| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ပဉ္စသတ္ထုကထာဝဏ္ဏနာ
Pañcasatthukathāvaṇṇanā
၃၃၄. သတ္ထာရောတိ ဂဏသတ္ထာရော။ နာသ္သသ္သာတိ န ဧတသ္သ ဘဝေယ္ယ။ တန္တိ တံ သတ္ထာရံ။ တေနာတိ အမနာပေန။ သမုဒာစရေယ္ယာမာတိ ကထေယ္ယာမ။ သမ္မန္နတီတိ အမ္ဟာကံ သမ္မာနံ ကရောတိ။ တေနာဟ ‘‘သမ္မာနေတီ’’တိ, သမ္မန္နတီတိ ဝာ ပရေဟိ သမ္မာနီယတီတိ အတ္ထော။
334.Satthāroti gaṇasatthāro. Nāssassāti na etassa bhaveyya. Tanti taṃ satthāraṃ. Tenāti amanāpena. Samudācareyyāmāti katheyyāma. Sammannatīti amhākaṃ sammānaṃ karoti. Tenāha ‘‘sammānetī’’ti, sammannatīti vā parehi sammānīyatīti attho.
၃၃၅. နာသာယ ပိတ္တံ ဘိန္ဒေယ္ယုန္တိ အစ္ဆပိတ္တံ ဝာ မစ္ဆပိတ္တံ ဝာ နာသာပုဋေ ပက္ခိပေယ္ယုံ။ ပရာဘဝာယာတိ အဝဍ္ဎိယာ ဝိနာသာယ။ အသ္သတရီတိ ဝဠဝာယ ကုစ္ဆိသ္မိံ ဂဒ္ရဘသ္သဇာတာ, တံ အသ္သေန သဒ္ဓိံ သမ္ပယောဇေန္တိ, သာ ဂဗ္ဘံ ဂဏ္ဟိတ္ဝာ ကာလေ သမ္ပတ္တေ ဝိဇာယိတုံ န သက္ကောတိ, ပာဒေဟိ ဘူမိံ ပဟရန္တီ တိဋ္ဌတိ, အထသ္သာ စတ္တာရော ပာဒေ စတူသု ခာဏုကေသု ဗန္ဓိတ္ဝာ ကုစ္ဆိံ ဖာလေတ္ဝာ ပောတကံ နီဟရန္တိ, သာ တတ္ထေဝ မရတိ။ တေန ဝုတ္တံ ‘‘အတ္တဝဓာယ ဂဗ္ဘံ ဂဏ္ဟာတီ’’တိ။
335.Nāsāya pittaṃ bhindeyyunti acchapittaṃ vā macchapittaṃ vā nāsāpuṭe pakkhipeyyuṃ. Parābhavāyāti avaḍḍhiyā vināsāya. Assatarīti vaḷavāya kucchismiṃ gadrabhassajātā, taṃ assena saddhiṃ sampayojenti, sā gabbhaṃ gaṇhitvā kāle sampatte vijāyituṃ na sakkoti, pādehi bhūmiṃ paharantī tiṭṭhati, athassā cattāro pāde catūsu khāṇukesu bandhitvā kucchiṃ phāletvā potakaṃ nīharanti, sā tattheva marati. Tena vuttaṃ ‘‘attavadhāya gabbhaṃ gaṇhātī’’ti.
၃၃၉. ပောတ္ထနိကန္တိ ဆုရိကံ, ယံ ခရန္တိပိ ဝုစ္စတိ။
339.Potthanikanti churikaṃ, yaṃ kharantipi vuccati.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi
ပဉ္စသတ္ထုကထာ • Pañcasatthukathā
အဇာတသတ္တုကုမာရဝတ္ထု • Ajātasattukumāravatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / ဆသက္ယပဗ္ဗဇ္ဇာကထာ • Chasakyapabbajjākathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆသက္ယပဗ္ဗဇ္ဇာကထာဝဏ္ဏနာ • Chasakyapabbajjākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆသက္ယပဗ္ဗဇ္ဇာကထာဒိဝဏ္ဏနာ • Chasakyapabbajjākathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဆသက္ယပဗ္ဗဇ္ဇာကထာ • Chasakyapabbajjākathā
