т̇ад̇о яат̇аавуд̇д̇абийд̇исукасамудтаанзхи бан̣ийд̇аруубзхи гааяасса барибпаран̣ам̣ д̣̇адтаб̣б̣ам̣. барисанд̣̇зд̇ийд̇иаад̣̇ийсуби зсзва наяо. саб̣б̣ам̣ зд̇асса ад̇т̇ийд̇и саб̣б̣ааваа, д̇асса саб̣б̣аавад̇о. аваяавааваяависамб̣анд̇хз аваяавини саамиважананд̇и аваяавависаяо саб̣б̣а-сад̣̇д̣̇о, д̇асмаа вуд̇д̇ам̣ ‘‘саб̣б̣агодтаасавад̇о’’д̇и. апудам̣ наама на ход̇и яад̇т̇а яад̇т̇а гаммаж̇аруубам̣, д̇ад̇т̇а д̇ад̇т̇а жид̇д̇аж̇аруубасса абхиб̣яаабанад̇о. д̇знааха ‘‘убаад̣̇иннагасанд̇ад̇ий’’д̇иаад̣̇и.
28-29. Aṭṭhame karo vuccati pupphasambhavaṃ ‘‘gabbhāsaye kirīyatī’’ti katvā. Karato jāto kāyo karajakāyo, tadupanissayo catusantatirūpasamudāyo. Kāmaṃ nāmakāyopi vivekajena pītisukhena tathāladdhūpakāro, ‘‘abhisandetī’’tiādivacanato pana rūpakāyo idha adhippetoti āha ‘‘imaṃ karajakāya’’nti. Abhisandetīti abhisandanaṃ karoti. Taṃ pana abhisandanaṃ jhānamayena pītisukhena karajakāyassa tintabhāvāpādanaṃ sabbatthakameva lūkhabhāvāpanayananti āha ‘‘temetī’’tiādi. Tayidaṃ abhisandanaṃ atthato yathāvuttapītisukhasamuṭṭhānehi paṇītarūpehi kāyassa parippharaṇaṃ daṭṭhabbaṃ. Parisandetītiādīsupi eseva nayo. Sabbaṃ etassa atthīti sabbāvā, tassa sabbāvato. Avayavāvayavisambandhe avayavini sāmivacananti avayavavisayo sabba-saddo, tasmā vuttaṃ ‘‘sabbakoṭṭhāsavato’’ti. Aphuṭaṃ nāma na hoti yattha yattha kammajarūpaṃ, tattha tattha cittajarūpassa abhibyāpanato. Tenāha ‘‘upādinnakasantatī’’tiādi.
чзгод̇и гусало. д̇ам̣ банасса госаллам̣ нахаанийяажун̣н̣аанам̣ гаран̣з бин̣д̣игаран̣з жа самад̇т̇ад̇аавасзна взд̣̇ид̇аб̣б̣анд̇и ааха ‘‘бадиб̣ало’’д̇иаад̣̇и. гам̣са-сад̣̇д̣̇о ‘‘махад̇ияаа гам̣сабаад̇ияаа’’д̇иаад̣̇ийсу (ма. ни. 1.61) суван̣н̣з ааг̇ад̇о.‘‘гам̣со убахад̇о яат̇аа’’д̇иаад̣̇ийсу (д̇ха. ба. 134) гид̇д̇ималохз. гад̇т̇ажи бан̣н̣ад̇д̇имад̇д̇з ‘‘убагам̣со наама рааж̇ааси, махаагам̣сасса ад̇раж̇о’’д̇иаад̣̇и (ж̇аа. адта. 4.10.164 гхадабан̣д̣ид̇аж̇аад̇агаван̣н̣анаа). ид̇ха бана яад̇т̇а гад̇т̇ажи лохзд̇и ааха ‘‘язна гзнажи лохзна гад̇абхааж̇анз’’д̇и. снзхаануг̇ад̇аад̇и уд̣̇агасинзхзна ануббависанавасзна г̇ад̇аа убаг̇ад̇аа. снзхабарзд̇аад̇и уд̣̇агасинзхзна барид̇о г̇ад̇аа саманд̇ад̇о пудаа. д̇ад̇о зва санд̇араб̣аахираа пудаа снзхзна. зд̇зна саб̣б̣асо уд̣̇агзна д̇змид̇абхаавамааха. на жа баг̇гхарин̣ийд̇и зд̇зна д̇инд̇ассаби д̇асса гханат̇ад̣̇д̇хабхаавам̣ вад̣̇ад̇и. д̇знааха ‘‘на б̣инд̣̇уб̣инд̣̇уу’’д̇иаад̣̇и.
Chekoti kusalo. Taṃ panassa kosallaṃ nahānīyacuṇṇānaṃ karaṇe piṇḍikaraṇe ca samatthatāvasena veditabbanti āha ‘‘paṭibalo’’tiādi. Kaṃsa-saddo ‘‘mahatiyā kaṃsapātiyā’’tiādīsu (ma. ni. 1.61) suvaṇṇe āgato.‘‘Kaṃso upahato yathā’’tiādīsu (dha. pa. 134) kittimalohe. Katthaci paṇṇattimatte ‘‘upakaṃso nāma rājāsi, mahākaṃsassa atrajo’’tiādi (jā. aṭṭha. 4.10.164 ghaṭapaṇḍitajātakavaṇṇanā). Idha pana yattha katthaci loheti āha ‘‘yena kenaci lohena katabhājane’’ti. Snehānugatāti udakasinehena anuppavisanavasena gatā upagatā. Snehaparetāti udakasinehena parito gatā samantato phuṭā. Tato eva santarabāhirā phuṭā snehena. Etena sabbaso udakena temitabhāvamāha. Na ca pagghariṇīti etena tintassapi tassa ghanathaddhabhāvaṃ vadati. Tenāha ‘‘na bindubindū’’tiādi.
д̇аахи д̇аахи уд̣̇агасираахи уб̣бхиж̇ж̇ад̇ийд̇и уб̣бхид̣̇ам̣, уб̣бхид̣̇ам̣ уд̣̇агам̣ зд̇ассаад̇и уб̣бхид̣̇од̣̇аго. уб̣бхиннауд̣̇агод̇и над̣̇ийд̇ийрз кад̇агуубаго вияа уб̣бхиж̇ж̇анагауд̣̇аго. уг̇г̇ажчанауд̣̇агод̇и д̇хаараавасзна удтаханауд̣̇аго. гасмаа банзд̇т̇а уб̣бхид̣̇од̣̇агова рахад̣̇о г̇ахид̇о, на ид̇арод̇и ааха ‘‘хздтаа уг̇г̇ажчанауд̣̇аган̃хий’’д̇иаад̣̇и. д̇хаараанибаад̇аб̣уб̣б̣ул̣агзхийд̇и д̇хаараанибаад̇зхи жа уд̣̇агаб̣уб̣б̣ул̣зхи жа. ‘‘пзн̣абадалзхи жаа’’д̇и вад̇д̇аб̣б̣ам̣, саннисиннамзва абаригкобхад̇ааяа нижжаламзва, суббасаннамзваад̇и ад̇хиббааяо. сзсанд̇и ‘‘абхисанд̣̇зд̇ий’’д̇иаад̣̇игам̣.
Tāhi tāhi udakasirāhi ubbhijjatīti ubbhidaṃ, ubbhidaṃ udakaṃ etassāti ubbhidodako. Ubbhinnaudakoti nadītīre khatakūpako viya ubbhijjanakaudako. Uggacchanaudakoti dhārāvasena uṭṭhahanaudako. Kasmā panettha ubbhidodakova rahado gahito, na itaroti āha ‘‘heṭṭhā uggacchanaudakañhī’’tiādi. Dhārānipātabubbuḷakehīti dhārānipātehi ca udakabubbuḷehi ca. ‘‘Pheṇapaṭalehi cā’’ti vattabbaṃ, sannisinnameva aparikkhobhatāya niccalameva, suppasannamevāti adhippāyo. Sesanti ‘‘abhisandetī’’tiādikaṃ.
уббалаанийд̇и уббалаг̇ажчаани. сзд̇арад̇д̇анийлзсууд̇и уббалзсу, сзд̇уббаларад̇д̇уббаланийлуббалзсууд̇и ад̇т̇о. яам̣ гин̃жи уббалам̣ уббаламзва сааман̃н̃аг̇г̇ахан̣ад̇о. сад̇абад̇д̇анд̇и зд̇т̇а сад̇а-сад̣̇д̣̇о б̣ахубарияааяо ‘‘сад̇аг̇гхий’’д̇иаад̣̇ийсу вияа. д̇зна анзгасад̇абад̇д̇ассаби сан̇г̇ахо сид̣̇д̇хо ход̇и. логз бана рад̇д̇ам̣ бад̣̇умам̣, сзд̇ам̣ бун̣д̣арийганд̇и вужжад̇и. яаава аг̇г̇аа яаава жа муулаа уд̣̇агзна абхисанд̣̇анаад̣̇исамбхавад̣̇ассанад̇т̇ам̣ уд̣̇агаануг̇г̇ад̇аг̇г̇ахан̣ам̣. ид̇ха уббалаад̣̇ийни вияа гараж̇агааяо, уд̣̇агам̣ вияа д̇ад̇ияаж̇жхаанасукам̣.
Uppalānīti uppalagacchāni. Setarattanīlesūti uppalesu, setuppalarattuppalanīluppalesūti attho. Yaṃ kiñci uppalaṃ uppalameva sāmaññaggahaṇato. Satapattanti ettha sata-saddo bahupariyāyo ‘‘satagghī’’tiādīsu viya. Tena anekasatapattassapi saṅgaho siddho hoti. Loke pana rattaṃ padumaṃ, setaṃ puṇḍarīkanti vuccati. Yāva aggā yāva ca mūlā udakena abhisandanādisambhavadassanatthaṃ udakānuggataggahaṇaṃ. Idha uppalādīni viya karajakāyo, udakaṃ viya tatiyajjhānasukhaṃ.
яасмаа барисуд̣̇д̇хзна жзд̇асаад̇и жад̇уд̇т̇аж̇жхаанажид̇д̇амааха, д̇ан̃жа рааг̇аад̣̇иубаггилзсамалаабаг̇амад̇о нирубаггилзсам̣ ниммалам̣, д̇асмаа ааха ‘‘нирубаггилзсадтзна барисуд̣̇д̇ха’’нд̇и. яасмаа бана баарисуд̣̇д̇хияаа зва бажжаяависзсзна бавад̇д̇ивисзсо барияод̣̇аад̇ад̇аа суд̇ханд̇асуван̣н̣асса нигхам̣санзна бабхассарад̇аа вияа, д̇асмаа ааха ‘‘бабхассарадтзна барияод̣̇аад̇ам̣ взд̣̇ид̇аб̣б̣а’’нд̇и. ид̣̇анд̇и од̣̇аад̇аважанам̣. уд̇упаран̣ад̇т̇анд̇и уд̇уно паран̣ад̣̇ассанад̇т̇ам̣. уд̇упаран̣ам̣ на ход̇и сзсанд̇и ад̇хиббааяо. д̇знааха ‘‘д̇ан̇кан̣а …бз… б̣алавам̣ ход̇ий’’д̇и. вад̇т̇ам̣ вияа гараж̇агааяод̇и яог̇ино гараж̇агааяо вад̇т̇ам̣ вияа д̣̇адтаб̣б̣о уд̇упаран̣асад̣̇исзна жад̇уд̇т̇аж̇жхаанасукзна парид̇аб̣б̣ад̇д̇аа. бурисасса сарийрам̣ вияа жад̇уд̇т̇аж̇жхаанам̣ д̣̇адтаб̣б̣ам̣ уд̇упаран̣адтаанияасса сукасса ниссаяабхаавад̇о. д̇знааха ‘‘д̇асмаа’’д̇иаад̣̇и. д̇ад̇т̇а жа ‘‘барисуд̣̇д̇хзна жзд̇асаа’’д̇и жзд̇ог̇ахан̣зна жхаанасукам̣ вуд̇д̇анд̇и д̣̇адтаб̣б̣ам̣. д̇знааха ‘‘уд̇упаран̣ам̣ вияа жад̇уд̇т̇аж̇жхаанасука’’нд̇и. нану жа жад̇уд̇т̇аж̇жхаанз сукамзва над̇т̇ийд̇и? сажжам̣ над̇т̇и, саад̇алагкан̣асанд̇асабхаавад̇д̇аа банзд̇т̇а убзгкаа ‘‘сука’’нд̇и ад̇хиббзд̇аа. д̇зна вуд̇д̇ам̣ саммохавинод̣̇анияам̣ (вибха. адта. 232) ‘‘убзгкаа бана санд̇ад̇д̇аа, сукамижжзва бхаасид̇аа’’д̇и.
Yasmā parisuddhena cetasāti catutthajjhānacittamāha, tañca rāgādiupakkilesamalāpagamato nirupakkilesaṃ nimmalaṃ, tasmā āha ‘‘nirupakkilesaṭṭhena parisuddha’’nti. Yasmā pana pārisuddhiyā eva paccayavisesena pavattiviseso pariyodātatā sudhantasuvaṇṇassa nighaṃsanena pabhassaratā viya, tasmā āha ‘‘pabhassaraṭṭhena pariyodātaṃ veditabba’’nti. Idanti odātavacanaṃ. Utupharaṇatthanti utuno pharaṇadassanatthaṃ. Utupharaṇaṃ na hoti sesanti adhippāyo. Tenāha ‘‘taṅkhaṇa…pe… balavaṃ hotī’’ti. Vatthaṃ viya karajakāyoti yogino karajakāyo vatthaṃ viya daṭṭhabbo utupharaṇasadisena catutthajjhānasukhena pharitabbattā. Purisassa sarīraṃ viya catutthajjhānaṃ daṭṭhabbaṃ utupharaṇaṭṭhāniyassa sukhassa nissayabhāvato. Tenāha ‘‘tasmā’’tiādi. Tattha ca ‘‘parisuddhena cetasā’’ti cetogahaṇena jhānasukhaṃ vuttanti daṭṭhabbaṃ. Tenāha ‘‘utupharaṇaṃ viya catutthajjhānasukha’’nti. Nanu ca catutthajjhāne sukhameva natthīti? Saccaṃ natthi, sātalakkhaṇasantasabhāvattā panettha upekkhā ‘‘sukha’’nti adhippetā. Tena vuttaṃ sammohavinodaniyaṃ (vibha. aṭṭha. 232) ‘‘upekkhā pana santattā, sukhamicceva bhāsitā’’ti.
д̇асса д̇асса самаад̇хисса саруубад̣̇ассанасса бажжаяад̇д̇аа бажжавзгкан̣ан̃аан̣ам̣ бажжавзгкан̣анимид̇д̇ам̣. самабхарид̇од̇и самабун̣н̣о.
Tassa tassa samādhissa sarūpadassanassa paccayattā paccavekkhaṇañāṇaṃ paccavekkhaṇanimittaṃ. Samabharitoti samapuṇṇo.
ман̣д̣абхуумийд̇и бабааван̣н̣абхууми. яад̇т̇а салиласин̃жанзна винаава сассаани тид̇аани самбаж̇ж̇анд̇и. яуг̇з яож̇зд̇аб̣б̣аани яог̇г̇аани, д̇зсам̣ аажарияо яог̇г̇аажарияо. д̇зсам̣ сигкаабанад̇о хад̇т̇иаад̣̇аяоби ‘‘яог̇г̇аа’’д̇и вужжанд̇ийд̇и ааха баал̣ияам̣ ‘‘ассад̣̇аммасаарат̇ий’’д̇и. язна язнаад̇и жад̇уусу маг̇г̇зсу язна язна маг̇г̇зна. яам̣ яам̣ г̇ад̇инд̇и ж̇авасамаж̇аваад̣̇ибхзд̣̇аасу г̇ад̇ийсу яам̣ яам̣ г̇ад̇им̣. навамз над̇т̇и вад̇д̇аб̣б̣ам̣.
Maṇḍabhūmīti papāvaṇṇabhūmi. Yattha salilasiñcanena vināva sassāni ṭhitāni sampajjanti. Yuge yojetabbāni yoggāni, tesaṃ ācariyo yoggācariyo. Tesaṃ sikkhāpanato hatthiādayopi ‘‘yoggā’’ti vuccantīti āha pāḷiyaṃ ‘‘assadammasārathī’’ti. Yena yenāti catūsu maggesu yena yena maggena. Yaṃ yaṃ gatinti javasamajavādibhedāsu gatīsu yaṃ yaṃ gatiṃ. Navame natthi vattabbaṃ.
бан̃жан̇г̇игасуд̇д̇аад̣̇иван̣н̣анаа нидтид̇аа.
Pañcaṅgikasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
8. бан̃жан̇г̇игасуд̇д̇ам̣ • 8. Pañcaṅgikasuttaṃ
9. жан̇гамасуд̇д̇ам̣ • 9. Caṅkamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
8. бан̃жан̇г̇игасуд̇д̇аван̣н̣анаа • 8. Pañcaṅgikasuttavaṇṇanā
9. жан̇гамасуд̇д̇аван̣н̣анаа • 9. Caṅkamasuttavaṇṇanā
