| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பஞ்சன்னங்அப்பஹிதேபிஅனுஜானநகதா²
Pañcannaṃappahitepianujānanakathā
193. பஞ்சன்னங் ஸத்தாஹகரணீயேனாதி ஏதேஸங் பி⁴க்கு²ஆதீ³னங் ஸஹத⁴ம்மிகானங் ‘‘கி³லானப⁴த்தங் வா கி³லானுபட்டா²கப⁴த்தங் வா பே⁴ஸஜ்ஜங் வா பரியேஸிஸ்ஸாமி , புச்சி²ஸ்ஸாமி வா, உபட்ட²ஹிஸ்ஸாமி வா’’தி ஏவமாதி³னா பரதோ வித்தா²ரெத்வா த³ஸ்ஸிதேன காரணேன அப்பஹிதேபி க³ந்தப்³ப³ங், பகே³வ பஹிதே. பி⁴க்கு² கி³லானோ ஹோதி, அனபி⁴ரதி உப்பன்னா ஹோதி, குக்குச்சங் உப்பன்னங் ஹோதி, தி³ட்டி²க³தங் உப்பன்னங் ஹோதி, க³ருத⁴ம்மங் அஜ்ஜா²பன்னோ ஹோதி பரிவாஸாரஹோ, மூலாய படிகஸ்ஸனாரஹோ ஹோதி, மானத்தாரஹோ, அப்³பா⁴னாரஹோ, ஸங்கோ⁴ கம்மங் கத்துகாமோ ஹோதி, கதங் வா ஸங்கே⁴ன கம்மங் ஹோதீதி ஏதேஹி த³ஸஹி காரணேஹி பி⁴க்கு²ஸ்ஸ ஸந்திகங் க³ந்தப்³ப³ங். பி⁴க்கு²னியா ஸந்திகங் நவஹி காரணேஹி க³ந்தப்³ப³ங், ஸிக்க²மானாய ஸந்திகங் ச²ஹி – ஆதி³தோ சதூஹி, ஸிக்கா² குப்பிதா ஹோதி, உபஸம்பஜ்ஜிதுகாமா ஹோதீதி. ஸாமணேரஸ்ஸாபி ச²ஹி – ஆதி³தோ சதூஹி, வஸ்ஸங் புச்சி²துகாமோ உபஸம்பஜ்ஜிதுகாமோ ஹோதீதி. ஸாமணேரியா உபஸம்பத³ங் அபனெத்வா ஸிக்கா²பத³ங் தா³துகாமோ ஹோதீதி இமினா ஸத்³தி⁴ங் பஞ்சஹி. பரதோ மாதாபிதூனங் அனுஞ்ஞாதட்டா²னேபி ஏஸேவ நயோ. அந்த⁴கட்ட²கதா²யங் பன ‘‘யே மாதாபிதூனங் உபட்டா²கா ஞாதகா வா அஞ்ஞாதகா வா தேஸம்பி அப்பஹிதே க³ந்துங் வட்டதீ’’தி வுத்தங், தங் நேவ அட்ட²கதா²யங், ந பாளியா வுத்தங், தஸ்மா ந க³ஹேதப்³ப³ங்.
193.Pañcannaṃsattāhakaraṇīyenāti etesaṃ bhikkhuādīnaṃ sahadhammikānaṃ ‘‘gilānabhattaṃ vā gilānupaṭṭhākabhattaṃ vā bhesajjaṃ vā pariyesissāmi , pucchissāmi vā, upaṭṭhahissāmi vā’’ti evamādinā parato vitthāretvā dassitena kāraṇena appahitepi gantabbaṃ, pageva pahite. Bhikkhu gilāno hoti, anabhirati uppannā hoti, kukkuccaṃ uppannaṃ hoti, diṭṭhigataṃ uppannaṃ hoti, garudhammaṃ ajjhāpanno hoti parivāsāraho, mūlāya paṭikassanāraho hoti, mānattāraho, abbhānāraho, saṅgho kammaṃ kattukāmo hoti, kataṃ vā saṅghena kammaṃ hotīti etehi dasahi kāraṇehi bhikkhussa santikaṃ gantabbaṃ. Bhikkhuniyā santikaṃ navahi kāraṇehi gantabbaṃ, sikkhamānāya santikaṃ chahi – ādito catūhi, sikkhā kuppitā hoti, upasampajjitukāmā hotīti. Sāmaṇerassāpi chahi – ādito catūhi, vassaṃ pucchitukāmo upasampajjitukāmo hotīti. Sāmaṇeriyā upasampadaṃ apanetvā sikkhāpadaṃ dātukāmo hotīti iminā saddhiṃ pañcahi. Parato mātāpitūnaṃ anuññātaṭṭhānepi eseva nayo. Andhakaṭṭhakathāyaṃ pana ‘‘ye mātāpitūnaṃ upaṭṭhākā ñātakā vā aññātakā vā tesampi appahite gantuṃ vaṭṭatī’’ti vuttaṃ, taṃ neva aṭṭhakathāyaṃ, na pāḷiyā vuttaṃ, tasmā na gahetabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 110. பஞ்சன்னங் அப்பஹிதேபி அனுஜானநா • 110. Pañcannaṃ appahitepi anujānanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 110. பஞ்சன்னங் அப்பஹிதேபி அனுஜானநகதா² • 110. Pañcannaṃ appahitepi anujānanakathā
