| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
бан̃жаваг̇г̇ияагат̇ааван̣н̣анаа
Pañcavaggiyakathāvaṇṇanā
10. ид̣̇аани бана саб̣б̣о ж̇ано сад̣̇д̇хаабхааж̇анам̣ убанзд̇у, буурзссаами нзсам̣ сан̇габбанд̇и. аббараж̇агкаж̇аад̇игод̇и самаабад̇д̇ияаа вигкамбхид̇агилзсад̇д̇аа ниггилзсаж̇аад̇иго. ааж̇ааниссад̇ийд̇и жз на нидтаанамагам̣су д̇хаммасан̇г̇аахагаа д̇з винаяаггаман̃н̃аа, ахам̣ д̣̇зсзяяам̣ бадивиж̇жхиссад̇ийд̇и ад̇хиббааяо, ‘‘муд̣̇д̇хааби д̇асса вибад̇зяяаа’’д̇и (а. ни. 8.11; баараа. 2) зд̇т̇а вияа абхууд̇абаригаббо гирзсо. логз д̇асса ад̇химуд̇д̇абхаавад̣̇ийбанад̇т̇ан̃хи ид̣̇ам̣ важанам̣ ад̇д̇ано д̇ад̣̇убад̣̇зсзна авид̣̇ид̇абхаавад̣̇ийбанад̇т̇ам̣. д̇асса ананд̇зваасигабхаавад̣̇ийбанад̇т̇анд̇и звамаад̣̇ийни банзд̇т̇а баяож̇анаани. бхаг̇авад̇оби ко н̃аан̣анд̇и саб̣б̣ан̃н̃уд̇ан̃н̃аан̣ам̣ д̇асса маран̣аарамман̣ам̣ уббаж̇ж̇и. д̇зна д̇ад̇о буб̣б̣з д̇асса сад̇и д̇хаммад̣̇зсанааяа киббам̣ ж̇аананабхааваарамман̣анд̇и д̣̇ийбзд̇и. баробад̣̇зсад̇о аж̇аанид̇ваа бажжагкад̇о маран̣асажчигирияамби д̣̇ассзд̇и. б̣уд̣̇д̇хаанамби анзган̃аан̣асамод̇хаанаабхаавад̇о сувуд̇д̇амзд̇ам̣. жид̇д̇абуб̣б̣игаа хи жид̇д̇аббавад̇д̇и, ан̃н̃ат̇аа навасад̇д̇абаад̇убхааваббасан̇г̇о. саб̣б̣ад̇хаммаанам̣ згад̇о г̇ахан̣з вируд̣̇д̇хагаалаанам̣ згад̇о ж̇аананаббасан̇г̇о. д̇ад̇о зган̃аан̣асса вид̇ат̇абхааваббад̇д̇ид̣̇осо, д̇асмаа саб̣б̣асса винаанзган̃аан̣асамод̇хаанам̣ аабаж̇ж̇ид̇ад̇хаммзсу аббадихад̇ан̃аан̣аванд̇ад̇д̇аа бана саб̣б̣ан̃н̃уу зва бхаг̇аваад̇и взд̣̇ид̇аб̣б̣ам̣, на саб̣б̣агаалам̣ згад̇о. аал̣аараад̣̇ийнам̣ маран̣ааж̇аананад̇од̇и жз? на, д̇асса ж̇аананзна бут̇уж̇ж̇анассааби саб̣б̣ан̃н̃уд̇аабад̇д̇иббасан̇г̇ад̇о. яад̣̇аабхаавзна яад̣̇аабхааво д̇аб̣бхаавзна д̇ассаабхааваббасан̇г̇о логз сид̣̇д̇ход̇и. ‘‘бхаг̇авад̇оби ко н̃аан̣ам̣ уд̣̇абаад̣̇ий’’д̇и важанад̇о д̇асса маран̣аж̇аананам̣ сид̣̇д̇ханд̇и гад̇ваа бхавам̣ мад̇знзва бхаг̇аваа саб̣б̣ан̃н̃ууд̇и сид̣̇д̇хам̣ на д̣̇звад̇аарожанад̇о буб̣б̣з аж̇аананад̇од̇и жз? на, висзсам̣ бариг̇г̇ахзд̇ваа анд̇араа баж̇аананад̇о, д̣̇звад̇ааяа саб̣б̣ан̃н̃убхааваббад̇д̇ид̣̇осад̇о жа. на хи со гассажи важанзна ан̃н̃аасийд̇и.
10. Idāni pana sabbo jano saddhābhājanaṃ upanetu, pūressāmi nesaṃ saṅkappanti. Apparajakkhajātikoti samāpattiyā vikkhambhitakilesattā nikkilesajātiko. Ājānissatīti ce na niṭṭhānamakaṃsu dhammasaṅgāhakā te vinayakkamaññā, ahaṃ deseyyaṃ paṭivijjhissatīti adhippāyo, ‘‘muddhāpi tassa vipateyyā’’ti (a. ni. 8.11; pārā. 2) ettha viya abhūtaparikappo kireso. Loke tassa adhimuttabhāvadīpanatthañhi idaṃ vacanaṃ attano tadupadesena aviditabhāvadīpanatthaṃ. Tassa anantevāsikabhāvadīpanatthanti evamādīni panettha payojanāni. Bhagavatopi kho ñāṇanti sabbaññutaññāṇaṃ tassa maraṇārammaṇaṃ uppajji. Tena tato pubbe tassa sati dhammadesanāya khippaṃ jānanabhāvārammaṇanti dīpeti. Paropadesato ajānitvā paccakkhato maraṇasacchikiriyampi dasseti. Buddhānampi anekañāṇasamodhānābhāvato suvuttametaṃ. Cittapubbikā hi cittappavatti, aññathā navasattapātubhāvappasaṅgo. Sabbadhammānaṃ ekato gahaṇe viruddhakālānaṃ ekato jānanappasaṅgo. Tato ekañāṇassa vitathabhāvappattidoso, tasmā sabbassa vinānekañāṇasamodhānaṃ āpajjitadhammesu appaṭihatañāṇavantattā pana sabbaññū eva bhagavāti veditabbaṃ, na sabbakālaṃ ekato. Āḷārādīnaṃ maraṇājānanatoti ce? Na, tassa jānanena puthujjanassāpi sabbaññutāpattippasaṅgato. Yadābhāvena yadābhāvo tabbhāvena tassābhāvappasaṅgo loke siddhoti. ‘‘Bhagavatopi kho ñāṇaṃ udapādī’’ti vacanato tassa maraṇajānanaṃ siddhanti katvā bhavaṃ mateneva bhagavā sabbaññūti siddhaṃ na devatārocanato pubbe ajānanatoti ce? Na, visesaṃ pariggahetvā antarā pajānanato, devatāya sabbaññubhāvappattidosato ca. Na hi so kassaci vacanena aññāsīti.
абижа гимид̣̇ам̣ д̇ад̇т̇а ж̇аананам̣ наама д̇ад̣̇аарамман̣ан̃аан̣уббад̇д̇ийд̇и жз? на, логз саб̣б̣ан̃н̃уно ажжанд̇аабхааваббасан̇г̇ад̇о. саад̇хигаа хи маяаа зган̃аан̣агкан̣з саб̣б̣ам̣ н̃аан̣ам̣, д̇ад̣̇ан̃н̃зсан̃жа д̇ад̣̇ан̃н̃аан̣аануббад̇д̇и. абижа саб̣б̣ан̃н̃уно саб̣б̣ад̇хаммависаяз н̃аан̣абажжубадтаанасид̣̇д̇хи д̇асса н̃аан̣асса ад̇д̇анаава ад̇д̇ано ависаяод̇и жз? на, хзд̇унид̣̇ассанаануббад̇д̇ид̇о. абижа ‘‘бхаг̇авад̇оби ко н̃аан̣ам̣ уд̣̇абаад̣̇ий’’д̇и зд̇т̇а висзсаважанам̣ ад̇т̇и. язна д̣̇звад̇аарожануд̇д̇арагааламзва бхаг̇авад̇о н̃аан̣ам̣ уд̣̇абаад̣̇ийд̇и бан̃н̃ааяад̇и. на хи важанабуб̣б̣аабарияабхаавамад̇д̇зна д̇ад̣̇ад̇т̇абуб̣б̣аабарияад̇аа ход̇и, д̇асмаа аяуд̇д̇амзд̇ам̣. абхид̣̇осагаалам̣гад̇од̇и батамаяаамз гаалам̣гад̇о. ‘‘маж̇жхимаяаамз’’д̇иби вад̣̇анд̇и. убхаяад̇т̇аби махааж̇аанияо. сад̇д̇ад̣̇ивасаб̣бханд̇арз, згад̣̇ивасаб̣бханд̇арз жа бад̇д̇аб̣б̣амаг̇г̇апалад̇о барихийнад̇д̇аа махад̇ий ж̇аани ассаад̇и махааж̇аани. д̇зсу хи д̣̇вийсу аал̣ааро аагин̃жан̃н̃ааяад̇анабхавз ниб̣б̣ад̇д̇о, уд̣̇аго бхаваг̇г̇з, д̇асмаа нзсам̣ д̇хаммад̣̇зсанааяа агкан̣з ниб̣б̣ад̇д̇абхаавам̣ санд̇хааяа бхаг̇аваа звам̣ жинд̇зси, на ид̇о мануссалогад̇о жуд̇ибхаавам̣ санд̇хааяаад̇и взд̣̇ид̇аб̣б̣ам̣. аб̣уд̣̇д̇хавзнзяяад̇ан̃жа санд̇хааяаад̇и но д̇агго, ан̃н̃ат̇аа анидтаббасан̇г̇од̇и аажарияо.
Apica kimidaṃ tattha jānanaṃ nāma tadārammaṇañāṇuppattīti ce? Na, loke sabbaññuno accantābhāvappasaṅgato. Sādhikā hi mayā ekañāṇakkhaṇe sabbaṃ ñāṇaṃ, tadaññesañca tadaññāṇānuppatti. Apica sabbaññuno sabbadhammavisaye ñāṇapaccupaṭṭhānasiddhi tassa ñāṇassa attanāva attano avisayoti ce? Na, hetunidassanānuppattito. Apica ‘‘bhagavatopi kho ñāṇaṃ udapādī’’ti ettha visesavacanaṃ atthi. Yena devatārocanuttarakālameva bhagavato ñāṇaṃ udapādīti paññāyati. Na hi vacanapubbāpariyabhāvamattena tadatthapubbāpariyatā hoti, tasmā ayuttametaṃ. Abhidosakālaṃkatoti paṭhamayāme kālaṃkato. ‘‘Majjhimayāme’’tipi vadanti. Ubhayatthapi mahājāniyo. Sattadivasabbhantare, ekadivasabbhantare ca pattabbamaggaphalato parihīnattā mahatī jāni assāti mahājāni. Tesu hi dvīsu āḷāro ākiñcaññāyatanabhave nibbatto, udako bhavagge, tasmā nesaṃ dhammadesanāya akkhaṇe nibbattabhāvaṃ sandhāya bhagavā evaṃ cintesi, na ito manussalokato cutibhāvaṃ sandhāyāti veditabbaṃ. Abuddhaveneyyatañca sandhāyāti no takko, aññathā aniṭṭhappasaṅgoti ācariyo.
б̣од̇хисад̇д̇асса ж̇аад̇агаалз субинабадиг̇г̇аахагаа жзва лагкан̣абариг̇г̇аахагаа жа адта б̣раахман̣аа. д̇зсу д̇аяо д̣̇вид̇хаа б̣яаагарим̣су ‘‘имзхи лагкан̣зхи саманнааг̇ад̇о аг̇аарам̣ аж̇жхаавасанд̇о рааж̇аа ход̇и жаггавад̇д̇и, баб̣б̣аж̇анд̇о б̣уд̣̇д̇хо’’д̇и. бан̃жа б̣раахман̣аа ‘‘аг̇аарз на д̇идтад̇и, б̣уд̣̇д̇хова ход̇ий’’д̇и згам̣саб̣яаагаран̣аава ахзсум̣. д̇зсу буримаа д̇аяо яат̇ааманд̇абаарам̣ г̇ад̇аа. имз бана манд̇абаарам̣ ад̇иггаманд̇аа ад̇д̇анаа лад̣̇д̇хам̣ бун̃н̃амахад̇д̇ам̣ виссаж̇ж̇зд̇ваа б̣од̇хисад̇д̇ам̣ уд̣̇д̣̇исса бурзд̇арамзва баб̣б̣аж̇им̣су. имз санд̇хааяа вуд̇д̇ам̣ ‘‘бан̃жаваг̇г̇ияаа’’д̇и. ‘‘д̇зсам̣ буд̇д̇аа’’д̇иби вад̣̇анд̇и, д̇ам̣ адтагат̇ааяам̣ бадигкид̇д̇ам̣. гасмаа банзд̇т̇а бхаг̇аваа ‘‘б̣ахуубагаараа ко мз’’д̇и жинд̇зси. гим̣ убагаарагаанам̣ зва зса д̇хаммам̣ д̣̇зсзд̇и, ид̇арзсам̣ на д̣̇зсзд̇ийд̇и? но на д̣̇зсзд̇и. убагаараануссаран̣амад̇д̇агзнзва вуд̇д̇анд̇и адтагат̇аанаяо. ад̇д̇ано гад̇ан̃н̃угад̇авзд̣̇ибхааваббагаасанад̇т̇ам̣, гад̇ан̃н̃уд̇аад̣̇ибасам̣санад̇т̇ам̣, барзсан̃жа гад̇ан̃н̃убхааваад̣̇инияож̇анад̇т̇ам̣, киббаж̇аананаббасан̇г̇анивааран̣ад̇т̇ам̣.
Bodhisattassa jātakāle supinapaṭiggāhakā ceva lakkhaṇapariggāhakā ca aṭṭha brāhmaṇā. Tesu tayo dvidhā byākariṃsu ‘‘imehi lakkhaṇehi samannāgato agāraṃ ajjhāvasanto rājā hoti cakkavatti, pabbajanto buddho’’ti. Pañca brāhmaṇā ‘‘agāre na tiṭṭhati, buddhova hotī’’ti ekaṃsabyākaraṇāva ahesuṃ. Tesu purimā tayo yathāmantapāraṃ gatā. Ime pana mantapāraṃ atikkamantā attanā laddhaṃ puññamahattaṃ vissajjetvā bodhisattaṃ uddissa puretarameva pabbajiṃsu. Ime sandhāya vuttaṃ ‘‘pañcavaggiyā’’ti. ‘‘Tesaṃ puttā’’tipi vadanti, taṃ aṭṭhakathāyaṃ paṭikkhittaṃ. Kasmā panettha bhagavā ‘‘bahūpakārā kho me’’ti cintesi. Kiṃ upakārakānaṃ eva esa dhammaṃ deseti, itaresaṃ na desetīti? No na deseti. Upakārānussaraṇamattakeneva vuttanti aṭṭhakathānayo. Attano kataññukatavedibhāvappakāsanatthaṃ, kataññutādipasaṃsanatthaṃ, paresañca kataññubhāvādiniyojanatthaṃ, khippajānanappasaṅganivāraṇatthaṃ.
11. анд̇араа жа г̇аяам̣ анд̇араа жа б̣од̇хинд̇и г̇аяааяа жа б̣од̇хияаа жа маж̇жхз д̇иг̇аавуд̇анд̇арз таанз. б̣од̇химан̣д̣ад̇о хи г̇аяаа д̇ийн̣и г̇аавуд̇аани. б̣аараан̣асинаг̇арам̣ адтаараса яож̇анаани. убаго бана б̣од̇химан̣д̣асса жа г̇аяааяа жа анд̇арз бхаг̇аванд̇ам̣ ад̣̇д̣̇аса. анд̇араа-сад̣̇д̣̇зна бана яуд̇д̇ад̇д̇аа убаяог̇аважанам̣ гад̇ам̣. ийд̣̇исзсу жа таанзсу агкаражинд̇агаа згамзва анд̇араасад̣̇д̣̇ам̣ баяуж̇ж̇анд̇и, со д̣̇уд̇ияабад̣̇зби яож̇зд̇аб̣б̣о. аяож̇ияамаанз бана убаяог̇аважанам̣ на баабун̣аад̇и. ид̇ха бана яож̇зд̇ваава вуд̇д̇од̇и.
11.Antarā ca gayaṃ antarā ca bodhinti gayāya ca bodhiyā ca majjhe tigāvutantare ṭhāne. Bodhimaṇḍato hi gayā tīṇi gāvutāni. Bārāṇasinagaraṃ aṭṭhārasa yojanāni. Upako pana bodhimaṇḍassa ca gayāya ca antare bhagavantaṃ addasa. Antarā-saddena pana yuttattā upayogavacanaṃ kataṃ. Īdisesu ca ṭhānesu akkharacintakā ekameva antarāsaddaṃ payujjanti, so dutiyapadepi yojetabbo. Ayojiyamāne pana upayogavacanaṃ na pāpuṇāti. Idha pana yojetvāva vuttoti.
саб̣б̣аабхибхууд̇и саб̣б̣ам̣ д̇збхуумагад̇хаммам̣ абхибхавид̇ваа тид̇о. д̇ан̣хагкаязд̇и ниб̣б̣аанз. вимуд̇д̇од̇и аарамман̣ад̇о вимуд̇д̇о. над̇т̇и мз бадибуг̇г̇алод̇и маяхам̣ бадибуг̇г̇ало наама над̇т̇и, асад̣̇исод̇и ад̇т̇о, мама саб̣б̣ан̃н̃убхаавз д̣̇осам̣ д̣̇ассзд̇ваа логз таад̇ум̣ асамад̇т̇ад̇ааяа мама бажжад̇т̇игабуг̇г̇ало ваа над̇т̇ийд̇и ад̇т̇о. аахан̃чам̣ амад̇ад̣̇унд̣̇убхинд̇и д̇хаммажагкубадилаабхааяа амад̇абхзрим̣ бахариссаамийд̇и г̇ажчаами.
Sabbābhibhūti sabbaṃ tebhūmakadhammaṃ abhibhavitvā ṭhito. Taṇhakkhayeti nibbāne. Vimuttoti ārammaṇato vimutto. Natthi me paṭipuggaloti mayhaṃ paṭipuggalo nāma natthi, asadisoti attho, mama sabbaññubhāve dosaṃ dassetvā loke ṭhātuṃ asamatthatāya mama paccatthikapuggalo vā natthīti attho. Āhañchaṃ amatadundubhinti dhammacakkhupaṭilābhāya amatabheriṃ paharissāmīti gacchāmi.
арахаси ананд̇аж̇ино бхавид̇ум̣ яуд̇д̇о д̇ванд̇и ад̇т̇о. ид̣̇амби ад̇д̇ано сад̇т̇унаамам̣. хубзяяаасийд̇и аавусо звамби наама бхавзяяа. баггаамийд̇и ван̇гахаараж̇анабад̣̇ам̣ наама аг̇амааси. бхаг̇авааби ‘‘д̇ад̇т̇а д̇асса миг̇алуд̣̇д̣̇агасса д̇хийд̇уяаа жаабааяа угган̣тид̇ваа буна ааг̇анд̇ваа анааг̇аамий аяам̣ бхависсад̇ий’’д̇и убаниссаяасамбад̇д̇им̣ д̣̇исваа д̇зна сад̣̇д̇хим̣ аалаби. со жа д̇ат̇звааг̇анд̇ваа баб̣б̣аж̇ид̇ваа анааг̇аамий худ̇ваа ануггамзна гаалам̣ гад̇ваа авихзсу уббаж̇ж̇ид̇ваа арахад̇д̇ам̣ баабун̣и.
Arahasi anantajino bhavituṃ yutto tvanti attho. Idampi attano satthunāmaṃ. Hupeyyāsīti āvuso evampi nāma bhaveyya. Pakkāmīti vaṅkahārajanapadaṃ nāma agamāsi. Bhagavāpi ‘‘tattha tassa migaluddakassa dhītuyā cāpāya ukkaṇṭhitvā puna āgantvā anāgāmī ayaṃ bhavissatī’’ti upanissayasampattiṃ disvā tena saddhiṃ ālapi. So ca tathevāgantvā pabbajitvā anāgāmī hutvā anukkamena kālaṃ katvā avihesu uppajjitvā arahattaṃ pāpuṇi.
12. сан̣табзсунд̇и гад̇игам̣ агам̣су. бад̇хаанавиб̣бханд̇од̇и бад̇хаанад̇о бхадто барихийно. ‘‘абхиж̇аанаат̇а ну бхаасид̇амзд̇а’’нд̇и, ‘‘ваажам̣ бхаасид̇амзва’’нд̇и жа зваруубам̣ ган̃жи важанабхзд̣̇ам̣ агаасийд̇и ад̇хиббааяо. бхаг̇аванд̇ам̣ суссуусим̣сууд̇и бхаг̇авад̇о важанам̣ сод̇угаамаа ахзсум̣. ан̃н̃аад̇и ан̃н̃ааяа, ж̇аанид̇унд̇и ад̇т̇о.
12.Saṇṭhapesunti katikaṃ akaṃsu. Padhānavibbhantoti padhānato bhaṭṭho parihīno. ‘‘Abhijānātha nu bhāsitameta’’nti, ‘‘vācaṃ bhāsitameva’’nti ca evarūpaṃ kañci vacanabhedaṃ akāsīti adhippāyo. Bhagavantaṃ sussūsiṃsūti bhagavato vacanaṃ sotukāmā ahesuṃ. Aññāti aññāya, jānitunti attho.
13. ат̇а гимад̇т̇ам̣ ааманд̇зсийд̇и? д̇ад̇оби судтуд̇арам̣ бадиж̇аананад̇т̇ам̣, д̇хаммасса абхибхаарияад̣̇уллабхабхаавад̣̇ийбанад̇т̇ам̣, агкаравигкзбанивааран̣ад̇т̇ан̃жа. д̇ад̇т̇а д̣̇взмзд̇и анд̇ад̣̇ваяаважанам̣ ан̃н̃зсамби д̇ад̣̇анд̇ог̇ад̇хабхаавад̇о. абижа яож̇анаавасзна. д̇ан̣хааавиж̇ж̇аад̇и хи сам̣саараббавад̇д̇ияаа сийсабхууд̇аа д̣̇вз гилзсаа. д̇з жа самат̇авибассанаанам̣ бадибагкабхууд̇ад̇д̇аа анд̇аа наама. д̇зсу д̇ан̣хаавасзна гаамасукаллигаануяог̇ам̣ бхаж̇анд̇о самат̇ам̣ барихаабзд̇и б̣аало, д̇ат̇аа авиж̇ж̇аавасзна ад̇д̇агиламат̇аануяог̇ам̣ бхаж̇анд̇о г̇ажчанд̇о вибассананд̇и на саггаа убхо д̣̇вз анд̇з аббахааяа амад̇ам̣ ад̇хиг̇анд̇унд̇и звам̣ вуд̇д̇аа. абижа лийнуд̣̇д̇хажжабахаанад̣̇ассанамзд̇ам̣. лийно хи нигкид̇д̇авийрияаарамбхо гаамасукан̃жа бхаж̇ад̇и, ид̇аро ажжаарад̣̇д̇хавийрияо ад̇д̇агиламат̇ам̣. убхоби д̇з вийрияасамад̇ааяа бадибагкад̇д̇аа анд̇аа наама. абижа д̇иссо саасанз бадибад̣̇аа вуд̇д̇аа ааг̇аал̣хаа, ниж̇жхаамаа, маж̇жхимаа жа. д̇ад̇т̇а ааг̇аал̣хаа ‘‘баан̣аад̇ибаад̇ий ход̇и, над̇т̇и гаамзсу д̣̇осо’’д̇и звамаад̣̇игаа. ниж̇жхаамаа ‘‘ажзлаго ход̇и, муд̇д̇аажааро’’д̇и звамаад̣̇игаа, маж̇жхимаа ‘‘аяамзва арияо адтан̇г̇иго маг̇г̇о’’д̇и звамаад̣̇игаа. д̇ад̇т̇а гаамасукаллигаануяог̇о ааг̇аал̣хаа наама бадибад̣̇аа ход̇и саб̣б̣аагусаламуулад̇д̇аа. ад̇д̇агиламат̇аануяог̇о ниж̇жхаамаа наама ад̇д̇аж̇жхаабанад̇о. убхобзд̇з маж̇жхимааяа бадибад̣̇ааяа бадибагкабхууд̇ад̇д̇аа анд̇аа наама, д̇асмаа имзва санд̇хааяа д̣̇взмзд̇и. гимад̇т̇ам̣ бхаг̇аваа ‘‘баб̣б̣аж̇ид̇зна на сзвид̇аб̣б̣аа’’д̇и баб̣б̣аж̇ид̇з зва ад̇хигарод̇и, на г̇ахадтзд̇и? баб̣б̣аж̇ид̇аанам̣ д̇ад̣̇ад̇химуд̇д̇ад̇д̇аа, сукабариваж̇ж̇анасамад̇т̇ад̇ааяа, д̇ад̣̇ад̇хигад̇ад̇д̇аа жа баб̣б̣аж̇ид̇аа зд̇т̇а ад̇хигад̇аа, на г̇ахадтаа. яад̣̇и звам̣ гимад̇т̇ам̣ гаамасукаллигаануяог̇амааха, нану д̇з багад̇ияааби гаамабарижжааг̇ам̣ гад̇ваа д̇ам̣ ниссаран̣ад̇т̇ам̣ баб̣б̣аж̇ид̇аад̇и? на, д̇зсам̣ анд̇ад̣̇ваяаниссид̇ад̇д̇аа. д̇з хи ид̇ха логз гаамзна висуд̣̇д̇химижчанд̇и ад̇д̇агиламат̇аануяог̇амануяуд̇д̇аа д̇ассзва д̇абасса палзна бзжжа д̣̇иб̣б̣з гаамз аасийсамаанаа д̣̇ал̣хад̇арам̣ гаамасукаллигаануяог̇амануяуд̇д̇аад̇и взд̣̇ид̇аб̣б̣аа . анд̇ад̇т̇о бана ид̇ха гужчид̇адтзна взд̣̇ид̇аб̣б̣о ‘‘анд̇амид̣̇ам̣, бхигкавз, ж̇ийвигаанам̣, яад̣̇ид̣̇ам̣ бин̣д̣оляа’’нд̇иаад̣̇ийсу (ид̇иву. 91; сам̣. ни. 3.80) вияа.
13. Atha kimatthaṃ āmantesīti? Tatopi suṭṭhutaraṃ paṭijānanatthaṃ, dhammassa abhibhāriyadullabhabhāvadīpanatthaṃ, akkharavikkhepanivāraṇatthañca. Tattha dvemeti antadvayavacanaṃ aññesampi tadantogadhabhāvato. Apica yojanāvasena. Taṇhāavijjāti hi saṃsārappavattiyā sīsabhūtā dve kilesā. Te ca samathavipassanānaṃ paṭipakkhabhūtattā antā nāma. Tesu taṇhāvasena kāmasukhallikānuyogaṃ bhajanto samathaṃ parihāpeti bālo, tathā avijjāvasena attakilamathānuyogaṃ bhajanto gacchanto vipassananti na sakkā ubho dve ante appahāya amataṃ adhigantunti evaṃ vuttā. Apica līnuddhaccapahānadassanametaṃ. Līno hi nikkhittavīriyārambho kāmasukhañca bhajati, itaro accāraddhavīriyo attakilamathaṃ. Ubhopi te vīriyasamatāya paṭipakkhattā antā nāma. Apica tisso sāsane paṭipadā vuttā āgāḷhā, nijjhāmā, majjhimā ca. Tattha āgāḷhā ‘‘pāṇātipātī hoti, natthi kāmesu doso’’ti evamādikā. Nijjhāmā ‘‘acelako hoti, muttācāro’’ti evamādikā, majjhimā ‘‘ayameva ariyo aṭṭhaṅgiko maggo’’ti evamādikā. Tattha kāmasukhallikānuyogo āgāḷhā nāma paṭipadā hoti sabbākusalamūlattā. Attakilamathānuyogo nijjhāmā nāma attajjhāpanato. Ubhopete majjhimāya paṭipadāya paṭipakkhabhūtattā antā nāma, tasmā imeva sandhāya dvemeti. Kimatthaṃ bhagavā ‘‘pabbajitena na sevitabbā’’ti pabbajite eva adhikaroti, na gahaṭṭheti? Pabbajitānaṃ tadadhimuttattā, sukhaparivajjanasamatthatāya, tadadhikatattā ca pabbajitā ettha adhikatā, na gahaṭṭhā. Yadi evaṃ kimatthaṃ kāmasukhallikānuyogamāha, nanu te pakatiyāpi kāmapariccāgaṃ katvā taṃ nissaraṇatthaṃ pabbajitāti? Na, tesaṃ antadvayanissitattā. Te hi idha loke kāmena visuddhimicchanti attakilamathānuyogamanuyuttā tasseva tapassa phalena pecca dibbe kāme āsīsamānā daḷhataraṃ kāmasukhallikānuyogamanuyuttāti veditabbā . Antattho pana idha kucchitaṭṭhena veditabbo ‘‘antamidaṃ, bhikkhave, jīvikānaṃ, yadidaṃ piṇḍolya’’ntiādīsu (itivu. 91; saṃ. ni. 3.80) viya.
яо жааяам̣ гаамзсу гаамасукаллигаануяог̇од̇и зд̇т̇а гаамзсууд̇и вад̇т̇угаамо ад̇хиббзд̇о, д̣̇уд̇ияо гилзсагаамо . д̇ам̣самбаяуд̇д̇асукамзд̇т̇а гаамасукам̣ наама. д̇зна вибаагасукасса нираваж̇ж̇абхаавам̣ д̣̇ийбзд̇ийд̇и. аллийяанам̣ наама д̇ад̣̇абхинанд̣̇анаа. ануяог̇о наама бхаванд̇арз д̇ад̣̇ануяог̇абад̇т̇анаа. хаанабхааг̇ияагарад̇д̇аа гусалабагкасса, хийнабуг̇г̇алабхаавид̇ад̇д̇аа, хийнад̇хаад̇убабхавад̇д̇аа жа лаамагадтзна хийно. г̇ааманиваасисад̇д̇ад̇хаммад̇д̇аа г̇аммо. бут̇уж̇ж̇анасаад̇хааран̣ад̇д̇аа бот̇уж̇ж̇аниго. анарияод̇и арияаанам̣ анад̇хиббзд̇ад̇д̇аа, арияад̇хаммабадибагкад̇д̇аа, анарияагарад̇д̇аа, анарияад̇хаммад̇д̇аа, анарияаажин̣н̣ад̇д̇аа жа взд̣̇ид̇аб̣б̣о. анад̇т̇асан̇каад̇асам̣саарабхаяаавахад̇д̇аа, анад̇т̇апаланиб̣б̣ад̇д̇агад̇д̇аа жа анад̇т̇асам̣хид̇о. ад̇д̇ано гзвалам̣ кзд̣̇уубаг̇амо ад̇д̇агиламат̇о наама. со д̣̇идтиг̇ад̇абуб̣б̣агад̇д̇ад̇абаануггамагирияаависзсам̣ ниссааяа бавад̇д̇ад̇и, д̇асса д̣̇идтивасзна ануяог̇о ад̇д̇агиламат̇аануяог̇о наама. ад̇д̇авияог̇авид̇д̇аабариссамад̇д̇аа, анубааяабавад̇д̇ад̇д̇аа самбаж̇ж̇амаано миг̇аяониг̇ояонигуггураяонисуугараяонийсу баад̇ааяад̇и. вибажжамаано нарагам̣ нзд̇ийд̇и анад̇т̇асам̣хид̇о. зд̇з д̇ваад̇и зд̇з д̇у. д̇ат̇ааг̇ад̇знаад̇и ад̇д̇аанам̣ авид̇ат̇ааг̇аманам̣ аави гарод̇и, д̇знзд̇ам̣ д̣̇ассзд̇и ‘‘на маяаа баривид̇аггид̇амад̇д̇зна вид̇аггид̇аа, гинд̇у маяаа д̇ат̇ааг̇ад̇знзва сад̇аа абхисамб̣од̇хин̃аан̣зна абхисамб̣уд̣̇д̇хо’’д̇и. жагкугаран̣ийд̇иаад̣̇ийхи бана д̇амзва бадибад̣̇ам̣ т̇омзд̇и. бхзсаж̇ж̇ам̣ аад̇урасса вияа ‘‘жагкугаран̣ий’’д̇и иминаа н̃аан̣ажагкувисод̇ханам̣ вуд̇д̇ам̣. н̃аан̣агаран̣ийд̇и иминаа анд̇хагааравид̇хаманам̣ вуд̇д̇ам̣. убасамааяаад̇и гилзсабарил̣аахабадиббассад̣̇д̇хи вуд̇д̇аа. абхин̃н̃ааяаад̇и сажжабадивзд̇ханам̣ вуд̇д̇ам̣. самб̣од̇хааяаад̇и сажжабадивиж̇жханам̣ вуд̇д̇ам̣. ниб̣б̣аанааяаад̇и собаад̣̇исзсаниб̣б̣аанад̇хаад̇уяаа анубаад̣̇исзсаниб̣б̣аанад̇хаад̇уяаад̇и звам̣ яат̇аасамбхавам̣ яож̇зд̇ваа гат̇зд̇аб̣б̣ам̣.
Yo cāyaṃ kāmesu kāmasukhallikānuyogoti ettha kāmesūti vatthukāmo adhippeto, dutiyo kilesakāmo . Taṃsampayuttasukhamettha kāmasukhaṃ nāma. Tena vipākasukhassa niravajjabhāvaṃ dīpetīti. Allīyanaṃ nāma tadabhinandanā. Anuyogo nāma bhavantare tadanuyogapatthanā. Hānabhāgiyakarattā kusalapakkhassa, hīnapuggalabhāvitattā, hīnadhātupabhavattā ca lāmakaṭṭhena hīno. Gāmanivāsisattadhammattā gammo. Puthujjanasādhāraṇattā pothujjaniko. Anariyoti ariyānaṃ anadhippetattā, ariyadhammapaṭipakkhattā, anariyakarattā, anariyadhammattā, anariyāciṇṇattā ca veditabbo. Anatthasaṅkhātasaṃsārabhayāvahattā, anatthaphalanibbattakattā ca anatthasaṃhito. Attano kevalaṃ khedūpagamo attakilamatho nāma. So diṭṭhigatapubbakattatapānukkamakiriyāvisesaṃ nissāya pavattati, tassa diṭṭhivasena anuyogo attakilamathānuyogo nāma. Attaviyogavittāparissamattā, anupāyapavattattā sampajjamāno migayonigoyonikukkurayonisūkarayonīsu pātāyati. Vipaccamāno narakaṃ netīti anatthasaṃhito. Ete tvāti ete tu. Tathāgatenāti attānaṃ avitathāgamanaṃ āvi karoti, tenetaṃ dasseti ‘‘na mayā parivitakkitamattena vitakkitā, kintu mayā tathāgateneva satā abhisambodhiñāṇena abhisambuddho’’ti. Cakkhukaraṇītiādīhi pana tameva paṭipadaṃ thometi. Bhesajjaṃ āturassa viya ‘‘cakkhukaraṇī’’ti iminā ñāṇacakkhuvisodhanaṃ vuttaṃ. Ñāṇakaraṇīti iminā andhakāravidhamanaṃ vuttaṃ. Upasamāyāti kilesapariḷāhapaṭippassaddhi vuttā. Abhiññāyāti saccapaṭivedhanaṃ vuttaṃ. Sambodhāyāti saccapaṭivijjhanaṃ vuttaṃ. Nibbānāyāti sopādisesanibbānadhātuyā anupādisesanibbānadhātuyāti evaṃ yathāsambhavaṃ yojetvā kathetabbaṃ.
14. гасмаа банзд̇т̇а бхаг̇аваа ан̃н̃ад̇т̇а вияа анубуб̣б̣им̣ гат̇ам̣ агат̇зд̇ваа батамамзва асзвид̇аб̣б̣аманд̇ад̣̇ваяам̣ вад̇ваа маж̇жхимабадибад̣̇ам̣ д̣̇зсзсийд̇и? ад̇д̇аад̣̇имижчаабхимаананивааран̣ад̇т̇ам̣, гуммаг̇г̇абадибад̇д̇инивааран̣ад̇т̇ан̃жа анд̇ад̣̇ваяаваж̇ж̇анам̣ вад̇ваа ад̇д̇ано висзсаад̇хиг̇амад̣̇ийбананаязна аб̣аахуллигаад̣̇ибхаавад̣̇ассанад̇т̇ам̣, д̇зсан̃жа маж̇жхимабадибад̣̇аад̣̇ийбанзна д̇ад̇т̇а ануяож̇анад̇т̇ам̣ бажчаа саммаабадибад̣̇ам̣ д̣̇зсзси, д̇ад̇о д̇асса маж̇жхимабадибад̣̇аасан̇каад̇асса арияамаг̇г̇асса висаяад̣̇ассанад̇т̇ам̣ жад̇усажжад̇хаммам̣ сан̇кзбавид̇т̇ааравасзна д̣̇зсзд̇угаамо ‘‘ид̣̇ам̣ ко бана, бхигкавз, д̣̇угка’’нд̇иаад̣̇имааха, аяамзд̇т̇а анусанд̇хи. ‘‘ид̣̇ам̣ д̣̇угкам̣ арияасажжанд̇и мз, бхигкавз’’д̇иаад̣̇и суд̇д̇аанусанд̇хибагааасанад̇т̇ам̣ аяамануггамо взд̣̇ид̇аб̣б̣о. яат̇аавуд̇д̇ам̣ бадибад̣̇ам̣ суд̇ваа гира гон̣д̣ан̃н̃о ааха ‘‘гат̇ам̣ бхаг̇авад̇аа вуд̇д̇абадибад̣̇ааяа уббад̇д̇и сияаа. аяан̃хи бадибад̣̇аа гилзсаанам̣ ануббад̇д̇ияаа сад̇и самбхавад̇и, на ан̃н̃ат̇аа. гилзсаанан̃жа яад̣̇и лобхад̇о уббад̇д̇и куббибаасаанам̣ вияа, д̇ад̣̇аасзванааяа ануббад̇д̇и сияаа, д̇ад̣̇авад̇т̇усса ваа д̇зсам̣ уббад̇д̇и. д̇ад̣̇авад̇т̇увибарийд̇агааяагиламат̇аасзванааяа ануббад̇д̇и сияаа. убхобзд̇аа бхаг̇авад̇аа ‘анд̇аа’д̇и вуд̇д̇аа, д̇асмаа гат̇ам̣ банзд̇иссааяа саммаабадибад̣̇ааяа уббад̇д̇и самбхавзяяаа’’д̇и. бхаг̇аваа ааха анубааяаасзванад̇о. гат̇анд̇и жз? –
14. Kasmā panettha bhagavā aññattha viya anupubbiṃ kathaṃ akathetvā paṭhamameva asevitabbamantadvayaṃ vatvā majjhimapaṭipadaṃ desesīti? Attādimicchābhimānanivāraṇatthaṃ, kummaggapaṭipattinivāraṇatthañca antadvayavajjanaṃ vatvā attano visesādhigamadīpananayena abāhullikādibhāvadassanatthaṃ, tesañca majjhimapaṭipadādīpanena tattha anuyojanatthaṃ pacchā sammāpaṭipadaṃ desesi, tato tassa majjhimapaṭipadāsaṅkhātassa ariyamaggassa visayadassanatthaṃ catusaccadhammaṃ saṅkhepavitthāravasena desetukāmo ‘‘idaṃ kho pana, bhikkhave, dukkha’’ntiādimāha, ayamettha anusandhi. ‘‘Idaṃ dukkhaṃ ariyasaccanti me, bhikkhave’’tiādi suttānusandhipakaāsanatthaṃ ayamanukkamo veditabbo. Yathāvuttaṃ paṭipadaṃ sutvā kira koṇḍañño āha ‘‘kathaṃ bhagavatā vuttapaṭipadāya uppatti siyā. Ayañhi paṭipadā kilesānaṃ anuppattiyā sati sambhavati, na aññathā. Kilesānañca yadi lobhato uppatti khuppipāsānaṃ viya, tadāsevanāya anuppatti siyā, tadavatthussa vā tesaṃ uppatti. Tadavatthuviparītakāyakilamathāsevanāya anuppatti siyā. Ubhopetā bhagavatā ‘antā’ti vuttā, tasmā kathaṃ panetissāya sammāpaṭipadāya uppatti sambhaveyyā’’ti. Bhagavā āha anupāyāsevanato. Kathanti ce? –
‘‘сам̣саарамуулад̇о н̃аан̣ам̣, д̇ан̃жа н̃аан̣аа бахияяад̇и;
‘‘Saṃsāramūlato ñāṇaṃ, tañca ñāṇā pahiyyati;
ж̇ийвид̇з сад̇и д̇ам̣ ход̇и, д̇ан̃жа ж̇ийвид̇асаад̇ханз.
Jīvite sati taṃ hoti, tañca jīvitasādhane.
‘‘д̇асмаа н̃аан̣ааяа мзд̇хаавий, рагкз ж̇ийвид̇амад̇д̇ано;
‘‘Tasmā ñāṇāya medhāvī, rakkhe jīvitamattano;
н̃аан̣асаад̇ханабхууд̇ан̃жа, сийлан̃жа барибаалаяз.
Ñāṇasādhanabhūtañca, sīlañca paripālaye.
‘‘ж̇ийвид̇ан̃жа яат̇аа логз, бхиннз гааяз на виж̇ж̇ад̇и;
‘‘Jīvitañca yathā loke, bhinne kāye na vijjati;
д̇ат̇зва бхиннасийласса, над̇т̇и н̃аан̣асса самбхаво.
Tatheva bhinnasīlassa, natthi ñāṇassa sambhavo.
‘‘д̇асмаа ааяун̃жа сийлан̃жа, н̃аан̣ад̇т̇ам̣ рагкад̇аа сад̇аа;
‘‘Tasmā āyuñca sīlañca, ñāṇatthaṃ rakkhatā satā;
сзвид̇аб̣б̣аа на гаамааби, нааби гааяавинаасанаа.
Sevitabbā na kāmāpi, nāpi kāyavināsanā.
‘‘гаамзсу г̇зд̇хамубаг̇амма хино г̇амман̃жа,
‘‘Kāmesu gedhamupagamma hino gammañca,
ажжуд̣̇д̇хано гиламат̇ам̣ г̇амубзд̇и муул̣хо;
Accuddhano kilamathaṃ gamupeti mūḷho;
яо маж̇жхимам̣ бадибад̣̇ам̣ барамам̣ убзд̇и,
Yo majjhimaṃ paṭipadaṃ paramaṃ upeti,
со киббамзва лабхад̇з барамам̣ вимогка’’нд̇и.
So khippameva labhate paramaṃ vimokkha’’nti.
суд̇ваа д̇ад̣̇зд̇ам̣ суг̇ад̇асса ваагяам̣,
Sutvā tadetaṃ sugatassa vākyaṃ,
бан̃н̃ам̣ муний со суд̇аж̇ам̣ лабхид̇ваа;
Paññaṃ munī so sutajaṃ labhitvā;
жинд̇аамаяам̣ н̃аан̣а бавзсамаано,
Cintāmayaṃ ñāṇa pavesamāno,
ужчинд̣̇аяам̣ бан̃хамимам̣ абужчи.
Ucchindayaṃ pañhamimaṃ apucchi.
‘‘ниб̣б̣зд̇хабад̣̇адтаанам̣ бахааяа гхорам̣,
‘‘Nibbedhapadaṭṭhānaṃ pahāya ghoraṃ,
д̇абам̣ гат̇амиваад̇и со д̇вам̣;
Tapaṃ kathamivāti so tvaṃ;
б̣руухи д̇ад̣̇зва ход̇и бхигку жара,
Brūhi tadeva hoti bhikkhu cara,
вирааг̇амубаяаад̇и жа д̣̇угкасажжасса;
Virāgamupayāti ca dukkhasaccassa;
д̣̇ассанзнзва д̣̇угкаанубхаванаа,
Dassaneneva dukkhānubhavanā,
д̇амхи д̣̇осасса бажжаяо’’д̇и.
Tamhi dosassa paccayo’’ti.
суд̇ваава гон̣д̣ан̃н̃о муниважанам̣,
Sutvāva koṇḍañño munivacanaṃ,
вудтааяа хадто сахасаа авожа;
Vuṭṭhāya haṭṭho sahasā avoca;
‘‘уд̣̇аахара д̇вам̣ бхаг̇аваа мамзд̇ам̣,
‘‘Udāhara tvaṃ bhagavā mametaṃ,
бхигку яат̇аа бассад̇и д̣̇угкасажжа’’нд̇и.
Bhikkhu yathā passati dukkhasacca’’nti.
жинд̇аамаяисса бан̃н̃аабарибун̣н̣аа бхааванаамаяибан̃н̃аасамбад̇д̇и ж̇аанид̇аб̣б̣аа имзхи ид̇и бхаг̇аваа суд̇д̇амид̣̇амаахаад̇и гира. гасмаа бхаг̇аваа гон̣д̣ан̃н̃асса буримамзва сажжад̣̇зсанам̣ авад̣дхзд̇ваа ад̇д̇ано ад̇хиг̇ад̇аггамамаахаад̇и? наахам̣ гассажи ааг̇амам̣ д̣̇зсзми, абижа ко саяамзва звамад̇хиг̇ад̇омхийд̇и д̣̇ассанад̇т̇ам̣. д̇ад̇т̇а ‘‘буб̣б̣з анануссуд̇зсу д̇хаммзсуу’’д̇и иминаа ид̣̇ам̣ ад̇т̇ад̣̇ваяам̣ д̣̇ассзд̇и, на маяаа аал̣аарад̇о, уд̣̇агад̇о ваа аяам̣ д̇хаммо суд̇о, гинд̇у буб̣б̣з анануссуд̇зсвзва н̃аан̣ам̣ мз уд̣̇абаад̣̇ийд̇и маж̇жхимааяа бадибад̣̇ааяа аанубхаавам̣ багаасзд̇и. абижа яасмаа звам̣ бадибанно винааби баробад̣̇зсзна арияасажжаани бассад̇и, д̇асмаа гат̇ам̣ д̇умхзва мамаабад̣̇зсзна на бассат̇аад̇и.
Cintāmayissa paññāparipuṇṇā bhāvanāmayipaññāsampatti jānitabbā imehi iti bhagavā suttamidamāhāti kira. Kasmā bhagavā koṇḍaññassa purimameva saccadesanaṃ avaḍḍhetvā attano adhigatakkamamāhāti? Nāhaṃ kassaci āgamaṃ desemi, apica kho sayameva evamadhigatomhīti dassanatthaṃ. Tattha ‘‘pubbe ananussutesu dhammesū’’ti iminā idaṃ atthadvayaṃ dasseti, na mayā āḷārato, udakato vā ayaṃ dhammo suto, kintu pubbe ananussutesveva ñāṇaṃ me udapādīti majjhimāya paṭipadāya ānubhāvaṃ pakāseti. Apica yasmā evaṃ paṭipanno vināpi paropadesena ariyasaccāni passati, tasmā kathaṃ tumheva mamāpadesena na passathāti.
15. жагкунд̇иаад̣̇ийни бан̃жа бад̣̇аани н̃аан̣авзважанаанзва. н̃аан̣ан̃хи сажжаанам̣ ааложанад̇о жагкубхууд̇ад̇т̇аж̇аананад̇о н̃аан̣ам̣. багаарзхи ж̇аананад̇о бан̃н̃аа. гилзсавид̣̇ааран̣ад̇о, виж̇ж̇анад̇о жа виж̇ж̇аа. сажжажчаад̣̇агад̇амавинаасанад̇о, д̇зсам̣ г̇ад̇игодибагаасанад̇о аалогод̇и взд̣̇ид̇аб̣б̣ам̣. д̇ад̇т̇а батамзна бариваддзна сажжаанам̣ ан̃н̃аман̃н̃ам̣ асан̇гарад̇о табанабан̃н̃ам̣ д̣̇ассзд̇и, д̣̇уд̇иязна д̇зсам̣ гад̇д̇аб̣б̣аагаарабарижчинд̣̇анабан̃н̃ам̣, д̇ад̇иязна сажжзсу н̃аан̣агижжасаннидтаанам̣ д̣̇ассзд̇и.
15.Cakkhuntiādīni pañca padāni ñāṇavevacanāneva. Ñāṇañhi saccānaṃ ālocanato cakkhubhūtatthajānanato ñāṇaṃ. Pakārehi jānanato paññā. Kilesavidāraṇato, vijjanato ca vijjā. Saccacchādakatamavināsanato, tesaṃ gatikoṭipakāsanato ālokoti veditabbaṃ. Tattha paṭhamena parivaṭṭena saccānaṃ aññamaññaṃ asaṅkarato ṭhapanapaññaṃ dasseti, dutiyena tesaṃ kattabbākāraparicchindanapaññaṃ, tatiyena saccesu ñāṇakiccasanniṭṭhānaṃ dasseti.
16. яаавагийван̃жаад̇и д̣̇вийхи бад̣̇зхи яааваижжзва вуд̇д̇ам̣ ход̇и ‘‘ид̇и жид̇д̇амано’’д̇иаад̣̇и вияа. рааг̇аад̣̇ийхи агуббад̇ааяа агуббаа вимуд̇д̇и. взяяаагаран̣анд̇и д̇хаммад̣̇зсанаа. саа хи д̇хаммаанам̣ б̣яаагаран̣ад̇о багаасанад̇о ‘‘взяяаагаран̣а’’нд̇и вужжад̇и. вираж̇ам̣ вийд̇амаланд̇и зд̇т̇а вираж̇ам̣ висамахзд̇уваад̣̇авиг̇амад̇о. вийд̇амалам̣ ахзд̇угаваад̣̇авиг̇амад̇о. вираж̇ам̣ сассад̇ад̣̇идтиббахаанад̇о. вийд̇амалам̣ ужчзд̣̇ад̣̇идтиббахаанад̇о. вираж̇ам̣ барияудтаанаббахаанад̇о. вийд̇амалам̣ анусаяаббахаанад̇о. д̇хаммажагкунд̇и д̇хаммамад̇д̇ад̣̇ассанам̣, на д̇ад̇т̇а сад̇д̇о ваа ж̇ийво ваа гаараго ваа взд̣̇аго ваад̇и, д̇знзвааха ‘‘яам̣ гин̃жи самуд̣̇аяад̇хаммам̣, саб̣б̣анд̇ам̣ нирод̇хад̇хамма’’нд̇и. ид̣̇ан̃хи д̇асса д̇хаммажагкусса уббад̇д̇иаагаарад̣̇ассанад̇т̇ам̣ вуд̇д̇ам̣. д̇ан̃хи нирод̇хам̣ аарамман̣ам̣ гад̇ваа гижжавасзна зва сан̇кад̇ам̣ бадивиж̇жханд̇ам̣ уббаж̇ж̇ад̇и.
16.Yāvakīvañcāti dvīhi padehi yāvaicceva vuttaṃ hoti ‘‘iti cittamano’’tiādi viya. Rāgādīhi akuppatāya akuppā vimutti. Veyyākaraṇanti dhammadesanā. Sā hi dhammānaṃ byākaraṇato pakāsanato ‘‘veyyākaraṇa’’nti vuccati. Virajaṃ vītamalanti ettha virajaṃ visamahetuvādavigamato. Vītamalaṃ ahetukavādavigamato. Virajaṃ sassatadiṭṭhippahānato. Vītamalaṃ ucchedadiṭṭhippahānato. Virajaṃ pariyuṭṭhānappahānato. Vītamalaṃ anusayappahānato. Dhammacakkhunti dhammamattadassanaṃ, na tattha satto vā jīvo vā kārako vā vedako vāti, tenevāha ‘‘yaṃ kiñci samudayadhammaṃ, sabbantaṃ nirodhadhamma’’nti. Idañhi tassa dhammacakkhussa uppattiākāradassanatthaṃ vuttaṃ. Tañhi nirodhaṃ ārammaṇaṃ katvā kiccavasena eva saṅkhataṃ paṭivijjhantaṃ uppajjati.
17. д̇хаммажагганд̇и зд̇т̇а д̣̇зсанаан̃аан̣ам̣ ад̇хиббзд̇ам̣, бадивзд̇хан̃аан̣ан̃жа лаб̣бхад̇зва. зд̇т̇а гимад̇т̇ам̣ д̣̇зваа сад̣̇д̣̇амануссаавзсунд̇и? наанаад̣̇идтиг̇ад̇анд̇хагааравид̇хаманад̇о лад̣̇д̇хаалогад̇д̇аа, абааяабхаяасамад̇иггаманад̇о ассаасам̣ бад̇д̇ад̇д̇аа, д̣̇звагааяавимаанад̣̇ассанад̇о бийд̇ибаамож̇ж̇ажалид̇ад̇д̇аа жаад̇и звамаад̣̇ийнзд̇т̇а гааран̣аани вад̣̇анд̇и. бат̇авигамбанамахаасад̣̇д̣̇абаад̇убхааво жа д̇хаммад̇аавасзнзва ход̇ийд̇и згз. д̣̇звад̇аанам̣ гийл̣ид̇угаамад̇ааяа бат̇авигамбо. б̣ахуно д̣̇звасан̇гхасса саннибаад̇ад̇о, бхаг̇авад̇о сарийраббабхааж̇аалависаж̇ж̇анад̇о жаад̇и згажжз.
17.Dhammacakkanti ettha desanāñāṇaṃ adhippetaṃ, paṭivedhañāṇañca labbhateva. Ettha kimatthaṃ devā saddamanussāvesunti? Nānādiṭṭhigatandhakāravidhamanato laddhālokattā, apāyabhayasamatikkamanato assāsaṃ pattattā, devakāyavimānadassanato pītipāmojjacalitattā cāti evamādīnettha kāraṇāni vadanti. Pathavikampanamahāsaddapātubhāvo ca dhammatāvaseneva hotīti eke. Devatānaṃ kīḷitukāmatāya pathavikampo. Bahuno devasaṅghassa sannipātato, bhagavato sarīrappabhājālavisajjanato cāti ekacce.
18. баб̣б̣аж̇ж̇убасамбад̣̇аависзсанд̇и ад̇т̇о. д̇ад̇т̇а ид̇и-сад̣̇д̣̇о д̇асса зхибхигкуубасамбад̣̇аабадилаабханимид̇д̇аважанабарияосаанад̣̇ассано. д̇ад̣̇авасаано хи д̇асса бхигкубхааво. сваагкаад̇од̇иаад̣̇и ‘‘зхий’’д̇и ааманд̇анааяа баяож̇анад̣̇ассанаважанам̣. ‘‘зхибхигкуу’’д̇и бхаг̇аваа авожа ‘‘сваагкаад̇о д̇хаммо жара…бз… гирияааяаа’’д̇и жа авожаад̇и бад̣̇асамб̣анд̇хо. д̇ад̇т̇а жара б̣рахмажарияанд̇и авасидтам̣ маг̇г̇ад̇д̇аяаб̣рахмажарияам̣ самад̇хиг̇ажча. гимад̇т̇ам̣? саммаад̣̇угкассанд̇агирияааяаад̇и ад̇т̇о. ‘‘зхибхигкуу’’д̇и иминаа бхаг̇авад̇о важанзна нибпаннад̇д̇аа гааран̣уубажаарзна ‘‘зхибхигкуубасамбад̣̇аа’’д̇и вуд̇д̇аа. саава д̇ассааяасмад̇о яааваж̇ийвам̣ убасамбад̣̇аа ахосийд̇и ад̇т̇о. д̇зна д̇ассаа убасамбад̣̇ааяа сигкаабажжагкаад̇аад̣̇инаа вижчзд̣̇аа ваа д̇ад̣̇ан̃н̃ааяа убасамбад̣̇ааяа гижжам̣ ваа над̇т̇ийд̇и ид̣̇амад̇т̇ад̣̇ваяам̣ адтагат̇ааяам̣ д̣̇ассзд̇и. адтаннамби убасамбад̣̇аанам̣ зхибхигкуоваад̣̇абадиг̇г̇ахан̣абан̃хаб̣яаагаран̣аг̇аруд̇хаммабадиг̇г̇ахан̣уубасамбад̣̇аанам̣ жад̇уннам̣ ан̃н̃ад̇арааяа убасамбаннасса анд̇араа вижчзд̣̇о ваа д̇ад̣̇ан̃н̃уубасамбад̣̇ааяа гижжам̣ ваа над̇т̇и, ид̇арассад̇т̇ийд̇и. нигааяанд̇аригаа банааху ‘‘б̣уд̣̇д̇хабажжзгаб̣уд̣̇д̇хаанам̣ нияаамогганд̇исан̇каад̇ааяа убасамбад̣̇ааяа н̃ад̇д̇ижад̇уд̇т̇агаммубасамбад̣̇ан̃жа д̣̇асаваг̇г̇абан̃жаваг̇г̇агаран̣ийяавасзна д̣̇вид̇хаа бхинд̣̇ид̇ваа д̣̇асавид̇хобасамбад̣̇аа’’д̇и. гаа банзд̇т̇а ад̇т̇ад̇о убасамбад̣̇аа наамаад̇и? д̇ад̣̇ад̇хиг̇ад̇агирияаавасзна ниб̣б̣ад̇д̇ияаа асзгкаа д̇ад̣̇ад̇хиваасанажзд̇анааяа барибхаавид̇абан̃жагканд̇хигаа аж̇жхад̇д̇асанд̇ад̇и. гаа банзд̇т̇а барибхааванаа наама? д̇аб̣б̣ибагкад̇хаммаж̇жхаажааравируд̣̇д̇хабхааво, д̇асса бад̇д̇ияаа д̇ааяа барибхааванааяа васзна гад̇т̇ажи ‘‘саманнааг̇ад̇о’’д̇и вужжад̇и. яат̇ааха ‘‘лобхзна саманнааг̇ад̇о, бхигкавз, абхаб̣б̣о жад̇д̇аари сад̇ибадтаанаани бхаавзд̇у’’нд̇иаад̣̇и. зд̇т̇ааху нигааяанд̇аригаа ‘‘яат̇аавуд̇д̇ааяа убасамбад̣̇ааяа бад̇д̇исан̇каад̇о жид̇д̇авиббаяуд̇д̇о сан̇каарагканд̇хабарияаабанно д̇хаммо ад̇т̇и, д̇асса санд̇ад̇ивасзна буб̣б̣аабарияам̣ уббаж̇ж̇амаанасса яаава авижчзд̣̇о, д̇аава убасамбаннод̇и, ан̃н̃ат̇аа д̇ад̇о д̇хамманд̇аруббад̇д̇игкан̣з д̇асса убасамбаннасса анубасамбаннабхааваббасан̇г̇о аабаж̇ж̇ад̇ий’’д̇и. д̇з вад̇д̇аб̣б̣аа ‘‘суд̇д̇ам̣ аахарат̇аа’’д̇и. д̇з жз вад̣̇зяяум̣ ‘‘яо д̇зсам̣ д̣̇асаннам̣ асзгкаанам̣ д̇хаммаанам̣ убаад̣̇ааяа бадилаабхасаманнааг̇амо арияо ход̇и виббахийнод̇и звамаад̣̇ийни но суд̇д̇ааний’’д̇и. звам̣ сад̇и асанд̇ад̇хаммзхи, барасад̇д̇зхи жа саманнааг̇амад̣̇осаббасан̇г̇о нзсам̣ баабун̣аад̇и. гим̣гааран̣ам̣? суд̇д̇асамбхавад̇о. яат̇ааха – ‘‘рааж̇аа, бхигкавз, жаггавад̇д̇ий сад̇д̇ахи рад̇анзхи саманнааг̇ад̇о ход̇ий’’д̇и (д̣̇ий. ни. 3.199-200 ад̇т̇ад̇о самаанам̣) вид̇т̇ааро. васибхааво д̇ад̇т̇а саманнааг̇ад̇асад̣̇д̣̇зна вуд̇д̇о. д̇ассахид̇зсу рад̇анзсу васибхааво гаамажааро ад̇т̇ийд̇и жз? зд̇т̇а васибхааво саманнааг̇амасад̣̇д̣̇зна вуд̇д̇о, ан̃н̃ад̇т̇а бад̇д̇исан̇каад̇о, д̇ам̣ д̇хамманд̇аранд̇и. гимзд̇т̇а висзсагааран̣ам̣? над̇т̇и жа, д̇асмаа яат̇аавуд̇д̇алагкан̣аава убасамбад̣̇аа. аяамзва наяо баб̣б̣аж̇ж̇аад̣̇ийсуби нзд̇аб̣б̣о.
18. Pabbajjupasampadāvisesanti attho. Tattha iti-saddo tassa ehibhikkhūpasampadāpaṭilābhanimittavacanapariyosānadassano. Tadavasāno hi tassa bhikkhubhāvo. Svākkhātotiādi ‘‘ehī’’ti āmantanāya payojanadassanavacanaṃ. ‘‘Ehibhikkhū’’ti bhagavā avoca ‘‘svākkhāto dhammo cara…pe… kiriyāyā’’ti ca avocāti padasambandho. Tattha cara brahmacariyanti avasiṭṭhaṃ maggattayabrahmacariyaṃ samadhigaccha. Kimatthaṃ? Sammādukkhassantakiriyāyāti attho. ‘‘Ehibhikkhū’’ti iminā bhagavato vacanena nipphannattā kāraṇūpacārena ‘‘ehibhikkhūpasampadā’’ti vuttā. Sāva tassāyasmato yāvajīvaṃ upasampadā ahosīti attho. Tena tassā upasampadāya sikkhāpaccakkhātādinā vicchedā vā tadaññāya upasampadāya kiccaṃ vā natthīti idamatthadvayaṃ aṭṭhakathāyaṃ dasseti. Aṭṭhannampi upasampadānaṃ ehibhikkhuovādapaṭiggahaṇapañhabyākaraṇagarudhammapaṭiggahaṇūpasampadānaṃ catunnaṃ aññatarāya upasampannassa antarā vicchedo vā tadaññūpasampadāya kiccaṃ vā natthi, itarassatthīti. Nikāyantarikā panāhu ‘‘buddhapaccekabuddhānaṃ niyāmokkantisaṅkhātāya upasampadāya ñatticatutthakammupasampadañca dasavaggapañcavaggakaraṇīyavasena dvidhā bhinditvā dasavidhopasampadā’’ti. Kā panettha atthato upasampadā nāmāti? Tadadhigatakiriyāvasena nibbattiyā asekkhā tadadhivāsanacetanāya paribhāvitapañcakkhandhikā ajjhattasantati. Kā panettha paribhāvanā nāma? Tabbipakkhadhammajjhācāraviruddhabhāvo, tassa pattiyā tāya paribhāvanāya vasena katthaci ‘‘samannāgato’’ti vuccati. Yathāha ‘‘lobhena samannāgato, bhikkhave, abhabbo cattāri satipaṭṭhānāni bhāvetu’’ntiādi. Etthāhu nikāyantarikā ‘‘yathāvuttāya upasampadāya pattisaṅkhāto cittavippayutto saṅkhārakkhandhapariyāpanno dhammo atthi, tassa santativasena pubbāpariyaṃ uppajjamānassa yāva avicchedo, tāva upasampannoti, aññathā tato dhammantaruppattikkhaṇe tassa upasampannassa anupasampannabhāvappasaṅgo āpajjatī’’ti. Te vattabbā ‘‘suttaṃ āharathā’’ti. Te ce vadeyyuṃ ‘‘yo tesaṃ dasannaṃ asekkhānaṃ dhammānaṃ upādāya paṭilābhasamannāgamo ariyo hoti vippahīnoti evamādīni no suttānī’’ti. Evaṃ sati asantadhammehi, parasattehi ca samannāgamadosappasaṅgo nesaṃ pāpuṇāti. Kiṃkāraṇaṃ? Suttasambhavato. Yathāha – ‘‘rājā, bhikkhave, cakkavattī sattahi ratanehi samannāgato hotī’’ti (dī. ni. 3.199-200 atthato samānaṃ) vitthāro. Vasibhāvo tattha samannāgatasaddena vutto. Tassahitesu ratanesu vasibhāvo kāmacāro atthīti ce? Ettha vasibhāvo samannāgamasaddena vutto, aññattha pattisaṅkhāto, taṃ dhammantaranti. Kimettha visesakāraṇaṃ? Natthi ca, tasmā yathāvuttalakkhaṇāva upasampadā. Ayameva nayo pabbajjādīsupi netabbo.
19. гин̃жааби ваббад̇т̇зрасса баадибад̣̇ад̣̇ивасз…бз… ассаж̇ид̇т̇зрасса жад̇уд̇т̇ияанд̇и звам̣ наанаад̣̇ивасзсу баадзггам̣ д̇хаммажагкум̣ уд̣̇абаад̣̇и, д̇ат̇ааби оваад̣̇асааман̃н̃зна ваббабхад̣̇д̣̇ияаанам̣, махаанаамаассаж̇ийнан̃жзд̇т̇а згад̇о вуд̇д̇анд̇и взд̣̇ид̇аб̣б̣ам̣.
19. Kiñcāpi vappattherassa pāṭipadadivase…pe… assajittherassa catutthiyanti evaṃ nānādivasesu pāṭekkaṃ dhammacakkhuṃ udapādi, tathāpi ovādasāmaññena vappabhaddiyānaṃ, mahānāmaassajīnañcettha ekato vuttanti veditabbaṃ.
20. ‘‘руубам̣, бхигкавз, анад̇д̇аа’’д̇и гимад̇т̇ам̣ аад̣̇ид̇ова анад̇д̇алагкан̣ам̣ д̣̇ийбзд̇ийд̇и? д̇зсам̣ бут̇уж̇ж̇анагаалзби ид̇аралагкан̣ад̣̇ваяасса баагадад̇д̇аа. д̇з хи манаабаанам̣ гаамаанам̣ анижжад̇аад̣̇ассанзна сам̣виг̇г̇аа баб̣б̣аж̇им̣сууд̇и анижжалагкан̣ам̣ д̇аава нзсам̣ згад̣̇зсзна баагадам̣, баб̣б̣аж̇ид̇аанан̃жа ад̇д̇агиламат̇аануяог̇ад̇о гааяигад̣̇угкам̣, д̇ан̃жа маанасасса бажжаяод̇и маанасигад̣̇угкан̃жа баагадам̣, д̇асмаа д̇ад̣̇убхаяам̣ важ̇ж̇ид̇ваа анад̇д̇алагкан̣амзва д̣̇ийбзд̇ум̣ аарабхи. д̇ан̃жа д̣̇ийбзнд̇о д̣̇угкалагкан̣знзва д̣̇ийбзд̇ум̣ ‘‘руубан̃жа хид̣̇ам̣, бхигкавз, ад̇д̇аа абхависсаа’’д̇иаад̣̇имааха. гимад̇т̇анд̇и? анижжалагкан̣ад̇оби д̇зсам̣ д̣̇угкалагкан̣асса судтуд̇арам̣ баагадад̇д̇аа. д̇зсан̃хи ад̇д̇агиламат̇аануяог̇амануяуд̇д̇ад̇д̇аа, д̇аббарааяан̣абхаавад̇о жа д̣̇угкалагкан̣ам̣ судту баагадам̣, д̇асмаа д̇зна д̇аава судту баагадзна анад̇д̇алагкан̣ам̣ д̣̇ийбзд̇ваа буна д̇ад̣̇зва д̇ад̣̇убхаязнааби д̣̇ийбзд̇ум̣ ‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и вагкад̇и. галлам̣ нууд̇и яуд̇д̇ам̣ ну. зд̇ам̣ мамаад̇и д̇ан̣хааг̇г̇аахо. зсохамасмийд̇и маанаг̇г̇аахо. зсо мз ад̇д̇аад̇и д̣̇идтиг̇г̇аахо. д̇ан̣хааг̇г̇аахо жзд̇т̇а адтасад̇ад̇ан̣хаавижарид̇авасзна, маанаг̇г̇аахо нававид̇хамаанавасзна, д̣̇идтиг̇г̇аахо д̣̇ваасадтид̣̇идтивасзна взд̣̇ид̇аб̣б̣о.
20. ‘‘Rūpaṃ, bhikkhave, anattā’’ti kimatthaṃ āditova anattalakkhaṇaṃ dīpetīti? Tesaṃ puthujjanakālepi itaralakkhaṇadvayassa pākaṭattā. Te hi manāpānaṃ kāmānaṃ aniccatādassanena saṃviggā pabbajiṃsūti aniccalakkhaṇaṃ tāva nesaṃ ekadesena pākaṭaṃ, pabbajitānañca attakilamathānuyogato kāyikadukkhaṃ, tañca mānasassa paccayoti mānasikadukkhañca pākaṭaṃ, tasmā tadubhayaṃ vajjitvā anattalakkhaṇameva dīpetuṃ ārabhi. Tañca dīpento dukkhalakkhaṇeneva dīpetuṃ ‘‘rūpañca hidaṃ, bhikkhave, attā abhavissā’’tiādimāha. Kimatthanti? Aniccalakkhaṇatopi tesaṃ dukkhalakkhaṇassa suṭṭhutaraṃ pākaṭattā. Tesañhi attakilamathānuyogamanuyuttattā, tapparāyaṇabhāvato ca dukkhalakkhaṇaṃ suṭṭhu pākaṭaṃ, tasmā tena tāva suṭṭhu pākaṭena anattalakkhaṇaṃ dīpetvā puna tadeva tadubhayenāpi dīpetuṃ ‘‘taṃ kiṃ maññatha, bhikkhave, rūpaṃ niccaṃ vā aniccaṃ vā’’ti vakkhati. Kallaṃ nūti yuttaṃ nu. Etaṃ mamāti taṇhāggāho. Esohamasmīti mānaggāho. Eso me attāti diṭṭhiggāho. Taṇhāggāho cettha aṭṭhasatataṇhāvicaritavasena, mānaggāho navavidhamānavasena, diṭṭhiggāho dvāsaṭṭhidiṭṭhivasena veditabbo.
бан̃жаваг̇г̇ияагат̇ааван̣н̣анаа нидтид̇аа.
Pañcavaggiyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 6. бан̃жаваг̇г̇ияагат̇аа • 6. Pañcavaggiyakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жаваг̇г̇ияагат̇аа • Pañcavaggiyakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
д̇хаммажаггаббавад̇д̇анасуд̇д̇аван̣н̣анаа • Dhammacakkappavattanasuttavaṇṇanā
анад̇д̇алагкан̣асуд̇д̇аван̣н̣анаа • Anattalakkhaṇasuttavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жаваг̇г̇ияагат̇ааван̣н̣анаа • Pañcavaggiyakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бан̃жаваг̇г̇ияагат̇аа • 6. Pañcavaggiyakathā
