| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪਞ੍ਚਨ੍ਨਂਅਪ੍ਪਹਿਤੇਪਿਅਨੁਜਾਨਨਕਥਾ
Pañcannaṃappahitepianujānanakathā
੧੯੩. ਪਞ੍ਚਨ੍ਨਂ ਸਤ੍ਤਾਹਕਰਣੀਯੇਨਾਤਿ ਏਤੇਸਂ ਭਿਕ੍ਖੁਆਦੀਨਂ ਸਹਧਮ੍ਮਿਕਾਨਂ ‘‘ਗਿਲਾਨਭਤ੍ਤਂ વਾ ਗਿਲਾਨੁਪਟ੍ਠਾਕਭਤ੍ਤਂ વਾ ਭੇਸਜ੍ਜਂ વਾ ਪਰਿਯੇਸਿਸ੍ਸਾਮਿ , ਪੁਚ੍ਛਿਸ੍ਸਾਮਿ વਾ, ਉਪਟ੍ਠਹਿਸ੍ਸਾਮਿ વਾ’’ਤਿ ਏવਮਾਦਿਨਾ ਪਰਤੋ વਿਤ੍ਥਾਰੇਤ੍વਾ ਦਸ੍ਸਿਤੇਨ ਕਾਰਣੇਨ ਅਪ੍ਪਹਿਤੇਪਿ ਗਨ੍ਤਬ੍ਬਂ, ਪਗੇવ ਪਹਿਤੇ। ਭਿਕ੍ਖੁ ਗਿਲਾਨੋ ਹੋਤਿ, ਅਨਭਿਰਤਿ ਉਪ੍ਪਨ੍ਨਾ ਹੋਤਿ, ਕੁਕ੍ਕੁਚ੍ਚਂ ਉਪ੍ਪਨ੍ਨਂ ਹੋਤਿ, ਦਿਟ੍ਠਿਗਤਂ ਉਪ੍ਪਨ੍ਨਂ ਹੋਤਿ, ਗਰੁਧਮ੍ਮਂ ਅਜ੍ਝਾਪਨ੍ਨੋ ਹੋਤਿ ਪਰਿવਾਸਾਰਹੋ, ਮੂਲਾਯ ਪਟਿਕਸ੍ਸਨਾਰਹੋ ਹੋਤਿ, ਮਾਨਤ੍ਤਾਰਹੋ, ਅਬ੍ਭਾਨਾਰਹੋ, ਸਙ੍ਘੋ ਕਮ੍ਮਂ ਕਤ੍ਤੁਕਾਮੋ ਹੋਤਿ, ਕਤਂ વਾ ਸਙ੍ਘੇਨ ਕਮ੍ਮਂ ਹੋਤੀਤਿ ਏਤੇਹਿ ਦਸਹਿ ਕਾਰਣੇਹਿ ਭਿਕ੍ਖੁਸ੍ਸ ਸਨ੍ਤਿਕਂ ਗਨ੍ਤਬ੍ਬਂ। ਭਿਕ੍ਖੁਨਿਯਾ ਸਨ੍ਤਿਕਂ ਨવਹਿ ਕਾਰਣੇਹਿ ਗਨ੍ਤਬ੍ਬਂ, ਸਿਕ੍ਖਮਾਨਾਯ ਸਨ੍ਤਿਕਂ ਛਹਿ – ਆਦਿਤੋ ਚਤੂਹਿ, ਸਿਕ੍ਖਾ ਕੁਪ੍ਪਿਤਾ ਹੋਤਿ, ਉਪਸਮ੍ਪਜ੍ਜਿਤੁਕਾਮਾ ਹੋਤੀਤਿ। ਸਾਮਣੇਰਸ੍ਸਾਪਿ ਛਹਿ – ਆਦਿਤੋ ਚਤੂਹਿ, વਸ੍ਸਂ ਪੁਚ੍ਛਿਤੁਕਾਮੋ ਉਪਸਮ੍ਪਜ੍ਜਿਤੁਕਾਮੋ ਹੋਤੀਤਿ। ਸਾਮਣੇਰਿਯਾ ਉਪਸਮ੍ਪਦਂ ਅਪਨੇਤ੍વਾ ਸਿਕ੍ਖਾਪਦਂ ਦਾਤੁਕਾਮੋ ਹੋਤੀਤਿ ਇਮਿਨਾ ਸਦ੍ਧਿਂ ਪਞ੍ਚਹਿ। ਪਰਤੋ ਮਾਤਾਪਿਤੂਨਂ ਅਨੁਞ੍ਞਾਤਟ੍ਠਾਨੇਪਿ ਏਸੇવ ਨਯੋ। ਅਨ੍ਧਕਟ੍ਠਕਥਾਯਂ ਪਨ ‘‘ਯੇ ਮਾਤਾਪਿਤੂਨਂ ਉਪਟ੍ਠਾਕਾ ਞਾਤਕਾ વਾ ਅਞ੍ਞਾਤਕਾ વਾ ਤੇਸਮ੍ਪਿ ਅਪ੍ਪਹਿਤੇ ਗਨ੍ਤੁਂ વਟ੍ਟਤੀ’’ਤਿ વੁਤ੍ਤਂ, ਤਂ ਨੇવ ਅਟ੍ਠਕਥਾਯਂ, ਨ ਪਾਲ਼ਿਯਾ વੁਤ੍ਤਂ, ਤਸ੍ਮਾ ਨ ਗਹੇਤਬ੍ਬਂ।
193.Pañcannaṃsattāhakaraṇīyenāti etesaṃ bhikkhuādīnaṃ sahadhammikānaṃ ‘‘gilānabhattaṃ vā gilānupaṭṭhākabhattaṃ vā bhesajjaṃ vā pariyesissāmi , pucchissāmi vā, upaṭṭhahissāmi vā’’ti evamādinā parato vitthāretvā dassitena kāraṇena appahitepi gantabbaṃ, pageva pahite. Bhikkhu gilāno hoti, anabhirati uppannā hoti, kukkuccaṃ uppannaṃ hoti, diṭṭhigataṃ uppannaṃ hoti, garudhammaṃ ajjhāpanno hoti parivāsāraho, mūlāya paṭikassanāraho hoti, mānattāraho, abbhānāraho, saṅgho kammaṃ kattukāmo hoti, kataṃ vā saṅghena kammaṃ hotīti etehi dasahi kāraṇehi bhikkhussa santikaṃ gantabbaṃ. Bhikkhuniyā santikaṃ navahi kāraṇehi gantabbaṃ, sikkhamānāya santikaṃ chahi – ādito catūhi, sikkhā kuppitā hoti, upasampajjitukāmā hotīti. Sāmaṇerassāpi chahi – ādito catūhi, vassaṃ pucchitukāmo upasampajjitukāmo hotīti. Sāmaṇeriyā upasampadaṃ apanetvā sikkhāpadaṃ dātukāmo hotīti iminā saddhiṃ pañcahi. Parato mātāpitūnaṃ anuññātaṭṭhānepi eseva nayo. Andhakaṭṭhakathāyaṃ pana ‘‘ye mātāpitūnaṃ upaṭṭhākā ñātakā vā aññātakā vā tesampi appahite gantuṃ vaṭṭatī’’ti vuttaṃ, taṃ neva aṭṭhakathāyaṃ, na pāḷiyā vuttaṃ, tasmā na gahetabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੧੦. ਪਞ੍ਚਨ੍ਨਂ ਅਪ੍ਪਹਿਤੇਪਿ ਅਨੁਜਾਨਨਾ • 110. Pañcannaṃ appahitepi anujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੦. ਪਞ੍ਚਨ੍ਨਂ ਅਪ੍ਪਹਿਤੇਪਿ ਅਨੁਜਾਨਨਕਥਾ • 110. Pañcannaṃ appahitepi anujānanakathā
