| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. бан̃жад̇д̇аяасуд̇д̇аван̣н̣анаа
2. Pañcattayasuttavaṇṇanā
21. звам̣ мз суд̇анд̇и бан̃жад̇д̇аяасуд̇д̇ам̣. д̇ад̇т̇а згзд̇и згажжз. саман̣аб̣раахман̣аад̇и бариб̣б̣аж̇убаг̇ад̇абхаавзна саман̣аа ж̇аад̇ияаа б̣раахман̣аа, логзна ваа саман̣аад̇и жа б̣раахман̣аад̇и жа звам̣ саммад̇аа. абаранд̇ам̣ габбзд̇ваа вигаббзд̇ваа г̇ан̣ханд̇ийд̇и абаранд̇агаббигаа. абаранд̇агаббо ваа зд̇зсам̣ ад̇т̇ийд̇иби абаранд̇агаббигаа. зд̇т̇а жа анд̇од̇и ‘‘саггааяо ко, аавусо, зго анд̇о’’д̇иаад̣̇ийсу (а. ни. 6.61) вияа ид̇ха годтаасо ад̇хиббзд̇о. габбод̇и д̇ан̣хаад̣̇идтияо. вуд̇д̇амби жзд̇ам̣ ‘‘габбод̇и уд̣̇д̣̇аанад̇о д̣̇вз габбаа д̇ан̣хаагаббо жа д̣̇идтигаббо жаа’’д̇и. д̇асмаа д̇ан̣хаад̣̇идтивасзна анааг̇ад̇ам̣ канд̇хагодтаасам̣ габбзд̇ваа тид̇аад̇и абаранд̇агаббигаад̇и звамзд̇т̇а ад̇т̇о д̣̇адтаб̣б̣о. д̇зсам̣ звам̣ абаранд̇ам̣ габбзд̇ваа тид̇аанам̣ бунаббунам̣ уббаж̇ж̇анавасзна абаранд̇амзва ануг̇ад̇аа д̣̇идтийд̇и абаранд̇аануд̣̇идтино. д̇з звам̣д̣̇идтино д̇ам̣ абаранд̇ам̣ аараб̣бха ааг̇амма бадижжа ан̃н̃амби ж̇анам̣ д̣̇идтиг̇ад̇игам̣ гаронд̇аа анзгавихид̇аани ад̇хивуд̇д̇ибад̣̇аани абхивад̣̇анд̇и. анзгавихид̇аанийд̇и анзгавид̇хаани. ад̇хивуд̇д̇ибад̣̇аанийд̇и ад̇хиважанабад̣̇аани. ат̇а ваа бхууд̇амад̇т̇ам̣ ад̇хибхавид̇ваа яат̇аасабхаавад̇о аг̇г̇ахзд̇ваа вад̇д̇анад̇о ад̇хивуд̇д̇ияод̇и д̣̇идтияо вужжанд̇и, ад̇хивуд̇д̇ийнам̣ бад̣̇аани ад̇хивуд̇д̇ибад̣̇аани, д̣̇идтид̣̇ийбагаани важанаанийд̇и ад̇т̇о.
21.Evaṃme sutanti pañcattayasuttaṃ. Tattha eketi ekacce. Samaṇabrāhmaṇāti paribbajupagatabhāvena samaṇā jātiyā brāhmaṇā, lokena vā samaṇāti ca brāhmaṇāti ca evaṃ sammatā. Aparantaṃ kappetvā vikappetvā gaṇhantīti aparantakappikā. Aparantakappo vā etesaṃ atthītipi aparantakappikā. Ettha ca antoti ‘‘sakkāyo kho, āvuso, eko anto’’tiādīsu (a. ni. 6.61) viya idha koṭṭhāso adhippeto. Kappoti taṇhādiṭṭhiyo. Vuttampi cetaṃ ‘‘kappoti uddānato dve kappā taṇhākappo ca diṭṭhikappo cā’’ti. Tasmā taṇhādiṭṭhivasena anāgataṃ khandhakoṭṭhāsaṃ kappetvā ṭhitāti aparantakappikāti evamettha attho daṭṭhabbo. Tesaṃ evaṃ aparantaṃ kappetvā ṭhitānaṃ punappunaṃ uppajjanavasena aparantameva anugatā diṭṭhīti aparantānudiṭṭhino. Te evaṃdiṭṭhino taṃ aparantaṃ ārabbha āgamma paṭicca aññampi janaṃ diṭṭhigatikaṃ karontā anekavihitāni adhivuttipadāni abhivadanti. Anekavihitānīti anekavidhāni. Adhivuttipadānīti adhivacanapadāni. Atha vā bhūtamatthaṃ adhibhavitvā yathāsabhāvato aggahetvā vattanato adhivuttiyoti diṭṭhiyo vuccanti, adhivuttīnaṃ padāni adhivuttipadāni, diṭṭhidīpakāni vacanānīti attho.
сан̃н̃ийд̇и сан̃н̃аасаман̇г̇ий. арог̇од̇и нижжо. ид̇т̇згзд̇и ид̇т̇ам̣ згз, звамзгзд̇и ад̇т̇о. иминаа сол̣аса сан̃н̃ийваад̣̇аа гат̇ид̇аа, асан̃н̃ийд̇и иминаа адта асан̃н̃ийваад̣̇аа, нзвасан̃н̃ийнаасан̃н̃ийд̇и иминаа адта нзвасан̃н̃ийнаасан̃н̃ийваад̣̇аа, сад̇о ваа бана сад̇д̇ассаад̇и иминаа сад̇д̇а ужчзд̣̇аваад̣̇аа. д̇ад̇т̇а сад̇од̇и виж̇ж̇амаанасса. ужчзд̣̇анд̇и убажчзд̣̇ам̣. винаасанд̇и ад̣̇ассанам̣. вибхаванд̇и бхававиг̇амам̣. саб̣б̣аанзд̇аани ан̃н̃аман̃н̃авзважанаанзва. д̣̇идтад̇хамманиб̣б̣аанам̣ ваад̇и иминаа бан̃жа д̣̇идтад̇хамманиб̣б̣аанаваад̣̇аа гат̇ид̇аа. д̇ад̇т̇а д̣̇идтад̇хаммод̇и бажжагкад̇хаммо вужжад̇и, д̇ад̇т̇а д̇ад̇т̇а бадилад̣̇д̇хаад̇д̇абхаавассзд̇ам̣ ад̇хиважанам̣. д̣̇идтад̇хаммз ниб̣б̣аанам̣ д̣̇идтад̇хамманиб̣б̣аанам̣, имасмим̣язва ад̇д̇абхаавз д̣̇угкавуубасаманд̇и ад̇т̇о. санд̇ам̣ ваад̇и сан̃н̃ийд̇иаад̣̇ивасзна д̇ийхаагаарзхи санд̇ам̣. д̇ийн̣и хонд̇ийд̇и сан̃н̃ий ад̇д̇аад̇иаад̣̇ийни санд̇аад̇д̇авасзна згам̣, ид̇араани д̣̇взд̇и звам̣ д̇ийн̣и.
Saññīti saññāsamaṅgī. Arogoti nicco. Ittheketi itthaṃ eke, evameketi attho. Iminā soḷasa saññīvādā kathitā, asaññīti iminā aṭṭha asaññīvādā, nevasaññīnāsaññīti iminā aṭṭha nevasaññīnāsaññīvādā, sato vā pana sattassāti iminā satta ucchedavādā. Tattha satoti vijjamānassa. Ucchedanti upacchedaṃ. Vināsanti adassanaṃ. Vibhavanti bhavavigamaṃ. Sabbānetāni aññamaññavevacanāneva. Diṭṭhadhammanibbānaṃvāti iminā pañca diṭṭhadhammanibbānavādā kathitā. Tattha diṭṭhadhammoti paccakkhadhammo vuccati, tattha tattha paṭiladdhaattabhāvassetaṃ adhivacanaṃ. Diṭṭhadhamme nibbānaṃ diṭṭhadhammanibbānaṃ, imasmiṃyeva attabhāve dukkhavūpasamanti attho. Santaṃ vāti saññītiādivasena tīhākārehi santaṃ. Tīṇi hontīti saññī attātiādīni santaattavasena ekaṃ, itarāni dveti evaṃ tīṇi.
22. руубим̣ ваад̇и гараж̇аруубзна ваа гасин̣аруубзна ваа руубим̣. д̇ад̇т̇а лаабхий гасин̣аруубам̣ ад̇д̇аад̇и г̇ан̣хаад̇и, д̇аггий убхоби руубаани г̇ан̣хаад̇иязва. аруубинд̇и аруубасамаабад̇д̇инимид̇д̇ам̣ ваа, табзд̇ваа сан̃н̃аагканд̇хам̣ сзсааруубад̇хаммз ваа ад̇д̇аад̇и бан̃н̃абзнд̇аа лаабхиноби д̇аггигааби звам̣ бан̃н̃абзнд̇и. д̇ад̇ияад̣̇идти бана миссагаг̇аахавасзна бавад̇д̇аа, жад̇уд̇т̇аа д̇аггаг̇аахзнзва. д̣̇уд̇ияажад̇уггз батамад̣̇идти самаабаннагаваарзна гат̇ид̇аа, д̣̇уд̇ияад̣̇идти асамаабаннагаваарзна, д̇ад̇ияад̣̇идти суббамад̇д̇зна ваа сараавамад̇д̇зна ваа гасин̣абаригаммавасзна, жад̇уд̇т̇ад̣̇идти вибулагасин̣авасзна гат̇ид̇аад̇и взд̣̇ид̇аб̣б̣аа.
22.Rūpiṃvāti karajarūpena vā kasiṇarūpena vā rūpiṃ. Tattha lābhī kasiṇarūpaṃ attāti gaṇhāti, takkī ubhopi rūpāni gaṇhātiyeva. Arūpinti arūpasamāpattinimittaṃ vā, ṭhapetvā saññākkhandhaṃ sesaarūpadhamme vā attāti paññapentā lābhinopi takkikāpi evaṃ paññapenti. Tatiyadiṭṭhi pana missakagāhavasena pavattā, catutthā takkagāheneva. Dutiyacatukke paṭhamadiṭṭhi samāpannakavārena kathitā, dutiyadiṭṭhi asamāpannakavārena, tatiyadiṭṭhi suppamattena vā sarāvamattena vā kasiṇaparikammavasena, catutthadiṭṭhi vipulakasiṇavasena kathitāti veditabbā.
зд̇ам̣ ваа банзгзсам̣ убаад̇ивад̇д̇ад̇анд̇и сан̃н̃ийд̇ибад̣̇зна сан̇кзбад̇о вуд̇д̇ам̣ сан̃н̃аасад̇д̇агам̣ ад̇игганд̇аананд̇и ад̇т̇о. абарз адтаганд̇и вад̣̇анд̇и. д̇ад̣̇убхаяам̣ барад̇о аавибхависсад̇и. аяам̣ банзд̇т̇а сан̇кзбад̇т̇о – гзжи хи зд̇аа сад̇д̇а ваа адта ваа сан̃н̃аа самад̇иггамид̇ум̣ саггонд̇и, гзжи бана на саггонд̇и. д̇ад̇т̇а яз саггонд̇и, д̇зва г̇ахид̇аа. д̇зсам̣ бана згзсам̣ убаад̇ивад̇д̇ад̇ам̣ ад̇иггамид̇ум̣ саггонд̇аанам̣ яат̇ааби наама г̇ан̇г̇ам̣ уд̇д̇ин̣н̣зсу мануссзсу зго д̣̇ийгхаваабим̣ г̇анд̇ваа д̇идтзяяа, зго д̇ад̇о барам̣ махааг̇аамам̣; звамзва згз вин̃н̃аан̣ан̃жааяад̇анам̣ аббамаан̣ам̣ аанзн̃ж̇анд̇и вад̇ваа д̇идтанд̇и, згз аагин̃жан̃н̃ааяад̇анам̣. д̇ад̇т̇а вин̃н̃аан̣ан̃жааяад̇анам̣ д̇аава д̣̇ассзд̇ум̣ вин̃н̃аан̣агасин̣амзгзд̇и вуд̇д̇ам̣. барад̇о ‘‘аагин̃жан̃н̃ааяад̇анамзгз’’д̇и вагкад̇и. д̇аяид̣̇анд̇и д̇ам̣ ид̣̇ам̣ д̣̇идтиг̇ад̇ан̃жа д̣̇идтибажжаяан̃жа д̣̇идтаарамман̣ан̃жа. д̇ат̇ааг̇ад̇о абхиж̇аанаад̇ийд̇и. иминаа бажжаязна ид̣̇ам̣ наама д̣̇ассанам̣ г̇ахид̇анд̇и абхивисидтзна н̃аан̣зна ж̇аанаад̇и.
Etaṃ vā panekesaṃ upātivattatanti saññītipadena saṅkhepato vuttaṃ saññāsattakaṃ atikkantānanti attho. Apare aṭṭhakanti vadanti. Tadubhayaṃ parato āvibhavissati. Ayaṃ panettha saṅkhepattho – keci hi etā satta vā aṭṭha vā saññā samatikkamituṃ sakkonti, keci pana na sakkonti. Tattha ye sakkonti, teva gahitā. Tesaṃ pana ekesaṃ upātivattataṃ atikkamituṃ sakkontānaṃ yathāpi nāma gaṅgaṃ uttiṇṇesu manussesu eko dīghavāpiṃ gantvā tiṭṭheyya, eko tato paraṃ mahāgāmaṃ; evameva eke viññāṇañcāyatanaṃ appamāṇaṃ āneñjanti vatvā tiṭṭhanti, eke ākiñcaññāyatanaṃ. Tattha viññāṇañcāyatanaṃ tāva dassetuṃ viññāṇakasiṇameketi vuttaṃ. Parato ‘‘ākiñcaññāyatanameke’’ti vakkhati. Tayidanti taṃ idaṃ diṭṭhigatañca diṭṭhipaccayañca diṭṭhārammaṇañca. Tathāgato abhijānātīti. Iminā paccayena idaṃ nāma dassanaṃ gahitanti abhivisiṭṭhena ñāṇena jānāti.
ид̣̇аани д̇ад̣̇зва вид̇т̇аарзнд̇о яз ко д̇з бхонд̇од̇иаад̣̇имааха. яаа ваа бана зд̇аасам̣ сан̃н̃аананд̇и яаа ваа бана зд̇аасам̣ ‘‘яад̣̇и руубасан̃н̃аана’’нд̇и звам̣ вуд̇д̇асан̃н̃аанам̣. барисуд̣̇д̇хаад̇и нирубаггилзсаа. барамаад̇и уд̇д̇амаа. аг̇г̇аад̇и сздтаа. ануд̇д̇арияаа агкааяад̇ийд̇и асад̣̇исаа гат̇ийяад̇и. яад̣̇и руубасан̃н̃аананд̇и иминаа жад̇ассо руубааважарасан̃н̃аа гат̇ид̇аа. яад̣̇и аруубасан̃н̃аананд̇и иминаа аагаасаанан̃жааяад̇анавин̃н̃аан̣ан̃жааяад̇анасан̃н̃аа. ид̇арзхи бана д̣̇вийхи бад̣̇зхи самаабаннагавааро жа асамаабаннагавааро жа гат̇ид̇од̇и звамзд̇аа годтаасад̇о адта, ад̇т̇ад̇о бана сад̇д̇а сан̃н̃аа хонд̇и. самаабаннагавааро хи буримаахи чахисан̇г̇ахид̇оязва. д̇аяид̣̇ам̣ сан̇кад̇анд̇и д̇ам̣ ид̣̇ам̣ саб̣б̣амби сан̃н̃ааг̇ад̇ам̣ сад̣̇д̇хим̣ д̣̇идтиг̇ад̇зна сан̇кад̇ам̣ бажжаязхи самааг̇анд̇ваа гад̇ам̣. ол̣аариганд̇и сан̇кад̇ад̇д̇аава ол̣ааригам̣. ад̇т̇и ко бана сан̇каараанам̣ нирод̇ход̇и зд̇зсам̣ бана сан̇кад̇анд̇и вуд̇д̇аанам̣ сан̇каараанам̣ нирод̇хасан̇каад̇ам̣ ниб̣б̣аанам̣ наама ад̇т̇и. ад̇т̇зд̇анд̇и ид̇и вид̣̇ид̇ваад̇и д̇ам̣ ко бана ниб̣б̣аанам̣ ‘‘ад̇т̇и зд̇а’’нд̇и звам̣ ж̇аанид̇ваа. д̇асса ниссаран̣ад̣̇ассаавийд̇и д̇асса сан̇кад̇асса ниссаран̣ад̣̇ассий ниб̣б̣аанад̣̇ассий. д̇ат̇ааг̇ад̇о д̇ад̣̇убаад̇ивад̇д̇од̇и д̇ам̣ сан̇кад̇ам̣ ад̇игганд̇о самад̇игганд̇од̇и ад̇т̇о.
Idāni tadeva vitthārento ye kho te bhontotiādimāha. Yā vā pana etāsaṃ saññānanti yā vā pana etāsaṃ ‘‘yadi rūpasaññāna’’nti evaṃ vuttasaññānaṃ. Parisuddhāti nirupakkilesā. Paramāti uttamā. Aggāti seṭṭhā. Anuttariyā akkhāyatīti asadisā kathīyati. Yadi rūpasaññānanti iminā catasso rūpāvacarasaññā kathitā. Yadi arūpasaññānanti iminā ākāsānañcāyatanaviññāṇañcāyatanasaññā. Itarehi pana dvīhi padehi samāpannakavāro ca asamāpannakavāro ca kathitoti evametā koṭṭhāsato aṭṭha, atthato pana satta saññā honti. Samāpannakavāro hi purimāhi chahisaṅgahitoyeva. Tayidaṃ saṅkhatanti taṃ idaṃ sabbampi saññāgataṃ saddhiṃ diṭṭhigatena saṅkhataṃ paccayehi samāgantvā kataṃ. Oḷārikanti saṅkhatattāva oḷārikaṃ. Atthi kho pana saṅkhārānaṃ nirodhoti etesaṃ pana saṅkhatanti vuttānaṃ saṅkhārānaṃ nirodhasaṅkhātaṃ nibbānaṃ nāma atthi. Atthetanti iti viditvāti taṃ kho pana nibbānaṃ ‘‘atthi eta’’nti evaṃ jānitvā. Tassa nissaraṇadassāvīti tassa saṅkhatassa nissaraṇadassī nibbānadassī. Tathāgato tadupātivattoti taṃ saṅkhataṃ atikkanto samatikkantoti attho.
23. д̇ад̇раад̇и д̇зсу адтасу асан̃н̃ийваад̣̇зсу. руубим̣ ваад̇иаад̣̇ийни сан̃н̃ийваад̣̇з вуд̇д̇анаязнзва взд̣̇ид̇аб̣б̣аани. аяан̃жа яасмаа асан̃н̃ийваад̣̇о, д̇асмаа ид̇ха д̣̇уд̇ияажад̇уггам̣ на вуд̇д̇ам̣. бадиггосанд̇ийд̇и бадиб̣ааханд̇и бадисзд̇хзнд̇и. сан̃н̃аа рог̇од̇иаад̣̇ийсу ааб̣аад̇хадтзна рог̇о, сад̣̇осадтзна г̇ан̣д̣о, анубавидтадтзна саллам̣. ааг̇ад̇им̣ ваа г̇ад̇им̣ ваад̇иаад̣̇ийсу бадисанд̇хивасзна ааг̇ад̇им̣, жуд̇ивасзна г̇ад̇им̣, жаванавасзна жуд̇им̣, убабаж̇ж̇анавасзна убабад̇д̇им̣, бунаббунам̣ уббаж̇ж̇ид̇ваа абараабарам̣ вад̣дханавасзна вуд̣дхим̣ вируул̣хим̣ взбуллам̣. гааман̃жа жад̇увогаарабхавз руубам̣ винааби вин̃н̃аан̣асса бавад̇д̇и ад̇т̇и, сзсз бана д̇аяо канд̇хз винаа над̇т̇и. аяам̣ бана бан̃хо бан̃жавогаарабхававасзна гат̇ид̇о. бан̃жавогаарз хи зд̇д̇агз канд̇хз винаа вин̃н̃аан̣асса бавад̇д̇и наама над̇т̇и. вид̇ан̣д̣аваад̣̇ий банзд̇т̇а ‘‘ан̃н̃ад̇ра руубаад̇иаад̣̇иважанад̇о аруубабхавзби руубам̣, асан̃н̃аабхавз жа вин̃н̃аан̣ам̣ ад̇т̇и, д̇ат̇аа нирод̇хасамаабаннассаа’’д̇и вад̣̇ад̇и. со вад̇д̇аб̣б̣о – б̣яан̃ж̇анажчааяааяа жз ад̇т̇ам̣ бадиб̣аахаси, ааг̇ад̇им̣ ваад̇иаад̣̇иважанад̇о д̇ам̣ вин̃н̃аан̣ам̣ багкид̣̇вибад̣̇ажад̇уббад̣̇аа вияа уббад̇ид̇вааби г̇ажчад̇и, бад̣̇асааби г̇ажчад̇и, г̇овисаан̣аваллиаад̣̇ийни вияа жа вад̣дхад̇ийд̇и аабаж̇ж̇ад̇и. яз жа бхаг̇авад̇аа анзгасад̇зсу суд̇д̇зсу д̇аяо бхаваа вуд̇д̇аа, д̇з аруубабхавасса абхааваа д̣̇взва аабаж̇ж̇анд̇и. д̇асмаа маа звам̣ аважа, яат̇аа вуд̇д̇амад̇т̇ам̣ д̇хаарзхийд̇и.
23.Tatrāti tesu aṭṭhasu asaññīvādesu. Rūpiṃ vātiādīni saññīvāde vuttanayeneva veditabbāni. Ayañca yasmā asaññīvādo, tasmā idha dutiyacatukkaṃ na vuttaṃ. Paṭikkosantīti paṭibāhanti paṭisedhenti. Saññārogotiādīsu ābādhaṭṭhena rogo, sadosaṭṭhena gaṇḍo, anupaviṭṭhaṭṭhena sallaṃ. Āgatiṃ vā gatiṃ vātiādīsu paṭisandhivasena āgatiṃ, cutivasena gatiṃ, cavanavasena cutiṃ, upapajjanavasena upapattiṃ, punappunaṃ uppajjitvā aparāparaṃ vaḍḍhanavasena vuḍḍhiṃ virūḷhiṃ vepullaṃ. Kāmañca catuvokārabhave rūpaṃ vināpi viññāṇassa pavatti atthi, sese pana tayo khandhe vinā natthi. Ayaṃ pana pañho pañcavokārabhavavasena kathito. Pañcavokāre hi ettake khandhe vinā viññāṇassa pavatti nāma natthi. Vitaṇḍavādī panettha ‘‘aññatra rūpātiādivacanato arūpabhavepi rūpaṃ, asaññābhave ca viññāṇaṃ atthi, tathā nirodhasamāpannassā’’ti vadati. So vattabbo – byañjanacchāyāya ce atthaṃ paṭibāhasi, āgatiṃ vātiādivacanato taṃ viññāṇaṃ pakkhidvipadacatuppadā viya uppatitvāpi gacchati, padasāpi gacchati, govisāṇavalliādīni viya ca vaḍḍhatīti āpajjati. Ye ca bhagavatā anekasatesu suttesu tayo bhavā vuttā, te arūpabhavassa abhāvā dveva āpajjanti. Tasmā mā evaṃ avaca, yathā vuttamatthaṃ dhārehīti.
24. д̇ад̇раад̇и адтасу нзвасан̃н̃ийнаасан̃н̃ийваад̣̇зсу бхуммам̣. ид̇хааби руубим̣ ваад̇иаад̣̇ийни вуд̇д̇анаязнзва взд̣̇ид̇аб̣б̣аани. асан̃н̃аа саммоход̇и ниссан̃н̃абхааво наамзса саммохадтаанам̣. яо хи гин̃жи на ж̇аанаад̇и, д̇ам̣ асан̃н̃ий зсод̇и вад̣̇анд̇и. д̣̇идтасуд̇амуд̇авин̃н̃аад̇аб̣б̣асан̇каарамад̇д̇знаад̇и д̣̇идтавин̃н̃аад̇аб̣б̣амад̇д̇зна суд̇авин̃н̃аад̇аб̣б̣амад̇д̇зна муд̇авин̃н̃аад̇аб̣б̣амад̇д̇зна. зд̇т̇а жа виж̇аанаад̇ийд̇и вин̃н̃аад̇аб̣б̣ам̣, д̣̇идтасуд̇амуд̇авин̃н̃аад̇аб̣б̣амад̇д̇зна бан̃жад̣̇вааригасан̃н̃аабавад̇д̇имад̇д̇знаад̇и аяан̃хи зд̇т̇а ад̇т̇о. сан̇каарамад̇д̇знаад̇и ол̣ааригасан̇каарабавад̇д̇имад̇д̇знаад̇и ад̇т̇о. зд̇асса ааяад̇анассаад̇и зд̇асса нзвасан̃н̃аанаасан̃н̃ааяад̇анасса . убасамбад̣̇анд̇и бадилаабхам̣. б̣яасанам̣ хзд̇анд̇и винаасо хзса, вудтаанам̣ хзд̇анд̇и ад̇т̇о. бан̃жад̣̇вааригасан̃н̃аабавад̇д̇ан̃хи ол̣ааригасан̇каарабавад̇д̇ам̣ ваа аббавад̇д̇ам̣ гад̇ваа д̇ам̣ самаабаж̇ж̇ид̇аб̣б̣ам̣. д̇асса бана бавад̇д̇зна д̇ад̇о вудтаанам̣ ход̇ийд̇и д̣̇ассзд̇и. сан̇каарасамаабад̇д̇ибад̇д̇аб̣б̣амагкааяад̇ийд̇и ол̣ааригасан̇каарабавад̇д̇ияаа бад̇д̇аб̣б̣анд̇и на агкааяад̇и. сан̇каараавасзсасамаабад̇д̇ибад̇д̇аб̣б̣анд̇и сан̇каараанам̣язва авасзсаа бхааванаавасзна саб̣б̣асукумабхаавам̣ бад̇д̇аа сан̇каараа, д̇зсам̣ бавад̇д̇ияаа зд̇ам̣ бад̇д̇аб̣б̣анд̇и ад̇т̇о. зваруубзсу хи сан̇каарзсу бавад̇д̇зсу зд̇ам̣ бад̇д̇аб̣б̣ам̣ наама ход̇и. д̇аяид̣̇анд̇и д̇ам̣ ид̣̇ам̣ зд̇ам̣ сукумамби самаанам̣ сан̇кад̇ам̣ сан̇кад̇ад̇д̇аа жа ол̣ааригам̣.
24.Tatrāti aṭṭhasu nevasaññīnāsaññīvādesu bhummaṃ. Idhāpi rūpiṃ vātiādīni vuttanayeneva veditabbāni. Asaññā sammohoti nissaññabhāvo nāmesa sammohaṭṭhānaṃ. Yo hi kiñci na jānāti, taṃ asaññī esoti vadanti. Diṭṭhasutamutaviññātabbasaṅkhāramattenāti diṭṭhaviññātabbamattena sutaviññātabbamattena mutaviññātabbamattena. Ettha ca vijānātīti viññātabbaṃ, diṭṭhasutamutaviññātabbamattena pañcadvārikasaññāpavattimattenāti ayañhi ettha attho. Saṅkhāramattenāti oḷārikasaṅkhārapavattimattenāti attho. Etassaāyatanassāti etassa nevasaññānāsaññāyatanassa . Upasampadanti paṭilābhaṃ. Byasanaṃ hetanti vināso hesa, vuṭṭhānaṃ hetanti attho. Pañcadvārikasaññāpavattañhi oḷārikasaṅkhārapavattaṃ vā appavattaṃ katvā taṃ samāpajjitabbaṃ. Tassa pana pavattena tato vuṭṭhānaṃ hotīti dasseti. Saṅkhārasamāpattipattabbamakkhāyatīti oḷārikasaṅkhārapavattiyā pattabbanti na akkhāyati. Saṅkhārāvasesasamāpattipattabbanti saṅkhārānaṃyeva avasesā bhāvanāvasena sabbasukhumabhāvaṃ pattā saṅkhārā, tesaṃ pavattiyā etaṃ pattabbanti attho. Evarūpesu hi saṅkhāresu pavattesu etaṃ pattabbaṃ nāma hoti. Tayidanti taṃ idaṃ etaṃ sukhumampi samānaṃ saṅkhataṃ saṅkhatattā ca oḷārikaṃ.
25. д̇ад̇раад̇и сад̇д̇асу ужчзд̣̇аваад̣̇зсу бхуммам̣. уд̣̇д̇хам̣ саранд̇и уд̣̇д̇хам̣ вужжад̇и анааг̇ад̇асам̣саараваад̣̇о, анааг̇ад̇ам̣ сам̣саараваад̣̇ам̣ саранд̇ийд̇и ад̇т̇о. аасад̇д̇им̣язва абхивад̣̇анд̇и лаг̇г̇анагам̣язва вад̣̇анд̇и. ‘‘аасад̇д̇а’’нд̇иби баато, д̇ан̣хам̣язва вад̣̇анд̇ийд̇и ад̇т̇о. ид̇и бзжжа бхависсаамаад̇и звам̣ бзжжа бхависсаама. кад̇д̇ияаа бхависсаама, б̣раахман̣аа бхависсаамаад̇и звамзд̇т̇а наяо нзд̇аб̣б̣о. ваан̣иж̇уубамаа ман̃н̃зд̇и ваан̣иж̇уубамаа вияа ваан̣иж̇абадибхааг̇аа ваан̣иж̇асад̣̇исаа маяхам̣ убадтаханд̇и. саггааяабхаяаад̇и саггааяасса бхаяаа. д̇з хи яат̇зва ‘‘жад̇д̇ааро ко, махаарааж̇а, абхаяасса бхааяанд̇и. гад̇амз жад̇д̇ааро? г̇ан̣д̣уббаад̣̇о ко, махаарааж̇а, бхаяаа бат̇авим̣ на каад̣̇ад̇и ‘маа бат̇авий кияий’д̇и, гонд̇о ко, махаарааж̇а, згабаад̣̇зна д̇идтад̇и ‘маа бат̇авий осийд̣̇ий’д̇и, гигий ко, махаарааж̇а, уд̇д̇аанаа сзд̇и ‘маа амбхаа унд̣̇рияий’д̇и, б̣раахман̣ад̇хаммиго ко, махаарааж̇а, б̣рахмажарияам̣ на жарад̇и ‘маа лого ужчиж̇ж̇ий’д̇и имз жад̇д̇ааро абхаяасса бхааяанд̇и, звам̣ саггааяасса бхааяанд̇и’’. саггааяабариж̇зг̇ужчаад̇и д̇амзва д̇збхуумагасан̇каад̇ам̣ саггааяам̣ бариж̇иг̇ужчамаанаа. саа г̇ад̣̇д̣̇улаб̣ад̣̇д̇ход̇и д̣̇ан̣д̣агз раж̇ж̇ум̣ бавзсзд̇ваа б̣ад̣̇д̇хасунако. звамзвимзд̇и зд̇т̇а д̣̇ал̣хад̇т̇амбхо вияа кийло вияа жа д̇збхуумагад̇хаммасан̇каад̇о саггааяо д̣̇адтаб̣б̣о, саа вияа д̣̇идтиг̇ад̇иго, д̣̇ан̣д̣аго вияа д̣̇идти, раж̇ж̇у вияа д̇ан̣хаа, г̇ад̣̇д̣̇улзна б̣анд̇хид̇ваа т̇амбхз ваа кийлз ваа убаниб̣ад̣̇д̇хасунакасса ад̇д̇ано д̇хаммад̇ааяа чинд̣̇ид̇ваа г̇анд̇ум̣ асамад̇т̇асса анубарид̇хааванам̣ вияа д̣̇идтиг̇ад̇игасса д̣̇идтид̣̇ан̣д̣агз бавзсид̇ааяа д̇ан̣хаараж̇ж̇уяаа б̣анд̇хид̇ваа саггааяз убаниб̣ад̣̇д̇хасса анубарид̇хааванам̣ взд̣̇ид̇аб̣б̣ам̣.
25.Tatrāti sattasu ucchedavādesu bhummaṃ. Uddhaṃ saranti uddhaṃ vuccati anāgatasaṃsāravādo, anāgataṃ saṃsāravādaṃ sarantīti attho. Āsattiṃyeva abhivadanti lagganakaṃyeva vadanti. ‘‘Āsatta’’ntipi pāṭho, taṇhaṃyeva vadantīti attho. Iti pecca bhavissāmāti evaṃ pecca bhavissāma. Khattiyā bhavissāma, brāhmaṇā bhavissāmāti evamettha nayo netabbo. Vāṇijūpamāmaññeti vāṇijūpamā viya vāṇijapaṭibhāgā vāṇijasadisā mayhaṃ upaṭṭhahanti. Sakkāyabhayāti sakkāyassa bhayā. Te hi yatheva ‘‘cattāro kho, mahārāja, abhayassa bhāyanti. Katame cattāro? Gaṇḍuppādo kho, mahārāja, bhayā pathaviṃ na khādati ‘mā pathavī khiyī’ti, konto kho, mahārāja, ekapādena tiṭṭhati ‘mā pathavī osīdī’ti, kikī kho, mahārāja, uttānā seti ‘mā ambhā undriyī’ti, brāhmaṇadhammiko kho, mahārāja, brahmacariyaṃ na carati ‘mā loko ucchijjī’ti ime cattāro abhayassa bhāyanti, evaṃ sakkāyassa bhāyanti’’. Sakkāyaparijegucchāti tameva tebhūmakasaṅkhātaṃ sakkāyaṃ parijigucchamānā. Sā gaddulabaddhoti daṇḍake rajjuṃ pavesetvā baddhasunakho. Evamevimeti ettha daḷhatthambho viya khīlo viya ca tebhūmakadhammasaṅkhāto sakkāyo daṭṭhabbo, sā viya diṭṭhigatiko, daṇḍako viya diṭṭhi, rajju viya taṇhā, gaddulena bandhitvā thambhe vā khīle vā upanibaddhasunakhassa attano dhammatāya chinditvā gantuṃ asamatthassa anuparidhāvanaṃ viya diṭṭhigatikassa diṭṭhidaṇḍake pavesitāya taṇhārajjuyā bandhitvā sakkāye upanibaddhassa anuparidhāvanaṃ veditabbaṃ.
26. имаанзва бан̃жааяад̇анаанийд̇и имаанзва бан̃жа гааран̣аани. ид̇и маад̇игам̣ табзнд̇знаби бан̃жзва табид̇аани, ниг̇амзнд̇знаби бан̃жзва ниг̇амид̇аани, бхааж̇знд̇зна бана жад̇д̇аари бхааж̇ид̇аани. д̣̇идтад̇хамманиб̣б̣аанам̣ гухим̣ бавидтанд̇и. згад̇д̇анаанад̇д̇авасзна д̣̇вийсу бад̣̇зсу бавидтанд̇и взд̣̇ид̇аб̣б̣ам̣.
26.Imāneva pañcāyatanānīti imāneva pañca kāraṇāni. Iti mātikaṃ ṭhapentenapi pañceva ṭhapitāni, nigamentenapi pañceva nigamitāni, bhājentena pana cattāri bhājitāni. Diṭṭhadhammanibbānaṃ kuhiṃ paviṭṭhanti. Ekattanānattavasena dvīsu padesu paviṭṭhanti veditabbaṃ.
27. зван̃жа жад̇ужад̇д̇аалийса абаранд̇агаббигз д̣̇ассзд̇ваа ид̣̇аани адтаараса буб̣б̣анд̇агаббигз д̣̇ассзд̇ум̣ санд̇и, бхигкавзд̇иаад̣̇имааха. д̇ад̇т̇а ад̇ийд̇агодтаасасан̇каад̇ам̣ буб̣б̣анд̇ам̣ габбзд̇ваа вигаббзд̇ваа г̇ан̣ханд̇ийд̇и буб̣б̣анд̇агаббигаа. буб̣б̣анд̇агаббо ваа зд̇зсам̣ ад̇т̇ийд̇и буб̣б̣анд̇агаббигаа. звам̣ сзсамби буб̣б̣з вуд̇д̇аббагаарам̣ вуд̇д̇анаязнзва взд̣̇ид̇аб̣б̣ам̣. сассад̇о ад̇д̇аа жа лого жаад̇и руубаад̣̇ийсу ан̃н̃ад̇арам̣ ад̇д̇аад̇и жа логод̇и жа г̇ахзд̇ваа сассад̇о амаро нижжо д̇хувод̇и абхивад̣̇анд̇и. яат̇ааха ‘‘руубам̣ ад̇д̇аа жзва лого жа сассад̇о жаад̇и ад̇д̇аанан̃жа логан̃жа бан̃н̃абзнд̇ий’’д̇и вид̇т̇ааро. асассад̇аад̣̇ийсуби зсзва наяо. зд̇т̇а жа батамаваад̣̇зна жад̇д̇ааро сассад̇аваад̣̇аа вуд̇д̇аа, д̣̇уд̇ияаваад̣̇зна сад̇д̇а ужчзд̣̇аваад̣̇аа.
27. Evañca catucattālīsa aparantakappike dassetvā idāni aṭṭhārasa pubbantakappike dassetuṃ santi, bhikkhavetiādimāha. Tattha atītakoṭṭhāsasaṅkhātaṃ pubbantaṃ kappetvā vikappetvā gaṇhantīti pubbantakappikā. Pubbantakappo vā etesaṃ atthīti pubbantakappikā. Evaṃ sesampi pubbe vuttappakāraṃ vuttanayeneva veditabbaṃ. Sassato attā ca loko cāti rūpādīsu aññataraṃ attāti ca lokoti ca gahetvā sassato amaro nicco dhuvoti abhivadanti. Yathāha ‘‘rūpaṃ attā ceva loko ca sassato cāti attānañca lokañca paññapentī’’ti vitthāro. Asassatādīsupi eseva nayo. Ettha ca paṭhamavādena cattāro sassatavādā vuttā, dutiyavādena satta ucchedavādā.
нану жзд̇з хздтаа ааг̇ад̇аа, ид̇ха гасмаа буна г̇ахид̇аад̇и. хздтаа д̇ад̇т̇а д̇ад̇т̇а мад̇о д̇ад̇т̇а д̇ад̇т̇зва ужчиж̇ж̇ад̇ийд̇и д̣̇ассанад̇т̇ам̣ ааг̇ад̇аа. ид̇ха бана буб̣б̣зниваасалаабхий д̣̇идтиг̇ад̇иго ад̇ийд̇ам̣ бассад̇и, на анааг̇ад̇ам̣, д̇асса звам̣ ход̇и ‘‘буб̣б̣анд̇ад̇о ааг̇ад̇о ад̇д̇аа ид̇хзва ужчиж̇ж̇ад̇и, ид̇о барам̣ на г̇ажчад̇ий’’д̇и имассад̇т̇асса д̣̇ассанад̇т̇ам̣ г̇ахид̇аа. д̇ад̇ияаваад̣̇зна жад̇д̇ааро згажжасассад̇аваад̣̇аа вуд̇д̇аа, жад̇уд̇т̇аваад̣̇зна жад̇д̇ааро амараавигкзбигаа вуд̇д̇аа. анд̇аваад̇и сабарияанд̇о барижчинно баривадумо. авад̣дхид̇агасин̣асса д̇ам̣ гасин̣ам̣ ад̇д̇аад̇и жа логод̇и жа г̇ахзд̇ваа звам̣ ход̇и. д̣̇уд̇ияаваад̣̇о вад̣дхид̇агасин̣асса васзна вуд̇д̇о, д̇ад̇ияаваад̣̇о д̇ирияам̣ вад̣дхзд̇ваа уд̣̇д̇хамад̇хо авад̣дхид̇агасин̣асса, жад̇уд̇т̇аваад̣̇о д̇аггивасзна вуд̇д̇о. ананд̇аражад̇уггам̣ хздтаа вуд̇д̇анаяамзва.
Nanu cete heṭṭhā āgatā, idha kasmā puna gahitāti. Heṭṭhā tattha tattha mato tattha tattheva ucchijjatīti dassanatthaṃ āgatā. Idha pana pubbenivāsalābhī diṭṭhigatiko atītaṃ passati, na anāgataṃ, tassa evaṃ hoti ‘‘pubbantato āgato attā idheva ucchijjati, ito paraṃ na gacchatī’’ti imassatthassa dassanatthaṃ gahitā. Tatiyavādena cattāro ekaccasassatavādā vuttā, catutthavādena cattāro amarāvikkhepikā vuttā. Antavāti sapariyanto paricchinno parivaṭumo. Avaḍḍhitakasiṇassa taṃ kasiṇaṃ attāti ca lokoti ca gahetvā evaṃ hoti. Dutiyavādo vaḍḍhitakasiṇassa vasena vutto, tatiyavādo tiriyaṃ vaḍḍhetvā uddhamadho avaḍḍhitakasiṇassa, catutthavādo takkivasena vutto. Anantaracatukkaṃ heṭṭhā vuttanayameva.
зганд̇асукийд̇и ниранд̇арасукий. аяам̣ д̣̇идти лаабхийж̇аад̇иссарад̇аггийнам̣ васзна уббаж̇ж̇ад̇и. лаабхино хи буб̣б̣зниваасан̃аан̣зна кад̇д̇ияаад̣̇игулз зганд̇асукамзва ад̇д̇ано ж̇аад̇им̣ ануссаранд̇асса звам̣ д̣̇идти уббаж̇ж̇ад̇и. д̇ат̇аа ж̇аад̇иссарасса бажжуббаннам̣ сукаманубхавад̇о ад̇ийд̇аасу сад̇д̇асу ж̇аад̇ийсу д̇аад̣̇исамзва ад̇д̇абхаавам̣ ануссаранд̇асса. д̇аггисса бана ид̇ха сукасаман̇г̇ино ‘‘ад̇ийд̇збаахам̣ звамзва ахоси’’нд̇и д̇аггзнзва уббаж̇ж̇ад̇и.
Ekantasukhīti nirantarasukhī. Ayaṃ diṭṭhi lābhījātissaratakkīnaṃ vasena uppajjati. Lābhino hi pubbenivāsañāṇena khattiyādikule ekantasukhameva attano jātiṃ anussarantassa evaṃ diṭṭhi uppajjati. Tathā jātissarassa paccuppannaṃ sukhamanubhavato atītāsu sattasu jātīsu tādisameva attabhāvaṃ anussarantassa. Takkissa pana idha sukhasamaṅgino ‘‘atītepāhaṃ evameva ahosi’’nti takkeneva uppajjati.
зганд̇ад̣̇угкийд̇и аяам̣ д̣̇идти лаабхино нуббаж̇ж̇ад̇и. со хи зганд̇знзва ид̇ха жхаанасукзна сукий ход̇и. ид̇ха д̣̇угкзна пудтасса бана ж̇аад̇иссарасса д̇аггиссзва жа саа уббаж̇ж̇ад̇и. д̇ад̇ияаа ид̇ха вогин̣н̣асукад̣̇угкаанам̣ саб̣б̣зсамби д̇зсам̣ уббаж̇ж̇ад̇и, д̇ат̇аа жад̇уд̇т̇аа д̣̇идти. лаабхино хи ид̣̇аани жад̇уд̇т̇аж̇жхаанавасзна ад̣̇угкамасукасса, буб̣б̣з жад̇уд̇т̇аж̇жхаанигамзва б̣рахмалогам̣ ануссаранд̇асса . ж̇аад̇иссарассааби бажжуббаннз маж̇жхад̇д̇асса, ануссаранд̇ассааби маж̇жхад̇д̇абхууд̇адтаанамзва ануссаранд̇асса, д̇аггиноби бажжуббаннз маж̇жхад̇д̇асса, ад̇ийд̇зби звам̣ бхависсад̇ийд̇и д̇аггзнзва г̇ан̣ханд̇асса зсаа д̣̇идти уббаж̇ж̇ад̇и. зд̇д̇аавад̇аа жад̇д̇ааро сассад̇аваад̣̇аа, жад̇д̇ааро згажжасассад̇игаа, жад̇д̇ааро анд̇аананд̇игаа, жад̇д̇ааро амараавигкзбигаа , д̣̇вз ад̇хижжа-самуббаннигаад̇и адтаарасаби буб̣б̣анд̇агаббигаа гат̇ид̇аа хонд̇и.
Ekantadukkhīti ayaṃ diṭṭhi lābhino nuppajjati. So hi ekanteneva idha jhānasukhena sukhī hoti. Idha dukkhena phuṭṭhassa pana jātissarassa takkisseva ca sā uppajjati. Tatiyā idha vokiṇṇasukhadukkhānaṃ sabbesampi tesaṃ uppajjati, tathā catutthā diṭṭhi. Lābhino hi idāni catutthajjhānavasena adukkhamasukhassa, pubbe catutthajjhānikameva brahmalokaṃ anussarantassa . Jātissarassāpi paccuppanne majjhattassa, anussarantassāpi majjhattabhūtaṭṭhānameva anussarantassa, takkinopi paccuppanne majjhattassa, atītepi evaṃ bhavissatīti takkeneva gaṇhantassa esā diṭṭhi uppajjati. Ettāvatā cattāro sassatavādā, cattāro ekaccasassatikā, cattāro antānantikā, cattāro amarāvikkhepikā , dve adhicca-samuppannikāti aṭṭhārasapi pubbantakappikā kathitā honti.
28. ид̣̇аани д̣̇идтуд̣̇д̇хаарам̣ уд̣̇д̇харанд̇о д̇ад̇ра, бхигкавзд̇иаад̣̇имааха. д̇ад̇т̇а бажжад̇д̇ам̣язва н̃аан̣анд̇и бажжагкан̃аан̣ам̣. барисуд̣̇д̇ханд̇и нирубаггилзсам̣. барияод̣̇аад̇анд̇и бабхассарам̣. саб̣б̣абад̣̇зхи вибассанаан̃аан̣ам̣язва гат̇ид̇ам̣. сад̣̇д̇хаад̣̇аяо хи бан̃жа д̇хаммаа б̣аахирасамаяасмимби хонд̇и, вибассанаан̃аан̣ам̣ саасанасмим̣язва. д̇ад̇т̇а н̃аан̣абхааг̇амад̇д̇амзва барияод̣̇абзнд̇ийд̇и маяамид̣̇ам̣ ж̇аанаамаад̇и звам̣ д̇ад̇т̇а н̃аан̣агодтаасам̣ од̇аарзнд̇иязва. убаад̣̇аанамагкааяад̇ийд̇и на д̇ам̣ н̃аан̣ам̣, мижчаад̣̇ассанам̣ наамзд̇ам̣, д̇асмаа д̇ад̣̇аби д̇зсам̣ бхаванд̇аанам̣ д̣̇идтубаад̣̇аанам̣ агкааяад̇ийд̇и ад̇т̇о. ат̇ааби д̇ам̣ ж̇аананамад̇д̇алагкан̣ад̇д̇аа н̃аан̣абхааг̇амад̇д̇амзва, д̇ат̇ааби д̇асса д̣̇ассанасса анубаад̇ивад̇д̇анад̇о убаад̣̇аанабажжаяад̇о жа убаад̣̇аанамзва. д̇ад̣̇убаад̇ивад̇д̇од̇и д̇ам̣ д̣̇идтим̣ ад̇игганд̇о. зд̇д̇аавад̇аа жад̇д̇ааро сассад̇аваад̣̇аа, жад̇д̇ааро згажжасассад̇игаа, жад̇д̇ааро анд̇аананд̇игаа, жад̇д̇ааро амараавигкзбигаа, д̣̇вз ад̇хижжасамуббаннигаа, сол̣аса сан̃н̃ийваад̣̇аа, адта асан̃н̃ийваад̣̇аа, адта нзвасан̃н̃ийнаасан̃н̃ийваад̣̇аа, сад̇д̇а ужчзд̣̇аваад̣̇аа, бан̃жа д̣̇идтад̇хамманиб̣б̣аанаваад̣̇аад̇и б̣рахмаж̇аалз ааг̇ад̇аа д̣̇ваасадтиби д̣̇идтияо гат̇ид̇аа хонд̇и. б̣рахмаж̇аалз бана гат̇ид̇з ид̣̇ам̣ суд̇д̇ам̣ агат̇ид̇амзва ход̇и. гасмаа? ид̇ха д̇ад̇о ад̇ирзгааяа саггааяад̣̇идтияаа ааг̇ад̇ад̇д̇аа. имасмим̣ бана гат̇ид̇з б̣рахмаж̇аалам̣ гат̇ид̇амзва ход̇и.
28. Idāni diṭṭhuddhāraṃ uddharanto tatra, bhikkhavetiādimāha. Tattha paccattaṃyeva ñāṇanti paccakkhañāṇaṃ. Parisuddhanti nirupakkilesaṃ. Pariyodātanti pabhassaraṃ. Sabbapadehi vipassanāñāṇaṃyeva kathitaṃ. Saddhādayo hi pañca dhammā bāhirasamayasmimpi honti, vipassanāñāṇaṃ sāsanasmiṃyeva. Tattha ñāṇabhāgamattameva pariyodapentīti mayamidaṃ jānāmāti evaṃ tattha ñāṇakoṭṭhāsaṃ otārentiyeva. Upādānamakkhāyatīti na taṃ ñāṇaṃ, micchādassanaṃ nāmetaṃ, tasmā tadapi tesaṃ bhavantānaṃ diṭṭhupādānaṃ akkhāyatīti attho. Athāpi taṃ jānanamattalakkhaṇattā ñāṇabhāgamattameva, tathāpi tassa dassanassa anupātivattanato upādānapaccayato ca upādānameva. Tadupātivattoti taṃ diṭṭhiṃ atikkanto. Ettāvatā cattāro sassatavādā, cattāro ekaccasassatikā, cattāro antānantikā, cattāro amarāvikkhepikā, dve adhiccasamuppannikā, soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca diṭṭhadhammanibbānavādāti brahmajāle āgatā dvāsaṭṭhipi diṭṭhiyo kathitā honti. Brahmajāle pana kathite idaṃ suttaṃ akathitameva hoti. Kasmā? Idha tato atirekāya sakkāyadiṭṭhiyā āgatattā. Imasmiṃ pana kathite brahmajālaṃ kathitameva hoti.
30. ид̣̇аани имаа д̣̇ваасадти д̣̇идтияо уббаж̇ж̇амаанаа саггааяад̣̇идтибамукзнзва уббаж̇ж̇анд̇ийд̇и д̣̇ассзд̇ум̣ ид̇ха, бхигкавз, згажжод̇иаад̣̇имааха. д̇ад̇т̇а бадиниссаг̇г̇аад̇и барижжааг̇зна. гаамасам̣яож̇анаанам̣ анад̇хидтаанаад̇и бан̃жагаамаг̇ун̣ад̇ан̣хаанам̣ ниссадтад̇д̇аа. бавивзгам̣ бийд̇инд̇и саббийд̇игаж̇жхаанад̣̇ваяабийд̇им̣. нируж̇жхад̇ийд̇и жхаананирод̇хзна нируж̇жхад̇и. самаабад̇д̇ид̇о бана вудтид̇асса нируд̣̇д̇хаа наама ход̇и. яат̇зва хи ‘‘ад̣̇угкамасукааяа взд̣̇анааяа нирод̇хаа уббаж̇ж̇ад̇и нираамисам̣ сукам̣, нираамисасукасса нирод̇хаа уббаж̇ж̇ад̇и ад̣̇угкамасукаа взд̣̇анаа’’д̇и зд̇т̇а на аяамад̇т̇о ход̇и – жад̇уд̇т̇аж̇жхаананирод̇хаа д̇ад̇ияаж̇жхаанам̣ убасамбаж̇ж̇а вихарад̇ийд̇и. аяам̣ банзд̇т̇а ад̇т̇о – жад̇уд̇т̇аж̇жхаанаа вудтааяа д̇ад̇ияам̣ жхаанам̣ самаабаж̇ж̇ад̇и, д̇ад̇ияаж̇жхаанаа вудтааяа жад̇уд̇т̇ам̣ жхаанам̣ самаабаж̇ж̇ад̇ийд̇и, звам̣самбад̣̇амид̣̇ам̣ взд̣̇ид̇аб̣б̣ам̣. уббаж̇ж̇ад̇и д̣̇оманассанд̇и хийнаж̇жхаанабарияаад̣̇аанагад̣̇оманассам̣. самаабад̇д̇ид̇о вудтид̇ажид̇д̇асса бана гамманийяабхааво гат̇ид̇о.
30. Idāni imā dvāsaṭṭhi diṭṭhiyo uppajjamānā sakkāyadiṭṭhipamukheneva uppajjantīti dassetuṃ idha, bhikkhave, ekaccotiādimāha. Tattha paṭinissaggāti pariccāgena. Kāmasaṃyojanānaṃanadhiṭṭhānāti pañcakāmaguṇataṇhānaṃ nissaṭṭhattā. Pavivekaṃ pītinti sappītikajjhānadvayapītiṃ. Nirujjhatīti jhānanirodhena nirujjhati. Samāpattito pana vuṭṭhitassa niruddhā nāma hoti. Yatheva hi ‘‘adukkhamasukhāya vedanāya nirodhā uppajjati nirāmisaṃ sukhaṃ, nirāmisasukhassa nirodhā uppajjati adukkhamasukhā vedanā’’ti ettha na ayamattho hoti – catutthajjhānanirodhā tatiyajjhānaṃ upasampajja viharatīti. Ayaṃ panettha attho – catutthajjhānā vuṭṭhāya tatiyaṃ jhānaṃ samāpajjati, tatiyajjhānā vuṭṭhāya catutthaṃ jhānaṃ samāpajjatīti, evaṃsampadamidaṃ veditabbaṃ. Uppajjati domanassanti hīnajjhānapariyādānakadomanassaṃ. Samāpattito vuṭṭhitacittassa pana kammanīyabhāvo kathito.
бавивзгаа бийд̇ийд̇и саа зва жхаанад̣̇ваяабийд̇и. яам̣ чааяаа ж̇ахад̇ийд̇и яам̣ таанам̣ чааяаа ж̇ахад̇и. гим̣ вуд̇д̇ам̣ ход̇и? яасмим̣ таанз чааяаа ад̇т̇и, д̇асмим̣ аад̇або над̇т̇и. яасмим̣ аад̇або ад̇т̇и, д̇асмим̣ чааяаа над̇т̇ийд̇и.
Pavivekā pītīti sā eva jhānadvayapīti. Yaṃ chāyā jahatīti yaṃ ṭhānaṃ chāyā jahati. Kiṃ vuttaṃ hoti? Yasmiṃ ṭhāne chāyā atthi, tasmiṃ ātapo natthi. Yasmiṃ ātapo atthi, tasmiṃ chāyā natthīti.
31. нираамисам̣ суканд̇и д̇ад̇ияаж̇жхаанасукам̣.
31.Nirāmisaṃ sukhanti tatiyajjhānasukhaṃ.
32. ад̣̇угкамасуканд̇и жад̇уд̇т̇аж̇жхаанавзд̣̇анам̣.
32.Adukkhamasukhanti catutthajjhānavedanaṃ.
33. анубаад̣̇аанохамасмийд̇и ниг̇г̇ахан̣о ахамасми. ниб̣б̣аанасаббааяанд̇и ниб̣б̣аанасса саббааяам̣ убагаарабхууд̇ам̣ . нану жа маг̇г̇ад̣̇ассанам̣ наама саб̣б̣ад̇т̇а ниганд̇ияаа сугкаабид̇ааяа уббаж̇ж̇ад̇и, гат̇амзд̇ам̣ ниб̣б̣аанасса убагаарабадибад̣̇аа наама ж̇аад̇анд̇и, саб̣б̣ад̇т̇а анубаад̣̇ияанавасзна аг̇г̇ан̣ханавасзна убагаарабадибад̣̇аа наама ж̇аад̇ам̣. абхивад̣̇ад̇ийд̇и абхимаанзна убавад̣̇ад̇и. буб̣б̣анд̇аануд̣̇идтинд̇и адтаарасавид̇хамби буб̣б̣анд̇аануд̣̇идтим̣. абаранд̇аануд̣̇идтинд̇и жад̇ужад̇д̇аарийсавид̇хамби абаранд̇аануд̣̇идтим̣. убаад̣̇аанамагкааяад̇ийд̇и ахамасмийд̇и г̇ахан̣асса саггааяад̣̇идтибарияаабаннад̇д̇аа д̣̇идтубаад̣̇аанам̣ агкааяад̇и.
33.Anupādānohamasmīti niggahaṇo ahamasmi. Nibbānasappāyanti nibbānassa sappāyaṃ upakārabhūtaṃ . Nanu ca maggadassanaṃ nāma sabbattha nikantiyā sukkhāpitāya uppajjati, kathametaṃ nibbānassa upakārapaṭipadā nāma jātanti, sabbattha anupādiyanavasena aggaṇhanavasena upakārapaṭipadā nāma jātaṃ. Abhivadatīti abhimānena upavadati. Pubbantānudiṭṭhinti aṭṭhārasavidhampi pubbantānudiṭṭhiṃ. Aparantānudiṭṭhinti catucattārīsavidhampi aparantānudiṭṭhiṃ. Upādānamakkhāyatīti ahamasmīti gahaṇassa sakkāyadiṭṭhipariyāpannattā diṭṭhupādānaṃ akkhāyati.
санд̇иварабад̣̇анд̇и вуубасанд̇агилзсад̇д̇аа санд̇ам̣ уд̇д̇амабад̣̇ам̣. чаннам̣ пассааяад̇анаананд̇и бхаг̇авад̇аа ‘‘яад̇т̇а жагку жа нируж̇жхад̇и руубасан̃н̃аа жа нируж̇жхад̇и со ааяад̇ано взд̣̇ид̇аб̣б̣о’’д̇и зд̇т̇а д̣̇виннам̣ ааяад̇анаанам̣ бадигкзбзна ниб̣б̣аанам̣ д̣̇ассид̇ам̣.
Santivarapadanti vūpasantakilesattā santaṃ uttamapadaṃ. Channaṃ phassāyatanānanti bhagavatā ‘‘yattha cakkhu ca nirujjhati rūpasaññā ca nirujjhati so āyatano veditabbo’’ti ettha dvinnaṃ āyatanānaṃ paṭikkhepena nibbānaṃ dassitaṃ.
‘‘яад̇т̇а аабо жа бат̇авий, д̇зж̇о вааяо на г̇аад̇хад̇и;
‘‘Yattha āpo ca pathavī, tejo vāyo na gādhati;
ад̇о сараа нивад̇д̇анд̇и, зд̇т̇а ваддам̣ на вад̇д̇ад̇и;
Ato sarā nivattanti, ettha vaṭṭaṃ na vattati;
зд̇т̇а нааман̃жа руубан̃жа, асзсам̣ убаруж̇жхад̇ий’’д̇и. (сам̣. ни. 1.27) –
Ettha nāmañca rūpañca, asesaṃ uparujjhatī’’ti. (saṃ. ni. 1.27) –
зд̇т̇а бана сан̇каарабадигкзбзна ниб̣б̣аанам̣ д̣̇ассид̇ам̣.
Ettha pana saṅkhārapaṭikkhepena nibbānaṃ dassitaṃ.
‘‘гад̇т̇а аабо жа бат̇авий, д̇зж̇о вааяо на г̇аад̇хад̇и;
‘‘Kattha āpo ca pathavī, tejo vāyo na gādhati;
гад̇т̇а д̣̇ийгхан̃жа рассан̃жа, ан̣ум̣ т̇уулам̣ субхаасубхам̣;
Kattha dīghañca rassañca, aṇuṃ thūlaṃ subhāsubhaṃ;
гад̇т̇а нааман̃жа руубан̃жа, асзсам̣ убаруж̇жхад̇ий’’д̇и. (д̣̇ий. ни. 1.498);
Kattha nāmañca rūpañca, asesaṃ uparujjhatī’’ti. (dī. ni. 1.498);
д̇ад̇ра взяяаагаран̣ам̣ бхавад̇и –
Tatra veyyākaraṇaṃ bhavati –
‘‘вин̃н̃аан̣ам̣ анид̣̇ассанам̣, ананд̇ам̣ саб̣б̣ад̇о бабха’’нд̇и –
‘‘Viññāṇaṃ anidassanaṃ, anantaṃ sabbato pabha’’nti –
зд̇т̇а сан̇каарабадигкзбзна ниб̣б̣аанам̣ д̣̇ассид̇ам̣. имасмим̣ бана суд̇д̇з чаааяад̇анабадигкзбзна д̣̇ассид̇ам̣. ан̃н̃ад̇т̇а жа анубаад̣̇аавимогкод̇и ниб̣б̣аанамзва д̣̇ассид̇ам̣, ид̇ха бана арахад̇д̇апаласамаабад̇д̇и. сзсам̣ саб̣б̣ад̇т̇а уд̇д̇аанамзваад̇и.
Ettha saṅkhārapaṭikkhepena nibbānaṃ dassitaṃ. Imasmiṃ pana sutte chaāyatanapaṭikkhepena dassitaṃ. Aññattha ca anupādāvimokkhoti nibbānameva dassitaṃ, idha pana arahattaphalasamāpatti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
бан̃жад̇д̇аяасуд̇д̇аван̣н̣анаа нидтид̇аа.
Pañcattayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. бан̃жад̇д̇аяасуд̇д̇ам̣ • 2. Pañcattayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. бан̃жад̇д̇аяасуд̇д̇аван̣н̣анаа • 2. Pañcattayasuttavaṇṇanā
