| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бан̃жаваг̇г̇ияагат̇аа
Pañcavaggiyakathā
10. бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и взяяад̇д̇иязна саманнааг̇ад̇о. мзд̇хаавийд̇и таануббад̇д̇ияаа бан̃н̃ааяа саманнааг̇ад̇о. аббараж̇агкаж̇аад̇игод̇и самаабад̇д̇ияаа вигкамбхид̇ад̇д̇аа ниггилзсаж̇аад̇иго висуд̣̇д̇хасад̇д̇о. ааж̇ааниссад̇ийд̇и саллагкзссад̇и бадивиж̇жхиссад̇и. бхаг̇авад̇оби ко н̃аан̣ам̣ уд̣̇абаад̣̇ийд̇и саб̣б̣ан̃н̃уд̇ан̃н̃аан̣ам̣ уббаж̇ж̇и ‘‘ид̇о сад̇д̇амад̣̇ивасамад̇т̇агз гаалам̣гад̇ваа аагин̃жан̃н̃ааяад̇анз ниб̣б̣ад̇д̇о’’д̇и. махааж̇аанияод̇и сад̇д̇ад̣̇ивасаб̣бханд̇арз бад̇д̇аб̣б̣амаг̇г̇апалад̇о барихийнад̇д̇аа махад̇ий ж̇аани ассаад̇и махааж̇аанияо агкан̣з ниб̣б̣ад̇д̇ад̇д̇аа. абхид̣̇осагаалам̣гад̇од̇и хияяо гаалам̣гад̇о, соби нзвасан̃н̃аанаасан̃н̃ааяад̇анз ниб̣б̣ад̇д̇од̇и ад̣̇д̣̇аса. б̣ахуугаараад̇и б̣ахуубагаараа. бад̇хаанабахид̇ад̇д̇ам̣ убадтахим̣сууд̇и бад̇хаанад̇т̇ааяа бзсид̇ад̇д̇абхаавам̣ мукод̣̇агад̣̇аанаад̣̇инаа убадтахим̣су.
10.Paṇḍitoti paṇḍiccena samannāgato. Byattoti veyyattiyena samannāgato. Medhāvīti ṭhānuppattiyā paññāya samannāgato. Apparajakkhajātikoti samāpattiyā vikkhambhitattā nikkilesajātiko visuddhasatto. Ājānissatīti sallakkhessati paṭivijjhissati. Bhagavatopi kho ñāṇaṃ udapādīti sabbaññutaññāṇaṃ uppajji ‘‘ito sattamadivasamatthake kālaṃkatvā ākiñcaññāyatane nibbatto’’ti. Mahājāniyoti sattadivasabbhantare pattabbamaggaphalato parihīnattā mahatī jāni assāti mahājāniyo akkhaṇe nibbattattā. Abhidosakālaṃkatoti hiyyo kālaṃkato, sopi nevasaññānāsaññāyatane nibbattoti addasa. Bahūkārāti bahūpakārā. Padhānapahitattaṃ upaṭṭhahiṃsūti padhānatthāya pesitattabhāvaṃ mukhodakadānādinā upaṭṭhahiṃsu.
11. анд̇араа жа г̇аяам̣ анд̇араа жа б̣од̇хинд̇и убаго б̣од̇химан̣д̣асса жа г̇аяааяа жа анд̇арз бхаг̇аванд̇ам̣ ад̣̇д̣̇аса. ад̣̇д̇хаанамаг̇г̇аббадибаннанд̇и ад̣̇д̇хаанамаг̇г̇ам̣ бадибаннам̣.
11.Antarā ca gayaṃ antarā ca bodhinti upako bodhimaṇḍassa ca gayāya ca antare bhagavantaṃ addasa. Addhānamaggappaṭipannanti addhānamaggaṃ paṭipannaṃ.
саб̣б̣аабхибхууд̇и саб̣б̣ам̣ д̇збхуумагад̇хаммам̣ абхибхавид̇ваа тид̇о. саб̣б̣авид̣̇ууд̇и саб̣б̣ам̣ жад̇убхуумагад̇хаммам̣ авзд̣̇им̣ ан̃н̃аасим̣. саб̣б̣зсу д̇хаммзсу ануубалид̇д̇од̇и саб̣б̣зсу д̇збхуумагад̇хаммзсу гилзсалзбзна алид̇д̇о. саб̣б̣ан̃ж̇аход̇и саб̣б̣ам̣ д̇збхуумагад̇хаммам̣ ж̇ахид̇ваа тид̇о. д̇ан̣хагкаяз вимуд̇д̇од̇и д̇ан̣хагкаяз ниб̣б̣аанз аарамман̣ад̇о вимуд̇д̇о. саяам̣ абхин̃н̃ааяаад̇и саб̣б̣ам̣ жад̇убхуумагад̇хаммам̣ ад̇д̇анаава ж̇аанид̇ваа. гамуд̣̇д̣̇исзяяанд̇и гам̣ ан̃н̃ам̣ ‘‘аяам̣ мз аажарияо’’д̇и уд̣̇д̣̇исзяяам̣.
Sabbābhibhūti sabbaṃ tebhūmakadhammaṃ abhibhavitvā ṭhito. Sabbavidūti sabbaṃ catubhūmakadhammaṃ avediṃ aññāsiṃ. Sabbesu dhammesu anūpalittoti sabbesu tebhūmakadhammesu kilesalepena alitto. Sabbañjahoti sabbaṃ tebhūmakadhammaṃ jahitvā ṭhito. Taṇhakkhaye vimuttoti taṇhakkhaye nibbāne ārammaṇato vimutto. Sayaṃ abhiññāyāti sabbaṃ catubhūmakadhammaṃ attanāva jānitvā. Kamuddiseyyanti kaṃ aññaṃ ‘‘ayaṃ me ācariyo’’ti uddiseyyaṃ.
на мз аажарияо ад̇т̇ийд̇и логуд̇д̇арад̇хаммз маяхам̣ аажарияо наама над̇т̇и. над̇т̇и мз бадибуг̇г̇алод̇и маяхам̣ бадибхааг̇абуг̇г̇ало наама над̇т̇и. сийд̇ибхууд̇од̇и саб̣б̣агилзсаг̇г̇иниб̣б̣аабанзна сийд̇ибхууд̇о. гилзсаанам̣язва ниб̣б̣уд̇ад̇д̇аа ниб̣б̣уд̇о.
Na me ācariyo atthīti lokuttaradhamme mayhaṃ ācariyo nāma natthi. Natthi me paṭipuggaloti mayhaṃ paṭibhāgapuggalo nāma natthi. Sītibhūtoti sabbakilesagginibbāpanena sītibhūto. Kilesānaṃyeva nibbutattā nibbuto.
гаасийнам̣ буранд̇и гаасирадтз наг̇арам̣. аахан̃чам̣ амад̇ад̣̇унд̣̇убхинд̇и д̇хаммажаггаббадилаабхааяа амад̇абхзрим̣ бахариссаамийд̇и г̇ажчаами.
Kāsīnaṃpuranti kāsiraṭṭhe nagaraṃ. Āhañchaṃ amatadundubhinti dhammacakkappaṭilābhāya amatabheriṃ paharissāmīti gacchāmi.
арахаси ананд̇аж̇инод̇и ананд̇аж̇ино бхавид̇ум̣ яуд̇д̇о. хубзяяабаавусод̇и аавусо звамби наама бхавзяяа. сийсам̣ огамбзд̇ваад̇и сийсам̣ жаалзд̇ваа.
Arahasi anantajinoti anantajino bhavituṃ yutto. Hupeyyapāvusoti āvuso evampi nāma bhaveyya. Sīsaṃ okampetvāti sīsaṃ cāletvā.
12. сан̣табзсунд̇и гад̇игам̣ агам̣су. б̣аахуллигод̇и жийвараб̣аахуллаад̣̇ийнам̣ ад̇т̇ааяа бадибанно. бад̇хаанавиб̣бханд̇од̇и бад̇хаанад̇о виб̣бханд̇о бхадто барихийно. аавад̇д̇о б̣аахуллааяаад̇и жийвараад̣̇иб̣ахулабхаавад̇т̇ааяа аавад̇д̇о. од̣̇ахат̇а бхигкавз сод̇анд̇и убанзт̇а бхигкавз сод̇ам̣; сод̇инд̣̇рияам̣ д̇хаммасаванад̇т̇ам̣ абхимукам̣ гарот̇аад̇и ад̇т̇о. амад̇амад̇хиг̇ад̇анд̇и амад̇ам̣ ниб̣б̣аанам̣ маяаа ад̇хиг̇ад̇анд̇и д̣̇ассзд̇и. ирияааяаад̇и д̣̇уггараирияааяа. бадибад̣̇ааяаад̇и д̣̇уггарабадибад̣̇ааяа. абхиж̇аанаат̇а мз нод̇и абхиж̇аанаат̇а ну мз саманубассат̇а. зваруубам̣ бхаасид̇амзд̇анд̇и зд̇ам̣ зваруубам̣ ваагяам̣ бхаасид̇анд̇и ад̇т̇о. асагки ко бхаг̇аваа бан̃жаваг̇г̇ияз бхигкуу сан̃н̃аабзд̇унд̇и ‘‘ахам̣ б̣уд̣̇д̇хо’’д̇и ж̇аанаабзд̇ум̣ асагки.
12.Saṇṭhapesunti katikaṃ akaṃsu. Bāhullikoti cīvarabāhullādīnaṃ atthāya paṭipanno. Padhānavibbhantoti padhānato vibbhanto bhaṭṭho parihīno. Āvatto bāhullāyāti cīvarādibahulabhāvatthāya āvatto. Odahatha bhikkhave sotanti upanetha bhikkhave sotaṃ; sotindriyaṃ dhammasavanatthaṃ abhimukhaṃ karothāti attho. Amatamadhigatanti amataṃ nibbānaṃ mayā adhigatanti dasseti. Iriyāyāti dukkarairiyāya. Paṭipadāyāti dukkarapaṭipadāya. Abhijānātha me noti abhijānātha nu me samanupassatha. Evarūpaṃ bhāsitametanti etaṃ evarūpaṃ vākyaṃ bhāsitanti attho. Asakkhi kho bhagavā pañcavaggiye bhikkhū saññāpetunti ‘‘ahaṃ buddho’’ti jānāpetuṃ asakkhi.
13. жагкугаран̣ийд̇и бан̃н̃аажагкум̣ санд̇хааяааха. ид̇о барам̣ саб̣б̣ам̣ бад̣̇ад̇т̇ад̇о уд̇д̇аанамзва. ад̇хиббааяаанусанд̇хияож̇анаад̣̇ибхзд̣̇ад̇о бана бабан̃жасууд̣̇анияаа маж̇жхимадтагат̇ааяам̣ вуд̇д̇анаязна взд̣̇ид̇аб̣б̣ам̣. ид̇о бадтааяа хи ад̇ивид̇т̇аарабхийругасса махааж̇анасса жид̇д̇ам̣ анурагканд̇аа суд̇д̇анд̇агат̇ам̣ аван̣н̣аяид̇ваа винаяагат̇ам̣язва ван̣н̣аяиссаама.
13.Cakkhukaraṇīti paññācakkhuṃ sandhāyāha. Ito paraṃ sabbaṃ padatthato uttānameva. Adhippāyānusandhiyojanādibhedato pana papañcasūdaniyā majjhimaṭṭhakathāyaṃ vuttanayena veditabbaṃ. Ito paṭṭhāya hi ativitthārabhīrukassa mahājanassa cittaṃ anurakkhantā suttantakathaṃ avaṇṇayitvā vinayakathaṃyeva vaṇṇayissāma.
18. саава д̇асса ааяасмад̇о убасамбад̣̇аа ахосийд̇и аасаал̣хийбун̣н̣амааяа адтаарасахи д̣̇звад̇аагодийхи сад̣̇д̇хим̣ сод̇аабад̇д̇ипалз бад̇идтид̇асса ‘‘зхи бхигкуу’’д̇и бхаг̇авад̇о важанзна абхинибпаннаа саава д̇асса ааяасмад̇о зхибхигкуубасамбад̣̇аа ахоси.
18.Sāva tassa āyasmato upasampadā ahosīti āsāḷhīpuṇṇamāya aṭṭhārasahi devatākoṭīhi saddhiṃ sotāpattiphale patiṭṭhitassa ‘‘ehi bhikkhū’’ti bhagavato vacanena abhinipphannā sāva tassa āyasmato ehibhikkhūpasampadā ahosi.
19. ат̇а ко ааяасмад̇о жа ваббассаад̇и аад̣̇имхи ваббад̇т̇зрасса баадибад̣̇ад̣̇ивасз д̇хаммажагкум̣ уд̣̇абаад̣̇и, бхад̣̇д̣̇ияад̇т̇зрасса д̣̇уд̇ияад̣̇ивасз, махаанаамад̇т̇зрасса д̇ад̇ияад̣̇ивасз, ассаж̇ид̇т̇зрасса жад̇уд̇т̇ияанд̇и. имзсан̃жа бана бхигкуунам̣ гаммадтаанзсу уббаннамалависод̇ханад̇т̇ам̣ бхаг̇аваа анд̇овихаарзязва ахоси. уббаннз уббаннз гаммадтаанамалз аагаасзна г̇анд̇ваа малам̣ винод̣̇зси. багкасса бана бан̃жамияам̣ саб̣б̣з д̇з згад̇о саннибаад̇зд̇ваа анад̇д̇асуд̇д̇зна овад̣̇и. д̇зна вуд̇д̇ам̣ ‘‘ат̇а ко бхаг̇аваа бан̃жаваг̇г̇ияз’’д̇иаад̣̇и.
19.Atha kho āyasmato ca vappassāti ādimhi vappattherassa pāṭipadadivase dhammacakkhuṃ udapādi, bhaddiyattherassa dutiyadivase, mahānāmattherassa tatiyadivase, assajittherassa catutthiyanti. Imesañca pana bhikkhūnaṃ kammaṭṭhānesu uppannamalavisodhanatthaṃ bhagavā antovihāreyeva ahosi. Uppanne uppanne kammaṭṭhānamale ākāsena gantvā malaṃ vinodesi. Pakkhassa pana pañcamiyaṃ sabbe te ekato sannipātetvā anattasuttena ovadi. Tena vuttaṃ ‘‘atha kho bhagavā pañcavaggiye’’tiādi.
24. д̇зна ко бана самаязна ча логз араханд̇о хонд̇ийд̇и бан̃жамияаа багкасса логасмим̣ ча мануссаа араханд̇о хонд̇ийд̇и ад̇т̇о.
24.Tenakho pana samayena cha loke arahanto hontīti pañcamiyā pakkhassa lokasmiṃ cha manussā arahanto hontīti attho.
бан̃жаваг̇г̇ияагат̇аа нидтид̇аа.
Pañcavaggiyakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 6. бан̃жаваг̇г̇ияагат̇аа • 6. Pañcavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
д̇хаммажаггаббавад̇д̇анасуд̇д̇аван̣н̣анаа • Dhammacakkappavattanasuttavaṇṇanā
анад̇д̇алагкан̣асуд̇д̇аван̣н̣анаа • Anattalakkhaṇasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бан̃жаваг̇г̇ияагат̇аа • 6. Pañcavaggiyakathā
