| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
4. бан̃жасийласамаад̣̇аанияад̇т̇зраабад̣̇аанам̣
4. Pañcasīlasamādāniyattheraapadānaṃ
134.
134.
‘‘наг̇арз жанд̣̇авад̇ияаа, бхад̇аго аасахам̣ д̇ад̣̇аа;
‘‘Nagare candavatiyā, bhatako āsahaṃ tadā;
барагаммааяанз яуд̇д̇о, баб̣б̣аж̇ж̇ам̣ на лабхаамахам̣.
Parakammāyane yutto, pabbajjaṃ na labhāmahaṃ.
135.
135.
‘‘маханд̇хагаарабихид̇аа , д̇ивид̇хаг̇г̇ийхи д̣аяхарз;
‘‘Mahandhakārapihitā , tividhaggīhi ḍayhare;
гзна ну ко убааязна, висам̣яуд̇д̇о бхавз ахам̣.
Kena nu kho upāyena, visaṃyutto bhave ahaṃ.
136.
136.
‘‘д̣̇зяяад̇хаммо жа мз над̇т̇и, варааго бхад̇аго ахам̣;
‘‘Deyyadhammo ca me natthi, varāko bhatako ahaṃ;
яам̣нуунаахам̣ бан̃жасийлам̣, рагкзяяам̣ барибуураяам̣.
Yaṃnūnāhaṃ pañcasīlaṃ, rakkheyyaṃ paripūrayaṃ.
137.
137.
‘‘аномад̣̇ассисса мунино, нисабхо наама сааваго;
‘‘Anomadassissa munino, nisabho nāma sāvako;
д̇амахам̣ убасан̇гамма, бан̃жасигкаабад̣̇аг̇г̇ахим̣.
Tamahaṃ upasaṅkamma, pañcasikkhāpadaggahiṃ.
138.
138.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа бан̃жасийлаани, барибун̣н̣аани г̇обаяим̣.
Tāvatā pañcasīlāni, paripuṇṇāni gopayiṃ.
139.
139.
‘‘мажжугаалз жа самбад̇д̇з, д̣̇зваа ассаасаяанд̇и мам̣;
‘‘Maccukāle ca sampatte, devā assāsayanti maṃ;
‘рат̇о сахассаяуд̇д̇о д̇з, маарисааяам̣ 1 убадтид̇о’.
‘Ratho sahassayutto te, mārisāyaṃ 2 upaṭṭhito’.
140.
140.
‘‘вад̇д̇анд̇з жаримз жид̇д̇з, мама сийлам̣ ануссарим̣;
‘‘Vattante carime citte, mama sīlaṃ anussariṃ;
д̇зна гаммзна сугад̇зна, д̇аавад̇им̣сам̣ аг̇ажчахам̣.
Tena kammena sukatena, tāvatiṃsaṃ agacchahaṃ.
141.
141.
‘‘д̇им̣сагкад̇д̇ун̃жа д̣̇звинд̣̇о, д̣̇звараж̇ж̇амагаараяим̣;
‘‘Tiṃsakkhattuñca devindo, devarajjamakārayiṃ;
142.
142.
‘‘бан̃жасад̇д̇ад̇игкад̇д̇ун̃жа, жаггавад̇д̇ий ахосахам̣;
‘‘Pañcasattatikkhattuñca, cakkavattī ahosahaṃ;
бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣.
Padesarajjaṃ vipulaṃ, gaṇanāto asaṅkhiyaṃ.
143.
143.
‘‘д̣̇звалогаа жавид̇ваана, суггамуулзна жод̣̇ид̇о;
‘‘Devalokā cavitvāna, sukkamūlena codito;
бурз взсаалияам̣ ж̇аад̇о, махаасаалз суад̣дхагз.
Pure vesāliyaṃ jāto, mahāsāle suaḍḍhake.
144.
144.
маад̇аа жа мз бид̇аа жзва, бан̃жасигкаабад̣̇аг̇г̇ахум̣.
Mātā ca me pitā ceva, pañcasikkhāpadaggahuṃ.
145.
145.
‘‘саха суд̇ваанахам̣ сийлам̣, мама сийлам̣ ануссарим̣;
‘‘Saha sutvānahaṃ sīlaṃ, mama sīlaṃ anussariṃ;
згаасанз нисийд̣̇ид̇ваа, арахад̇д̇амабаабун̣им̣.
Ekāsane nisīditvā, arahattamapāpuṇiṃ.
146.
146.
‘‘ж̇аад̇ияаа бан̃жавассзна, арахад̇д̇амабаабун̣им̣;
‘‘Jātiyā pañcavassena, arahattamapāpuṇiṃ;
убасамбаад̣̇аяи б̣уд̣̇д̇хо, г̇ун̣аман̃н̃ааяа жагкумаа.
Upasampādayi buddho, guṇamaññāya cakkhumā.
147.
147.
‘‘барибун̣н̣аани г̇обзд̇ваа, бан̃жасигкаабад̣̇аанахам̣;
‘‘Paripuṇṇāni gopetvā, pañcasikkhāpadānahaṃ;
абаримзяяз ид̇о габбз, винибаад̇ам̣ на г̇ажчахам̣.
Aparimeyye ito kappe, vinipātaṃ na gacchahaṃ.
148.
148.
‘‘сваахам̣ яасаманубхавим̣, д̇зсам̣ сийлаана ваахасаа;
‘‘Svāhaṃ yasamanubhaviṃ, tesaṃ sīlāna vāhasā;
габбагодимби гид̇д̇знд̇о, гид̇д̇аяз згад̣̇зсагам̣.
Kappakoṭimpi kittento, kittaye ekadesakaṃ.
149.
149.
‘‘бан̃жасийлаани г̇обзд̇ваа, д̇аяо хзд̇уу лабхаамахам̣;
‘‘Pañcasīlāni gopetvā, tayo hetū labhāmahaṃ;
д̣̇ийгхааяуго махаабхог̇о, д̇игкабан̃н̃о бхаваамахам̣.
Dīghāyuko mahābhogo, tikkhapañño bhavāmahaṃ.
150.
150.
‘‘сам̣гид̇д̇знд̇о жа 7 саб̣б̣зсам̣, абхимад̇д̇ан̃жа борисам̣;
‘‘Saṃkittento ca 8 sabbesaṃ, abhimattañca porisaṃ;
бхаваабхавз сам̣сарид̇ваа, зд̇з таанз лабхаамахам̣.
Bhavābhave saṃsaritvā, ete ṭhāne labhāmahaṃ.
151.
151.
‘‘абаримзяяасийлзсу, вад̇д̇анд̇аа ж̇инасаавагаа;
‘‘Aparimeyyasīlesu, vattantā jinasāvakā;
бхавзсу яад̣̇и раж̇ж̇зяяум̣, вибааго гийд̣̇исо бхавз.
Bhavesu yadi rajjeyyuṃ, vipāko kīdiso bhave.
152.
152.
‘‘сужин̣н̣ам̣ мз бан̃жасийлам̣, бхад̇агзна д̇абассинаа 9;
‘‘Suciṇṇaṃ me pañcasīlaṃ, bhatakena tapassinā 10;
д̇зна сийлзнахам̣ аж̇ж̇а, можаяим̣ саб̣б̣аб̣анд̇ханаа.
Tena sīlenahaṃ ajja, mocayiṃ sabbabandhanā.
153.
153.
‘‘абаримзяяз ид̇о габбз, бан̃жасийлаани г̇обаяим̣;
‘‘Aparimeyye ito kappe, pañcasīlāni gopayiṃ;
д̣̇уг̇г̇ад̇им̣ наабхиж̇аанаами, бан̃жасийлаанид̣̇ам̣ палам̣.
Duggatiṃ nābhijānāmi, pañcasīlānidaṃ phalaṃ.
154.
154.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бан̃жасийласамаад̣̇аанияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā pañcasīlasamādāniyo thero imā gāthāyo abhāsitthāti.
бан̃жасийласамаад̣̇аанияад̇т̇зрассаабад̣̇аанам̣ жад̇уд̇т̇ам̣.
Pañcasīlasamādāniyattherassāpadānaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 4. бан̃жасийласамаад̣̇аанияад̇т̇зраабад̣̇аанаван̣н̣анаа • 4. Pañcasīlasamādāniyattheraapadānavaṇṇanā
