| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
110. бан̃жаннам̣ аббахид̇зби ануж̇аананаа
110. Pañcannaṃ appahitepi anujānanā
193. д̇зна ко бана самаязна ан̃н̃ад̇аро бхигку г̇илаано ход̇и. со бхигкуунам̣ санд̇игз д̣̇ууд̇ам̣ баахзси – ‘‘ахан̃хи г̇илаано, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бан̃жаннам̣ сад̇д̇аахагаран̣ийязна аббахид̇зби г̇анд̇ум̣, баг̇зва бахид̇з. бхигкусса, бхигкунияаа, сигкамаанааяа, сааман̣зрасса, сааман̣зрияаа – ануж̇аанаами, бхигкавз, имзсам̣ бан̃жаннам̣ сад̇д̇аахагаран̣ийязна аббахид̇зби г̇анд̇ум̣, баг̇зва бахид̇з. сад̇д̇аахам̣ саннивад̇д̇о гаад̇аб̣б̣о.
193. Tena kho pana samayena aññataro bhikkhu gilāno hoti. So bhikkhūnaṃ santike dūtaṃ pāhesi – ‘‘ahañhi gilāno, āgacchantu bhikkhū, icchāmi bhikkhūnaṃ āgata’’nti. Bhagavato etamatthaṃ ārocesuṃ. Anujānāmi, bhikkhave, pañcannaṃ sattāhakaraṇīyena appahitepi gantuṃ, pageva pahite. Bhikkhussa, bhikkhuniyā, sikkhamānāya, sāmaṇerassa, sāmaṇeriyā – anujānāmi, bhikkhave, imesaṃ pañcannaṃ sattāhakaraṇīyena appahitepi gantuṃ, pageva pahite. Sattāhaṃ sannivatto kātabbo.
ид̇ха бана, бхигкавз, бхигку г̇илаано ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇илаано, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа, убадтахиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhu gilāno hoti. So ce bhikkhūnaṃ santike dūtaṃ pahiṇeyya – ‘‘ahañhi gilāno, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ид̇ха бана, бхигкавз, бхигкусса анабхирад̇и уббаннаа ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘анабхирад̇и мз уббаннаа, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘анабхирад̇ам̣ вуубагаасзссаами ваа, вуубагаасаабзссаами ваа, д̇хаммагат̇ам̣ ваасса гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhussa anabhirati uppannā hoti. So ce bhikkhūnaṃ santike dūtaṃ pahiṇeyya – ‘‘anabhirati me uppannā, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘anabhirataṃ vūpakāsessāmi vā, vūpakāsāpessāmi vā, dhammakathaṃ vāssa karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкусса гуггужжам̣ уббаннам̣ ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘гуггужжам̣ мз уббаннам̣, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гуггужжам̣ винод̣̇зссаами ваа, винод̣̇аабзссаами ваа, д̇хаммагат̇ам̣ ваасса гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhussa kukkuccaṃ uppannaṃ hoti. So ce bhikkhūnaṃ santike dūtaṃ pahiṇeyya – ‘‘kukkuccaṃ me uppannaṃ, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kukkuccaṃ vinodessāmi vā, vinodāpessāmi vā, dhammakathaṃ vāssa karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкусса д̣̇идтиг̇ад̇ам̣ уббаннам̣ ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘д̣̇идтиг̇ад̇ам̣ мз уббаннам̣, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘д̣̇идтиг̇ад̇ам̣ вивзжзссаами ваа, вивзжаабзссаами ваа, д̇хаммагат̇ам̣ ваасса гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhussa diṭṭhigataṃ uppannaṃ hoti. So ce bhikkhūnaṃ santike dūtaṃ pahiṇeyya – ‘‘diṭṭhigataṃ me uppannaṃ, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘diṭṭhigataṃ vivecessāmi vā, vivecāpessāmi vā, dhammakathaṃ vāssa karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигку г̇аруд̇хаммам̣ аж̇жхаабанно ход̇и бариваасаарахо. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇аруд̇хаммам̣ аж̇жхаабанно бариваасаарахо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘бариваасад̣̇аанам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhu garudhammaṃ ajjhāpanno hoti parivāsāraho. So ce bhikkhūnaṃ santike dūtaṃ pahiṇeyya – ‘‘ahañhi garudhammaṃ ajjhāpanno parivāsāraho, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘parivāsadānaṃ ussukkaṃ karissāmi vā, anussāvessāmi vā, gaṇapūrako vā bhavissāmī’’ti. Sattāhaṃ sannivatto kātabbo.
ид̇ха бана, бхигкавз, бхигку муулааяа бадигассанаарахо ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи муулааяа бадигассанаарахо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘муулааяа бадигассанам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhu mūlāya paṭikassanāraho hoti. So ce bhikkhūnaṃ santike dūtaṃ pahiṇeyya – ‘‘ahañhi mūlāya paṭikassanāraho, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘mūlāya paṭikassanaṃ ussukkaṃ karissāmi vā, anussāvessāmi vā, gaṇapūrako vā bhavissāmī’’ti. Sattāhaṃ sannivatto kātabbo.
ид̇ха бана, бхигкавз, бхигку маанад̇д̇аарахо ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи маанад̇д̇аарахо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘маанад̇д̇ад̣̇аанам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhu mānattāraho hoti. So ce bhikkhūnaṃ santike dūtaṃ pahiṇeyya – ‘‘ahañhi mānattāraho, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘mānattadānaṃ ussukkaṃ karissāmi vā, anussāvessāmi vā, gaṇapūrako vā bhavissāmī’’ti. Sattāhaṃ sannivatto kātabbo.
ид̇ха бана, бхигкавз, бхигку аб̣бхаанаарахо ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи аб̣бхаанаарахо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘аб̣бхаанам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhu abbhānāraho hoti. So ce bhikkhūnaṃ santike dūtaṃ pahiṇeyya – ‘‘ahañhi abbhānāraho, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘abbhānaṃ ussukkaṃ karissāmi vā, anussāvessāmi vā, gaṇapūrako vā bhavissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкусса сан̇гхо гаммам̣ гад̇д̇угаамо ход̇и д̇аж̇ж̇анийяам̣ ваа, нияассам̣ ваа, баб̣б̣ааж̇анийяам̣ ваа, бадисааран̣ийяам̣ ваа, угкзбанийяам̣ ваа. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘сан̇гхо мз гаммам̣ гад̇д̇угаамо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гинд̇и ну ко сан̇гхо гаммам̣ на гарзяяа, лахугааяа ваа барин̣аамзяяаа’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhussa saṅgho kammaṃ kattukāmo hoti tajjanīyaṃ vā, niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. So ce bhikkhūnaṃ santike dūtaṃ pahiṇeyya – ‘‘saṅgho me kammaṃ kattukāmo, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kinti nu kho saṅgho kammaṃ na kareyya, lahukāya vā pariṇāmeyyā’’ti. Sattāhaṃ sannivatto kātabbo.
гад̇ам̣ ваа банасса ход̇и сан̇гхзна гаммам̣ д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа. со жз бхигкуунам̣ санд̇игз д̣̇ууд̇ам̣ бахин̣зяяа ‘‘сан̇гхо мз гаммам̣ агааси, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гинд̇и ну ко саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаа’’д̇и. сад̇д̇аахам̣ саннивад̇д̇о гаад̇аб̣б̣о.
Kataṃ vā panassa hoti saṅghena kammaṃ tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā. So ce bhikkhūnaṃ santike dūtaṃ pahiṇeyya ‘‘saṅgho me kammaṃ akāsi, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kinti nu kho sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyā’’ti. Sattāhaṃ sannivatto kātabbo.
194. ид̇ха бана, бхигкавз, бхигкуний г̇илаанаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇илаанаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа, убадтахиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
194. Idha pana, bhikkhave, bhikkhunī gilānā hoti. Sā ce bhikkhūnaṃ santike dūtaṃ pahiṇeyya – ‘‘ahañhi gilānā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ид̇ха бана, бхигкавз, бхигкунияаа анабхирад̇и уббаннаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘анабхирад̇и мз уббаннаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘анабхирад̇ам̣ вуубагаасзссаами ваа, вуубагаасаабзссаами ваа, д̇хаммагат̇ам̣ ваассаа гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhuniyā anabhirati uppannā hoti. Sā ce bhikkhūnaṃ santike dūtaṃ pahiṇeyya – ‘‘anabhirati me uppannā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘anabhirataṃ vūpakāsessāmi vā, vūpakāsāpessāmi vā, dhammakathaṃ vāssā karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкунияаа гуггужжам̣ уббаннам̣ ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘гуггужжам̣ мз уббаннам̣, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гуггужжам̣ винод̣̇зссаами ваа, винод̣̇аабзссаами ваа, д̇хаммагат̇ам̣ ваассаа гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhuniyā kukkuccaṃ uppannaṃ hoti. Sā ce bhikkhūnaṃ santike dūtaṃ pahiṇeyya – ‘‘kukkuccaṃ me uppannaṃ, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kukkuccaṃ vinodessāmi vā, vinodāpessāmi vā, dhammakathaṃ vāssā karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкунияаа д̣̇идтиг̇ад̇ам̣ уббаннам̣ ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘д̣̇идтиг̇ад̇ам̣ мз уббаннам̣, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘д̣̇идтиг̇ад̇ам̣ вивзжзссаами ваа, вивзжаабзссаами ваа, д̇хаммагат̇ам̣ ваассаа гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhuniyā diṭṭhigataṃ uppannaṃ hoti. Sā ce bhikkhūnaṃ santike dūtaṃ pahiṇeyya – ‘‘diṭṭhigataṃ me uppannaṃ, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘diṭṭhigataṃ vivecessāmi vā, vivecāpessāmi vā, dhammakathaṃ vāssā karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкуний г̇аруд̇хаммам̣ аж̇жхаабаннаа ход̇и маанад̇д̇аарахаа. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇аруд̇хаммам̣ аж̇жхаабаннаа маанад̇д̇аарахаа , ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘маанад̇д̇ад̣̇аанам̣ уссуггам̣ гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhunī garudhammaṃ ajjhāpannā hoti mānattārahā. Sā ce bhikkhūnaṃ santike dūtaṃ pahiṇeyya – ‘‘ahañhi garudhammaṃ ajjhāpannā mānattārahā , āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘mānattadānaṃ ussukkaṃ karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкуний муулааяа бадигассанаарахаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи муулааяа бадигассанаарахаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘муулааяа бадигассанам̣ уссуггам̣ гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhunī mūlāya paṭikassanārahā hoti. Sā ce bhikkhūnaṃ santike dūtaṃ pahiṇeyya – ‘‘ahañhi mūlāya paṭikassanārahā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘mūlāya paṭikassanaṃ ussukkaṃ karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкуний аб̣бхаанаарахаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи аб̣бхаанаарахаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣ , бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘аб̣бхаанам̣ уссуггам̣ гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhunī abbhānārahā hoti. Sā ce bhikkhūnaṃ santike dūtaṃ pahiṇeyya – ‘‘ahañhi abbhānārahā, āgacchantu ayyā, icchāmi ayyānaṃ āgata’’nti, gantabbaṃ , bhikkhave, sattāhakaraṇīyena, appahitepi, pageva pahite – ‘‘abbhānaṃ ussukkaṃ karissāmī’’ti. Sattāhaṃ sannivatto kātabbo.
ид̇ха бана, бхигкавз, бхигкунияаа сан̇гхо гаммам̣ гад̇д̇угаамо ход̇и – д̇аж̇ж̇анийяам̣ ваа, нияассам̣ ваа, баб̣б̣ааж̇анийяам̣ ваа, бадисааран̣ийяам̣ ваа, угкзбанийяам̣ ваа. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘сан̇гхо мз гаммам̣ гад̇д̇угаамо, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гинд̇и ну ко сан̇гхо гаммам̣ на гарзяяа, лахугааяа ваа барин̣аамзяяаа’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, bhikkhuniyā saṅgho kammaṃ kattukāmo hoti – tajjanīyaṃ vā, niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. Sā ce bhikkhūnaṃ santike dūtaṃ pahiṇeyya – ‘‘saṅgho me kammaṃ kattukāmo, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kinti nu kho saṅgho kammaṃ na kareyya, lahukāya vā pariṇāmeyyā’’ti. Sattāhaṃ sannivatto kātabbo.
гад̇ам̣ ваа банассаа ход̇и сан̇гхзна гаммам̣ – д̇аж̇ж̇анийяам̣ ваа , нияассам̣ ваа, баб̣б̣ааж̇анийяам̣ ваа, бадисааран̣ийяам̣ ваа, угкзбанийяам̣ ваа. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘сан̇гхо мз гаммам̣ агааси, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘гинд̇и ну ко саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаа’’д̇и. сад̇д̇аахам̣ саннивад̇д̇о гаад̇аб̣б̣о.
Kataṃ vā panassā hoti saṅghena kammaṃ – tajjanīyaṃ vā , niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. Sā ce bhikkhūnaṃ santike dūtaṃ pahiṇeyya – ‘‘saṅgho me kammaṃ akāsi, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘kinti nu kho sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyā’’ti. Sattāhaṃ sannivatto kātabbo.
195. ид̇ха бана, бхигкавз, сигкамаанаа г̇илаанаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇илаанаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и – г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа, убадтахиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
195. Idha pana, bhikkhave, sikkhamānā gilānā hoti. Sā ce bhikkhūnaṃ santike dūtaṃ pahiṇeyya – ‘‘ahañhi gilānā, āgacchantu ayyā, icchāmi ayyānaṃ āgata’’nti – gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ид̇ха бана, бхигкавз, сигкамаанааяа анабхирад̇и уббаннаа ход̇и…бз… сигкамаанааяа гуггужжам̣ уббаннам̣ ход̇и… сигкамаанааяа д̣̇идтиг̇ад̇ам̣ уббаннам̣ ход̇и… сигкамаанааяа сигкаа губид̇аа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘сигкаа мз губид̇аа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘сигкаасамаад̣̇аанам̣ уссуггам̣ гариссаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, sikkhamānāya anabhirati uppannā hoti…pe… sikkhamānāya kukkuccaṃ uppannaṃ hoti… sikkhamānāya diṭṭhigataṃ uppannaṃ hoti… sikkhamānāya sikkhā kupitā hoti. Sā ce bhikkhūnaṃ santike dūtaṃ pahiṇeyya – ‘‘sikkhā me kupitā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘sikkhāsamādānaṃ ussukkaṃ karissāmī’’ti. Sattāhaṃ sannivatto kātabbo.
ид̇ха бана, бхигкавз, сигкамаанаа убасамбаж̇ж̇ид̇угаамаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи убасамбаж̇ж̇ид̇угаамаа, ааг̇ажчанд̇у аяяаа , ижчаами аяяаанам̣ ааг̇ад̇а’’нд̇и г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – убасамбад̣̇ам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамийд̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, sikkhamānā upasampajjitukāmā hoti. Sā ce bhikkhūnaṃ santike dūtaṃ pahiṇeyya – ‘‘ahañhi upasampajjitukāmā, āgacchantu ayyā , icchāmi ayyānaṃ āgata’’nti gantabbaṃ, bhikkhave, sattāhakaraṇīyena, appahitepi, pageva pahite – upasampadaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. Sattāhaṃ sannivatto kātabbo.
196. ид̇ха бана, бхигкавз, сааман̣зро г̇илаано ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇илаано, ааг̇ажчанд̇у бхигкуу , ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа, убадтахиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
196. Idha pana, bhikkhave, sāmaṇero gilāno hoti. So ce bhikkhūnaṃ santike dūtaṃ pahiṇeyya – ‘‘ahañhi gilāno, āgacchantu bhikkhū , icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ид̇ха бана, бхигкавз, сааман̣зрасса анабхирад̇и уббаннаа ход̇и…бз… сааман̣зрасса гуггужжам̣ уббаннам̣ ход̇и… сааман̣зрасса д̣̇идтиг̇ад̇ам̣ уббаннам̣ ход̇и… сааман̣зро вассам̣ бужчид̇угаамо ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи вассам̣ бужчид̇угаамо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘бужчиссаами ваа, аажигкиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, sāmaṇerassa anabhirati uppannā hoti…pe… sāmaṇerassa kukkuccaṃ uppannaṃ hoti… sāmaṇerassa diṭṭhigataṃ uppannaṃ hoti… sāmaṇero vassaṃ pucchitukāmo hoti. So ce bhikkhūnaṃ santike dūtaṃ pahiṇeyya – ‘‘ahañhi vassaṃ pucchitukāmo, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘pucchissāmi vā, ācikkhissāmi vā’’ti. Sattāhaṃ sannivatto kātabbo.
ид̇ха бана, бхигкавз, сааман̣зро убасамбаж̇ж̇ид̇угаамо ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи убасамбаж̇ж̇ид̇угаамо, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘убасамбад̣̇ам̣ уссуггам̣ гариссаами ваа, ануссаавзссаами ваа, г̇ан̣абуураго ваа бхависсаамий’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, sāmaṇero upasampajjitukāmo hoti. So ce bhikkhūnaṃ santike dūtaṃ pahiṇeyya – ‘‘ahañhi upasampajjitukāmo, āgacchantu bhikkhū, icchāmi bhikkhūnaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘upasampadaṃ ussukkaṃ karissāmi vā, anussāvessāmi vā, gaṇapūrako vā bhavissāmī’’ti. Sattāhaṃ sannivatto kātabbo.
197. ид̇ха бана, бхигкавз, сааман̣зрий г̇илаанаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи г̇илаанаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и , г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа, убадтахиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
197. Idha pana, bhikkhave, sāmaṇerī gilānā hoti. Sā ce bhikkhūnaṃ santike dūtaṃ pahiṇeyya – ‘‘ahañhi gilānā, āgacchantu ayyā, icchāmi ayyānaṃ āgata’’nti , gantabbaṃ, bhikkhave, sattāhakaraṇīyena, appahitepi, pageva pahite – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā’’ti. Sattāhaṃ sannivatto kātabbo.
ид̇ха бана, бхигкавз, сааман̣зрияаа анабхирад̇и уббаннаа ход̇и…бз… сааман̣зрияаа гуггужжам̣ уббаннам̣ ход̇и… сааман̣зрияаа д̣̇идтиг̇ад̇ам̣ уббаннам̣ ход̇и… сааман̣зрий вассам̣ бужчид̇угаамаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи вассам̣ бужчид̇угаамаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘бужчиссаами ваа, аажигкиссаами ваа’’д̇и. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, sāmaṇeriyā anabhirati uppannā hoti…pe… sāmaṇeriyā kukkuccaṃ uppannaṃ hoti… sāmaṇeriyā diṭṭhigataṃ uppannaṃ hoti… sāmaṇerī vassaṃ pucchitukāmā hoti. Sā ce bhikkhūnaṃ santike dūtaṃ pahiṇeyya – ‘‘ahañhi vassaṃ pucchitukāmā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘pucchissāmi vā, ācikkhissāmi vā’’ti. Sattāhaṃ sannivatto kātabbo.
ид̇ха бана, бхигкавз, сааман̣зрий сигкам̣ самаад̣̇ияид̇угаамаа ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ахан̃хи сигкам̣ самаад̣̇ияид̇угаамаа, ааг̇ажчанд̇у аяяаа, ижчаами аяяаанам̣ ааг̇ад̇а’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, аббахид̇зби, баг̇зва бахид̇з – ‘‘сигкаасамаад̣̇аанам̣ уссуггам̣ гариссаамий’’д̇и. сад̇д̇аахам̣ саннивад̇д̇о гаад̇аб̣б̣од̇и.
Idha pana, bhikkhave, sāmaṇerī sikkhaṃ samādiyitukāmā hoti. Sā ce bhikkhūnaṃ santike dūtaṃ pahiṇeyya – ‘‘ahañhi sikkhaṃ samādiyitukāmā, āgacchantu ayyā, icchāmi ayyānaṃ āgata’’nti, gantabbaṃ, bhikkhave, sattāhakaraṇīyena, appahitepi, pageva pahite – ‘‘sikkhāsamādānaṃ ussukkaṃ karissāmī’’ti. Sattāhaṃ sannivatto kātabboti.
бан̃жаннам̣ аббахид̇зби ануж̇аананаа нидтид̇аа.
Pañcannaṃ appahitepi anujānanā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жаннам̣аббахид̇збиануж̇аананагат̇аа • Pañcannaṃappahitepianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 110. бан̃жаннам̣ аббахид̇зби ануж̇аананагат̇аа • 110. Pañcannaṃ appahitepi anujānanakathā
