| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༡༡༠. པཉྩནྣཾ ཨཔྤཧིཏེཔི ཨནུཛཱནནཀཐཱ
110. Pañcannaṃ appahitepi anujānanakathā
༡༩༣. པགེཝ པཧིཏེཏི ཨིམིནཱ ‘‘ཨཔཧིཏེཔི གནྟབྦ’’ནྟི ཨེཏྠ པིསདྡསྶ སམྦྷཱཝནཏྠཾ དསྶེཏི། པཉྩནྣཾ སཧདྷམྨིཀཱནཾ སནྟིཀཾ གནྟབྦབྷཱཝསྶ ཀཱརཎཾ ཝིབྷཛིཏྭཱ དསྶེནྟོ ཨཱཧ ‘‘བྷིཀྑུ གིལཱནོ ཧོཏཱི’’ཏིཨཱདི། དསཧཱིཏི ‘‘སངྒྷོ ཀམྨཾ ཀཏྟུཀཱམོ ཧོཏི, ཀཏཾ ཝཱ སངྒྷེན ཀམྨཾ ཧོཏཱི’’ཏི ཨིདཾ ཨངྒཾ ཨེཀཾ ཀཏྭཱ དསཧི། ནཝཧཱིཏི པརིཝཱསཱརཧཾ ཨཔནེཏྭཱ ནཝཧི། ཙཏཱུཧཱིཏི གིལཱནཨནབྷིརཏིཀུཀྐུཙྩདིཊྛིགཏཨུཔྤནྣསངྑཱཏེཧི ཙཏཱུཧི། ཨིཏི ཨིམེཧི ཚཧཱིཏི ཡོཛནཱ། སཱམཎེརསྶཔི ཚཧཱིཏི ཨེཏྠ ཚནྣཾ སརཱུཔཾ ཝིཏྠཱརེཏྭཱ དསྶེནྟོ ཨཱཧ ‘‘ཨཱདིཏོ’’ཏིཨཱདི། ཏཾ སུཝིཉྙེཡྻམེཝ། སཱམཎེརིཡཱ སནྟིཀཾ པཉྩཧི གནྟབྦནྟི ཡོཛནཱ། པརཏོཏི པརསྨཱ, པརསྨིཾ ཝཱ། ཨནྡྷཀཊྛཀཐཱཡཾ ཝུཏྟནྟི སམྦནྡྷོ། ཡེ ཉཱཏཀཱ ཝཱ ཡེ ཨཉྙཱཏཀཱ ཝཱ ཨཏྠི, ཏེསམྤཱིཏི ཡོཛནཱ། ཏནྟི ཝཙནཾ།
193.Pageva pahiteti iminā ‘‘apahitepi gantabba’’nti ettha pisaddassa sambhāvanatthaṃ dasseti. Pañcannaṃ sahadhammikānaṃ santikaṃ gantabbabhāvassa kāraṇaṃ vibhajitvā dassento āha ‘‘bhikkhu gilāno hotī’’tiādi. Dasahīti ‘‘saṅgho kammaṃ kattukāmo hoti, kataṃ vā saṅghena kammaṃ hotī’’ti idaṃ aṅgaṃ ekaṃ katvā dasahi. Navahīti parivāsārahaṃ apanetvā navahi. Catūhīti gilānaanabhiratikukkuccadiṭṭhigatauppannasaṅkhātehi catūhi. Iti imehi chahīti yojanā. Sāmaṇerassapi chahīti ettha channaṃ sarūpaṃ vitthāretvā dassento āha ‘‘ādito’’tiādi. Taṃ suviññeyyameva. Sāmaṇeriyā santikaṃ pañcahi gantabbanti yojanā. Paratoti parasmā, parasmiṃ vā. Andhakaṭṭhakathāyaṃ vuttanti sambandho. Ye ñātakā vā ye aññātakā vā atthi, tesampīti yojanā. Tanti vacanaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༡༠. པཉྩནྣཾ ཨཔྤཧིཏེཔི ཨནུཛཱནནཱ • 110. Pañcannaṃ appahitepi anujānanā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཉྩནྣཾཨཔྤཧིཏེཔིཨནུཛཱནནཀཐཱ • Pañcannaṃappahitepianujānanakathā
