| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
10. பஞ்சங்கு³லியத்தே²ரஅபதா³னவண்ணனா
10. Pañcaṅguliyattheraapadānavaṇṇanā
திஸ்ஸோ நாமாஸி ப⁴க³வாதிஆதி³கங் ஆயஸ்மதோ பஞ்சங்கு³லியத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரே தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ திஸ்ஸஸ்ஸ ப⁴க³வதோ காலே ஏகஸ்மிங் குலே நிப்³ப³த்தோ வுத்³தி⁴மன்வாய க⁴ராவாஸங் ஸண்ட²பெத்வா விப⁴வஸம்பன்னோ ஸத்³தோ⁴ பஸன்னோ வீதி²தோ விஹாரங் படிபன்னங் ப⁴க³வந்தங் தி³ஸ்வா ஜாதிஸுமனாதி³அனேகானி ஸுக³ந்த⁴புப்பா²னி சந்த³னாதீ³னி ச விலேபனானி கா³ஹாபெத்வா விஹாரங் க³தோ புப்பே²ஹி ப⁴க³வந்தங் பூஜெத்வா விலேபனேஹி ப⁴க³வதோ ஸரீரே பஞ்சங்கு³லிகங் கத்வா வந்தி³த்வா பக்காமி.
Tissonāmāsi bhagavātiādikaṃ āyasmato pañcaṅguliyattherassa apadānaṃ. Ayampi purimabuddhesu katādhikāre tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kule nibbatto vuddhimanvāya gharāvāsaṃ saṇṭhapetvā vibhavasampanno saddho pasanno vīthito vihāraṃ paṭipannaṃ bhagavantaṃ disvā jātisumanādianekāni sugandhapupphāni candanādīni ca vilepanāni gāhāpetvā vihāraṃ gato pupphehi bhagavantaṃ pūjetvā vilepanehi bhagavato sarīre pañcaṅgulikaṃ katvā vanditvā pakkāmi.
50. ஸோ தேன புஞ்ஞேன தே³வமனுஸ்ஸேஸு உப⁴யஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ விப⁴வஸம்பன்னே ஏகஸ்மிங் குலே நிப்³ப³த்தித்வா வுத்³தி⁴மன்வாய ஸத்து² த⁴ம்மதே³ஸனங் ஸுத்வா பஸன்னமானஸோ பப்³ப³ஜித்வா விபஸ்ஸனங் வட்³டெ⁴த்வா நசிரஸ்ஸேவ அரஹா ஹுத்வா புப்³ப³கம்மங் ஸரந்தோ பச்சக்க²தோ ஞத்வா ‘‘இமங் நாம குஸலகம்மங் கத்வா ஈதி³ஸங் லோகுத்தரஸம்பத்திங் பத்தொம்ஹீ’’தி புப்³ப³சரிதாபதா³னங் பகாஸெந்தோ திஸ்ஸோ நாமாஸி ப⁴க³வாதிஆதி³மாஹ. தங் ஸப்³ப³ங் உத்தானத்த²மேவாதி.
50. So tena puññena devamanussesu ubhayasampattiyo anubhavitvā imasmiṃ buddhuppāde vibhavasampanne ekasmiṃ kule nibbattitvā vuddhimanvāya satthu dhammadesanaṃ sutvā pasannamānaso pabbajitvā vipassanaṃ vaḍḍhetvā nacirasseva arahā hutvā pubbakammaṃ saranto paccakkhato ñatvā ‘‘imaṃ nāma kusalakammaṃ katvā īdisaṃ lokuttarasampattiṃ pattomhī’’ti pubbacaritāpadānaṃ pakāsento tisso nāmāsi bhagavātiādimāha. Taṃ sabbaṃ uttānatthamevāti.
பஞ்சங்கு³லியத்தே²ரஅபதா³னவண்ணனா ஸமத்தா.
Pañcaṅguliyattheraapadānavaṇṇanā samattā.
ஸத்தரஸமவக்³க³வண்ணனா ஸமத்தா.
Sattarasamavaggavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 10. பஞ்சங்கு³லியத்தே²ரஅபதா³னங் • 10. Pañcaṅguliyattheraapadānaṃ
