| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. бан̃жан̇г̇игасуд̇д̇аван̣н̣анаа
8. Pañcaṅgikasuttavaṇṇanā
28. адтамз арияассаад̇и вигкамбханавасзна бахийнагилзсзхи аарагаа тид̇асса. бхааванам̣ д̣̇зсзссаамийд̇и б̣рууханам̣ вад̣дханам̣ багаасаяиссаами. имамзва гааяанд̇и имам̣ гараж̇агааяам̣. абхисанд̣̇зд̇ийд̇и д̇змзд̇и снзхзд̇и, саб̣б̣ад̇т̇а бавад̇д̇абийд̇исукам̣ гарод̇и. барисанд̣̇зд̇ийд̇и саманд̇ад̇о санд̣̇зд̇и. барибуурзд̇ийд̇и вааяунаа бхасд̇ам̣ вияа буурзд̇и. барибпарад̇ийд̇и саманд̇ад̇о пусад̇и. саб̣б̣аавад̇о гааяассаад̇и асса бхигкуно саб̣б̣агодтаасавад̇о гааяасса гин̃жи убаад̣̇иннагасанд̇ад̇ибавад̇д̇идтаанз чавимам̣салохид̇аануг̇ад̇ам̣ ан̣умад̇д̇амби таанам̣ батамаж̇жхаанасукзна апудам̣ наама на ход̇и.
28. Aṭṭhame ariyassāti vikkhambhanavasena pahīnakilesehi ārakā ṭhitassa. Bhāvanaṃ desessāmīti brūhanaṃ vaḍḍhanaṃ pakāsayissāmi. Imameva kāyanti imaṃ karajakāyaṃ. Abhisandetīti temeti sneheti, sabbattha pavattapītisukhaṃ karoti. Parisandetīti samantato sandeti. Paripūretīti vāyunā bhastaṃ viya pūreti. Parippharatīti samantato phusati. Sabbāvato kāyassāti assa bhikkhuno sabbakoṭṭhāsavato kāyassa kiñci upādinnakasantatipavattiṭṭhāne chavimaṃsalohitānugataṃ aṇumattampi ṭhānaṃ paṭhamajjhānasukhena aphuṭaṃ nāma na hoti.
д̣̇агкод̇и чзго бадиб̣ало нхаанийяажун̣н̣аани гаад̇ун̃жзва яож̇зд̇ун̃жа саннзд̇ун̃жа. гам̣сат̇аалзд̇и язна гзнажи лохзна гад̇абхааж̇анз. мад̇д̇игаабхааж̇анам̣ бана т̇ирам̣ на ход̇и, саннзнд̇асса бхиж̇ж̇ад̇и. д̇асмаа д̇ам̣ на д̣̇ассзси. барибпосагам̣ барибпосаганд̇и син̃жид̇ваа син̃жид̇ваа. саннзяяаад̇и ваамахад̇т̇зна гам̣сат̇аалам̣ г̇ахзд̇ваа д̣̇агкин̣ахад̇т̇зна бамаан̣аяуд̇д̇ам̣ уд̣̇агам̣ син̃жид̇ваа син̃жид̇ваа баримад̣̇д̣̇анд̇о бин̣д̣ам̣ гарзяяа. снзхаануг̇ад̇аад̇и уд̣̇агасинзхзна ануг̇ад̇аа. снзхабарзд̇аад̇и уд̣̇агасинзхзна бариг̇г̇ахид̇аа. санд̇араб̣аахираад̇и сад̣̇д̇хим̣ анд̇обад̣̇зсзна жзва б̣ахибад̣̇зсзна жа, саб̣б̣ад̇т̇агамзва уд̣̇агасинзхзна пудаад̇и ад̇т̇о. на жа баг̇гхарин̣ийд̇и на б̣инд̣̇у б̣инд̣̇у уд̣̇агам̣ баг̇гхарад̇и, саггаа ход̇и хад̇т̇знаби д̣̇вийхиби ан̇г̇улийхи г̇ахзд̇ум̣ оваддигааяаби гаад̇унд̇и ад̇т̇о.
Dakkhoti cheko paṭibalo nhānīyacuṇṇāni kātuñceva yojetuñca sannetuñca. Kaṃsathāleti yena kenaci lohena katabhājane. Mattikābhājanaṃ pana thiraṃ na hoti, sannentassa bhijjati. Tasmā taṃ na dassesi. Paripphosakaṃparipphosakanti siñcitvā siñcitvā. Sanneyyāti vāmahatthena kaṃsathālaṃ gahetvā dakkhiṇahatthena pamāṇayuttaṃ udakaṃ siñcitvā siñcitvā parimaddanto piṇḍaṃ kareyya. Snehānugatāti udakasinehena anugatā. Snehaparetāti udakasinehena pariggahitā. Santarabāhirāti saddhiṃ antopadesena ceva bahipadesena ca, sabbatthakameva udakasinehena phuṭāti attho. Na ca pagghariṇīti na bindu bindu udakaṃ paggharati, sakkā hoti hatthenapi dvīhipi aṅgulīhi gahetuṃ ovaṭṭikāyapi kātunti attho.
д̣̇уд̇ияаж̇жхаанасукаубамааяам̣ уб̣бхид̣̇од̣̇агод̇и уб̣бхиннауд̣̇аго, на хздтаа уб̣бхиж̇ж̇ид̇ваа уг̇г̇ажчанауд̣̇аго, анд̇оязва бана уббаж̇ж̇анауд̣̇агод̇и ад̇т̇о. ааяамуканд̇и ааг̇аманамаг̇г̇о. д̣̇звод̇и мзгхо. гаалзна гааланд̇и гаалз гаалз, анвад̣дхамаасам̣ ваа ануд̣̇асаахам̣ ваад̇и ад̇т̇о. д̇хааранд̇и вудтим̣. наануббавзжчзяяаад̇и наббавзсзяяа, на вассзяяаад̇и ад̇т̇о. сийд̇аа ваарид̇хаараа уб̣бхиж̇ж̇ид̇ваад̇и сийд̇аа ваарид̇хаараа д̇ам̣ рахад̣̇ам̣ буураяамаанаа уб̣бхиж̇ж̇ид̇ваа. хздтаа уг̇г̇ажчанауд̣̇аган̃хи уг̇г̇анд̇ваа бхиж̇ж̇анд̇ам̣ уд̣̇агам̣ кобхзд̇и, жад̇уухи д̣̇исаахи бависанауд̣̇агам̣ бураан̣абан̣н̣ад̇ин̣агадтад̣̇ан̣д̣агаад̣̇ийхи уд̣̇агам̣ кобхзд̇и. вудтиуд̣̇агам̣ д̇хаараанибаад̇аб̣уб̣б̣ул̣агзхи уд̣̇агам̣ кобхзд̇и, саннисиннамзва бана худ̇ваа ид̣̇д̇хиниммид̇амива уббаж̇ж̇амаанам̣ уд̣̇агам̣ имам̣ бад̣̇зсам̣ парад̇и, имам̣ на парад̇ийд̇и над̇т̇и. д̇зна апудогаасо наама на ход̇и. д̇ад̇т̇а рахад̣̇о вияа гараж̇агааяо, уд̣̇агам̣ вияа д̣̇уд̇ияаж̇жхаанасукам̣, сзсам̣ буриманаязнзва взд̣̇ид̇аб̣б̣ам̣.
Dutiyajjhānasukhaupamāyaṃ ubbhidodakoti ubbhinnaudako, na heṭṭhā ubbhijjitvā uggacchanaudako, antoyeva pana uppajjanaudakoti attho. Āyamukhanti āgamanamaggo. Devoti megho. Kālena kālanti kāle kāle, anvaḍḍhamāsaṃ vā anudasāhaṃ vāti attho. Dhāranti vuṭṭhiṃ. Nānuppaveccheyyāti nappaveseyya, na vasseyyāti attho. Sītā vāridhārā ubbhijjitvāti sītā vāridhārā taṃ rahadaṃ pūrayamānā ubbhijjitvā. Heṭṭhā uggacchanaudakañhi uggantvā bhijjantaṃ udakaṃ khobheti, catūhi disāhi pavisanaudakaṃ purāṇapaṇṇatiṇakaṭṭhadaṇḍakādīhi udakaṃ khobheti. Vuṭṭhiudakaṃ dhārānipātabubbuḷakehi udakaṃ khobheti, sannisinnameva pana hutvā iddhinimmitamiva uppajjamānaṃ udakaṃ imaṃ padesaṃ pharati, imaṃ na pharatīti natthi. Tena aphuṭokāso nāma na hoti. Tattha rahado viya karajakāyo, udakaṃ viya dutiyajjhānasukhaṃ, sesaṃ purimanayeneva veditabbaṃ.
д̇ад̇ияаж̇жхаанасукаубамааяам̣ уббалаани зд̇т̇а санд̇ийд̇и уббалиний. сзсабад̣̇ад̣̇ваязби зсзва наяо. зд̇т̇а жа сзд̇арад̇д̇анийлзсу яам̣гин̃жи уббаламзва, уунагасад̇абад̇д̇ам̣ бун̣д̣арийгам̣, сад̇абад̇д̇ам̣ бад̣̇умам̣. бад̇д̇анияамам̣ ваа винааби сзд̇ам̣ бад̣̇умам̣, рад̇д̇ам̣ бун̣д̣арийганд̇и аяамзд̇т̇а винижчаяо. уд̣̇агаануг̇г̇ад̇аанийд̇и уд̣̇агад̇о на уг̇г̇ад̇аани. анд̇онимуг̇г̇абосийнийд̇и уд̣̇агад̇аласса анд̇о нимуг̇г̇ааниязва худ̇ваа босанд̇и вад̣дханд̇ийд̇и ад̇т̇о. сзсам̣ буриманаязнзва взд̣̇ид̇аб̣б̣ам̣.
Tatiyajjhānasukhaupamāyaṃ uppalāni ettha santīti uppalinī. Sesapadadvayepi eseva nayo. Ettha ca setarattanīlesu yaṃkiñci uppalameva, ūnakasatapattaṃ puṇḍarīkaṃ, satapattaṃ padumaṃ. Pattaniyamaṃ vā vināpi setaṃ padumaṃ, rattaṃ puṇḍarīkanti ayamettha vinicchayo. Udakānuggatānīti udakato na uggatāni. Antonimuggaposīnīti udakatalassa anto nimuggāniyeva hutvā posanti vaḍḍhantīti attho. Sesaṃ purimanayeneva veditabbaṃ.
жад̇уд̇т̇аж̇жхаанаубамааяам̣ барисуд̣̇д̇хзна жзд̇асаа барияод̣̇аад̇знаад̇и зд̇т̇а нирубаггилзсадтзна барисуд̣̇д̇хам̣, бабхассарадтзна барияод̣̇аад̇ам̣ взд̣̇ид̇аб̣б̣ам̣. од̣̇аад̇зна вад̇т̇знаад̇и ид̣̇ам̣ уд̇упаран̣ад̇т̇ам̣ вуд̇д̇ам̣. гилидтавад̇т̇зна хи уд̇упаран̣ам̣ на ход̇и, д̇ан̇кан̣ад̇ход̇абарисуд̣̇д̇хзна уд̇упаран̣ам̣ б̣алавам̣ ход̇и. имиссаа хи убамааяа вад̇т̇ам̣ вияа гараж̇агааяо, уд̇упаран̣ам̣ вияа жад̇уд̇т̇аж̇жхаанасукам̣. д̇асмаа яат̇аа сунхаад̇асса бурисасса барисуд̣̇д̇хам̣ вад̇т̇ам̣ сасийсам̣ баарубид̇ваа нисиннасса сарийрад̇о уд̇у саб̣б̣амзва вад̇т̇ам̣ парад̇и, на гожи вад̇т̇асса апудогаасо ход̇и, звам̣ жад̇уд̇т̇аж̇жхаанасукзна бхигкуно гараж̇агааяасса на гожи огаасо апудо ход̇ийд̇и звамзд̇т̇а ад̇т̇о д̣̇адтаб̣б̣о. жад̇уд̇т̇аж̇жхаанажид̇д̇амзва ваа вад̇т̇ам̣ вияа, д̇ам̣самудтаанаруубам̣ уд̇упаран̣ам̣ вияа. яат̇аа хи гад̇т̇ажи гад̇т̇ажи од̣̇аад̇авад̇т̇з гааяам̣ апусанд̇зби д̇ам̣самудтаанзна уд̇унаа саб̣б̣ад̇т̇агамзва гааяо пудо ход̇и, звам̣ жад̇уд̇т̇аж̇жхаанасамудтаабид̇зна сукумаруубзна саб̣б̣ад̇т̇агамзва бхигкуно гааяо пудо ход̇ийд̇и звамзд̇т̇а ад̇т̇о д̣̇адтаб̣б̣о.
Catutthajjhānaupamāyaṃ parisuddhena cetasā pariyodātenāti ettha nirupakkilesaṭṭhena parisuddhaṃ, pabhassaraṭṭhena pariyodātaṃ veditabbaṃ. Odātena vatthenāti idaṃ utupharaṇatthaṃ vuttaṃ. Kiliṭṭhavatthena hi utupharaṇaṃ na hoti, taṅkhaṇadhotaparisuddhena utupharaṇaṃ balavaṃ hoti. Imissā hi upamāya vatthaṃ viya karajakāyo, utupharaṇaṃ viya catutthajjhānasukhaṃ. Tasmā yathā sunhātassa purisassa parisuddhaṃ vatthaṃ sasīsaṃ pārupitvā nisinnassa sarīrato utu sabbameva vatthaṃ pharati, na koci vatthassa aphuṭokāso hoti, evaṃ catutthajjhānasukhena bhikkhuno karajakāyassa na koci okāso aphuṭo hotīti evamettha attho daṭṭhabbo. Catutthajjhānacittameva vā vatthaṃ viya, taṃsamuṭṭhānarūpaṃ utupharaṇaṃ viya. Yathā hi katthaci katthaci odātavatthe kāyaṃ aphusantepi taṃsamuṭṭhānena utunā sabbatthakameva kāyo phuṭo hoti, evaṃ catutthajjhānasamuṭṭhāpitena sukhumarūpena sabbatthakameva bhikkhuno kāyo phuṭo hotīti evamettha attho daṭṭhabbo.
бажжавзгкан̣анимид̇д̇анд̇и бажжавзгкан̣ан̃аан̣амзва. суг̇г̇ахид̇ам̣ ход̇ийд̇и яат̇аа д̇зна жхаанавибассанаамаг̇г̇аа судту г̇ахид̇аа хонд̇и, звам̣ бажжавзгкан̣анимид̇д̇ам̣ абараабарзна бажжавзгкан̣анимид̇д̇зна судту г̇ахид̇ам̣ ход̇и. ан̃н̃о ваа ан̃н̃анд̇и ан̃н̃о зго ан̃н̃ам̣ згам̣, ад̇д̇аноязва хи ад̇д̇аа на баагадо ход̇и. тид̇о ваа нисиннанд̇и тид̇агассааби нисинно баагадо ход̇и, д̇знзвам̣ вуд̇д̇ам̣. сзсзсуби зсзва наяо. уд̣̇агаман̣игод̇и самзкалаа уд̣̇агажаади. самад̇ид̇д̇игод̇и самабхарид̇о. гаагабзяяаад̇и мукаваддияам̣ нисийд̣̇ид̇ваа гаагзна г̇ийвам̣ анаамзд̇ваава баад̇аб̣б̣о.
Paccavekkhaṇanimittanti paccavekkhaṇañāṇameva. Suggahitaṃ hotīti yathā tena jhānavipassanāmaggā suṭṭhu gahitā honti, evaṃ paccavekkhaṇanimittaṃ aparāparena paccavekkhaṇanimittena suṭṭhu gahitaṃ hoti. Añño vā aññanti añño eko aññaṃ ekaṃ, attanoyeva hi attā na pākaṭo hoti. Ṭhito vā nisinnanti ṭhitakassāpi nisinno pākaṭo hoti, tenevaṃ vuttaṃ. Sesesupi eseva nayo. Udakamaṇikoti samekhalā udakacāṭi. Samatittikoti samabharito. Kākapeyyāti mukhavaṭṭiyaṃ nisīditvā kākena gīvaṃ anāmetvāva pātabbo.
субхуумияанд̇и самабхуумияам̣. ‘‘субхуумз сукзд̇д̇з вихад̇акаан̣угз б̣ийж̇аани бад̇идтаабзяяаа’’д̇и (д̣̇ий. ни. 2.438) зд̇т̇а бана ман̣д̣абхууми субхуумийд̇и ааг̇ад̇аа. жад̇умахаабат̇зд̇и д̣̇виннам̣ махаамаг̇г̇аанам̣ винивиж̇жхид̇ваа г̇ад̇адтаанз. ааж̇ан̃н̃арат̇од̇и винийд̇аассарат̇о. од̇хасд̇абад̇од̣̇од̇и яат̇аа рат̇ам̣ абхирухид̇ваа тид̇зна саггаа ход̇и г̇ан̣хид̇ум̣, звам̣ ааламб̣анам̣ ниссааяа д̇ирияад̇о табид̇абад̇од̣̇о. яог̇г̇аажарияод̇и ассаажарияо. свзва ассад̣̇аммз саарзд̇ийд̇и ассад̣̇аммасаарат̇и. язнижчаганд̇и язна язна маг̇г̇зна ижчад̇и. яад̣̇ижчаганд̇и яам̣ яам̣ г̇ад̇им̣ ижчад̇и. саарзяяаад̇и уж̇угам̣ бурад̇о бзсзяяа. бажжаасаарзяяаад̇и бадинивад̇д̇зяяа.
Subhūmiyanti samabhūmiyaṃ. ‘‘Subhūme sukhette vihatakhāṇuke bījāni patiṭṭhāpeyyā’’ti (dī. ni. 2.438) ettha pana maṇḍabhūmi subhūmīti āgatā. Catumahāpatheti dvinnaṃ mahāmaggānaṃ vinivijjhitvā gataṭṭhāne. Ājaññarathoti vinītaassaratho. Odhastapatodoti yathā rathaṃ abhiruhitvā ṭhitena sakkā hoti gaṇhituṃ, evaṃ ālambanaṃ nissāya tiriyato ṭhapitapatodo. Yoggācariyoti assācariyo. Sveva assadamme sāretīti assadammasārathi. Yenicchakanti yena yena maggena icchati. Yadicchakanti yaṃ yaṃ gatiṃ icchati. Sāreyyāti ujukaṃ purato peseyya. Paccāsāreyyāti paṭinivatteyya.
звам̣ хздтаа бан̃жахи ан̇г̇зхи самаабад̇д̇ибаригаммам̣ гат̇зд̇ваа имаахи д̇ийхи убамаахи баг̇ун̣асамаабад̇д̇ияаа аанисам̣сам̣ д̣̇ассзд̇ваа ид̣̇аани кийн̣аасавасса абхин̃н̃аабадибаадим̣ д̣̇ассзд̇ум̣ со сажз ааган̇кад̇ийд̇иаад̣̇имааха. д̇ам̣ уд̇д̇аанад̇т̇амзваад̇и.
Evaṃ heṭṭhā pañcahi aṅgehi samāpattiparikammaṃ kathetvā imāhi tīhi upamāhi paguṇasamāpattiyā ānisaṃsaṃ dassetvā idāni khīṇāsavassa abhiññāpaṭipāṭiṃ dassetuṃ so sace ākaṅkhatītiādimāha. Taṃ uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. бан̃жан̇г̇игасуд̇д̇ам̣ • 8. Pañcaṅgikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. бан̃жан̇г̇игасуд̇д̇аад̣̇иван̣н̣анаа • 8-9. Pañcaṅgikasuttādivaṇṇanā
