| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бан̃жаннам̣аббахид̇збиануж̇аананагат̇аа
Pañcannaṃappahitepianujānanakathā
193. бан̃жаннам̣ сад̇д̇аахагаран̣ийязнаад̇и зд̇зсам̣ бхигкуаад̣̇ийнам̣ сахад̇хаммигаанам̣ ‘‘г̇илаанабхад̇д̇ам̣ ваа г̇илаанубадтаагабхад̇д̇ам̣ ваа бхзсаж̇ж̇ам̣ ваа бариязсиссаами , бужчиссаами ваа, убадтахиссаами ваа’’д̇и звамаад̣̇инаа барад̇о вид̇т̇аарзд̇ваа д̣̇ассид̇зна гааран̣зна аббахид̇зби г̇анд̇аб̣б̣ам̣, баг̇зва бахид̇з. бхигку г̇илаано ход̇и, анабхирад̇и уббаннаа ход̇и, гуггужжам̣ уббаннам̣ ход̇и, д̣̇идтиг̇ад̇ам̣ уббаннам̣ ход̇и, г̇аруд̇хаммам̣ аж̇жхаабанно ход̇и бариваасаарахо, муулааяа бадигассанаарахо ход̇и, маанад̇д̇аарахо, аб̣бхаанаарахо, сан̇гхо гаммам̣ гад̇д̇угаамо ход̇и, гад̇ам̣ ваа сан̇гхзна гаммам̣ ход̇ийд̇и зд̇зхи д̣̇асахи гааран̣зхи бхигкусса санд̇игам̣ г̇анд̇аб̣б̣ам̣. бхигкунияаа санд̇игам̣ навахи гааран̣зхи г̇анд̇аб̣б̣ам̣, сигкамаанааяа санд̇игам̣ чахи – аад̣̇ид̇о жад̇уухи, сигкаа губбид̇аа ход̇и, убасамбаж̇ж̇ид̇угаамаа ход̇ийд̇и. сааман̣зрассааби чахи – аад̣̇ид̇о жад̇уухи, вассам̣ бужчид̇угаамо убасамбаж̇ж̇ид̇угаамо ход̇ийд̇и. сааман̣зрияаа убасамбад̣̇ам̣ абанзд̇ваа сигкаабад̣̇ам̣ д̣̇аад̇угаамо ход̇ийд̇и иминаа сад̣̇д̇хим̣ бан̃жахи. барад̇о маад̇аабид̇уунам̣ анун̃н̃аад̇адтаанзби зсзва наяо. анд̇хагадтагат̇ааяам̣ бана ‘‘яз маад̇аабид̇уунам̣ убадтаагаа н̃аад̇агаа ваа ан̃н̃аад̇агаа ваа д̇зсамби аббахид̇з г̇анд̇ум̣ ваддад̇ий’’д̇и вуд̇д̇ам̣, д̇ам̣ нзва адтагат̇ааяам̣, на баал̣ияаа вуд̇д̇ам̣, д̇асмаа на г̇ахзд̇аб̣б̣ам̣.
193.Pañcannaṃsattāhakaraṇīyenāti etesaṃ bhikkhuādīnaṃ sahadhammikānaṃ ‘‘gilānabhattaṃ vā gilānupaṭṭhākabhattaṃ vā bhesajjaṃ vā pariyesissāmi , pucchissāmi vā, upaṭṭhahissāmi vā’’ti evamādinā parato vitthāretvā dassitena kāraṇena appahitepi gantabbaṃ, pageva pahite. Bhikkhu gilāno hoti, anabhirati uppannā hoti, kukkuccaṃ uppannaṃ hoti, diṭṭhigataṃ uppannaṃ hoti, garudhammaṃ ajjhāpanno hoti parivāsāraho, mūlāya paṭikassanāraho hoti, mānattāraho, abbhānāraho, saṅgho kammaṃ kattukāmo hoti, kataṃ vā saṅghena kammaṃ hotīti etehi dasahi kāraṇehi bhikkhussa santikaṃ gantabbaṃ. Bhikkhuniyā santikaṃ navahi kāraṇehi gantabbaṃ, sikkhamānāya santikaṃ chahi – ādito catūhi, sikkhā kuppitā hoti, upasampajjitukāmā hotīti. Sāmaṇerassāpi chahi – ādito catūhi, vassaṃ pucchitukāmo upasampajjitukāmo hotīti. Sāmaṇeriyā upasampadaṃ apanetvā sikkhāpadaṃ dātukāmo hotīti iminā saddhiṃ pañcahi. Parato mātāpitūnaṃ anuññātaṭṭhānepi eseva nayo. Andhakaṭṭhakathāyaṃ pana ‘‘ye mātāpitūnaṃ upaṭṭhākā ñātakā vā aññātakā vā tesampi appahite gantuṃ vaṭṭatī’’ti vuttaṃ, taṃ neva aṭṭhakathāyaṃ, na pāḷiyā vuttaṃ, tasmā na gahetabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 110. бан̃жаннам̣ аббахид̇зби ануж̇аананаа • 110. Pañcannaṃ appahitepi anujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 110. бан̃жаннам̣ аббахид̇зби ануж̇аананагат̇аа • 110. Pañcannaṃ appahitepi anujānanakathā
