| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පඤ්‌චඞ්‌ගුලියත්‌ථෙරඅපදානං
10. Pañcaṅguliyattheraapadānaṃ
50.
50.
‘‘තිස්‌සො නාමාසි භගවා, ලොකජෙට්‌ඨො නරාසභො;
‘‘Tisso nāmāsi bhagavā, lokajeṭṭho narāsabho;
පවිසති ගන්‌ධකුටිං, විහාරකුසලො මුනි.
Pavisati gandhakuṭiṃ, vihārakusalo muni.
51.
51.
‘‘සුගන්‌ධමාලමාදාය, අගමාසිං ජිනන්‌තිකං;
‘‘Sugandhamālamādāya, agamāsiṃ jinantikaṃ;
අපසද්‌දො ච සම්‌බුද්‌ධෙ, පඤ්‌චඞ්‌ගුලිමදාසහං.
Apasaddo ca sambuddhe, pañcaṅgulimadāsahaṃ.
52.
52.
‘‘ද්‌වෙනවුතෙ ඉතො කප්‌පෙ, යං ගන්‌ධමභිරොපයිං;
‘‘Dvenavute ito kappe, yaṃ gandhamabhiropayiṃ;
53.
53.
‘‘ද්‌වෙසත්‌තතිම්‌හිතො කප්‌පෙ, රාජා ආසිං සයම්‌පභො;
‘‘Dvesattatimhito kappe, rājā āsiṃ sayampabho;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
54.
54.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පඤ්‌චඞ්‌ගුලියො ථෙරො ඉමා ගාථායො අභාසිත්‌ථාති;
Itthaṃ sudaṃ āyasmā pañcaṅguliyo thero imā gāthāyo abhāsitthāti;
පඤ්‌චඞ්‌ගුලියත්‌ථෙරස්‌සාපදානං දසමං.
Pañcaṅguliyattherassāpadānaṃ dasamaṃ.
සුපාරිචරියවග්‌ගො සත්‌තරසමො.
Supāricariyavaggo sattarasamo.
තස්‌සුද්‌දානං –
Tassuddānaṃ –
සුපාරිචරි කණවෙරී, ඛජ්‌ජකො දෙසපූජකො;
Supāricari kaṇaverī, khajjako desapūjako;
කණිකාරො සප්‌පිදදො, යූථිකො දුස්‌සදායකො;
Kaṇikāro sappidado, yūthiko dussadāyako;
මාළො ච පඤ්‌චඞ්‌ගුලිකො, චතුපඤ්‌ඤාස ගාථකාති.
Māḷo ca pañcaṅguliko, catupaññāsa gāthakāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 10. පඤ්‌චඞ්‌ගුලියත්‌ථෙරඅපදානවණ්‌ණනා • 10. Pañcaṅguliyattheraapadānavaṇṇanā
