| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
පඤ්‌චසත්‌ථුකථාවණ්‌ණනා
Pañcasatthukathāvaṇṇanā
334. සත්‌ථාරොති ගණසත්‌ථාරො. නාස්‌සස්‌සාති න එතස්‌ස භවෙය්‍ය. තන්‌ති තං සත්‌ථාරං. තෙනාති අමනාපෙන. සමුදාචරෙය්‍යාමාති කථෙය්‍යාම. සම්‌මන්‌නතීති අම්‌හාකං සම්‌මානං කරොති. තෙනාහ ‘‘සම්‌මානෙතී’’ති, සම්‌මන්‌නතීති වා පරෙහි සම්‌මානීයතීති අත්‌ථො.
334.Satthāroti gaṇasatthāro. Nāssassāti na etassa bhaveyya. Tanti taṃ satthāraṃ. Tenāti amanāpena. Samudācareyyāmāti katheyyāma. Sammannatīti amhākaṃ sammānaṃ karoti. Tenāha ‘‘sammānetī’’ti, sammannatīti vā parehi sammānīyatīti attho.
335. නාසාය පිත්‌තං භින්‌දෙය්‍යුන්‌ති අච්‌ඡපිත්‌තං වා මච්‌ඡපිත්‌තං වා නාසාපුටෙ පක්‌ඛිපෙය්‍යුං. පරාභවායාති අවඩ්‌ඪියා විනාසාය. අස්‌සතරීති වළවාය කුච්‌ඡිස්‌මිං ගද්‍රභස්‌සජාතා, තං අස්‌සෙන සද්‌ධිං සම්‌පයොජෙන්‌ති, සා ගබ්‌භං ගණ්‌හිත්‌වා කාලෙ සම්‌පත්‌තෙ විජායිතුං න සක්‌කොති, පාදෙහි භූමිං පහරන්‌තී තිට්‌ඨති, අථස්‌සා චත්‌තාරො පාදෙ චතූසු ඛාණුකෙසු බන්‌ධිත්‌වා කුච්‌ඡිං ඵාලෙත්‌වා පොතකං නීහරන්‌ති, සා තත්‌ථෙව මරති. තෙන වුත්‌තං ‘‘අත්‌තවධාය ගබ්‌භං ගණ්‌හාතී’’ති.
335.Nāsāya pittaṃ bhindeyyunti acchapittaṃ vā macchapittaṃ vā nāsāpuṭe pakkhipeyyuṃ. Parābhavāyāti avaḍḍhiyā vināsāya. Assatarīti vaḷavāya kucchismiṃ gadrabhassajātā, taṃ assena saddhiṃ sampayojenti, sā gabbhaṃ gaṇhitvā kāle sampatte vijāyituṃ na sakkoti, pādehi bhūmiṃ paharantī tiṭṭhati, athassā cattāro pāde catūsu khāṇukesu bandhitvā kucchiṃ phāletvā potakaṃ nīharanti, sā tattheva marati. Tena vuttaṃ ‘‘attavadhāya gabbhaṃ gaṇhātī’’ti.
339. පොත්‌ථනිකන්‌ති ඡුරිකං, යං ඛරන්‌තිපි වුච්‌චති.
339.Potthanikanti churikaṃ, yaṃ kharantipi vuccati.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi
පඤ්‌චසත්‌ථුකථා • Pañcasatthukathā
අජාතසත්‌තුකුමාරවත්‌ථු • Ajātasattukumāravatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / ඡසක්‍යපබ්‌බජ්‌ජාකථා • Chasakyapabbajjākathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ඡසක්‍යපබ්‌බජ්‌ජාකථාවණ්‌ණනා • Chasakyapabbajjākathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ඡසක්‍යපබ්‌බජ්‌ජාකථාදිවණ්‌ණනා • Chasakyapabbajjākathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / ඡසක්‍යපබ්‌බජ්‌ජාකථා • Chasakyapabbajjākathā
