| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਪਞ੍ਚਙ੍ਗਿਕਸੁਤ੍ਤવਣ੍ਣਨਾ
8. Pañcaṅgikasuttavaṇṇanā
੨੮. ਅਟ੍ਠਮੇ ਅਰਿਯਸ੍ਸਾਤਿ વਿਕ੍ਖਮ੍ਭਨવਸੇਨ ਪਹੀਨਕਿਲੇਸੇਹਿ ਆਰਕਾ ਠਿਤਸ੍ਸ। ਭਾવਨਂ ਦੇਸੇਸ੍ਸਾਮੀਤਿ ਬ੍ਰੂਹਨਂ વਡ੍ਢਨਂ ਪਕਾਸਯਿਸ੍ਸਾਮਿ। ਇਮਮੇવ ਕਾਯਨ੍ਤਿ ਇਮਂ ਕਰਜਕਾਯਂ। ਅਭਿਸਨ੍ਦੇਤੀਤਿ ਤੇਮੇਤਿ ਸ੍ਨੇਹੇਤਿ, ਸਬ੍ਬਤ੍ਥ ਪવਤ੍ਤਪੀਤਿਸੁਖਂ ਕਰੋਤਿ। ਪਰਿਸਨ੍ਦੇਤੀਤਿ ਸਮਨ੍ਤਤੋ ਸਨ੍ਦੇਤਿ। ਪਰਿਪੂਰੇਤੀਤਿ વਾਯੁਨਾ ਭਸ੍ਤਂ વਿਯ ਪੂਰੇਤਿ। ਪਰਿਪ੍ਫਰਤੀਤਿ ਸਮਨ੍ਤਤੋ ਫੁਸਤਿ। ਸਬ੍ਬਾવਤੋ ਕਾਯਸ੍ਸਾਤਿ ਅਸ੍ਸ ਭਿਕ੍ਖੁਨੋ ਸਬ੍ਬਕੋਟ੍ਠਾਸવਤੋ ਕਾਯਸ੍ਸ ਕਿਞ੍ਚਿ ਉਪਾਦਿਨ੍ਨਕਸਨ੍ਤਤਿਪવਤ੍ਤਿਟ੍ਠਾਨੇ ਛવਿਮਂਸਲੋਹਿਤਾਨੁਗਤਂ ਅਣੁਮਤ੍ਤਮ੍ਪਿ ਠਾਨਂ ਪਠਮਜ੍ਝਾਨਸੁਖੇਨ ਅਫੁਟਂ ਨਾਮ ਨ ਹੋਤਿ।
28. Aṭṭhame ariyassāti vikkhambhanavasena pahīnakilesehi ārakā ṭhitassa. Bhāvanaṃ desessāmīti brūhanaṃ vaḍḍhanaṃ pakāsayissāmi. Imameva kāyanti imaṃ karajakāyaṃ. Abhisandetīti temeti sneheti, sabbattha pavattapītisukhaṃ karoti. Parisandetīti samantato sandeti. Paripūretīti vāyunā bhastaṃ viya pūreti. Parippharatīti samantato phusati. Sabbāvato kāyassāti assa bhikkhuno sabbakoṭṭhāsavato kāyassa kiñci upādinnakasantatipavattiṭṭhāne chavimaṃsalohitānugataṃ aṇumattampi ṭhānaṃ paṭhamajjhānasukhena aphuṭaṃ nāma na hoti.
ਦਕ੍ਖੋਤਿ ਛੇਕੋ ਪਟਿਬਲੋ ਨ੍ਹਾਨੀਯਚੁਣ੍ਣਾਨਿ ਕਾਤੁਞ੍ਚੇવ ਯੋਜੇਤੁਞ੍ਚ ਸਨ੍ਨੇਤੁਞ੍ਚ। ਕਂਸਥਾਲੇਤਿ ਯੇਨ ਕੇਨਚਿ ਲੋਹੇਨ ਕਤਭਾਜਨੇ। ਮਤ੍ਤਿਕਾਭਾਜਨਂ ਪਨ ਥਿਰਂ ਨ ਹੋਤਿ, ਸਨ੍ਨੇਨ੍ਤਸ੍ਸ ਭਿਜ੍ਜਤਿ। ਤਸ੍ਮਾ ਤਂ ਨ ਦਸ੍ਸੇਸਿ। ਪਰਿਪ੍ਫੋਸਕਂ ਪਰਿਪ੍ਫੋਸਕਨ੍ਤਿ ਸਿਞ੍ਚਿਤ੍વਾ ਸਿਞ੍ਚਿਤ੍વਾ। ਸਨ੍ਨੇਯ੍ਯਾਤਿ વਾਮਹਤ੍ਥੇਨ ਕਂਸਥਾਲਂ ਗਹੇਤ੍વਾ ਦਕ੍ਖਿਣਹਤ੍ਥੇਨ ਪਮਾਣਯੁਤ੍ਤਂ ਉਦਕਂ ਸਿਞ੍ਚਿਤ੍વਾ ਸਿਞ੍ਚਿਤ੍વਾ ਪਰਿਮਦ੍ਦਨ੍ਤੋ ਪਿਣ੍ਡਂ ਕਰੇਯ੍ਯ। ਸ੍ਨੇਹਾਨੁਗਤਾਤਿ ਉਦਕਸਿਨੇਹੇਨ ਅਨੁਗਤਾ। ਸ੍ਨੇਹਪਰੇਤਾਤਿ ਉਦਕਸਿਨੇਹੇਨ ਪਰਿਗ੍ਗਹਿਤਾ। ਸਨ੍ਤਰਬਾਹਿਰਾਤਿ ਸਦ੍ਧਿਂ ਅਨ੍ਤੋਪਦੇਸੇਨ ਚੇવ ਬਹਿਪਦੇਸੇਨ ਚ, ਸਬ੍ਬਤ੍ਥਕਮੇવ ਉਦਕਸਿਨੇਹੇਨ ਫੁਟਾਤਿ ਅਤ੍ਥੋ। ਨ ਚ ਪਗ੍ਘਰਿਣੀਤਿ ਨ ਬਿਨ੍ਦੁ ਬਿਨ੍ਦੁ ਉਦਕਂ ਪਗ੍ਘਰਤਿ, ਸਕ੍ਕਾ ਹੋਤਿ ਹਤ੍ਥੇਨਪਿ ਦ੍વੀਹਿਪਿ ਅਙ੍ਗੁਲੀਹਿ ਗਹੇਤੁਂ ਓવਟ੍ਟਿਕਾਯਪਿ ਕਾਤੁਨ੍ਤਿ ਅਤ੍ਥੋ।
Dakkhoti cheko paṭibalo nhānīyacuṇṇāni kātuñceva yojetuñca sannetuñca. Kaṃsathāleti yena kenaci lohena katabhājane. Mattikābhājanaṃ pana thiraṃ na hoti, sannentassa bhijjati. Tasmā taṃ na dassesi. Paripphosakaṃparipphosakanti siñcitvā siñcitvā. Sanneyyāti vāmahatthena kaṃsathālaṃ gahetvā dakkhiṇahatthena pamāṇayuttaṃ udakaṃ siñcitvā siñcitvā parimaddanto piṇḍaṃ kareyya. Snehānugatāti udakasinehena anugatā. Snehaparetāti udakasinehena pariggahitā. Santarabāhirāti saddhiṃ antopadesena ceva bahipadesena ca, sabbatthakameva udakasinehena phuṭāti attho. Na ca pagghariṇīti na bindu bindu udakaṃ paggharati, sakkā hoti hatthenapi dvīhipi aṅgulīhi gahetuṃ ovaṭṭikāyapi kātunti attho.
ਦੁਤਿਯਜ੍ਝਾਨਸੁਖਉਪਮਾਯਂ ਉਬ੍ਭਿਦੋਦਕੋਤਿ ਉਬ੍ਭਿਨ੍ਨਉਦਕੋ, ਨ ਹੇਟ੍ਠਾ ਉਬ੍ਭਿਜ੍ਜਿਤ੍વਾ ਉਗ੍ਗਚ੍ਛਨਉਦਕੋ, ਅਨ੍ਤੋਯੇવ ਪਨ ਉਪ੍ਪਜ੍ਜਨਉਦਕੋਤਿ ਅਤ੍ਥੋ। ਆਯਮੁਖਨ੍ਤਿ ਆਗਮਨਮਗ੍ਗੋ। ਦੇવੋਤਿ ਮੇਘੋ। ਕਾਲੇਨ ਕਾਲਨ੍ਤਿ ਕਾਲੇ ਕਾਲੇ, ਅਨ੍વਡ੍ਢਮਾਸਂ વਾ ਅਨੁਦਸਾਹਂ વਾਤਿ ਅਤ੍ਥੋ। ਧਾਰਨ੍ਤਿ વੁਟ੍ਠਿਂ। ਨਾਨੁਪ੍ਪવੇਚ੍ਛੇਯ੍ਯਾਤਿ ਨਪ੍ਪવੇਸੇਯ੍ਯ, ਨ વਸ੍ਸੇਯ੍ਯਾਤਿ ਅਤ੍ਥੋ। ਸੀਤਾ વਾਰਿਧਾਰਾ ਉਬ੍ਭਿਜ੍ਜਿਤ੍વਾਤਿ ਸੀਤਾ વਾਰਿਧਾਰਾ ਤਂ ਰਹਦਂ ਪੂਰਯਮਾਨਾ ਉਬ੍ਭਿਜ੍ਜਿਤ੍વਾ। ਹੇਟ੍ਠਾ ਉਗ੍ਗਚ੍ਛਨਉਦਕਞ੍ਹਿ ਉਗ੍ਗਨ੍ਤ੍વਾ ਭਿਜ੍ਜਨ੍ਤਂ ਉਦਕਂ ਖੋਭੇਤਿ, ਚਤੂਹਿ ਦਿਸਾਹਿ ਪવਿਸਨਉਦਕਂ ਪੁਰਾਣਪਣ੍ਣਤਿਣਕਟ੍ਠਦਣ੍ਡਕਾਦੀਹਿ ਉਦਕਂ ਖੋਭੇਤਿ। વੁਟ੍ਠਿਉਦਕਂ ਧਾਰਾਨਿਪਾਤਬੁਬ੍ਬੁਲ਼ਕੇਹਿ ਉਦਕਂ ਖੋਭੇਤਿ, ਸਨ੍ਨਿਸਿਨ੍ਨਮੇવ ਪਨ ਹੁਤ੍વਾ ਇਦ੍ਧਿਨਿਮ੍ਮਿਤਮਿવ ਉਪ੍ਪਜ੍ਜਮਾਨਂ ਉਦਕਂ ਇਮਂ ਪਦੇਸਂ ਫਰਤਿ, ਇਮਂ ਨ ਫਰਤੀਤਿ ਨਤ੍ਥਿ। ਤੇਨ ਅਫੁਟੋਕਾਸੋ ਨਾਮ ਨ ਹੋਤਿ। ਤਤ੍ਥ ਰਹਦੋ વਿਯ ਕਰਜਕਾਯੋ, ਉਦਕਂ વਿਯ ਦੁਤਿਯਜ੍ਝਾਨਸੁਖਂ, ਸੇਸਂ ਪੁਰਿਮਨਯੇਨੇવ વੇਦਿਤਬ੍ਬਂ।
Dutiyajjhānasukhaupamāyaṃ ubbhidodakoti ubbhinnaudako, na heṭṭhā ubbhijjitvā uggacchanaudako, antoyeva pana uppajjanaudakoti attho. Āyamukhanti āgamanamaggo. Devoti megho. Kālena kālanti kāle kāle, anvaḍḍhamāsaṃ vā anudasāhaṃ vāti attho. Dhāranti vuṭṭhiṃ. Nānuppaveccheyyāti nappaveseyya, na vasseyyāti attho. Sītā vāridhārā ubbhijjitvāti sītā vāridhārā taṃ rahadaṃ pūrayamānā ubbhijjitvā. Heṭṭhā uggacchanaudakañhi uggantvā bhijjantaṃ udakaṃ khobheti, catūhi disāhi pavisanaudakaṃ purāṇapaṇṇatiṇakaṭṭhadaṇḍakādīhi udakaṃ khobheti. Vuṭṭhiudakaṃ dhārānipātabubbuḷakehi udakaṃ khobheti, sannisinnameva pana hutvā iddhinimmitamiva uppajjamānaṃ udakaṃ imaṃ padesaṃ pharati, imaṃ na pharatīti natthi. Tena aphuṭokāso nāma na hoti. Tattha rahado viya karajakāyo, udakaṃ viya dutiyajjhānasukhaṃ, sesaṃ purimanayeneva veditabbaṃ.
ਤਤਿਯਜ੍ਝਾਨਸੁਖਉਪਮਾਯਂ ਉਪ੍ਪਲਾਨਿ ਏਤ੍ਥ ਸਨ੍ਤੀਤਿ ਉਪ੍ਪਲਿਨੀ। ਸੇਸਪਦਦ੍વਯੇਪਿ ਏਸੇવ ਨਯੋ। ਏਤ੍ਥ ਚ ਸੇਤਰਤ੍ਤਨੀਲੇਸੁ ਯਂਕਿਞ੍ਚਿ ਉਪ੍ਪਲਮੇવ, ਊਨਕਸਤਪਤ੍ਤਂ ਪੁਣ੍ਡਰੀਕਂ, ਸਤਪਤ੍ਤਂ ਪਦੁਮਂ। ਪਤ੍ਤਨਿਯਮਂ વਾ વਿਨਾਪਿ ਸੇਤਂ ਪਦੁਮਂ, ਰਤ੍ਤਂ ਪੁਣ੍ਡਰੀਕਨ੍ਤਿ ਅਯਮੇਤ੍ਥ વਿਨਿਚ੍ਛਯੋ। ਉਦਕਾਨੁਗ੍ਗਤਾਨੀਤਿ ਉਦਕਤੋ ਨ ਉਗ੍ਗਤਾਨਿ। ਅਨ੍ਤੋਨਿਮੁਗ੍ਗਪੋਸੀਨੀਤਿ ਉਦਕਤਲਸ੍ਸ ਅਨ੍ਤੋ ਨਿਮੁਗ੍ਗਾਨਿਯੇવ ਹੁਤ੍વਾ ਪੋਸਨ੍ਤਿ વਡ੍ਢਨ੍ਤੀਤਿ ਅਤ੍ਥੋ। ਸੇਸਂ ਪੁਰਿਮਨਯੇਨੇવ વੇਦਿਤਬ੍ਬਂ।
Tatiyajjhānasukhaupamāyaṃ uppalāni ettha santīti uppalinī. Sesapadadvayepi eseva nayo. Ettha ca setarattanīlesu yaṃkiñci uppalameva, ūnakasatapattaṃ puṇḍarīkaṃ, satapattaṃ padumaṃ. Pattaniyamaṃ vā vināpi setaṃ padumaṃ, rattaṃ puṇḍarīkanti ayamettha vinicchayo. Udakānuggatānīti udakato na uggatāni. Antonimuggaposīnīti udakatalassa anto nimuggāniyeva hutvā posanti vaḍḍhantīti attho. Sesaṃ purimanayeneva veditabbaṃ.
ਚਤੁਤ੍ਥਜ੍ਝਾਨਉਪਮਾਯਂ ਪਰਿਸੁਦ੍ਧੇਨ ਚੇਤਸਾ ਪਰਿਯੋਦਾਤੇਨਾਤਿ ਏਤ੍ਥ ਨਿਰੁਪਕ੍ਕਿਲੇਸਟ੍ਠੇਨ ਪਰਿਸੁਦ੍ਧਂ, ਪਭਸ੍ਸਰਟ੍ਠੇਨ ਪਰਿਯੋਦਾਤਂ વੇਦਿਤਬ੍ਬਂ। ਓਦਾਤੇਨ વਤ੍ਥੇਨਾਤਿ ਇਦਂ ਉਤੁਫਰਣਤ੍ਥਂ વੁਤ੍ਤਂ। ਕਿਲਿਟ੍ਠવਤ੍ਥੇਨ ਹਿ ਉਤੁਫਰਣਂ ਨ ਹੋਤਿ, ਤਙ੍ਖਣਧੋਤਪਰਿਸੁਦ੍ਧੇਨ ਉਤੁਫਰਣਂ ਬਲવਂ ਹੋਤਿ। ਇਮਿਸ੍ਸਾ ਹਿ ਉਪਮਾਯ વਤ੍ਥਂ વਿਯ ਕਰਜਕਾਯੋ, ਉਤੁਫਰਣਂ વਿਯ ਚਤੁਤ੍ਥਜ੍ਝਾਨਸੁਖਂ। ਤਸ੍ਮਾ ਯਥਾ ਸੁਨ੍ਹਾਤਸ੍ਸ ਪੁਰਿਸਸ੍ਸ ਪਰਿਸੁਦ੍ਧਂ વਤ੍ਥਂ ਸਸੀਸਂ ਪਾਰੁਪਿਤ੍વਾ ਨਿਸਿਨ੍ਨਸ੍ਸ ਸਰੀਰਤੋ ਉਤੁ ਸਬ੍ਬਮੇવ વਤ੍ਥਂ ਫਰਤਿ, ਨ ਕੋਚਿ વਤ੍ਥਸ੍ਸ ਅਫੁਟੋਕਾਸੋ ਹੋਤਿ, ਏવਂ ਚਤੁਤ੍ਥਜ੍ਝਾਨਸੁਖੇਨ ਭਿਕ੍ਖੁਨੋ ਕਰਜਕਾਯਸ੍ਸ ਨ ਕੋਚਿ ਓਕਾਸੋ ਅਫੁਟੋ ਹੋਤੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਚਤੁਤ੍ਥਜ੍ਝਾਨਚਿਤ੍ਤਮੇવ વਾ વਤ੍ਥਂ વਿਯ, ਤਂਸਮੁਟ੍ਠਾਨਰੂਪਂ ਉਤੁਫਰਣਂ વਿਯ। ਯਥਾ ਹਿ ਕਤ੍ਥਚਿ ਕਤ੍ਥਚਿ ਓਦਾਤવਤ੍ਥੇ ਕਾਯਂ ਅਫੁਸਨ੍ਤੇਪਿ ਤਂਸਮੁਟ੍ਠਾਨੇਨ ਉਤੁਨਾ ਸਬ੍ਬਤ੍ਥਕਮੇવ ਕਾਯੋ ਫੁਟੋ ਹੋਤਿ, ਏવਂ ਚਤੁਤ੍ਥਜ੍ਝਾਨਸਮੁਟ੍ਠਾਪਿਤੇਨ ਸੁਖੁਮਰੂਪੇਨ ਸਬ੍ਬਤ੍ਥਕਮੇવ ਭਿਕ੍ਖੁਨੋ ਕਾਯੋ ਫੁਟੋ ਹੋਤੀਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ।
Catutthajjhānaupamāyaṃ parisuddhena cetasā pariyodātenāti ettha nirupakkilesaṭṭhena parisuddhaṃ, pabhassaraṭṭhena pariyodātaṃ veditabbaṃ. Odātena vatthenāti idaṃ utupharaṇatthaṃ vuttaṃ. Kiliṭṭhavatthena hi utupharaṇaṃ na hoti, taṅkhaṇadhotaparisuddhena utupharaṇaṃ balavaṃ hoti. Imissā hi upamāya vatthaṃ viya karajakāyo, utupharaṇaṃ viya catutthajjhānasukhaṃ. Tasmā yathā sunhātassa purisassa parisuddhaṃ vatthaṃ sasīsaṃ pārupitvā nisinnassa sarīrato utu sabbameva vatthaṃ pharati, na koci vatthassa aphuṭokāso hoti, evaṃ catutthajjhānasukhena bhikkhuno karajakāyassa na koci okāso aphuṭo hotīti evamettha attho daṭṭhabbo. Catutthajjhānacittameva vā vatthaṃ viya, taṃsamuṭṭhānarūpaṃ utupharaṇaṃ viya. Yathā hi katthaci katthaci odātavatthe kāyaṃ aphusantepi taṃsamuṭṭhānena utunā sabbatthakameva kāyo phuṭo hoti, evaṃ catutthajjhānasamuṭṭhāpitena sukhumarūpena sabbatthakameva bhikkhuno kāyo phuṭo hotīti evamettha attho daṭṭhabbo.
ਪਚ੍ਚવੇਕ੍ਖਣਨਿਮਿਤ੍ਤਨ੍ਤਿ ਪਚ੍ਚવੇਕ੍ਖਣਞਾਣਮੇવ। ਸੁਗ੍ਗਹਿਤਂ ਹੋਤੀਤਿ ਯਥਾ ਤੇਨ ਝਾਨવਿਪਸ੍ਸਨਾਮਗ੍ਗਾ ਸੁਟ੍ਠੁ ਗਹਿਤਾ ਹੋਨ੍ਤਿ, ਏવਂ ਪਚ੍ਚવੇਕ੍ਖਣਨਿਮਿਤ੍ਤਂ ਅਪਰਾਪਰੇਨ ਪਚ੍ਚવੇਕ੍ਖਣਨਿਮਿਤ੍ਤੇਨ ਸੁਟ੍ਠੁ ਗਹਿਤਂ ਹੋਤਿ। ਅਞ੍ਞੋ વਾ ਅਞ੍ਞਨ੍ਤਿ ਅਞ੍ਞੋ ਏਕੋ ਅਞ੍ਞਂ ਏਕਂ, ਅਤ੍ਤਨੋਯੇવ ਹਿ ਅਤ੍ਤਾ ਨ ਪਾਕਟੋ ਹੋਤਿ। ਠਿਤੋ વਾ ਨਿਸਿਨ੍ਨਨ੍ਤਿ ਠਿਤਕਸ੍ਸਾਪਿ ਨਿਸਿਨ੍ਨੋ ਪਾਕਟੋ ਹੋਤਿ, ਤੇਨੇવਂ વੁਤ੍ਤਂ। ਸੇਸੇਸੁਪਿ ਏਸੇવ ਨਯੋ। ਉਦਕਮਣਿਕੋਤਿ ਸਮੇਖਲਾ ਉਦਕਚਾਟਿ। ਸਮਤਿਤ੍ਤਿਕੋਤਿ ਸਮਭਰਿਤੋ। ਕਾਕਪੇਯ੍ਯਾਤਿ ਮੁਖવਟ੍ਟਿਯਂ ਨਿਸੀਦਿਤ੍વਾ ਕਾਕੇਨ ਗੀવਂ ਅਨਾਮੇਤ੍વਾવ ਪਾਤਬ੍ਬੋ।
Paccavekkhaṇanimittanti paccavekkhaṇañāṇameva. Suggahitaṃ hotīti yathā tena jhānavipassanāmaggā suṭṭhu gahitā honti, evaṃ paccavekkhaṇanimittaṃ aparāparena paccavekkhaṇanimittena suṭṭhu gahitaṃ hoti. Añño vā aññanti añño eko aññaṃ ekaṃ, attanoyeva hi attā na pākaṭo hoti. Ṭhito vā nisinnanti ṭhitakassāpi nisinno pākaṭo hoti, tenevaṃ vuttaṃ. Sesesupi eseva nayo. Udakamaṇikoti samekhalā udakacāṭi. Samatittikoti samabharito. Kākapeyyāti mukhavaṭṭiyaṃ nisīditvā kākena gīvaṃ anāmetvāva pātabbo.
ਸੁਭੂਮਿਯਨ੍ਤਿ ਸਮਭੂਮਿਯਂ। ‘‘ਸੁਭੂਮੇ ਸੁਖੇਤ੍ਤੇ વਿਹਤਖਾਣੁਕੇ ਬੀਜਾਨਿ ਪਤਿਟ੍ਠਾਪੇਯ੍ਯਾ’’ਤਿ (ਦੀ॰ ਨਿ॰ ੨.੪੩੮) ਏਤ੍ਥ ਪਨ ਮਣ੍ਡਭੂਮਿ ਸੁਭੂਮੀਤਿ ਆਗਤਾ। ਚਤੁਮਹਾਪਥੇਤਿ ਦ੍વਿਨ੍ਨਂ ਮਹਾਮਗ੍ਗਾਨਂ વਿਨਿવਿਜ੍ਝਿਤ੍વਾ ਗਤਟ੍ਠਾਨੇ। ਆਜਞ੍ਞਰਥੋਤਿ વਿਨੀਤਅਸ੍ਸਰਥੋ। ਓਧਸ੍ਤਪਤੋਦੋਤਿ ਯਥਾ ਰਥਂ ਅਭਿਰੁਹਿਤ੍વਾ ਠਿਤੇਨ ਸਕ੍ਕਾ ਹੋਤਿ ਗਣ੍ਹਿਤੁਂ, ਏવਂ ਆਲਮ੍ਬਨਂ ਨਿਸ੍ਸਾਯ ਤਿਰਿਯਤੋ ਠਪਿਤਪਤੋਦੋ। ਯੋਗ੍ਗਾਚਰਿਯੋਤਿ ਅਸ੍ਸਾਚਰਿਯੋ। ਸ੍વੇવ ਅਸ੍ਸਦਮ੍ਮੇ ਸਾਰੇਤੀਤਿ ਅਸ੍ਸਦਮ੍ਮਸਾਰਥਿ। ਯੇਨਿਚ੍ਛਕਨ੍ਤਿ ਯੇਨ ਯੇਨ ਮਗ੍ਗੇਨ ਇਚ੍ਛਤਿ। ਯਦਿਚ੍ਛਕਨ੍ਤਿ ਯਂ ਯਂ ਗਤਿਂ ਇਚ੍ਛਤਿ। ਸਾਰੇਯ੍ਯਾਤਿ ਉਜੁਕਂ ਪੁਰਤੋ ਪੇਸੇਯ੍ਯ। ਪਚ੍ਚਾਸਾਰੇਯ੍ਯਾਤਿ ਪਟਿਨਿવਤ੍ਤੇਯ੍ਯ।
Subhūmiyanti samabhūmiyaṃ. ‘‘Subhūme sukhette vihatakhāṇuke bījāni patiṭṭhāpeyyā’’ti (dī. ni. 2.438) ettha pana maṇḍabhūmi subhūmīti āgatā. Catumahāpatheti dvinnaṃ mahāmaggānaṃ vinivijjhitvā gataṭṭhāne. Ājaññarathoti vinītaassaratho. Odhastapatodoti yathā rathaṃ abhiruhitvā ṭhitena sakkā hoti gaṇhituṃ, evaṃ ālambanaṃ nissāya tiriyato ṭhapitapatodo. Yoggācariyoti assācariyo. Sveva assadamme sāretīti assadammasārathi. Yenicchakanti yena yena maggena icchati. Yadicchakanti yaṃ yaṃ gatiṃ icchati. Sāreyyāti ujukaṃ purato peseyya. Paccāsāreyyāti paṭinivatteyya.
ਏવਂ ਹੇਟ੍ਠਾ ਪਞ੍ਚਹਿ ਅਙ੍ਗੇਹਿ ਸਮਾਪਤ੍ਤਿਪਰਿਕਮ੍ਮਂ ਕਥੇਤ੍વਾ ਇਮਾਹਿ ਤੀਹਿ ਉਪਮਾਹਿ ਪਗੁਣਸਮਾਪਤ੍ਤਿਯਾ ਆਨਿਸਂਸਂ ਦਸ੍ਸੇਤ੍વਾ ਇਦਾਨਿ ਖੀਣਾਸવਸ੍ਸ ਅਭਿਞ੍ਞਾਪਟਿਪਾਟਿਂ ਦਸ੍ਸੇਤੁਂ ਸੋ ਸਚੇ ਆਕਙ੍ਖਤੀਤਿਆਦਿਮਾਹ। ਤਂ ਉਤ੍ਤਾਨਤ੍ਥਮੇવਾਤਿ।
Evaṃ heṭṭhā pañcahi aṅgehi samāpattiparikammaṃ kathetvā imāhi tīhi upamāhi paguṇasamāpattiyā ānisaṃsaṃ dassetvā idāni khīṇāsavassa abhiññāpaṭipāṭiṃ dassetuṃ so sace ākaṅkhatītiādimāha. Taṃ uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਪਞ੍ਚਙ੍ਗਿਕਸੁਤ੍ਤਂ • 8. Pañcaṅgikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੯. ਪਞ੍ਚਙ੍ਗਿਕਸੁਤ੍ਤਾਦਿવਣ੍ਣਨਾ • 8-9. Pañcaṅgikasuttādivaṇṇanā
