| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
6. чагганибаад̇о
6. Chakkanipāto
1. бан̃жасад̇амад̇д̇аат̇зрийг̇аат̇ааван̣н̣анаа
1. Pañcasatamattātherīgāthāvaṇṇanā
чагганибаад̇з яасса маг̇г̇ам̣ на ж̇аанаасийд̇иаад̣̇игаа бан̃жасад̇амад̇д̇аанам̣ т̇зрийнам̣ г̇аат̇аа. имааби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ияо ануггамзна убажид̇авимогкасамбхаараа худ̇ваа имасмим̣ б̣уд̣̇д̇хуббаад̣̇з д̇ад̇т̇а д̇ад̇т̇а гулаг̇зхз ниб̣б̣ад̇д̇ид̇ваа ваяаббад̇д̇аа маад̇аабид̇уухи бад̇игулам̣ аанийд̇аа д̇ад̇т̇а д̇ад̇т̇а буд̇д̇з лабхид̇ваа гхарааваасам̣ васанд̇ияо самаанаж̇аад̇игасса д̇аад̣̇исасса гаммасса гад̇ад̇д̇аа саб̣б̣аава мад̇абуд̇д̇аа худ̇ваа, буд̇д̇асогзна абхибхууд̇аа бадаажаарааяа т̇зрияаа санд̇игам̣ убасан̇гамид̇ваа ванд̣̇ид̇ваа нисиннаа ад̇д̇ано согагааран̣ам̣ аарожзсум̣. т̇зрий д̇аасам̣ согам̣ винод̣̇знд̇ий –
Chakkanipāte yassa maggaṃ na jānāsītiādikā pañcasatamattānaṃ therīnaṃ gāthā. Imāpi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantiyo anukkamena upacitavimokkhasambhārā hutvā imasmiṃ buddhuppāde tattha tattha kulagehe nibbattitvā vayappattā mātāpitūhi patikulaṃ ānītā tattha tattha putte labhitvā gharāvāsaṃ vasantiyo samānajātikassa tādisassa kammassa katattā sabbāva mataputtā hutvā, puttasokena abhibhūtā paṭācārāya theriyā santikaṃ upasaṅkamitvā vanditvā nisinnā attano sokakāraṇaṃ ārocesuṃ. Therī tāsaṃ sokaṃ vinodentī –
127.
127.
‘‘яасса маг̇г̇ам̣ на ж̇аанааси, ааг̇ад̇асса г̇ад̇асса ваа;
‘‘Yassa maggaṃ na jānāsi, āgatassa gatassa vā;
д̇ам̣ гуд̇о жааг̇ад̇ам̣ сад̇д̇ам̣, мама буд̇д̇од̇и род̣̇аси.
Taṃ kuto cāgataṃ sattaṃ, mama puttoti rodasi.
128.
128.
‘‘маг̇г̇ан̃жа косса ж̇аанааси, ааг̇ад̇асса г̇ад̇асса ваа;
‘‘Maggañca khossa jānāsi, āgatassa gatassa vā;
на нам̣ саманусожзси, звам̣д̇хаммаа хи баан̣ино.
Na naṃ samanusocesi, evaṃdhammā hi pāṇino.
129.
129.
‘‘аяаажид̇о д̇ад̇ааг̇ажчи, наанун̃н̃аад̇о ид̇о г̇ад̇о;
‘‘Ayācito tatāgacchi, nānuññāto ito gato;
гуд̇ожи нууна ааг̇анд̇ваа, васид̇ваа гад̇ибаахагам̣;
Kutoci nūna āgantvā, vasitvā katipāhakaṃ;
ид̇оби ан̃н̃зна г̇ад̇о, д̇ад̇обан̃н̃зна г̇ажчад̇и.
Itopi aññena gato, tatopaññena gacchati.
130.
130.
‘‘бзд̇о мануссаруубзна, сам̣саранд̇о г̇амиссад̇и;
‘‘Peto manussarūpena, saṃsaranto gamissati;
яат̇ааг̇ад̇о д̇ат̇аа г̇ад̇о, гаа д̇ад̇т̇а барид̣̇званаа’’д̇и. –
Yathāgato tathā gato, kā tattha paridevanā’’ti. –
имаахи жад̇уухи г̇аат̇аахи д̇хаммам̣ д̣̇зсзси.
Imāhi catūhi gāthāhi dhammaṃ desesi.
д̇аа д̇ассаа д̇хаммам̣ суд̇ваа сан̃ж̇аад̇асам̣взг̇аа т̇зрияаа санд̇игз баб̣б̣аж̇им̣су. баб̣б̣аж̇ид̇ваа вибассанааяа гаммам̣ гаронд̇ияо вимуд̇д̇ибарибаажанийяаанам̣ д̇хаммаанам̣ барибаагам̣ г̇ад̇ад̇д̇аа на жирассзва саха бадисамбхид̣̇аахи арахад̇д̇з бад̇идтахим̣су. ат̇а д̇аа ад̇хиг̇ад̇аарахад̇д̇аа ад̇д̇ано бадибад̇д̇им̣ бажжавзгкид̇ваа уд̣̇аанавасзна ‘‘яасса маг̇г̇ам̣ на ж̇аанаасий’’д̇иаад̣̇игаахи оваад̣̇аг̇аат̇аахи сад̣̇д̇хим̣ –
Tā tassā dhammaṃ sutvā sañjātasaṃvegā theriyā santike pabbajiṃsu. Pabbajitvā vipassanāya kammaṃ karontiyo vimuttiparipācanīyānaṃ dhammānaṃ paripākaṃ gatattā na cirasseva saha paṭisambhidāhi arahatte patiṭṭhahiṃsu. Atha tā adhigatārahattā attano paṭipattiṃ paccavekkhitvā udānavasena ‘‘yassa maggaṃ na jānāsī’’tiādikāhi ovādagāthāhi saddhiṃ –
131.
131.
‘‘аб̣б̣ахий вад̇а мз саллам̣, д̣̇уд̣̇д̣̇асам̣ хад̣̇аяассид̇ам̣;
‘‘Abbahī vata me sallaṃ, duddasaṃ hadayassitaṃ;
яаа мз согабарзд̇ааяа, буд̇д̇асогам̣ б̣яабаануд̣̇и.
Yā me sokaparetāya, puttasokaṃ byapānudi.
132.
132.
‘‘сааж̇ж̇а аб̣б̣уул̣хасаллаахам̣, нижчаад̇аа бариниб̣б̣уд̇аа;
‘‘Sājja abbūḷhasallāhaṃ, nicchātā parinibbutā;
б̣уд̣̇д̇хам̣ д̇хамман̃жа сан̇гхан̃жа, убзми саран̣ам̣ муни’’нд̇и. –
Buddhaṃ dhammañca saṅghañca, upemi saraṇaṃ muni’’nti. –
имаа г̇аат̇аа висум̣ висум̣ абхаасим̣су.
Imā gāthā visuṃ visuṃ abhāsiṃsu.
д̇ад̇т̇а яасса маг̇г̇ам̣ на ж̇аанааси, ааг̇ад̇асса г̇ад̇асса ваад̇и яасса сад̇д̇асса ид̇ха ааг̇ад̇асса ааг̇ад̇амаг̇г̇ам̣ ваа ид̇о г̇ад̇асса г̇ад̇амаг̇г̇ам̣ ваа д̇вам̣ на ж̇аанааси. ананд̇араа ад̇ийд̇аанааг̇ад̇абхавуубабад̇д̇ияо санд̇хааяа вад̣̇ад̇и. д̇ам̣ гуд̇о жааг̇ад̇ам̣ сад̇д̇анд̇и д̇ам̣ звам̣ авин̃н̃аад̇ааг̇ад̇аг̇ад̇амаг̇г̇ам̣ гуд̇ожи г̇ад̇ид̇о ааг̇ад̇амаг̇г̇ам̣ ааг̇ажчанд̇зна анд̇араамаг̇г̇з саб̣б̣зна саб̣б̣ам̣ агад̇абарижаяасамааг̇ад̇абурисасад̣̇исам̣ сад̇д̇ам̣ гзвалам̣ мамад̇д̇ам̣ уббаад̣̇зд̇ваа мама буд̇д̇од̇и гуд̇о гзна гааран̣зна род̣̇аси. аббадигаарад̇о мама буд̇д̇асса жа агаад̇аб̣б̣ад̇о на зд̇т̇а род̣̇анагааран̣ам̣ ад̇т̇ийд̇и ад̇хиббааяо.
Tattha yassa maggaṃ na jānāsi, āgatassa gatassa vāti yassa sattassa idha āgatassa āgatamaggaṃ vā ito gatassa gatamaggaṃ vā tvaṃ na jānāsi. Anantarā atītānāgatabhavūpapattiyo sandhāya vadati. Taṃ kuto cāgataṃ sattanti taṃ evaṃ aviññātāgatagatamaggaṃ kutoci gatito āgatamaggaṃ āgacchantena antarāmagge sabbena sabbaṃ akataparicayasamāgatapurisasadisaṃ sattaṃ kevalaṃ mamattaṃ uppādetvā mama puttoti kuto kena kāraṇena rodasi. Appaṭikārato mama puttassa ca akātabbato na ettha rodanakāraṇaṃ atthīti adhippāyo.
маг̇г̇ан̃жа косса ж̇аанаасийд̇и асса д̇ава буд̇д̇аабхимад̇асса сад̇д̇асса ааг̇ад̇асса ааг̇ад̇амаг̇г̇ан̃жа г̇ад̇асса г̇ад̇амаг̇г̇ан̃жа ат̇а ж̇аанзяяааси. на нам̣ саманусожзсийд̇и звамби нам̣ на саманусожзяяааси. гасмаа? звам̣д̇хаммаа хи баан̣ино, д̣̇идтад̇хаммзби хи сад̇д̇аанам̣ саб̣б̣зхи биязхи манаабзхи наанаабхааваа винаабхааваа д̇ад̇т̇а васавад̇д̇ид̇ааяа абхаавад̇о, баг̇зва абхисамбарааяам̣.
Maggañca khossa jānāsīti assa tava puttābhimatassa sattassa āgatassa āgatamaggañca gatassa gatamaggañca atha jāneyyāsi. Na naṃ samanusocesīti evampi naṃ na samanusoceyyāsi. Kasmā? Evaṃdhammā hi pāṇino, diṭṭhadhammepi hi sattānaṃ sabbehi piyehi manāpehi nānābhāvā vinābhāvā tattha vasavattitāya abhāvato, pageva abhisamparāyaṃ.
аяаажид̇о д̇ад̇ааг̇ажчийд̇и д̇ад̇о баралогад̇о гзнажи аяаажид̇о ид̇ха ааг̇ажчи. ‘‘ааг̇ад̇о’’д̇иби баал̣и, со звад̇т̇о. наанун̃н̃аад̇о ид̇о г̇ад̇од̇и ид̇халогад̇о гзнажи ананун̃н̃аад̇о баралогам̣ г̇ад̇о. гуд̇ожийд̇и нираяаад̣̇ид̇о яад̇о гуд̇ожи г̇ад̇ид̇о. нуунаад̇и барисан̇гааяам̣ . васид̇ваа гад̇ибаахаганд̇и гад̇ибаяад̣̇ивасамад̇д̇ам̣ ид̇ха васид̇ваа. ид̇оби ан̃н̃зна г̇ад̇од̇и ид̇оби бхавад̇о ан̃н̃зна г̇ад̇о, ид̇о ан̃н̃амби бхавам̣ бадисанд̇хивасзна убаг̇ад̇о. д̇ад̇обан̃н̃зна г̇ажчад̇ийд̇и д̇ад̇оби бхавад̇о ан̃н̃зна г̇амиссад̇и, ан̃н̃амзва бхавам̣ убаг̇амиссад̇и.
Ayācito tatāgacchīti tato paralokato kenaci ayācito idha āgacchi. ‘‘Āgato’’tipi pāḷi, so evattho. Nānuññāto ito gatoti idhalokato kenaci ananuññāto paralokaṃ gato. Kutocīti nirayādito yato kutoci gatito. Nūnāti parisaṅkāyaṃ . Vasitvā katipāhakanti katipayadivasamattaṃ idha vasitvā. Itopi aññena gatoti itopi bhavato aññena gato, ito aññampi bhavaṃ paṭisandhivasena upagato. Tatopaññena gacchatīti tatopi bhavato aññena gamissati, aññameva bhavaṃ upagamissati.
бзд̇од̇и абзд̇о д̇ам̣ д̇ам̣ бхавам̣ убабаж̇ж̇ид̇ваа д̇ад̇о абаг̇ад̇о. мануссаруубзнаад̇и нид̣̇ассанамад̇д̇амзд̇ам̣, мануссабхаавзна д̇иражчаанаад̣̇ибхаавзна жаад̇и ад̇т̇о. сам̣саранд̇од̇и абараабарам̣ убабад̇д̇ивасзна сам̣саранд̇о. яат̇ааг̇ад̇о д̇ат̇аа г̇ад̇од̇и яат̇аа авин̃н̃аад̇аг̇ад̇ид̇о жа анааманд̇зд̇ваа ааг̇ад̇о д̇ат̇аа авин̃н̃аад̇аг̇ад̇иго ананун̃н̃аад̇ова г̇ад̇о. гаа д̇ад̇т̇а барид̣̇званаад̇и д̇ад̇т̇а д̇аад̣̇исз авасавад̇д̇ини яат̇аагаамааважарз гаа наама барид̣̇званаа, гим̣ барид̣̇звид̇зна баяож̇ананд̇и ад̇т̇о. сзсам̣ вуд̇д̇анаяамзва.
Petoti apeto taṃ taṃ bhavaṃ upapajjitvā tato apagato. Manussarūpenāti nidassanamattametaṃ, manussabhāvena tiracchānādibhāvena cāti attho. Saṃsarantoti aparāparaṃ upapattivasena saṃsaranto. Yathāgato tathā gatoti yathā aviññātagatito ca anāmantetvā āgato tathā aviññātagatiko ananuññātova gato. Kā tattha paridevanāti tattha tādise avasavattini yathākāmāvacare kā nāma paridevanā, kiṃ paridevitena payojananti attho. Sesaṃ vuttanayameva.
зд̇т̇а жа аад̣̇ид̇о жад̇ассо г̇аат̇аа бадаажаарааяа т̇зрияаа д̇зсам̣ бан̃жамад̇д̇аанам̣ ид̇т̇исад̇аанам̣ согавинод̣̇анавасзна висум̣ висум̣ бхаасид̇аа. д̇ассаа оваад̣̇з тад̇ваа баб̣б̣аж̇ид̇ваа ад̇хиг̇ад̇ависзсаахи д̇аахи бан̃жасад̇амад̇д̇аахи бхигкунийхи чаби г̇аат̇аа бажжзгам̣ бхаасид̇аад̇и д̣̇адтаб̣б̣аа.
Ettha ca ādito catasso gāthā paṭācārāya theriyā tesaṃ pañcamattānaṃ itthisatānaṃ sokavinodanavasena visuṃ visuṃ bhāsitā. Tassā ovāde ṭhatvā pabbajitvā adhigatavisesāhi tāhi pañcasatamattāhi bhikkhunīhi chapi gāthā paccekaṃ bhāsitāti daṭṭhabbā.
бан̃жасад̇аа бадаажаараад̇и бадаажаарааяа т̇зрияаа санд̇игз лад̣̇д̇хаоваад̣̇ад̇ааяа бадаажаарааяа вуд̇д̇ам̣ авзд̣̇исунд̇и гад̇ваа ‘‘бадаажаараа’’д̇и лад̣̇д̇ханаамаа бан̃жасад̇аа бхигкунияо.
Pañcasatā paṭācārāti paṭācārāya theriyā santike laddhaovādatāya paṭācārāya vuttaṃ avedisunti katvā ‘‘paṭācārā’’ti laddhanāmā pañcasatā bhikkhuniyo.
бан̃жасад̇амад̇д̇аат̇зрийг̇аат̇ааван̣н̣анаа нидтид̇аа.
Pañcasatamattātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. бан̃жасад̇амад̇д̇аат̇зрийг̇аат̇аа • 1. Pañcasatamattātherīgāthā
