| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. бан̃жарааж̇асуд̇д̇аван̣н̣анаа
2. Pañcarājasuttavaṇṇanā
123. руубаад̇и руубасан̇каад̇аа гаамаг̇ун̣аа. д̇з бана нийлаад̣̇ивасзна анзгабхзд̣̇абхиннааби руубааяад̇анад̇д̇аа жагкувин̃н̃зяяад̇ам̣ наад̇ивад̇д̇анд̇ийд̇и ааха ‘‘нийлабийд̇аад̣̇ибхзд̣̇ам̣ руубаарамман̣а’’нд̇и. д̇о-сад̣̇д̣̇оби д̣̇аа-сад̣̇д̣̇о вияа гаалад̇т̇о ход̇ийд̇и ааха ‘‘яад̇од̇и яад̣̇аа’’д̇и. манам̣ аабаяад̇и вад̣дхзд̇ийд̇и манаабам̣, манорамам̣. манаабанибпад̇д̇ид̇анд̇и д̇асса буг̇г̇аласса манасаа бияааяид̇ам̣, д̇асса аг̇г̇абхаавзна барияанд̇ам̣ барамам̣ годим̣ гад̇ваа бавад̇д̇ид̇анд̇и ад̇т̇о. буг̇г̇аламанаабанд̇и аарамман̣асабхаавам̣ ажинд̇зд̇ваа буг̇г̇аласса васзна манаабабхаавзнзва идтад̇ааяа идтанд̇и. саммуд̇ийд̇и саман̃н̃аа. буг̇г̇аламанаабам̣ наама сан̃н̃аавибаллаасавасзна вибарийд̇амби г̇ан̣хаад̇и ид̇арасабхаавад̇од̇и ааха ‘‘яам̣ згасса…бз… идтам̣ ганд̇а’’нд̇и. ид̣̇аани д̇ам̣ ж̇ивхаавин̃н̃зяяавасзна яож̇зд̇ваа д̣̇ассзнд̇о ‘‘бажжанд̇аваасийна’’нд̇иаад̣̇имааха. ид̣̇ам̣ буг̇г̇аламанаабанд̇и ид̣̇ам̣ яат̇аавуд̇д̇ам̣ ж̇ивхаавин̃н̃зяяам̣ вияа ан̃н̃амби звам̣ж̇аад̇игам̣ д̇зна д̇зна буг̇г̇алзна манаабанд̇и г̇ахзд̇аб̣б̣аарамман̣ам̣ буг̇г̇аламанаабам̣ наама.
123.Rūpāti rūpasaṅkhātā kāmaguṇā. Te pana nīlādivasena anekabhedabhinnāpi rūpāyatanattā cakkhuviññeyyataṃ nātivattantīti āha ‘‘nīlapītādibhedaṃ rūpārammaṇa’’nti. To-saddopi dā-saddo viya kālattho hotīti āha ‘‘yatoti yadā’’ti. Manaṃ āpayati vaḍḍhetīti manāpaṃ, manoramaṃ. Manāpanipphattitanti tassa puggalassa manasā piyāyitaṃ, tassa aggabhāvena pariyantaṃ paramaṃ koṭiṃ katvā pavattitanti attho. Puggalamanāpanti ārammaṇasabhāvaṃ acintetvā puggalassa vasena manāpabhāveneva iṭṭhatāya iṭṭhanti. Sammutīti samaññā. Puggalamanāpaṃ nāma saññāvipallāsavasena viparītampi gaṇhāti itarasabhāvatoti āha ‘‘yaṃ ekassa…pe… iṭṭhaṃ kanta’’nti. Idāni taṃ jivhāviññeyyavasena yojetvā dassento ‘‘paccantavāsīna’’ntiādimāha. Idaṃ puggalamanāpanti idaṃ yathāvuttaṃ jivhāviññeyyaṃ viya aññampi evaṃjātikaṃ tena tena puggalena manāpanti gahetabbārammaṇaṃ puggalamanāpaṃ nāma.
логз бадивибхад̇д̇ам̣ над̇т̇и, вибхаж̇ид̇ваа д̣̇ассанзна логзна мад̇хураж̇аад̇знаби бадивибхад̇д̇ам̣ гад̇ваа г̇ахзд̇ум̣ на саггун̣зяяаад̇и ад̇хиббааяо. д̇знааха ‘‘вибхаж̇ид̇ваа бана д̣̇ассзд̇аб̣б̣а’’нд̇и. д̣̇иб̣б̣агаббамбийд̇и д̣̇звалогабарияаабаннасад̣̇исамби аманаабам̣ убадтаад̇и ул̣аарабан̣ийд̇аарамман̣абарижаяад̇о. маж̇жхимаанам̣ бана…бз… вибхаж̇ид̇аб̣б̣ам̣ д̇зсам̣ манаабасса манаабад̇о, аманаабасса аманаабад̇о убадтаанад̇о. д̇ад̇т̇аби идтаанидтабарижчзд̣̇о ниббарияааяад̇о звам̣ взд̣̇ид̇аб̣б̣од̇и д̣̇ассзнд̇о ааха ‘‘д̇ан̃жа банзд̇а’’нд̇иаад̣̇и. д̇ан̃жа банзд̇ам̣ идтаанидтабхууд̇ам̣ аарамман̣ам̣ гаамааважараж̇аванзсу агусаласса васзна язбхуяязна бавад̇д̇ад̇ийд̇и гад̇ваа д̇ад̇т̇а ‘‘раж̇ж̇ад̇и д̣̇уссад̇ий’’д̇и агусалассзва бавад̇д̇и д̣̇ассид̇аа. сзсагаамааважарассаби васзна бавад̇д̇и лаб̣бхад̇зва. д̇ат̇аа хи д̇ам̣ аббадигуулзби бадигуулаагаарад̇о, бадигуулзби аббадигуулаагаарад̇о бавад̇д̇ад̇ийд̇и. вибаагажид̇д̇ам̣ идтаанидтам̣ барижчинд̣̇ад̇и, на саггаа вибаагам̣ ван̃жзд̇унд̇и. гусалагаммам̣ хи зганд̇ад̇о идтамзва, агусалагамман̃жа анидтамзва, д̇асмаа д̇ад̇т̇а уббаж̇ж̇амаанам̣ вибаагажид̇д̇ам̣ яат̇аасабхаавад̇о бавад̇д̇ад̇ийд̇и.
Loke paṭivibhattaṃ natthi, vibhajitvā dassanena lokena madhurajātenapi paṭivibhattaṃ katvā gahetuṃ na sakkuṇeyyāti adhippāyo. Tenāha ‘‘vibhajitvā pana dassetabba’’nti. Dibbakappampīti devalokapariyāpannasadisampi amanāpaṃ upaṭṭhāti uḷārapaṇītārammaṇaparicayato. Majjhimānaṃ pana…pe… vibhajitabbaṃ tesaṃ manāpassa manāpato, amanāpassa amanāpato upaṭṭhānato. Tatthapi iṭṭhāniṭṭhaparicchedo nippariyāyato evaṃ veditabboti dassento āha ‘‘tañca paneta’’ntiādi. Tañca panetaṃ iṭṭhāniṭṭhabhūtaṃ ārammaṇaṃ kāmāvacarajavanesu akusalassa vasena yebhuyyena pavattatīti katvā tattha ‘‘rajjati dussatī’’ti akusalasseva pavatti dassitā. Sesakāmāvacarassapi vasena pavatti labbhateva. Tathā hi taṃ appaṭikūlepi paṭikūlākārato, paṭikūlepi appaṭikūlākārato pavattatīti. Vipākacittaṃ iṭṭhāniṭṭhaṃ paricchindati, na sakkā vipākaṃ vañcetunti. Kusalakammaṃ hi ekantato iṭṭhameva, akusalakammañca aniṭṭhameva, tasmā tattha uppajjamānaṃ vipākacittaṃ yathāsabhāvato pavattatīti.
яам̣ бана саммохавинод̣̇анияам̣ ‘‘гусалагаммаж̇ам̣ анидтам̣ наама над̇т̇ий’’д̇и зд̇д̇агамзва вуд̇д̇ам̣, д̇ам̣ бана нид̣̇ассанамад̇д̇ам̣ д̣̇адтаб̣б̣ам̣. д̇зна собханам̣ агусалагаммаж̇амби згажжаанам̣ сад̇д̇аанам̣ идтанд̇и анун̃н̃аад̇ам̣ сияаа. гусалагаммаж̇ам̣ бана саб̣б̣зсам̣ идтамзваад̇и вад̣̇анд̇и. д̇иражчаанаг̇ад̇аанам̣ гзсан̃жи мануссаруубам̣ аманаабам̣, яад̇о д̇з д̣̇исваава балааяанд̇и. мануссаа жа д̣̇звад̇аанам̣ руубам̣ д̣̇исваа бхааяанд̇и, д̇зсамби вибаагавин̃н̃аан̣ам̣ д̇ам̣ руубам̣ аараб̣бха гусалавибаагамзва уббаж̇ж̇ад̇и, д̇аад̣̇исасса бана бун̃н̃асса абхааваа на д̇зсам̣ д̇ад̇т̇а абхирад̇и ход̇ийд̇и д̣̇адтаб̣б̣ам̣. гусалагаммаж̇асса бана анидтасса абхааво вияа агусалагаммаж̇асса собханасса идтасса абхааво вад̇д̇аб̣б̣о. хад̇т̇иаад̣̇ийнамби хи агусалагаммаж̇ам̣ мануссаанам̣ агусалавибаагассзва аарамман̣ам̣, гусалагаммаж̇ам̣ бана бавад̇д̇з самудтид̇ам̣ гусалавибаагасса, идтаарамман̣зна вомиссагад̇д̇аа аббагам̣ агусалагаммаж̇ам̣ б̣ахулам̣ агусалавибаагуббад̇д̇ияаа гааран̣ам̣ на бхависсад̇ийд̇и саггаа вад̇д̇ум̣. ид̣̇аани д̇амзва вибаагавасзна идтаанидтаарамман̣ававад̇т̇аанам̣ вибхаавзд̇ум̣ ‘‘гин̃жааби хий’’д̇иаад̣̇и вуд̇д̇ам̣. д̇аяид̣̇ам̣ саммуд̇иманаабасам̣вибхааг̇ад̇т̇ам̣ вуд̇д̇ам̣, ид̇ха бана на д̇ат̇аа вибхад̇д̇анд̇и ааха ‘‘бхаг̇аваа банаа’’д̇иаад̣̇и.
Yaṃ pana sammohavinodaniyaṃ ‘‘kusalakammajaṃ aniṭṭhaṃ nāma natthī’’ti ettakameva vuttaṃ, taṃ pana nidassanamattaṃ daṭṭhabbaṃ. Tena sobhanaṃ akusalakammajampi ekaccānaṃ sattānaṃ iṭṭhanti anuññātaṃ siyā. Kusalakammajaṃ pana sabbesaṃ iṭṭhamevāti vadanti. Tiracchānagatānaṃ kesañci manussarūpaṃ amanāpaṃ, yato te disvāva palāyanti. Manussā ca devatānaṃ rūpaṃ disvā bhāyanti, tesampi vipākaviññāṇaṃ taṃ rūpaṃ ārabbha kusalavipākameva uppajjati, tādisassa pana puññassa abhāvā na tesaṃ tattha abhirati hotīti daṭṭhabbaṃ. Kusalakammajassa pana aniṭṭhassa abhāvo viya akusalakammajassa sobhanassa iṭṭhassa abhāvo vattabbo. Hatthiādīnampi hi akusalakammajaṃ manussānaṃ akusalavipākasseva ārammaṇaṃ, kusalakammajaṃ pana pavatte samuṭṭhitaṃ kusalavipākassa, iṭṭhārammaṇena vomissakattā appakaṃ akusalakammajaṃ bahulaṃ akusalavipākuppattiyā kāraṇaṃ na bhavissatīti sakkā vattuṃ. Idāni tameva vipākavasena iṭṭhāniṭṭhārammaṇavavatthānaṃ vibhāvetuṃ ‘‘kiñcāpi hī’’tiādi vuttaṃ. Tayidaṃ sammutimanāpasaṃvibhāgatthaṃ vuttaṃ, idha pana na tathā vibhattanti āha ‘‘bhagavā panā’’tiādi.
со убаасаго жанд̣̇анан̇г̇алаг̇аамз ж̇аад̇ад̇д̇аа ‘‘жанд̣̇анан̇г̇алиго’’д̇и бан̃н̃ааяад̇и, ‘‘жанд̣̇анавилаасо’’д̇и гзжи. д̇асса убаасагасса бадибхаанам̣ уд̣̇абаад̣̇ийд̇и яож̇анаа. д̇з рааж̇аано хад̇аббабхз хад̇асобхз д̣̇исваад̇и самб̣анд̇хо. уд̣̇агаабхисид̇д̇зд̇и уд̣̇агзна абхисин̃жид̇з. ан̇г̇аарз вияаад̇и ан̇г̇аарагкан̣з вияа.
So upāsako candanaṅgalagāme jātattā ‘‘candanaṅgaliko’’ti paññāyati, ‘‘candanavilāso’’ti keci. Tassa upāsakassa paṭibhānaṃ udapādīti yojanā. Te rājāno hatappabhe hatasobhe disvāti sambandho. Udakābhisitteti udakena abhisiñcite. Aṅgāre viyāti aṅgārakkhaṇe viya.
гаалассзваад̇и баг̇зва. авиг̇ад̇аг̇анд̇хам̣ д̇ан̇кан̣авигасид̇ад̇ааяа. ийд̣̇исам̣ важананд̇и ‘‘ажчаад̣̇зсий’’д̇и зваруубам̣ важананд̇и.
Kālassevāti pageva. Avigatagandhaṃ taṅkhaṇavikasitatāya. Īdisaṃ vacananti ‘‘acchādesī’’ti evarūpaṃ vacananti.
бан̃жарааж̇асуд̇д̇аван̣н̣анаа нидтид̇аа.
Pañcarājasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. бан̃жарааж̇асуд̇д̇ам̣ • 2. Pañcarājasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бан̃жарааж̇асуд̇д̇аван̣н̣анаа • 2. Pañcarājasuttavaṇṇanā
