| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೬. ಪಞ್ಚಪುತ್ತಖಾದಪೇತಿವತ್ಥು
6. Pañcaputtakhādapetivatthu
೨೬.
26.
‘‘ನಗ್ಗಾ ದುಬ್ಬಣ್ಣರೂಪಾಸಿ, ದುಗ್ಗನ್ಧಾ ಪೂತಿ ವಾಯಸಿ।
‘‘Naggā dubbaṇṇarūpāsi, duggandhā pūti vāyasi;
ಮಕ್ಖಿಕಾಹಿ ಪರಿಕಿಣ್ಣಾ 1, ಕಾ ನು ತ್ವಂ ಇಧ ತಿಟ್ಠಸೀ’’ತಿ॥
Makkhikāhi parikiṇṇā 2, kā nu tvaṃ idha tiṭṭhasī’’ti.
೨೭.
27.
ಪಾಪಕಮ್ಮಂ ಕರಿತ್ವಾನ, ಪೇತಲೋಕಂ ಇತೋ ಗತಾ॥
Pāpakammaṃ karitvāna, petalokaṃ ito gatā.
೨೮.
28.
‘‘ಕಾಲೇನ ಪಞ್ಚ ಪುತ್ತಾನಿ, ಸಾಯಂ ಪಞ್ಚ ಪುನಾಪರೇ।
‘‘Kālena pañca puttāni, sāyaṃ pañca punāpare;
ವಿಜಾಯಿತ್ವಾನ ಖಾದಾಮಿ, ತೇಪಿ ನಾ ಹೋನ್ತಿ ಮೇ ಅಲಂ॥
Vijāyitvāna khādāmi, tepi nā honti me alaṃ.
೨೯.
29.
ಪಾನೀಯಂ ನ ಲಭೇ ಪಾತುಂ, ಪಸ್ಸ ಮಂ ಬ್ಯಸನಂ ಗತ’’ನ್ತಿ॥
Pānīyaṃ na labhe pātuṃ, passa maṃ byasanaṃ gata’’nti.
೩೦.
30.
‘‘ಕಿಂ ನು ಕಾಯೇನ ವಾಚಾಯ, ಮನಸಾ ದುಕ್ಕಟಂ ಕತಂ।
‘‘Kiṃ nu kāyena vācāya, manasā dukkaṭaṃ kataṃ;
ಕಿಸ್ಸ ಕಮ್ಮವಿಪಾಕೇನ, ಪುತ್ತಮಂಸಾನಿ ಖಾದಸೀ’’ತಿ॥
Kissa kammavipākena, puttamaṃsāni khādasī’’ti.
೩೧.
31.
ಸಾಹಂ ಪದುಟ್ಠಮನಸಾ, ಅಕರಿಂ ಗಬ್ಭಪಾತನಂ॥
Sāhaṃ paduṭṭhamanasā, akariṃ gabbhapātanaṃ.
೩೨.
32.
‘‘ತಸ್ಸಾ ದ್ವೇಮಾಸಿಕೋ ಗಬ್ಭೋ, ಲೋಹಿತಞ್ಞೇವ ಪಗ್ಘರಿ।
‘‘Tassā dvemāsiko gabbho, lohitaññeva pagghari;
ತದಸ್ಸಾ ಮಾತಾ ಕುಪಿತಾ, ಮಯ್ಹಂ ಞಾತೀ ಸಮಾನಯಿ।
Tadassā mātā kupitā, mayhaṃ ñātī samānayi;
ಸಪಥಞ್ಚ ಮಂ ಕಾರೇಸಿ, ಪರಿಭಾಸಾಪಯೀ ಚ ಮಂ॥
Sapathañca maṃ kāresi, paribhāsāpayī ca maṃ.
೩೩.
33.
‘‘ಸಾಹಂ ಘೋರಞ್ಚ ಸಪಥಂ, ಮುಸಾವಾದಂ ಅಭಾಸಿಸಂ।
‘‘Sāhaṃ ghorañca sapathaṃ, musāvādaṃ abhāsisaṃ;
ಪುತ್ತಮಂಸಾನಿ ಖಾದಾಮಿ, ಸಚೇ ತಂ ಪಕತಂ ಮಯಾ॥
Puttamaṃsāni khādāmi, sace taṃ pakataṃ mayā.
೩೪.
34.
ಪುತ್ತಮಂಸಾನಿ ಖಾದಾಮಿ, ಪುಬ್ಬಲೋಹಿತಮಕ್ಖಿತಾ’’ತಿ॥
Puttamaṃsāni khādāmi, pubbalohitamakkhitā’’ti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೬. ಪಞ್ಚಪುತ್ತಖಾದಕಪೇತಿವತ್ಥುವಣ್ಣನಾ • 6. Pañcaputtakhādakapetivatthuvaṇṇanā
