| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. бан̃жарат̇асад̇асуд̇д̇ам̣
6. Pañcarathasatasuttaṃ
185. рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна д̣̇звад̣̇ад̇д̇асса аж̇аад̇асад̇д̇угумааро бан̃жахи рат̇асад̇зхи сааяам̣ баад̇ам̣ убадтаанам̣ г̇ажчад̇и, бан̃жа жа т̇аалибаагасад̇аани бхад̇д̇аабхихааро абхихарийяад̇и. ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘д̣̇звад̣̇ад̇д̇асса, бханд̇з, аж̇аад̇асад̇д̇угумааро бан̃жахи рат̇асад̇зхи сааяам̣ баад̇ам̣ убадтаанам̣ г̇ажчад̇и, бан̃жа жа т̇аалибаагасад̇аани бхад̇д̇аабхихааро абхихарийяад̇ий’’д̇и. ‘‘маа, бхигкавз, д̣̇звад̣̇ад̇д̇асса лаабхасаггаарасилогам̣ бихаяид̇т̇а. яаавагийван̃жа, бхигкавз, д̣̇звад̣̇ад̇д̇асса аж̇аад̇асад̇д̇угумааро бан̃жахи рат̇асад̇зхи сааяам̣ баад̇ам̣ убадтаанам̣ г̇амиссад̇и, бан̃жа жа т̇аалибаагасад̇аани бхад̇д̇аабхихааро аахарийяиссад̇и, хааниязва, бхигкавз, д̣̇звад̣̇ад̇д̇асса баадиган̇каа гусалзсу д̇хаммзсу, но вуд̣̇д̇хи’’.
185. Rājagahe viharati veḷuvane kalandakanivāpe. Tena kho pana samayena devadattassa ajātasattukumāro pañcahi rathasatehi sāyaṃ pātaṃ upaṭṭhānaṃ gacchati, pañca ca thālipākasatāni bhattābhihāro abhiharīyati. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘devadattassa, bhante, ajātasattukumāro pañcahi rathasatehi sāyaṃ pātaṃ upaṭṭhānaṃ gacchati, pañca ca thālipākasatāni bhattābhihāro abhiharīyatī’’ti. ‘‘Mā, bhikkhave, devadattassa lābhasakkārasilokaṃ pihayittha. Yāvakīvañca, bhikkhave, devadattassa ajātasattukumāro pañcahi rathasatehi sāyaṃ pātaṃ upaṭṭhānaṃ gamissati, pañca ca thālipākasatāni bhattābhihāro āharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuddhi’’.
‘‘сзяяат̇ааби, бхигкавз, жан̣д̣асса гуггурасса наасааяа бид̇д̇ам̣ бхинд̣̇зяяум̣ , зван̃хи со, бхигкавз , гуггуро бхияяосомад̇д̇ааяа жан̣д̣ад̇аро асса; звамзва, бхигкавз, яаавагийван̃жа д̣̇звад̣̇ад̇д̇асса аж̇аад̇асад̇д̇угумааро бан̃жахи рат̇асад̇зхи сааяам̣ баад̇ам̣ убадтаанам̣ г̇амиссад̇и, бан̃жа жа т̇аалибаагасад̇аани бхад̇д̇аабхихааро аахарийяиссад̇и, хааниязва, бхигкавз, д̣̇звад̣̇ад̇д̇асса баадиган̇каа гусалзсу д̇хаммзсу, но вуд̣̇д̇хи. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. чадтам̣.
‘‘Seyyathāpi, bhikkhave, caṇḍassa kukkurassa nāsāya pittaṃ bhindeyyuṃ , evañhi so, bhikkhave , kukkuro bhiyyosomattāya caṇḍataro assa; evameva, bhikkhave, yāvakīvañca devadattassa ajātasattukumāro pañcahi rathasatehi sāyaṃ pātaṃ upaṭṭhānaṃ gamissati, pañca ca thālipākasatāni bhattābhihāro āharīyissati, hāniyeva, bhikkhave, devadattassa pāṭikaṅkhā kusalesu dhammesu, no vuddhi. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. бан̃жарат̇асад̇асуд̇д̇аван̣н̣анаа • 6. Pañcarathasatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. бан̃жарат̇асад̇асуд̇д̇аван̣н̣анаа • 6. Pañcarathasatasuttavaṇṇanā
