| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
4. бан̃жабуб̣б̣анимид̇д̇асуд̇д̇ам̣
4. Pañcapubbanimittasuttaṃ
83. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
83. Vuttañhetaṃ bhagavatā, vuttamarahatāti me sutaṃ –
‘‘яад̣̇аа, бхигкавз, д̣̇зво д̣̇звагааяаа жаванад̇хаммо ход̇и, бан̃жасса буб̣б̣анимид̇д̇аани баад̇убхаванд̇и – маалаа милааяанд̇и, вад̇т̇аани гилиссанд̇и, гажчзхи сзд̣̇аа мужжанд̇и, гааяз д̣̇уб̣б̣ан̣н̣ияам̣ оггамад̇и, сагз д̣̇зво д̣̇зваасанз наабхирамад̇ийд̇и. д̇амзнам̣, бхигкавз, д̣̇зваа ‘жаванад̇хаммо аяам̣ д̣̇звабуд̇д̇о’д̇и ид̇и вид̣̇ид̇ваа д̇ийхи ваажаахи анумод̣̇знд̇и 1 – ‘ид̇о, бхо, суг̇ад̇им̣ г̇ажча, суг̇ад̇им̣ г̇анд̇ваа сулад̣̇д̇халаабхам̣ лабха, сулад̣̇д̇халаабхам̣ лабхид̇ваа суббад̇идтид̇о бхаваахий’’’д̇и.
‘‘Yadā, bhikkhave, devo devakāyā cavanadhammo hoti, pañcassa pubbanimittāni pātubhavanti – mālā milāyanti, vatthāni kilissanti, kacchehi sedā muccanti, kāye dubbaṇṇiyaṃ okkamati, sake devo devāsane nābhiramatīti. Tamenaṃ, bhikkhave, devā ‘cavanadhammo ayaṃ devaputto’ti iti viditvā tīhi vācāhi anumodenti 2 – ‘ito, bho, sugatiṃ gaccha, sugatiṃ gantvā suladdhalābhaṃ labha, suladdhalābhaṃ labhitvā suppatiṭṭhito bhavāhī’’’ti.
звам̣ вуд̇д̇з, ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гинну ко, бханд̇з, д̣̇зваанам̣ суг̇ад̇иг̇аманасан̇каад̇ам̣; гин̃жа, бханд̇з, д̣̇зваанам̣ сулад̣̇д̇халаабхасан̇каад̇ам̣ ; гим̣ бана, бханд̇з, д̣̇зваанам̣ суббад̇идтид̇асан̇каад̇а’’нд̇и?
Evaṃ vutte, aññataro bhikkhu bhagavantaṃ etadavoca – ‘‘kinnu kho, bhante, devānaṃ sugatigamanasaṅkhātaṃ; kiñca, bhante, devānaṃ suladdhalābhasaṅkhātaṃ ; kiṃ pana, bhante, devānaṃ suppatiṭṭhitasaṅkhāta’’nti?
‘‘мануссад̇д̇ам̣ ко, бхигку 3, д̣̇зваанам̣ суг̇ад̇иг̇аманасан̇каад̇ам̣; яам̣ мануссабхууд̇о самаано д̇ат̇ааг̇ад̇аббавзд̣̇ид̇з д̇хаммавинаяз сад̣̇д̇хам̣ бадилабхад̇и. ид̣̇ам̣ ко, бхигку 4, д̣̇зваанам̣ сулад̣̇д̇халаабхасан̇каад̇ам̣; саа ко банасса сад̣̇д̇хаа нивидтаа ход̇и муулаж̇аад̇аа бад̇идтид̇аа д̣̇ал̣хаа асам̣хаарияаа саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣. ид̣̇ам̣ ко, бхигку 5, д̣̇зваанам̣ суббад̇идтид̇асан̇каад̇а’’нд̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Manussattaṃ kho, bhikkhu 6, devānaṃ sugatigamanasaṅkhātaṃ; yaṃ manussabhūto samāno tathāgatappavedite dhammavinaye saddhaṃ paṭilabhati. Idaṃ kho, bhikkhu 7, devānaṃ suladdhalābhasaṅkhātaṃ; sā kho panassa saddhā niviṭṭhā hoti mūlajātā patiṭṭhitā daḷhā asaṃhāriyā samaṇena vā brāhmaṇena vā devena vā mārena vā brahmunā vā kenaci vā lokasmiṃ. Idaṃ kho, bhikkhu 8, devānaṃ suppatiṭṭhitasaṅkhāta’’nti. Etamatthaṃ bhagavā avoca. Tatthetaṃ iti vuccati –
‘‘яад̣̇аа д̣̇зво д̣̇звагааяаа, жавад̇и ааяусан̇каяаа;
‘‘Yadā devo devakāyā, cavati āyusaṅkhayā;
д̇аяо сад̣̇д̣̇аа нижчаранд̇и, д̣̇зваанам̣ анумод̣̇ад̇ам̣.
Tayo saddā niccharanti, devānaṃ anumodataṃ.
‘‘‘ид̇о бхо суг̇ад̇им̣ г̇ажча, мануссаанам̣ сахаб̣яад̇ам̣;
‘‘‘Ito bho sugatiṃ gaccha, manussānaṃ sahabyataṃ;
мануссабхууд̇о сад̣̇д̇хаммз, лабха сад̣̇д̇хам̣ ануд̇д̇арам̣.
Manussabhūto saddhamme, labha saddhaṃ anuttaraṃ.
‘‘‘саа д̇з сад̣̇д̇хаа нивидтасса, муулаж̇аад̇аа бад̇идтид̇аа;
‘‘‘Sā te saddhā niviṭṭhassa, mūlajātā patiṭṭhitā;
яааваж̇ийвам̣ асам̣хийраа, сад̣̇д̇хаммз суббавзд̣̇ид̇з.
Yāvajīvaṃ asaṃhīrā, saddhamme suppavedite.
‘‘‘гааяад̣̇ужжарид̇ам̣ хид̇ваа, важийд̣̇ужжарид̇аани жа;
‘‘‘Kāyaduccaritaṃ hitvā, vacīduccaritāni ca;
манод̣̇ужжарид̇ам̣ хид̇ваа, яан̃жан̃н̃ам̣ д̣̇осасан̃хид̇ам̣.
Manoduccaritaṃ hitvā, yañcaññaṃ dosasañhitaṃ.
‘‘‘гааязна гусалам̣ гад̇ваа, ваажааяа гусалам̣ б̣ахум̣;
‘‘‘Kāyena kusalaṃ katvā, vācāya kusalaṃ bahuṃ;
манасаа гусалам̣ гад̇ваа, аббамаан̣ам̣ нируубад̇хим̣.
Manasā kusalaṃ katvā, appamāṇaṃ nirūpadhiṃ.
‘‘‘д̇ад̇о обад̇хигам̣ бун̃н̃ам̣, гад̇ваа д̣̇аанзна д̇ам̣ б̣ахум̣;
‘‘‘Tato opadhikaṃ puññaṃ, katvā dānena taṃ bahuṃ;
ан̃н̃зби мажжз сад̣̇д̇хаммз, б̣рахмажарияз нивзсаяа’ 9.
Aññepi macce saddhamme, brahmacariye nivesaya’ 10.
‘‘имааяа анугамбааяа, д̣̇зваа д̣̇звам̣ яад̣̇аа вид̣̇уу;
‘‘Imāya anukampāya, devā devaṃ yadā vidū;
жаванд̇ам̣ анумод̣̇знд̇и, зхи д̣̇зва бунаббуна’’нд̇и.
Cavantaṃ anumodenti, ehi deva punappuna’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. жад̇уд̇т̇ам̣.
Ayampi attho vutto bhagavatā, iti me sutanti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 4. бан̃жабуб̣б̣анимид̇д̇асуд̇д̇аван̣н̣анаа • 4. Pañcapubbanimittasuttavaṇṇanā
