| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. бан̃жан̇г̇игасуд̇д̇ам̣
8. Pañcaṅgikasuttaṃ
28. ‘‘арияасса , бхигкавз, бан̃жан̇г̇игасса саммаасамаад̇хисса бхааванам̣ д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
28. ‘‘Ariyassa , bhikkhave, pañcaṅgikassa sammāsamādhissa bhāvanaṃ desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амаа жа, бхигкавз, арияасса бан̃жан̇г̇игасса саммаасамаад̇хисса бхааванаа? ид̇ха, бхигкавз , бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. со имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. сзяяат̇ааби, бхигкавз, д̣̇агко нхаабаго 1 ваа нхаабаганд̇зваасий ваа гам̣сат̇аалз нхаанийяажун̣н̣аани 2 аагирид̇ваа уд̣̇агзна барибпосагам̣ барибпосагам̣ саннзяяа. сааяам̣ нхаанийяабин̣д̣и 3 снзхаануг̇ад̇аа снзхабарзд̇аа санд̇араб̣аахираа пудаа снзхзна, на жа баг̇гхариний. звамзвам̣ ко, бхигкавз, бхигку имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. арияасса, бхигкавз, бан̃жан̇г̇игасса саммаасамаад̇хисса аяам̣ батамаа бхааванаа.
‘‘Katamā ca, bhikkhave, ariyassa pañcaṅgikassa sammāsamādhissa bhāvanā? Idha, bhikkhave , bhikkhu vivicceva kāmehi…pe… paṭhamaṃ jhānaṃ upasampajja viharati. So imameva kāyaṃ vivekajena pītisukhena abhisandeti parisandeti paripūreti parippharati; nāssa kiñci sabbāvato kāyassa vivekajena pītisukhena apphuṭaṃ hoti. Seyyathāpi, bhikkhave, dakkho nhāpako 4 vā nhāpakantevāsī vā kaṃsathāle nhānīyacuṇṇāni 5 ākiritvā udakena paripphosakaṃ paripphosakaṃ sanneyya. Sāyaṃ nhānīyapiṇḍi 6 snehānugatā snehaparetā santarabāhirā phuṭā snehena, na ca paggharinī. Evamevaṃ kho, bhikkhave, bhikkhu imameva kāyaṃ vivekajena pītisukhena abhisandeti parisandeti paripūreti parippharati; nāssa kiñci sabbāvato kāyassa vivekajena pītisukhena apphuṭaṃ hoti. Ariyassa, bhikkhave, pañcaṅgikassa sammāsamādhissa ayaṃ paṭhamā bhāvanā.
‘‘буна жабарам̣, бхигкавз, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. со имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и. сзяяат̇ааби, бхигкавз, уд̣̇агарахад̣̇о г̇амбхийро уб̣бхид̣̇од̣̇аго 7. д̇асса нзвасса бурад̇т̇имааяа д̣̇исааяа уд̣̇агасса ааяамукам̣, на бажчимааяа д̣̇исааяа уд̣̇агасса ааяамукам̣, на уд̇д̇арааяа д̣̇исааяа уд̣̇агасса ааяамукам̣, на д̣̇агкин̣ааяа д̣̇исааяа уд̣̇агасса ааяамукам̣, д̣̇зво жа гаалзна гаалам̣ саммаа д̇хаарам̣ наануббавзжчзяяа 8. ат̇а ко д̇амхаава уд̣̇агарахад̣̇аа сийд̇аа ваарид̇хаараа уб̣бхиж̇ж̇ид̇ваа д̇амзва уд̣̇агарахад̣̇ам̣ сийд̇зна вааринаа абхисанд̣̇зяяа барисанд̣̇зяяа барибуурзяяа барибпарзяяа; наасса гин̃жи саб̣б̣аавад̇о уд̣̇агарахад̣̇асса сийд̇зна вааринаа абпудам̣ асса. звамзвам̣ ко, бхигкавз, бхигку имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и. арияасса, бхигкавз, бан̃жан̇г̇игасса саммаасамаад̇хисса аяам̣ д̣̇уд̇ияаа бхааванаа.
‘‘Puna caparaṃ, bhikkhave, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati. So imameva kāyaṃ samādhijena pītisukhena abhisandeti parisandeti paripūreti parippharati; nāssa kiñci sabbāvato kāyassa samādhijena pītisukhena apphuṭaṃ hoti. Seyyathāpi, bhikkhave, udakarahado gambhīro ubbhidodako 9. Tassa nevassa puratthimāya disāya udakassa āyamukhaṃ, na pacchimāya disāya udakassa āyamukhaṃ, na uttarāya disāya udakassa āyamukhaṃ, na dakkhiṇāya disāya udakassa āyamukhaṃ, devo ca kālena kālaṃ sammā dhāraṃ nānuppaveccheyya 10. Atha kho tamhāva udakarahadā sītā vāridhārā ubbhijjitvā tameva udakarahadaṃ sītena vārinā abhisandeyya parisandeyya paripūreyya paripphareyya; nāssa kiñci sabbāvato udakarahadassa sītena vārinā apphuṭaṃ assa. Evamevaṃ kho, bhikkhave, bhikkhu imameva kāyaṃ samādhijena pītisukhena abhisandeti parisandeti paripūreti parippharati; nāssa kiñci sabbāvato kāyassa samādhijena pītisukhena apphuṭaṃ hoti. Ariyassa, bhikkhave, pañcaṅgikassa sammāsamādhissa ayaṃ dutiyā bhāvanā.
‘‘буна жабарам̣, бхигкавз, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и. сзяяат̇ааби, бхигкавз, уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇о нимуг̇г̇абосийни. д̇аани яаава жаг̇г̇аа яаава жа муулаа сийд̇зна вааринаа абхисаннаани барисаннаани барибуураани барибпудаани; наасса гин̃жи саб̣б̣аавад̇ам̣ уббалаанам̣ ваа бад̣̇умаанам̣ ваа бун̣д̣арийгаанам̣ ваа сийд̇зна вааринаа абпудам̣ асса. звамзвам̣ ко, бхигкавз, бхигку имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и; наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и. арияасса, бхигкавз, бан̃жан̇г̇игасса саммаасамаад̇хисса аяам̣ д̇ад̇ияаа бхааванаа.
‘‘Puna caparaṃ, bhikkhave, bhikkhu pītiyā ca virāgā…pe… tatiyaṃ jhānaṃ upasampajja viharati. So imameva kāyaṃ nippītikena sukhena abhisandeti parisandeti paripūreti parippharati; nāssa kiñci sabbāvato kāyassa nippītikena sukhena apphuṭaṃ hoti. Seyyathāpi, bhikkhave, uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni anto nimuggaposīni. Tāni yāva caggā yāva ca mūlā sītena vārinā abhisannāni parisannāni paripūrāni paripphuṭāni; nāssa kiñci sabbāvataṃ uppalānaṃ vā padumānaṃ vā puṇḍarīkānaṃ vā sītena vārinā apphuṭaṃ assa. Evamevaṃ kho, bhikkhave, bhikkhu imameva kāyaṃ nippītikena sukhena abhisandeti parisandeti paripūreti parippharati; nāssa kiñci sabbāvato kāyassa nippītikena sukhena apphuṭaṃ hoti. Ariyassa, bhikkhave, pañcaṅgikassa sammāsamādhissa ayaṃ tatiyā bhāvanā.
‘‘буна жабарам̣, бхигкавз, бхигку сукасса жа бахаанаа …бз… жад̇уд̇т̇ам̣ жхаанам̣ убасамбаж̇ж̇а вихарад̇и. со имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и; наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. сзяяат̇ааби, бхигкавз, бурисо од̣̇аад̇зна вад̇т̇зна сасийсам̣ баарубид̇ваа нисинно асса; наасса гин̃жи саб̣б̣аавад̇о гааяасса од̣̇аад̇зна вад̇т̇зна абпудам̣ асса. звамзвам̣ ко, бхигкавз, бхигку имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и; наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. арияасса, бхигкавз, бан̃жан̇г̇игасса саммаасамаад̇хисса аяам̣ жад̇уд̇т̇аа бхааванаа.
‘‘Puna caparaṃ, bhikkhave, bhikkhu sukhassa ca pahānā …pe… catutthaṃ jhānaṃ upasampajja viharati. So imameva kāyaṃ parisuddhena cetasā pariyodātena pharitvā nisinno hoti; nāssa kiñci sabbāvato kāyassa parisuddhena cetasā pariyodātena apphuṭaṃ hoti. Seyyathāpi, bhikkhave, puriso odātena vatthena sasīsaṃ pārupitvā nisinno assa; nāssa kiñci sabbāvato kāyassa odātena vatthena apphuṭaṃ assa. Evamevaṃ kho, bhikkhave, bhikkhu imameva kāyaṃ parisuddhena cetasā pariyodātena pharitvā nisinno hoti; nāssa kiñci sabbāvato kāyassa parisuddhena cetasā pariyodātena apphuṭaṃ hoti. Ariyassa, bhikkhave, pañcaṅgikassa sammāsamādhissa ayaṃ catutthā bhāvanā.
‘‘буна жабарам̣, бхигкавз, бхигкуно бажжавзгкан̣аанимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа. сзяяат̇ааби, бхигкавз, ан̃н̃ова ан̃н̃ам̣ 11 бажжавзгкзяяа, тид̇о ваа нисиннам̣ бажжавзгкзяяа, нисинно ваа нибаннам̣ бажжавзгкзяяа. звамзвам̣ ко, бхигкавз, бхигкуно бажжавзгкан̣аанимид̇д̇ам̣ суг̇г̇ахид̇ам̣ ход̇и суманасигад̇ам̣ суубад̇хаарид̇ам̣ суббадивид̣̇д̇хам̣ бан̃н̃ааяа. арияасса, бхигкавз, бан̃жан̇г̇игасса саммаасамаад̇хисса аяам̣ бан̃жамаа 12 бхааванаа. звам̣ бхаавид̇з ко , бхигкавз, бхигку 13 арияз бан̃жан̇г̇игз саммаасамаад̇химхи звам̣ б̣ахулийгад̇з яасса яасса абхин̃н̃аасажчигаран̣ийяасса д̇хаммасса жид̇д̇ам̣ абхининнаамзд̇и абхин̃н̃аасажчигирияааяа, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘Puna caparaṃ, bhikkhave, bhikkhuno paccavekkhaṇānimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya. Seyyathāpi, bhikkhave, aññova aññaṃ 14 paccavekkheyya, ṭhito vā nisinnaṃ paccavekkheyya, nisinno vā nipannaṃ paccavekkheyya. Evamevaṃ kho, bhikkhave, bhikkhuno paccavekkhaṇānimittaṃ suggahitaṃ hoti sumanasikataṃ sūpadhāritaṃ suppaṭividdhaṃ paññāya. Ariyassa, bhikkhave, pañcaṅgikassa sammāsamādhissa ayaṃ pañcamā 15 bhāvanā. Evaṃ bhāvite kho , bhikkhave, bhikkhu 16 ariye pañcaṅgike sammāsamādhimhi evaṃ bahulīkate yassa yassa abhiññāsacchikaraṇīyassa dhammassa cittaṃ abhininnāmeti abhiññāsacchikiriyāya, tatra tatreva sakkhibhabbataṃ pāpuṇāti sati sati āyatane.
‘‘сзяяат̇ааби, бхигкавз, уд̣̇агаман̣иго аад̇хаарз табид̇о бууро уд̣̇агасса самад̇ид̇д̇иго гаагабзяяо . д̇амзнам̣ б̣алаваа бурисо яад̇о яад̇о ааваж̇ж̇зяяа 17, ааг̇ажчзяяа уд̣̇ага’’нд̇и? ‘‘звам̣, бханд̇з’’ . ‘‘звамзвам̣ ко, бхигкавз, бхигку звам̣ бхаавид̇з арияз бан̃жан̇г̇игз саммаасамаад̇химхи звам̣ б̣ахулийгад̇з яасса яасса абхин̃н̃аасажчигаран̣ийяасса д̇хаммасса жид̇д̇ам̣ абхининнаамзд̇и абхин̃н̃аасажчигирияааяа, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘Seyyathāpi, bhikkhave, udakamaṇiko ādhāre ṭhapito pūro udakassa samatittiko kākapeyyo . Tamenaṃ balavā puriso yato yato āvajjeyya 18, āgaccheyya udaka’’nti? ‘‘Evaṃ, bhante’’ . ‘‘Evamevaṃ kho, bhikkhave, bhikkhu evaṃ bhāvite ariye pañcaṅgike sammāsamādhimhi evaṃ bahulīkate yassa yassa abhiññāsacchikaraṇīyassa dhammassa cittaṃ abhininnāmeti abhiññāsacchikiriyāya, tatra tatreva sakkhibhabbataṃ pāpuṇāti sati sati āyatane.
‘‘сзяяат̇ааби, бхигкавз, самз бхуумибхааг̇з богкаран̣ий жад̇урам̣саа аалиб̣ад̣̇д̇хаа буураа уд̣̇агасса самад̇ид̇д̇игаа гаагабзяяаа. д̇амзнам̣ б̣алаваа бурисо яад̇о яад̇о аалим̣ мун̃жзяяа, ааг̇ажчзяяа уд̣̇ага’’нд̇и? ‘‘звам̣, бханд̇з’’. ‘‘звамзвам̣ ко, бхигкавз, бхигку звам̣ бхаавид̇з арияз бан̃жан̇г̇игз саммаасамаад̇химхи звам̣ б̣ахулийгад̇з яасса яасса абхин̃н̃аасажчигаран̣ийяасса д̇хаммасса…бз… сад̇и сад̇и ааяад̇анз.
‘‘Seyyathāpi, bhikkhave, same bhūmibhāge pokkharaṇī caturaṃsā ālibaddhā pūrā udakassa samatittikā kākapeyyā. Tamenaṃ balavā puriso yato yato āliṃ muñceyya, āgaccheyya udaka’’nti? ‘‘Evaṃ, bhante’’. ‘‘Evamevaṃ kho, bhikkhave, bhikkhu evaṃ bhāvite ariye pañcaṅgike sammāsamādhimhi evaṃ bahulīkate yassa yassa abhiññāsacchikaraṇīyassa dhammassa…pe… sati sati āyatane.
‘‘сзяяат̇ааби, бхигкавз, субхуумияам̣ жад̇умахаабат̇з 19 ааж̇ан̃н̃арат̇о яуд̇д̇о асса тид̇о од̇хасд̇абад̇од̣̇о . д̇амзнам̣ д̣̇агко яог̇г̇аажарияо ассад̣̇аммасаарат̇и абхирухид̇ваа ваамзна хад̇т̇зна расмияо г̇ахзд̇ваа д̣̇агкин̣зна хад̇т̇зна бад̇од̣̇ам̣ г̇ахзд̇ваа язнижчагам̣ яад̣̇ижчагам̣ саарзяяаби бажжаасаарзяяаби. звамзвам̣ ко, бхигкавз, бхигку звам̣ бхаавид̇з арияз бан̃жан̇г̇игз саммаасамаад̇химхи звам̣ б̣ахулийгад̇з яасса яасса абхин̃н̃аасажчигаран̣ийяасса д̇хаммасса жид̇д̇ам̣ абхининнаамзд̇и абхин̃н̃аасажчигирияааяа, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘Seyyathāpi, bhikkhave, subhūmiyaṃ catumahāpathe 20 ājaññaratho yutto assa ṭhito odhastapatodo . Tamenaṃ dakkho yoggācariyo assadammasārathi abhiruhitvā vāmena hatthena rasmiyo gahetvā dakkhiṇena hatthena patodaṃ gahetvā yenicchakaṃ yadicchakaṃ sāreyyapi paccāsāreyyapi. Evamevaṃ kho, bhikkhave, bhikkhu evaṃ bhāvite ariye pañcaṅgike sammāsamādhimhi evaṃ bahulīkate yassa yassa abhiññāsacchikaraṇīyassa dhammassa cittaṃ abhininnāmeti abhiññāsacchikiriyāya, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘анзгавихид̇ам̣ ид̣̇д̇хивид̇хам̣ бажжанубхавзяяам̣ – згоби худ̇ваа б̣ахуд̇хаа ассам̣…бз… яаава б̣рахмалогааби гааязна васам̣ вад̇д̇зяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘anekavihitaṃ iddhividhaṃ paccanubhaveyyaṃ – ekopi hutvā bahudhā assaṃ…pe… yāva brahmalokāpi kāyena vasaṃ vatteyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣зяяам̣ – д̣̇иб̣б̣з жа маанусз жа яз д̣̇уурз санд̇игз жаа’д̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘dibbāya sotadhātuyā visuddhāya atikkantamānusikāya ubho sadde suṇeyyaṃ – dibbe ca mānuse ca ye dūre santike cā’ti, tatra tatreva sakkhibhabbataṃ pāpuṇāti sati sati āyatane.
‘‘со сажз аган̇кад̇и – ‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанзяяам̣ – сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанзяяам̣, вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇анд̇и баж̇аанзяяам̣, сад̣̇осам̣ ваа жид̇д̇ам̣… вийд̇ад̣̇осам̣ ваа жид̇д̇ам̣… самохам̣ ваа жид̇д̇ам̣… вийд̇амохам̣ ваа жид̇д̇ам̣… сам̣кид̇д̇ам̣ ваа жид̇д̇ам̣… вигкид̇д̇ам̣ ваа жид̇д̇ам̣… махаг̇г̇ад̇ам̣ ваа жид̇д̇ам̣… амахаг̇г̇ад̇ам̣ ваа жид̇д̇ам̣… сауд̇д̇арам̣ ваа жид̇д̇ам̣… ануд̇д̇арам̣ ваа жид̇д̇ам̣… самаахид̇ам̣ ваа жид̇д̇ам̣… асамаахид̇ам̣ ваа жид̇д̇ам̣… вимуд̇д̇ам̣ ваа жид̇д̇ам̣… авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace akaṅkhati – ‘parasattānaṃ parapuggalānaṃ cetasā ceto paricca pajāneyyaṃ – sarāgaṃ vā cittaṃ sarāgaṃ cittanti pajāneyyaṃ, vītarāgaṃ vā cittaṃ vītarāgaṃ cittanti pajāneyyaṃ, sadosaṃ vā cittaṃ… vītadosaṃ vā cittaṃ… samohaṃ vā cittaṃ… vītamohaṃ vā cittaṃ… saṃkhittaṃ vā cittaṃ… vikkhittaṃ vā cittaṃ… mahaggataṃ vā cittaṃ… amahaggataṃ vā cittaṃ… sauttaraṃ vā cittaṃ… anuttaraṃ vā cittaṃ… samāhitaṃ vā cittaṃ… asamāhitaṃ vā cittaṃ… vimuttaṃ vā cittaṃ… avimuttaṃ vā cittaṃ avimuttaṃ cittanti pajāneyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘анзгавихид̇ам̣ буб̣б̣зниваасам̣ ануссарзяяам̣, сзяяат̇ид̣̇ам̣ – згамби ж̇аад̇им̣, д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘anekavihitaṃ pubbenivāsaṃ anussareyyaṃ, seyyathidaṃ – ekampi jātiṃ, dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussareyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘dibbena cakkhunā visuddhena atikkantamānusakena…pe… yathākammūpage satte pajāneyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз’’д̇и. адтамам̣.
‘‘So sace ākaṅkhati – ‘āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti, tatra tatreva sakkhibhabbataṃ pāpuṇāti sati sati āyatane’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. бан̃жан̇г̇игасуд̇д̇аван̣н̣анаа • 8. Pañcaṅgikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. бан̃жан̇г̇игасуд̇д̇аад̣̇иван̣н̣анаа • 8-9. Pañcaṅgikasuttādivaṇṇanā
