| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១០. បញ្ចសីលសុត្តំ
10. Pañcasīlasuttaṃ
៣០៣. ‘‘បញ្ចហិ, អនុរុទ្ធ, ធម្មេហិ សមន្នាគតោ មាតុគាមោ កាយស្ស ភេទា បរំ មរណា សុគតិំ សគ្គំ លោកំ ឧបបជ្ជតិ។ កតមេហិ បញ្ចហិ? បាណាតិបាតា បដិវិរតោ ច ហោតិ, អទិន្នាទានា បដិវិរតោ ច ហោតិ, កាមេសុមិច្ឆាចារា បដិវិរតោ ច ហោតិ, មុសាវាទា បដិវិរតោ ច ហោតិ, សុរាមេរយមជ្ជប្បមាទដ្ឋានា បដិវិរតោ ច ហោតិ – ឥមេហិ ខោ, អនុរុទ្ធ, បញ្ចហិ ធម្មេហិ សមន្នាគតោ មាតុគាមោ កាយស្ស ភេទា បរំ មរណា សុគតិំ សគ្គំ លោកំ ឧបបជ្ជតី’’តិ។ ទសមំ។
303. ‘‘Pañcahi, anuruddha, dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti, surāmerayamajjappamādaṭṭhānā paṭivirato ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī’’ti. Dasamaṃ.
ទុតិយបេយ្យាលវគ្គោ។
Dutiyapeyyālavaggo.
តស្សុទ្ទានំ –
Tassuddānaṃ –
អមច្ឆរី អនតិចារី, សីលវា ច ពហុស្សុតោ;
Amaccharī anaticārī, sīlavā ca bahussuto;
វីរិយំ សតិ សីលញ្ច, សុក្កបក្ខេ បកាសិតោ។
Vīriyaṃ sati sīlañca, sukkapakkhe pakāsito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. តីហិធម្មេហិសុត្តាទិវណ្ណនា • 4. Tīhidhammehisuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. តីហិធម្មេហិសុត្តាទិវណ្ណនា • 4. Tīhidhammehisuttādivaṇṇanā
