| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. පඤ්‌චසීලසුත්‌තං
10. Pañcasīlasuttaṃ
303. ‘‘පඤ්‌චහි, අනුරුද්‌ධ, ධම්‌මෙහි සමන්‌නාගතො මාතුගාමො කායස්‌ස භෙදා පරං මරණා සුගතිං සග්‌ගං ලොකං උපපජ්‌ජති. කතමෙහි පඤ්‌චහි? පාණාතිපාතා පටිවිරතො ච හොති, අදින්‌නාදානා පටිවිරතො ච හොති, කාමෙසුමිච්‌ඡාචාරා පටිවිරතො ච හොති, මුසාවාදා පටිවිරතො ච හොති, සුරාමෙරයමජ්‌ජප්‌පමාදට්‌ඨානා පටිවිරතො ච හොති – ඉමෙහි ඛො, අනුරුද්‌ධ, පඤ්‌චහි ධම්‌මෙහි සමන්‌නාගතො මාතුගාමො කායස්‌ස භෙදා පරං මරණා සුගතිං සග්‌ගං ලොකං උපපජ්‌ජතී’’ති. දසමං.
303. ‘‘Pañcahi, anuruddha, dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti, surāmerayamajjappamādaṭṭhānā paṭivirato ca hoti – imehi kho, anuruddha, pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī’’ti. Dasamaṃ.
දුතියපෙය්‍යාලවග්‌ගො.
Dutiyapeyyālavaggo.
තස්‌සුද්‌දානං –
Tassuddānaṃ –
අමච්‌ඡරී අනතිචාරී, සීලවා ච බහුස්‌සුතො;
Amaccharī anaticārī, sīlavā ca bahussuto;
වීරියං සති සීලඤ්‌ච, සුක්‌කපක්‌ඛෙ පකාසිතො.
Vīriyaṃ sati sīlañca, sukkapakkhe pakāsito.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. තීහිධම්‌මෙහිසුත්‌තාදිවණ්‌ණනා • 4. Tīhidhammehisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. තීහිධම්‌මෙහිසුත්‌තාදිවණ්‌ණනා • 4. Tīhidhammehisuttādivaṇṇanā
