| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๑๐. ปญฺจนฺนํ อปฺปหิเตปิ อนุชานนกถา
110. Pañcannaṃ appahitepi anujānanakathā
๑๙๓. ปเคว ปหิเตติ อิมินา ‘‘อปหิเตปิ คนฺตพฺพ’’นฺติ เอตฺถ ปิสทฺทสฺส สมฺภาวนตฺถํ ทเสฺสติฯ ปญฺจนฺนํ สหธมฺมิกานํ สนฺติกํ คนฺตพฺพภาวสฺส การณํ วิภชิตฺวา ทเสฺสโนฺต อาห ‘‘ภิกฺขุ คิลาโน โหตี’’ติอาทิฯ ทสหีติ ‘‘สโงฺฆ กมฺมํ กตฺตุกาโม โหติ, กตํ วา สเงฺฆน กมฺมํ โหตี’’ติ อิทํ องฺคํ เอกํ กตฺวา ทสหิฯ นวหีติ ปริวาสารหํ อปเนตฺวา นวหิฯ จตูหีติ คิลานอนภิรติกุกฺกุจฺจทิฎฺฐิคตอุปฺปนฺนสงฺขาเตหิ จตูหิฯ อิติ อิเมหิ ฉหีติ โยชนาฯ สามเณรสฺสปิ ฉหีติ เอตฺถ ฉนฺนํ สรูปํ วิตฺถาเรตฺวา ทเสฺสโนฺต อาห ‘‘อาทิโต’’ติอาทิฯ ตํ สุวิเญฺญยฺยเมวฯ สามเณริยา สนฺติกํ ปญฺจหิ คนฺตพฺพนฺติ โยชนาฯ ปรโตติ ปรสฺมา, ปรสฺมิํ วาฯ อนฺธกฎฺฐกถายํ วุตฺตนฺติ สมฺพโนฺธฯ เย ญาตกา วา เย อญฺญาตกา วา อตฺถิ, เตสมฺปีติ โยชนาฯ ตนฺติ วจนํฯ
193.Pageva pahiteti iminā ‘‘apahitepi gantabba’’nti ettha pisaddassa sambhāvanatthaṃ dasseti. Pañcannaṃ sahadhammikānaṃ santikaṃ gantabbabhāvassa kāraṇaṃ vibhajitvā dassento āha ‘‘bhikkhu gilāno hotī’’tiādi. Dasahīti ‘‘saṅgho kammaṃ kattukāmo hoti, kataṃ vā saṅghena kammaṃ hotī’’ti idaṃ aṅgaṃ ekaṃ katvā dasahi. Navahīti parivāsārahaṃ apanetvā navahi. Catūhīti gilānaanabhiratikukkuccadiṭṭhigatauppannasaṅkhātehi catūhi. Iti imehi chahīti yojanā. Sāmaṇerassapi chahīti ettha channaṃ sarūpaṃ vitthāretvā dassento āha ‘‘ādito’’tiādi. Taṃ suviññeyyameva. Sāmaṇeriyā santikaṃ pañcahi gantabbanti yojanā. Paratoti parasmā, parasmiṃ vā. Andhakaṭṭhakathāyaṃ vuttanti sambandho. Ye ñātakā vā ye aññātakā vā atthi, tesampīti yojanā. Tanti vacanaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๑๐. ปญฺจนฺนํ อปฺปหิเตปิ อนุชานนา • 110. Pañcannaṃ appahitepi anujānanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / ปญฺจนฺนํอปฺปหิเตปิอนุชานนกถา • Pañcannaṃappahitepianujānanakathā
