| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. бан̃жад̇д̇аяасуд̇д̇аван̣н̣анаа
2. Pañcattayasuttavaṇṇanā
21. згзд̇и зд̇т̇а зга-сад̣̇д̣̇о ан̃н̃ад̇т̇о, на г̇ан̣анаад̣̇иад̇т̇од̇и д̇ам̣ д̣̇ассзнд̇о ‘‘згажжз’’д̇и ааха. яам̣ бана баал̣ияам̣ ‘‘санд̇ий’’д̇и вуд̇д̇ам̣. д̇зна д̇зсам̣ д̣̇идтиг̇ад̇игаанам̣ виж̇ж̇амаанад̇ааяа авижчиннад̇аа; д̇ад̇о жа нзсам̣ мижчааг̇ахан̣ад̇о сит̇илагаран̣авивзжанзхи ад̇д̇ано д̣̇зсанааяа гижжагаарид̇аа авид̇ат̇ад̇аа жа д̣̇ийбид̇аа ход̇и. барамад̇т̇асаман̣аб̣раахман̣зсу абаранд̇агаббигад̇ааяа лзсоби над̇т̇ийд̇и ааха ‘‘бариб̣б̣аж̇убаг̇ад̇абхаавзнаа’’д̇иаад̣̇и. сассад̇аад̣̇ивасзна абаранд̇ам̣ габбзнд̇ийд̇и абаранд̇агаббино, д̇з зва абаранд̇агаббигаа. яасмаа д̇зхи абаранд̇ам̣ буримад̇арасид̣̇д̇хзхи д̇ан̣хаад̣̇идтигаббзхи габбзд̇ваа аасзванаб̣алавад̇ааяа жа вигаббзд̇ваа абарабхааг̇асид̣̇д̇хзхи абхинивзсабхууд̇зхи д̇ан̣хаад̣̇идтиг̇г̇аахзхи г̇ан̣ханд̇и абхинивисанд̇и бараамасанд̇и; д̇асмаа вуд̇д̇ам̣ – ‘‘абаранд̇ам̣ габбзд̇ваа вигаббзд̇ваа г̇ан̣ханд̇ий’’д̇и. д̇ан̣хубаад̣̇аанавасзна габбанаг̇ахан̣аани взд̣̇ид̇аб̣б̣аани. д̇ан̣хаабажжаяаа хи убаад̣̇аанам̣. вуд̇д̇амби жзд̇ам̣ махаанид̣̇д̣̇зсз уд̣̇д̣̇аанад̇о сан̇кзбад̇о. д̇ан̣хаад̣̇идтивасзнаад̇и д̇ан̣хааяа д̣̇идтияаа жа васзна. д̣̇иддияаа ваа убаниссаяабхууд̇ааяа сахаж̇аад̇ааяа абхинанд̣̇анагааяа жа д̇ан̣хааяа сассад̇аад̣̇иаагаарзна абхинивисанд̇асса мижчааг̇аахасса жа васзна. анааг̇ад̇ад̇хаммависаяааяа ад̇хиббзд̇ад̇д̇аа анааг̇ад̇агаалаваажаго ид̇ха абара-сад̣̇д̣̇о. руубаад̣̇иканд̇хавинимуд̇д̇асса габбанавад̇т̇уно абхааваа анд̇а-сад̣̇д̣̇о бхааг̇аваажагод̇и ааха – ‘‘анааг̇ад̇ам̣ канд̇хагодтааса’’нд̇и. габбзд̇ваад̇и жа д̇асмим̣ абаранд̇з д̇ан̣хааяа наабхинивзсаанам̣ самад̇д̇анам̣ баринидтаабанамааха. тид̇аад̇и д̇ассаа лад̣̇д̇хияаа авиж̇аханам̣.
21.Eketi ettha eka-saddo aññattho, na gaṇanādiatthoti taṃ dassento ‘‘ekacce’’ti āha. Yaṃ pana pāḷiyaṃ ‘‘santī’’ti vuttaṃ. Tena tesaṃ diṭṭhigatikānaṃ vijjamānatāya avicchinnatā; tato ca nesaṃ micchāgahaṇato sithilakaraṇavivecanehi attano desanāya kiccakāritā avitathatā ca dīpitā hoti. Paramatthasamaṇabrāhmaṇesu aparantakappikatāya lesopi natthīti āha ‘‘paribbajupagatabhāvenā’’tiādi. Sassatādivasena aparantaṃ kappentīti aparantakappino, te eva aparantakappikā. Yasmā tehi aparantaṃ purimatarasiddhehi taṇhādiṭṭhikappehi kappetvā āsevanabalavatāya ca vikappetvā aparabhāgasiddhehi abhinivesabhūtehi taṇhādiṭṭhiggāhehi gaṇhanti abhinivisanti parāmasanti; tasmā vuttaṃ – ‘‘aparantaṃ kappetvā vikappetvā gaṇhantī’’ti. Taṇhupādānavasena kappanagahaṇāni veditabbāni. Taṇhāpaccayā hi upādānaṃ. Vuttampi cetaṃ mahāniddese uddānato saṅkhepato. Taṇhādiṭṭhivasenāti taṇhāya diṭṭhiyā ca vasena. Diṭṭiyā vā upanissayabhūtāya sahajātāya abhinandanakāya ca taṇhāya sassatādiākārena abhinivisantassa micchāgāhassa ca vasena. Anāgatadhammavisayāya adhippetattā anāgatakālavācako idha apara-saddo. Rūpādikhandhavinimuttassa kappanavatthuno abhāvā anta-saddo bhāgavācakoti āha – ‘‘anāgataṃ khandhakoṭṭhāsa’’nti. Kappetvāti ca tasmiṃ aparante taṇhāya nābhinivesānaṃ samattanaṃ pariniṭṭhāpanamāha. Ṭhitāti tassā laddhiyā avijahanaṃ.
ануг̇ад̇аад̇и аарамман̣агаран̣авасзна ану ану г̇ад̇аа абаранд̇з бавад̇д̇аа. аараб̣бхаад̇и ааламб̣ид̇ваа. висаяо хи д̇ассаа д̣̇идтияаа абаранд̇о. висаяабхаавад̇о зва хи со д̇ассаа ааг̇аманадтаанам̣ аарамман̣абажжаяо жаад̇и вуд̇д̇ам̣ ‘‘ааг̇амма бадижжаа’’д̇и. ад̇хиважанабад̣̇аанийд̇и бан̃н̃ад̇д̇ибад̣̇аани, д̣̇аасаад̣̇ийсу сиривад̣дхагаад̣̇исад̣̇д̣̇о вияа важанамад̇д̇амзва ад̇хигаарам̣ гад̇ваа бавад̇д̇ияаа ад̇хиважанам̣ бан̃н̃ад̇д̇и. ат̇а ваа ад̇хи-сад̣̇д̣̇о убарибхаавз, вужжад̇ийд̇и важанам̣, убари важанам̣ ад̇хиважанам̣, убаад̣̇аанабхууд̇аруубаад̣̇ийнам̣ убари бан̃н̃аабияамаанаа убаад̣̇аабан̃н̃ад̇д̇ийд̇и ад̇т̇о, д̇асмаа бан̃н̃ад̇д̇ид̣̇ийбагабад̣̇аанийд̇и ад̇т̇о. бан̃н̃ад̇д̇имад̇д̇ан̃хзд̇ам̣ вужжад̇и, яад̣̇ид̣̇ам̣, ‘‘ад̇д̇аа лого’’д̇и жа, на руубавзд̣̇анаад̣̇аяо вияа барамад̇т̇о. ад̇хигавуд̇д̇ид̇ааяа ваа ад̇химуд̇д̇ияод̇и д̣̇идтияо вужжанд̇и. ад̇хиган̃хи сабхаавад̇хаммзсу сассад̇аад̣̇им̣ багад̇иаад̣̇им̣ д̣̇раб̣яаад̣̇им̣ ж̇ийваад̣̇им̣ гааяаад̣̇ин̃жа абхууд̇амад̇т̇ам̣ аж̇жхааробзд̇ваа д̣̇идтияо бавад̇д̇анд̇ийд̇и. абхивад̣̇анд̇ийд̇и, ‘‘ид̣̇амзва сажжам̣ могхаман̃н̃а’’нд̇и абхинивисид̇ваа вад̣̇анд̇и, ‘‘аяам̣ д̇хаммо, нааяам̣ д̇хаммо’’д̇иаад̣̇инаа вивад̣̇анд̇и. абхивад̣̇анагирияааяа аж̇ж̇ааби авижчзд̣̇абхаавад̣̇ассанад̇т̇ам̣ вад̇д̇амаанагаалаважанам̣.
Anugatāti ārammaṇakaraṇavasena anu anu gatā aparante pavattā. Ārabbhāti ālambitvā. Visayo hi tassā diṭṭhiyā aparanto. Visayabhāvato eva hi so tassā āgamanaṭṭhānaṃ ārammaṇapaccayo cāti vuttaṃ ‘‘āgamma paṭiccā’’ti. Adhivacanapadānīti paññattipadāni, dāsādīsu sirivaḍḍhakādisaddo viya vacanamattameva adhikāraṃ katvā pavattiyā adhivacanaṃ paññatti. Atha vā adhi-saddo uparibhāve, vuccatīti vacanaṃ, upari vacanaṃ adhivacanaṃ, upādānabhūtarūpādīnaṃ upari paññāpiyamānā upādāpaññattīti attho, tasmā paññattidīpakapadānīti attho. Paññattimattañhetaṃ vuccati, yadidaṃ, ‘‘attā loko’’ti ca, na rūpavedanādayo viya paramattho. Adhikavuttitāya vā adhimuttiyoti diṭṭhiyo vuccanti. Adhikañhi sabhāvadhammesu sassatādiṃ pakatiādiṃ drabyādiṃ jīvādiṃ kāyādiñca abhūtamatthaṃ ajjhāropetvā diṭṭhiyo pavattantīti. Abhivadantīti, ‘‘idameva saccaṃ moghamañña’’nti abhinivisitvā vadanti, ‘‘ayaṃ dhammo, nāyaṃ dhammo’’tiādinā vivadanti. Abhivadanakiriyāya ajjāpi avicchedabhāvadassanatthaṃ vattamānakālavacanaṃ.
сан̃н̃аа зд̇асса ад̇т̇ийд̇и сан̃н̃ийд̇и ааха ‘‘сан̃н̃аасаман̇г̇ий’’д̇и. над̇т̇и зд̇асса рог̇о бхан̇г̇од̇и арог̇од̇и арог̇асад̣̇д̣̇асса нижжабарияааяад̇аа взд̣̇ид̇аб̣б̣аа. рог̇арахид̇ад̇аасийсзна ваа ниб̣б̣игаарад̇ааяа нижжад̇ам̣ бадиж̇аанаад̇и д̣̇идтиг̇ад̇игод̇и ааха ‘‘арог̇од̇и нижжо’’д̇и. иминаад̇и, ‘‘сан̃н̃ий ад̇д̇аа арог̇о барам̣ маран̣аа’’д̇и иминаа важанзна. сол̣аса сан̃н̃ийваад̣̇аад̇и – руубийжад̇уггам̣, аруубийжад̇уггам̣, анд̇аваажад̇уггам̣, зганд̇асукийжад̇угганд̇и – имзсам̣ жад̇уннам̣ жад̇уггаанам̣ васзна сол̣аса сан̃н̃ийваад̣̇аа гат̇ид̇аа. имзсуязва буримаанам̣ д̣̇виннам̣ жад̇уггаанам̣ васзна адта сан̃н̃ийваад̣̇аа адта жа нзвасан̃н̃ийнаасан̃н̃ийваад̣̇аа взд̣̇ид̇аб̣б̣аа. сад̇д̇а ужчзд̣̇аваад̣̇аад̇и мануссад̇д̇абхаавз гаамааважарад̣̇звад̇д̇абхаавз руубааважарад̣̇звад̇д̇абхаавз жад̇уб̣б̣ид̇хааруббад̇д̇абхаавз жавид̇ваа сад̇д̇асса ужчзд̣̇абан̃н̃аабанавасзна сад̇д̇а ужчзд̣̇аваад̣̇аа гат̇ид̇аа. асад̇о винаасаасамбхавад̇о ад̇т̇ибхааваниб̣анд̇хано ужчзд̣̇аваад̣̇од̇и вуд̇д̇ам̣ ‘‘сад̇од̇и виж̇ж̇амаанассаа’’д̇и. яаавааяам̣ ад̇д̇аа на ужчиж̇ж̇ад̇и, д̇аава виж̇ж̇ад̇и зваад̇и г̇ахан̣ад̇о нируд̣̇аяавинаасо ид̇ха ужчзд̣̇од̇и ад̇хиббзд̇од̇и ааха ‘‘убажчзд̣̇а’’нд̇и. висзсзна наасо винаасо, абхааво, со бана мам̣сажагку-бан̃н̃аажагку-д̣̇ассанабат̇аад̇иггамоваад̇и ааха ‘‘ад̣̇ассана’’нд̇и. ад̣̇ассанз хи нааса-сад̣̇д̣̇о логз нирул̣хо. бхававиг̇аманд̇и сабхааваабаг̇аманам̣ яо хи нируд̣̇аяавинаасавасзна ужчиж̇ж̇ад̇и, на со ад̇д̇ано сабхаавзнзва д̇идтад̇и.
Saññā etassa atthīti saññīti āha ‘‘saññāsamaṅgī’’ti. Natthi etassa rogo bhaṅgoti arogoti arogasaddassa niccapariyāyatā veditabbā. Rogarahitatāsīsena vā nibbikāratāya niccataṃ paṭijānāti diṭṭhigatikoti āha ‘‘arogoti nicco’’ti. Imināti, ‘‘saññī attā arogo paraṃ maraṇā’’ti iminā vacanena. Soḷasa saññīvādāti – rūpīcatukkaṃ, arūpīcatukkaṃ, antavācatukkaṃ, ekantasukhīcatukkanti – imesaṃ catunnaṃ catukkānaṃ vasena soḷasa saññīvādā kathitā. Imesuyeva purimānaṃ dvinnaṃ catukkānaṃ vasena aṭṭha saññīvādā aṭṭha ca nevasaññīnāsaññīvādā veditabbā. Satta ucchedavādāti manussattabhāve kāmāvacaradevattabhāve rūpāvacaradevattabhāve catubbidhāruppattabhāve cavitvā sattassa ucchedapaññāpanavasena satta ucchedavādā kathitā. Asato vināsāsambhavato atthibhāvanibandhano ucchedavādoti vuttaṃ ‘‘satoti vijjamānassā’’ti. Yāvāyaṃ attā na ucchijjati, tāva vijjati evāti gahaṇato nirudayavināso idha ucchedoti adhippetoti āha ‘‘upaccheda’’nti. Visesena nāso vināso, abhāvo, so pana maṃsacakkhu-paññācakkhu-dassanapathātikkamovāti āha ‘‘adassana’’nti. Adassane hi nāsa-saddo loke niruḷho. Bhavavigamanti sabhāvāpagamanaṃ yo hi nirudayavināsavasena ucchijjati, na so attano sabhāveneva tiṭṭhati.
бан̃жа д̣̇идтад̇хамманиб̣б̣аанаваад̣̇аад̇и бан̃жагаамаг̇ун̣асукаманубхог̇авасзна жад̇уб̣б̣ид̇харуубаж̇жхаанасукабарибхог̇авасзна жа д̣̇идтад̇хаммз ниб̣б̣аанаббад̇д̇ибан̃н̃аабанаваад̣̇аа. д̣̇идтад̇хаммод̇и д̣̇ассанабхууд̇зна н̃аан̣зна убалад̣̇д̇хад̇хаммо. д̇ад̇т̇а яо анинд̣̇рияависаяо, соби субаагадабхаавзна инд̣̇рияависаяо вияа ход̇ийд̇и ааха – ‘‘д̣̇идтад̇хаммод̇и бажжагкад̇хаммо вужжад̇ий’’д̇и. д̇знзва жа, ‘‘д̇ад̇т̇а д̇ад̇т̇а бадилад̣̇д̇хаад̇д̇абхаавассзд̇ам̣ ад̇хиважана’’нд̇и вуд̇д̇ам̣. сан̃н̃ийд̇и аад̣̇ивасзна д̇ийхаагаарзхи санд̇анд̇и сан̃н̃ий асан̃н̃ий нзвасан̃н̃ийнаасан̃н̃ийд̇и имзхи аагаарзхи виж̇ж̇амаанам̣, сад̣̇аа убалаб̣бхамаанам̣ сассад̇анд̇и ад̇т̇о. сан̃н̃ий ад̇д̇аад̇иаад̣̇ийни д̇ийн̣и д̣̇ассанаани. санд̇аад̇т̇авасзна зганд̇и сассад̇асса ад̇д̇ано васзна згам̣ д̣̇ассанам̣. ид̇араани д̣̇взд̇и ужчзд̣̇аваад̣̇а-д̣̇идтад̇хамманиб̣б̣аанаваад̣̇асан̃н̃ид̇аани д̣̇вз д̣̇ассанаани. д̇ийн̣и худ̇ваа бан̃жа хонд̇ийд̇и ид̣̇ам̣, ‘‘санд̇аад̇т̇авасзна зга’’нд̇и сан̇г̇ахавасзна вуд̇д̇асса сан̃н̃ийд̇и аад̣̇ивибхааг̇авасзна вуд̇д̇ад̇д̇аа сувин̃н̃зяяанд̇и адтагат̇ааяам̣ на уд̣̇д̇хадам̣.
Pañca diṭṭhadhammanibbānavādāti pañcakāmaguṇasukhamanubhogavasena catubbidharūpajjhānasukhaparibhogavasena ca diṭṭhadhamme nibbānappattipaññāpanavādā. Diṭṭhadhammoti dassanabhūtena ñāṇena upaladdhadhammo. Tattha yo anindriyavisayo, sopi supākaṭabhāvena indriyavisayo viya hotīti āha – ‘‘diṭṭhadhammoti paccakkhadhammo vuccatī’’ti. Teneva ca, ‘‘tattha tattha paṭiladdhaattabhāvassetaṃ adhivacana’’nti vuttaṃ. Saññīti ādivasena tīhākārehi santanti saññī asaññī nevasaññīnāsaññīti imehi ākārehi vijjamānaṃ, sadā upalabbhamānaṃ sassatanti attho. Saññī attātiādīni tīṇi dassanāni. Santaatthavasena ekanti sassatassa attano vasena ekaṃ dassanaṃ. Itarāni dveti ucchedavāda-diṭṭhadhammanibbānavādasaññitāni dve dassanāni. Tīṇi hutvā pañca hontīti idaṃ, ‘‘santaatthavasena eka’’nti saṅgahavasena vuttassa saññīti ādivibhāgavasena vuttattā suviññeyyanti aṭṭhakathāyaṃ na uddhaṭaṃ.
22. руубийм̣ ваад̇и зд̇т̇а (д̣̇ий. ни. дий. 1.76-77) яад̣̇и руубам̣ асса ад̇т̇ийд̇и руубийд̇и аяамад̇т̇о ад̇хиббзд̇о. звам̣ сад̇и руубавинимуд̇д̇зна ад̇д̇анаа бхавид̇аб̣б̣ам̣ сан̃н̃ааяа вияа руубассаби ад̇д̇анияад̇д̇аа. на хи сан̃н̃ий ад̇д̇аад̇и зд̇т̇а сан̃н̃аа ад̇д̇аа. д̇ат̇аа хи вуд̇д̇ам̣ суман̇г̇алавилаасинияам̣ (д̣̇ий. ни. адта. 1.76-77) ‘‘д̇ад̇т̇а бавад̇д̇асан̃н̃ан̃жасса сан̃н̃аад̇и г̇ахзд̇ваад̇и вуд̇д̇а’’нд̇и. звам̣ санд̇з, ‘‘гасин̣аруубам̣ ад̇д̇аад̇и г̇ан̣хаад̇ий’’д̇и ид̣̇ам̣ гат̇анд̇и? на ко банзд̇ам̣ звам̣ д̣̇адтаб̣б̣ам̣ – ‘‘руубам̣ асса ад̇т̇ийд̇и руубий’’д̇и, ат̇а ко ‘‘руббанасийло руубий’’д̇и. руббанан̃жзд̇т̇а руубасаригкад̇ааяа гасин̣аруубасса вад̣дхид̇аавад̣дхид̇агаалавасзна висзсаабад̇д̇и, саа жа над̇т̇ийд̇и на саггаа вад̇д̇ум̣ барид̇д̇авибулад̇аад̣̇ивисзсасаб̣бхаавад̇о. яад̣̇и звам̣ имасса ваад̣̇асса сассад̇ад̣̇идтисан̇г̇ахо на яуж̇ж̇ад̇ийд̇и? но на яуж̇ж̇ад̇и гааяабхзд̣̇ад̇о уд̣̇д̇хам̣ ад̇д̇ано ниб̣б̣игаарад̇ааяа д̇зна ад̇хиббзд̇ад̇д̇аа. д̇ат̇аа хи вуд̇д̇ам̣ ‘‘арог̇о барам̣ маран̣аа’’д̇и. ат̇а ваа ‘‘руубам̣ асса ад̇т̇ийд̇и руубий’’д̇и вужжамаанзби на д̣̇осо. габбанаасид̣̇д̇хзнаби хи бхзд̣̇зна сааминид̣̇д̣̇зсад̣̇ассанад̇о яат̇аа ‘‘силаабуд̇д̇агасса сарийра’’нд̇и . руббанам̣ ваа руббанасабхааво руубам̣, д̇ам̣ зд̇асса ад̇т̇ийд̇и руубий, ад̇д̇аа ‘‘руубино д̇хаммаа’’д̇иаад̣̇ийсу (д̇ха. са. 11 д̣̇угамаад̇игаа) вияа. зван̃жа гад̇ваа руубасабхаавад̇д̇аа ад̇д̇ано ‘‘руубам̣ ад̇д̇аа’’д̇и важанам̣ н̃ааяааг̇ад̇амзваад̇и ‘‘гасин̣аруубам̣ ад̇д̇аад̇и г̇ан̣хаад̇ий’’д̇и вуд̇д̇ам̣. аруубинд̇и зд̇д̇ааби вуд̇д̇анаяаанусаарзна яат̇аарахам̣ ад̇т̇о вад̇д̇аб̣б̣о. санд̇асукумам̣ мун̃жид̇ваа д̇аб̣б̣ибарийд̇асса г̇ахан̣з гааран̣ам̣ над̇т̇ийд̇и лаабхий, ‘‘гасин̣аруубам̣ ад̇д̇аа’’д̇и г̇ан̣хаад̇ийд̇и лаабхид̇аггино табзд̇ваа, сзсад̇аггий лаабхиг̇г̇ахан̣знзва г̇ахид̇аа. ануссуд̇ид̇аггигоби суд̣̇д̇хад̇аггигоби ваа ниран̇гусад̇д̇аа д̇агганасса гасин̣аруубамби ад̇д̇аад̇и гад̣̇аажиби г̇ан̣хзяяаад̇и вуд̇д̇ам̣ – ‘‘убхоби руубаани г̇ан̣хаад̇иязваа’’д̇и. суд̣̇д̇хад̇аггигасса убхаяаг̇г̇ахан̣ам̣ на гад̇ам̣, д̇асмаа саасан̇гаважанам̣.
22.Rūpīṃvāti ettha (dī. ni. ṭī. 1.76-77) yadi rūpaṃ assa atthīti rūpīti ayamattho adhippeto. Evaṃ sati rūpavinimuttena attanā bhavitabbaṃ saññāya viya rūpassapi attaniyattā. Na hi saññī attāti ettha saññā attā. Tathā hi vuttaṃ sumaṅgalavilāsiniyaṃ (dī. ni. aṭṭha. 1.76-77) ‘‘tattha pavattasaññañcassa saññāti gahetvāti vutta’’nti. Evaṃ sante, ‘‘kasiṇarūpaṃ attāti gaṇhātī’’ti idaṃ kathanti? Na kho panetaṃ evaṃ daṭṭhabbaṃ – ‘‘rūpaṃ assa atthīti rūpī’’ti, atha kho ‘‘ruppanasīlo rūpī’’ti. Ruppanañcettha rūpasarikkhatāya kasiṇarūpassa vaḍḍhitāvaḍḍhitakālavasena visesāpatti, sā ca natthīti na sakkā vattuṃ parittavipulatādivisesasabbhāvato. Yadi evaṃ imassa vādassa sassatadiṭṭhisaṅgaho na yujjatīti? No na yujjati kāyabhedato uddhaṃ attano nibbikāratāya tena adhippetattā. Tathā hi vuttaṃ ‘‘arogo paraṃ maraṇā’’ti. Atha vā ‘‘rūpaṃ assa atthīti rūpī’’ti vuccamānepi na doso. Kappanāsiddhenapi hi bhedena sāminiddesadassanato yathā ‘‘silāputtakassa sarīra’’nti . Ruppanaṃ vā ruppanasabhāvo rūpaṃ, taṃ etassa atthīti rūpī, attā ‘‘rūpino dhammā’’tiādīsu (dha. sa. 11 dukamātikā) viya. Evañca katvā rūpasabhāvattā attano ‘‘rūpaṃ attā’’ti vacanaṃ ñāyāgatamevāti ‘‘kasiṇarūpaṃ attāti gaṇhātī’’ti vuttaṃ. Arūpinti ettāpi vuttanayānusārena yathārahaṃ attho vattabbo. Santasukhumaṃ muñcitvā tabbiparītassa gahaṇe kāraṇaṃ natthīti lābhī, ‘‘kasiṇarūpaṃ attā’’ti gaṇhātīti lābhitakkino ṭhapetvā, sesatakkī lābhiggahaṇeneva gahitā. Anussutitakkikopi suddhatakkikopi vā niraṅkusattā takkanassa kasiṇarūpampi attāti kadācipi gaṇheyyāti vuttaṃ – ‘‘ubhopi rūpāni gaṇhātiyevā’’ti. Suddhatakkikassa ubhayaggahaṇaṃ na kataṃ, tasmā sāsaṅkavacanaṃ.
гасин̣уг̇гхаадимаагааса-батамааруббавин̃н̃аан̣а-над̇т̇ибхаавааагин̃жан̃н̃ааяад̇анаани аруубасамаабад̇д̇инимид̇д̇ам̣. табзд̇ваа сан̃н̃аагканд̇ханд̇и ид̣̇ам̣ сан̃н̃ааяа ад̇д̇анияад̇ам̣ хад̣̇аяз гад̇ваа вуд̇д̇ам̣. ‘‘руубим̣ ваа’’д̇и зд̇т̇а вуд̇д̇анаязна бана ад̇т̇з вужжамаанз сан̃н̃аагканд̇хам̣ б̣ахид̣̇д̇хаа агад̇ваа ‘‘аруубад̇хаммз’’ижжзва вад̇д̇аб̣б̣ам̣ сияаа. миссагаг̇г̇аахавасзнаад̇и руубааруубасамаабад̇д̇ийнам̣ нимид̇д̇аани згаж̇жхам̣ гад̇ваа, ‘‘зго ад̇д̇аа’’д̇и, д̇ад̇т̇а бавад̇д̇асан̃н̃ан̃жасса, ‘‘сан̃н̃аа’’д̇и г̇ахан̣авасзна. аяан̃хи д̣̇идтиг̇ад̇иго руубааруубасамаабад̇д̇илаабхид̇ааяа д̇ам̣нимид̇д̇ам̣ руубабхаавзна аруубабхаавзна жа г̇ахзд̇ваа убад̇идтад̇и, д̇асмаа, ‘‘руубий аруубий жаа’’д̇и абхинивзсам̣ ж̇анзд̇и аж̇жхад̇д̇аваад̣̇ино вияа д̇аггамад̇д̇знзва ваа руубааруубад̇хаммз миссагавасзна г̇ахзд̇ваа, ‘‘руубий жа аруубийжа ад̇д̇аа ход̇ий’’д̇и. д̇аггаг̇аахзнзваад̇и сан̇каараавасзсасукумабхааваббад̇д̇ад̇хаммаа вияа жа ажжанд̇асукумабхаавабад̇д̇ияаа сагижжасаад̇ханаасамад̇т̇ад̇ааяа т̇амбхагуддахад̇т̇абаад̣̇аанам̣ сан̇гхаад̇о вияа нзва руубий, руубасабхааваанад̇ивад̇д̇анад̇о на аруубийд̇и звам̣ бавад̇д̇ад̇аггаг̇аахзна. лаабхивасзнаби ваа анд̇аананд̇игажад̇уд̇т̇аваад̣̇з вагкамаананаязна ан̃н̃аман̃н̃абадибагкавасзна ад̇т̇о взд̣̇ид̇аб̣б̣о. гзвалам̣ бана д̇ад̇т̇а д̣̇зсагаалабхзд̣̇авасзна д̇ад̇ияажад̇уд̇т̇аваад̣̇аа ижчид̇аа; ид̇ха гаалавад̇т̇у бхзд̣̇авасзнаад̇и аяамзва висзсо. гаалабхзд̣̇авасзна жзд̇т̇а д̇ад̇ияаваад̣̇асса бавад̇д̇и руубааруубанимид̇д̇аанам̣ саха анубадтаанад̇о; жад̇уд̇т̇аваад̣̇асса бана вад̇т̇убхзд̣̇авасзна бавад̇д̇и руубааруубад̇хаммаанам̣ самуухад̇о, ‘‘зго ад̇д̇аа’’д̇и д̇аггавасзнаад̇и д̇ад̇т̇а вагкамаананаяаанусаарзна взд̣̇ид̇аб̣б̣ам̣.
Kasiṇugghāṭimākāsa-paṭhamāruppaviññāṇa-natthibhāvaākiñcaññāyatanāni arūpasamāpattinimittaṃ. Ṭhapetvā saññākkhandhanti idaṃ saññāya attaniyataṃ hadaye katvā vuttaṃ. ‘‘Rūpiṃ vā’’ti ettha vuttanayena pana atthe vuccamāne saññākkhandhaṃ bahiddhā akatvā ‘‘arūpadhamme’’icceva vattabbaṃ siyā. Missakaggāhavasenāti rūpārūpasamāpattīnaṃ nimittāni ekajjhaṃ katvā, ‘‘eko attā’’ti, tattha pavattasaññañcassa, ‘‘saññā’’ti gahaṇavasena. Ayañhi diṭṭhigatiko rūpārūpasamāpattilābhitāya taṃnimittaṃ rūpabhāvena arūpabhāvena ca gahetvā upatiṭṭhati, tasmā, ‘‘rūpī arūpī cā’’ti abhinivesaṃ janeti ajjhattavādino viya takkamatteneva vā rūpārūpadhamme missakavasena gahetvā, ‘‘rūpī ca arūpīca attā hotī’’ti. Takkagāhenevāti saṅkhārāvasesasukhumabhāvappattadhammā viya ca accantasukhumabhāvapattiyā sakiccasādhanāsamatthatāya thambhakuṭṭahatthapādānaṃ saṅghāto viya neva rūpī, rūpasabhāvānativattanato na arūpīti evaṃ pavattatakkagāhena. Lābhivasenapi vā antānantikacatutthavāde vakkhamānanayena aññamaññapaṭipakkhavasena attho veditabbo. Kevalaṃ pana tattha desakālabhedavasena tatiyacatutthavādā icchitā; idha kālavatthu bhedavasenāti ayameva viseso. Kālabhedavasena cettha tatiyavādassa pavatti rūpārūpanimittānaṃ saha anupaṭṭhānato; catutthavādassa pana vatthubhedavasena pavatti rūpārūpadhammānaṃ samūhato, ‘‘eko attā’’ti takkavasenāti tattha vakkhamānanayānusārena veditabbaṃ.
яад̣̇иби адтасамаабад̇д̇илаабхино д̣̇идтиг̇ад̇игасса васзна самаабад̇д̇ибхзд̣̇зна сан̃н̃аанаанад̇д̇асамбхавад̇о д̣̇уд̇ияад̣̇идтиби самаабаннагавасзна лаб̣бхад̇и; д̇ат̇ааби самаабад̇д̇ияам̣ згаруубзнзва сан̃н̃ааяа убадтаанад̇о, ‘‘батамад̣̇идти самаабаннагаваарзна гат̇ид̇аа’’д̇и ааха. д̇знзвзд̇т̇а самаабаннагаг̇г̇ахан̣ам̣ гад̇ам̣. згасамаабад̇д̇илаабхино зва ваа васзна ад̇т̇о взд̣̇ид̇аб̣б̣о. самаабад̇д̇и бхзд̣̇зна сан̃н̃аабхзд̣̇асамбхавзби б̣ахид̣̇д̇хаа бут̇уд̇д̇аарамман̣з сан̃н̃аанаанад̇д̇зна ол̣ааригзна наанад̇д̇асан̃н̃ийд̇и, ‘‘д̣̇уд̇ияад̣̇идти асамаабаннагаваарзнаа’’д̇и ааха. авад̣дхид̇агасин̣авасзна барид̇д̇асан̃н̃ид̇ам̣, вад̣дхид̇агасин̣авасзна аббамаан̣асан̃н̃ид̇ам̣ д̣̇ассзд̇ум̣, ‘‘д̇ад̇ияад̣̇идти суббамад̇д̇зна ваа сараавамад̇д̇зна ваа’’д̇иаад̣̇и вуд̇д̇ам̣. ‘‘ан̇г̇удтаббамаан̣о ваа ад̇д̇аа яаваббамаан̣о, ан̣умад̇д̇о ваа ад̇д̇аа’’д̇иаад̣̇ид̣̇ассанавасзна (уд̣̇аа. адта. 54; д̣̇ий. ни. дий. 1.76-77) барид̇д̇о сан̃н̃ийд̇и барид̇д̇асан̃н̃ий. габилаган̣аад̣̇аад̣̇аяо (вибха. анудий. 189) вияа ад̇д̇ано саб̣б̣аг̇ад̇абхаавабадиж̇аананавасзна аббамаан̣о сан̃н̃ийд̇и аббамаан̣асан̃н̃ийд̇и звамбзд̇т̇а ад̇т̇о д̣̇адтаб̣б̣о.
Yadipi aṭṭhasamāpattilābhino diṭṭhigatikassa vasena samāpattibhedena saññānānattasambhavato dutiyadiṭṭhipi samāpannakavasena labbhati; tathāpi samāpattiyaṃ ekarūpeneva saññāya upaṭṭhānato, ‘‘paṭhamadiṭṭhi samāpannakavārena kathitā’’ti āha. Tenevettha samāpannakaggahaṇaṃ kataṃ. Ekasamāpattilābhino eva vā vasena attho veditabbo. Samāpatti bhedena saññābhedasambhavepi bahiddhā puthuttārammaṇe saññānānattena oḷārikena nānattasaññīti, ‘‘dutiyadiṭṭhi asamāpannakavārenā’’ti āha. Avaḍḍhitakasiṇavasena parittasaññitaṃ, vaḍḍhitakasiṇavasena appamāṇasaññitaṃ dassetuṃ, ‘‘tatiyadiṭṭhi suppamattena vā sarāvamattena vā’’tiādi vuttaṃ. ‘‘Aṅguṭṭhappamāṇo vā attā yavappamāṇo, aṇumatto vā attā’’tiādidassanavasena (udā. aṭṭha. 54; dī. ni. ṭī. 1.76-77) paritto saññīti parittasaññī. Kapilakaṇādādayo (vibha. anuṭī. 189) viya attano sabbagatabhāvapaṭijānanavasena appamāṇo saññīti appamāṇasaññīti evampettha attho daṭṭhabbo.
зд̇анд̇и, ‘‘руубим̣ ваа’’д̇иаад̣̇инаа яат̇аавуд̇д̇аад̇д̇аваад̣̇ам̣. згзсанд̇и згажжаанам̣. убаад̇ивад̇д̇ад̇анд̇и ад̇иггаманд̇аанам̣. нид̣̇д̇хааран̣з жзд̇ам̣ саамиважанам̣. вин̃н̃аан̣агасин̣амзгз абхивад̣̇анд̇ийд̇и яож̇анаа. д̇знааха – ‘‘сан̃н̃ам̣…бз… абхивад̣̇анд̇ий’’д̇и. д̇ад̇т̇а ‘‘сан̃н̃ам̣ табзд̇ваа сзсаани д̇ийн̣ий’’д̇и ид̣̇ам̣ сан̃н̃ааяа жад̇уггамби барибун̣н̣амзва г̇ахзд̇ваа, абарз адтаганд̇и вад̣̇анд̇и. д̇ад̣̇убхаяанд̇и д̇ам̣ сан̃н̃ааадтаганд̇и вуд̇д̇ам̣ убхаяам̣. барад̇о аави бхависсад̇ийд̇и, ‘‘жад̇ассо руубасан̃н̃ий’’д̇иаад̣̇инаа убари багаасзссад̇и. вагкад̇и хи – ‘‘годтаасад̇о адта, ад̇т̇ад̇о бана сад̇д̇а сан̃н̃аа хонд̇ий’’д̇и (ма. ни. адта. 3.22). зд̇т̇аад̇и, ‘‘зд̇ам̣ ваа банаа’’д̇и зд̇асмим̣ ваагяз. самад̇иггамид̇ум̣ саггонд̇и д̇ад̇т̇а аад̣̇ийнавад̣̇ассанзна д̇ад̣̇уд̣̇д̇хам̣ аанисам̣сад̣̇ассанзна жа б̣руухид̇асад̣̇д̇хаад̣̇и г̇ун̣ад̇д̇аа, вибарияааязна асаггун̣анам̣ взд̣̇ид̇аб̣б̣ам̣. яз саггонд̇и, д̇зва г̇ахид̇аа д̇зсам̣язва васзна вагкамаанасса висзсасса вад̇д̇ум̣ саггун̣зяяад̇д̇аа. саггонд̇аанан̃жа нзсам̣ убаад̇ивад̇д̇анам̣ ад̇д̇ано н̃аан̣аб̣алаануруубанд̇и имамад̇т̇ам̣ убамааяа д̣̇ассзд̇ум̣, ‘‘д̇зсам̣ банаа’’д̇иаад̣̇и вуд̇д̇ам̣. д̇ад̇т̇а аббамаан̣анд̇и аббамаан̣аарамман̣о , аббамаан̣аарамман̣ад̇аа жасса ааг̇аманавасзна взд̣̇ид̇аб̣б̣аа ананд̇аарамман̣ад̇о ваа. на хи аарамман̣з ананд̇анд̇и барамаананд̇асса бамаан̣ам̣ ваа г̇ан̣хаад̇и. сукад̣̇угкзхи анин̃ж̇анад̇о руубавирааг̇абхааванаависзсад̇ааяа жа аанзн̃ж̇ам̣ бад̇ваа д̇идтад̇и, аяам̣ но ад̇д̇аад̇и абхивад̣̇анд̇аа д̇идтанд̇и. вин̃н̃аан̣агасин̣амзгзд̇и вин̃н̃аан̣ан̃жааяад̇анам̣ згз д̣̇идтиг̇ад̇игаа ад̇д̇аад̇и вад̣̇анд̇и. д̇знааха – ‘‘вин̃н̃аан̣ан̃жааяад̇анам̣ д̇аава д̣̇ассзд̇у’’нд̇и. д̇асса бана аарамман̣абхууд̇ам̣ гасин̣уг̇гхаадимаагаасз бавад̇д̇авин̃н̃аан̣анд̇и абарз. д̇ан̃хи гасин̣ам̣ манасигааравасзна, ‘‘вин̃н̃аан̣агасин̣а’’нд̇и, вин̃н̃аан̣ан̃жа д̇ам̣ аарамман̣адтзна ааяад̇анан̃жаад̇и, ‘‘вин̃н̃аан̣ан̃жааяад̇ана’’нд̇и жа вужжад̇и. аагин̃жан̃н̃ааяад̇анамзгзд̇и зд̇т̇ааби зсзва наяо.
Etanti, ‘‘rūpiṃ vā’’tiādinā yathāvuttaattavādaṃ. Ekesanti ekaccānaṃ. Upātivattatanti atikkamantānaṃ. Niddhāraṇe cetaṃ sāmivacanaṃ. Viññāṇakasiṇameke abhivadantīti yojanā. Tenāha – ‘‘saññaṃ…pe… abhivadantī’’ti. Tattha ‘‘saññaṃ ṭhapetvā sesāni tīṇī’’ti idaṃ saññāya catukkampi paripuṇṇameva gahetvā, apare aṭṭhakanti vadanti. Tadubhayanti taṃ saññāaṭṭhakanti vuttaṃ ubhayaṃ. Parato āvi bhavissatīti, ‘‘catasso rūpasaññī’’tiādinā upari pakāsessati. Vakkhati hi – ‘‘koṭṭhāsato aṭṭha, atthato pana satta saññā hontī’’ti (ma. ni. aṭṭha. 3.22). Etthāti, ‘‘etaṃ vā panā’’ti etasmiṃ vākye. Samatikkamituṃ sakkonti tattha ādīnavadassanena taduddhaṃ ānisaṃsadassanena ca brūhitasaddhādi guṇattā, vipariyāyena asakkuṇanaṃ veditabbaṃ. Ye sakkonti, teva gahitā tesaṃyeva vasena vakkhamānassa visesassa vattuṃ sakkuṇeyyattā. Sakkontānañca nesaṃ upātivattanaṃ attano ñāṇabalānurūpanti imamatthaṃ upamāya dassetuṃ, ‘‘tesaṃ panā’’tiādi vuttaṃ. Tattha appamāṇanti appamāṇārammaṇo , appamāṇārammaṇatā cassa āgamanavasena veditabbā anantārammaṇato vā. Na hi ārammaṇe anantanti paramānantassa pamāṇaṃ vā gaṇhāti. Sukhadukkhehi aniñjanato rūpavirāgabhāvanāvisesatāya ca āneñjaṃ patvā tiṭṭhati, ayaṃ no attāti abhivadantā tiṭṭhanti. Viññāṇakasiṇameketi viññāṇañcāyatanaṃ eke diṭṭhigatikā attāti vadanti. Tenāha – ‘‘viññāṇañcāyatanaṃ tāva dassetu’’nti. Tassa pana ārammaṇabhūtaṃ kasiṇugghāṭimākāse pavattaviññāṇanti apare. Tañhi kasiṇaṃ manasikāravasena, ‘‘viññāṇakasiṇa’’nti, viññāṇañca taṃ ārammaṇaṭṭhena āyatanañcāti, ‘‘viññāṇañcāyatana’’nti ca vuccati. Ākiñcaññāyatanameketi etthāpi eseva nayo.
д̇аяид̣̇анд̇и яа-гааро бад̣̇асанд̇хигарод̇и ааха ‘‘д̇ам̣ ид̣̇а’’нд̇и. д̣̇идтиг̇ад̇анд̇и яат̇аа вуд̇д̇ам̣ ‘‘сан̃н̃ий ад̇д̇аа’’д̇и звам̣ вуд̇д̇ам̣ д̣̇идтим̣. д̣̇идтиязва хи д̣̇идтиг̇ад̇ам̣ ‘‘муд̇д̇аг̇ад̇ам̣ (ма. ни. 2.119; а. ни. 9.11), сан̇каараг̇ад̇а’’нд̇иаад̣̇ийсу (махаани. 41) вияа. г̇анд̇аб̣б̣аабхаавад̇о ваа д̣̇идтияаа г̇ад̇амад̇д̇ам̣ д̣̇идтиг̇ад̇ам̣, д̣̇идтияаа г̇ахан̣амад̇д̇анд̇и ад̇т̇о. д̣̇идтибагааро ваа д̣̇идтиг̇ад̇ам̣. логияаа хи вид̇хаяуд̇д̇аг̇ад̇абагаарасад̣̇д̣̇з самаанад̇т̇з ижчанд̇и. д̣̇идтибажжаяо д̣̇идтигааран̣ам̣, авиж̇ж̇аад̣̇и д̣̇идтидтаананд̇и ад̇т̇о. д̇ад̇т̇а авиж̇ж̇ааби хи д̣̇идтидтаанам̣ убаниссаяаад̣̇ибхаавад̇о. яат̇ааха – ‘‘ассуд̇аваа, бхигкавз, бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о’’д̇иаад̣̇и (д̇ха. са. 1007). пассоби д̣̇идтидтаанам̣. яат̇ааха ‘‘д̇ад̣̇аби пассабажжаяаа’’д̇и (д̣̇ий. ни. 1.118-124). сан̃н̃ааби д̣̇идтидтаанам̣. яат̇ааха ‘‘сан̃н̃аанид̣̇аанаа хи бабан̃жасан̇каа’’д̇и (су. ни. 880; махаани. 109). вид̇аггоби д̣̇идтидтаанам̣. яат̇ааха – ‘‘д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахуу’’д̇и (су. ни. 892; махаани. 121). аяонисоманасигаароби д̣̇идтидтаанам̣. яат̇ааха – ‘‘д̇ассзвам̣ манасигарод̇о чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇и, ад̇т̇и мз ад̇д̇аад̇и д̇асса сажжад̇о т̇зд̇ад̇о д̣̇идти уббаж̇ж̇ад̇ий’’д̇и (ма. ни. 1.19). д̣̇идтаарамман̣анд̇и д̣̇идтиаарамман̣абхууд̇ам̣ убаад̣̇аанагканд̇хабан̃жагам̣. д̇знааха – ‘‘руубам̣ ад̇д̇ад̇о саманубассад̇ий’’д̇иаад̣̇и (бади. ма. 1.130). руубавзд̣̇анаад̣̇ивинимуд̇д̇асса д̣̇идтияаа аарамман̣асса абхаавад̇о анаад̣̇ияид̇ваа ид̣̇амзва д̣̇ассзд̇и – ‘‘иминаа бажжаязна ид̣̇ам̣ наама д̣̇ассанам̣ г̇ахид̇а’’нд̇и. иминаа бажжаязнаад̇и ваа зд̇т̇а бажжаяаг̇г̇ахан̣зна аарамман̣амби г̇ахид̇амзваад̇и д̣̇адтаб̣б̣ам̣.
Tayidanti ya-kāro padasandhikaroti āha ‘‘taṃ ida’’nti. Diṭṭhigatanti yathā vuttaṃ ‘‘saññī attā’’ti evaṃ vuttaṃ diṭṭhiṃ. Diṭṭhiyeva hi diṭṭhigataṃ ‘‘muttagataṃ (ma. ni. 2.119; a. ni. 9.11), saṅkhāragata’’ntiādīsu (mahāni. 41) viya. Gantabbābhāvato vā diṭṭhiyā gatamattaṃ diṭṭhigataṃ, diṭṭhiyā gahaṇamattanti attho. Diṭṭhipakāro vā diṭṭhigataṃ. Lokiyā hi vidhayuttagatapakārasadde samānatthe icchanti. Diṭṭhipaccayo diṭṭhikāraṇaṃ, avijjādi diṭṭhiṭṭhānanti attho. Tattha avijjāpi hi diṭṭhiṭṭhānaṃ upanissayādibhāvato. Yathāha – ‘‘assutavā, bhikkhave, puthujjano ariyānaṃ adassāvī ariyadhammassa akovido’’tiādi (dha. sa. 1007). Phassopi diṭṭhiṭṭhānaṃ. Yathāha ‘‘tadapi phassapaccayā’’ti (dī. ni. 1.118-124). Saññāpi diṭṭhiṭṭhānaṃ. Yathāha ‘‘saññānidānā hi papañcasaṅkhā’’ti (su. ni. 880; mahāni. 109). Vitakkopi diṭṭhiṭṭhānaṃ. Yathāha – ‘‘takkañca diṭṭhīsu pakappayitvā, saccaṃ musāti dvayadhammamāhū’’ti (su. ni. 892; mahāni. 121). Ayonisomanasikāropi diṭṭhiṭṭhānaṃ. Yathāha – ‘‘tassevaṃ manasikaroto channaṃ diṭṭhīnaṃ aññatarā diṭṭhi uppajjati, atthi me attāti tassa saccato thetato diṭṭhi uppajjatī’’ti (ma. ni. 1.19). Diṭṭhārammaṇanti diṭṭhiārammaṇabhūtaṃ upādānakkhandhapañcakaṃ. Tenāha – ‘‘rūpaṃ attato samanupassatī’’tiādi (paṭi. ma. 1.130). Rūpavedanādivinimuttassa diṭṭhiyā ārammaṇassa abhāvato anādiyitvā idameva dasseti – ‘‘iminā paccayena idaṃ nāma dassanaṃ gahita’’nti. Iminā paccayenāti vā ettha paccayaggahaṇena ārammaṇampi gahitamevāti daṭṭhabbaṃ.
д̇ад̣̇зваад̇и д̣̇идтиг̇ад̇ан̃жзва д̣̇идтибажжаяан̃жа. руубасан̃н̃аананд̇и зд̇т̇а ид̇и-сад̣̇д̣̇о аад̣̇иад̇т̇о. звам̣-сад̣̇д̣̇о багаарад̇т̇о, ‘‘яад̣̇и руубасан̃н̃аана’’нд̇иаад̣̇инаа багаарзна вуд̇д̇асан̃н̃аананд̇и ад̇т̇о. нирубаггилзсаа нийваран̣аад̣̇и убаггилзсавимуд̇д̇ид̇о. уд̇д̇амаа бан̣ийд̇абхааваббад̇д̇ид̇о, д̇ад̇о зва сздтаа, сздтад̇д̇аа зва уд̇д̇арид̇араабхаавад̇о ануд̇д̇арияаа. агкааяад̇ийд̇и убадтаад̇и. аагин̃жан̃н̃ааяад̇анасан̃н̃ааяа висум̣ вужжамаанад̇д̇аа жад̇уд̇т̇ааруббасан̃н̃ааяа жа имасмим̣ сан̃н̃ийваад̣̇з анод̇аран̣ад̇о, ‘‘яад̣̇и ааруббасан̃н̃аананд̇и иминаа аагаасаанан̃жааяад̇ана-вин̃н̃аан̣ан̃жааяад̇анасан̃н̃аа’’ижжзва вуд̇д̇ам̣. ид̇арзхи бана д̣̇вийхийд̇и, ‘‘яад̣̇и згад̇д̇асан̃н̃аанам̣, яад̣̇и наанад̇д̇асан̃н̃аана’’нд̇и имзхи д̣̇вийхи бад̣̇зхи. самаабаннагавааро жа д̇ат̇аа ид̇ха гат̇ид̇од̇и ад̇хиббааяо. годтаасад̇о адта сан̃н̃аа жад̇уггад̣̇ваяасан̇г̇ахад̇о. згад̇д̇асан̃н̃ийбад̣̇ам̣ табзд̇ваа ад̇т̇ад̇о бана сад̇д̇а сан̃н̃аа хонд̇и аг̇г̇ахид̇аг̇г̇ахан̣знаад̇и ад̇хиббааяо. д̇знааха – ‘‘самаабаннага…бз… сан̇г̇ахид̇оязваа’’д̇и.
Tadevāti diṭṭhigatañceva diṭṭhipaccayañca. Rūpasaññānanti ettha iti-saddo ādiattho. Evaṃ-saddo pakārattho, ‘‘yadi rūpasaññāna’’ntiādinā pakārena vuttasaññānanti attho. Nirupakkilesā nīvaraṇādi upakkilesavimuttito. Uttamā paṇītabhāvappattito, tato eva seṭṭhā, seṭṭhattā eva uttaritarābhāvato anuttariyā. Akkhāyatīti upaṭṭhāti. Ākiñcaññāyatanasaññāya visuṃ vuccamānattā catutthāruppasaññāya ca imasmiṃ saññīvāde anotaraṇato, ‘‘yadi āruppasaññānanti iminā ākāsānañcāyatana-viññāṇañcāyatanasaññā’’icceva vuttaṃ. Itarehi pana dvīhīti, ‘‘yadi ekattasaññānaṃ, yadi nānattasaññāna’’nti imehi dvīhi padehi. Samāpannakavāro ca tathā idha kathitoti adhippāyo. Koṭṭhāsato aṭṭha saññā catukkadvayasaṅgahato. Ekattasaññīpadaṃ ṭhapetvā atthato pana satta saññā honti aggahitaggahaṇenāti adhippāyo. Tenāha – ‘‘samāpannaka…pe… saṅgahitoyevā’’ti.
сан̃н̃ааг̇ад̇анд̇и сан̃н̃аавасзна г̇ад̇ам̣, сан̃н̃аасан̇г̇ахам̣ г̇ад̇ам̣ ваа. д̇асса бана ад̣̇идтиг̇ад̇ассаби убалаб̣бхамаанад̇д̇аа, ‘‘сад̣̇д̇хим̣ д̣̇идтиг̇ад̇знаа’’д̇и вуд̇д̇ам̣. бажжаязхи самааг̇анд̇ваа гад̇анд̇и саха гааран̣абхууд̇зхи бажжаязхи д̇знзва саха гааран̣абхаавзна самааг̇анд̇ваа ниб̣б̣ад̇д̇ид̇ам̣; бадижжасамуббаннанд̇и ад̇т̇о. сан̇кад̇ад̇д̇аа ол̣ааригам̣ уббаад̣̇аваяан̃н̃ат̇ад̇д̇асаб̣бхаавад̇о. яасса хи уббаад̣̇о бан̃н̃ааяад̇и, ваяо бан̃н̃ааяад̇и, тид̇асса ан̃н̃ат̇ад̇д̇ам̣ бан̃н̃ааяад̇и, д̇ам̣ кан̣з кан̣з бхиж̇ж̇анасабхаавад̇о бассанд̇асса баагадабхууд̇авигаарам̣ ол̣ааригам̣ сияаа. на жзд̇т̇а маг̇г̇апалад̇хаммаа нид̣̇ассзд̇аб̣б̣аа д̇зсам̣ д̇ат̇аа ананубассид̇аб̣б̣ад̇о; д̇зсамби сан̇кад̇абхаавзна ид̇арзхи самаанаяог̇агкамад̇ааяа д̣̇унниваараяабхаавад̇о. д̇ат̇аа хи ‘‘асзсавирааг̇анирод̇хаа’’д̇и (уд̣̇аа. 3) важанад̇о маг̇г̇ассаби ниссаран̣абхаавзна ‘‘ад̇т̇и ко бана сан̇каараанам̣ нирод̇хо’’д̇и ниб̣б̣аанамзвзд̇т̇а бадияог̇абхаавзна уд̣̇д̇хадам̣ ‘‘нируж̇жханд̇и зд̇т̇аа’’д̇и гад̇ваа. нирод̇хасан̇каад̇ам̣ ниб̣б̣аанам̣ наама ад̇т̇ийд̇и зд̇т̇а, – ‘‘ад̇т̇и, бхигкавз, аж̇аад̇ам̣ абхууд̇ам̣ асан̇кад̇а’’нд̇и суд̇д̇абад̣̇ам̣ (уд̣̇аа. 73) аанзд̇ваа вад̇д̇аб̣б̣ам̣. ниб̣б̣аанад̣̇ассийд̇и сажчигирияаабхисамаяавасзна ниб̣б̣аанад̣̇ассий, д̇ад̇о зва ид̇араабхисамаяад̇т̇асид̣̇д̇хияаа д̇ам̣ сан̇кад̇ам̣ ад̇игганд̇о.
Saññāgatanti saññāvasena gataṃ, saññāsaṅgahaṃ gataṃ vā. Tassa pana adiṭṭhigatassapi upalabbhamānattā, ‘‘saddhiṃ diṭṭhigatenā’’ti vuttaṃ. Paccayehi samāgantvā katanti saha kāraṇabhūtehi paccayehi teneva saha kāraṇabhāvena samāgantvā nibbattitaṃ; paṭiccasamuppannanti attho. Saṅkhatattā oḷārikaṃ uppādavayaññathattasabbhāvato. Yassa hi uppādo paññāyati, vayo paññāyati, ṭhitassa aññathattaṃ paññāyati, taṃ khaṇe khaṇe bhijjanasabhāvato passantassa pākaṭabhūtavikāraṃ oḷārikaṃ siyā. Na cettha maggaphaladhammā nidassetabbā tesaṃ tathā ananupassitabbato; tesampi saṅkhatabhāvena itarehi samānayogakkhamatāya dunnivārayabhāvato. Tathā hi ‘‘asesavirāganirodhā’’ti (udā. 3) vacanato maggassapi nissaraṇabhāvena ‘‘atthi kho pana saṅkhārānaṃ nirodho’’ti nibbānamevettha paṭiyogabhāvena uddhaṭaṃ ‘‘nirujjhanti etthā’’ti katvā. Nirodhasaṅkhātaṃ nibbānaṃ nāma atthīti ettha, – ‘‘atthi, bhikkhave, ajātaṃ abhūtaṃ asaṅkhata’’nti suttapadaṃ (udā. 73) ānetvā vattabbaṃ. Nibbānadassīti sacchikiriyābhisamayavasena nibbānadassī, tato eva itarābhisamayatthasiddhiyā taṃ saṅkhataṃ atikkanto.
23. адтасу асан̃н̃ийваад̣̇зсууд̇и ид̣̇ам̣ б̣рахмаж̇аалз (д̣̇ий. ни. 1.78-80) ааг̇ад̇анаязна вуд̇д̇амзва хи санд̇хааяа хздтаа, ‘‘сан̃н̃ийд̇и иминаа адта асан̃н̃ийваад̣̇аа гат̇ид̇аа’’д̇и вуд̇д̇ам̣. ид̇ха бана жад̇д̇ааро ваад̣̇аа зва уд̣̇д̇хадаа. д̇знааха ‘‘асан̃н̃ий’’д̇иаад̣̇и. зса наяо барад̇о ‘‘адтасу нзвасан̃н̃ийнаасан̃н̃ийваад̣̇зсуу’’д̇и зд̇т̇ааби. сан̃н̃ааяа сад̇и д̇ааяа взд̣̇анааг̇аахасаб̣бхаавад̇о ‘‘ааб̣аад̇ханадтзна сан̃н̃аа рог̇о’’д̇и вуд̇д̇ам̣. д̣̇угкад̇аасуулаяог̇ад̇о гилзсаасужибаг̇гхаран̣ад̇о уббаад̣̇аж̇араабхан̇г̇зхи уд̣̇д̇хумаад̇абаггабабхиж̇ж̇анад̇о жа сан̃н̃аа г̇ан̣д̣о; свааяамад̇т̇о д̣̇осад̣̇удтад̇ааяа зва ход̇ийд̇и ааха – ‘‘сад̣̇осадтзна г̇ан̣д̣о’’д̇и. бийл̣ааж̇ананад̇о анд̇од̇уд̣̇анад̇о д̣̇уруд̣̇д̇харан̣ад̇о жа сан̃н̃аа саллам̣; свааяамад̇т̇о ад̇д̇абхаавам̣ анубависид̇ваа авадтаанзнаад̇и ааха ‘‘анубавидтадтзна салла’’нд̇и. бадисанд̇хиг̇г̇ахан̣з вин̃н̃аан̣ам̣ гуд̇ожи ааг̇ад̇ам̣ вияа ход̇ийд̇и вуд̇д̇ам̣ ‘‘бадисанд̇хивасзна ааг̇ад̇и’’нд̇и. г̇ад̇инд̇и бавад̇д̇им̣. саа бана д̇аасу д̇аасу г̇ад̇ийсу вуд̇д̇и ход̇ийд̇и вуд̇д̇ам̣ – ‘‘жуд̇ивасзна г̇ад̇и’’нд̇и; вад̣дханавасзна гханабаб̣анд̇хавасзнаад̇и ад̇т̇о. д̇знааха ‘‘абараабара’’нд̇и. абараабаран̃хи баб̣анд̇хавасзна бавад̇д̇амаанам̣ вин̃н̃аан̣ам̣ нанд̣̇уубасзжанам̣; ид̇арам̣ канд̇хад̇д̇аяам̣ ваа ниссааяа абхивуд̣̇д̇хим̣ бад̇идтам̣ маханд̇ан̃жа баабун̣аад̇ийд̇и. бавад̣дхавасзна ваа г̇ад̇им̣, нигкзбавасзна жуд̇им̣, д̇ад̇о абараабаран̃жа руубабавад̇д̇анавасзна убабад̇д̇им̣, инд̣̇рияабарибаагавасзна вуд̣дхим̣ д̇асса д̇асса гаммасса гад̇уубажид̇абхаавзна вирул̣хим̣; д̇асса гаммасса паланиб̣б̣ад̇д̇ияаа взбулланд̇и яож̇зд̇аб̣б̣ам̣.
23.Aṭṭhasu asaññīvādesūti idaṃ brahmajāle (dī. ni. 1.78-80) āgatanayena vuttameva hi sandhāya heṭṭhā, ‘‘saññīti iminā aṭṭha asaññīvādā kathitā’’ti vuttaṃ. Idha pana cattāro vādā eva uddhaṭā. Tenāha ‘‘asaññī’’tiādi. Esa nayo parato ‘‘aṭṭhasu nevasaññīnāsaññīvādesū’’ti etthāpi. Saññāya sati tāya vedanāgāhasabbhāvato ‘‘ābādhanaṭṭhena saññā rogo’’ti vuttaṃ. Dukkhatāsūlayogato kilesāsucipaggharaṇato uppādajarābhaṅgehi uddhumātapakkapabhijjanato ca saññā gaṇḍo; svāyamattho dosaduṭṭhatāya eva hotīti āha – ‘‘sadosaṭṭhena gaṇḍo’’ti. Pīḷājananato antotudanato duruddharaṇato ca saññā sallaṃ; svāyamattho attabhāvaṃ anupavisitvā avaṭṭhānenāti āha ‘‘anupaviṭṭhaṭṭhena salla’’nti. Paṭisandhiggahaṇe viññāṇaṃ kutoci āgataṃ viya hotīti vuttaṃ ‘‘paṭisandhivasena āgati’’nti. Gatinti pavattiṃ. Sā pana tāsu tāsu gatīsu vutti hotīti vuttaṃ – ‘‘cutivasena gati’’nti; vaḍḍhanavasena ghanapabandhavasenāti attho. Tenāha ‘‘aparāpara’’nti. Aparāparañhi pabandhavasena pavattamānaṃ viññāṇaṃ nandūpasecanaṃ; itaraṃ khandhattayaṃ vā nissāya abhivuddhiṃ patiṭṭhaṃ mahantañca pāpuṇātīti. Pavaḍḍhavasena vā gatiṃ, nikkhepavasena cutiṃ, tato aparāparañca rūpapavattanavasena upapattiṃ, indriyaparipākavasena vuḍḍhiṃ tassa tassa kammassa katūpacitabhāvena viruḷhiṃ; tassa kammassa phalanibbattiyā vepullanti yojetabbaṃ.
гааман̃жаад̇иаад̣̇инаа ‘‘ан̃н̃ад̇ра руубаа’’д̇иаад̣̇игаа жод̣̇анаа лагкан̣авасзна вуд̇д̇аад̇и д̣̇ассзд̇ваа аяан̃жа наяо жод̣̇анааяа ависидтависаяад̇ааяа сияаа; висидтависаяаа банааяам̣ жод̣̇анаад̇и д̣̇ассзд̇ум̣, ‘‘аяам̣ бана бан̃хо’’д̇иаад̣̇и вуд̇д̇ам̣. зд̇д̇агз канд̇хзд̇и яат̇аавуд̇д̇з руубавзд̣̇анаад̣̇игз жад̇д̇ааро канд̇хз. ан̃н̃ад̇ра руубаад̇и иминаа яад̇т̇а гад̇т̇ажи руубзна винаа вин̃н̃аан̣асса бавад̇д̇и над̇т̇ийд̇и д̣̇ийбид̇ам̣ ход̇и. бхавависзсажод̣̇анааяа сабхаавад̇о зва вин̃н̃аан̣зна винаа руубассаби бавад̇д̇и над̇т̇ийд̇и д̣̇ийбид̇ам̣ ход̇ийд̇и ааха – ‘‘аруубабхавзби руубам̣, асан̃н̃аабхавз жа вин̃н̃аан̣ам̣ ад̇т̇ий’’д̇и. нирод̇хасамаабаннассаад̇и сан̃н̃аавзд̣̇аяид̇анирод̇хам̣ самаабаннассаби вин̃н̃аан̣ам̣ ад̇т̇и. б̣яан̃ж̇анажчааяааяа жз ад̇т̇ам̣ бадиб̣аахасийд̇и яад̣̇и сад̣̇д̣̇ад̇т̇амзва г̇ахзд̇ваа ад̇хиббааяам̣ на г̇ан̣хаси нзяяад̇т̇ам̣ суд̇д̇анд̇и. зд̇т̇а жа асан̃н̃абхавз ниб̣б̣ад̇д̇асад̇д̇авасзна батамаваад̣̇о; сан̃н̃ам̣ ад̇д̇ад̇о саманубассад̇ийд̇и зд̇т̇а вуд̇д̇анаязна сан̃н̃ам̣язва ад̇д̇аад̇и г̇ахзд̇ваа д̇асса гин̃жанабхаавзна тид̇ааяа ан̃н̃ааяа сан̃н̃ааяа абхаавад̇о асан̃н̃ийд̇и бавад̇д̇о д̣̇уд̇ияаваад̣̇о; д̇ат̇аа сан̃н̃ааяа саха руубад̇хаммз саб̣б̣з зва ваа руубааруубад̇хаммз ад̇д̇аад̇и г̇ахзд̇ваа бавад̇д̇о д̇ад̇ияаваад̣̇о; д̇аггаг̇г̇аахавасзнзва бавад̇д̇о жад̇уд̇т̇аваад̣̇о. д̇зсу яам̣ вад̇д̇аб̣б̣ам̣, д̇ам̣ хздтаа вуд̇д̇анаязнзва взд̣̇ид̇аб̣б̣ам̣. нзвасан̃н̃ийнаасан̃н̃ийваад̣̇зби асан̃н̃абхавз ниб̣б̣ад̇д̇асса сад̇д̇асса жуд̇ибадисанд̇хийсу; саб̣б̣ад̇т̇а ваа бадусан̃н̃аагижжам̣ гаад̇ум̣ асамад̇т̇ааяа сукумааяа сан̃н̃ааяа ад̇т̇ибхаавабадиж̇аананавасзна батамаваад̣̇о; асан̃н̃ийваад̣̇з вуд̇д̇анаязна сукумааяа сан̃н̃ааяа васзна сан̃ж̇аананасабхаавад̇аабадиж̇аананавасзна жа д̣̇уд̇ияаваад̣̇аад̣̇аяо бавад̇д̇аад̇и. звамзд̇т̇а зд̇зсам̣ ваад̣̇аанам̣ саб̣бхааво взд̣̇ид̇аб̣б̣о. сзсам̣ вуд̇д̇анаяамзва.
Kāmañcātiādinā ‘‘aññatra rūpā’’tiādikā codanā lakkhaṇavasena vuttāti dassetvā ayañca nayo codanāya avisiṭṭhavisayatāya siyā; visiṭṭhavisayā panāyaṃ codanāti dassetuṃ, ‘‘ayaṃ pana pañho’’tiādi vuttaṃ. Ettake khandheti yathāvutte rūpavedanādike cattāro khandhe. Aññatra rūpāti iminā yattha katthaci rūpena vinā viññāṇassa pavatti natthīti dīpitaṃ hoti. Bhavavisesacodanāya sabhāvato eva viññāṇena vinā rūpassapi pavatti natthīti dīpitaṃ hotīti āha – ‘‘arūpabhavepi rūpaṃ, asaññābhave ca viññāṇaṃ atthī’’ti. Nirodhasamāpannassāti saññāvedayitanirodhaṃ samāpannassapi viññāṇaṃ atthi. Byañjanacchāyāya ce atthaṃ paṭibāhasīti yadi saddatthameva gahetvā adhippāyaṃ na gaṇhasi neyyatthaṃ suttanti. Ettha ca asaññabhave nibbattasattavasena paṭhamavādo; saññaṃ attato samanupassatīti ettha vuttanayena saññaṃyeva attāti gahetvā tassa kiñcanabhāvena ṭhitāya aññāya saññāya abhāvato asaññīti pavatto dutiyavādo; tathā saññāya saha rūpadhamme sabbe eva vā rūpārūpadhamme attāti gahetvā pavatto tatiyavādo; takkaggāhavaseneva pavatto catutthavādo. Tesu yaṃ vattabbaṃ, taṃ heṭṭhā vuttanayeneva veditabbaṃ. Nevasaññīnāsaññīvādepi asaññabhave nibbattassa sattassa cutipaṭisandhīsu; sabbattha vā paṭusaññākiccaṃ kātuṃ asamatthāya sukhumāya saññāya atthibhāvapaṭijānanavasena paṭhamavādo; asaññīvāde vuttanayena sukhumāya saññāya vasena sañjānanasabhāvatāpaṭijānanavasena ca dutiyavādādayo pavattāti. Evamettha etesaṃ vādānaṃ sabbhāvo veditabbo. Sesaṃ vuttanayameva.
24. яад̇т̇а на сан̃н̃аа, д̇ад̇т̇а н̃аан̣асса самбхаво зва над̇т̇ийд̇и ааха – ‘‘асан̃н̃аа саммохо’’д̇и, асан̃н̃абхааво наама саммохаббавад̇д̇ийд̇и ад̇т̇о. яат̇аа нияяанд̇ийд̇и нияяаанияаад̇и б̣ахулам̣ важанад̇о гад̇д̇усаад̇хано нияяаанияасад̣̇д̣̇о, звам̣ ид̇ха вин̃н̃аад̇аб̣б̣асад̣̇д̣̇од̇и ааха – ‘‘виж̇аанаад̇ийд̇и вин̃н̃аад̇аб̣б̣а’’нд̇и, виж̇аананам̣ вин̃н̃аан̣анд̇и ад̇т̇о. д̇зна д̣̇идтасуд̇амуд̇авин̃н̃аад̇аб̣б̣амад̇д̇знаад̇и д̣̇идтасуд̇амуд̇авин̃н̃аан̣аббамаан̣знаад̇и ад̇т̇о д̣̇адтаб̣б̣о. д̇знааха – ‘‘бан̃жад̣̇вааригасан̃н̃аабавад̇д̇имад̇д̇знаа’’д̇и, ниб̣б̣игаббабхаавад̇о бан̃жад̣̇вааригасан̃н̃аабавад̇д̇исамзна бхааванаабхинийхаарзнаад̇и ад̇т̇о. ол̣ааригасан̇каараббавад̇д̇имад̇д̇знаад̇и ол̣ааригаанам̣ сан̇каараанам̣ бавад̇д̇ияаа. ол̣ааригасан̇каараад̇и жзд̇т̇а аагин̃жан̃н̃ааяад̇анабарияосаанаа самаабад̇д̇ид̇хаммаа ад̇хиббзд̇аа. убасамбад̣̇анд̇и яз сан̃н̃ааяа, асан̃н̃ибхаавз жа д̣̇осам̣ д̣̇исваа нзвасан̃н̃аанаасан̃н̃ааяад̇анам̣ ван̣н̣знд̇ааби руубаж̇жхаанабадилаабхамад̇д̇зна д̇асса самбаад̣̇анам̣ бадилаабхам̣ ад̇хиг̇амам̣ бан̃н̃абзнд̇и, д̇зсам̣ д̇асса б̣яасанам̣ агкааяад̇и анубааяабхаавад̇о. д̇знааха ‘‘винаасо’’д̇иаад̣̇и. вудтаананд̇и сад̣̇исасамаабаж̇ж̇анабуб̣б̣агам̣ баривудтаанам̣. самаабад̇д̇и зва д̇зсам̣ над̇т̇и анад̇хиг̇ад̇ад̇д̇аа. ол̣ааригасан̇каараббавад̇д̇ияаа анд̇амасо аагин̃жан̃н̃ааяад̇анасан̇каараббавад̇д̇ияааби бад̇д̇аб̣б̣анд̇и на агкааяад̇и д̇зби самад̇иггамид̇ваа бад̇д̇аб̣б̣ад̇о. сан̇каараананд̇и нид̣̇д̇хааран̣з саамиважанам̣. авасзсаад̇и ид̇о барам̣ сукумабхааво наама над̇т̇ийд̇и сукумабхааваабад̇д̇ияаа авасзсаа. д̇знааха – ‘‘бхааванаавасзна саб̣б̣асукумабхаавам̣ бад̇д̇аа сан̇каараа’’д̇и. зд̇анд̇и нзвасан̃н̃аанаасан̃н̃ааяад̇анам̣, бад̇д̇аб̣б̣ам̣ наама ход̇и д̇аад̣̇исасан̇каараббад̇д̇ияам̣ д̇аб̣б̣охаарад̇о. сан̇кад̇ам̣ самзжжа самбхуяяа бажжаязхи гад̇ад̇д̇аа.
24. Yattha na saññā, tattha ñāṇassa sambhavo eva natthīti āha – ‘‘asaññā sammoho’’ti, asaññabhāvo nāma sammohappavattīti attho. Yathā niyyantīti niyyāniyāti bahulaṃ vacanato kattusādhano niyyāniyasaddo, evaṃ idha viññātabbasaddoti āha – ‘‘vijānātītiviññātabba’’nti, vijānanaṃ viññāṇanti attho. Tena diṭṭhasutamutaviññātabbamattenāti diṭṭhasutamutaviññāṇappamāṇenāti attho daṭṭhabbo. Tenāha – ‘‘pañcadvārikasaññāpavattimattenā’’ti, nibbikappabhāvato pañcadvārikasaññāpavattisamena bhāvanābhinīhārenāti attho. Oḷārikasaṅkhārappavattimattenāti oḷārikānaṃ saṅkhārānaṃ pavattiyā. Oḷārikasaṅkhārāti cettha ākiñcaññāyatanapariyosānā samāpattidhammā adhippetā. Upasampadanti ye saññāya, asaññibhāve ca dosaṃ disvā nevasaññānāsaññāyatanaṃ vaṇṇentāpi rūpajjhānapaṭilābhamattena tassa sampādanaṃ paṭilābhaṃ adhigamaṃ paññapenti, tesaṃ tassa byasanaṃ akkhāyati anupāyabhāvato. Tenāha ‘‘vināso’’tiādi. Vuṭṭhānanti sadisasamāpajjanapubbakaṃ parivuṭṭhānaṃ. Samāpatti eva tesaṃ natthi anadhigatattā. Oḷārikasaṅkhārappavattiyā antamaso ākiñcaññāyatanasaṅkhārappavattiyāpi pattabbanti na akkhāyati tepi samatikkamitvā pattabbato. Saṅkhārānanti niddhāraṇe sāmivacanaṃ. Avasesāti ito paraṃ sukhumabhāvo nāma natthīti sukhumabhāvāpattiyā avasesā. Tenāha – ‘‘bhāvanāvasena sabbasukhumabhāvaṃ pattā saṅkhārā’’ti. Etanti nevasaññānāsaññāyatanaṃ, pattabbaṃ nāma hoti tādisasaṅkhārappattiyaṃ tabbohārato. Saṅkhataṃ samecca sambhuyya paccayehi katattā.
25. ‘‘яз д̇з саман̣аб̣раахман̣аа сад̇о сад̇д̇асса ужчзд̣̇ам̣ винаасам̣ вибхавам̣ бан̃н̃абзнд̇ий’’д̇и (ма. ни. 3.25) вагкамаанад̇д̇аа саб̣уд̣̇д̇хияам̣ вибаривад̇д̇амаанз згаж̇жхам̣ г̇ахзд̇ваа, ‘‘д̇ад̇раа’’д̇и бхаг̇авад̇аа вуд̇д̇анд̇и ааха – ‘‘д̇ад̇раад̇и сад̇д̇асу ужчзд̣̇аваад̣̇зсу бхумма’’нд̇и. уд̣̇д̇хам̣ саранд̇и уд̣̇д̇хам̣ г̇ад̇ам̣ саранд̇аад̇и д̇ам̣ д̣̇ассзнд̇о ааха ‘‘уд̣̇д̇хам̣ вужжад̇ий’’д̇иаад̣̇и. саранд̇аад̇и яад̇т̇а бад̇т̇знд̇и на лабханд̇и, д̇ам̣ ж̇аананд̇аа. аасад̇д̇инд̇и аасийсанам̣. бзжжаад̇и баралогз. ваан̣иж̇уубамаа вияаад̇и бхавабарияаабаннапалависзсаабзгкааяа бадибаж̇ж̇анад̇о. саггааяасса бхаяаад̇и санд̇о гааяод̇и саггааяо, барамад̇т̇ад̇о виж̇ж̇амаано д̇хаммасамууход̇и гад̇ваа убаад̣̇аанагканд̇хабан̃жагам̣, д̇ад̇о бхааяанзна. маа кийяи маа баригкаяам̣ аг̇амааси. маа осийд̣̇и маа хздтаа бхасси. аб̣бханд̇и аагаасам̣ маа унд̣̇рияи маа бхиж̇ж̇ид̇ваа бад̇и. г̇ад̣̇д̣̇улзна б̣ад̣̇д̇хо г̇ад̣̇д̣̇улаб̣ад̣̇д̇хо. д̣̇ал̣хат̇амбхо вияа кийло вияа жа саггааяо д̣̇умможанийяад̇о. саа вияа д̣̇идтиг̇ад̇иго д̇асса анубаривад̇д̇анад̇о. д̣̇ан̣д̣аго вияа д̣̇идти чзд̣̇анагаран̣ааяа асамад̇т̇абхаавагаран̣ад̇о. раж̇ж̇у вияа д̇ан̣хаа б̣анд̇ханад̇о жа, аарамман̣агаран̣авасзна саманнааг̇аманавасзна жа самб̣ад̣̇д̇хабхаавад̇о. д̇зна вуд̇д̇ам̣ – ‘‘д̣̇идтид̣̇ан̣д̣агз бавзсид̇ааяа д̇ан̣хаараж̇ж̇уяаа’’д̇и.
25. ‘‘Ye te samaṇabrāhmaṇā sato sattassa ucchedaṃ vināsaṃ vibhavaṃ paññapentī’’ti (ma. ni. 3.25) vakkhamānattā sabuddhiyaṃ viparivattamāne ekajjhaṃ gahetvā, ‘‘tatrā’’ti bhagavatā vuttanti āha – ‘‘tatrāti sattasu ucchedavādesu bhumma’’nti. Uddhaṃ saranti uddhaṃ gataṃ sarantāti taṃ dassento āha ‘‘uddhaṃ vuccatī’’tiādi. Sarantāti yattha patthenti na labhanti, taṃ jānantā. Āsattinti āsīsanaṃ. Peccāti paraloke. Vāṇijūpamā viyāti bhavapariyāpannaphalavisesāpekkhāya paṭipajjanato. Sakkāyassa bhayāti santo kāyoti sakkāyo, paramatthato vijjamāno dhammasamūhoti katvā upādānakkhandhapañcakaṃ, tato bhāyanena. Mā khīyi mā parikkhayaṃ agamāsi. Mā osīdi mā heṭṭhā bhassi. Abbhanti ākāsaṃ mā undriyi mā bhijjitvā pati. Gaddulena baddho gaddulabaddho. Daḷhathambho viya khīlo viya ca sakkāyo dummocanīyato. Sā viya diṭṭhigatiko tassa anuparivattanato. Daṇḍako viya diṭṭhi chedanakaraṇāya asamatthabhāvakaraṇato. Rajju viya taṇhā bandhanato ca, ārammaṇakaraṇavasena samannāgamanavasena ca sambaddhabhāvato. Tena vuttaṃ – ‘‘diṭṭhidaṇḍake pavesitāya taṇhārajjuyā’’ti.
26. бхаг̇аваа ад̇д̇ано д̣̇зсанаавилаасзна взнзяяаж̇жхаасаяавасзна (жад̇ужад̇д̇аарийса абаранд̇агаббигаваад̣̇аа д̇ад̇т̇а д̇ад̇т̇а анд̇ог̇ад̇хаад̇и) уд̣̇д̣̇зсавасзна бан̃жзва сан̇г̇ахзд̇ваа яат̇уд̣̇д̣̇зсам̣ ниг̇амзнд̇о, ‘‘имаанзва бан̃жааяад̇анааний’’д̇и ааха. д̇ад̇т̇а д̣̇угкасса нимид̇д̇абхаавад̇о д̣̇идтиг̇ад̇аанам̣ гааран̣адтзна ааяад̇анад̇т̇од̇и вуд̇д̇ам̣ – ‘‘имаанзва бан̃жа гааран̣ааний’’д̇и. сан̃н̃ийаад̣̇ивасзна д̇ийн̣и ужчзд̣̇аваад̣̇од̇и жад̇д̇аари бхааж̇ид̇аани. ид̇арам̣ бана д̣̇идтад̇хамманиб̣б̣аанам̣ гухим̣ бавидтам̣? саруубад̇о абхааж̇ид̇ад̇д̇аа яат̇аабхааж̇ид̇зсу ваад̣̇зсу гад̇т̇а анд̇ог̇ад̇ханд̇и бужчад̇и. уд̣̇д̣̇зсз бана саруубад̇о г̇ахид̇амзва, ‘‘д̣̇идтад̇хамманиб̣б̣аанам̣ ваа банзгз абхивад̣̇анд̇ий’’д̇и. ид̇аро згад̇д̇асан̃н̃ийваад̣̇з наанад̇д̇асан̃н̃ийваад̣̇з анд̇ог̇ад̇ханд̇и д̣̇ассзнд̇о ‘‘згад̇д̇а…бз… взд̣̇ид̇аб̣б̣а’’нд̇и ааха яат̇аасукан̃жзд̇ам̣ вуд̇д̇ам̣. батамо хи д̣̇идтад̇хамманиб̣б̣аанаваад̣̇о наанад̇д̇асан̃н̃ийваад̣̇з анд̇ог̇ад̇хо, ид̇арз жад̇д̇ааро згад̇д̇асан̃н̃ийваад̣̇з.
26. Bhagavā attano desanāvilāsena veneyyajjhāsayavasena (catucattārīsa aparantakappikavādā tattha tattha antogadhāti) uddesavasena pañceva saṅgahetvā yathuddesaṃ nigamento, ‘‘imānevapañcāyatanānī’’ti āha. Tattha dukkhassa nimittabhāvato diṭṭhigatānaṃ kāraṇaṭṭhena āyatanatthoti vuttaṃ – ‘‘imāneva pañca kāraṇānī’’ti. Saññīādivasena tīṇi ucchedavādoti cattāri bhājitāni. Itaraṃ pana diṭṭhadhammanibbānaṃ kuhiṃ paviṭṭhaṃ? Sarūpato abhājitattā yathābhājitesu vādesu kattha antogadhanti pucchati. Uddese pana sarūpato gahitameva, ‘‘diṭṭhadhammanibbānaṃ vā paneke abhivadantī’’ti. Itaro ekattasaññīvāde nānattasaññīvāde antogadhanti dassento ‘‘ekatta…pe… veditabba’’nti āha yathāsukhañcetaṃ vuttaṃ. Paṭhamo hi diṭṭhadhammanibbānavādo nānattasaññīvāde antogadho, itare cattāro ekattasaññīvāde.
27. ад̇ийд̇агодтаасасан̇каад̇анд̇и ад̇ийд̇ам̣ канд̇хагодтаасасан̇каад̇ам̣ буб̣б̣анд̇ам̣. буб̣б̣з нивуд̇т̇ад̇хаммависаяаа габбанаа ид̇хаад̇хиббзд̇аа, д̇асмаа ад̇ийд̇агаалаваажаго ид̇ха буб̣б̣асад̣̇д̣̇о, руубаад̣̇иканд̇хавинимуд̇д̇ан̃жа габбанаавад̇т̇у над̇т̇и, анд̇асад̣̇д̣̇о жа годтаасаваажаго. д̇зна вуд̇д̇ам̣ ‘‘ад̇ийд̇агодтаасасан̇каад̇ам̣ буб̣б̣анд̇ам̣ габбзд̇ваа’’д̇и. ‘‘габбзд̇ваа’’д̇и жа д̇асмим̣ буб̣б̣анд̇з д̇ан̣хааяанаабхинивисаанам̣ самад̇т̇анам̣ баринидтаабанам̣ вад̣̇ад̇и. сзсамбийд̇и ‘‘буб̣б̣анд̇аануд̣̇идтий’’д̇и звамаад̣̇игам̣. буб̣б̣з вуд̇д̇аббагааранд̇и ‘‘абаранд̇аануд̣̇идтино’’д̇иаад̣̇ийсу вуд̇д̇аббагаарам̣. згзгасмин̃жа ад̇д̇аад̇и аахид̇о ахам̣маано зд̇т̇аад̇и гад̇ваа, логод̇и логияанд̇и зд̇т̇а бун̃н̃абаабаани д̇аб̣б̣ибаагаа жаад̇и гад̇ваа, д̇ам̣ д̇ам̣ г̇ахан̣ависзсам̣ убаад̣̇ааяа бан̃н̃аабанам̣ ход̇ийд̇и ааха – ‘‘руубаад̣̇ийсу ан̃н̃ад̇арам̣ ад̇д̇аад̇и жа логод̇и жа г̇ахзд̇ваа’’д̇и. саб̣б̣ад̣̇аабхаавзна сассад̇о. амаро нижжо д̇хувод̇и д̇ассзва взважанаани. маран̣аабхаавзна амаро, уббаад̣̇аабхаавзна саб̣б̣агаалам̣ вад̇д̇анад̇о нижжо, т̇ирадтзна вигаараабхаавзна д̇хуво, яат̇аахаад̇иаад̣̇инаа яат̇аавуд̇д̇амад̇т̇ам̣ нид̣̇д̣̇зсабадисамбхид̣̇аабаал̣ийхи вибхаавзд̇и. аяан̃жа ад̇т̇о ‘‘руубам̣ ад̇д̇ад̇о саманубассад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’’д̇и (бади. ма. 1.130-131) имиссаа бан̃жавид̇хааяа саггааяад̣̇идтияаа васзна вуд̇д̇о. ‘‘руубаванд̇а’’нд̇иаад̣̇игааяа (бади. ма. 1.130-131) бана бан̃жад̣̇асавид̇хааяа саггааяад̣̇идтияаа васзна жад̇д̇ааро жад̇д̇ааро канд̇хз, ‘‘ад̇д̇аа’’д̇и г̇ахзд̇ваа д̇ад̣̇ан̃н̃ам̣ – ‘‘лого’’д̇и бан̃н̃абзнд̇ийд̇и аяамби ад̇т̇о лаб̣бхад̇и, д̇ат̇аа згам̣ канд̇хам̣, ‘‘ад̇д̇аа’’д̇и г̇ахзд̇ваа д̇ад̣̇ан̃н̃з ‘‘лого’’д̇и бан̃н̃абзнд̇ийд̇и звамзд̇т̇а ад̇т̇о д̣̇адтаб̣б̣о. зсзва наяод̇и иминаа яат̇аа ‘‘руубаад̣̇ийсу ан̃н̃ад̇арам̣ ад̇д̇аад̇и жа логод̇и жа г̇ахзд̇ваа сассад̇о…бз… д̇хуво’’д̇и ад̇т̇о вуд̇д̇о; звам̣ асассад̇о анижжо ад̇хуво ужчиж̇ж̇ад̇и винассад̇и на ход̇и барам̣ маран̣аа; нижжо жа анижжо жа нзванижжо наанижжод̇и звамаад̣̇имад̇т̇ам̣ ад̇ид̣̇исад̇и.
27.Atītakoṭṭhāsasaṅkhātanti atītaṃ khandhakoṭṭhāsasaṅkhātaṃ pubbantaṃ. Pubbe nivutthadhammavisayā kappanā idhādhippetā, tasmā atītakālavācako idha pubbasaddo, rūpādikhandhavinimuttañca kappanāvatthu natthi, antasaddo ca koṭṭhāsavācako. Tena vuttaṃ ‘‘atītakoṭṭhāsasaṅkhātaṃ pubbantaṃ kappetvā’’ti. ‘‘Kappetvā’’ti ca tasmiṃ pubbante taṇhāyanābhinivisānaṃ samatthanaṃ pariniṭṭhāpanaṃ vadati. Sesampīti ‘‘pubbantānudiṭṭhī’’ti evamādikaṃ. Pubbe vuttappakāranti ‘‘aparantānudiṭṭhino’’tiādīsu vuttappakāraṃ. Ekekasmiñca attāti āhito ahaṃmāno etthāti katvā, lokoti lokiyanti ettha puññapāpāni tabbipākā cāti katvā, taṃ taṃ gahaṇavisesaṃ upādāya paññāpanaṃ hotīti āha – ‘‘rūpādīsu aññataraṃ attāti ca lokoti ca gahetvā’’ti. Sabbadābhāvena sassato. Amaro nicco dhuvoti tasseva vevacanāni. Maraṇābhāvena amaro, uppādābhāvena sabbakālaṃ vattanato nicco, thiraṭṭhena vikārābhāvena dhuvo, yathāhātiādinā yathāvuttamatthaṃ niddesapaṭisambhidāpāḷīhi vibhāveti. Ayañca attho ‘‘rūpaṃ attato samanupassati, vedanaṃ… saññaṃ… saṅkhāre… viññāṇaṃ attato samanupassatī’’ti (paṭi. ma. 1.130-131) imissā pañcavidhāya sakkāyadiṭṭhiyā vasena vutto. ‘‘Rūpavanta’’ntiādikāya (paṭi. ma. 1.130-131) pana pañcadasavidhāya sakkāyadiṭṭhiyā vasena cattāro cattāro khandhe, ‘‘attā’’ti gahetvā tadaññaṃ – ‘‘loko’’ti paññapentīti ayampi attho labbhati, tathā ekaṃ khandhaṃ, ‘‘attā’’ti gahetvā tadaññe ‘‘loko’’ti paññapentīti evamettha attho daṭṭhabbo. Eseva nayoti iminā yathā ‘‘rūpādīsu aññataraṃ attāti ca lokoti ca gahetvā sassato…pe… dhuvo’’ti attho vutto; evaṃ asassato anicco adhuvo ucchijjati vinassati na hoti paraṃ maraṇā; nicco ca anicco ca nevanicco nāniccoti evamādimatthaṃ atidisati.
жад̇д̇ааро сассад̇аваад̣̇аад̇и лаабхийвасзна д̇аяо, д̇аггийвасзна згод̇и звам̣ жад̇д̇ааро. буб̣б̣зниваасан̃аан̣алаабхий д̇ид̇т̇ияо манд̣̇абан̃н̃о анзгаж̇аад̇исад̇асахассамад̇д̇ам̣ ануссарад̇и, маж̇жхимабан̃н̃о д̣̇аса сам̣ваддавиваддагаббаани, д̇игкабан̃н̃о жад̇д̇аарийса сам̣ваддавиваддагаббаани, на д̇ад̇о барам̣. со звам̣ ануссаранд̇о ад̇д̇аа жа лого жаад̇и абхивад̣̇ад̇и. д̇аггий бана д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ сассад̇о ад̇д̇аа жа лого жаад̇и абхивад̣̇ад̇и. д̇зна вуд̇д̇ам̣ – ‘‘лаабхийвасзна д̇аяо, д̇аггийвасзна згод̇и звам̣ жад̇д̇ааро сассад̇аваад̣̇аа’’д̇и. зд̇знзва жа ад̇хижжасамуббад̇д̇игаваад̣̇о вияа сассад̇аваад̣̇о гасмаа д̣̇увид̇хзна на вибхад̇д̇од̇и жз? бадигкид̇д̇ад̇д̇аад̇и д̣̇адтаб̣б̣ам̣.
Cattāro sassatavādāti lābhīvasena tayo, takkīvasena ekoti evaṃ cattāro. Pubbenivāsañāṇalābhī titthiyo mandapañño anekajātisatasahassamattaṃ anussarati, majjhimapañño dasa saṃvaṭṭavivaṭṭakappāni, tikkhapañño cattārīsa saṃvaṭṭavivaṭṭakappāni, na tato paraṃ. So evaṃ anussaranto attā ca loko cāti abhivadati. Takkī pana takkapariyāhataṃ vīmaṃsānucaritaṃ sayaṃpaṭibhānaṃ sassato attā ca loko cāti abhivadati. Tena vuttaṃ – ‘‘lābhīvasena tayo, takkīvasena ekoti evaṃ cattāro sassatavādā’’ti. Eteneva ca adhiccasamuppattikavādo viya sassatavādo kasmā duvidhena na vibhattoti ce? Paṭikkhittattāti daṭṭhabbaṃ.
зд̇т̇а жа, ‘‘сассад̇о ад̇д̇аа жа лого жаа’’д̇и ваад̣̇з аяамаяуд̇д̇ад̇аавибхааванаа – яад̣̇и хи барзна баригаббид̇о ад̇д̇аа, лого ваа сассад̇о сияаа, д̇асса ниб̣б̣игаарад̇ааяа буримаруубаавиж̇аханад̇о гассажи висзсаад̇хаанасса гаад̇ум̣ асаггун̣зяяад̇ааяа ахид̇ад̇о нивад̇д̇анад̇т̇ам̣ хид̇з жа бадибад̇д̇иад̇т̇ам̣ убад̣̇зсо зва ниббаяож̇ано сияаа сассад̇аваад̣̇ино. гат̇ам̣ ваа со убад̣̇зсо бавад̇д̇ийяад̇и вигаараабхаавад̇о; зван̃жа ад̇д̇ано аж̇адаагаасасса вияа д̣̇аанаад̣̇игирияаа хим̣саад̣̇игирияаа жа на самбхавад̇и; д̇ат̇аа сукасса д̣̇угкасса жа анубхавананиб̣анд̇хо зва сассад̇аваад̣̇ино на яуж̇ж̇ад̇и гаммаб̣ад̣̇д̇хаабхаавад̇о, ж̇аад̇иаад̣̇ийнам̣ асамбхавад̇о гуд̇о вимогко. ат̇а бана д̇хаммамад̇д̇ам̣ д̇асса уббаж̇ж̇ад̇и жзва винассад̇и жа, яасса васзнааяам̣ гирияаад̣̇ивохаарод̇и вад̣̇зяяа. звамби буримаруубаавиж̇аханзна авадтид̇асса ад̇д̇ано д̇хаммамад̇д̇анд̇и на саггаа самбхаавзд̇ум̣; д̇з ваа банасса д̇хаммаа авад̇т̇аабхууд̇аа д̇ад̇о ан̃н̃з ваа сияум̣ анан̃н̃з ваа, яад̣̇и ан̃н̃з, на д̇аахи д̇асса уббаннаахиби гожи висзсо ад̇т̇и. яо хи гарод̇и бадисам̣взд̣̇зд̇и жавад̇и убабаж̇ж̇ад̇и жаад̇и ижчид̇ам̣. д̇асмаа д̇ад̣̇авад̇т̇о зва яат̇аавуд̇д̇ад̣̇осо, гин̃жа д̇хаммагаббанааби нирад̇т̇агаа сияаа. ат̇а анан̃н̃з, уббаад̣̇авинаасаванд̇ийхи авад̇т̇аахи анан̃н̃асса ад̇д̇ано д̇аасам̣ вияа уббаад̣̇авинаасасамбхаваабад̇д̇ид̇о гуд̇о нижжад̇аавагаасо. д̇аасамби ваа ад̇д̇ано вияа нижжад̇аад̇и б̣анд̇ханавимогкаанам̣ асамбхаво зваад̇и на яуж̇ж̇ад̇и зва сассад̇аваад̣̇о; на жзд̇т̇а гожи ваад̣̇ий д̇хаммаанам̣ сассад̇абхаавз барисуд̣̇д̇хам̣ яуд̇д̇им̣ вад̇д̇ум̣ самад̇т̇о ад̇т̇и; яуд̇д̇ирахид̇ан̃жа важанам̣ на бан̣д̣ид̇аанам̣ жид̇д̇амаараад̇хзд̇ийд̇и вин̃н̃уухи чад̣д̣ид̇о звааяам̣ сассад̇аваад̣̇од̇и.
Ettha ca, ‘‘sassato attā ca loko cā’’ti vāde ayamayuttatāvibhāvanā – yadi hi parena parikappito attā, loko vā sassato siyā, tassa nibbikāratāya purimarūpāvijahanato kassaci visesādhānassa kātuṃ asakkuṇeyyatāya ahitato nivattanatthaṃ hite ca paṭipattiatthaṃ upadeso eva nippayojano siyā sassatavādino. Kathaṃ vā so upadeso pavattīyati vikārābhāvato; evañca attano ajaṭākāsassa viya dānādikiriyā hiṃsādikiriyā ca na sambhavati; tathā sukhassa dukkhassa ca anubhavananibandho eva sassatavādino na yujjati kammabaddhābhāvato, jātiādīnaṃ asambhavato kuto vimokkho. Atha pana dhammamattaṃ tassa uppajjati ceva vinassati ca, yassa vasenāyaṃ kiriyādivohāroti vadeyya. Evampi purimarūpāvijahanena avaṭṭhitassa attano dhammamattanti na sakkā sambhāvetuṃ; te vā panassa dhammā avatthābhūtā tato aññe vā siyuṃ anaññe vā, yadi aññe, na tāhi tassa uppannāhipi koci viseso atthi. Yo hi karoti paṭisaṃvedeti cavati upapajjati cāti icchitaṃ. Tasmā tadavattho eva yathāvuttadoso, kiñca dhammakappanāpi niratthakā siyā. Atha anaññe, uppādavināsavantīhi avatthāhi anaññassa attano tāsaṃ viya uppādavināsasambhavāpattito kuto niccatāvakāso. Tāsampi vā attano viya niccatāti bandhanavimokkhānaṃ asambhavo evāti na yujjati eva sassatavādo; na cettha koci vādī dhammānaṃ sassatabhāve parisuddhaṃ yuttiṃ vattuṃ samattho atthi; yuttirahitañca vacanaṃ na paṇḍitānaṃ cittamārādhetīti viññūhi chaḍḍito evāyaṃ sassatavādoti.
сад̇д̇а ужчзд̣̇аваад̣̇аад̇и зд̇т̇а д̇з саруубамад̇д̇ад̇о хздтаа д̣̇ассид̇аа зва, д̇ад̇т̇а д̣̇вз ж̇анаа ужчзд̣̇ад̣̇идтим̣ г̇ан̣ханд̇и лаабхий жа алаабхий жа. д̇ад̇т̇а лаабхий наама д̣̇иб̣б̣ажагкун̃аан̣алаабхий д̣̇иб̣б̣зна жагкунаа арахад̇о жуд̇им̣ д̣̇исваа убабад̇д̇им̣ абассанд̇о. яо ваа бут̇уж̇ж̇анаанамби жуд̇имад̇д̇амзва д̣̇адтум̣ саггод̇и, буб̣б̣аяог̇аабхаавзна баригаммаагаран̣зна ваа убабаад̇ам̣ д̣̇адтум̣ на саггод̇и. со ‘‘д̇ад̇т̇а д̇ад̇т̇зва ад̇д̇аа ужчиж̇ж̇ад̇ий’’д̇и ужчзд̣̇ад̣̇идтим̣ г̇ан̣хаад̇и. алаабхий – ‘‘го баралогам̣ ж̇аанаад̇и, зд̇д̇аго ж̇ийвависаяо, яаава инд̣̇рияаг̇ожаро’’д̇и ад̇д̇ано д̇хийд̇уяаа хад̇т̇аг̇г̇ан̣ханагарааж̇аа вияа гаамасукаг̇ид̣̇д̇хад̇ааяа ваа, ‘‘яат̇аа ругкабан̣н̣аани ругкад̇о бад̇ид̇аани на бадисанд̇хияанд̇и, звам̣ саб̣б̣зби сад̇д̇аа аббадисанд̇хигамаран̣амзва г̇ажчанд̇и, ж̇алаб̣уб̣б̣ул̣агуубамаа сад̇д̇аа’’д̇и д̇аггамад̇д̇авасзна ваа ужчзд̣̇ад̣̇идтим̣ г̇ан̣хаад̇и. д̇ад̇т̇а яам̣ хздтаа вуд̇д̇ам̣ – ‘‘мануссад̇д̇абхаавз гаамааважарад̣̇звад̇д̇абхаавз руубааважарад̣̇звад̇д̇абхаавз жад̇уб̣б̣ид̇хааруубад̇д̇абхаавз жавид̇ваа сад̇д̇асса ужчзд̣̇абан̃н̃аабанавасзна сад̇д̇а ужчзд̣̇аваад̣̇аа гат̇ид̇аа’’д̇и. д̇ад̇т̇а яуд̇д̇ам̣ д̇аава буримзсу д̇ийсу ваад̣̇зсу ‘‘гааяасса бхзд̣̇аа’’д̇и вуд̇д̇ам̣; бан̃жавогаарабхавабарияаабаннам̣ ад̇д̇абхаавам̣ аараб̣бха бавад̇д̇ад̇д̇аа д̇зсам̣ ваад̣̇аанам̣, на яуд̇д̇ам̣ жад̇увогаарабхавабарияаабаннам̣ ад̇д̇абхаавам̣ ниссааяа бавад̇д̇зсу жад̇уд̇т̇аад̣̇ийсу жад̇уусу ваад̣̇зсу, ‘‘гааяасса бхзд̣̇аа’’д̇и вуд̇д̇ам̣. на хи аруубийнам̣ гааяо ад̇т̇ийд̇и? сажжамзд̇ам̣, руубабхавз бавад̇д̇авохаарзнзва д̣̇идтиг̇ад̇иго аруубабхавзби гааяавохаарамааробзд̇ваа ааха ‘‘гааяасса бхзд̣̇аа’’д̇и. яат̇аа д̣̇идтиг̇ад̇игзхи д̣̇идтияо бан̃н̃ад̇д̇аа, д̇ат̇зва бхаг̇аваа д̣̇ассзсийд̇и. аруубагааяабхаавад̇о ваа пассаад̣̇ид̇хаммасамуухабхууд̇з аруубад̇д̇абхаавз гааяанид̣̇д̣̇зсо д̣̇адтаб̣б̣о.
Satta ucchedavādāti ettha te sarūpamattato heṭṭhā dassitā eva, tattha dve janā ucchedadiṭṭhiṃ gaṇhanti lābhī ca alābhī ca. Tattha lābhī nāma dibbacakkhuñāṇalābhī dibbena cakkhunā arahato cutiṃ disvā upapattiṃ apassanto. Yo vā puthujjanānampi cutimattameva daṭṭhuṃ sakkoti, pubbayogābhāvena parikammākaraṇena vā upapātaṃ daṭṭhuṃ na sakkoti. So ‘‘tattha tattheva attā ucchijjatī’’ti ucchedadiṭṭhiṃ gaṇhāti. Alābhī – ‘‘ko paralokaṃ jānāti, ettako jīvavisayo, yāva indriyagocaro’’ti attano dhītuyā hatthaggaṇhanakarājā viya kāmasukhagiddhatāya vā, ‘‘yathā rukkhapaṇṇāni rukkhato patitāni na paṭisandhiyanti, evaṃ sabbepi sattā appaṭisandhikamaraṇameva gacchanti, jalabubbuḷakūpamā sattā’’ti takkamattavasena vā ucchedadiṭṭhiṃ gaṇhāti. Tattha yaṃ heṭṭhā vuttaṃ – ‘‘manussattabhāve kāmāvacaradevattabhāve rūpāvacaradevattabhāve catubbidhaarūpattabhāve cavitvā sattassa ucchedapaññāpanavasena satta ucchedavādā kathitā’’ti. Tattha yuttaṃ tāva purimesu tīsu vādesu ‘‘kāyassa bhedā’’ti vuttaṃ; pañcavokārabhavapariyāpannaṃ attabhāvaṃ ārabbha pavattattā tesaṃ vādānaṃ, na yuttaṃ catuvokārabhavapariyāpannaṃ attabhāvaṃ nissāya pavattesu catutthādīsu catūsu vādesu, ‘‘kāyassa bhedā’’ti vuttaṃ. Na hi arūpīnaṃ kāyo atthīti? Saccametaṃ, rūpabhave pavattavohāreneva diṭṭhigatiko arūpabhavepi kāyavohāramāropetvā āha ‘‘kāyassa bhedā’’ti. Yathā diṭṭhigatikehi diṭṭhiyo paññattā, tatheva bhagavā dassesīti. Arūpakāyabhāvato vā phassādidhammasamūhabhūte arūpattabhāve kāyaniddeso daṭṭhabbo.
зд̇т̇ааха – ‘‘гаамааважарад̣̇звад̇д̇абхааваад̣̇иниравасзсавибхавабад̇идтаабагаанам̣ д̣̇уд̇ияаваад̣̇аад̣̇ийнам̣ яуд̇д̇о абаранд̇агаббигабхааво анааг̇ад̇ад̣̇д̇хависаяад̇д̇аа д̇зсам̣ ваад̣̇аанам̣; на бана д̣̇идтиг̇ад̇ига-бажжагкабхууд̇а-мануссад̇д̇абхаава-самужчзд̣̇абад̇идтаабагасса батамаваад̣̇асса бажжуббаннависаяад̇д̇аа’’д̇и. яад̣̇и звам̣ яат̇аа хи д̣̇уд̇ияаад̣̇иваад̣̇аанам̣, буримабуримаваад̣̇асан̇г̇ахид̇ассзва ад̇д̇ано уд̇д̇аруд̇д̇арабхавобабад̇д̇ияаа самужчзд̣̇анад̇о яуж̇ж̇ад̇и абаранд̇агаббигад̇аа, д̇ат̇аа жа ‘‘но жа ко, бхо, аяам̣ ад̇д̇аа зд̇д̇аавад̇аа саммаа самужчинно ход̇ий’’д̇иаад̣̇и вуд̇д̇ам̣. звам̣ анааг̇ад̇ассзва мануссад̇д̇абхаавасамужчзд̣̇асса ад̇хиббзд̇ад̇д̇аа батамаваад̣̇ассаби абаранд̇агаббигад̇аа яуж̇ж̇ад̇и. звам̣ саб̣б̣ассаби буб̣б̣анд̇ад̇о ааг̇ад̇асса ужчзд̣̇абан̃н̃аабанавасзна ид̇ха буб̣б̣анд̇агаббигзсу д̣̇зсанаа г̇ад̇аа. зд̇з ужчзд̣̇аваад̣̇аа хздтаа абаранд̇агаббигзсу д̣̇зсанаа г̇ад̇аа. зд̇з ужчзд̣̇аваад̣̇аа хздтаа абаранд̇агаббигзсу д̇ад̇т̇а д̇ад̇т̇зва ужчиж̇ж̇ад̇и, на д̇ад̇о уд̣̇д̇хам̣ бавад̇д̇и ад̇т̇ийд̇и д̣̇ассанад̇т̇ам̣ вуд̇д̇аа. ж̇алаб̣уб̣б̣ул̣агуубамаа хи сад̇д̇аад̇и д̇асса лад̣̇д̇хи.
Etthāha – ‘‘kāmāvacaradevattabhāvādiniravasesavibhavapatiṭṭhāpakānaṃ dutiyavādādīnaṃ yutto aparantakappikabhāvo anāgataddhavisayattā tesaṃ vādānaṃ; na pana diṭṭhigatika-paccakkhabhūta-manussattabhāva-samucchedapatiṭṭhāpakassa paṭhamavādassa paccuppannavisayattā’’ti. Yadi evaṃ yathā hi dutiyādivādānaṃ, purimapurimavādasaṅgahitasseva attano uttaruttarabhavopapattiyā samucchedanato yujjati aparantakappikatā, tathā ca ‘‘no ca kho, bho, ayaṃ attā ettāvatā sammā samucchinno hotī’’tiādi vuttaṃ. Evaṃ anāgatasseva manussattabhāvasamucchedassa adhippetattā paṭhamavādassapi aparantakappikatā yujjati. Evaṃ sabbassapi pubbantato āgatassa ucchedapaññāpanavasena idha pubbantakappikesu desanā gatā. Ete ucchedavādā heṭṭhā aparantakappikesu desanā gatā. Ete ucchedavādā heṭṭhā aparantakappikesu tattha tattheva ucchijjati, na tato uddhaṃ pavatti atthīti dassanatthaṃ vuttā. Jalabubbuḷakūpamā hi sattāti tassa laddhi.
ид̇хаад̇и буб̣б̣анд̇агаббигзсу. ид̇хзва мануссад̇д̇абхааваад̣̇игз ужчиж̇ж̇ад̇и винадтавинаасавасзна. звам̣ анааг̇ад̇з ануббад̇д̇ид̣̇ассанабараанам̣ ужчзд̣̇аваад̣̇аанам̣ абаранд̇агаббигзсу г̇ахан̣ам̣; буб̣б̣анд̇ад̇о бана ааг̇ад̇асса ад̇д̇ано ид̇хзва ужчзд̣̇ад̣̇ассанабараанам̣ буб̣б̣анд̇агаббигзсу г̇ахан̣ам̣. ид̇о барам̣ на г̇ажчад̇ийд̇и бана ид̣̇ам̣ ад̇т̇ад̇о аабаннасса ад̇т̇асса д̣̇ассанам̣. сад̇д̇зсу сан̇каарзсу жа згажжасассад̇анд̇и бавад̇д̇о згажжасассад̇аваад̣̇о . со бана б̣рахмагааяига-кид̣д̣аабад̣̇осига-манобад̣̇осигад̇д̇абхаавад̇о жавид̇ваа ид̇хааг̇ад̇аанам̣ д̇аггино жа уббаж̇ж̇анавасзна жад̇уб̣б̣ид̇ход̇и ааха ‘‘жад̇д̇ааро згажжасассад̇аваад̣̇аа’’д̇и. ‘‘сан̇каарзгажжасассад̇игаа’’д̇и ид̣̇ам̣ д̇зхи сассад̇абхаавзна г̇аяхамаанаанам̣ д̇хаммаанам̣ яат̇аасабхаавад̣̇ассанавасзна вуд̇д̇ам̣, на банзгажжасассад̇игамад̇ад̣̇ассанавасзна. д̇асса хи сассад̇аабхимад̇ам̣ асан̇кад̇амзваад̇и лад̣̇д̇хи. д̇ат̇аа хи вуд̇д̇ам̣ (д̣̇ий. ни. 1.49) б̣рахмаж̇аалз – ‘‘жид̇д̇анд̇и ваа манод̇и ваа вин̃н̃аан̣анд̇и ваа аяам̣ ад̇д̇аа нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассад̇ий’’д̇и. на хи яасса бхаавасса бажжаязхи абхисан̇кад̇абхаавам̣ бадиж̇аанаад̇и; д̇ассзва нижжад̇хуваад̣̇ибхааво ануммад̇д̇агзна на саггаа бадин̃н̃аад̇ум̣. зд̇зна, ‘‘уббаад̣̇аваяад̇хувад̇ааяуд̇д̇абхааваа сияаа нижжаа, сияаа анижжаа, сияаа на вад̇д̇аб̣б̣аа’’д̇иаад̣̇инаа бавад̇д̇асса сад̇д̇абхан̇г̇аваад̣̇асса аяуд̇д̇ад̇аа вибхаавид̇аа ход̇и.
Idhāti pubbantakappikesu. Idheva manussattabhāvādike ucchijjati vinaṭṭhavināsavasena. Evaṃ anāgate anuppattidassanaparānaṃ ucchedavādānaṃ aparantakappikesu gahaṇaṃ; pubbantato pana āgatassa attano idheva ucchedadassanaparānaṃ pubbantakappikesu gahaṇaṃ. Ito paraṃ na gacchatīti pana idaṃ atthato āpannassa atthassa dassanaṃ. Sattesu saṅkhāresu ca ekaccasassatanti pavatto ekaccasassatavādo . So pana brahmakāyika-khiḍḍāpadosika-manopadosikattabhāvato cavitvā idhāgatānaṃ takkino ca uppajjanavasena catubbidhoti āha ‘‘cattāro ekaccasassatavādā’’ti. ‘‘Saṅkhārekaccasassatikā’’ti idaṃ tehi sassatabhāvena gayhamānānaṃ dhammānaṃ yathāsabhāvadassanavasena vuttaṃ, na panekaccasassatikamatadassanavasena. Tassa hi sassatābhimataṃ asaṅkhatamevāti laddhi. Tathā hi vuttaṃ (dī. ni. 1.49) brahmajāle – ‘‘cittanti vā manoti vā viññāṇanti vā ayaṃ attā nicco dhuvo sassato avipariṇāmadhammo sassatisamaṃ tatheva ṭhassatī’’ti. Na hi yassa bhāvassa paccayehi abhisaṅkhatabhāvaṃ paṭijānāti; tasseva niccadhuvādibhāvo anummattakena na sakkā paṭiññātuṃ. Etena, ‘‘uppādavayadhuvatāyuttabhāvā siyā niccā, siyā aniccā, siyā na vattabbā’’tiādinā pavattassa sattabhaṅgavādassa ayuttatā vibhāvitā hoti.
д̇ад̇т̇ааяам̣ (д̣̇ий. ни. дий. 1.38) аяуд̇д̇ад̇аавибхааванаа – яад̣̇и, ‘‘язна сабхаавзна яо д̇хаммо ад̇т̇ийд̇и вужжад̇и, д̇знзва сабхаавзна со д̇хаммо над̇т̇ий’’д̇иаад̣̇инаа вужжзяяа, сияаа анзганд̇аваад̣̇о; ат̇а ан̃н̃зна, сияаа на анзганд̇аваад̣̇о; на жзд̇т̇а д̣̇зсанд̇араад̣̇исамб̣ад̣̇д̇хабхааво яуд̇д̇о вад̇д̇ум̣ д̇асса саб̣б̣алогасид̣̇д̇хад̇д̇аа виваад̣̇аабхаавад̇о. яз бана вад̣̇анд̇и – ‘‘яат̇аа суван̣н̣агхадз магудз гад̇з гхадабхааво нассад̇и, магудабхааво уббаж̇ж̇ад̇и, суван̣н̣абхааво д̇идтад̇иязва, звам̣ саб̣б̣абхааваанам̣ гожи д̇хаммо нассад̇и, гожи уббаж̇ж̇ад̇и, сабхааво бана д̇идтад̇ий’’д̇и. д̇з вад̇д̇аб̣б̣аа – гим̣ д̇ам̣ суван̣н̣ам̣, яам̣ гхадз магудз жа авадтид̇ам̣? яад̣̇и руубаад̣̇и, со сад̣̇д̣̇о вияа анижжо, ат̇а руубаад̣̇исамуухо, самуухо наама саммуд̇имад̇д̇ам̣. д̇асса вохаарамад̇д̇асса ад̇т̇ид̇аа над̇т̇ид̇аа нижжад̇аа ваа на вад̇д̇аб̣б̣аа. д̇асса барамад̇т̇асабхаавзна анубалаб̣бханад̇од̇и анзганд̇аваад̣̇о на сияаа. д̇хаммаа жа д̇хаммид̇о ан̃н̃з ваа сияум̣ анан̃н̃з ваа. яад̣̇и ан̃н̃з, на д̇зсам̣ анижжад̇ааяа д̇хаммий анижжо ан̃н̃ад̇д̇аа. на хи руубаа жагкувин̃н̃аан̣ам̣ ан̃н̃ад̇д̇аа, на жа руубз жагкувин̃н̃аан̣асад̣̇д̣̇о ход̇и; гин̃жа д̇хаммагаббанааби нирад̇т̇игаа сияаа д̇хаммино нижжаанижжад̇ааяа асиж̇жханад̇о ат̇а анан̃н̃з; уббаад̣̇авинаасаванд̇зхи анан̃н̃асса д̇хаммино д̇зсам̣ вияа уббаад̣̇авинаасасаб̣бхаавад̇о гуд̇о нижжад̇аавагаасо, д̇зсамби ваа д̇хаммино вияа нижжад̇аабад̇д̇и сияаа. абижа нижжаанижжанавад̇д̇аб̣б̣аруубо ад̇д̇аа жа лого жа барамад̇т̇ад̇о виж̇ж̇амаанад̇аабадиж̇аананад̇о яат̇аа нижжаад̣̇ийнам̣ ан̃н̃ад̇арам̣ руубам̣, яат̇аа ваа д̣̇ийбаад̣̇аяо. на хи д̣̇ийбаад̣̇ийнам̣ уд̣̇аяаб̣б̣аяасабхааваанам̣ нижжаанижжанавад̇д̇аб̣б̣асабхаавад̇аа саггаа вад̇д̇ум̣ ж̇ийвасса нижжаад̣̇ийсу ан̃н̃ад̇арам̣ руубам̣ вияаад̇и звам̣ сад̇д̇абхан̇г̇асса вияа сзсабхан̇г̇аанамби асамбхавоязваад̇и сад̇д̇абхан̇г̇аваад̣̇асса аяуд̇д̇ад̇аа взд̣̇ид̇аб̣б̣аад̇и.
Tatthāyaṃ (dī. ni. ṭī. 1.38) ayuttatāvibhāvanā – yadi, ‘‘yena sabhāvena yo dhammo atthīti vuccati, teneva sabhāvena so dhammo natthī’’tiādinā vucceyya, siyā anekantavādo; atha aññena, siyā na anekantavādo; na cettha desantarādisambaddhabhāvo yutto vattuṃ tassa sabbalokasiddhattā vivādābhāvato. Ye pana vadanti – ‘‘yathā suvaṇṇaghaṭe makuṭe kate ghaṭabhāvo nassati, makuṭabhāvo uppajjati, suvaṇṇabhāvo tiṭṭhatiyeva, evaṃ sabbabhāvānaṃ koci dhammo nassati, koci uppajjati, sabhāvo pana tiṭṭhatī’’ti. Te vattabbā – kiṃ taṃ suvaṇṇaṃ, yaṃ ghaṭe makuṭe ca avaṭṭhitaṃ? Yadi rūpādi, so saddo viya anicco, atha rūpādisamūho, samūho nāma sammutimattaṃ. Tassa vohāramattassa atthitā natthitā niccatā vā na vattabbā. Tassa paramatthasabhāvena anupalabbhanatoti anekantavādo na siyā. Dhammā ca dhammito aññe vā siyuṃ anaññe vā. Yadi aññe, na tesaṃ aniccatāya dhammī anicco aññattā. Na hi rūpā cakkhuviññāṇaṃ aññattā, na ca rūpe cakkhuviññāṇasaddo hoti; kiñca dhammakappanāpi niratthikā siyā dhammino niccāniccatāya asijjhanato atha anaññe; uppādavināsavantehi anaññassa dhammino tesaṃ viya uppādavināsasabbhāvato kuto niccatāvakāso, tesampi vā dhammino viya niccatāpatti siyā. Apica niccāniccanavattabbarūpo attā ca loko ca paramatthato vijjamānatāpaṭijānanato yathā niccādīnaṃ aññataraṃ rūpaṃ, yathā vā dīpādayo. Na hi dīpādīnaṃ udayabbayasabhāvānaṃ niccāniccanavattabbasabhāvatā sakkā vattuṃ jīvassa niccādīsu aññataraṃ rūpaṃ viyāti evaṃ sattabhaṅgassa viya sesabhaṅgānampi asambhavoyevāti sattabhaṅgavādassa ayuttatā veditabbāti.
зд̇т̇а жа, ‘‘иссаро нижжо, ан̃н̃з сад̇д̇аа анижжаа’’д̇и звам̣ бавад̇д̇аваад̣̇аа сад̇д̇згажжасассад̇аваад̣̇аа; сзяяат̇ааби иссараваад̣̇аад̣̇аяо. ‘‘барамаан̣аво нижжаа д̇хуваа, д̣̇виан̣угаад̣̇аяо анижжаа’’д̇и звам̣ бавад̇д̇аваад̣̇аа сан̇каарзгажжасассад̇аваад̣̇аа; сзяяат̇ааби ган̣аад̣̇аваад̣̇аад̣̇аяо. нану жа ‘‘згажжз д̇хаммаа сассад̇аа, згажжз асассад̇аа’’д̇и; зд̇асмим̣ ваад̣̇з жагкаад̣̇ийнам̣ асассад̇ад̇аасаннидтаанам̣ яат̇аасабхаавааваб̣од̇хо зва, д̇аяид̣̇ам̣ гат̇ам̣ мижчаад̣̇ассананд̇и, го звамааха – ‘‘жагкаад̣̇ийнам̣ асассад̇абхаавасаннидтаанам̣ мижчаад̣̇ассана’’нд̇и? асассад̇зсуязва бана гзсан̃жи д̇хаммаанам̣ сассад̇абхааваабхинивзсо ид̇ха мижчаад̣̇ассанам̣; д̇зна бана згаваарз бавад̇д̇амаанзна жагкаад̣̇ийнам̣ асассад̇абхаавааваб̣од̇хо вид̣̇уусид̇о сам̣садтабхаавад̇о; висасам̣садто вияа саббиман̣д̣о сагижжагааран̣аасамад̇д̇ад̇ааяа саммаад̣̇ассанабагкз табзд̇аб̣б̣ад̇ам̣ наарахад̇и. ат̇а ваа асассад̇абхаавзна нижчид̇ааби жагкуаад̣̇аяо самааробид̇аж̇ийвасабхааваа зва д̣̇идтиг̇ад̇и гзхи г̇аяханд̇ийд̇и д̇ад̣̇аваб̣од̇хасса мижчаад̣̇ассанабхааво на саггаа ниваарзд̇ум̣. д̇ат̇аа хи вуд̇д̇ам̣ б̣рахмаж̇аалз (д̣̇ий. ни. 1.49) – ‘‘жагкунд̇и ваа…бз… гааяод̇и ваа аяам̣ мз ад̇д̇аа’’д̇иаад̣̇и. зван̃жа гад̇ваа асан̇кад̇ааяа сан̇кад̇ааяа жа д̇хаад̇уяаа васзна яат̇ааггамам̣ згажжз д̇хаммаа сассад̇аа; згажжз асассад̇аад̇и звам̣ бавад̇д̇о вибхаж̇ж̇аваад̣̇оби згажжасассад̇аваад̣̇о аабаж̇ж̇ад̇ийд̇и звам̣багаараа жод̣̇анаа аногаасаа ход̇и авибарийд̇ад̇хаммасабхаавасамбадибад̇д̇ибхаавад̇о.
Ettha ca, ‘‘issaro nicco, aññe sattā aniccā’’ti evaṃ pavattavādā sattekaccasassatavādā; seyyathāpi issaravādādayo. ‘‘Paramāṇavo niccā dhuvā, dviaṇukādayo aniccā’’ti evaṃ pavattavādā saṅkhārekaccasassatavādā; seyyathāpi kaṇādavādādayo. Nanu ca ‘‘ekacce dhammā sassatā, ekacce asassatā’’ti; etasmiṃ vāde cakkhādīnaṃ asassatatāsanniṭṭhānaṃ yathāsabhāvāvabodho eva, tayidaṃ kathaṃ micchādassananti, ko evamāha – ‘‘cakkhādīnaṃ asassatabhāvasanniṭṭhānaṃ micchādassana’’nti? Asassatesuyeva pana kesañci dhammānaṃ sassatabhāvābhiniveso idha micchādassanaṃ; tena pana ekavāre pavattamānena cakkhādīnaṃ asassatabhāvāvabodho vidūsito saṃsaṭṭhabhāvato; visasaṃsaṭṭho viya sappimaṇḍo sakiccakāraṇāsamattatāya sammādassanapakkhe ṭhapetabbataṃ nārahati. Atha vā asassatabhāvena nicchitāpi cakkhuādayo samāropitajīvasabhāvā eva diṭṭhigati kehi gayhantīti tadavabodhassa micchādassanabhāvo na sakkā nivāretuṃ. Tathā hi vuttaṃ brahmajāle (dī. ni. 1.49) – ‘‘cakkhunti vā…pe… kāyoti vā ayaṃ me attā’’tiādi. Evañca katvā asaṅkhatāya saṅkhatāya ca dhātuyā vasena yathākkamaṃ ekacce dhammā sassatā; ekacce asassatāti evaṃ pavatto vibhajjavādopi ekaccasassatavādo āpajjatīti evaṃpakārā codanā anokāsā hoti aviparītadhammasabhāvasampaṭipattibhāvato.
на марад̇ийд̇и амараа. гаа саа? ‘‘званд̇иби мз но’’д̇иаад̣̇инаа (д̣̇ий. ни. 1.62) наязна барияанд̇арахид̇аа д̣̇идтиг̇ад̇игасса д̣̇идти жа ваажаа жа, амарааяа д̣̇идтияаа ваажааяа вивид̇хо кзбод̇и амараавигкзбо. со зд̇асса ад̇т̇ийд̇и амараавигкзбо. ат̇а ваа амараад̇и згаа мажчаж̇аад̇и, саа уммуж̇ж̇ананиммуж̇ж̇анаад̣̇ивасзна уд̣̇агз санд̇хаавамаанаа г̇аахам̣ на г̇ажчад̇и; звамзвам̣ аяамби ваад̣̇о ид̇о жид̇о жа санд̇хаавад̇и, г̇аахам̣ нааг̇ажчад̇ийд̇и амараавигкзбо, со зва амараавигкзбиго. свааяам̣ ваад̣̇о мусааваад̣̇аануяог̇ачанд̣̇арааг̇амохахзд̇угад̇ааяа жад̇уд̇хаа бавад̇д̇од̇и ааха – ‘‘жад̇д̇ааро амараавигкзбигаа вуд̇д̇аа’’д̇и. нану жзд̇т̇а (д̣̇ий. ни. дий. 1.65-66) жад̇уб̣б̣ид̇хоби амараавигкзбиго гусалаад̣̇игз д̇хаммз баралогад̇д̇игаад̣̇ийни жа яат̇аабхууд̇ам̣ анаваб̣уж̇жхамаано, д̇ад̇т̇а д̇ад̇т̇а бан̃хам̣ будто бужчааяа вигкзбанамад̇д̇ам̣ аабаж̇ж̇ад̇ийд̇и д̇асса гат̇ам̣ д̣̇идтиг̇ад̇игабхааво. на хи авад̇д̇угаамасса вияа бужчид̇амад̇т̇ам̣ аж̇аананд̇асса вигкзбагаран̣амад̇д̇зна д̣̇идтиг̇ад̇игад̇аа яуд̇д̇аад̇и? на хзвам̣ бужчаавигкзбагаран̣амад̇д̇зна д̇асса д̣̇идтиг̇ад̇игад̇аа ижчид̇аа, ат̇а ко мижчаабхинивзсзна. сассад̇авасзна мижчаабхинивидтоязва хи манд̣̇аб̣уд̣̇д̇хид̇ааяа гусалаад̣̇ид̇хаммз баралогад̇д̇игаад̣̇ийни жа, яаат̇аавад̇о аббадибаж̇ж̇амаано ад̇д̇анаа авин̃н̃аад̇асса ад̇т̇асса барам̣ вин̃н̃аабзд̇ум̣ асамад̇т̇ад̇ааяа мусааваад̣̇аад̣̇ибхаязна жа вигкзбам̣ аабаж̇ж̇ад̇ийд̇и. д̇ат̇аа хисса ваад̣̇асса сассад̇ад̣̇идтисан̇г̇ахо вуд̇д̇о. ат̇а ваа бун̃н̃абаабаанам̣, д̇аб̣б̣ибаагаанан̃жа анаваб̣од̇хзна, асад̣̇д̣̇аханзна жа, ‘‘д̇аб̣б̣исаяааяа бужчааяа вигкзбагаран̣ам̣язва яуд̇д̇ам̣ сунд̣̇аран̃жаа’’д̇и, канд̇им̣ ружим̣ уббаад̣̇зд̇ваа абхинивисанд̇асса уббаннаа висум̣язвзгаа зсаа д̣̇идти сад̇д̇абхан̇г̇ад̣̇идти вияаад̇и д̣̇адтаб̣б̣аа. д̇ат̇аа жзва вуд̇д̇ам̣ – ‘‘барияанд̇арахид̇аа д̣̇идтиг̇ад̇игасса д̣̇идти жзва ваажаа жаа’’д̇и (д̣̇ий. ни. адта. 1.61). гат̇ам̣ банассаа сассад̇ад̣̇идтисан̇г̇ахо? ужчзд̣̇авасзна анабхинивзсад̇о. ‘‘над̇т̇и гожи д̇хаммаанам̣ яат̇аабхууд̇авзд̣̇ий виваад̣̇аб̣ахулад̇д̇аа логасса; ‘звамзва’нд̇и бана сад̣̇д̣̇анд̇арзна д̇хаммз ниж̇жхаананаа анаад̣̇игаалигаа логз’’д̇и г̇аахавасзна сассад̇алзсобзд̇т̇а лаб̣бхад̇иязва.
Na maratīti amarā. Kā sā? ‘‘Evantipi me no’’tiādinā (dī. ni. 1.62) nayena pariyantarahitā diṭṭhigatikassa diṭṭhi ca vācā ca, amarāya diṭṭhiyā vācāya vividho khepoti amarāvikkhepo. So etassa atthīti amarāvikkhepo. Atha vā amarāti ekā macchajāti, sā ummujjananimmujjanādivasena udake sandhāvamānā gāhaṃ na gacchati; evamevaṃ ayampi vādo ito cito ca sandhāvati, gāhaṃ nāgacchatīti amarāvikkhepo, so eva amarāvikkhepiko. Svāyaṃ vādo musāvādaanuyogachandarāgamohahetukatāya catudhā pavattoti āha – ‘‘cattāro amarāvikkhepikā vuttā’’ti. Nanu cettha (dī. ni. ṭī. 1.65-66) catubbidhopi amarāvikkhepiko kusalādike dhamme paralokattikādīni ca yathābhūtaṃ anavabujjhamāno, tattha tattha pañhaṃ puṭṭho pucchāya vikkhepanamattaṃ āpajjatīti tassa kathaṃ diṭṭhigatikabhāvo. Na hi avattukāmassa viya pucchitamatthaṃ ajānantassa vikkhepakaraṇamattena diṭṭhigatikatā yuttāti? Na hevaṃ pucchāvikkhepakaraṇamattena tassa diṭṭhigatikatā icchitā, atha kho micchābhinivesena. Sassatavasena micchābhiniviṭṭhoyeva hi mandabuddhitāya kusalādidhamme paralokattikādīni ca, yāthāvato appaṭipajjamāno attanā aviññātassa atthassa paraṃ viññāpetuṃ asamatthatāya musāvādādibhayena ca vikkhepaṃ āpajjatīti. Tathā hissa vādassa sassatadiṭṭhisaṅgaho vutto. Atha vā puññapāpānaṃ, tabbipākānañca anavabodhena, asaddahanena ca, ‘‘tabbisayāya pucchāya vikkhepakaraṇaṃyeva yuttaṃ sundarañcā’’ti, khantiṃ ruciṃ uppādetvā abhinivisantassa uppannā visuṃyevekā esā diṭṭhi sattabhaṅgadiṭṭhi viyāti daṭṭhabbā. Tathā ceva vuttaṃ – ‘‘pariyantarahitā diṭṭhigatikassa diṭṭhi ceva vācā cā’’ti (dī. ni. aṭṭha. 1.61). Kathaṃ panassā sassatadiṭṭhisaṅgaho? Ucchedavasena anabhinivesato. ‘‘Natthi koci dhammānaṃ yathābhūtavedī vivādabahulattā lokassa; ‘evameva’nti pana saddantarena dhamme nijjhānanā anādikālikā loke’’ti gāhavasena sassatalesopettha labbhatiyeva.
амад̇и г̇ажчад̇и зд̇т̇а сабхааво осаананд̇и анд̇о, марияаад̣̇о, со зд̇асса ад̇т̇ийд̇и анд̇аваа. д̇знааха ‘‘сабарияанд̇о’’д̇и. авад̣дхид̇агасин̣асса буг̇г̇аласса звам̣ ход̇ийд̇и яож̇анаа. д̣̇уд̇ияаваад̣̇о ‘‘ананд̇аваа лого’’д̇и ваад̣̇о. д̇ад̇ияаваад̣̇о ‘‘анд̇аваа жа ананд̇аваа жаа’’д̇и ваад̣̇о. жад̇уд̇т̇аваад̣̇о ‘‘нзванд̇аваа наананд̇аваа’’д̇и ваад̣̇о. зд̇з зва жад̇д̇ааро ваад̣̇ино санд̇хааяа б̣рахмаж̇аалз (д̣̇ий. ни. 1.53) – ‘‘анд̇аананд̇игаа анд̇аананд̇ам̣ логасса бан̃н̃абзнд̇и жад̇уухи вад̇т̇уухий’’д̇и вуд̇д̇ам̣. д̇ад̇т̇а (д̣̇ий. ни. дий. 1.53) яуд̇д̇ам̣ д̇аава буримаанам̣ д̇ин̣н̣ам̣ ваад̣̇ийнам̣ анд̇ад̇д̇ан̃жа ананд̇ад̇д̇ан̃жа анд̇аананд̇ад̇д̇ан̃жа аараб̣бха бавад̇д̇аваад̣̇ад̇д̇аа анд̇аананд̇игад̇д̇ам̣. бажчимасса бана д̇ад̣̇убхаяабадисзд̇хавасзна бавад̇д̇аваад̣̇ад̇д̇аа гат̇аманд̇аананд̇игад̇д̇анд̇и? д̇ад̣̇убхаяабадисзд̇хавасзна бавад̇д̇аваад̣̇ад̇д̇аа зва. яасмаа бадисзд̇хаваад̣̇оби анд̇аананд̇ависаяо зва д̇ам̣ аараб̣бха бавад̇д̇ад̇д̇аа. абарз ааху – ‘‘яат̇аа д̇ад̇ияаваад̣̇з самбхзд̣̇авасзна зд̇ассзва анд̇аванд̇ад̇аа ананд̇ад̇аа жа самбхавад̇и, звам̣ д̇аггийваад̣̇зби гаалабхзд̣̇авасзна убхаяасамбхавад̇о ан̃н̃аман̃н̃абадисзд̇хзна убхаяан̃н̃зва вужжад̇и. гат̇ам̣? анд̇аванд̇ад̇аабадисзд̇хзна хи ананд̇ад̇аа вужжад̇и, ананд̇ад̇аабадисзд̇хзна жа анд̇аванд̇ад̇аа, анд̇аананд̇аанан̃жа д̇ад̇ияаваад̣̇абхааво гаалабхзд̣̇асса ад̇хиббзд̇ад̇д̇аа. ид̣̇ам̣ вуд̇д̇ам̣ ход̇и яасмаа аяам̣ логасан̃н̃ид̇о ад̇д̇аа жхааяийхи ад̇хиг̇ад̇ависзсзхи ананд̇о гад̣̇аажи сагки д̣̇идто анусуяяад̇и; д̇асмаа нзванд̇аваа. яасмаа бана д̇зхи зва гад̣̇аажи анд̇аваа сагки д̣̇идто анусуяяад̇и, д̇асмаа на бана ананд̇аваа’’д̇и. яат̇аа жа ануссуд̇ид̇аггийвасзна, звам̣ ж̇аад̇иссарад̇аггиаад̣̇ийнан̃жа васзна яат̇аасамбхавам̣ яож̇зд̇аб̣б̣ам̣. аяан̃хи д̇аггиго авад̣дхид̇абхаавабуб̣б̣агад̇д̇аа бадибхааг̇анимид̇д̇аанам̣ вад̣дхид̇абхаавасса вад̣дхид̇агаалавасзна абажжагкагаарид̇ааяа ануссаваад̣̇имад̇д̇з тад̇ваа – ‘‘нзванд̇аваа’’д̇и бадигкибад̇и, авад̣дхид̇агаалавасзна бана ‘‘наананд̇о’’д̇и. на бана анд̇аванд̇ад̇аананд̇ад̇аанам̣ ажжанд̇амабхаавзна яат̇аа д̇ам̣ ‘‘нзвасан̃н̃ийнаасан̃н̃ий’’д̇и, авассан̃жа зд̇ам̣ звам̣ вин̃н̃аад̇аб̣б̣ам̣, ан̃н̃ат̇аа вигкзбабагкам̣язва бхаж̇зяяа жад̇уд̇т̇аваад̣̇о. на хи анд̇аванд̇ад̇аананд̇ад̇аад̇ад̣̇убхаяавинимуд̇д̇о ад̇д̇ано багааро ад̇т̇и, д̇аггийваад̣̇ий жа яуд̇д̇имаг̇г̇аго, гаалабхзд̣̇авасзна жа д̇ад̣̇убхаяамби згасмим̣ на на яуж̇ж̇ад̇ийд̇и. ананд̇аражад̇угганд̇и згад̇д̇асан̃н̃ийд̇и ааг̇ад̇асан̃н̃ийжад̇уггам̣.
Amati gacchati ettha sabhāvo osānanti anto, mariyādo, so etassa atthīti antavā. Tenāha ‘‘sapariyanto’’ti. Avaḍḍhitakasiṇassa puggalassa evaṃ hotīti yojanā. Dutiyavādo ‘‘anantavā loko’’ti vādo. Tatiyavādo ‘‘antavā ca anantavā cā’’ti vādo. Catutthavādo ‘‘nevantavā nānantavā’’ti vādo. Ete eva cattāro vādino sandhāya brahmajāle (dī. ni. 1.53) – ‘‘antānantikā antānantaṃ lokassa paññapenti catūhi vatthūhī’’ti vuttaṃ. Tattha (dī. ni. ṭī. 1.53) yuttaṃ tāva purimānaṃ tiṇṇaṃ vādīnaṃ antattañca anantattañca antānantattañca ārabbha pavattavādattā antānantikattaṃ. Pacchimassa pana tadubhayapaṭisedhavasena pavattavādattā kathamantānantikattanti? Tadubhayapaṭisedhavasena pavattavādattā eva. Yasmā paṭisedhavādopi antānantavisayo eva taṃ ārabbha pavattattā. Apare āhu – ‘‘yathā tatiyavāde sambhedavasena etasseva antavantatā anantatā ca sambhavati, evaṃ takkīvādepi kālabhedavasena ubhayasambhavato aññamaññapaṭisedhena ubhayaññeva vuccati. Kathaṃ? Antavantatāpaṭisedhena hi anantatā vuccati, anantatāpaṭisedhena ca antavantatā, antānantānañca tatiyavādabhāvo kālabhedassa adhippetattā. Idaṃ vuttaṃ hoti yasmā ayaṃ lokasaññito attā jhāyīhi adhigatavisesehi ananto kadāci sakkhi diṭṭho anusuyyati; tasmā nevantavā. Yasmā pana tehi eva kadāci antavā sakkhi diṭṭho anusuyyati, tasmā na pana anantavā’’ti. Yathā ca anussutitakkīvasena, evaṃ jātissaratakkiādīnañca vasena yathāsambhavaṃ yojetabbaṃ. Ayañhi takkiko avaḍḍhitabhāvapubbakattā paṭibhāganimittānaṃ vaḍḍhitabhāvassa vaḍḍhitakālavasena apaccakkhakāritāya anussavādimatte ṭhatvā – ‘‘nevantavā’’ti paṭikkhipati, avaḍḍhitakālavasena pana ‘‘nānanto’’ti. Na pana antavantatānantatānaṃ accantamabhāvena yathā taṃ ‘‘nevasaññīnāsaññī’’ti, avassañca etaṃ evaṃ viññātabbaṃ, aññathā vikkhepapakkhaṃyeva bhajeyya catutthavādo. Na hi antavantatānantatātadubhayavinimutto attano pakāro atthi, takkīvādī ca yuttimaggako, kālabhedavasena ca tadubhayampi ekasmiṃ na na yujjatīti. Anantaracatukkanti ekattasaññīti āgatasaññīcatukkaṃ.
зганд̇асукийд̇и зганд̇знзва сукий. д̇ам̣ банасса сукам̣ д̣̇угкзна авомиссам̣ ход̇ийд̇и ааха ‘‘ниранд̇арасукий’’д̇и. зганд̇асукамзваад̇и ид̣̇ам̣ сукаб̣ахулад̇ам̣ санд̇хааяа вуд̇д̇ам̣. ад̇ийд̇аасу сад̇д̇асу ж̇аад̇ийсууд̇и ид̣̇ам̣ д̇ад̇о барам̣ ж̇аад̇иссаран̃аан̣зна ануссарид̇ум̣ на саггаад̇и гад̇ваа вуд̇д̇ам̣. д̇аад̣̇исамзваад̇и сукасаман̇г̇имзва ад̇д̇абхаавам̣. ‘‘звам̣ сукасаман̇г̇ий’’д̇и д̇ам̣ ануссаранд̇асса ж̇аад̇иссарасса ад̇ийд̇аж̇аад̇ияамби ид̇ха вияа д̣̇угкапудтасса д̇ам̣ ануссаранд̇асса.
Ekantasukhīti ekanteneva sukhī. Taṃ panassa sukhaṃ dukkhena avomissaṃ hotīti āha ‘‘nirantarasukhī’’ti. Ekantasukhamevāti idaṃ sukhabahulataṃ sandhāya vuttaṃ. Atītāsu sattasu jātīsūti idaṃ tato paraṃ jātissarañāṇena anussarituṃ na sakkāti katvā vuttaṃ. Tādisamevāti sukhasamaṅgimeva attabhāvaṃ. ‘‘Evaṃ sukhasamaṅgī’’ti taṃ anussarantassa jātissarassa atītajātiyampi idha viya dukkhaphuṭṭhassa taṃ anussarantassa.
саб̣б̣зсамбийд̇и лаабхийнам̣ д̇аггийнамби. д̇ат̇аад̇и иминаа ‘‘саб̣б̣зсамбий’’д̇и ид̣̇ам̣ бад̣̇ам̣ аагад̣дхад̇и. гаамааважарам̣ наама ад̣̇угкамасукам̣ анул̣аарам̣ авибхууд̇анд̇и ааха ‘‘жад̇уд̇т̇аж̇жхаанавасзнаа’’д̇и. жад̇уд̇т̇аж̇жхаанам̣ гааран̣абхууд̇ам̣ зд̇асса ад̇т̇и, д̇зна ваа ниб̣б̣ад̇д̇анд̇и жад̇уд̇т̇аж̇жхаанигам̣. маж̇жхад̇д̇ассаад̇и маж̇жхад̇д̇абхууд̇асса маж̇жхад̇д̇авзд̣̇анааб̣ахуласса. маж̇жхад̇д̇абхууд̇адтаанамзва ад̇д̇ано маж̇жхад̇д̇ад̇аабад̇д̇амзва бхууд̇абуб̣б̣ам̣ ануссаранд̇асса. згажжасассад̇игаад̇и згажжасассад̇аваад̣̇ино вуд̇д̇аа. буг̇г̇алаад̇хидтаанзна хи згажжасассад̇игаа. зса наяо сзсзсуби. ад̇хижжасамуббаннаваад̣̇о сассад̇аваад̣̇асамуд̣̇д̣̇идтод̇и гад̇ваа ‘‘д̣̇вз ад̇хижжасамуббаннигаа’’д̇и жа вуд̇д̇ам̣.
Sabbesampīti lābhīnaṃ takkīnampi. Tathāti iminā ‘‘sabbesampī’’ti idaṃ padaṃ ākaḍḍhati. Kāmāvacaraṃ nāma adukkhamasukhaṃ anuḷāraṃ avibhūtanti āha ‘‘catutthajjhānavasenā’’ti. Catutthajjhānaṃ kāraṇabhūtaṃ etassa atthi, tena vā nibbattanti catutthajjhānikaṃ. Majjhattassāti majjhattabhūtassa majjhattavedanābahulassa. Majjhattabhūtaṭṭhānameva attano majjhattatāpattameva bhūtapubbaṃ anussarantassa. Ekaccasassatikāti ekaccasassatavādino vuttā. Puggalādhiṭṭhānena hi ekaccasassatikā. Esa nayo sesesupi. Adhiccasamuppannavādo sassatavādasamuddiṭṭhoti katvā ‘‘dve adhiccasamuppannikā’’ti ca vuttaṃ.
28. д̣̇идтуд̣̇д̇хааранд̇и яат̇аавуд̇д̇аанам̣ д̣̇идтийнам̣ анияяаанигабхаавад̣̇ассанавасзна бад̣̇уд̣̇д̇харан̣ам̣. бажжад̇д̇ам̣язва н̃аан̣анд̇и абараббажжаяам̣ ад̇д̇аниязва н̃аан̣ам̣. д̇ам̣ бана ад̇д̇абажжагкам̣ ход̇ийд̇и ааха ‘‘бажжагкан̃аан̣а’’нд̇и. суван̣н̣асса вияа д̣̇осаабаг̇амзна убаггилзсавиг̇амзна н̃аан̣асса висуд̣̇д̇ханд̇и ааха ‘‘барисуд̣̇д̇ханд̇и нирубаггилзса’’нд̇и. гилзсанд̇хагааравиг̇амад̇о саббабхаасамуж̇ж̇аламзва ход̇ийд̇и вуд̇д̇ам̣ – ‘‘барияод̣̇аад̇анд̇и бабхассара’’нд̇и б̣аахирасамаяасмимби хонд̇и жхаанасса самиж̇жханад̇о. маяамид̣̇ам̣ ж̇аанаамаад̇и ‘‘сассад̇о ад̇д̇аа жа лого жа ид̣̇амзва сажжам̣ могхаман̃н̃а’’нд̇и жа мижчааг̇аахавасзна ан̃н̃аан̣абхааг̇амзва бариб̣руухзд̇ваа д̇ад̇о зва яат̇ааг̇ахид̇ам̣ г̇аахам̣ санд̇хааяа – ‘‘маяамид̣̇ам̣ ад̇т̇ам̣ д̇ад̇т̇а ж̇аанаамаа’’д̇и звам̣ д̇ад̇т̇а мижчааг̇аахз авиж̇ж̇амаанам̣ н̃аан̣агодтаасам̣ од̇аарзнд̇иязва ануббавзсзнд̇иязва. на д̇ам̣ н̃аан̣ам̣, мижчаад̣̇ассанам̣ наамзд̇ам̣, гим̣ бана д̇ам̣ мижчаад̣̇ассанам̣ наама? сассад̇о ад̇д̇аа жа лого жаад̇иаад̣̇инаа мижчаабхинивзсабхаавад̇о. д̇знааха ‘‘д̇ад̣̇аби…бз… ад̇т̇о’’д̇и. яам̣ д̇ам̣ д̣̇идтияаа убаниссаяабхууд̇ам̣ н̃аан̣ам̣, д̇ам̣ санд̇хааяааха – ‘‘ж̇аананамад̇д̇алагкан̣ад̇д̇аа н̃аан̣абхааг̇амад̇д̇амзваа’’д̇и. н̃аан̣амби хи д̣̇идтияаа убаниссаяо ход̇иязва лаабхино ид̇арасса жа д̇ат̇аа д̇ат̇аа мижчаабхинивзсад̇о. анубаад̇ивад̇д̇анад̇о анад̇иггаманад̇о. асаад̇хааран̣ад̇о на убаад̇ивад̇д̇анд̇и зд̇знаад̇и анубаад̇ивад̇д̇анам̣, д̇ад̇о. убаад̣̇аанабажжаяад̇од̇и убаад̣̇аанасса бажжаяабхаавад̇о. зд̇зна палуубажаарзнзва убаад̣̇аанамааха. яад̣̇и б̣рахмаж̇аалз ааг̇ад̇аа саб̣б̣ааби д̣̇идтияо ид̇ха гат̇ид̇аа хонд̇и, звам̣ санд̇з ид̣̇ам̣ суд̇д̇ам̣ б̣рахмаж̇ааласуд̇д̇зна згасад̣̇исанд̇и ааха – ‘‘б̣рахмаж̇аалз банаа’’д̇иаад̣̇и. ‘‘ан̃н̃ад̇ра руубам̣ ан̃н̃ад̇ра взд̣̇анаа саггааяам̣язва анубарид̇хааванд̇ий’’д̇и важанад̇о ид̇ха саггааяад̣̇идти ааг̇ад̇аа. б̣рахмаж̇аалам̣ гат̇ид̇амзва ход̇и д̇ад̇т̇а ааг̇ад̇аанам̣ д̣̇ваасадтияааби д̣̇идтийнам̣ ид̇хааг̇ад̇ад̇д̇аа. сассад̇ужчзд̣̇аабхинивзсо ад̇д̇аабхинивзсабуб̣б̣аго, ‘‘ад̇д̇аа сассад̇о ад̇д̇аа ужчзд̣̇о’’д̇и бавад̇д̇анад̇о.
28.Diṭṭhuddhāranti yathāvuttānaṃ diṭṭhīnaṃ aniyyānikabhāvadassanavasena paduddharaṇaṃ. Paccattaṃyeva ñāṇanti aparappaccayaṃ attaniyeva ñāṇaṃ. Taṃ pana attapaccakkhaṃ hotīti āha ‘‘paccakkhañāṇa’’nti. Suvaṇṇassa viya dosāpagamena upakkilesavigamena ñāṇassa visuddhanti āha ‘‘parisuddhanti nirupakkilesa’’nti. Kilesandhakāravigamato sappabhāsamujjalameva hotīti vuttaṃ – ‘‘pariyodātanti pabhassara’’nti bāhirasamayasmimpi honti jhānassa samijjhanato. Mayamidaṃ jānāmāti ‘‘sassato attā ca loko ca idameva saccaṃ moghamañña’’nti ca micchāgāhavasena aññāṇabhāgameva paribrūhetvā tato eva yathāgahitaṃ gāhaṃ sandhāya – ‘‘mayamidaṃ atthaṃ tattha jānāmā’’ti evaṃ tattha micchāgāhe avijjamānaṃ ñāṇakoṭṭhāsaṃ otārentiyeva anuppavesentiyeva. Na taṃ ñāṇaṃ, micchādassanaṃ nāmetaṃ, kiṃ pana taṃ micchādassanaṃ nāma? Sassato attā ca loko cātiādinā micchābhinivesabhāvato. Tenāha ‘‘tadapi…pe… attho’’ti. Yaṃ taṃ diṭṭhiyā upanissayabhūtaṃ ñāṇaṃ, taṃ sandhāyāha – ‘‘jānanamattalakkhaṇattā ñāṇabhāgamattamevā’’ti. Ñāṇampi hi diṭṭhiyā upanissayo hotiyeva lābhino itarassa ca tathā tathā micchābhinivesato. Anupātivattanato anatikkamanato. Asādhāraṇato na upātivattanti etenāti anupātivattanaṃ, tato. Upādānapaccayatoti upādānassa paccayabhāvato. Etena phalūpacāreneva upādānamāha. Yadi brahmajāle āgatā sabbāpi diṭṭhiyo idha kathitā honti, evaṃ sante idaṃ suttaṃ brahmajālasuttena ekasadisanti āha – ‘‘brahmajāle panā’’tiādi. ‘‘Aññatra rūpaṃ aññatra vedanā sakkāyaṃyeva anuparidhāvantī’’ti vacanato idha sakkāyadiṭṭhi āgatā. Brahmajālaṃ kathitameva hoti tattha āgatānaṃ dvāsaṭṭhiyāpi diṭṭhīnaṃ idhāgatattā. Sassatucchedābhiniveso attābhinivesapubbako, ‘‘attā sassato attā ucchedo’’ti pavattanato.
30. д̣̇ваасадти…бз… д̣̇ассзд̇унд̇и гат̇ам̣ банааяамад̇т̇о ‘‘ид̇ха, бхигкавз, згажжо’’д̇иаад̣̇ибаал̣ияаа д̣̇ассид̇о ход̇ийд̇и? аббахийнасаггааяад̣̇идтигасса буб̣б̣анд̇аабаранд̇ад̣̇идтиубаад̣̇ияанаж̇од̇анад̇о. барижжааг̇знаад̇и вигкамбханзна. жад̇уд̇т̇аж̇жхаананирод̇хаа д̇ад̇ияаж̇жхаанам̣ убасамбаж̇ж̇а вихарад̇ийд̇и зд̇т̇а на барихийнажад̇уд̇т̇аж̇жхаанасса д̇ад̇ияаж̇жхаанам̣ бхавад̇и, д̇ад̇ияаж̇жхаанаа вудтид̇асса бана жад̇уд̇т̇аж̇жхаанаа вудтид̇асса жа д̇ад̇ияам̣ бадиломанаязна самбхавад̇и. д̇знааха ‘‘аяам̣ банзд̇т̇аа’’д̇иаад̣̇и. звам̣самбад̣̇амид̣̇ам̣ взд̣̇ид̇аб̣б̣анд̇и ‘‘бавивзгаа бийд̇и нируж̇жхад̇ий’’д̇и ид̣̇ам̣, ‘‘нираамисасукассанирод̇хаа’’д̇и зд̇т̇а вияа вудтаананирод̇хавасзна вуд̇д̇анд̇и взд̣̇ид̇аб̣б̣анд̇и ад̇т̇о. хийнаж̇жхаанабарияаад̣̇аанагад̣̇оманассанд̇и нийваран̣асахаг̇ад̇ад̣̇оманассамааха. д̇ан̃хи жхаанабарияаад̣̇аанагарам̣. гамманийяабхаавод̇и самаабад̇д̇им̣ бад̇д̇о вияа самаабад̇д̇исамаабаж̇ж̇анабхаавз гаммагкамабхааво. соманассавид̇хурад̇д̇аа д̣̇оманассам̣ вияаад̇и д̣̇оманассанд̇и вуд̇д̇ам̣. ‘‘уббаж̇ж̇ад̇и бавивзгаа бийд̇ий’’д̇и буна вуд̇д̇аа бийд̇и жхаанад̣̇ваяабийд̇и. яам̣ таанам̣ чааяаа ж̇ахад̇ийд̇и яам̣ бад̣̇зсам̣ аад̇абзна абхибхуяяамаанам̣ чааяаа ж̇ахад̇и. д̇ад̇т̇а аад̇абз чааяаад̇и бад̣̇зсзна аад̇абасан̃н̃ид̇аанам̣ бхууд̇асан̇кад̇аанам̣ бахаанадтаанамааха. д̇знааха ‘‘яасмим̣ таанз’’д̇иаад̣̇и.
30.Dvāsaṭṭhi…pe… dassetunti kathaṃ panāyamattho ‘‘idha, bhikkhave, ekacco’’tiādipāḷiyā dassito hotīti? Appahīnasakkāyadiṭṭhikassa pubbantāparantadiṭṭhiupādiyanajotanato. Pariccāgenāti vikkhambhanena. Catutthajjhānanirodhā tatiyajjhānaṃ upasampajja viharatīti ettha na parihīnacatutthajjhānassa tatiyajjhānaṃ bhavati, tatiyajjhānā vuṭṭhitassa pana catutthajjhānā vuṭṭhitassa ca tatiyaṃ paṭilomanayena sambhavati. Tenāha ‘‘ayaṃpanetthā’’tiādi. Evaṃsampadamidaṃ veditabbanti ‘‘pavivekā pīti nirujjhatī’’ti idaṃ, ‘‘nirāmisasukhassanirodhā’’ti ettha viya vuṭṭhānanirodhavasena vuttanti veditabbanti attho. Hīnajjhānapariyādānakadomanassanti nīvaraṇasahagatadomanassamāha. Tañhi jhānapariyādānakaraṃ. Kammanīyabhāvoti samāpattiṃ patto viya samāpattisamāpajjanabhāve kammakkhamabhāvo. Somanassavidhurattā domanassaṃ viyāti domanassanti vuttaṃ. ‘‘Uppajjati pavivekā pītī’’ti puna vuttā pīti jhānadvayapīti. Yaṃ ṭhānaṃ chāyā jahatīti yaṃ padesaṃ ātapena abhibhuyyamānaṃ chāyā jahati. Tattha ātape chāyāti padesena ātapasaññitānaṃ bhūtasaṅkhatānaṃ pahānaṭṭhānamāha. Tenāha ‘‘yasmiṃ ṭhāne’’tiādi.
31. нираамисам̣ суканд̇и д̇ад̇ияаж̇жхаанасукам̣ д̣̇уурасамуссаарид̇агаамаамисад̇д̇аа.
31.Nirāmisaṃ sukhanti tatiyajjhānasukhaṃ dūrasamussāritakāmāmisattā.
32. ад̣̇угкамасуканд̇и жад̇уд̇т̇аж̇жхаанавзд̣̇анам̣, на яам̣ гин̃жи убзгкаавзд̣̇анам̣.
32.Adukkhamasukhanti catutthajjhānavedanaṃ, na yaṃ kiñci upekkhāvedanaṃ.
33. ниг̇г̇ахан̣од̇и мамам̣гаарабхаавзна гин̃жиби аг̇ан̣ханд̇о. ниб̣б̣аанасса саббааяанд̇и ниб̣б̣аанаад̇хиг̇амасса, ниб̣б̣аанассзва ваа авиломавасзна зганд̇игубааяад̇ааяа саббааяам̣. д̇знааха ‘‘убагаарабхууд̇а’’нд̇и. саб̣б̣ад̇т̇аад̇и саб̣б̣зсу д̇збхуумагад̇хаммзсу. зд̇анд̇и зд̇ам̣ яат̇аавуд̇д̇асамат̇абхааванааяа гилзсаанам̣ вигкамбханам̣. саб̣б̣ад̇т̇а ниганд̇ияаа асугкаабид̇ад̇д̇аа гат̇ам̣ ниб̣б̣аанасса убагаарабадибад̣̇аа наама ж̇аад̇ам̣? на ж̇ааяад̇з ваад̇яад̇хиббааяо. саб̣б̣ад̇т̇аад̇и буб̣б̣анд̇аануд̣̇идтиаад̣̇игз саб̣б̣асмим̣. аг̇г̇ан̣ханавасзнаад̇и д̇ан̣хааг̇аахзна аг̇г̇ахан̣авасзна. яад̇т̇а хи д̇ан̣хааг̇аахо виможид̇о, д̇ад̇т̇а д̣̇идтимаанаг̇г̇аахаа сугкаа вияа хонд̇и д̇ад̣̇згадтабхаавад̇о. д̇аад̣̇исасса ниб̣б̣аанаг̇ааминий бадибад̣̇аа зва аасаннз, на д̣̇уурз. д̇зна вуд̇д̇ам̣ – ‘‘убагаарабадибад̣̇аа наама ж̇аад̇а’’нд̇и. д̇аад̣̇исасса жа санд̇охамасмийд̇иаад̣̇игаа саманубассанаа ад̇химаанабагкз д̇идтад̇ийд̇и ааха – ‘‘абхивад̣̇ад̇ийд̇и абхимаанзна убавад̣̇ад̇ий’’д̇и. ид̣̇амзва убаад̣̇ияад̇ийд̇и нияамаабхаавад̇о ‘‘адтаарасавид̇хамбий’’д̇и вуд̇д̇ам̣. сзсабад̣̇зби зсзва наяо. д̣̇идтубаад̣̇аанз сад̇и сзсаубаад̣̇аанасамбхаво авуд̇д̇асид̣̇д̇ход̇и д̇ад̣̇зва уд̣̇д̇хадам̣.
33.Niggahaṇoti mamaṃkārabhāvena kiñcipi agaṇhanto. Nibbānassa sappāyanti nibbānādhigamassa, nibbānasseva vā avilomavasena ekantikupāyatāya sappāyaṃ. Tenāha ‘‘upakārabhūta’’nti. Sabbatthāti sabbesu tebhūmakadhammesu. Etanti etaṃ yathāvuttasamathabhāvanāya kilesānaṃ vikkhambhanaṃ. Sabbattha nikantiyā asukkhāpitattā kathaṃ nibbānassa upakārapaṭipadā nāma jātaṃ? Na jāyate vātyadhippāyo. Sabbatthāti pubbantānudiṭṭhiādike sabbasmiṃ. Aggaṇhanavasenāti taṇhāgāhena aggahaṇavasena. Yattha hi taṇhāgāho vimocito, tattha diṭṭhimānaggāhā sukkhā viya honti tadekaṭṭhabhāvato. Tādisassa nibbānagāminī paṭipadā eva āsanne, na dūre. Tena vuttaṃ – ‘‘upakārapaṭipadā nāma jāta’’nti. Tādisassa ca santohamasmītiādikā samanupassanā adhimānapakkhe tiṭṭhatīti āha – ‘‘abhivadatīti abhimānena upavadatī’’ti. Idameva upādiyatīti niyamābhāvato ‘‘aṭṭhārasavidhampī’’ti vuttaṃ. Sesapadepi eseva nayo. Diṭṭhupādāne sati sesaupādānasambhavo avuttasiddhoti tadeva uddhaṭaṃ.
сз ааяад̇анз взд̣̇ид̇аб̣б̣зд̇и нирод̇хасса гааран̣ам̣ ниб̣б̣аанам̣ взд̣̇ид̇аб̣б̣ам̣. д̣̇виннам̣ ааяад̇анаананд̇и жагкааяад̇анаад̣̇ийнам̣ д̣̇виннам̣ ааяад̇анаанам̣. бадигкзбзна ниб̣б̣аанам̣ д̣̇ассид̇ам̣ взнзяяаж̇жхаасаяавасзна.
Se āyatane veditabbeti nirodhassa kāraṇaṃ nibbānaṃ veditabbaṃ. Dvinnaṃ āyatanānanti cakkhāyatanādīnaṃ dvinnaṃ āyatanānaṃ. Paṭikkhepena nibbānaṃ dassitaṃ veneyyajjhāsayavasena.
на г̇аад̇хад̇ийд̇и на бад̇идтаад̇и. ад̇од̇и асмаа ниб̣б̣аанаа. сараад̇и д̇ан̣хаа. сан̇каарабадигкзбзнаад̇и сан̇каарзгад̣̇зсабхууд̇аанам̣ жад̇уннам̣ махаабхууд̇аанам̣ бадигкзбзна.
Nagādhatīti na patiṭṭhāti. Atoti asmā nibbānā. Sarāti taṇhā. Saṅkhārapaṭikkhepenāti saṅkhārekadesabhūtānaṃ catunnaṃ mahābhūtānaṃ paṭikkhepena.
вин̃н̃аан̣анд̇и висидтзна н̃аан̣зна ж̇аанид̇аб̣б̣ам̣. д̇ад̇о зва анид̣̇ассанам̣ ажагкувин̃н̃зяяам̣ анинд̣̇рияаг̇ожарам̣. ананд̇анд̇и анд̇арахид̇ам̣, нижжанд̇и ад̇т̇о. саб̣б̣ад̇о бабханд̇и гилзсанд̇хагаараабхаавад̇о жа саманд̇ад̇о бабхассарам̣. ‘‘саб̣б̣ад̇о баба’’нд̇и ваа баато, саб̣б̣ад̇о бад̇ад̇ид̇т̇анд̇и ад̇т̇о. жад̇д̇аарийсагаммадтаанасан̇каад̇зхи д̇ид̇т̇зхи од̇арид̇ваа анубависид̇аб̣б̣ам̣ амад̇асаранд̇и вуд̇д̇ам̣ ход̇и. анубаад̣̇аа ган̃жи д̇хаммам̣ аг̇г̇ахзд̇ваа вимужжанд̇и зд̇т̇аад̇и анубаад̣̇аавимогко, ниб̣б̣аанам̣. анубаад̣̇аа вимужжад̇и зд̇знаад̇и анубаад̣̇аавимогко, аг̇г̇амаг̇г̇о. анубаад̣̇аавимогканд̇игад̇ааяа бана арахад̇д̇апалам̣ анубаад̣̇аавимогкод̇и вуд̇д̇ам̣. сзсам̣ сувин̃н̃зяяамзва.
Viññāṇanti visiṭṭhena ñāṇena jānitabbaṃ. Tato eva anidassanaṃ acakkhuviññeyyaṃ anindriyagocaraṃ. Anantanti antarahitaṃ, niccanti attho. Sabbato pabhanti kilesandhakārābhāvato ca samantato pabhassaraṃ. ‘‘Sabbato papa’’nti vā pāṭho, sabbato patatitthanti attho. Cattārīsakammaṭṭhānasaṅkhātehi titthehi otaritvā anupavisitabbaṃ amatasaranti vuttaṃ hoti. Anupādā kañci dhammaṃ aggahetvā vimuccanti etthāti anupādāvimokkho, nibbānaṃ. Anupādā vimuccati etenāti anupādāvimokkho, aggamaggo. Anupādāvimokkhantikatāya pana arahattaphalaṃ anupādāvimokkhoti vuttaṃ. Sesaṃ suviññeyyameva.
бан̃жад̇д̇аяасуд̇д̇аван̣н̣анааяа лийнад̇т̇аббагаасанаа самад̇д̇аа.
Pañcattayasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. бан̃жад̇д̇аяасуд̇д̇ам̣ • 2. Pañcattayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. бан̃жад̇д̇аяасуд̇д̇аван̣н̣анаа • 2. Pañcattayasuttavaṇṇanā
