| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. পঞ্চসীলৰিসারদসুত্তং
9. Pañcasīlavisāradasuttaṃ
৩১২. ‘‘পঞ্চহি, ভিক্খৰে, ধম্মেহি সমন্নাগতো মাতুগামো ৰিসারদো অগারং অজ্ঝাৰসতি। কতমেহি পঞ্চহি? পাণাতিপাতা পটিৰিরতো চ হোতি, অদিন্নাদানা পটিৰিরতো চ হোতি, কামেসুমিচ্ছাচারা পটিৰিরতো চ হোতি, মুসাৰাদা পটিৰিরতো চ হোতি , সুরামেরযমজ্জপ্পমাদট্ঠানা পটিৰিরতো চ হোতি – ইমেহি খো, ভিক্খৰে, পঞ্চহি ধম্মেহি সমন্নাগতো মাতুগামো ৰিসারদো অগারং অজ্ঝাৰসতী’’তি। নৰমং।
312. ‘‘Pañcahi, bhikkhave, dhammehi samannāgato mātugāmo visārado agāraṃ ajjhāvasati. Katamehi pañcahi? Pāṇātipātā paṭivirato ca hoti, adinnādānā paṭivirato ca hoti, kāmesumicchācārā paṭivirato ca hoti, musāvādā paṭivirato ca hoti , surāmerayamajjappamādaṭṭhānā paṭivirato ca hoti – imehi kho, bhikkhave, pañcahi dhammehi samannāgato mātugāmo visārado agāraṃ ajjhāvasatī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-১০. পসয্হসুত্তাদিৰণ্ণনা • 2-10. Pasayhasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-১০. পসয্হসুত্তাদিৰণ্ণনা • 2-10. Pasayhasuttādivaṇṇanā
