| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
6. бан̃жаваг̇г̇ияагат̇аа
6. Pañcavaggiyakathā
10. 1 ат̇а ко бхаг̇авад̇о зд̇ад̣̇ахоси – ‘‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’’д̇и? ат̇а ко бхаг̇авад̇о зд̇ад̣̇ахоси – ‘‘аяам̣ ко аал̣ааро гаалаамо бан̣д̣ид̇о б̣яад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго; яам̣нуунаахам̣ аал̣аарасса гаалаамасса батамам̣ д̇хаммам̣ д̣̇зсзяяам̣, со имам̣ д̇хаммам̣ киббамзва ааж̇ааниссад̇ий’’д̇и. ат̇а ко анд̇арахид̇аа д̣̇звад̇аа бхаг̇авад̇о аарожзси – ‘‘сад̇д̇аахагаалан̇гад̇о, бханд̇з, аал̣ааро гаалаамо’’д̇и. бхаг̇авад̇оби ко н̃аан̣ам̣ уд̣̇абаад̣̇и – ‘‘сад̇д̇аахагаалан̇гад̇о аал̣ааро гаалаамо’’д̇и. ат̇а ко бхаг̇авад̇о зд̇ад̣̇ахоси – ‘‘махааж̇аанияо ко аал̣ааро гаалаамо; сажз хи со имам̣ д̇хаммам̣ сун̣зяяа, киббамзва ааж̇аанзяяаа’’д̇и. ат̇а ко бхаг̇авад̇о зд̇ад̣̇ахоси – ‘‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’’д̇и? ат̇а ко бхаг̇авад̇о зд̇ад̣̇ахоси – ‘‘аяам̣ ко уд̣̇аго 2 раамабуд̇д̇о бан̣д̣ид̇о б̣яад̇д̇о мзд̇хаавий д̣̇ийгхарад̇д̇ам̣ аббараж̇агкаж̇аад̇иго; яам̣нуунаахам̣ уд̣̇агасса раамабуд̇д̇асса батамам̣ д̇хаммам̣ д̣̇зсзяяам̣, со имам̣ д̇хаммам̣ киббамзва ааж̇ааниссад̇ий’’д̇и. ат̇а ко анд̇арахид̇аа д̣̇звад̇аа бхаг̇авад̇о аарожзси – ‘‘абхид̣̇осагаалан̇гад̇о, бханд̇з, уд̣̇аго раамабуд̇д̇о’’д̇и. бхаг̇авад̇оби ко н̃аан̣ам̣ уд̣̇абаад̣̇и – ‘‘абхид̣̇осагаалан̇гад̇о уд̣̇аго раамабуд̇д̇о’’д̇и. ат̇а ко бхаг̇авад̇о зд̇ад̣̇ахоси – ‘‘махааж̇аанияо ко уд̣̇аго раамабуд̇д̇о; сажз хи со имам̣ д̇хаммам̣ сун̣зяяа, киббамзва ааж̇аанзяяаа’’д̇и
10.3 Atha kho bhagavato etadahosi – ‘‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’’ti? Atha kho bhagavato etadahosi – ‘‘ayaṃ kho āḷāro kālāmo paṇḍito byatto medhāvī dīgharattaṃ apparajakkhajātiko; yaṃnūnāhaṃ āḷārassa kālāmassa paṭhamaṃ dhammaṃ deseyyaṃ, so imaṃ dhammaṃ khippameva ājānissatī’’ti. Atha kho antarahitā devatā bhagavato ārocesi – ‘‘sattāhakālaṅkato, bhante, āḷāro kālāmo’’ti. Bhagavatopi kho ñāṇaṃ udapādi – ‘‘sattāhakālaṅkato āḷāro kālāmo’’ti. Atha kho bhagavato etadahosi – ‘‘mahājāniyo kho āḷāro kālāmo; sace hi so imaṃ dhammaṃ suṇeyya, khippameva ājāneyyā’’ti. Atha kho bhagavato etadahosi – ‘‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’’ti? Atha kho bhagavato etadahosi – ‘‘ayaṃ kho udako 4 rāmaputto paṇḍito byatto medhāvī dīgharattaṃ apparajakkhajātiko; yaṃnūnāhaṃ udakassa rāmaputtassa paṭhamaṃ dhammaṃ deseyyaṃ, so imaṃ dhammaṃ khippameva ājānissatī’’ti. Atha kho antarahitā devatā bhagavato ārocesi – ‘‘abhidosakālaṅkato, bhante, udako rāmaputto’’ti. Bhagavatopi kho ñāṇaṃ udapādi – ‘‘abhidosakālaṅkato udako rāmaputto’’ti. Atha kho bhagavato etadahosi – ‘‘mahājāniyo kho udako rāmaputto; sace hi so imaṃ dhammaṃ suṇeyya, khippameva ājāneyyā’’ti
ат̇а ко бхаг̇авад̇о зд̇ад̣̇ахоси – ‘‘гасса ну ко ахам̣ батамам̣ д̇хаммам̣ д̣̇зсзяяам̣? го имам̣ д̇хаммам̣ киббамзва ааж̇ааниссад̇ий’’д̇и? ат̇а ко бхаг̇авад̇о зд̇ад̣̇ахоси – ‘‘б̣ахугаараа ко мз бан̃жаваг̇г̇ияаа бхигкуу, яз мам̣ бад̇хаанабахид̇ад̇д̇ам̣ убадтахим̣су; яам̣нуунаахам̣ бан̃жаваг̇г̇ияаанам̣ бхигкуунам̣ батамам̣ д̇хаммам̣ д̣̇зсзяяа’’нд̇и. ат̇а ко бхаг̇авад̇о зд̇ад̣̇ахоси – ‘‘гахам̣ ну ко зд̇арахи бан̃жаваг̇г̇ияаа бхигкуу вихаранд̇ий’’д̇и? ад̣̇д̣̇асаа ко бхаг̇аваа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна бан̃жаваг̇г̇ияз бхигкуу б̣аараан̣асияам̣ вихаранд̇з исибад̇анз миг̇ад̣̇ааяз. ат̇а ко бхаг̇аваа урувзлааяам̣ яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггаами.
Atha kho bhagavato etadahosi – ‘‘kassa nu kho ahaṃ paṭhamaṃ dhammaṃ deseyyaṃ? Ko imaṃ dhammaṃ khippameva ājānissatī’’ti? Atha kho bhagavato etadahosi – ‘‘bahukārā kho me pañcavaggiyā bhikkhū, ye maṃ padhānapahitattaṃ upaṭṭhahiṃsu; yaṃnūnāhaṃ pañcavaggiyānaṃ bhikkhūnaṃ paṭhamaṃ dhammaṃ deseyya’’nti. Atha kho bhagavato etadahosi – ‘‘kahaṃ nu kho etarahi pañcavaggiyā bhikkhū viharantī’’ti? Addasā kho bhagavā dibbena cakkhunā visuddhena atikkantamānusakena pañcavaggiye bhikkhū bārāṇasiyaṃ viharante isipatane migadāye. Atha kho bhagavā uruvelāyaṃ yathābhirantaṃ viharitvā yena bārāṇasī tena cārikaṃ pakkāmi.
11. ад̣̇д̣̇асаа ко убаго ааж̇ийваго бхаг̇аванд̇ам̣ анд̇араа жа г̇аяам̣ анд̇араа жа б̣од̇хим̣ ад̣̇д̇хаанамаг̇г̇аббадибаннам̣, д̣̇исваана бхаг̇аванд̇ам̣ зд̇ад̣̇авожа – ‘‘виббасаннаани ко д̇з, аавусо, инд̣̇рияаани, барисуд̣̇д̇хо чавиван̣н̣о барияод̣̇аад̇о. гам̣си д̇вам̣, аавусо, уд̣̇д̣̇исса баб̣б̣аж̇ид̇о? го ваа д̇з сад̇т̇аа? гасса ваа д̇вам̣ д̇хаммам̣ рожзсий’’д̇и? звам̣ вуд̇д̇з бхаг̇аваа убагам̣ ааж̇ийвагам̣ г̇аат̇аахи аж̇жхабхааси –
11. Addasā kho upako ājīvako bhagavantaṃ antarā ca gayaṃ antarā ca bodhiṃ addhānamaggappaṭipannaṃ, disvāna bhagavantaṃ etadavoca – ‘‘vippasannāni kho te, āvuso, indriyāni, parisuddho chavivaṇṇo pariyodāto. Kaṃsi tvaṃ, āvuso, uddissa pabbajito? Ko vā te satthā? Kassa vā tvaṃ dhammaṃ rocesī’’ti? Evaṃ vutte bhagavā upakaṃ ājīvakaṃ gāthāhi ajjhabhāsi –
саб̣б̣зсу д̇хаммзсу ануубалид̇д̇о;
Sabbesu dhammesu anūpalitto;
саб̣б̣ан̃ж̇ахо д̇ан̣хаагкаяз вимуд̇д̇о,
Sabbañjaho taṇhākkhaye vimutto,
саяам̣ абхин̃н̃ааяа гамуд̣̇д̣̇исзяяам̣.
Sayaṃ abhiññāya kamuddiseyyaṃ.
7 ‘‘на мз аажарияо ад̇т̇и, сад̣̇исо мз на виж̇ж̇ад̇и;
8 ‘‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало.
Sadevakasmiṃ lokasmiṃ, natthi me paṭipuggalo.
згомхи саммаасамб̣уд̣̇д̇хо, сийд̇ибхууд̇осми ниб̣б̣уд̇о.
Ekomhi sammāsambuddho, sītibhūtosmi nibbuto.
11‘‘д̇хаммажаггам̣ бавад̇д̇зд̇ум̣, г̇ажчаами гаасинам̣ бурам̣;
12‘‘Dhammacakkaṃ pavattetuṃ, gacchāmi kāsinaṃ puraṃ;
анд̇хийбхууд̇асмим̣ логасмим̣, аахан̃чам̣ 13 амад̇ад̣̇унд̣̇убхи’’нд̇и.
Andhībhūtasmiṃ lokasmiṃ, āhañchaṃ 14 amatadundubhi’’nti.
яат̇аа ко д̇вам̣, аавусо, бадиж̇аанааси, арахаси ананд̇аж̇инод̇и.
Yathā kho tvaṃ, āvuso, paṭijānāsi, arahasi anantajinoti.
15 ‘‘маад̣̇исаа вз ж̇инаа хонд̇и, яз бад̇д̇аа аасавагкаяам̣;
16 ‘‘Mādisā ve jinā honti, ye pattā āsavakkhayaṃ;
ж̇ид̇аа мз баабагаа д̇хаммаа, д̇асмаахамубага 17 ж̇ино’’д̇и.
Jitā me pāpakā dhammā, tasmāhamupaka 18 jino’’ti.
звам̣ вуд̇д̇з убаго ааж̇ийваго хубзяяабаавусод̇и 19 вад̇ваа сийсам̣ огамбзд̇ваа уммаг̇г̇ам̣ г̇ахзд̇ваа баггаами.
Evaṃ vutte upako ājīvako hupeyyapāvusoti 20 vatvā sīsaṃ okampetvā ummaggaṃ gahetvā pakkāmi.
12. ат̇а ко бхаг̇аваа анубуб̣б̣зна жааригам̣ жарамаано язна б̣аараан̣асий исибад̇анам̣ миг̇ад̣̇ааяо, язна бан̃жаваг̇г̇ияаа бхигкуу д̇знубасан̇гами. ад̣̇д̣̇асам̣су ко бан̃жаваг̇г̇ияаа бхигкуу бхаг̇аванд̇ам̣ д̣̇уурад̇ова ааг̇ажчанд̇ам̣; д̣̇исваана ан̃н̃аман̃н̃ам̣ гад̇игам̣ 21 сан̣табзсум̣ – ‘‘аяам̣, аавусо, саман̣о г̇од̇амо ааг̇ажчад̇и, б̣аахуллиго бад̇хаанавиб̣бханд̇о аавад̇д̇о б̣аахуллааяа. со нзва абхиваад̣̇зд̇аб̣б̣о, на бажжудтаад̇аб̣б̣о, наасса бад̇д̇ажийварам̣ бадиг̇г̇ахзд̇аб̣б̣ам̣; аби жа ко аасанам̣ табзд̇аб̣б̣ам̣, сажз со ааган̇киссад̇и нисийд̣̇иссад̇ий’’д̇и. яат̇аа яат̇аа ко бхаг̇аваа бан̃жаваг̇г̇ияз бхигкуу убасан̇гамад̇и, д̇ат̇аа д̇ат̇аа 22 бан̃жаваг̇г̇ияаа бхигкуу наасагким̣су сагааяа гад̇игааяа сан̣таад̇ум̣ . асан̣таханд̇аа бхаг̇аванд̇ам̣ бажжуг̇г̇анд̇ваа зго бхаг̇авад̇о бад̇д̇ажийварам̣ бадиг̇г̇ахзси, зго аасанам̣ бан̃н̃абзси, зго баад̣̇од̣̇агам̣, зго баад̣̇абийтам̣, зго баад̣̇агаталигам̣ убанигкиби. нисийд̣̇и бхаг̇аваа бан̃н̃ад̇д̇з аасанз; нисаж̇ж̇а ко бхаг̇аваа баад̣̇з багкаалзси. абиссу 23 бхаг̇аванд̇ам̣ наамзна жа аавусоваад̣̇зна жа самуд̣̇аажаранд̇и. звам̣ вуд̇д̇з бхаг̇аваа бан̃жаваг̇г̇ияз бхигкуу зд̇ад̣̇авожа – ‘‘маа, бхигкавз, д̇ат̇ааг̇ад̇ам̣ наамзна жа аавусоваад̣̇зна жа самуд̣̇аажарат̇а 24. арахам̣, бхигкавз, д̇ат̇ааг̇ад̇о саммаасамб̣уд̣̇д̇хо, од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа 25 нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’’д̇и. звам̣ вуд̇д̇з бан̃жаваг̇г̇ияаа бхигкуу бхаг̇аванд̇ам̣ зд̇ад̣̇авожум̣ – ‘‘д̇ааяаби ко д̇вам̣, аавусо г̇од̇ама, ирияааяа 26, д̇ааяа бадибад̣̇ааяа, д̇ааяа д̣̇уггарагааригааяа нзваж̇жхаг̇аа уд̇д̇ари мануссад̇хаммаа 27 аламарияан̃аан̣ад̣̇ассанависзсам̣, гим̣ бана д̇вам̣ зд̇арахи, б̣аахуллиго бад̇хаанавиб̣бханд̇о аавад̇д̇о б̣аахуллааяа, ад̇хиг̇амиссаси уд̇д̇ари мануссад̇хаммаа аламарияан̃аан̣ад̣̇ассанависзса’’нд̇и? звам̣ вуд̇д̇з бхаг̇аваа бан̃жаваг̇г̇ияз бхигкуу зд̇ад̣̇авожа – ‘‘на, бхигкавз, д̇ат̇ааг̇ад̇о б̣аахуллиго, на бад̇хаанавиб̣бханд̇о, на аавад̇д̇о б̣аахуллааяа; арахам̣, бхигкавз, д̇ат̇ааг̇ад̇о саммаасамб̣уд̣̇д̇хо. од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами , ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзвад̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аа’’д̇и. д̣̇уд̇ияамби ко бан̃жаваг̇г̇ияаа бхигкуу бхаг̇аванд̇ам̣ зд̇ад̣̇авожум̣…бз…. д̣̇уд̇ияамби ко бхаг̇аваа бан̃жаваг̇г̇ияз бхигкуу зд̇ад̣̇авожа…бз…. д̇ад̇ияамби ко бан̃жаваг̇г̇ияаа бхигкуу бхаг̇аванд̇ам̣ зд̇ад̣̇авожум̣ – ‘‘д̇ааяаби ко д̇вам̣, аавусо г̇од̇ама, ирияааяа, д̇ааяа бадибад̣̇ааяа, д̇ааяа д̣̇уггарагааригааяа нзваж̇жхаг̇аа уд̇д̇ари мануссад̇хаммаа аламарияан̃аан̣ад̣̇ассанависзсам̣, гим̣ бана д̇вам̣ зд̇арахи, б̣аахуллиго бад̇хаанавиб̣бханд̇о аавад̇д̇о б̣аахуллааяа, ад̇хиг̇амиссаси уд̇д̇ари мануссад̇хаммаа аламарияан̃аан̣ад̣̇ассанависзса’’нд̇и? звам̣ вуд̇д̇з бхаг̇аваа бан̃жаваг̇г̇ияз бхигкуу зд̇ад̣̇авожа – ‘‘абхиж̇аанаат̇а мз но д̇умхз, бхигкавз, ид̇о буб̣б̣з зваруубам̣ бабхаавид̇амзд̇а’’нд̇и 28? ‘‘нохзд̇ам̣, бханд̇з’’. арахам̣, бхигкавз, д̇ат̇ааг̇ад̇о саммаасамб̣уд̣̇д̇хо, од̣̇ахат̇а, бхигкавз, сод̇ам̣, амад̇амад̇хиг̇ад̇ам̣, ахаманусаасаами, ахам̣ д̇хаммам̣ д̣̇зсзми. яат̇аанусидтам̣ д̇ат̇аа бадибаж̇ж̇амаанаа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣б̣рахмажарияабарияосаанам̣ д̣̇идтзвад̇хаммз саяам̣ абхин̃н̃аа сажчигад̇ваа убасамбаж̇ж̇а вихариссат̇аад̇и. асагки ко бхаг̇аваа бан̃жаваг̇г̇ияз бхигкуу сан̃н̃аабзд̇ум̣. ат̇а ко бан̃жаваг̇г̇ияаа бхигкуу бхаг̇аванд̇ам̣ суссуусим̣су, сод̇ам̣ од̣̇ахим̣су, ан̃н̃аа жид̇д̇ам̣ убадтаабзсум̣.
12. Atha kho bhagavā anupubbena cārikaṃ caramāno yena bārāṇasī isipatanaṃ migadāyo, yena pañcavaggiyā bhikkhū tenupasaṅkami. Addasaṃsu kho pañcavaggiyā bhikkhū bhagavantaṃ dūratova āgacchantaṃ; disvāna aññamaññaṃ katikaṃ 29 saṇṭhapesuṃ – ‘‘ayaṃ, āvuso, samaṇo gotamo āgacchati, bāhulliko padhānavibbhanto āvatto bāhullāya. So neva abhivādetabbo, na paccuṭṭhātabbo, nāssa pattacīvaraṃ paṭiggahetabbaṃ; api ca kho āsanaṃ ṭhapetabbaṃ, sace so ākaṅkhissati nisīdissatī’’ti. Yathā yathā kho bhagavā pañcavaggiye bhikkhū upasaṅkamati, tathā tathā 30 pañcavaggiyā bhikkhū nāsakkhiṃsu sakāya katikāya saṇṭhātuṃ . Asaṇṭhahantā bhagavantaṃ paccuggantvā eko bhagavato pattacīvaraṃ paṭiggahesi, eko āsanaṃ paññapesi, eko pādodakaṃ, eko pādapīṭhaṃ, eko pādakaṭhalikaṃ upanikkhipi. Nisīdi bhagavā paññatte āsane; nisajja kho bhagavā pāde pakkhālesi. Apissu 31 bhagavantaṃ nāmena ca āvusovādena ca samudācaranti. Evaṃ vutte bhagavā pañcavaggiye bhikkhū etadavoca – ‘‘mā, bhikkhave, tathāgataṃ nāmena ca āvusovādena ca samudācaratha 32. Arahaṃ, bhikkhave, tathāgato sammāsambuddho, odahatha, bhikkhave, sotaṃ, amatamadhigataṃ, ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā 33 nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissathā’’ti. Evaṃ vutte pañcavaggiyā bhikkhū bhagavantaṃ etadavocuṃ – ‘‘tāyapi kho tvaṃ, āvuso gotama, iriyāya 34, tāya paṭipadāya, tāya dukkarakārikāya nevajjhagā uttari manussadhammā 35 alamariyañāṇadassanavisesaṃ, kiṃ pana tvaṃ etarahi, bāhulliko padhānavibbhanto āvatto bāhullāya, adhigamissasi uttari manussadhammā alamariyañāṇadassanavisesa’’nti? Evaṃ vutte bhagavā pañcavaggiye bhikkhū etadavoca – ‘‘na, bhikkhave, tathāgato bāhulliko, na padhānavibbhanto, na āvatto bāhullāya; arahaṃ, bhikkhave, tathāgato sammāsambuddho. Odahatha, bhikkhave, sotaṃ, amatamadhigataṃ, ahamanusāsāmi , ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭhevadhamme sayaṃ abhiññā sacchikatvā upasampajja viharissathā’’ti. Dutiyampi kho pañcavaggiyā bhikkhū bhagavantaṃ etadavocuṃ…pe…. Dutiyampi kho bhagavā pañcavaggiye bhikkhū etadavoca…pe…. Tatiyampi kho pañcavaggiyā bhikkhū bhagavantaṃ etadavocuṃ – ‘‘tāyapi kho tvaṃ, āvuso gotama, iriyāya, tāya paṭipadāya, tāya dukkarakārikāya nevajjhagā uttari manussadhammā alamariyañāṇadassanavisesaṃ, kiṃ pana tvaṃ etarahi, bāhulliko padhānavibbhanto āvatto bāhullāya, adhigamissasi uttari manussadhammā alamariyañāṇadassanavisesa’’nti? Evaṃ vutte bhagavā pañcavaggiye bhikkhū etadavoca – ‘‘abhijānātha me no tumhe, bhikkhave, ito pubbe evarūpaṃ pabhāvitameta’’nti 36? ‘‘Nohetaṃ, bhante’’. Arahaṃ, bhikkhave, tathāgato sammāsambuddho, odahatha, bhikkhave, sotaṃ, amatamadhigataṃ, ahamanusāsāmi, ahaṃ dhammaṃ desemi. Yathānusiṭṭhaṃ tathā paṭipajjamānā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃbrahmacariyapariyosānaṃ diṭṭhevadhamme sayaṃ abhiññā sacchikatvā upasampajja viharissathāti. Asakkhi kho bhagavā pañcavaggiye bhikkhū saññāpetuṃ. Atha kho pañcavaggiyā bhikkhū bhagavantaṃ sussūsiṃsu, sotaṃ odahiṃsu, aññā cittaṃ upaṭṭhāpesuṃ.
13. ат̇а ко бхаг̇аваа бан̃жаваг̇г̇ияз бхигкуу ааманд̇зси –
13. Atha kho bhagavā pañcavaggiye bhikkhū āmantesi –
‘‘37 д̣̇взмз, бхигкавз , анд̇аа баб̣б̣аж̇ид̇зна на сзвид̇аб̣б̣аа. гад̇амз д̣̇вз 38? яо жааяам̣ гаамзсу гаамасукаллигаануяог̇о хийно г̇аммо бот̇уж̇ж̇аниго анарияо анад̇т̇асам̣хид̇о, яо жааяам̣ ад̇д̇агиламат̇аануяог̇о д̣̇угко анарияо анад̇т̇асам̣хид̇о. зд̇з ко, бхигкавз, убхо анд̇з анубаг̇амма, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа, жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. гад̇амаа жа саа, бхигкавз, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа, жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи. аяам̣ ко саа, бхигкавз, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа, жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
‘‘39 Dveme, bhikkhave , antā pabbajitena na sevitabbā. Katame dve 40? Yo cāyaṃ kāmesu kāmasukhallikānuyogo hīno gammo pothujjaniko anariyo anatthasaṃhito, yo cāyaṃ attakilamathānuyogo dukkho anariyo anatthasaṃhito. Ete kho, bhikkhave, ubho ante anupagamma, majjhimā paṭipadā tathāgatena abhisambuddhā, cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati. Katamā ca sā, bhikkhave, majjhimā paṭipadā tathāgatena abhisambuddhā, cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ kho sā, bhikkhave, majjhimā paṭipadā tathāgatena abhisambuddhā, cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.
14. ‘‘ид̣̇ам̣ ко бана, бхигкавз, д̣̇угкам̣ арияасажжам̣. ж̇аад̇иби д̣̇угкаа, ж̇арааби д̣̇угкаа, б̣яаад̇хиби д̣̇угко, маран̣амби д̣̇угкам̣, аббиязхи самбаяог̇о д̣̇угко, биязхи виббаяог̇о д̣̇угко, яамбижчам̣ на лабхад̇и д̇амби д̣̇угкам̣. сам̣кид̇д̇зна, бан̃жубаад̣̇аанагканд̇хаа 41 д̣̇угкаа. ‘‘ид̣̇ам̣ ко бана, бхигкавз, д̣̇угкасамуд̣̇аяам̣ 42 арияасажжам̣ – яааяам̣ д̇ан̣хаа боноб̣бхавигаа 43 нанд̣̇ийрааг̇асахаг̇ад̇аа 44 д̇ад̇рад̇ад̇раабхинанд̣̇иний, сзяяат̇ид̣̇ам̣ – гаамад̇ан̣хаа, бхавад̇ан̣хаа, вибхавад̇ан̣хаа.
14. ‘‘Idaṃ kho pana, bhikkhave, dukkhaṃ ariyasaccaṃ. Jātipi dukkhā, jarāpi dukkhā, byādhipi dukkho, maraṇampi dukkhaṃ, appiyehi sampayogo dukkho, piyehi vippayogo dukkho, yampicchaṃ na labhati tampi dukkhaṃ. Saṃkhittena, pañcupādānakkhandhā 45 dukkhā. ‘‘Idaṃ kho pana, bhikkhave, dukkhasamudayaṃ 46 ariyasaccaṃ – yāyaṃ taṇhā ponobbhavikā 47 nandīrāgasahagatā 48 tatratatrābhinandinī, seyyathidaṃ – kāmataṇhā, bhavataṇhā, vibhavataṇhā.
‘‘ид̣̇ам̣ ко бана, бхигкавз, д̣̇угканирод̇хам̣ арияасажжам̣ – яо д̇ассаа язва д̇ан̣хааяа асзсавирааг̇анирод̇хо, жааг̇о, бадиниссаг̇г̇о, муд̇д̇и, анаалаяо. ‘‘ид̣̇ам̣ ко бана, бхигкавз, д̣̇угканирод̇хаг̇ааминий бадибад̣̇аа арияасажжам̣ – аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и, саммаасамаад̇хи.
‘‘Idaṃ kho pana, bhikkhave, dukkhanirodhaṃ ariyasaccaṃ – yo tassā yeva taṇhāya asesavirāganirodho, cāgo, paṭinissaggo, mutti, anālayo. ‘‘Idaṃ kho pana, bhikkhave, dukkhanirodhagāminī paṭipadā ariyasaccaṃ – ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi.
15. ‘‘ид̣̇ам̣ д̣̇угкам̣ арияасажжанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и , аалого уд̣̇абаад̣̇и. д̇ам̣ ко банид̣̇ам̣ д̣̇угкам̣ арияасажжам̣ барин̃н̃зяяанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угкам̣ арияасажжам̣ барин̃н̃аад̇анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и.
15. ‘‘Idaṃ dukkhaṃ ariyasaccanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi , āloko udapādi. Taṃ kho panidaṃ dukkhaṃ ariyasaccaṃ pariññeyyanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhaṃ ariyasaccaṃ pariññātanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
‘‘ид̣̇ам̣ д̣̇угкасамуд̣̇аяам̣ арияасажжанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угкасамуд̣̇аяам̣ арияасажжам̣ бахаад̇аб̣б̣анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угкасамуд̣̇аяам̣ арияасажжам̣ бахийнанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и.
‘‘Idaṃ dukkhasamudayaṃ ariyasaccanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhasamudayaṃ ariyasaccaṃ pahātabbanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhasamudayaṃ ariyasaccaṃ pahīnanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
‘‘ид̣̇ам̣ д̣̇угканирод̇хам̣ арияасажжанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угканирод̇хам̣ арияасажжам̣ сажчигаад̇аб̣б̣анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угканирод̇хам̣ арияасажжам̣ сажчигад̇анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и.
‘‘Idaṃ dukkhanirodhaṃ ariyasaccanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhanirodhaṃ ariyasaccaṃ sacchikātabbanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhanirodhaṃ ariyasaccaṃ sacchikatanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
‘‘ид̣̇ам̣ д̣̇угканирод̇хаг̇ааминий бадибад̣̇аа арияасажжанд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угканирод̇хаг̇ааминий бадибад̣̇аа арияасажжам̣ бхаавзд̇аб̣б̣анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и. д̇ам̣ ко банид̣̇ам̣ д̣̇угканирод̇хаг̇ааминий бадибад̣̇аа арияасажжам̣ бхаавид̇анд̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и.
‘‘Idaṃ dukkhanirodhagāminī paṭipadā ariyasaccanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhanirodhagāminī paṭipadā ariyasaccaṃ bhāvetabbanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. Taṃ kho panidaṃ dukkhanirodhagāminī paṭipadā ariyasaccaṃ bhāvitanti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
16. ‘‘яаавагийван̃жа мз, бхигкавз, имзсу жад̇уусу арияасажжзсу звам̣ д̇ибариваддам̣ д̣̇ваад̣̇асаагаарам̣ яат̇аабхууд̇ам̣ н̃аан̣ад̣̇ассанам̣ на сувисуд̣̇д̇хам̣ ахоси, нзва д̇ааваахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣. яад̇о жа ко мз, бхигкавз, имзсу жад̇уусу арияасажжзсу звам̣ д̇ибариваддам̣ д̣̇ваад̣̇асаагаарам̣ яат̇аабхууд̇ам̣ н̃аан̣ад̣̇ассанам̣ сувисуд̣̇д̇хам̣ ахоси, ат̇аахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и 49 бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – агуббаа мз вимуд̇д̇и, аяаманд̇имаа ж̇аад̇и, над̇т̇и д̣̇аани бунаб̣бхаво’’д̇и. ид̣̇амавожа бхаг̇аваа ад̇д̇аманаа бан̃жаваг̇г̇ияаа бхигкуу бхаг̇авад̇о бхаасид̇ам̣ абхинанд̣̇унд̇и 50.
16. ‘‘Yāvakīvañca me, bhikkhave, imesu catūsu ariyasaccesu evaṃ tiparivaṭṭaṃ dvādasākāraṃ yathābhūtaṃ ñāṇadassanaṃ na suvisuddhaṃ ahosi, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti paccaññāsiṃ. Yato ca kho me, bhikkhave, imesu catūsu ariyasaccesu evaṃ tiparivaṭṭaṃ dvādasākāraṃ yathābhūtaṃ ñāṇadassanaṃ suvisuddhaṃ ahosi, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti 51 paccaññāsiṃ. Ñāṇañca pana me dassanaṃ udapādi – akuppā me vimutti, ayamantimā jāti, natthi dāni punabbhavo’’ti. Idamavoca bhagavā attamanā pañcavaggiyā bhikkhū bhagavato bhāsitaṃ abhinandunti 52.
имасмин̃жа бана взяяаагаран̣асмим̣ бхан̃н̃амаанз ааяасмад̇о гон̣д̣ан̃н̃асса вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и.
Imasmiñca pana veyyākaraṇasmiṃ bhaññamāne āyasmato koṇḍaññassa virajaṃ vītamalaṃ dhammacakkhuṃ udapādi – ‘‘yaṃ kiñci samudayadhammaṃ sabbaṃ taṃ nirodhadhamma’’nti.
17. бавад̇д̇ид̇з жа бана бхаг̇авад̇аа д̇хаммажаггз, бхуммаа д̣̇зваа сад̣̇д̣̇амануссаавзсум̣ – ‘‘зд̇ам̣ бхаг̇авад̇аа б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣, аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасми’’нд̇и. бхуммаанам̣ д̣̇зваанам̣ сад̣̇д̣̇ам̣ суд̇ваа жаад̇умахаарааж̇игаа д̣̇зваа сад̣̇д̣̇амануссаавзсум̣…бз… жаад̇умахаарааж̇игаанам̣ д̣̇зваанам̣ сад̣̇д̣̇ам̣ суд̇ваа д̇аавад̇им̣саа д̣̇зваа…бз… яаамаа д̣̇зваа…бз… д̇усид̇аа д̣̇зваа…бз… ниммаанарад̇ий д̣̇зваа…бз… бараниммид̇авасавад̇д̇ий д̣̇зваа…бз… б̣рахмагааяигаа д̣̇зваа сад̣̇д̣̇амануссаавзсум̣ – ‘‘зд̇ам̣ бхаг̇авад̇аа б̣аараан̣асияам̣ исибад̇анз миг̇ад̣̇ааяз ануд̇д̇арам̣ д̇хаммажаггам̣ бавад̇д̇ид̇ам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасми’’нд̇и. ид̇иха, д̇зна кан̣зна, д̇зна лаязна 53 д̇зна мухуд̇д̇зна яаава б̣рахмалогаа сад̣̇д̣̇о аб̣бхуг̇г̇ажчи. аяан̃жа д̣̇асасахассилогад̇хаад̇у сам̣гамби самбагамби самбавзд̇хи ; аббамаан̣о жа ул̣ааро обхаасо логз баад̇урахоси, ад̇иггамма д̣̇зваанам̣ д̣̇зваанубхаавам̣. ат̇а ко бхаг̇аваа имам̣ уд̣̇аанам̣ уд̣̇аанзси – ‘‘ан̃н̃ааси вад̇а, бхо гон̣д̣ан̃н̃о, ан̃н̃ааси вад̇а бхо гон̣д̣ан̃н̃о’’д̇и. ид̇и хид̣̇ам̣ ааяасмад̇о гон̣д̣ан̃н̃асса ‘ан̃н̃аасигон̣д̣ан̃н̃о’ д̇взва наамам̣ ахоси.
17. Pavattite ca pana bhagavatā dhammacakke, bhummā devā saddamanussāvesuṃ – ‘‘etaṃ bhagavatā bārāṇasiyaṃ isipatane migadāye anuttaraṃ dhammacakkaṃ pavattitaṃ, appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi’’nti. Bhummānaṃ devānaṃ saddaṃ sutvā cātumahārājikā devā saddamanussāvesuṃ…pe… cātumahārājikānaṃ devānaṃ saddaṃ sutvā tāvatiṃsā devā…pe… yāmā devā…pe… tusitā devā…pe… nimmānaratī devā…pe… paranimmitavasavattī devā…pe… brahmakāyikā devā saddamanussāvesuṃ – ‘‘etaṃ bhagavatā bārāṇasiyaṃ isipatane migadāye anuttaraṃ dhammacakkaṃ pavattitaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi’’nti. Itiha, tena khaṇena, tena layena 54 tena muhuttena yāva brahmalokā saddo abbhuggacchi. Ayañca dasasahassilokadhātu saṃkampi sampakampi sampavedhi ; appamāṇo ca uḷāro obhāso loke pāturahosi, atikkamma devānaṃ devānubhāvaṃ. Atha kho bhagavā imaṃ udānaṃ udānesi – ‘‘aññāsi vata, bho koṇḍañño, aññāsi vata bho koṇḍañño’’ti. Iti hidaṃ āyasmato koṇḍaññassa ‘aññāsikoṇḍañño’ tveva nāmaṃ ahosi.
18. ат̇а ко ааяасмаа ан̃н̃аасигон̣д̣ан̃н̃о д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и. ‘‘зхи бхигкуу’’д̇и бхаг̇аваа авожа – ‘‘сваагкаад̇о д̇хаммо, жара б̣рахмажарияам̣ саммаа д̣̇угкасса анд̇агирияааяаа’’д̇и. саава д̇асса ааяасмад̇о убасамбад̣̇аа ахоси.
18. Atha kho āyasmā aññāsikoṇḍañño diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane bhagavantaṃ etadavoca – ‘‘labheyyāhaṃ, bhante, bhagavato santike pabbajjaṃ, labheyyaṃ upasampada’’nti. ‘‘Ehi bhikkhū’’ti bhagavā avoca – ‘‘svākkhāto dhammo, cara brahmacariyaṃ sammā dukkhassa antakiriyāyā’’ti. Sāva tassa āyasmato upasampadā ahosi.
19. ат̇а ко бхаг̇аваа д̇ад̣̇авасзсз бхигкуу д̇хаммияаа гат̇ааяа овад̣̇и анусааси. ат̇а ко ааяасмад̇о жа ваббасса ааяасмад̇о жа бхад̣̇д̣̇ияасса бхаг̇авад̇аа д̇хаммияаа гат̇ааяа овад̣̇ияамаанаанам̣ анусаасияамаанаанам̣ вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и.
19. Atha kho bhagavā tadavasese bhikkhū dhammiyā kathāya ovadi anusāsi. Atha kho āyasmato ca vappassa āyasmato ca bhaddiyassa bhagavatā dhammiyā kathāya ovadiyamānānaṃ anusāsiyamānānaṃ virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti.
д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
ат̇а ко бхаг̇аваа д̇ад̣̇авасзсз бхигкуу нийхаарабхад̇д̇о д̇хаммияаа гат̇ааяа овад̣̇и анусааси. яам̣ д̇аяо бхигкуу бин̣д̣ааяа жарид̇ваа аахаранд̇и, д̇зна чаб̣б̣аг̇г̇о яаабзд̇и. ат̇а ко ааяасмад̇о жа махаанаамасса ааяасмад̇о жа ассаж̇исса бхаг̇авад̇аа д̇хаммияаа гат̇ааяа овад̣̇ияамаанаанам̣ анусаасияамаанаанам̣ вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и . д̇з д̣̇идтад̇хаммаа бад̇д̇ад̇хаммаа вид̣̇ид̇ад̇хаммаа барияог̇аал̣хад̇хаммаа д̇ин̣н̣авижигижчаа виг̇ад̇агат̇ам̣гат̇аа взсаараж̇ж̇аббад̇д̇аа абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘лабхзяяаама маяам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяаама убасамбад̣̇а’’нд̇и. ‘‘зт̇а бхигкаво’’д̇и бхаг̇аваа авожа – ‘‘сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и. саава д̇зсам̣ ааяасманд̇аанам̣ убасамбад̣̇аа ахоси.
Atha kho bhagavā tadavasese bhikkhū nīhārabhatto dhammiyā kathāya ovadi anusāsi. Yaṃ tayo bhikkhū piṇḍāya caritvā āharanti, tena chabbaggo yāpeti. Atha kho āyasmato ca mahānāmassa āyasmato ca assajissa bhagavatā dhammiyā kathāya ovadiyamānānaṃ anusāsiyamānānaṃ virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti . Te diṭṭhadhammā pattadhammā viditadhammā pariyogāḷhadhammā tiṇṇavicikicchā vigatakathaṃkathā vesārajjappattā aparappaccayā satthusāsane bhagavantaṃ etadavocuṃ – ‘‘labheyyāma mayaṃ, bhante, bhagavato santike pabbajjaṃ, labheyyāma upasampada’’nti. ‘‘Etha bhikkhavo’’ti bhagavā avoca – ‘‘svākkhāto dhammo, caratha brahmacariyaṃ sammā dukkhassa antakiriyāyā’’ti. Sāva tesaṃ āyasmantānaṃ upasampadā ahosi.
20. ат̇а ко бхаг̇аваа бан̃жаваг̇г̇ияз бхигкуу ааманд̇зси –
20. Atha kho bhagavā pañcavaggiye bhikkhū āmantesi –
55 ‘‘руубам̣, бхигкавз, анад̇д̇аа. руубан̃жа хид̣̇ам̣, бхигкавз, ад̇д̇аа абхависса, наяид̣̇ам̣ руубам̣ ааб̣аад̇хааяа сам̣вад̇д̇зяяа, лаб̣бхзт̇а жа руубз – ‘звам̣ мз руубам̣ ход̇у, звам̣ мз руубам̣ маа ахосий’д̇и. яасмаа жа ко, бхигкавз, руубам̣ анад̇д̇аа, д̇асмаа руубам̣ ааб̣аад̇хааяа сам̣вад̇д̇ад̇и, на жа лаб̣бхад̇и руубз – ‘звам̣ мз руубам̣ ход̇у, звам̣ мз руубам̣ маа ахосий’д̇и. взд̣̇анаа, анад̇д̇аа. взд̣̇анаа жа хид̣̇ам̣, бхигкавз, ад̇д̇аа абхависса, наяид̣̇ам̣ взд̣̇анаа ааб̣аад̇хааяа сам̣вад̇д̇зяяа, лаб̣бхзт̇а жа взд̣̇анааяа – ‘звам̣ мз взд̣̇анаа ход̇у, звам̣ мз взд̣̇анаа маа ахосий’д̇и. яасмаа жа ко, бхигкавз, взд̣̇анаа анад̇д̇аа, д̇асмаа взд̣̇анаа ааб̣аад̇хааяа сам̣вад̇д̇ад̇и, на жа лаб̣бхад̇и взд̣̇анааяа – ‘звам̣ мз взд̣̇анаа ход̇у, звам̣ мз взд̣̇анаа маа ахосий’д̇и. сан̃н̃аа, анад̇д̇аа. сан̃н̃аа жа хид̣̇ам̣, бхигкавз, ад̇д̇аа абхависса, наяид̣̇ам̣ сан̃н̃аа ааб̣аад̇хааяа сам̣вад̇д̇зяяа, лаб̣бхзт̇а жа сан̃н̃ааяа – ‘звам̣ мз сан̃н̃аа ход̇у, звам̣ мз сан̃н̃аа маа ахосий’д̇и. яасмаа жа ко, бхигкавз, сан̃н̃аа анад̇д̇аа, д̇асмаа сан̃н̃аа ааб̣аад̇хааяа сам̣вад̇д̇ад̇и, на жа лаб̣бхад̇и сан̃н̃ааяа – ‘звам̣ мз сан̃н̃аа ход̇у, звам̣ мз сан̃н̃аа маа ахосий’д̇и. сан̇каараа, анад̇д̇аа. сан̇каараа жа хид̣̇ам̣, бхигкавз, ад̇д̇аа абхависсам̣су, наяид̣̇ам̣ 56 сан̇каараа ааб̣аад̇хааяа сам̣вад̇д̇зяяум̣, лаб̣бхзт̇а жа сан̇каарзсу – ‘звам̣ мз сан̇каараа хонд̇у, звам̣ мз сан̇каараа маа ахзсу’нд̇и. яасмаа жа ко, бхигкавз, сан̇каараа анад̇д̇аа, д̇асмаа сан̇каараа ааб̣аад̇хааяа сам̣вад̇д̇анд̇и, на жа лаб̣бхад̇и сан̇каарзсу – ‘звам̣ мз сан̇каараа хонд̇у, звам̣ мз сан̇каараа маа ахзсу’нд̇и. вин̃н̃аан̣ам̣, анад̇д̇аа. вин̃н̃аан̣ан̃жа хид̣̇ам̣ , бхигкавз, ад̇д̇аа абхависса, наяид̣̇ам̣ вин̃н̃аан̣ам̣ ааб̣аад̇хааяа сам̣вад̇д̇зяяа , лаб̣бхзт̇а жа вин̃н̃аан̣з – ‘звам̣ мз вин̃н̃аан̣ам̣ ход̇у, звам̣ мз вин̃н̃аан̣ам̣ маа ахосий’д̇и. яасмаа жа ко, бхигкавз, вин̃н̃аан̣ам̣ анад̇д̇аа, д̇асмаа вин̃н̃аан̣ам̣ ааб̣аад̇хааяа сам̣вад̇д̇ад̇и, на жа лаб̣бхад̇и вин̃н̃аан̣з – ‘звам̣ мз вин̃н̃аан̣ам̣ ход̇у, звам̣ мз вин̃н̃аан̣ам̣ маа ахосий’д̇и.
57 ‘‘Rūpaṃ, bhikkhave, anattā. Rūpañca hidaṃ, bhikkhave, attā abhavissa, nayidaṃ rūpaṃ ābādhāya saṃvatteyya, labbhetha ca rūpe – ‘evaṃ me rūpaṃ hotu, evaṃ me rūpaṃ mā ahosī’ti. Yasmā ca kho, bhikkhave, rūpaṃ anattā, tasmā rūpaṃ ābādhāya saṃvattati, na ca labbhati rūpe – ‘evaṃ me rūpaṃ hotu, evaṃ me rūpaṃ mā ahosī’ti. Vedanā, anattā. Vedanā ca hidaṃ, bhikkhave, attā abhavissa, nayidaṃ vedanā ābādhāya saṃvatteyya, labbhetha ca vedanāya – ‘evaṃ me vedanā hotu, evaṃ me vedanā mā ahosī’ti. Yasmā ca kho, bhikkhave, vedanā anattā, tasmā vedanā ābādhāya saṃvattati, na ca labbhati vedanāya – ‘evaṃ me vedanā hotu, evaṃ me vedanā mā ahosī’ti. Saññā, anattā. Saññā ca hidaṃ, bhikkhave, attā abhavissa, nayidaṃ saññā ābādhāya saṃvatteyya, labbhetha ca saññāya – ‘evaṃ me saññā hotu, evaṃ me saññā mā ahosī’ti. Yasmā ca kho, bhikkhave, saññā anattā, tasmā saññā ābādhāya saṃvattati, na ca labbhati saññāya – ‘evaṃ me saññā hotu, evaṃ me saññā mā ahosī’ti. Saṅkhārā, anattā. Saṅkhārā ca hidaṃ, bhikkhave, attā abhavissaṃsu, nayidaṃ 58 saṅkhārā ābādhāya saṃvatteyyuṃ, labbhetha ca saṅkhāresu – ‘evaṃ me saṅkhārā hontu, evaṃ me saṅkhārā mā ahesu’nti. Yasmā ca kho, bhikkhave, saṅkhārā anattā, tasmā saṅkhārā ābādhāya saṃvattanti, na ca labbhati saṅkhāresu – ‘evaṃ me saṅkhārā hontu, evaṃ me saṅkhārā mā ahesu’nti. Viññāṇaṃ, anattā. Viññāṇañca hidaṃ , bhikkhave, attā abhavissa, nayidaṃ viññāṇaṃ ābādhāya saṃvatteyya , labbhetha ca viññāṇe – ‘evaṃ me viññāṇaṃ hotu, evaṃ me viññāṇaṃ mā ahosī’ti. Yasmā ca kho, bhikkhave, viññāṇaṃ anattā, tasmā viññāṇaṃ ābādhāya saṃvattati, na ca labbhati viññāṇe – ‘evaṃ me viññāṇaṃ hotu, evaṃ me viññāṇaṃ mā ahosī’ti.
21. ‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваад̇и? анижжам̣, бханд̇з . яам̣ банаанижжам̣ д̣̇угкам̣ ваа д̇ам̣ сукам̣ ваад̇и? д̣̇угкам̣, бханд̇з. яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аад̇и? но хзд̇ам̣, бханд̇з. взд̣̇анаа нижжаа ваа анижжаа ваад̇и? анижжаа, бханд̇з. яам̣ банаанижжам̣ д̣̇угкам̣ ваа д̇ам̣ сукам̣ ваад̇и? д̣̇угкам̣, бханд̇з. яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аад̇и? но хзд̇ам̣, бханд̇з. сан̃н̃аа нижжаа ваа анижжаа ваад̇и? анижжаа, бханд̇з. яам̣ банаанижжам̣ д̣̇угкам̣ ваа д̇ам̣ сукам̣ ваад̇и? д̣̇угкам̣, бханд̇з. яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аад̇и? но хзд̇ам̣, бханд̇з. сан̇каараа нижжаа ваа анижжаа ваад̇и? анижжаа, бханд̇з. яам̣ банаанижжам̣, д̣̇угкам̣ ваа д̇ам̣ сукам̣ ваад̇и? д̣̇угкам̣, бханд̇з. яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аад̇и? но хзд̇ам̣, бханд̇з. вин̃н̃аан̣ам̣ нижжам̣ ваа анижжам̣ ваад̇и? анижжам̣, бханд̇з. яам̣ банаанижжам̣, д̣̇угкам̣ ваа д̇ам̣ сукам̣ ваад̇и? д̣̇угкам̣, бханд̇з. яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – зд̇ам̣ мама, зсохамасми, зсо мз ад̇д̇аад̇и? но хзд̇ам̣, бханд̇з.
21. ‘‘Taṃ kiṃ maññatha, bhikkhave, rūpaṃ niccaṃ vā aniccaṃ vāti? Aniccaṃ, bhante . Yaṃ panāniccaṃ dukkhaṃ vā taṃ sukhaṃ vāti? Dukkhaṃ, bhante. Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attāti? No hetaṃ, bhante. Vedanā niccā vā aniccā vāti? Aniccā, bhante. Yaṃ panāniccaṃ dukkhaṃ vā taṃ sukhaṃ vāti? Dukkhaṃ, bhante. Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attāti? No hetaṃ, bhante. Saññā niccā vā aniccā vāti? Aniccā, bhante. Yaṃ panāniccaṃ dukkhaṃ vā taṃ sukhaṃ vāti? Dukkhaṃ, bhante. Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attāti? No hetaṃ, bhante. Saṅkhārā niccā vā aniccā vāti? Aniccā, bhante. Yaṃ panāniccaṃ, dukkhaṃ vā taṃ sukhaṃ vāti? Dukkhaṃ, bhante. Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attāti? No hetaṃ, bhante. Viññāṇaṃ niccaṃ vā aniccaṃ vāti? Aniccaṃ, bhante. Yaṃ panāniccaṃ, dukkhaṃ vā taṃ sukhaṃ vāti? Dukkhaṃ, bhante. Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – etaṃ mama, esohamasmi, eso me attāti? No hetaṃ, bhante.
22. ‘‘д̇асмаад̇иха , бхигкавз, яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз 59 санд̇игз ваа, саб̣б̣ам̣ руубам̣ – нзд̇ам̣ мама, нзсохамасми, на мзсо ад̇д̇аад̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣аа взд̣̇анаа – нзд̇ам̣ мама, нзсохамасми, на мзсо ад̇д̇аад̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи сан̃н̃аа ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яаа д̣̇уурз санд̇игз ваа, саб̣б̣аа сан̃н̃аа – нзд̇ам̣ мама, нзсохамасми, на мзсо ад̇д̇аад̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яз гзжи сан̇каараа ад̇ийд̇аанааг̇ад̇абажжуббаннаа аж̇жхад̇д̇ам̣ ваа б̣ахид̣̇д̇хаа ваа ол̣ааригаа ваа сукумаа ваа хийнаа ваа бан̣ийд̇аа ваа яз д̣̇уурз санд̇игз ваа, саб̣б̣з сан̇каараа – нзд̇ам̣ мама, нзсохамасми, на мзсо ад̇д̇аад̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – нзд̇ам̣ мама, нзсохамасми, на мзсо ад̇д̇аад̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣.
22. ‘‘Tasmātiha , bhikkhave, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre 60 santike vā, sabbaṃ rūpaṃ – netaṃ mama, nesohamasmi, na meso attāti – evametaṃ yathābhūtaṃ sammappaññāya daṭṭhabbaṃ. Yā kāci vedanā atītānāgatapaccuppannā ajjhattaṃ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā vedanā – netaṃ mama, nesohamasmi, na meso attāti – evametaṃ yathābhūtaṃ sammappaññāya daṭṭhabbaṃ. Yā kāci saññā atītānāgatapaccuppannā ajjhattaṃ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā saññā – netaṃ mama, nesohamasmi, na meso attāti – evametaṃ yathābhūtaṃ sammappaññāya daṭṭhabbaṃ. Ye keci saṅkhārā atītānāgatapaccuppannā ajjhattaṃ vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhārā – netaṃ mama, nesohamasmi, na meso attāti – evametaṃ yathābhūtaṃ sammappaññāya daṭṭhabbaṃ. Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ – netaṃ mama, nesohamasmi, na meso attāti – evametaṃ yathābhūtaṃ sammappaññāya daṭṭhabbaṃ.
23. ‘‘звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и; ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и.
23. ‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati; nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti, ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
24. ид̣̇амавожа бхаг̇аваа. ад̇д̇аманаа бан̃жаваг̇г̇ияаа бхигкуу бхаг̇авад̇о бхаасид̇ам̣ абхинанд̣̇унд̇и 61. имасмин̃жа бана взяяаагаран̣асмим̣ бхан̃н̃амаанз бан̃жаваг̇г̇ияаанам̣ бхигкуунам̣ анубаад̣̇ааяа аасавзхи жид̇д̇аани вимужжим̣су. д̇зна ко бана самаязна ча логз араханд̇о хонд̇и.
24. Idamavoca bhagavā. Attamanā pañcavaggiyā bhikkhū bhagavato bhāsitaṃ abhinandunti 62. Imasmiñca pana veyyākaraṇasmiṃ bhaññamāne pañcavaggiyānaṃ bhikkhūnaṃ anupādāya āsavehi cittāni vimucciṃsu. Tena kho pana samayena cha loke arahanto honti.
бан̃жаваг̇г̇ияагат̇аа нидтид̇аа.
Pañcavaggiyakathā niṭṭhitā.
батамабхаан̣авааро.
Paṭhamabhāṇavāro.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жаваг̇г̇ияагат̇аа • Pañcavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
д̇хаммажаггаббавад̇д̇анасуд̇д̇аван̣н̣анаа • Dhammacakkappavattanasuttavaṇṇanā
анад̇д̇алагкан̣асуд̇д̇аван̣н̣анаа • Anattalakkhaṇasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бан̃жаваг̇г̇ияагат̇аа • 6. Pañcavaggiyakathā
