| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3-5. бан̃жасигкаабад̣̇асуд̇д̇аад̣̇иван̣н̣анаа
3-5. Pañcasikkhāpadasuttādivaṇṇanā
109-111. сураамзраяасан̇каад̇анд̇и бидтасураад̣̇исураасан̇каад̇ам̣ бубпаасаваад̣̇имзраяасан̇каад̇ан̃жа. маж̇ж̇анадтзна маж̇ж̇ам̣. сураамзраяамаж̇ж̇аббамаад̣̇од̇и вужжад̇и ‘‘маж̇ж̇ад̇и д̇знаа’’д̇и гад̇ваа. д̇асмим̣ д̇идтанд̇ийд̇и д̇асмим̣ бамаад̣̇з бамаж̇ж̇анавасзна д̇идтанд̇ийд̇и ад̇т̇о. сзсам̣ д̇ад̇ияажад̇уд̇т̇зсу сувин̃н̃зяяамзваад̇и.
109-111.Surāmerayasaṅkhātanti piṭṭhasurādisurāsaṅkhātaṃ pupphāsavādimerayasaṅkhātañca. Majjanaṭṭhena majjaṃ. Surāmerayamajjappamādoti vuccati ‘‘majjati tenā’’ti katvā. Tasmiṃ tiṭṭhantīti tasmiṃ pamāde pamajjanavasena tiṭṭhantīti attho. Sesaṃ tatiyacatutthesu suviññeyyamevāti.
бан̃жамз д̇аани бад̣̇аани сам̣ван̣н̣зд̇ум̣ ‘‘бан̃жамз’’д̇иаад̣̇и аарад̣̇д̇хам̣. д̇ад̇т̇а баан̣о наама вохаарад̇о сад̇д̇о, барамад̇т̇ад̇о ж̇ийвид̇инд̣̇рияам̣, д̇ам̣ баан̣ам̣ ад̇ибаад̇знд̇и ад̇ижжа анд̇арзязва, ад̇иггамма ваа сад̇т̇аад̣̇ийхи абхибхавид̇ваа баад̇знд̇и сан̣игам̣ бад̇ид̇ум̣ ад̣̇ад̇ваа сийгхам̣ баад̇знд̇ийд̇и ад̇т̇о. гааязна ваажааяа ваа ад̣̇иннам̣ барасанд̇агам̣. аад̣̇ияанд̇ийд̇и г̇ан̣ханд̇и. мижчаад̇и на саммаа, г̇аараяхавасзна. мусаад̇и ад̇ат̇ам̣ вад̇т̇у. вад̣̇анд̇ийд̇и висам̣ваад̣̇анавасзна вад̣̇анд̇и. бияасун̃н̃агаран̣ад̇о бисун̣аа, бисад̇и ваа барз сад̇д̇з, хим̣сад̇ийд̇и ад̇т̇о. маммажчзд̣̇игаад̇и зд̇зна барасса маммажчзд̣̇авасзна зганд̇апарусасан̃жзд̇анаа парусаваажаа наамаад̇и д̣̇ассзд̇и. абхиж̇жхаасад̣̇д̣̇о луб̣бханз нирул̣ход̇и ааха ‘‘барабхан̣д̣з луб̣бханасийлаад̇и ад̇т̇о’’д̇и. б̣яаабаннанд̇и д̣̇осавасзна вибаннам̣. багад̇ивиж̇аханзна бууд̇ибхууд̇ам̣. саад̇хуухи г̇арахид̇аб̣б̣ад̇ам̣ бад̇д̇аа ‘‘над̇т̇и д̣̇инна’’нд̇иаад̣̇инаяаббавад̇д̇аа над̇т̇игаахзд̇угаагирияад̣̇идти гаммабат̇абарияаабаннаа наама. мижчад̇д̇абарияаабаннаа саб̣б̣ааби логуд̇д̇арамаг̇г̇абадибагкаа вибарийд̇ад̣̇идти.
Pañcame tāni padāni saṃvaṇṇetuṃ ‘‘pañcame’’tiādi āraddhaṃ. Tattha pāṇo nāma vohārato satto, paramatthato jīvitindriyaṃ, taṃ pāṇaṃ atipātenti aticca antareyeva, atikkamma vā satthādīhi abhibhavitvā pātenti saṇikaṃ patituṃ adatvā sīghaṃ pātentīti attho. Kāyena vācāya vā adinnaṃ parasantakaṃ. Ādiyantīti gaṇhanti. Micchāti na sammā, gārayhavasena. Musāti atathaṃ vatthu. Vadantīti visaṃvādanavasena vadanti. Piyasuññakaraṇato pisuṇā, pisati vā pare satte, hiṃsatīti attho. Mammacchedikāti etena parassa mammacchedavasena ekantapharusasañcetanā pharusavācā nāmāti dasseti. Abhijjhāsaddo lubbhane niruḷhoti āha ‘‘parabhaṇḍe lubbhanasīlāti attho’’ti. Byāpannanti dosavasena vipannaṃ. Pakativijahanena pūtibhūtaṃ. Sādhūhi garahitabbataṃ pattā ‘‘natthi dinna’’ntiādinayappavattā natthikāhetukaakiriyadiṭṭhi kammapathapariyāpannā nāma. Micchattapariyāpannā sabbāpi lokuttaramaggapaṭipakkhā viparītadiṭṭhi.
д̇зсанд̇и гаммабат̇аанам̣. вохаарад̇од̇и инд̣̇рияаб̣ад̣̇д̇хам̣ убаад̣̇ааяа бан̃н̃ад̇д̇имад̇д̇ад̇о. д̇иражчаанаг̇ад̇аад̣̇ийсууд̇и аад̣̇и-сад̣̇д̣̇зна бзд̇аанам̣ сан̇г̇ахо. баяог̇авад̇т̇умаханд̇ад̇аад̣̇ийхи махаасааваж̇ж̇ад̇аа д̇зхи бажжаязхи уббаж̇ж̇амаанааяа жзд̇анааяа б̣алавабхаавад̇о. яат̇аавуд̇д̇абажжаяавибарияааязби д̇ам̣д̇ам̣бажжаязхи жзд̇анааяа б̣алавабхаававасзна аббасааваж̇ж̇амахаасааваж̇ж̇ад̇аа ваа взд̣̇ид̇аб̣б̣аа. ид̣̇д̇химаяод̇и гаммавибаагид̣̇д̇химаяо д̣̇аатаагоданаад̣̇ийнам̣ вияа.
Tesanti kammapathānaṃ. Vohāratoti indriyabaddhaṃ upādāya paññattimattato. Tiracchānagatādīsūti ādi-saddena petānaṃ saṅgaho. Payogavatthumahantatādīhi mahāsāvajjatā tehi paccayehi uppajjamānāya cetanāya balavabhāvato. Yathāvuttapaccayavipariyāyepi taṃtaṃpaccayehi cetanāya balavabhāvavasena appasāvajjamahāsāvajjatā vā veditabbā. Iddhimayoti kammavipākiddhimayo dāṭhākoṭanādīnaṃ viya.
мзт̇унасамаажаарзсууд̇и сад̣̇аарабарад̣̇аараг̇аманавасзна д̣̇увид̇хзсу мзт̇унасамаажаарзсу. д̇зби хийнаад̇химуд̇д̇игзхи гад̇д̇аб̣б̣ад̇о гаамаа наама. мижчаажаарод̇и г̇аараяхаажааро. г̇аараяхад̇аа жасса зганд̇анихийнад̇ааяаад̇и ааха ‘‘зганд̇анинд̣̇ид̇о лаамагаажааро’’д̇и асад̣̇д̇хаммаад̇хиббааязнаад̇и асад̣̇д̇хаммасзванаад̇хиббааязна. г̇од̇д̇арагкид̇аад̇и саг̇од̇д̇зхи рагкид̇аа. д̇хаммарагкид̇аад̇и сахад̇хаммзхи рагкид̇аа. сассаамигаа наама саарагкаа. яассаа г̇аманз д̣̇ан̣д̣о табид̇о, саа сабарид̣̇ан̣д̣аа. бхарияабхаавааяа д̇ханзна гийд̇аа д̇ханаггийд̇аа. чанд̣̇зна васад̇ийд̇и чанд̣̇аваасиний. бхог̇ад̇т̇ам̣ васад̇ийд̇и бхог̇аваасиний. бадад̇т̇ам̣ васад̇ийд̇и бадаваасиний. уд̣̇агабад̇д̇ам̣ аамасид̇ваа г̇ахид̇аа од̣̇абад̇д̇агиний. жумб̣адам̣ абанзд̇ваа г̇ахид̇аа обхадажумб̣адаа. гарамараанийд̇аа д̇хаж̇аахадаа. д̇ан̇кан̣игам̣ г̇ахид̇аа мухуд̇д̇игаа. абхибхавид̇ваа вийд̇иггамо мижчаажааро махаасааваж̇ж̇о, на д̇ат̇аа д̣̇виннам̣ самаанажчанд̣̇ад̇ааяа. абхибхавид̇ваа вийд̇иггаманз сад̇иби маг̇г̇знамаг̇г̇абадибад̇д̇иад̇хиваасанз буримуббаннасзванаабхисанд̇хибаяог̇аабхаавад̇о мижчаажааро на ход̇и абхибхуяяамаанассаад̇и вад̣̇анд̇и. сзванаажид̇д̇з сад̇и баяог̇аабхааво аббамаан̣ам̣ язбхуяязна ид̇т̇ияаа сзванаабаяог̇асса абхаавад̇о. д̇ат̇аа сад̇и бурзд̇арам̣ сзванаажид̇д̇асса убадтаанзби д̇ассаа мижчаажааро на сияаа, д̇ат̇аа бурисассаби сзванаабаяог̇аабхаавз. д̇асмаа ад̇д̇ано ружияаа бавад̇д̇ид̇асса васзна д̇аяо, б̣алаггаарзна бавад̇д̇ид̇асса васзна д̇аяод̇и саб̣б̣зби аг̇г̇ахид̇аг̇г̇ахан̣зна ‘‘жад̇д̇ааро самбхаараа’’д̇и вуд̇д̇ам̣.
Methunasamācāresūti sadāraparadāragamanavasena duvidhesu methunasamācāresu. Tepi hīnādhimuttikehi kattabbato kāmā nāma. Micchācāroti gārayhācāro. Gārayhatā cassa ekantanihīnatāyāti āha ‘‘ekantanindito lāmakācāro’’ti asaddhammādhippāyenāti asaddhammasevanādhippāyena. Gottarakkhitāti sagottehi rakkhitā. Dhammarakkhitāti sahadhammehi rakkhitā. Sassāmikā nāma sārakkhā. Yassā gamane daṇḍo ṭhapito, sā saparidaṇḍā. Bhariyabhāvāya dhanena kītā dhanakkītā. Chandena vasatīti chandavāsinī. Bhogatthaṃ vasatīti bhogavāsinī. Paṭatthaṃ vasatīti paṭavāsinī. Udakapattaṃ āmasitvā gahitā odapattakinī. Cumbaṭaṃ apanetvā gahitā obhaṭacumbaṭā. Karamarānītā dhajāhaṭā. Taṅkhaṇikaṃ gahitā muhuttikā. Abhibhavitvā vītikkamo micchācāro mahāsāvajjo, na tathā dvinnaṃ samānacchandatāya. Abhibhavitvā vītikkamane satipi maggenamaggapaṭipattiadhivāsane purimuppannasevanābhisandhipayogābhāvato micchācāro na hoti abhibhuyyamānassāti vadanti. Sevanācitte sati payogābhāvo appamāṇaṃ yebhuyyena itthiyā sevanāpayogassa abhāvato. Tathā sati puretaraṃ sevanācittassa upaṭṭhānepi tassā micchācāro na siyā, tathā purisassapi sevanāpayogābhāve. Tasmā attano ruciyā pavattitassa vasena tayo, balakkārena pavattitassa vasena tayoti sabbepi aggahitaggahaṇena ‘‘cattāro sambhārā’’ti vuttaṃ.
аасзванаманд̣̇ад̇ааяаад̇и яааяа агусалажзд̇анааяа сампам̣ балабад̇и, д̇ассаа ид̇д̇арагаалад̇ааяа бавад̇д̇ияаа анаасзванаад̇и барид̣̇уб̣б̣алаа ход̇и жзд̇анаа.
Āsevanamandatāyāti yāya akusalacetanāya samphaṃ palapati, tassā ittarakālatāya pavattiyā anāsevanāti paridubbalā hoti cetanā.
убасаг̇г̇авасзна ад̇т̇ависзсаваажино д̇хаад̇усад̣̇д̣̇аад̇и абхиж̇жхааяад̇ийд̇и бад̣̇асса барабхан̣д̣аабхимукийд̇иаад̣̇иад̇т̇о вуд̇д̇о. д̇анниннад̇ааяаад̇и д̇асмим̣ барабхан̣д̣з луб̣бханавасзна ниннад̇ааяа. абхибуб̣б̣о жхз-сад̣̇д̣̇о луб̣бханз нирул̣ход̇и д̣̇адтаб̣б̣о. яасса бхан̣д̣ам̣ абхиж̇жхааяад̇и, д̇асса аббаг̇ун̣ад̇ааяа аббасааваж̇ж̇аа, махааг̇ун̣ад̇ааяа махаасааваж̇ж̇аад̇иаад̣̇инаа наязна д̇ад̇т̇а аббасааваж̇ж̇амахаасааваж̇ж̇авибхааг̇о взд̣̇ид̇аб̣б̣о. д̇знааха ‘‘ад̣̇иннаад̣̇аанам̣ вияаа’’д̇иаад̣̇и. ад̇д̇ано барин̣ааманам̣ жид̇д̇знзваад̇и д̣̇адтаб̣б̣ам̣.
Upasaggavasena atthavisesavācino dhātusaddāti abhijjhāyatīti padassa parabhaṇḍābhimukhītiādiattho vutto. Tanninnatāyāti tasmiṃ parabhaṇḍe lubbhanavasena ninnatāya. Abhipubbo jhe-saddo lubbhane niruḷhoti daṭṭhabbo. Yassa bhaṇḍaṃ abhijjhāyati, tassa appaguṇatāya appasāvajjā, mahāguṇatāya mahāsāvajjātiādinā nayena tattha appasāvajjamahāsāvajjavibhāgo veditabbo. Tenāha ‘‘adinnādānaṃ viyā’’tiādi. Attano pariṇāmanaṃ cittenevāti daṭṭhabbaṃ.
хид̇асукам̣ б̣яаабаад̣̇аяад̇ийд̇и яо нам̣ уббаад̣̇зд̇и, яасса уббаад̣̇зд̇и, д̇асса сад̇и самавааяз хид̇асукам̣ винаасзд̇и. ахо вад̇аад̇и иминаа яат̇аа абхиж̇жхаанз вад̇т̇уно зганд̇ад̇о ад̇д̇ано барин̣ааманам̣ д̣̇ассид̇ам̣ , звамид̇хааби вад̇т̇уно ‘‘ахо вад̇аа’’д̇и иминаа барасса винаасажинд̇ааяа зганд̇ад̇о нияамид̇абхаавам̣ д̣̇ассзд̇и. зван̃хи нзсам̣ д̣̇аарун̣аббавад̇д̇ияаа гаммабат̇аббавад̇д̇и.
Hitasukhaṃ byāpādayatīti yo naṃ uppādeti, yassa uppādeti, tassa sati samavāye hitasukhaṃ vināseti. Aho vatāti iminā yathā abhijjhāne vatthuno ekantato attano pariṇāmanaṃ dassitaṃ , evamidhāpi vatthuno ‘‘aho vatā’’ti iminā parassa vināsacintāya ekantato niyamitabhāvaṃ dasseti. Evañhi nesaṃ dāruṇappavattiyā kammapathappavatti.
яат̇аабхужжаг̇ахан̣аабхаавзнаад̇и яат̇аад̇ажчаг̇ахан̣асса абхаавзна анижжаад̣̇исабхаавасса нижжаад̣̇ид̇о г̇ахан̣зна. мижчаа бассад̇ийд̇и вид̇ат̇ам̣ бассад̇и. сампаббалаабо вияаад̇и иминаа аасзванасса аббамаханд̇ад̇аахи мижчаад̣̇идтияаа аббасааваж̇ж̇амахаасааваж̇ж̇ад̇аа. вад̇т̇унод̇и г̇ахид̇авад̇т̇уно. г̇ахид̇аагааравибарийд̇ад̇аад̇и мижчаад̣̇идтияаа г̇ахид̇аагаарасса вибарийд̇ад̇аа. д̇ат̇аабхаавзнаад̇и ад̇д̇ано г̇ахид̇аагаарзнзва д̇ассаа д̣̇идтияаа, г̇ахид̇асса ваа вад̇т̇уно убадтаанам̣ ‘‘звамзд̇ам̣, на ид̇о ан̃н̃ат̇аа’’д̇и.
Yathābhuccagahaṇābhāvenāti yathātacchagahaṇassa abhāvena aniccādisabhāvassa niccādito gahaṇena. Micchā passatīti vitathaṃ passati. Samphappalāpo viyāti iminā āsevanassa appamahantatāhi micchādiṭṭhiyā appasāvajjamahāsāvajjatā. Vatthunoti gahitavatthuno. Gahitākāraviparītatāti micchādiṭṭhiyā gahitākārassa viparītatā. Tathābhāvenāti attano gahitākāreneva tassā diṭṭhiyā, gahitassa vā vatthuno upaṭṭhānaṃ ‘‘evametaṃ, na ito aññathā’’ti.
д̇хаммад̇од̇и сабхаавад̇о. годтаасад̇од̇и жид̇д̇ан̇г̇агодтаасад̇о, яам̣годтаасаа хонд̇и, д̇ад̇од̇и ад̇т̇о. жзд̇анаад̇хаммааваад̇и жзд̇анаасабхааваа зва. бадибаадияаа сад̇д̇аад̇и зд̇т̇а нану жзд̇анаа абхид̇хаммз гаммабат̇зсу на вуд̇д̇аад̇и бадибаадияаа сад̇д̇аннам̣ гаммабат̇абхааво на яуд̇д̇од̇и? на, аважанасса ан̃н̃ахзд̇угад̇д̇аа. на хи д̇ад̇т̇а жзд̇анааяа агаммабат̇ад̇д̇аа гаммабат̇араасимхи аважанам̣, гад̣̇аажи бана гаммабат̇о ход̇и, на саб̣б̣ад̣̇аад̇и гаммабат̇абхаавасса анияад̇ад̇д̇аа аважанам̣. яад̣̇аа, банасса гаммабат̇абхааво ход̇и, д̇ад̣̇аа гаммабат̇араасисан̇г̇ахо на ниваарид̇о. зд̇т̇ааха – яад̣̇и жзд̇анааяа саб̣б̣ад̣̇аа гаммабат̇абхааваабхаавад̇о анияад̇о гаммабат̇абхаавод̇и гаммабат̇араасимхи аважанам̣, нану абхиж̇жхаад̣̇ийнамби гаммабат̇абхаавам̣ аббад̇д̇аанам̣ ад̇т̇ид̇ааяа анияад̇о гаммабат̇абхаавод̇и д̇зсамби гаммабат̇араасимхи аважанам̣ аабаж̇ж̇ад̇ийд̇и? наабаж̇ж̇ад̇и, гаммабат̇ад̇аад̇ам̣сабхааг̇ад̇аахи д̇зсам̣ д̇ад̇т̇а вуд̇д̇ад̇д̇аа. яад̣̇и звам̣ жзд̇анааби д̇ад̇т̇а вад̇д̇аб̣б̣аа сияаа? сажжамзд̇ам̣. саа бана баан̣аад̇ибаад̇аад̣̇игаад̇и баагадо д̇ассаа гаммабат̇абхаавод̇и на вуд̇д̇аа сияаа. жзд̇анааяа хи ‘‘жзд̇анаахам̣, бхигкавз, гаммам̣ вад̣̇аами (а. ни. 6.63; гат̇аа. 539) д̇ивид̇хаа, бхигкавз, гааяасан̃жзд̇анаа агусалам̣ гааяагамма’’нд̇иаад̣̇иважанад̇о (гат̇аа. 539) гаммабхааво баагадо. гаммам̣язва жа суг̇ад̇ид̣̇уг̇г̇ад̇ийнам̣ д̇ад̇т̇уббаж̇ж̇анагасукад̣̇угкаанан̃жа бат̇абхаавзна бавад̇д̇ам̣ гаммабат̇од̇и вужжад̇ийд̇и баагадо, д̇ассаа гаммабат̇абхааво. абхиж̇жхаад̣̇ийнам̣ бана жзд̇анаасамийханабхаавзна сужарид̇ад̣̇ужжарид̇абхааво, жзд̇анааж̇анид̇абидтиваддагабхаавзна суг̇ад̇ид̣̇уг̇г̇ад̇ид̇ад̣̇уббаж̇ж̇анагасукад̣̇угкаанам̣ бат̇абхааво жаад̇и, на д̇ат̇аа баагадо гаммабат̇абхаавод̇и, д̇з зва д̇зна сабхаавзна д̣̇ассзд̇ум̣ абхид̇хаммз гаммабат̇араасибхаавзна вуд̇д̇аа. ад̇ат̇ааж̇аад̇ияагад̇д̇аа ваа жзд̇анаа д̇зхи сад̣̇д̇хим̣ на вуд̇д̇аад̇и д̣̇адтаб̣б̣ам̣. муулам̣ бад̇ваад̇и муулад̣̇зсанам̣ бад̇ваа, мууласабхаавзсу д̇хаммзсу д̣̇зсияамаанзсууд̇и ад̇т̇о.
Dhammatoti sabhāvato. Koṭṭhāsatoti cittaṅgakoṭṭhāsato, yaṃkoṭṭhāsā honti, tatoti attho. Cetanādhammāvāti cetanāsabhāvā eva. Paṭipāṭiyā sattāti ettha nanu cetanā abhidhamme kammapathesu na vuttāti paṭipāṭiyā sattannaṃ kammapathabhāvo na yuttoti? Na, avacanassa aññahetukattā. Na hi tattha cetanāya akammapathattā kammapatharāsimhi avacanaṃ, kadāci pana kammapatho hoti, na sabbadāti kammapathabhāvassa aniyatattā avacanaṃ. Yadā, panassa kammapathabhāvo hoti, tadā kammapatharāsisaṅgaho na nivārito. Etthāha – yadi cetanāya sabbadā kammapathabhāvābhāvato aniyato kammapathabhāvoti kammapatharāsimhi avacanaṃ, nanu abhijjhādīnampi kammapathabhāvaṃ appattānaṃ atthitāya aniyato kammapathabhāvoti tesampi kammapatharāsimhi avacanaṃ āpajjatīti? Nāpajjati, kammapathatātaṃsabhāgatāhi tesaṃ tattha vuttattā. Yadi evaṃ cetanāpi tattha vattabbā siyā? Saccametaṃ. Sā pana pāṇātipātādikāti pākaṭo tassā kammapathabhāvoti na vuttā siyā. Cetanāya hi ‘‘cetanāhaṃ, bhikkhave, kammaṃ vadāmi (a. ni. 6.63; kathā. 539) tividhā, bhikkhave, kāyasañcetanā akusalaṃ kāyakamma’’ntiādivacanato (kathā. 539) kammabhāvo pākaṭo. Kammaṃyeva ca sugatiduggatīnaṃ tatthuppajjanakasukhadukkhānañca pathabhāvena pavattaṃ kammapathoti vuccatīti pākaṭo, tassā kammapathabhāvo. Abhijjhādīnaṃ pana cetanāsamīhanabhāvena sucaritaduccaritabhāvo, cetanājanitapiṭṭhivaṭṭakabhāvena sugatiduggatitaduppajjanakasukhadukkhānaṃ pathabhāvo cāti, na tathā pākaṭo kammapathabhāvoti, te eva tena sabhāvena dassetuṃ abhidhamme kammapatharāsibhāvena vuttā. Atathājātiyakattā vā cetanā tehi saddhiṃ na vuttāti daṭṭhabbaṃ. Mūlaṃ patvāti mūladesanaṃ patvā, mūlasabhāvesu dhammesu desiyamānesūti attho.
ад̣̇иннаад̣̇аанам̣ сад̇д̇аарамман̣анд̇и ид̣̇ам̣ ‘‘бан̃жа сигкаабад̣̇аа барид̇д̇аарамман̣аа зваа’’д̇и имааяа баал̣ияаа вируж̇жхад̇и. яан̃хи баан̣аад̇ибаад̇аад̣̇ид̣̇уссийляасса аарамман̣ам̣, д̇ад̣̇зва д̇ам̣ взраман̣ияаа аарамман̣ам̣. вийд̇иггамид̇аб̣б̣авад̇т̇уд̇о зва хи вирад̇ийд̇и. ‘‘сад̇д̇аарамман̣а’’нд̇и ваа сад̇д̇асан̇каад̇ам̣ сан̇каараарамман̣амзва убаад̣̇ааяа вуд̇д̇ад̇д̇аа на гожи вирод̇хо. д̇ат̇аа хи вуд̇д̇ам̣ саммохавинод̣̇анияам̣ (вибха. адта. 714) ‘‘яаани сигкаабад̣̇аани зд̇т̇а ‘сад̇д̇аарамман̣ааний’д̇и вуд̇д̇аани, д̇аани яасмаа ‘сад̇д̇од̇и’д̇и сан̇кам̣ г̇ад̇з сан̇каарзязва аарамман̣ам̣ гаронд̇ий’’д̇и. ид̇о барзсуби зсзва наяо. висабхааг̇авад̇т̇уно ‘‘ид̇т̇ибурисаа’’д̇и г̇ахзд̇аб̣б̣ад̇о сад̇д̇аарамман̣од̇иби згз. ‘‘зго д̣̇идто, д̣̇вз суд̇аа’’д̇иаад̣̇инаа сампаббалабанз д̣̇идтасуд̇амуд̇авин̃н̃аад̇авасзна. д̇ат̇аа абхиж̇жхаад̇и зд̇т̇а д̇ат̇аа-сад̣̇д̣̇о ‘‘д̣̇идтасуд̇амуд̇авин̃н̃аад̇авасзнаа’’д̇и ид̣̇амби убасам̣харад̇и, на сад̇д̇асан̇каараарамман̣ад̇ам̣ зва д̣̇ассанаад̣̇ивасзна абхиж̇жхааяанад̇о. ‘‘над̇т̇и сад̇д̇аа обабаад̇игаа’’д̇и бавад̇д̇амаанааби мижчаад̣̇идти д̇збхуумагад̇хаммаарамман̣аа зваад̇и ад̇хиббааязна д̇ассаа сан̇каараарамман̣ад̇аа вуд̇д̇аа. гат̇ам̣ бана мижчаад̣̇идтияаа махаг̇г̇ад̇аббад̇д̇аа д̇хаммаа аарамман̣ам̣ хонд̇ийд̇и? саад̇хааран̣ад̇о. над̇т̇и сугадад̣̇уггадаанам̣ гаммаанам̣ палам̣ вибаагод̇и хи бавад̇д̇амаанааяа ад̇т̇ад̇о руубааруубааважарад̇хаммааби г̇ахид̇аава хонд̇ийд̇и.
Adinnādānaṃ sattārammaṇanti idaṃ ‘‘pañca sikkhāpadā parittārammaṇā evā’’ti imāya pāḷiyā virujjhati. Yañhi pāṇātipātādidussīlyassa ārammaṇaṃ, tadeva taṃ veramaṇiyā ārammaṇaṃ. Vītikkamitabbavatthuto eva hi viratīti. ‘‘Sattārammaṇa’’nti vā sattasaṅkhātaṃ saṅkhārārammaṇameva upādāya vuttattā na koci virodho. Tathā hi vuttaṃ sammohavinodaniyaṃ (vibha. aṭṭha. 714) ‘‘yāni sikkhāpadāni ettha ‘sattārammaṇānī’ti vuttāni, tāni yasmā ‘sattoti’ti saṅkhaṃ gate saṅkhāreyeva ārammaṇaṃ karontī’’ti. Ito paresupi eseva nayo. Visabhāgavatthuno ‘‘itthipurisā’’ti gahetabbato sattārammaṇotipi eke. ‘‘Eko diṭṭho, dve sutā’’tiādinā samphappalapane diṭṭhasutamutaviññātavasena. Tathā abhijjhāti ettha tathā-saddo ‘‘diṭṭhasutamutaviññātavasenā’’ti idampi upasaṃharati, na sattasaṅkhārārammaṇataṃ eva dassanādivasena abhijjhāyanato. ‘‘Natthi sattā opapātikā’’ti pavattamānāpi micchādiṭṭhi tebhūmakadhammārammaṇā evāti adhippāyena tassā saṅkhārārammaṇatā vuttā. Kathaṃ pana micchādiṭṭhiyā mahaggatappattā dhammā ārammaṇaṃ hontīti? Sādhāraṇato. Natthi sukaṭadukkaṭānaṃ kammānaṃ phalaṃ vipākoti hi pavattamānāya atthato rūpārūpāvacaradhammāpi gahitāva hontīti.
сукаб̣ахулад̇ааяа рааж̇аано хасамаанааби ‘‘жорам̣ гхаад̇зт̇аа’’д̇и вад̣̇анд̇и, хаасо бана д̇зсам̣ ан̃н̃ависаяод̇и ааха ‘‘саннидтаабагажзд̇анаа бана нзсам̣ д̣̇угкасамбаяуд̇д̇аава ход̇ий’’д̇и. маж̇жхад̇д̇авзд̣̇ано на ход̇и, сукавзд̣̇анова. д̇ад̇т̇а ‘‘гаамаанам̣ самуд̣̇аяаа’’д̇иаад̣̇инаа взд̣̇анаабхзд̣̇о взд̣̇ид̇аб̣б̣о. лобхасамудтаано мусааваад̣̇о сукавзд̣̇ано ваа сияаа маж̇жхад̇д̇авзд̣̇ано ваа, д̣̇осасамудтаано д̣̇угкавзд̣̇ано ваад̇и мусааваад̣̇о д̇ивзд̣̇ано сияаа. иминаа наязна сзсзсуби яат̇аарахам̣ взд̣̇анаанам̣ ‘‘лобхо нид̣̇аанам̣ гаммаанам̣ самуд̣̇аяааяаа’’д̇иаад̣̇инаа бхзд̣̇о взд̣̇ид̇аб̣б̣о.
Sukhabahulatāya rājāno hasamānāpi ‘‘coraṃ ghātethā’’ti vadanti, hāso pana tesaṃ aññavisayoti āha ‘‘sanniṭṭhāpakacetanā pana nesaṃ dukkhasampayuttāva hotī’’ti. Majjhattavedano na hoti, sukhavedanova. Tattha ‘‘kāmānaṃ samudayā’’tiādinā vedanābhedo veditabbo. Lobhasamuṭṭhāno musāvādo sukhavedano vā siyā majjhattavedano vā, dosasamuṭṭhāno dukkhavedano vāti musāvādo tivedano siyā. Iminā nayena sesesupi yathārahaṃ vedanānaṃ ‘‘lobho nidānaṃ kammānaṃ samudayāyā’’tiādinā bhedo veditabbo.
баан̣аад̇ибаад̇о д̣̇осамохавасзна д̣̇вимуулагод̇и самбаяуд̇д̇амууламзва санд̇хааяа вуд̇д̇ам̣. д̇асса хи мууладтзна убагаарабхааво д̣̇осависзсо, нид̣̇аанамуулз бана г̇аяхамаанз лобхамохавасзнаби ваддад̇и. саммуул̣хо аамисагин̃ж̇агкагаамоби хи баан̣ам̣ ханад̇и. д̇знзвааха ‘‘лобхо нид̣̇аанам̣ гаммаанам̣ самуд̣̇аяааяаа’’д̇иаад̣̇и (а. ни. 3.34). сзсзсуби зсзва наяо.
Pāṇātipāto dosamohavasena dvimūlakoti sampayuttamūlameva sandhāya vuttaṃ. Tassa hi mūlaṭṭhena upakārabhāvo dosaviseso, nidānamūle pana gayhamāne lobhamohavasenapi vaṭṭati. Sammūḷho āmisakiñjakkhakāmopi hi pāṇaṃ hanati. Tenevāha ‘‘lobho nidānaṃ kammānaṃ samudayāyā’’tiādi (a. ni. 3.34). Sesesupi eseva nayo.
асамаад̣̇иннасийласса самбад̇д̇ад̇о яат̇ааубадтид̇авийд̇иггамид̇аб̣б̣авад̇т̇уд̇о вирад̇и самбад̇д̇авирад̇и. самаад̣̇аанзна уббаннаа вирад̇и самаад̣̇аанавирад̇и. гилзсаанам̣ самужчинд̣̇анавасзна бавад̇д̇аа маг̇г̇асамбаяуд̇д̇аа вирад̇и самужчзд̣̇авирад̇и. гааман̃жзд̇т̇а баал̣ияам̣ вирад̇ияова ааг̇ад̇аа, сигкаабад̣̇авибхан̇г̇з бана жзд̇анааби аахарид̇ваа д̣̇ассид̇аад̇и д̇ад̣̇убхаяамби г̇ан̣ханд̇о ‘‘жзд̇анааби вадданд̇и вирад̇ияобий’’д̇и ааха.
Asamādinnasīlassa sampattato yathāupaṭṭhitavītikkamitabbavatthuto virati sampattavirati. Samādānena uppannā virati samādānavirati. Kilesānaṃ samucchindanavasena pavattā maggasampayuttā virati samucchedavirati. Kāmañcettha pāḷiyaṃ viratiyova āgatā, sikkhāpadavibhaṅge pana cetanāpi āharitvā dassitāti tadubhayampi gaṇhanto ‘‘cetanāpi vaṭṭanti viratiyopī’’ti āha.
ад̣̇уссийляаарамман̣аа ж̇ийвид̇инд̣̇рияаад̣̇иаарамман̣аа гат̇ам̣ д̣̇уссийляаани баж̇аханд̇ийд̇и д̣̇ассзд̇ум̣ ‘‘яат̇аа банаа’’д̇иаад̣̇и вуд̇д̇ам̣. баан̣аад̇ибаад̇аад̣̇ийхи вираман̣авасзна бавад̇д̇анад̇о д̇ад̣̇аарамман̣абхаавзнзва д̇аани баж̇аханд̇и. на хи д̇ад̣̇зва аараб̣бха д̇ам̣ баж̇ахид̇ум̣ саггаа д̇ад̇о аниссадабхаавад̇о.
Adussīlyārammaṇā jīvitindriyādiārammaṇā kathaṃ dussīlyāni pajahantīti dassetuṃ ‘‘yathā panā’’tiādi vuttaṃ. Pāṇātipātādīhi viramaṇavasena pavattanato tadārammaṇabhāveneva tāni pajahanti. Na hi tadeva ārabbha taṃ pajahituṃ sakkā tato anissaṭabhāvato.
анабхиж̇жхаа…бз… вираманд̇ассаад̇и абхиж̇жхам̣ баж̇аханд̇ассаад̇и ад̇т̇о. на хи манод̣̇ужжарид̇ад̇о вирад̇и ад̇т̇и анабхиж̇жхаад̣̇ийхзва д̇аббахаанасид̣̇д̇хид̇о.
Anabhijjhā…pe… viramantassāti abhijjhaṃ pajahantassāti attho. Na hi manoduccaritato virati atthi anabhijjhādīheva tappahānasiddhito.
бан̃жасигкаабад̣̇асуд̇д̇аад̣̇иван̣н̣анаа нидтид̇аа.
Pañcasikkhāpadasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
3. бан̃жасигкаабад̣̇асуд̇д̇ам̣ • 3. Pañcasikkhāpadasuttaṃ
4. сад̇д̇агаммабат̇асуд̇д̇ам̣ • 4. Sattakammapathasuttaṃ
5. д̣̇асагаммабат̇асуд̇д̇ам̣ • 5. Dasakammapathasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-5. бан̃жасигкаабад̣̇асуд̇д̇аад̣̇иван̣н̣анаа • 3-5. Pañcasikkhāpadasuttādivaṇṇanā
