| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. бан̃жарааж̇асуд̇д̇аван̣н̣анаа
2. Pañcarājasuttavaṇṇanā
123. д̣̇уд̇ияз руубаад̇и нийлабийд̇аад̣̇ибхзд̣̇ам̣ руубаарамман̣ам̣. гаамаанам̣ аг̇г̇анд̇и зд̇ам̣ гаамаанам̣ уд̇д̇амам̣ сздтанд̇и руубаг̇аруго ааха. сзсзсуби зсзва наяо. яад̇од̇и яад̣̇аа. манаабабарияанд̇анд̇и манаабанибпад̇д̇игам̣ манаабагодигам̣. д̇ад̇т̇а д̣̇вз манаабаани буг̇г̇аламанаабам̣ саммуд̇иманаабан̃жа. буг̇г̇аламанаабам̣ наама яам̣ згасса буг̇г̇аласса идтам̣ ганд̇ам̣ ход̇и, д̇ад̣̇зва ан̃н̃асса анидтам̣ аганд̇ам̣. бажжанд̇аваасийнан̃хи г̇ан̣д̣уббаад̣̇ааби идтаа хонд̇и ганд̇аа манаабаа, маж̇жхимад̣̇зсаваасийнам̣ ад̇иж̇зг̇ужчаа. д̇зсан̃жа морамам̣саад̣̇ийни идтаани хонд̇и, ид̇арзсам̣ д̇аани ад̇иж̇зг̇ужчаани. ид̣̇ам̣ буг̇г̇аламанаабам̣. ид̇арам̣ саммуд̇иманаабам̣.
123. Dutiye rūpāti nīlapītādibhedaṃ rūpārammaṇaṃ. Kāmānaṃ agganti etaṃ kāmānaṃ uttamaṃ seṭṭhanti rūpagaruko āha. Sesesupi eseva nayo. Yatoti yadā. Manāpapariyantanti manāpanipphattikaṃ manāpakoṭikaṃ. Tattha dve manāpāni puggalamanāpaṃ sammutimanāpañca. Puggalamanāpaṃ nāma yaṃ ekassa puggalassa iṭṭhaṃ kantaṃ hoti, tadeva aññassa aniṭṭhaṃ akantaṃ. Paccantavāsīnañhi gaṇḍuppādāpi iṭṭhā honti kantā manāpā, majjhimadesavāsīnaṃ atijegucchā. Tesañca moramaṃsādīni iṭṭhāni honti, itaresaṃ tāni atijegucchāni. Idaṃ puggalamanāpaṃ. Itaraṃ sammutimanāpaṃ.
идтаанидтаарамман̣ам̣ наама логз бадивибхад̇д̇ам̣ над̇т̇и, вибхаж̇ид̇ваа бана д̣̇ассзд̇аб̣б̣ам̣. вибхаж̇анд̇зна жа на ад̇ииссараанам̣ махаасаммад̇амахаасуд̣̇ассанад̇хаммаасогаад̣̇ийнам̣ васзна вибхаж̇ид̇аб̣б̣ам̣. д̇зсан̃хи д̣̇иббагаббамби аарамман̣ам̣ аманаабам̣ убадтаад̇и. ад̇ид̣̇уг̇г̇ад̇аанам̣ д̣̇уллабханнабаанаанам̣ васзнаби на вибхаж̇ид̇аб̣б̣ам̣. д̇зсан̃хи ган̣ааж̇агабхад̇д̇асид̇т̇ааниби бууд̇имам̣сасса расоби ад̇имад̇хуро амад̇асад̣̇исо ход̇и. маж̇жхимаанам̣ бана г̇ан̣агамахаамад̇д̇асздти гудумб̣игаваан̣иж̇аад̣̇ийнам̣ гаалзна идтам̣ гаалзна анидтам̣ лабхамаанаанам̣ васзна вибхаж̇ид̇аб̣б̣ам̣. д̇ан̃жа банзд̇ам̣ аарамман̣ам̣ ж̇аванам̣ барижчинд̣̇ид̇ум̣ на саггод̇и. ж̇аванан̃хи идтзби раж̇ж̇ад̇и анидтзби, идтзби д̣̇уссад̇и анидтзби. зганд̇ад̇о бана вибаагажид̇д̇ам̣ идтаанидтам̣ барижчинд̣̇ад̇и. гин̃жааби хи мижчаад̣̇идтигаа б̣уд̣̇д̇хам̣ ваа сан̇гхам̣ ваа махаажзд̇ияаад̣̇ийни ваа ул̣аараани аарамман̣аани д̣̇исваа агкийни бид̣̇аханд̇и д̣̇оманассам̣ аабаж̇ж̇анд̇и, д̇хаммасад̣̇д̣̇ам̣ суд̇ваа ган̣н̣з т̇агзнд̇и, жагкувин̃н̃аан̣асод̇авин̃н̃аан̣аани бана д̇зсам̣ гусалавибаагаанзва хонд̇и. гин̃жааби г̇уут̇асуугараад̣̇аяо г̇уут̇аг̇анд̇хам̣ гхааяид̇ваа каад̣̇ид̇ум̣ лабхиссаамаад̇и соманассаж̇аад̇аа хонд̇и, г̇уут̇ад̣̇ассанз бана нзсам̣ жагкувин̃н̃аан̣ам̣, д̇асса г̇анд̇хагхааяанз гхаанавин̃н̃аан̣ам̣, расасааяанз ж̇ивхаавин̃н̃аан̣ан̃жа агусалавибаагамзва ход̇и. бхаг̇аваа бана буг̇г̇аламанаабад̇ам̣ санд̇хааяа д̇з жа, махаарааж̇а, руубаад̇иаад̣̇имааха.
Iṭṭhāniṭṭhārammaṇaṃ nāma loke paṭivibhattaṃ natthi, vibhajitvā pana dassetabbaṃ. Vibhajantena ca na atiissarānaṃ mahāsammatamahāsudassanadhammāsokādīnaṃ vasena vibhajitabbaṃ. Tesañhi dippakappampi ārammaṇaṃ amanāpaṃ upaṭṭhāti. Atiduggatānaṃ dullabhannapānānaṃ vasenapi na vibhajitabbaṃ. Tesañhi kaṇājakabhattasitthānipi pūtimaṃsassa rasopi atimadhuro amatasadiso hoti. Majjhimānaṃ pana gaṇakamahāmattaseṭṭhi kuṭumbikavāṇijādīnaṃ kālena iṭṭhaṃ kālena aniṭṭhaṃ labhamānānaṃ vasena vibhajitabbaṃ. Tañca panetaṃ ārammaṇaṃ javanaṃ paricchindituṃ na sakkoti. Javanañhi iṭṭhepi rajjati aniṭṭhepi, iṭṭhepi dussati aniṭṭhepi. Ekantato pana vipākacittaṃ iṭṭhāniṭṭhaṃ paricchindati. Kiñcāpi hi micchādiṭṭhikā buddhaṃ vā saṅghaṃ vā mahācetiyādīni vā uḷārāni ārammaṇāni disvā akkhīni pidahanti domanassaṃ āpajjanti, dhammasaddaṃ sutvā kaṇṇe thakenti, cakkhuviññāṇasotaviññāṇāni pana tesaṃ kusalavipākāneva honti. Kiñcāpi gūthasūkarādayo gūthagandhaṃ ghāyitvā khādituṃ labhissāmāti somanassajātā honti, gūthadassane pana nesaṃ cakkhuviññāṇaṃ, tassa gandhaghāyane ghānaviññāṇaṃ, rasasāyane jivhāviññāṇañca akusalavipākameva hoti. Bhagavā pana puggalamanāpataṃ sandhāya te ca, mahārāja, rūpātiādimāha.
жанд̣̇анан̇г̇алигод̇и ид̣̇ам̣ д̇асса убаасагасса наамам̣. бадибхаад̇и мам̣ бхаг̇аваад̇и бхаг̇аваа маяхам̣ згам̣ гааран̣ам̣ убадтаад̇и бан̃н̃ааяад̇и. д̇асса д̇з бан̃жа рааж̇аано аамуд̇д̇аман̣игун̣д̣алз саж̇ж̇ид̇ааяа аабаанабхуумияаа нисиннавасзнзва махад̇аа рааж̇аанубхаавзна барамзна иссарияавибхавзна ааг̇анд̇вааби д̣̇асаб̣аласса санд̇игз тид̇агаалад̇о бадтааяа д̣̇иваа бад̣̇ийбз вияа уд̣̇агаабхисид̇д̇з ан̇г̇аарз вияа суурияудтаанз каж̇ж̇обанагз вияа жа хад̇аббабхз хад̇асобхз д̇ам̣ д̇ат̇ааг̇ад̇ан̃жа д̇зхи сад̇аг̇ун̣зна сахассаг̇ун̣зна вирожамаанам̣ д̣̇исваа, ‘‘маханд̇аа вад̇а бхо б̣уд̣̇д̇хаа наамаа’’д̇и бадибхаанам̣ уд̣̇абаад̣̇и. д̇асмаа звамааха.
Candanaṅgalikoti idaṃ tassa upāsakassa nāmaṃ. Paṭibhāti maṃ bhagavāti bhagavā mayhaṃ ekaṃ kāraṇaṃ upaṭṭhāti paññāyati. Tassa te pañca rājāno āmuttamaṇikuṇḍale sajjitāya āpānabhūmiyā nisinnavaseneva mahatā rājānubhāvena paramena issariyavibhavena āgantvāpi dasabalassa santike ṭhitakālato paṭṭhāya divā padīpe viya udakābhisitte aṅgāre viya sūriyuṭṭhāne khajjopanake viya ca hatappabhe hatasobhe taṃ tathāgatañca tehi sataguṇena sahassaguṇena virocamānaṃ disvā, ‘‘mahantā vata bho buddhā nāmā’’ti paṭibhānaṃ udapādi. Tasmā evamāha.
гоганад̣̇анд̇и бад̣̇умассзвзд̇ам̣ взважанам̣. баад̇од̇и гаалассзва. сияаад̇и бхавзяяа. авийд̇аг̇анд̇ханд̇и авиг̇ад̇аг̇анд̇хам̣. ан̇г̇ийрасанд̇и саммаасамб̣уд̣̇д̇хам̣. бхаг̇авад̇о хи ан̇г̇ад̇о расмияо нигкаманд̇и, д̇асмаа ан̇г̇ийрасод̇и вужжад̇и. яат̇аа гоганад̣̇асан̇каад̇ам̣ бад̣̇умам̣ баад̇ова пуллам̣ авийд̇аг̇анд̇хам̣ сияаа, звамзва бхаг̇аванд̇ам̣ ан̇г̇ийрасам̣ д̇абанд̇ам̣ аад̣̇ижжамива анд̇алигкз вирожамаанам̣ бассаад̇и аяамзд̇т̇а сан̇кзбад̇т̇о. бхаг̇аванд̇ам̣ ажчаад̣̇зсийд̇и бхаг̇авад̇о ад̣̇аасийд̇и ад̇т̇о. логавохаарад̇о банзд̇т̇а ийд̣̇исам̣ важанам̣ ход̇и. со гира убаасаго – ‘‘зд̇з д̇ат̇ааг̇ад̇асса г̇ун̣зсу басийд̣̇ид̇ваа маяхам̣ бан̃жа уд̇д̇араасан̇г̇з д̣̇знд̇и, ахамби д̇з бхаг̇авад̇ова д̣̇ассаамий’’д̇и жинд̇зд̇ваа ад̣̇ааси. д̣̇уд̇ияам̣.
Kokanadanti padumassevetaṃ vevacanaṃ. Pātoti kālasseva. Siyāti bhaveyya. Avītagandhanti avigatagandhaṃ. Aṅgīrasanti sammāsambuddhaṃ. Bhagavato hi aṅgato rasmiyo nikkhamanti, tasmā aṅgīrasoti vuccati. Yathā kokanadasaṅkhātaṃ padumaṃ pātova phullaṃ avītagandhaṃ siyā, evameva bhagavantaṃ aṅgīrasaṃ tapantaṃ ādiccamiva antalikkhe virocamānaṃ passāti ayamettha saṅkhepattho. Bhagavantaṃ acchādesīti bhagavato adāsīti attho. Lokavohārato panettha īdisaṃ vacanaṃ hoti. So kira upāsako – ‘‘ete tathāgatassa guṇesu pasīditvā mayhaṃ pañca uttarāsaṅge denti, ahampi te bhagavatova dassāmī’’ti cintetvā adāsi. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. бан̃жарааж̇асуд̇д̇ам̣ • 2. Pañcarājasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. бан̃жарааж̇асуд̇д̇аван̣н̣анаа • 2. Pañcarājasuttavaṇṇanā
